كيف تحرق نفسك اسفيريا !

تنغمس في تصفية خلافات اسفيرية و تنهمك في ابتكار طرق جديدة
و متنوعة في النيل من خصمك، كل محاولة لتصفية الحسابات تدفع بك
لمزيد من الانغماس فالحكاية بالضبط تشبه الرمال المتحركة. كل رد منك
يعقبه رد في الاتجاه المعاكس و كل تدخل من مناصريك يقابله مناصرة
من المعسكر الآخر، و هكذا و بالتدريج يصبح الأمر هو محور وجودك
على ظهر الاسفير، و هكذا تتملكك شهوة الانتقام و رد الصاع صاعين
فتصبح العلامة المميزة التي بها تعرف، رؤية معرفك الاسفيري تعني
للقارئ أن حجوة الضبيبنة نفسها تحكى حيث يوجد معرفك.

البوست مفتوح للمساهمات ولاّ عرشت على كدا يا دكتور؟

نقول مفتوح .. دا عودي:

Quote: كيف تحرق نفسك اسفيريا

كذّب وتمادى في الكذب حتى تعرف عند الناس كذّابا

مع الوقت يصبح وجودك مثيرا لملل الجمهور فلا جديد يرتبط بك فقط نفس القصة القديمة المكرورة
و نفس الفلم الذي دخله الجمهور عشرات المرات و نفس اللبانة المنطوقة التي فقدت الطعم و النكهة
منذ زمان بعيد. هذا هو الطريق لحرق نفسك اسفيريا فانظر يا هداك الله في اي طريق تسير.

يا ود البشرى
و الله هسه بفكر انسخ الكلام بتاع البوست ده و ارسلو ليك في المسنجر.

وليه مسنجر يا دكتور اتفضل قول رايك على العين و الراس

ياهو ده رأيي يا ابو حتحوت.

رايك ع العين و الراس يا دوك, بس أسمح لي اخالفك فيه أو في جزء منه على الأقل
إن كنت تعنيني في مداخلتك الأولى فشكلها مداخلة انطباعية, ولا تسندها وقائع, لو سألتك عن التفاصيل الخلتك تعنيني ممكن تقول لي واحد اتنين تلاتة؟
في رايي أنها لا تطبق علي بداية من مسالة الشلة و المناصرين انتهاء بمسالة التسبب في ملل الجمهور, فانا ما بأدي في شو لكي أنال استحسان الجماهير وأوفّر ليهم إثارة و تجديد و تشويق
و يبدو يا دوك انّك ما متابع التسلسل وشكلك بالصدفة وقعت على الجزء الأخير فقط

هو كلام عام يا ود البشرى بس انا حسيت يمكن جزء منه ينطبق عليك
و بصراحة ما كان في نيتي أبدا اقول اسماء بس بالصدفة انت كنت اول المتداخلين هههههه
صحيح المسألة ما شو و استعراضات و استخدامي لمصطلحات الشو بز جاء على سبيل المجاز فقط.
بالنسبة للمتابعة فحقيقة انو انا ما متابع... بس اليومين دي عندي اجازة صغيرة و قعدت اقلب في الدفاتر.

واضحة يا دكتور كونك ما متابع :) زي الجا في آخر كورة الكريبة و اهلي مدني الوقت داك النتيجة 9 صفر للاهلي قامت الكريبة جابت قون في لحظة وصوله صاحبك قام يعرض الكريبة جابت قون الكريبة جابت قون :)

Quote: كذّب وتمادى في الكذب حتى تعرف عند الناس كذّابا

غير صحيح يا ود البشرى ...
لا أحد يحترق إسفيريا ... و المشكلة فى الجمهور ..
رأينا بعضهم يكذب ... ويكذب ... ويعترف بالكذب
ولا يزال يكتب ويجد من يحتفى به ومن يعدد محاسنه ويمدح سجاياه ..
ويتمنون علينا لو اننا فقط نعرفه عن قرب لغيرنا رأينا ...
رغم انهم يعرفون أنفسهم بانفسهم وكتاباتهم تعبر عنهم ...
المشكلة فى الجمهور يا ود البشرى ...
وتحياتى لك ولدكتور سيف ...

شكرًا يا أمير على المرور و التعليق.
-------
سلامات يا خضر
ياخ و الله الوقت لسه ما فات و ممكن تتفتح صفحة جديدة. خلينا نركز على الموضوعي
و نتجاوز الشخصي و الذاتي و نختلف في إطار من الاحترام.

الدكتور وضيوفه سلام

Quote: هو كلام عام يا ود البشرى بس انا حسيت يمكن جزء منه ينطبق عليك و بصراحة ما كان في نيتي أبدا اقول اسماء بس بالصدفة انت كنت اول المتداخلين هههههه صحيح المسألة ما شو و استعراضات و استخدامي لمصطلحات الشو بز جاء على سبيل المجاز فقط. بالنسبة للمتابعة فحقيقة انو انا ما متابع... بس اليومين دي عندي اجازة صغيرة و قعدت اقلب في الدفاتر.

اذكر اسماء المافي شنو (:


--------
بس مايكون شرك اي زول بجيك تلبسه قميص عامر (:

تحية

ذهنية مع أو ضد مرتبطة بجينات التخلف.

لماذا لا نجعل من المنبر منبرا معرفيا تنويريا تفاكريا تتلاقح فيه الأفكار أو تختلف بهدوء أو تتفرق بهدوء.

لك السلام والتحيات دكتور سيف و المتداخلين ..

Quote: المستنير وهبة يا دكتور الصحيح انو ما في زول بحترق اسفيريا ... واهو شوفة عينك معاوية عبيد مدور زي الورد ... وبدرالدين الامير بكتب زي الما حاصل شي ... وعمك بتاع الرياض الكتب في المنبر هنا لأحدى العضوات "انتي وريتيني صدرك عاري بالويب كام" بعد ان رفضت الزواج منه .. وصلاح البندر وغيرهم كتير ... الكتابة في الاسافير عندها شرطين : (1) كلمة المرور (2) زمن متوفر ... وتاني قشة ما تعتر ليك خخخخخخخ

شوف ياخال زي ماكتبت اسماء الجماعة ليش ماكتبت اسم بتاع الرياض والا ما متأكد منه والا إشاعة ساهي وانت مسكت في الواهية ومن هناء أطالبك اما كتابة الاسم كامل او الاعتذار لي انا شخصيا بصفتي متابع لك ولم اعهدك عندك معيار تاني (:

Quote: غير صحيح يا ود البشرى ... لا أحد يحترق إسفيريا ... و المشكلة فى الجمهور .. رأينا بعضهم يكذب ... ويكذب ... ويعترف بالكذب ولا يزال يكتب ويجد من يحتفى به ومن يعدد محاسنه ويمدح سجاياه .. ويتمنون علينا لو اننا فقط نعرفه عن قرب لغيرنا رأينا ... رغم انهم يعرفون أنفسهم بانفسهم وكتاباتهم تعبر عنهم ... المشكلة فى الجمهور يا ود البشرى ... وتحياتى لك ولدكتور سيف ...

سلام عليكم أمير, معذرة كنت ناوي الرد في حينه لكن الكيبورد ليه رافع
في حاجات هشة و الضرر فيها لايمكن اصلاحه من ضمنها المصداقية
إن كذّبت او سرقت مهما فعلت فما في فايدة دمغة واخدتها, ولا يغرنك هبل الجمهور فأغلبه مغلوب على أمره و محكوم بقوانين الشلة و الصراع السياسي و كومي وكومك و فهم النضال و كدا
لكن الجميع في قراره نفسه يدري أن فلان كذّاب يقول لمسيلمة زح أنا ارقد محلك وفلان حرامي قوقل أصلي حتى قوقل شكى منه لكن لإعتبارات معينة وصراعات غبية مع آخرين الواحد بعصر على روحه ليمونة و يهلّل للحرامي ويشيل ابريق الكذّاب حفظا لماء وجه النضال وكدا
الحاجات واضحة ومن اختار ان يستخدم عقله بإمكانه التمييز ومن شاء أن يلغي عقله ويخت محله جزمة قديمة برضه بي خاطره

محمد سلامات ...

Quote: الحاجات واضحة ومن اختار ان يستخدم عقله بإمكانه التمييز ومن شاء أن يلغي عقله ويخت محله جزمة قديمة برضه بي خاطره

يا ليت بعضهم " يلغي عقله ويخت محله جزمة قديمة"
سيكون حالهم ومنظرهم أفضل بكثير مما هم عليه الآن ...
ولله فى خلقه شئون ... ولك التحية ..

سلام و تحية صاحب البوست و المتداخلين ،،،

نتم النصف الاخر من التساؤل ؟

(( كيف يتم حرقك إسفيرياً )) ،،،،

و أظن أن التانية هي الأكثر شيوعاً من الأولي ،،،

بدردقوك و و يسكوك لحدي ما تتشربك فيك و بعدين يقول ليك ده حرق نفسو ! هههههه

تحياتي ،،،

Quote: المستنير وهبة ود المسلني ما جبت اسمو خوفا من ذكر اسم الزميلة المحترمة وثم ثانيا . انت مالك عامل لي راسك المربع دا خخخخخ ‏16 أغسطس‏ في ‏05:02 مساءً‏

لن ترهبني ياخال ومنتظر منك ذكر الاسم وفي العدم اذكر الحرف الاول من الاسم والأخير من اسم الأب المافي شنو