Post: #1
Title: لا لا كدا ما بنفع معاي
Author: أبوبكر عباس
Date: 08-15-2014, 03:13 PM
سحب بوست الطيب بشير:
"يبقى الأستاذ الرائع الموصلي...موسيقارآ عظيمآ...و يرحل الجندي دينق جورج بوك للثكنات"
بعد مداخلات الأستاذ عبد الله عبد الله الأستاذية، يجعل عندي هذا المنبر فضاءً محدود جداً، ويدار وفق مزاج مجموعة محدودة.
غايتو الله فكاكم مني يا ناس سودانيز.
طبعاً أنا ما زي الموصلي بهدد بالحردي ساكت.
نكتة تروى بمدني:
واحد من أولاد أم سويقو (حي جنب البحر) بمدني زعل مع ناس بيتم، وقام جاري وقال لي ناس البيت ماشي البحر أنتحر، أمو وأخواتو جرن لاحقاتنو من غير تيابن وسفنجاتن، الولد لمان وصل جنب البحر عاين لقى أهلو لسع بعيدين شوية منو؛ قعد يفك في رباط الكبك حقو لحدي ما أهلو حصلوهو، رجع البيت وقال ليهم: المرّة الجاية بنتحر بالكبك.
إن شاء الله البروف ما يرجع ليكم
|
Post: #2
Title: Re: لا لا كدا ما بنفع معاي
Author: محمد البشرى الخضر
Date: 08-15-2014, 03:20 PM
Parent: #1
يا بكّور ياخي بالغت, يعني انت لا بكري حنّسك و انت قبلت بالعضوية ما كنت عارف النظام دا
اتعايش معاه و مشّي حالك المنبر ما بتحمّل غياب رسول تنوير آخر :)
|
Post: #3
Title: Re: لا لا كدا ما بنفع معاي
Author: صلاح عباس فقير
Date: 08-15-2014, 03:44 PM
Parent: #2
| Quote: رجع البيت وقال ليهم: المرّة الجاية بنتحر بالكبك. |
ههه
مع تحياتي يا أبوبكر!
|
Post: #5
Title: Re: لا لا كدا ما بنفع معاي
Author: Elmosley
Date: 08-15-2014, 06:05 PM
Parent: #4
| Quote: تم تحويل البوست الى مكتبة الطيب بشير |
أخي دينق
هل تمت مشاورة الاستاذ الطيب بشير أم أنه حذف قسري
بناء على التراشق المتبادل الذي حدث
------------------
انا شخصيا لا اعترض ان كان بناءا على اتفاق بين الطرفين
ورضائهما لانه به الكثير من السباب المتبادل
ولكن ان كان ذلك قسريا فنرجو من
بكري أو من معه في الادارة أن يعيدوا النظر مشكورين في الأمر
ويستحسن ان يتم التشاور مع العضو الطيب بشير بالسحب وكذلك أيضا بوست
محمد يس خليفة لان به نفس الاشياء تقريبا
وأن تخف حدة التوتر الشديدة هذه لمصلحة الموقع
|
|