Post: #1
Title: توقيف ابن عائلة شهيرة فى قضية مقطع الوآتس أب
Author: نعمات عماد
Date: 08-19-2014, 07:50 AM
السودانى (19\08\2014)
|
Post: #2
Title: Re: توقيف ابن عائلة شهيرة فى قضية مقطع الوآتس أب
Author: محمد فضل الله المكى
Date: 08-19-2014, 08:29 AM
Parent: #1
.
نعومه سلام
تعرفي دي بتذكرني بقصة الشابة التي دخلت محل موبايلات ، وهي تحمل روب
أطباء وسماعة ، طلبت موبايل غالي الثمن ..استلمته وانشغلت بمكالمه وهمية ،
خرجت من المحل تاركةً الروب والسماعة وكأنها تصف المحل لشخص يتكلم معها ،
واختفت تاركة وراءها روب تعبان وسماعة قديمه ، وصاحب المحل يبلع في ريقو!!؟؟
حدث ذلك قبل أقل من اسبوعين على ما أظن.
لذلك أصبحت كاميرات المراقبة ضرورية في كل المحلات التجارية والمجمعات
ومحلات الذهب والصرافات والبنوك .. وفي كثير من الدول حتى الخليجية لا يتم
التصديق بمزاولة عمل المحل إلا إذا تم تزويده بكاميرات المراقبة ..أما في العديد
من الدول الأوربيه حتى الشوارع مراقبة بالكاميرات لضبط الجريمة والمخالفات
المرورية.
بعدين ود الناس دا محتاج يسرق ولا نوع من المرض؟؟
لكِ التقدير نعمات
|
Post: #3
Title: Re: توقيف ابن عائلة شهيرة فى قضية مقطع الوآتس أب
Author: قسم الفضيل مضوي محمد
Date: 08-19-2014, 10:16 AM
Parent: #2
حكى لي أخي بأنه جاره عنده محلات بطاريات عربات وجاء نفرين لابسين بدل وكرفتات واخر عطور وقالوا ليه نحن شغالين في المؤسسة القدامك دي دكاترة وعربيتنا متعطلة داخلها فادينا بطاريتين بمقاسات مختلفة ونمشي ندور العربية ونجي نحاسبك !! اها صاحب المحل بطيبة السودانيين ديك خلاهم مشوا ولما اتاخروا عليه مشى المؤسسة القريبة منه وقال ليهم يا اخوانا في دكاترة بي بالاوصاف الفلانية جوا اخدوا مني بطاريات ... قالوا ما عندنا جماعة بالاوصاف دي ... نفس الأشخاص اتضح لاحقا انهم مشوا جمارك الحاويات ولقوا واحد داير يخلص ليه عفش المهم قالوا ليه نحن شغالين وبنطلعوا ليك بأقل جمارك واخدوا منه فاتورة الاستلام واستلموا العفش نيابة عنه تاني يوم الصباح بدري قبل ما يجي صاحب العفش واختفوا ... نفس الاشخاص مشوا ام درمان وحاولوا يخدعوا احدى الاخوات الشغالات في مجال التجارة ولكن الحاجة قعدت تكورك لغاية ما قبضوا عليهم ناس السوق ... واتضح لاحقا انهم نفس الأشخاص أصحاب القصتين الأولتين ... دائما المظاهر بتكون خداعة وبتكون سبب في الاحتيال فعلى الجميع الانتباه وزي ما قال اخونا محمد فضل الله بضرورة توفير كاميرات في المحلات وبالذات التي تبيع الأشياء الثمينة مثل الذهب والموبايلات ... اليويتوب مليان مقاطع سرقة من المحلات
|
Post: #7
Title: Re: توقيف ابن عائلة شهيرة فى قضية مقطع الوآتس أب
Author: نعمات عماد
Date: 08-19-2014, 02:52 PM
Parent: #3
سلام قسم الفضيل
أحيانا الطيبة حقت السودانيين ما فى محلها أبدا ...
يمكن محتاجين برنامج متلفز عن كيف تتجنب المحتالين ؟
كاميرات المراقبة هى الحل لأصحاب العمل و للمنازل كمان .
تحياتى
|
Post: #4
Title: Re: توقيف ابن عائلة شهيرة فى قضية مقطع الوآتس أب
Author: حاتم إبراهيم
Date: 08-19-2014, 10:38 AM
Parent: #1
السوداني لا يتعامل بالرسميات بل بالعرف الأهلي.
في التعاملات المالية:
- السوداني يخجل من المطالبة بمتبقي المال من حقه.
- السوداني يخجل من عد النقد أمام من قام بتسليم المال له.
- السوداني يخجل من مطالبة الشاري تسديد ما عليه حسب الضوابط المعمول بها.
- السوداني يخجل من الحديث في تفاصيل الأمور المالية عموماً.
الغريبة: لا يشعر السوداني بالحياء عند طلب المال من معارفه أو حتى عند الضرورة من غير المعارف.
|
Post: #5
Title: Re: توقيف ابن عائلة شهيرة فى قضية مقطع الوآتس أب
Author: تبارك شيخ الدين جبريل
Date: 08-19-2014, 01:45 PM
Parent: #4
لو كنّا تحت راية الله في خلافة أمير المؤمنين ابوبكر البغدادي لما حدث هذا ...
اللهم اهد السودان سبل الرشاد والدولة الإسلامية في العراق والشام ومقاصد نعمات عماد السمحاء ...
... المهم ....
|
Post: #8
Title: Re: توقيف ابن عائلة شهيرة فى قضية مقطع الوآتس أب
Author: نعمات عماد
Date: 08-19-2014, 03:04 PM
Parent: #4
| Quote: الغريبة: لا يشعر السوداني بالحياء عند طلب المال من معارفه أو حتى عند الضرورة من غير المعارف. |
مضحك و حقيقى هذا التعليق يا حاتم .
تعجبنى طريقتك فى تلخيص و عرض أرآءك .
السودانىن نوعين المذكور فى المقتبس أعلاه و المذكور فى بداية مداخلتك ! و الله أعلم
تحياتى .
|
Post: #6
Title: Re: توقيف ابن عائلة شهيرة فى قضية مقطع الوآتس أب
Author: نعمات عماد
Date: 08-19-2014, 02:38 PM
Parent: #1
Quote: لذلك أصبحت كاميرات المراقبة ضرورية في كل المحلات التجارية والمجمعات
ومحلات الذهب والصرافات والبنوك .. وفي كثير من الدول حتى الخليجية لا يتم
التصديق بمزاولة عمل المحل إلا إذا تم تزويده بكاميرات المراقبة ..أما في العديد
من الدول الأوربيه حتى الشوارع مراقبة بالكاميرات لضبط الجريمة والمخالفات
المرورية.
بعدين ود الناس دا محتاج يسرق ولا نوع من المرض؟؟ |
سلام محمد فضل الله المكى
صفحة الجريمة فى أى صحيفة سودانية ،مليانة بأنواع غريبة من الاحتيال
و القتل من أجل مبالغ قليلة جدا من المال . بعض الجرائم يرتكبها شباب
أدمنواعلى المخدرات فهم يسرقون أو يحتالون وربما يقتلون لشراء المخدر .
ومن حين لآخر تسمع أنه هناك من يستهدف طلبة المدارس و الجامعات
بالحشيش و المخدرات و لكن لا احصائيات توضح حجم المشكلة .
غايتو ربنا يستر .
تحياتى أستاذنا ود المكى .
|
Post: #9
Title: Re: توقيف ابن عائلة شهيرة فى قضية مقطع الوآتس أب
Author: تبارك شيخ الدين جبريل
Date: 08-19-2014, 03:46 PM
Parent: #6
غياب الوازع السلفي الداعشي والعياذ بالله ... 
... المهم ....
|
Post: #10
Title: Re: توقيف ابن عائلة شهيرة فى قضية مقطع الوآتس أب
Author: Elhadi
Date: 08-20-2014, 02:13 AM
Parent: #9
العربية الشردوا بيها زاتو لو أصحاب المحل شدوا حيلهم شوية كان لحقوهم
وقت جايين يسرقوا ما يجوا بعربية رجال
|
Post: #11
Title: Re: توقيف ابن عائلة شهيرة فى قضية مقطع الوآتس أب
Author: Elhadi
Date: 08-20-2014, 03:02 AM
Parent: #10
|
|