مبروك لإبني حليم محمد آدم .. دخل جامعة ساسكاتشوان بنسبة 98.14%

الحمُد والشُكر لله أولاً وأخيّراً ...
حليم محمد آدم واحد من المتفوقين بالمقاطعه وعلي مستوي كندا لعام 2014 .
:
Getting 100% in Pre-calculus 30's and 100% in Calculus -
behind that he getting 99% in Biology
Awards that he recieved: 0
Govern General Award given to the top graduating student -
Top student of grade 11 and 12 -
General Proficiency Award Presented by the Government of Saskatchewan -
As well as he receiving $400 as a recipient of the M.R.C.I Alumni Bursary -
$1500 From the board of education -
$16400 Scholarship from the University of Saskatchewan -
$3000 From the University of Saskatchewan given to those whose average is higher than 95% called the Geryhound Scholarship -
Accepted into the prestigious Canadian summer program- last July- called Shad Valley -
.And finally he has been working in the labs of the University of Saskatchewan, researching into Hepatitis C and its replication cycle -
Haleam, plans to become an Industrial Pharmacist, researching, developing and testing new drugs.

التحيّه لحليم محمد آدم وعقبال لكُل أولادنا باالوطن وبالدياسبورا.....
.

مبروك لحليم ..
وأقر الله به عينكـ ..
وجعله بارا بوالديه ..
ذخرا لامته ودينه ....

CONGRATULATION FOR HALIM MOHAMMED ADAM

الاف التهاني والتبريكات الاخ محمد ادم
ومزيدا من النجاحات والتفوق لابنكم

نعم الاله على العباد كثيرة واجلهن نجابة الابناء
جعله الله ذخرا لكم و للوطن و قر به عينك و لا بد أن هذه شهادة لكم و للأسرة بأنكم قد كنتم منصة إنطلق منها عاليا
نتمنى له التوفيق و السداد

Quote: مبروك لحليم .. وأقر الله به عينكـ .. وجعله بارا بوالديه .. ذخرا لامته ودينه ....

شكرا أخي جمال أنا .سعيّد بهذه المُباركه.. تقبل الله منكم هذا الدعاء زان يجعل حليم ذُخراً لأمته.. كما نسأل الله أن يوفق الجميع..
.

Quote: CONGRATULATION FOR HALIM MOHAMMED ADAM

Brother Hamoody thank you so much for supporting my son's success .

ألف مبروك لإبننا.
نتمنى له المزيد من التفوق، وربنا يحفظو...

الف مبروك مع أطيب الأمنيات بمزيد من التوفيق والنجاح
وآخر مرة سمعنا بساسكاتشوان في حصص الجغرافيا في الستينات وكان اسم ليهو رنه

الف مبروك مع أطيب الأمنيات بمزيد من التوفيق والنجاح

.أخونا بكري أبوبكر تستاهل الخير وزياده ولكل من تحب وتهوي ..
لك مني ألف شكر على هذه المُباركه الطيبه بنجاح إبننا حليم..
نسأل الله له السداد والتوفيق..
لقد رفع رأسنا كسودانيّن بمدرسته ، بالذات في يوم تخريجه الكان فيه حشد من مختلف دول العالم الأخري ..
حليم هو الالقي خطاب التخريج وذلك بترشيحه من قبل الجمعيّه العموميّه للطلاب Valedictorian.

ألف مبروك لحليّم وعقبال النجاح - بالتميّز - لكُل أبنائنا والفرحه تغمر كُل بيت سوداني .
..

حاجة تمام حليم يا محمد آدم

ما شاء الله لا قوة الا بالله

ربنا يحفظو و يسدد خطاه انشاء الله

نعمة من نعم الله العديدة رؤية نجاح أبناءنا

شئ مفرح و يفتح النفس يا محمد

يا محمد ادم الف مبروك للشاب حليم.

لكنه ذكاء امه الذي نعرفه (هههههههههههههه)!

التحيه لك وليها و عقبال اخوانه.بحياتك.

ما شاء الله .......
رفع حليم راسنا فوق قدام الخواجات........
كراهم كر...........
الف مبروووك لحليم

والف مبرووك .......ليك و لمدام..........
اكيد ده شغلها........انت وين من عجاج المنابر و
مشغوليات وهموم الوطن...ووووو...فيما....كانت
تعد في هذا العبقري..........
الف مبرووك وفي انتظار الفتوحات
العلمية لهذا العبقري.

Quote: نعم الاله على العباد كثيرة واجلهن نجابة الابناء جعله الله ذخرا لكم و للوطن و قر به عينك و لا بد أن هذه شهادة لكم و للأسرة بأنكم قد كنتم منصة إنطلق منها عاليا نتمنى له التوفيق و السداد

الحبيب الخلوق أخونا عمر عبد الله عمر، كتر خيرك ياعزيزي علي هذه الشهاده الطيبه الصادقه وهي تاج يضعه كل والد - فخراً - علي جبيّنه وعقبال يا أبوعمير الفرحه تعم الجميع.
.

ما شاء الله!
مبارك لك أخي محمد آدم!
ومبارك للابن حليم!
مع خالص الأمنيات بدوام التفوق والنجاح!
وإلى الجنّة!

الف مبروك لحليم و لوالديه.
هذا نجاح باهر ...
و الي الأمام

ماشاء الله وتبارك الله
ربنا يحفظو من العين والمرض الشين ويديم عليهو النجاح والتفوق
عايزين نصايحكم عشان نعرف نطلع اولاد ناجحين زي ولدك دا في الغربة الصعبة دي
التهاني موصولة للوالدة ،،

يا حبيبنا محمد آدم
ألف مبروك لحليم ولكم ولنا جميعا

ومزيد من النجاح والتفوق والحفظ يا رب


ياسر

ألف مبروك استاذ محمد ادم لحليم..
نسأله تعالى أن يحفظه واخوته ويعليه...

ياخ انت جارنا!!!

ألف مبروك للابن حليم والتهانيء موصولة لوالدته ، والده محمد آدم ...

الف مبروك ليك ولي حليم ووالدته
ووالله 98 في الميه نسبة مدهشة جدا وما يقدروا عليها الا العباقرة والمتفوقين بجد
وعقبال الماجستير والدكتوراه
والله فرحت معاكم فرحة شديدة
والله يديكم العافية

مبروك لحليم ..
وأقر الله به عينكـ ..
وجعله بارا بوالديه ..
ذخرا لامته ودينه ....

ألف ألف مبروك لحليم هذا التفوق وعقبال نراه يرتقي أعلى الدرجات العلمية

الأخ احمد أدم
سلام

مبروك النجاح الباهر لإبنكم النجيب ما شاء الله ربنا يحفظو ويوفقوا .. وعقبال الدكتوراة

الف مبروك لحليم وامه وابوهو


سعدنا جدا بالتفوق ده

ربنا يوفقه ويسعدكم بي نجاحه يا محمد

Quote: ألف مبروك لإبننا. نتمنى له المزيد من التفوق، وربنا يحفظو...

كتر خيرك أخونا معاويه..نسأل الله أن يحقق هذه الأمنيات .. حفظك الله من كُل سوء..
.

Quote: الف مبروك مع أطيب الأمنيات بمزيد من التوفيق والنجاح وآخر مرة سمعنا بساسكاتشوان في حصص الجغرافيا في الستينات وكان اسم ليهو رنه

أهلاً بأخونا عبد الله عباس .. بارك الله فيّك ويارب دائماً تكون أمانيّك متحققه وسعيّده عليّك وعلي الكُل..
ياخوي .. ياحليّل الزمن الجميّل زمن الـ 60 ، 70 ، وحتي أواسط الثمانينات .. وطنا كان تمام التمام .. السوداني ماكان بيقبل يخرج من وطنه إلا ماندر!!!!
مقاطعة ساسكاتشوان بلاد بكره واعده ، نسأل الله أن يزيد من خيّرها وأن يوفق الناس القائمين بأمرها.
.

من نعم الله علي العبد نجاح الأبناء
الف مليون مبرووك نجاح الابن حليم وربنا يوفقه اكثر وأكثر ومزيد من التقدم والرقي

Quote: الف مبروك مع أطيب الأمنيات بمزيد من التوفيق والنجاح

أهلاً بالزميّل عبد المنعم سيد أحمد .بارك الله لك في عُمرك وفي ذريّتك وأن يديم عليك الصحه والعافيّه.
.

ما شاء الله .

ألف مبروك التفوق الباهر .

جعله الله من العلماء المتميزين .

Quote: Industrial Pharmacist, researching, developing and testing new drugs

ألف ألف مبروك لحليم ولوالديه. شهادة مميزة للغاية وتفوق بائن.
أمنياتنا له بأن يكون أحد بناة الوطن بالعلم والتفكير خارج المألوف آوت اوف ذا بوكس حليم هو . الشبل ابن الأسد.

الأخ/محمد
مبروك للوليد ،رفع رأسنا ربنا يرفع من مقامه
وعقبال لأخوانه ونسأل الله ان يحفظم ويطول عمركم
حتى تراهم في المراتب العليا.

تحياتي للعيال

*** مبرووووك الف الف

Quote: الف مبروك لحليم و لوالديه. هذا نجاح باهر ... و الي الأمام

التحيّه لحليم محمد آدم وربنا يوفقه ومن نجاح الى نجاح

Quote: حاجة تمام حليم يا محمد آدم ما شاء الله لا قوة الا بالله ربنا يحفظو و يسدد خطاه انشاء الله  نعمة من نعم الله العديدة رؤية نجاح أبناءنا  شئ مفرح و يفتح النفس يا محمد

الأخ يحي قباني .. كتر خيرك علي هذه التهنئه الحاره ،
ويارب ديماتي تتهنأ بأولادك وأحبابك.نعم يا أخي ، هذه نعمه من نعم الله والذي هو مصدر كُل خيّر..
ونحن جاهزين لفيضه علينا مهما يكن ذلك الفيض - لأنه خير صرف..عقبال نفرح بفيض هذه النعمه
علي الجميع.
.

Quote: يا محمد ادم الف مبروك للشاب حليم. لكنه ذكاء امه الذي نعرفه (هههههههههههههه)! التحيه لك وليها و عقبال اخوانه.بحياتك.

الأخت بت الخاله تراجي مصطفي .. تشكري علي تهنئة إبنك حليم.وعقبال نفرح بجديد وليداتك.. حليم مازال يتذكر حازم وسند (بالذات عيد ميلاد سند 2004).
نعم يا تراجي، الأخت والحبيبه مريا سودارشني والملقبه بـ (ماجده) هي كانت زوجتي وأم أولادي (الإكس وايف) وفعلاً تتمتع بذكاء وصفاء روحي ..
نادرة المثال ربنا يديها العافيه ويطول في عمرها ومن هُنا وعبرك أزف أعطر تحايانا لها أينما كانت هي ..كذلك ومن هنا - أيضاً - أسأل الله للزوجه ،
والحبيبه ، والصديقه الأستاذه نوره عليّ أن يرحمها رحمةً واسعه وأن يبدل شبابها بالنعيم الأبدي يارب ، لها الرحمه كانت سنداً لنا أبان فترتنا بالسودان .
كذلك نزف التهاني إلي الزوجه الغاليّه التومه إبراهيم والتي حضرت إلينا من السودان قريباً..يا أخت تراجي ذلك مالزم توضيحه بالنسبه لإيحائك - أعلاه....
وكذلك له علاقه بمضمون نجاح إبنك حليّم وماتعرضنا له كأسره مكونه من أب لمفرده.، والطريق كان محفوف بأحداث مؤلمه وأخري كانت جميّله وفي
النهايه نحن راضون بتسير الله علينا- مهما يكُن ذلك ..لأن في النهايه تسير الله خيّر محض.
بالمناسبه، يا أخت تراجي ، إنتِ أول شخص يعلم بأني وبالذات بكندا ، ربيت أولادي لوحدي (حضانه كامله) يعني من الحُميات بتاعة الشفع وتغير الدايبر
والكواريك والواجب اللمنزلي والمدرسي وكُل الهوس الكتير بتاع الشفع البتعرفيّه داك ، كمل في "صنقور" راسي لامن شعري صار أبيض!!
وكان ذلك من أواخر 2004 وحتي قدوم الحبيبه والرفيقه التومه إبراهيم بتأريخ تأريخ مارس 2014 ..
رغم كدا يا تراجي أنا مهموم بمعاناتك كأم صابره تقوم بواجب أطفالها علي أكمل وجه وتربية الأطفال ماساهله وبالذات لما تكون في الغربه
قطعاً مابيعرفها الرجل العادي مالم يكون فعلاً مرّ بالمتاعب المصاحبه لها..فمن هُنا نسأل الله أن يهنيّكِ بوليداتك .. وعقبال ياتراجي دوام الصحه والعافيه..
.

الف مبروك لحليم يا محمد وعقبال المزيد من النجاحات والتفوق

محمد آدم

اولا بركه العوض الله صبرك خيرا.

والابن البكر لو فتح الدرب اخوانه بيتبعونه باذن الله.

اعلم مسؤلياتك ك ( Single Dada) وربنا يغطي عليهم

كان مشوار طويل بحق ونعرف اغلب تحدياتك فيه.

ولكننا نتحدث عن ذكاء فطري انا معاك لو كانت التحديات الحولهم مدمره لاثرت علي ذكائهم الفطري.

فكثر خيرك ان حفظتهم مما يعوق ذكائهم.

السيده ماجده جدا مميزه اكاديميا و انت ادري بذلك.

وبعدين ما تاخد كل االمور بحساسيه لعلمك وفي هذا المكان حينما جاء صدقي كبوا يكتب عن نجاح ابنه دخل د.صلاح بندر وكتب ليه التحيه للوالده!

لانه كفرد لصيق بالاسره يعرف عطائها.

اخيرا مبروك قدوم الاخت التوم ابراهيم و ربنا يخليها لك و يساعدها علي التاقلم السريع علي تحديات الغربه.

Quote: الأخت بت الخاله تراجي مصطفي .. تشكري علي تهنئة إبنك حليم.وعقبال نفرح بجديد وليداتك.. حليم مازال يتذكر حازم وسند (بالذات عيد ميلاد سند 2004). نعم يا تراجي، الأخت والحبيبه مريا سودارشني والملقبه بـ (ماجده) هي كانت زوجتي وأم أولادي (الإكس وايف) وفعلاً تتمتع بذكاء وصفاء روحي .. نادرة المثال ربنا يديها العافيه ويطول في عمرها ومن هُنا وعبرك أزف أعطر تحايانا لها أينما كانت هي ..كذلك ومن هنا - أيضاً - أسأل الله للزوجه ، والحبيبه ، والصديقه الأستاذه نوره عليّ أن يرحمها رحمةً واسعه وأن يبدل شبابها بالنعيم الأبدي يارب ، لها الرحمه كانت سنداً لنا أبان فترتنا بالسودان . كذلك نزف التهاني إلي الزوجه الغاليّه التومه إبراهيم والتي حضرت إلينا من السودان قريباً..يا أخت تراجي ذلك مالزم توضيحه بالنسبه لإيحائك - أعلاه.... وكذلك له علاقه بمضمون نجاح إبنك حليّم وماتعرضنا له كأسره مكونه من أب لمفرده.، والطريق كان محفوف بأحداث مؤلمه وأخري كانت جميّله وفي النهايه نحن راضون بتسير الله علينا- مهما يكُن ذلك ..لأن في النهايه تسير الله خيّر محض. بالمناسبه، يا أخت تراجي ، إنتِ أول شخص يعلم بأني وبالذات بكندا ، ربيت أولادي لوحدي (حضانه كامله) يعني من الحُميات بتاعة الشفع وتغير الدايبر والكواريك والواجب اللمنزلي والمدرسي وكُل الهوس الكتير بتاع الشفع البتعرفيّه داك ، كمل في "صنقور" راسي لامن شعري صار أبيض!! وكان ذلك من أواخر 2004 وحتي قدوم الحبيبه والرفيقه التومه إبراهيم بتأريخ تأريخ مارس 2014 .. رغم كدا يا تراجي أنا مهموم بمعاناتك كأم صابره تقوم بواجب أطفالها علي أكمل وجه وتربية الأطفال ماساهله وبالذات لما تكون في الغربه قطعاً مابيعرفها الرجل العادي مالم يكون فعلاً مرّ بالمتاعب المصاحبه لها..فمن هُنا نسأل الله أن يهنيّكِ بوليداتك .. وعقبال ياتراجي دوام الصحه والعافيه.. .

ربنا يبارك لك في اخوته الاخرين

ويجنبه هو ايضا شرور العين وقول ليه ماشاء الله تبارك الله.

والجماعه عارف ماشاء الله لو بتذكروا حازم وسند وعيد ميلاد 2004 لانهم فعلا كانوا شويه اكبر منهم .

الجماعه سلم عليهم وربنا يحفئظهم.

Quote: ما شاء الله ....... رفع حليم راسنا فوق قدام الخواجات........ كراهم كر........... الف مبروووك لحليم والف مبرووك .......ليك و لمدام.......... اكيد ده شغلها........انت وين من عجاج المنابر و  مشغوليات وهموم الوطن...ووووو...فيما....كانت  تعد في هذا العبقري.......... الف مبرووك وفي انتظار الفتوحات  العلمية لهذا العبقري.

أخونا د. بشاره صقر.. كيف الحال يا أخي وإزّي الأهل.
كتر خيرك علي هذه التهنئه الدافئه بنجاح إبنك حليم ..
يارب تبارك ليّك ملائكة الرحمان..
نعم المشغوليات حاصله ولكن هي ليست عذر لتأجيل المسائل الوطنيّه لأنها مسائل نبيله.
لكن زّي ما قلت هنالك طُرق عده الواحد ممكن يسلكها من أجل نصرة الوطن ..
ونحنُ دعاة سِلمْ وفي نفس الوقت سلميّن..همنا الوحيّد .. أن ينعم عالمنا بسلام وأن
ينبذ العنف بقدر المُستطاع .. أما الوطن ... أبداً ما ببنخليهو
ودائماً هو داخل حدقات العيون..
.

Quote: ما شاء الله! مبارك لك أخي محمد آدم! ومبارك للابن حليم! مع خالص الأمنيات بدوام التفوق والنجاح! وإلى الجنّة!

أهلاً بالأخ صلاح عباس فقير..
ألف مرحب بيّك وبارك الله فيّك وأن يجعل النجاح حليفاً للكُل.
كتر خيرك يا اخي..
.

Quote: الف مبروك لحليم و لوالديه. هذا نجاح باهر ... و الي الأمام

شكرا ليك أخونا محمد سليمان وعقبال يهنوك عيالك..
.

Quote: ماشاء الله وتبارك الله ربنا يحفظو من العين والمرض الشين ويديم عليهو النجاح والتفوق عايزين نصايحكم عشان نعرف نطلع اولاد ناجحين زي ولدك دا في الغربة الصعبة دي التهاني موصولة للوالدة ،،

الاخت رشا سالم .... كتر خيّرك علي صدق هذه المُباركه وربنا يبارك ليكي في عُمرِك.
مادام توسمتي فيني الخير وسألتيني عن تجربتي تجاه تربية أبنائي أبداً ، ما حابخل لكِ بها.. ولتكن بمثابة هبه للجميّع بمناسبة فرحتنا بنجاح حليم...
حأسردها ليكِ ، بكل إخلاص ومن أعماقي.. وهي قطعاً تجربتي الخاصه قد يجوز تناسب بعض وقد يجوز لاتناسب البعش الآخر.
وذلك قد يرجع لعدة أسباب نتجنب ذكرها هنا لضيق المساحه.. لكن... كتمهيّد لتلك انصائح:
بحكم اولادي كانوا ذكور ، ما كُنتا بنعاني من بعض التفاصيل الدقيقه التي تواجه البنات فما كان عندنا خصوصيّه - بالذات -
عند زيارتنا للأهل والأحباب أو عند زيارتهم إلينا بالمنزل يعني كُنا ضكاره بالبيت لا أمسح وجهك "بكركار" ولا أمشي الكوافير سرح شعرك
بباندات وكل التفاصيل الدقيقه بتاعت البنيات ديكا ...ههههههههههه..المهم .بقول للواحد ألبس قميصك وأطلع!!!.
فإلي تجربتي:
1- مابضرب أي طفل مهما يكون السبب ولكن هنالك أسلوب "وضع يديّه علي الحيّطه لامن يتمطا" أو منعه من أشياء هو بيحبها.
2- بخليهو يعبر عن نفسه أمام الضيوم مهما تكن خرمجتو مابطردو بخليّهو يجابه غيرو بغرض الشجاعه الأدبيه.. يعني راخي ليهو الحبل.
3- مسلمو مسئوليه في تدبير المنزل (بنقسم المهام علي بعضينا إسبوعيّاً) واحد ياخذ كورسات في فن الطبيخ وآخر في الكومبيتر ليتم تطبيقها
في البيت .. وهكذا...
4- واجباته المدرسيه تتعمل (بشكل راتب) وهي خط أحمر.. ماعارف حاجه يبحثها (مني، من أخوه، من زميّلو ، من النت، من المدرسه من ناس
الشارع.. المهم يجد ليها حل قبل الدو ديت بتاعها).اقسم بالله أحياناً أنا بنفسي بمشي أفتش حلول لبعض المسائل الرياضيّه كادر المكتبات أو قد إتصل بمعلميهم).
5- كُل اسبوع علي الأقل بناقش مواضيع تهم الإنسانيّه وبالذات مسائل الوجود!.
6- ياخدوا تمارين رياضيه علي الأقل في الإسبوع مرّه
7- ممارسة التأمل وبالذات قبل النوم وهذه عندنا بشكل راتب ممكن تعتبرينها (صلوات).
8 - زيارات إلي بعض المرافق المهمه بالمديّنه وبالذات زياراتنا للمتاحف ، بعض مكاتب المسئولين بالمديّنه (العمده، ممثل الحكومه بالحيّ)
وكذلك المكتبات، والسينمات.. هنالك بعض الزيّارات قمنا بها وهي في غايه من الأهميّه بالنسبه للمراهقين:
وهي من باب (دق القراف للجمل ) وتعتبر لفته مُبكره تحصن الطفل من الإنحراف بعدما يتعرف علي شكل العقوبه!
وهذه الزياره كانت لسجون الأطفال لنزورهم ونتفقد أحوالهم وذلك لسببين سبب إنساني وآخر كما أسلفت لتوعية
الطفل بعقوبة المسلك الخطأ.. وعند رجوعنا نناقش هذه الأشاء من عدة جوانب وبتفاصيل مُملّه..
9- سافرنا كثير لبعض الدول وكنا في كُل سفره بنوثقها وعند العوده بناقشها بتفاصيلها الدقيقه بغرض التثقيف وغرض آخر "مطّ وعيّهم"
"التأمل التراجعي" بإلقاء خطاب أمامنا بأثر تراجعي وبكل تفاصيله ومن ثم تتم مناقشته لاننا عشنا الحدث سوياً ومن ثم نقوم
بتصويبه أو الإشاده به.
10 - حوافز رمزيّه بقدمها ليهم - علي حسب مقدرتي الماليّه - بالذات أشياء تكون جاذبه لميولهم.
11- أشجع تفاعلهم ومشاركتهم في المناسبات السودانيّه ، الجاليات الأخري، والكنديّه التي تقوم بالمديّنه .. كما أشجع صداقاتهم مع الغير.
بجانب فعالية ماسبق علي تربية الأبناء ، هنالك سبب آخر له أهميّه بالغه علي تحسين وعيّ الطفل لم أذكُره هنا تحاشياً من أن يُفسر خطأ..
ولكن ماعندي مانع أن أرسله لكِ أو للزملاء بهذا المنبر أو للذين من خارجه. بشرط أن يطلبه مني الشخص المعني...
مع التقدير.
.

Quote: الاف التهاني والتبريكات الاخ محمد ادم ومزيدا من النجاحات والتفوق لابنكم

مرحبتين أخونا عبد الله شم ..
كتر خيرك علي هذه التهنئه وياريت تتهنأ بجميل أولادك.
.

Quote: يا حبيبنا محمد آدم ألف مبروك لحليم ولكم ولنا جميعا ومزيد من النجاح والتفوق والحفظ يا رب

أهلاً بالحبيب الإنسان ، د. ياسر المليح.
كتر خيرك يا أخي علي هذه المُباركه وإن شاء الله يارب
نبتهج بجديد أولادك وحبايبك..
.

Quote: ألف مبروك استاذ محمد ادم لحليم.. نسأله تعالى أن يحفظه واخوته ويعليه... ياخ انت جارنا!!

أهلاً بأخونا خالد المهدي ..
يحفظك الله وياريت دائماً تكون عالي مع أولادك وحبايبك..
نعم يا حبيبي - ومن فضل الله علينا - نحنُ علي مرمي حجر
من بعضيّنا. وصل تحايانا للأسرتك الكريّمه.
.

مبروك النجاح الباهر وشكرا علي هذه المحاضره المجانيه في التربيه ..

Quote: 1- مابضرب أي طفل مهما يكون السبب ولكن هنالك أسلوب "وضع يديّه علي الحيّطه لامن يتمطا" أو منعه من أشياء هو بيحبها. 2- بخليهو يعبر عن نفسه أمام الضيوم مهما تكن خرمجتو مابطردو بخليّهو يجابه غيرو بغرض الشجاعه الأدبيه.. يعني راخي ليهو الحبل. 3- مسلمو مسئوليه في تدبير المنزل (بنقسم المهام علي بعضينا إسبوعيّاً) واحد ياخذ كورسات في فن الطبيخ وآخر في الكومبيتر ليتم تطبيقها في البيت .. وهكذا... 4- واجباته المدرسيه تتعمل (بشكل راتب) وهي خط أحمر.. ماعارف حاجه يبحثها (مني، من أخوه، من زميّلو ، من النت، من المدرسه من ناس الشارع.. المهم يجد ليها حل قبل الدو ديت بتاعها).اقسم بالله أحياناً أنا بنفسي بمشي أفتش حلول لبعض المسائل الرياضيّه كادر المكتبات أو قد إتصل بمعلميهم). 5- كُل اسبوع علي الأقل بناقش مواضيع تهم الإنسانيّه وبالذات مسائل الوجود!. 6- ياخدوا تمارين رياضيه علي الأقل في الإسبوع مرّه 7- ممارسة التأمل وبالذات قبل النوم وهذه عندنا بشكل راتب ممكن تعتبرينها (صلوات).

Quote: ألف مبروك للابن حليم والتهانيء موصولة لوالدته ، والده محمد آدم …

كتر خيرك أخونا الفاضل:
قسم الفضيل ..
ستصل تهانيّك بإذن الله..
دايماً ، ربنا يهنيك بالخيّر..
.

Quote: جعله الله ذخرا لكم و للوطن و قر به عينك و لا بد أن هذه شهادة لكم و للأسرة بأنكم قد كنتم منصة إنطلق منها عاليا نتمنى له التوفيق و السداد

محمد ادم،
ياخ انت بطل، وحليم بطل ابن البطل،
واخوانه ابطالا، ابناء البطل ....
هنيئا لك، يا لك من مقاتل فريد....
تسلم ..............

Quote: الف مبروك ليك ولي حليم ووالدته  ووالله 98 في الميه نسبة مدهشة جدا وما يقدروا عليها الا العباقرة والمتفوقين بجد وعقبال الماجستير والدكتوراه  والله فرحت معاكم فرحة شديدة والله يديكم العافية

الأخت أستاذه اميره سيّد.. ربنا يقبل دعوتك وعقبال نفرح بنجاح أولادك..
نعم 98% نسبه عاليّه ومُميزه.. وهذا كُله من فضل الله علي الإين حليّم..
والشيئ بالشيئ يذكر..ذهبنا إلي السودان من كندا.. بغرض الإستقرار لغاية ما حليم يكمل الثانوي العالي
بالسودان ثم يتركنا مع إخوانه الصغار وهو يرجع لكندا ليواصل دراستة الجامعيه .
المهم إستقرينا بالخرطوم سنتين ثم طردتنا منه الملاريا(النوع البيتكرر والطفل بيأخد حقن زيتيّه ) .
إبني حليّم لم يدرس الصف السابع بالسودان (فضاهو) نسبةً لظروف (الملاريّا) وبعدها سافرنا إلي مصر
وهناك حليم درس ثامنه في مصر وأيضاً كان من المبرزين بمدارس "طيبه للغات" المصريّه..
ومن ثم مره أخري رجعنا لوطنا الثاني كندا بعد الإطاحه بحسني مُبارك.. وواصل حليم مع دفعته من
الصف العاشر .(خارجتنا الحكومه الكنديّه من القاهره إلي فرنسا ومن ثم إلي كندا.)
.بتوفيق من الله ، حليم الآن تخرج مع دفعته وبتفوق رغم أنه كان فاضي الصف السابع بالسودان...
مرّه أخري يا أستاذه أميّره ، ربنا يجعل كُل أوقاتك أفراح ومسرات.

مبروك النابغة حليمو

وعقبال الفرحة الكبري

آلاف التهاني والتبريكات أخ محمد
وفقه الله

Quote: ألف ألف مبروك لحليم هذا التفوق وعقبال نراه يرتقي أعلى الدرجات العلمية

أهـلاً بالزميّل اسامه العوض ..الف مرحب .. عقبال ياااارب نبتهج بتوفق أبنائك.
.

Quote: مبروك النجاح الباهر لإبنكم النجيب ما شاء الله ربنا يحفظو ويوفقوا .. وعقبال الدكتوراة

الأستاذ نادر الفضلي كتر خيرك يا أخي ..
نسأل الله أن يتقبل منك هذا الدُعاء وأن يحفظ الجميع ويوفقهم .
.

Quote: الف مبروك لحليم وامه وابوهو سعدنا جدا بالتفوق ده ربنا يوفقه ويسعدكم بي نجاحه يا محمد

أهلاً وسهلاً بالأخ الباشمهندس الشفيع وراق..
يارب ... السعاده تغمر الكُل ، وعقبال .. النباركلك في نجاح وليّداتك.

.

الأخ شيخ أحمدونا ألف مراحب بهذه التهنئه وعقبال -
يا رب - الفرحه تعم كُل بيت سوداني..
.

Quote: من نعم الله علي العبد نجاح الأبناء  الف مليون مبرووك نجاح الابن حليم وربنا يوفقه اكثر وأكثر ومزيد من التقدم والرق

شكراً ليك أخونا محمد المسلمي .
ربنا يبارك فيك ويدوم عليك الصحه والعافيه و يوفقك مع الجميع ..
.

Quote: لاف التهاني والتبريكات الاخ محمد ادم ومزيدا من النجاحات والتفوق لابنكم

الف مبروك نجاح الابن حليم
وانت من القله التى اقرا لها ويعجبنى طرحك جدا ......واكيد هذا الشبل من ذاك الاسد
تحياتى

Quote: ما شاء الله . ألف مبروك التفوق الباهر . جعله الله من العلماء المتميزين .

أُختنا الأستاذه نعمات عماد ربنا يبارك لكِ في عُمرك..
وأن يتقبل منك هذا الدُعاء الطيّب ..
ليجعل جميع ابنائنا مُباركين.

Quote: ألف ألف مبروك لحليم ولوالديه. شهادة مميزة للغاية وتفوق بائن. أمنياتنا له بأن يكون أحد بناة الوطن بالعلم والتفكير خارج المألوف آوت اوف ذا بوكس حليم هو . الشبل ابن الأسد.

يا مليون مراحب بأخونا وحبيبنا الأديب الأريب د. بشري الفاضل..
أبداً لا أنسي أفكارك ، الراقيّه ، المتقدمه والتي سبق ان طرحتها هنا وبهذا المنبر في خلال العشره سنوات الماضيه
بخصوص تدشين جامعه إفتراضيّه للطلبه السودانين علي السايبر، ولتكن عوناً لهم في عملية التحصيل العلمي
وكذلك ، تربطهم بالإنتاج الفكري حول العالم الأول...
يا أستاذي أنت دائماً سباق وخارج البوكس و تشهد كتاباتك علي انك مقضي معظم وقتك و طاقاتك الفكريه لنصرة الوطن وأبنائه..
الواحد فينا بيتمني ان تكون أبنائه مِعطائه مثلكم .. وشكراً ليك علي هذه التهنئه وياريت تتهنأ بتفوق كُل طالب سوداني.. .
.

حليم اريتو ولدي بعد الحال ...

دخري الحوبة للأوطان ...






... المهم ...

أخي الفاضل محمد آدم
لم أكن أعرف بالتفاصيل التي كتبتها في الرد على مشاغلة أختنا الحبيبة تراجي. فارجو ان تتقبل تعازي المتأخرة وكذلك تهاني المتأخرة، وأسأل الله ان يديم عليكم السعادة


ياسر

Quote: الأخ/محمد مبروك للوليد ،رفع رأسنا ربنا يرفع من مقامه وعقبال لأخوانه ونسأل الله ان يحفظم ويطول عمركم حتى تراهم في المراتب العليا. تحياتي للعيال

الأخ وحبيبنا الباشمهندس عبده عبد الحميد جاد الله ود أمير المهديه عسّاله.
إن شاء الله يا ابوعبده راسك يكون دائماً مرفوع بحبايبك وبي وليداتـك ..
وزيّ ما بقول مثلنا " من خشمك ولربا السّما" ياخوي ولدك حليّم وأخوانه
يغروكم السلام ..
كتر خيرك يا أبوعبده كتير كتير.. سعيدين بالطّله وبركه الشفناك فيها ..
سلِمْ ليّ علي الإخوه و الأصدقاء .. بهناك.. خصوصا الصغيرونيين وأمهم.
.

Quote: *** مبرووووك الف الف

أهلاً بالزميّل:
الطيب عثمان يوسف ..يباركك المولي وعقبال للجميّع.
.

سلام اخ محمد،
الف الف مبروك قبول حليم في الجامعة،
ربنا يوفقه و عقبال الدكتوراة.
ان شاء الله،

الزميل خالد حاكم كتر خيرك علي هذه التهنئه ، ربنا يعزّك ويطول عمرك
.
.

Quote: التحيّه لحليم محمد آدم وربنا يوفقه ومن نجاح الى نجاح

أخونا وزميلنا عبدالعظيم مكى لك التحيّه وياريت النجاح يكون ، حليفاً للكُل.
كتر خيرك يا اخي..
.

زميلنا العزيز علاء سيد احمد ، شكرا ليك..
نعم ، هذا من فضل ربي علي عباده..
وحده الغني ووحده المُعطِي.
ومن جانبنا لانملك غير الحمد والشُكر.

Quote: الف مبروك لحليم يا محمد وعقبال المزيد من النجاحات والتفوق

أخونا وزميلنا الصحفي الغالي شغيفات.. ياخوي، ربنا يديك العافيّه ويبارك ليك في عُمركْ..
.
.

الأخ الحبيب مُحب المُحبين.. شكرأ ليك وكتر خيّرك علي هذه المثباركه الطيّبه.
ياخوي كان معي الأخ د. أحمد والملقب بـ د. أنور، بيغريّك السلام والله هذا الرجُل بيسأل عنك بِحراره وبيقول ليك واصل هذا الكفاح وهو مُتابع لكتاباتك بهذا المُنتدي.
كُنت معه مساء الجمعه ، ومساء السبت ومساء هذا اليوم الأحد بالكنيسه الكلدانيّه(دعاني لمؤتمر كان فيّه الرجل الصالح: نذار شاهين والمُرنم زيّاد شحاده) كتر خيرهم
غمرونا بجو روحاني رهيب. هيجوا فيني أحوال الوجدان التي لايُحيط بها الوصف! هذا الجو ذكرني بأهلي وحبيايبي الصوفيّه ناس النوبه!.
شيئ ثاني لفت إنتباهي هو سماحتهم - بالذات - عندما تعرضوا في صلواتهم لموضوع داعش ومافعلته - ولا زالت تفعله - بإخوتهم المسيحين ، فلم
يلعنوا الدواعش ولم يكفروهم بل وبإبتهال سألوا الرّب أن يِبارك فيهم وأن يغير هذا العنف البداخلهم إلي خيّر وإلي سلام ومحبه لتصب في خدمة عيال الله !
فهم غير لعانين ولابيكفروا الناس ساي وبقدر حبهم لأعدائهم يحبون الموسيقي وكلام الله المُلحن المُتمثل في المزاميّر - طرب الترانيم ..
المهم، كُنا أمس السبت بعد المغرب وبعد تناول وجبه عشاء متواضعه كانت هنالك مجموعه من النكات قدمها المُرنِمْ زيّاد شحاته والأخ مُحب عازف الأورق
ماخلوا فيّها أي نوع من النكات ما قالوه حتي نكات الصعايّده أخذت نصيبها ..
في الحقيقه أنا كنت فاكر المسيحيّن ديل زيّ المسلمين كدا!! داخل الكنيّسه مجرد ناس بيصلوا وبيروحوا علي حالهم وماكُنت فاكرهم بيكونوا فرحانين ومبتهجين
داخل الكنيسه بيحكوا (نكات يعني إيهه نكات بمعني المفرده ... وكانت مبهوله علي مسامع الجميع والضحك كان من القلب ببراءة الأطفال)! يا إلهـي! كانت أمسيّه..
في غاية الروعه...
كتر خيرك يا مُحب ..

أبقي مع تقديّري.
.

أخونا والزميّل الراقي جداً، كمال عباس ..
يا ألف ألف مرحب.. كتر خيّرك ...
نحنُ سعيّدين بإطلالتك - البهيّه .
.

Quote: محمد ادم، ياخ انت بطل، وحليم بطل ابن البطل، واخوانه ابطالا، ابناء البطل .... هنيئا لك، يا لك من مقاتل فريد.... تسلم ..............

أخونا وزميلنا ،
عبدالمنعم الطيب حسن ..
شكراً ليك علي هذه الثقه..
ربنا يديك العافيّه ويهنيك بيها..
.

الحبيب محمد آدم
سلام واحترام خاص جدا
ياخ بالجد تستاهل شهادة الصمود والتحدي
قريت كلامك كلو سطر سطر حرف حرف رغم انو ما من عادتي قراية الكتابة الكتيرة
ولكني فعلت عشان اعرف سبب تميز حليم وتفوقه فظهر الامر واضح وجلي
أئ طفل ابواهو يشطرانهو او يبلادانهو طبعا مع وجود بعض الثوابت
ومن هنا اطلب منك الروشتة السحرية على الخاص فوضعي ممثال لوضعك الاسري
.
.
عزيزي محمد آدم اعبر لك عن سعادتي الغامرة بتفوق حليم الباهر
وتيقنت تماما ان هذا النجاح نتيجة صبرك وجهدك وكفاحك
وباذن الله سوف يكون له وضع متميز عالميا اتمنى ان نسمع عنه كل خير وكذلك اخوانه
كل الود والتحيات والاحترام لك ولعيالك وربنا يحفظم ويردكم لاهلكم سالمين غانمين

Quote: مبروك النابغة حليمو وعقبال الفرحة الكبري

أخونا وزميلنا khaleel يباركك ربي ، ويفرحوك حبايبك..
.

Quote: آلاف التهاني والتبريكات أخ محمد وفقه الله

أخونا وزميلنا نافع الكوماوي ، كتر خيرك كتير كتير،
علي هذه التهنئه الدافئه..
بالعكس ياحبيب، أنا المفروض
أهنئك وأباركلك نجاح إبنك حليّم..
بلغ تحايانا .. لكُلّ الحِلويّن...
مع التوفيق..
.

أخونا وحبيبنا الحليله يباركك ربّ العزّه ..
عقبال تتهنأ بنجاح أولادك.
>

Quote: الف مبروك نجاح الابن حليم  وانت من القله التى اقرا لها ويعجبنى طرحك جدا ......واكيد هذا الشبل من ذاك الاسد تحياتى

أختنا الأستاذه زينب محمد عبدالله شكراً لكِ كتير كتير
ربنا يباركلك في عُمرك ، وأن يجعل النجاح حليفاً للجميع.
.

Quote: حليم اريتو ولدي بعد الحال ... دخري الحوبة للأوطان ...

أخونا الفاضل:تبارك شيخ الدين كتر خيرك.. وزي ما بيقول المثل:
"إنشاء الله يارب "تلدِي الينفعك".. ديماتي ..حالك حال الهنأ
.

Quote: الأخ الحبيب مُحب المُحبين.. شكرأ ليك وكتر خيّرك علي هذه المثباركه الطيّبه. ياخوي كان معي الأخ د. أحمد والملقب بـ د. أنور، بيغريّك السلام والله هذا الرجُل بيسأل عنك بِحراره وبيقول ليك واصل هذا الكفاح وهو مُتابع لكتاباتك بهذا المُنتدي. كُنت معه مساء الجمعه ، ومساء السبت ومساء هذا اليوم الأحد بالكنيسه الكلدانيّه(دعاني لمؤتمر كان فيّه الرجل الصالح: نذار شاهين والمُرنم زيّاد شحاده) كتر خيرهم غمرونا بجو روحاني رهيب. هيجوا فيني أحوال الوجدان التي لايُحيط بها الوصف! هذا الجو ذكرني بأهلي وحبيايبي الصوفيّه ناس النوبه!. شيئ ثاني لفت إنتباهي هو سماحتهم - بالذات - عندما تعرضوا في صلواتهم لموضوع داعش ومافعلته - ولا زالت تفعله - بإخوتهم المسيحين ، فلم يلعنوا الدواعش ولم يكفروهم بل وبإبتهال سألوا الرّب أن يِبارك فيهم وأن يغير هذا العنف البداخلهم إلي خيّر وإلي سلام ومحبه لتصب في خدمة عيال الله ! فهم غير لعانين ولابيكفروا الناس ساي وبقدر حبهم لأعدائهم يحبون الموسيقي وكلام الله المُلحن المُتمثل في المزاميّر - طرب الترانيم .. المهم، كُنا أمس السبت بعد المغرب وبعد تناول وجبه عشاء متواضعه كانت هنالك مجموعه من النكات قدمها المُرنِمْ زيّاد شحاته والأخ مُحب عازف الأورق ماخلوا فيّها أي نوع من النكات ما قالوه حتي نكات الصعايّده أخذت نصيبها .. في الحقيقه أنا كنت فاكر المسيحيّن ديل زيّ المسلمين كدا!! داخل الكنيّسه مجرد ناس بيصلوا وبيروحوا علي حالهم وماكُنت فاكرهم بيكونوا فرحانين ومبتهجين داخل الكنيسه بيحكوا (نكات يعني إيهه نكات بمعني المفرده ... وكانت مبهوله علي مسامع الجميع والضحك كان من القلب ببراءة الأطفال)! يا إلهـي! كانت أمسيّه.. في غاية الروعه... كتر خيرك يا مُحب .. أبقي مع تقديّري. .

يا سلام يا استاذ محمد ادم ..
دا كلام جميل وسعيد اسمع عن الاخ الدكتور احمد ابو الانوار كما اسميه .. ..علي الطريقه السودانيه اقول ....زمن من الزول دا واتمني يكون بخير ..
يا خي الصداقه شئ جميل حتي لو انقطع الاتصال ..
بالنسبه للكنيسه ..سعيد انك زرت الكنيسه وقضيت وقت ممتع .. ونعم الكنيسه ليست مكان للوجوم والروحانيه الكاذبه ..في لاهوت وفي تدريس وفي ( ضحك) وسنس اوف هيومر
وصلاة ..في كنيستنا القسيس تبعنا دوما بيبداء الوعظه بنكات وقصص قصيره عن مواقف الاطفال في مدارس الاحد ..طبعا في دراسات في علم النفس انو الضحك بيخلي الناس تستمع باهتمام
للمتحدث بعد القاء بعض النكت والمزحات الخفيفه .. انا جربت الموضوع ولقيت انو الناس بتسمع باهتمام اكبر خصوصا لو في توقع انو في نكات اضافيه في معرض الحديث او في منتصف
الخطبه .. الكنيسه مجتمع جميل وجسد حيوي ..
واليوم الاحد نحن ايضا صلينا من اجل المساكين المتضررين من الحركات العصبيه في الشرق الاوسط مثل داعش والاخريات .. الله لديه المقدره بانه يغير قلوب الداعشيين
تجاه الغير بغض النظر عن دينه ومذهبه ..

Quote: مبروك لحليم .. وأقر الله به عينكـ .. وجعله بارا بوالديه .. ذخرا لامته ودينه ....

شكراً ليك أستاذنا الطيب شقوق علي هذه التهنئه..
. إن شاء الله عينك - ديماتي - ناظره الله ..
.

الاخ محمد ادم
الف مبروك للابن حليم و عقبال اخوته ان شاءالله

Quote: أخي الفاضل محمد آدم لم أكن أعرف بالتفاصيل التي كتبتها في الرد على مشاغلة أختنا الحبيبة تراجي. فارجو ان تتقبل تعازي المتأخرة وكذلك تهاني المتأخرة، وأسأل الله ان يديم عليكم السعادة ياسر

أخونا الراقي د. ياسر المليح
كتر خيّرك علي هذه المواساه...
هكذا هي الدنيا ، ظاهريّاً
تحمل في كرشها التناقضات ..
باطنيّاً لاكرش لها غير الخيّر..


أختنا تراجي ..
يباركها الرّب.في الدارين.
.

.

Quote: سلام اخ محمد، الف الف مبروك قبول حليم في الجامعة، ربنا يوفقه و عقبال الدكتوراة. ان شاء الله،

أخونا دكتور أحمد الطيب..
مليون سلام عليّك يازول...
تتبارك إنت وتتقبل عند الآلهه..
موفق ديمه..

Quote: الحبيب محمد آدم سلام واحترام خاص جدا ياخ بالجد تستاهل شهادة الصمود والتحدي قريت كلامك كلو سطر سطر حرف حرف رغم انو ما من عادتي قراية الكتابة الكتيرة ولكني فعلت عشان اعرف سبب تميز حليم وتفوقه فظهر الامر واضح وجلي أئ طفل ابواهو يشطرانهو او يبلادانهو طبعا مع وجود بعض الثوابت ومن هنا اطلب منك الروشتة السحرية على الخاص فوضعي ممثال لوضعك الاسري . . عزيزي محمد آدم اعبر لك عن سعادتي الغامرة بتفوق حليم الباهر وتيقنت تماما ان هذا النجاح نتيجة صبرك وجهدك وكفاحك وباذن الله سوف يكون له وضع متميز عالميا اتمنى ان نسمع عنه كل خير وكذلك اخوانه كل الود والتحيات والاحترام لك ولعيالك وربنا يحفظم ويردكم لاهلكم سالمين غانمين

أخونا الغالي عبد الله ود البوش.
كتر خيّرك علي هذه الإطرءه التي لايستحقها شخصي الضعيف..
بل هي من رحمة الله عليّنا وعلي أولادنا..
نحن لانملك من الأمر شيئ..
يدِ الله وحدها هي الفاعله..
كذلك من عادتي احاول وبقدر المستطاع أن
أرد الجميّل بمثله أو بأحسن منه...
لكني الآن عاجز كُل العجز عن التعبير..
وذلك من شدة وقع هذه الكلمات الطيبات المباركات
علي وجداني الأصلاً كان مُرهق ومُنهك..
لقد اثلجت صدري و أخجلت تواضعي بها ....

ربنا يُبلي إبنك بالشفاء وأن يهنيّك بأولادك..

كنت سعيّد جداً وكتين سمعت صوتك عبر الهاتف.

.

Quote: يا سلام يا استاذ محمد ادم .. دا كلام جميل وسعيد اسمع عن الاخ الدكتور احمد ابو الانوار كما اسميه .. ..علي الطريقه السودانيه اقول ....زمن من الزول دا واتمني يكون بخير .. يا خي الصداقه شئ جميل حتي لو انقطع الاتصال ..

هلا يا أخونا مُحِبْ .. دكتور أحمد بغريك السلام وبيقول ليّك ياحليل زمن البالتوك..
.

Quote: الاخ محمد ادم الف مبروك للابن حليم و عقبال اخوته ان شاءالله

أهلاً وسهلاً بأخونا وحبيبنا محجوب عبدالله.
كتر خيّرك علي هذه المُباركه.. وعقبال نفرح سويّاً بجديد إبنك السلطان شاودرشيد.
.

يالك من أب صالح..

خالص التهاني لك يأخ محمد، ولولدنا حليم وللاسرة الكريمة على النجاح المشرف
وقبوله بالجامعة. فنجاحه هو نجاح لك ولزوجتك ولاخوانه.. الف مبروك ومزيداً من النجاحات..

محبتي

Quote: خالص التهاني لك يأخ محمد، ولولدنا حليم وللاسرة الكريمة على النجاح المشرف وقبوله بالجامعة. فنجاحه هو نجاح لك ولزوجتك ولاخوانه.. الف مبروك ومزيداً من النجاحات.. محبتي

أخونا أحمد عالم ..
ربنا يهنيك وأسرتك بدوام الصحه والعافيّه وأن يجعلك
من أوائل المقبولين بساحة جوده وكرمه.

مع صادق معزتي يا حبيب.