Post: #1
Title: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-15-2014, 08:21 PM
Parent: #0
و الواحد لو عاوز يبقى ارو يعمل شنو؟
وهل الصادق المهدي و موسى هلال بقوا اروات؟
والسيدة بتكون اروى .
-------
بوست مخستق وغير جادي .. ونتاج لي قرفة .من كلام وزير صحة الخرطوم القال الناس تاكل الضفادع .بس عجبني ليكم يا ناس الخرتوم .انتو اكلو ضفادع ونحن في سنار ناكل باعوض وناس كردفان ياكلو نيم و الجزيرة ياكلوا فيران وهلمجرا.
مش قالوا ناكل مما نزرع .حا يجي واحد يسالني وهل القعونج والفيران و البعوض بتزرعوا . اقول ليه
اجل يا غلام اما سمعت عن زراعة السمك يا هداك الله..
......
وشكرا جزيلا الى اللقاء في حلقة قادمة
|
Post: #2
Title: Re: سؤال يا جماعة انتو يعني شنو ( كلمة الارو)؟؟؟؟
Author: امجد الجميعابى
Date: 08-15-2014, 08:26 PM
Parent: #1
الحبيب علي كيفنك و اريتك طيب
طالما بوست للخستكة
الارو يعني الجرو
او الكرو (الجرح المعفن)
الارو يا عمك تعني المك او الارباب او الزول ذو المكانة
حسب ترجمة زميل حلفاوي و الله اعلم
|
Post: #3
Title: Re: سؤال يا جماعة انتو يعني شنو ( كلمة الارو)؟؟؟؟
Author: ناذر محمد الخليفة
Date: 08-15-2014, 08:26 PM
Parent: #1
|
Post: #4
Title: Re: سؤال يا جماعة انتو يعني شنو ( كلمة الارو)؟؟؟؟
Author: امجد الجميعابى
Date: 08-15-2014, 08:30 PM
Parent: #3
عاين لي جاي
انت جمعت ارو اروات على وزن هراوات و لا شنو
و الله انت زول ارو خلاس
|
Post: #5
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-15-2014, 08:55 PM
Parent: #4
الاخ ناذر الخليفة مداخلتك دي مكتوبة بالحبر السري عموما شكرا بس كنت منتظر الاحابة بس الفيك اتعرفت
امجد السماني والله مشتاقين وبعدين تعال هنا انت مش قلت جايي انا جهزت الخروف والكجي مورو و انتظرتك . ولا زلت
.........
بالمناسبة انا شمتان في ناس الخرتوم من الهوت دوق للقعونج هههههههه عقبال الحمت رمت
.......
ولا زلت في انتظار اجابة السؤال الرئيس للبوست
|
Post: #6
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-15-2014, 08:55 PM
Parent: #4
الاخ ناذر الخليفة مداخلتك دي مكتوبة بالحبر السري عموما شكرا بس كنت منتظر الاحابة بس الفيك اتعرفت
امجد السماني والله مشتاقين وبعدين تعال هنا انت مش قلت جايي انا جهزت الخروف والكجي مورو و انتظرتك . ولا زلت
.........
بالمناسبة انا شمتان في ناس الخرتوم من الهوت دوق للقعونج هههههههه عقبال الحمت رمت
.......
ولا زلت في انتظار اجابة السؤال الرئيس للبوست
|
Post: #7
Title: Re: سؤال يا جماعة انتو يعني شنو ( كلمة الارو)؟؟؟؟
Author: قصي محمد عبدالله
Date: 08-15-2014, 10:02 PM
Parent: #6
أستاذ على سلام،
حمدلله على سلامة العودة،
وكل عام وأنت بألف خير.
يبدو أن هنالك خطأ ما في هذه الكلمة:
ألارو
ألأرو
الأرو
ولا مثل ما هي في العنوان:
الارو؟
|
Post: #8
Title: Re: سؤال يا جماعة انتو يعني شنو ( كلمة الارو)؟؟؟؟
Author: Tragie Mustafa
Date: 08-15-2014, 10:12 PM
Parent: #7
علي دفع الله سلام
الكلام الكتبه لك امجد الجميعابي صحيح
Quote:
الارو يا عمك تعني المك او الارباب او الزول ذو المكانة
حسب ترجمة زميل حلفاوي و الله اعلم |
|
Post: #9
Title: Re: سؤال يا جماعة انتو يعني شنو ( كلمة الارو)؟؟؟؟
Author: محمد على طه الملك
Date: 08-16-2014, 01:07 AM
Parent: #8
سلامات على الأكارم والكريمات ..
إذا كان المقصود لفظ ( الملك ) ..
فلأصح حسب النوبية الدنقلاوية (أور) تنطق حسب الكلمة الانجليزية Or والجمع ( أوروي )..
أما ( ارو) بفتح الألف هو المطر ..
ونفس اللفظ بضم الألف معناه النهر ..
عندك ود أورو حي في امدرمان على النيل ..
(أور ) ملك أما ( اورباب ) فمعناه صاحب السيادة ..
المرأة لايطلق عليها أور بل ( نفر) وعنك نفر تيتي الملكة المشهورة ..
عندنا النسوة كن يتسمن بنفر ونفرأين حتى عهد الأمهات ..
ونفرأين تنطق الآن باسقاط الألف هكذا ( نفرين) ..
وهي من مقطعين (نفر /أين) أي المرأة السيدة ..
يلا فتشوا اسماء الحبوبات ..
عدلت عشان أضيف إنو الأخ مبارك عبد الرحمن بكتب اللفظ صحيح إلى حد كبير فقط بسقط الواو ( أر / دول )..
وكنت ناوي اسأله إذا عارف معنى اردول.
|
Post: #10
Title: Re: سؤال يا جماعة انتو يعني شنو ( كلمة الارو)؟؟؟؟
Author: جلالدونا
Date: 08-16-2014, 03:27 AM
Parent: #9
اخونا على و المتداخلين سلام
Quote: المرأة لايطلق عليها أور بل ( نفر) وعنك نفر تيتي الملكة المشهورة ..[QUOTe
عمتى الله يرحمها و يحسن اليها اسمها ست النفر و من ما وعيت على الدنيا محتار فى الاسم ده وكمان زعلان عشان كيف
يسموها بى ست الزول الفر او فز او قام جارى .. الان فقط يا ود الملك عرفت معنى الاسم .. ست الملكة ذاتا
و تقول لى بوست مخستك يا على !!!!
|
Post: #11
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-16-2014, 08:33 AM
Parent: #10
شكرا لكم جميعا
عرفنا معنى الارو. وشمتتا في ناس الخرتوم اكلي القعونج.
...........
الى اللقاء في سؤال قادم
والسؤال هو (يعني شنو اخونا في الله)
والسؤال البعدو( اين اختفى قريب المصري ولا لو حضر الماء بطل التيمم)
.........
مش قلت ليكم انا زول فايق
|
Post: #12
Title: Re: سؤال يا جماعة انتو يعني شنو ( كلمة الارو)؟؟؟؟
Author: الهادي ابوبكر
Date: 08-16-2014, 09:04 AM
Parent: #11
| Quote: والسؤال هو (يعني شنو اخونا في الله) |
اذا كلمة [أرو] معناها ملك ...
على كده [أرو دين] يعني ملك الدين أو حاجة كده ،،، زي شمس الدين، علاء الدين، فخر الدين... وانت ماشي..
أخونا في الله هو الذي لم تلده أمك،،،
والله اعلم،،،
وين انت يا مواطن مشتاقين ،،
|
Post: #13
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-16-2014, 09:29 AM
Parent: #12
علم يا الحبيب علي الاجابة
بخصوص انا وين انا في الخلاء والصي
زرعت العيش والسمسم ومنتظرين تواصل المطر
موسم سمح بالحيل ربنا يكفينا شر قطعة المطر والافات وناس المؤتمر اللاوطني و جباياتهم
......
تحياتي لك ولاسرتك
|
Post: #14
Title: Re: سؤال يا جماعة انتو يعني شنو ( كلمة الارو)؟؟؟؟
Author: محمد على طه الملك
Date: 08-16-2014, 09:53 AM
Parent: #13
سلامات يا علي ..
الدور بقى عليك ..
يلا تعال ورينا ( صي) يعني شنو؟
|
Post: #15
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-16-2014, 02:46 PM
Parent: #14
الصي الاماكن البعيدة جدا عن السكن الادمي سواء كانت مدن او قرى
وعلى ما اعتقد انو العزيز النبي حميد عندو حاجة بس ما حافظا( صحاري الصي وبيوضة )
تحياتي محمد الملك
|
Post: #16
Title: Re: سؤال يا جماعة انتو يعني شنو ( كلمة الارو)؟؟؟؟
Author: Sudany Agouz
Date: 08-17-2014, 05:18 AM
Parent: #15
الأخ الحبيب على دفع الله ..
تعرف يا أخى قد ذكرتنى بالذى مضى وانقضى ..
بالمناسبة .. قد قمت بتحضير التعليق على هذا البوست ..
وبعد الإنتهاء من كتابة التعليق .. وقبيل ارساله .. وبقدرة قادر ..
اختفى من الشاشة الغشاشة .. وعمك العجوز .. من غيظه ..
خطف مركوبه .. "وقال يا ليل .. وقام متحتحت قوى بالحيل .."
هذه من كلمات عمك تنقو .. بقى فكهانى ..
والآن نرجع لموضوعنا .. " معنى كلمة الأرو " ..
وكما ذكر البعض هنا .. تعنى المك .. الخ ..
إلا أننى أود أن اسأل .. عن كلمة أخرى مكملة لكلمة " أرو "
هل تتذكروا .. أقصد العجايز مثلى .. هل يتذكرون ..
فى القولد التقيت بالصديق .. انعم به من فاضل صديق
خرجت أمشى معه فى الساقية ... ويالها من ذكريات باقة
فكم أكلت معه الكابيده ... وكم سمعت أرو ألوده ..
فهاتان الكلمتان " أرو ألوده " ..
لو كانت كلمة " أرو " مك .. أو المك ..
فما معنى كلمة " ألوده " ..
وللأسف قد تغنينا بهذه القصيدة .. مراراً وتكراراً .. أيام
الصبا فى المدارس الأولية .. وللأسف الشديد .. لم أذكر
قط بأن فسر لنا المدرس آنذاك .. معنى " أرو ألوده "
والمطلوب الآن با أخى على دفع الله .. أن تدفع بالكلمة
الأخرى لتكون مع كلمة " أرو " حتى يتكامل المعنى المطلوب ..
ونكون وبعد أكثر من ستين عاماً قد حققنا تقدماً ملحوظاً .. لجعل العجايز
مثلى يعرفون معنى " أرو ألوده " ..
والآن .. أدعو الله بأن أكمل هذه الجمل الأخيرة لأقوم بارساله ..
بالضغط على " أضف رد " .. قبل أن يختفى .. كما سبق ..
المهم .. نرجو منكم .. احالة كلمة " ألوده " لتصاحب " أرو " ..
حتى نتعلم سوياً ..
والرب يبارك حياتكم ..
أخوكم وعمكم العجوز ..
ارنست
+++
|
Post: #26
Title: Re: سؤال يا جماعة انتو يعني شنو ( كلمة الارو)؟؟؟؟
Author: حاتم إبراهيم
Date: 08-17-2014, 09:21 PM
Parent: #9
سلام أخ محمد علي
هل هنالك أية محاولات لكتابة اللغة النوبية بحروف مخصصة، غير الأبجدية العربية؟
فلا أعتقد أن النظام الأبجدي يناسبها.
|
Post: #17
Title: Re: سؤال يا جماعة انتو يعني شنو ( كلمة الارو)؟؟؟؟
Author: متوكل حسن
Date: 08-17-2014, 09:26 AM
Parent: #1
ود دفع الله
كل سنة وانت طيب
وتتحقق امانيك
والله بسمع بيها كتير بس ما بعر ف المعني
اصلو احنا رطانة خرطومي( اربي بنجي كما يطلق علينا )
فا شنو فخستكو بظرافة القرد ومكر الثعلب لا ببلادة الاسد
والله زمان يا علي
|
Post: #18
Title: Re: سؤال يا جماعة انتو يعني شنو ( كلمة الارو)؟؟؟؟
Author: احمد حامد صالح
Date: 08-17-2014, 10:40 AM
سلام
اصل كلمة { أرو } مشتقة نيلوصحارية اذا كانت بضم الراء تعنى رجل عادى
و ان كانت بفتح الراء تعنى الرجل المميز الذى يشار اليه بالبنان
اما اداة التعريف العربية { ال } ليست من اصل الكلمة تمثل تماهى مع الثقافة السائدة
و ذلك يمثل تعريف المعرف و ما كان من اللازم اضافة ذلك
اضافة ال حولت الصورة الى ما يشبه تحكيم مباراة كرة سلة بقوانين كرة القدم
مع تحياتى للجميع
و الله اعلم
|
Post: #19
Title: Re: سؤال يا جماعة انتو يعني شنو ( كلمة الارو)؟؟؟؟
Author: كمال الطيب الجميعابي
Date: 08-17-2014, 11:07 AM
Parent: #18
تحياتي للجميع ، أنا كنت قايل الأرو دا ما يحدث للشخص عندما يكون عندو عزيز لديه قرب إموت ، زى الهسهاسة كدى..
على كل حال إذا كان ما فيها هسهاسة .. ورونا قلب الهوبا يعني شنو...
نسأل الله أن يعافيكم جميعا..
الجميعابي
|
Post: #20
Title: Re: سؤال يا جماعة انتو يعني شنو ( كلمة الارو)؟؟؟؟
Author: aydaroos
Date: 08-17-2014, 11:36 AM
Parent: #19
برضو من الألقاب في مملكة الفونج
المانجل
تحية للمتداخلين ولصاحب البوست
|
Post: #21
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي دفع الله
Date: 08-17-2014, 04:32 PM
Parent: #20
الاخوة الاعزة الجميلين:-
الاستاذ قصي
الاستاذة تراجي
الاستاذ محمد طه الملك
الاستاذ جلالدونا
الاستاذ الهادي ابو بكر
العم الاستاذ ارنست سوداني شباب
الاستاذ احمد صالح
الاستاذ كمال الجميعابي
الاستاذ عيدروس
----------
عظيم امتناني لاحياء رميم عظام فكرة البوست التي بدأتها غير جادة ولكن بعد مروركم شمرت عن ساعد الجدية لمواصلة البوست ولكن النت والكتابة من الموبايل بالاضاقة للشحن تقف حجر عثرة لاني في الفيافي وبعد ردي ساكون وصلت عمق الفيافي في المشاريع الزراعية كنت اتمنى المواصلة ولكن لحين ميسرة .
------
مودتي لكم جميعا
|
Post: #23
Title: Re: سؤال يا جماعة انتو يعني شنو ( كلمة الارو)؟؟؟؟
Author: الهادي ابوبكر
Date: 08-17-2014, 05:25 PM
Parent: #22
فى القولد التقيت بالصديـق
أنعم به من فاضل ، صديقى
خرجت أمشى معه للساقية
ويا لها من ذكريات باقيــة
فكم أكلت معــه الكابيدا
وكــم سمعت آور أو ألودا
***
عمنا ارنست
والله الجملة حاولت اعرف معناها بس الظاهر انها من اللهجة الدنقلاوية العويصة، فأحيل الامر لود الملك لعله ضليع فيها،،،
وكمان شكلها مختلفة عن الكلمة [أرو] امكن تكون هي نفسها بس ونحن حرفناها.
|
Post: #24
Title: Re: سؤال يا جماعة انتو يعني شنو ( كلمة الارو)؟؟؟؟
Author: محمد على طه الملك
Date: 08-17-2014, 05:52 PM
Parent: #23
يا جماعة قلنا ليكم ما (أرو ) بل (أور) الواو متقدمة على الراء ..
وقلنا من انشقاقات ( أور ) أورباب أو ارباب ..
أما (أرو) بالفتح فتعني المطر ..
وإذا نطقت بضم الألف تعني النهر ..
برضو الارو بالمعنى الاورده الجميعابي صحيح ويعرف عند البعض بالمشاهرة..
بالنسبة لسؤال الأستاذ أرنست (ايور وا الودا) ..
(ايور) يعني دور كما تعني أزرع ..
(ألودة ) وزينة ..
المقطع في جملته بلاغي يتحدث عن الساقية ويعرض هزيج قائد الساقية ( اورتي ) أثناء دورانها ..
حيث يخاطب ثوره الذي يدور بالحلقة ويقول له ( ايور ) أي دور ..
ويشبه ثوره في جماله وحركته الثابتة البطيئة وهو يدور بالحلقة ..
بالوزينة حين تسبح ببطء متهادية فوق صفحة الماء ..
:
ود دفع الله تبيع ^ _ ^.
|
Post: #25
Title: Re: سؤال يا جماعة انتو يعني شنو ( كلمة الارو)؟؟؟؟
Author: علي عبدالوهاب عثمان
Date: 08-17-2014, 06:31 PM
Parent: #24
بالاضافة الى جاء به الاخوان
أرو ... arow اللون الابيض
أرو .. مع شدة على الراء urrow ( نغمة يستخدمها الراعي لمناداة النعجة )
أرو .. araw بفتح الالف والراء ( خلط الشيء )
وعندما تتقدم الواو تكون :
أور awoor معناه جناح الطائر وبنفس النطق تعني ( الابط ) woor togo ( يعني تحت الابط او تأبط شيئاً )
أور aweer يعني يزرع ( بكسر الواو ) ، بمعنى ( يشغل وخاصة مثل الوابور وطرمبة الماء والساقية ) وايضاً بمعنى ( المبادلة ) المقايضة
اور oor يعني ( الرأس) بالمحسية والدنقلاوية
شكراً اخي علي .. على هذه نافذه
|
Post: #27
Title: Re: سؤال يا جماعة انتو يعني شنو ( كلمة الارو)؟؟؟؟
Author: الهادي ابوبكر
Date: 08-17-2014, 10:01 PM
Parent: #25
و كمان
أٌرو بضم الألف تعني اتجاه الجنوب
أور بفتح الالف وكسر الواو يعني يزرع او يشتل
الـ أرو بضم الألف والراء تعني الرباط أو تكتيف الحيوان حتى لا يهرب بعيدا.
طبعا حلفا السكوت المحس ، تحت شعار سنعيدها سيرتها الأولى..
|
Post: #28
Title: Re: سؤال يا جماعة انتو يعني شنو ( كلمة الارو)؟؟؟؟
Author: معاوية المدير
Date: 08-17-2014, 10:22 PM
Parent: #27
Quote:
سلامات على الأكارم والكريمات .. |
الكريمات دي بتاعة الجلبطة، واللآ شنو ؟.
أها، بايت القوا يعني شنو ؟. بايت عرفناها،
القوا يعني شنو ؟.
يقولك، الولد دا بايت السنة دي. يعني في المدرسة.
يعني مربِت. مربِت دي جات من وين زاتا ؟. تنقليزي عربي !.
يا عمي أرنست،
الكبيدا يعني شنو ؟. باقي أنا زول بندر.
تحياتي لعلوّب وباقي اللآلوّب...
|
Post: #29
Title: Re: سؤال يا جماعة انتو يعني شنو ( كلمة الارو)؟؟؟؟
Author: Sudany Agouz
Date: 08-18-2014, 02:58 AM
Parent: #28
الأخ الحبيب معاوية المدير ..
شكراً لرسالتك ..
وإجابة على سؤالك .. ما معنى الكابيدا ..
أعتقد .. وكما يقولون .. و الله أعلم ..
معناها " القراصة " ..
حقيقة .. بعد طيلة هذه السنوات .. قد فقهت ..
قد ظلمونا .. لعدم اعلامنا .. بمعانى تلك الكلمات ..
وإن شاء الله نجد بالمنبر أو حتى عن طريق الفيس بوك .. أحداً ..
يعلمنا ..
مرة أخرى شكراً أخى معاوية .. لهذه المحادثة ..
والرب يبارك حياتكم ..
عمكم العجوز ..
ارنست
+++
|
|
|