750 كيلوجرااااام دهب بيد منقب محظوووظ...!!!

لم يتوقع أحد المواطنين السودانيين البسطاء من المنقبين على الذهب في صحراء بالقرب من مدينة كريمة شمالي السودان
أن يظفر بصخرة من الذهب الخالص تزن 750 كيلو جرام.

هذا ما صار مع المواطن ( م ـ ع )
) حيث عثر على كتلة صخرية من الذهب الخالص تزن 750 كيلو جرام
مايساوي مبلغ 263 مليار جنيه سوداني ،
وذلك بمنطقه صحراويه بالقرب من مدينة ( كريمة ) بالولاية الشمالية بالسودان
والتي ذهب إليها الآلاف من المنقبين .

ويعد هذا الوزن من الذهب الأضخم من نوعه في تاريخ التنقيب الأهلي بالسودان ،
ويعطي مؤشر بأن المنطقة غنيّة بهذا المعدن الثمين .

منقول
-----------
وعثمان يقول لينا امشوا اشتغلو شواقين فى الخليج واشتروا عربيات قديمه يمكن تلقوا فيها بقجة دولارات
ياعثمان ماتجيب معاك كم كاشف وانا اغنى ليك .....!!!!!

ياربى الخبر ده سخن بى منو ؟؟؟
ومنو الشالتو الهاشميه وفكر انو يشترى جهاز ويشق الصحارى بحثا عن الكنر الامل..؟؟
....
اناغايتو الخبر سخن بى والله...!!!

شكلك م عاقل .

Quote: شكلك م عاقل .

اشكرك على تقييمك العاقل..!!!

اكبر كتلة ذهب تم اكتشافها حتى الان وزنها يساوى 65 كيلو جرام وكانت فى استراليا 1896م.
وصاحبنا السودانى دا لو لقى كتلة ذهب تساوى 750 كيلو ممكن تدخل فى موسوعة
غينيس للارقام القياسة.

Quote: اكبر كتلة ذهب تم اكتشافها حتى الان وزنها يساوى 65 كيلو جرام وكانت فى استراليا 1896م. وصاحبنا السودانى دا لو لقى كتلة ذهب تساوى 750 كيلو ممكن تدخل فى موسوعة جنس للارقام القياسة.

عبدالعظيم يا اخوي

ده مفروض الموسوعة وورثة سيده والهيئة القائمة عليها
كللللللللللهم يدخلوا عند الزول ده وليس العكس

مرحب عبد العظيم ...
يتخيل لى الكتب الخبر بالغ شويه وزود كلمة كيلو والحكايه كلها ماتكون فايته 750 جرام

وبكره التجيضه بتظهر براها...

وياخى شكرا على المداخله القيمه

تحياتي ملهم
لكل مجتهد نصيب والمفروض الدولة تسهل التنقيب للمواطنين لكن ناس المؤتمر الوثني ما بحبوا الخير للناس..
ربنا يحمي هذا الرجل من لصوص الحكومة وك ل ا ب أمنها.. أكيد ما حا يخلوه ينعم بهذه الثروة وحده..

المقدر المحترم نصر الدين.البشير...
مافى شك انهم استنزفوا الوطن والمواطن حتى النخاع
وادعوا الله ان يحفظ كل اهلنا الغبش من بطش هؤلاء الملاعين
....

كـــــلاب وجريوات الامن انتشروا فى كل حته ياصاحب
واجندتهم فى ارض الواقع هدامه وفى الانترنت برضو هدامه

المجد والصمود للشعب السودانى الصابر الابى

Yahya Siwar · متابعة · Jeddah, Saudi Arabia
اذا هذه الكمية وجدت بمنطقة كريمة الشوايقة ح يطلبوا الانفصال
رد · إلغاء إعجابي · 3 · متابعة المنشور · منذ ‏20‏ ساعة

Suliman Raffai · Los Angeles, California
هههههههههههههههههههههههههه هي قروش السودان كلها وين يا معلم؟ ما في جيب الشوايقة...كان الله في العون


...........
شكرا للمشاركه اللطيفه من اصدقاءنا الفيسبكاب
يحي سوار...وسليمان رفاى

احترامى

الحبيب ملهم كردفان

تحية طيبة ياوجيه وكل عام وانت بألف خير

في إجابة على سؤالك ؟؟

انا ماسخن بي لكن سألت الله أن يديني فرصة
زي دي او قريبة منها في راسي حاجات ربنا
يعلم بيها دايرة أنفذها ومحتاجة لحاجة زي دي

عليك الله قول آمين

ربنا يديك الرزق الحلال ويبلغك مرادك ...آمين يامعتصم سليمان

وماحأقول ليك فيفتى فيفتى ...اناماطماع ياحبيبنا

الأخ ملهم تحياتي

مبروك للمنقب المحظوظ ولكن أعتقد أن صاحب الخبر قصد أن وزن الكتلة 750 جرام يعني كيلوجرام إلا ربع.

مرحب استاذنا حسن بشير وتوقعاتك فى محلها تقريبا...لأنو من خلال تفاصيل الصوره والعمق
والخلفيه ...الكعكول ده شكلو ....كيلو الاربع...

يقول تعالى:
مَا يَفْتَحِ اللَّهُ لِلنَّاسِ مِنْ رَحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِنْ بَعْدِهِ وَهُوَ الْعَزِيزُ الْحَكِيمُ
------
رحمة الله إن نزلت فلا يستطيع أحد أن يصدها،
و إن أمسكها الله ، فلا منزل لها من بعده.
نتمنى أن يكون الخبر صحيحا كما ورد، وإن كانت الكمية المعلنة طن إلا ربع.
أهم شئ أن تكون النفوس طيبة في رزق الله لعباده.
يا ملهم كردفان،
نسأل الله أن يفتح لك من رحمته باضعافها،
قول آمين

عذرا ملهم . فانا لم لم أعرف كيف لمثلك ان ياتي بمثل هذه الترهات . ياخي طن الا ربع دي مرقها كيف ؟

أكبر كتلة ذهب كانت قبل سنتين / ثلاثة 60 كيلو من الذهب و عثر عليها أحد شباب الرشايدة و باعها فى السوق العربي بمبلغ 4.8 مليار جنيه
و كان الأخ معتصم حضوراً للبيع و أنزل بوست فى وقته فى هذا المنبر ..

عثر مواطن من شرق السودان على كتلة من الذهب في مناطق التعدين العشوائي بلغ وزنها نحو 60 كيلو ذهب، وباعها في الخرطوم بـ 4.8 مليون جنيه (1.6 مليون دولار) حسب أحد الصاغة في برج الذهب.
ووصل بخيت محمد وهو من قبيلة الرشايدة إلى برج الذهب في السوق العربي بالخرطوم مساء الأثنين يحمل في جوال كتلة من الذهب، وبعد فحصها وجدت أنها من الذهب الخالص تقترب من عيار 24 ،وباعها في وقت وجيز وغادر السوق فرحا،وكان أكبر كتلة وجدت في المناطق التعدين العشوائي وزنها 21 كيلو.
وتنتشر مواقع التعدين العشوائي في البلاد ،ومن ابرز مناطق التعدين في الشرق تلكوك وهمشكوريب.


الصحافة

http://www.sudaneseonline.com/news-action-show-id-11106.htmhttp://www.sudaneseonline.com/news-action-show-id-11106.htm

Quote: يقول تعالى: مَا يَفْتَحِ اللَّهُ لِلنَّاسِ مِنْ رَحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِنْ بَعْدِهِ وَهُوَ الْعَزِيزُ الْحَكِيمُ

صدق الله العلى العظيم
...
طيب الله نفوسنا ورزقنا الحلال المطيب ياشيخ قصى
...

Quote: يا ملهم كردفان، نسأل الله أن يفتح لك من رحمته باضعافها، قول آمين

اللهم انى اسألك الصحة والعافية يااكرم الاكرمين
آمييين
شكرا للروح المطيبه الكريمه ياقصى

إذا الرقم صحيح

فهذه أكبر (nugget) في تاريخ البشرية وليس السودان.

لاحظ أنك تتحدث عن (ذهب خالص)

Quote: عذرا ملهم . فانا لم لم أعرف كيف لمثلك ان ياتي بمثل هذه الترهات . ياخي طن الا ربع دي مرقها كيف ؟

مرحب محمد
عندما نأتى بمثل هذه الترهات
...
تكون الاسباب عديده...
1- دهشه لضخامة الكميه
2-احساس بأن الخبر مفبرك ويحتاج لمن يؤكده
3-يدعم قيم التواصل بينى وبين الاصدقاء
4- يخرج الناس من جو المشاكل والتوتر
ويعرفنا بى ناس جدد
ألخ
محمد
الفراعنه رفعوا حجارة الاهرامات كيف؟؟

احترامى

"الفراعنه رفعوا حجارة الاهرامات كيف؟؟"

عوموها في الموية بقرب منفوخة.

النقل حاجه والرفع حاجه
وعشان تنقل حاجه لازم ترفعها الاول ومن ثم تختها فى وسيلة النقل ...!!!
الجهد العضلى بمساعدة البكرات بحل مشكلة الرفع...!!!

نقلوها عبر النيل بقوارب أولاً إلى مكان قصاد الهرم.

طوفوها واحد واحد على القرب في قناة مائية من النيل لحد قاعدة الهرم.

رفعوها للهرم بقناة مائية رأسية موجودة حتى الآن ، يعبوها موية، ويرفعوا الحجر، إذا انتهى المدماك يعملوا مستوى تاني بقفل أبواب القناة السفلية.

ياحاتم اذا الخبر صحيح يبقى دى
كتله كتاااااله ..!!!

الدهب مميت ...
كتير ناس ماتو أو اتكتلو فى الخلا ودهبهم اتنهب
او ماتو بعد ماباعوه او ماتوا بى تسمم ...
او من العطش او من انهيار الانفاق..!!!

Gold fever

لما تبدأ ما بتقيف، وكمان أضيف ليها الجهل والتعجل

دا مرض قديم، وما عندو علاج، ياخي النمل بنظم أنفاق وحفر أحسن من البشر ديل، تصور!

كلا مضبوط ... الانفاق يلزمها التقويه والدعامات
والتعامل مع الزئبق يحتاج الى اقنعه واسطوانات اوكسجين
والصحراء تحتاج الى تموين اكير من العادى ومعدات ارشاد متقدمه

...

الحبيب ملهم
750 كيلو حته واحدة !
أريتو حالك يا حبيب

تحياتي ووافرا حترامي

Quote: الحبيب ملهم 750 كيلو حته واحدة ! أريتو حالك يا حبيب تحياتي ووافرا حترامي

ياخ ده ضنب اللككو ذاتو ياجعفر اسماعيل
...
تصدق ياحبيب انا جنى وجن الثراء
الله ينعم عليك وعلينا بالصحه والعافيه

ثراء بتاع شنو ياخ
خلى بالك
الكديس لمن مايحصل الهوت دوق بقول عفن


شرفتنا ياحبيب