التسول بحثآ عن الماء بين مُقرن النيلين (الخرطوم)

والله صحى...



من يوم الخميس الفات حتى كتابة هذا البوست

السيناريو اليومى.... كل زول من الحلة شايل جردل ولافى... والسؤال المُعتاد (ماعندكم موية)

سبحان الله الناس بعد ما نست الازيار .... والله حتى الأزيار نشفت من الموية

وماتنسي... فاتورة الموية مدفوعة مُسبقآ مع الكهربا.... ولا..... مافى كهربا

وفى الحقيقة الأتنين مافى.... رُغمآ عن انك دافع قروشم مُقدمآ

تناقض غريب... مطر وسيول

وفيضان نيل

ونهر النيل وما ادراك ما نهر النيل

ومواسير تخور

وسد مروى و التصدير

والروصيرص عالى الهمة وعدمان ذمة

وبالليل شديد ماسورة شيخ يحيى فى اول المربوع بتجيب موية .. لأنو موصل من الخط الرئيسى

ومرات شحيحة ... لكن بتقضى غرض.... غير الحمام طبعآ....

لو داير تت###### امشى استحما...

الغُلاط كان فى : دا شربوت؟؟ لا دا عرديب؟؟ لا لا لا دا ثانى اوكسيد المنجنيز!!!

مصدر قريب: فى شُح فى الموية عمومآ... والبلوفة بتتقفل من الصباح للمسا للصيانة

لكن لمن نفتحا برضو الموية بسيطة...

بسيط انت ياسودانى

والعبرة خانقانى..

--
سى سى لأهل الهامش