يا جماعة ماله الضفادع استهدوا بالله (( لربما صدق حميدة وكذب ود تكتوك ))

لم اسمع يوماً بان كانت هناك دعوة للشعب السوداني لأكل الضفادع ولا عن انه اضطر لاكل القنعوج بغرض تجفيف المتستنقعات
او بسبب مجاعة المت به الكوارث والضيقات الاقتصادية التي تمر به عبر تاريخه الطويل
ولكن الثابت بانني سمعت قصة عن ابونا الشيخ فرح ود تكتوك طيب الله ثرأه حكاه لي جدي لمناسبة ما
قال
يحكى بان الشييخ فرح ود التكتوك زاره في منزله احد عماله بهدف خطبة ابنته
لم يرفضه الشيخ
وكبرت في نفسه ان يكون مانعاً لزواج فيصبح حديث البلدان
فقال للخاطب خيراً انشاء الله
ولكن لدي شرط اساس
سال العامل الشيخ في لهفة
وما هو الشرط يا ابوي الشيخ
فاجاب الشيخ فرح ود تكتوك
ان تكون هناك وليمة كبيرة لجميع اهل البلد وان تقدم على الموائد الضفادع وجبة اساسية
احتج الخاطب بشدة على طلب الشيخ
قائلاً
كيف نعزم الناس على الضفادع يا ابوي الشيخ
فساله الشيخ فرح ود تكتوك
ماله الضفادع حرام يا ولدي
فاجب الخاطب
لا ما حرام
لكن اكلها عياف يا ابوي الشيخ
فرد الشيخ في سرعة
انت كمان يا ولدي ما حرام
لكن ابلغتني ابنتي بانها تعافك
وهكذا خرج الشيخ فرح ود تكتوك من ورطته
نحن الان لا نطالب حميدة بان يكون في حكمة ووعي الشيخ فرح ود تكتوك فيما يخص اكل الضفادع
وقد تكون هناك فوائد صحية ودنيوية فيما يخص اكل الضفادع وقد تسهم افكار حميدة لاول مرة في تمزيق فاتورة اللحوم
بعد ان فشل الرجل فشلاً ذريعاً في ان يخط لاسمه حسنة واحدة من الممكن ان يقال بانها تحسب لصالحه غير الدمار والخراب
للمستشفيات والتهجير الذي حدث للكوادر الطبية المؤهلة
فضلاً عن ملاحقتهم وقطع معايشهم
سنقول هذه المرة لحميدة نعم لاكل الضفادع وتجفيف المستنقاع
بشرط اساس ان تكون هناك دعوة مشهودة وعلى الميادين العامة لك ولاسرتك
وكل قيادات وزارة الصحة
اضافة للقادة السياسيين وكافة المؤالين للمؤتمر الوطني
واسرهم على ان تكون الوجبة الميدانية مشهودة من كافة القنوات الفضائية
وان تكون الوليمة التي ستهزم اسعار اللحمة بمختلف انواعها
تقدم من خلال هذه الوليمة الضفادع بكافة اشكالها
ضفادع على الصاج
ضفادع على الجمر
ضفادع حلة
ضفادع شرايح
ضفادع بالويكة
ضفادع نص استوا
ولا باس من مشروبات بنكهة الضفادع
لحظتها سنقول نعم لاكل الضفادع وتباً لحكمة ابونا الشيخ فرح ود تكتوك وسداحة المعارضين
وسندخله قائمة الافذاذ بجدارة واستحقاق

السادة المعنين بالدعوة
اختاروا من يناسبكم

Quote: بشرط اساس ان تكون هناك دعوة مشهودة وعلى الميادين العامة لك ولاسرتك وكل قيادات وزارة الصحة

ياخي ديل أكلوا الحرام ما ياكلوا ليك ضفادع؟؟؟؟؟؟!!!!!!!!!! ديل حياكلوا الضفادع وحيكدوا ويمقرشوا العضام ويمصوا مخ العضام زاتو!!!!!!!!!!!

Quote: ياخي ديل أكلوا الحرام ما ياكلوا ليك ضفادع؟؟؟؟؟؟!!!!!!!!!! ديل حياكلوا الضفادع وحيكدوا ويمقرشوا العضام ويمصوا مخ العضام زاتو!!!!!!!!!!!

بتفتكر كده يا عثمان اخوي
ومال الموائد المكتظة بكل ما لذ وطاب يخلوها لمين ؟
ومع ذلك متوقع منهم
ويكونوا على الاقل كسروا لينا حكمة ابونا الشيخ فرح
ولقوا ليهم كم مقرفين يسير على هدى مطاعم
الضفادع لاشهى الماكولات

اخي ابوروضة سلام ومحبة،،معزوم معانا شية قعونج .. ،،، عليكم بالقعونج،،،فقد افتي به الخليفة المامون...فهو احلي مرقا،،واشهي لحما،،واهش عظما،،وفوائده معروفة،،جلاب للسرور،،بعاد للمرض والقبور،خفيف علي الجيوب،،خال من الغش والعيوب..قال محدثي،،،قيل في الاثر،،ماهلك قوم نق قعونج في مدائنهم،،ولعله السبب في ذكاء الفرنجة،،ولطف اهل باريس،،وكثرة اهل الصين وشغلهم كديدبانات..
اللهم الطف بالقعونج من اهل السودان،،فقد وقع معهم وما سما..

حبيبنا عبدالعزيز عثمان
في بوست بالمنبر هنا قالوا البيهقي قال اكل القعنوج حرام لان في صوته تسبيح
وهنا راي للخليفة المامون يدعونا الي ما دعاء اليه وزير الصحة العاجز مامون حميدة
ونحن برأي الشيخ فرح ود تكتوك نعتز
لحظة قال لعامله
انت كمان كما القعونج ما حرام لكن معاف
في تقديري الشيخ فرح ود تكتوك فهم ووعي مزاج هذا الشعب و########ه وانفته
اكثر من هؤلاء الاغبياء
تخريمة
في بوست اخر
بريمة قال اكل القعونج شي مفيد وعلامة من علامات الشعوب الراقية
لان الشعب الياباني مولع باكل القعونج
والحقيقة لا نحن مجبرين اليابانيين على اكل الويكة ولا مندهشين لاكلهم للقعونج
واهلنا بقولوا اكل البعجبك والبس البعجب الناس
وانحنا لا القعونج عاجبنا ولا حميدة ولا البناولوا الطين
لك خالص التقدير والاحترام