شوفو عبد الرحمن الصادق متنفش كيف ونافع علي نافع لابد كيف ( صورة )

القعدة بتعبر عن ان الحوار كان عن اعتقال مريم

دائرة الصحافة بالمؤتمر الوطنى تعلن الاتى
دنافع على نافع...القيادى بالمؤتمر الوطنى..يلتقى مساعد رئيس الجمهوريه.عبد الرحمن الصادق
بالقصر الجمهورى...واللقاء يبحث واقع ومالات وتحديات الحوار ....الوطنى...



نافع فى تصريحاته قال لقائه بعبدالرحمن المهدى تم بطلب من الاخير

والله بعـد نفشـتو دي ما يسوي التكتح
والكوز الكاتل حيلو ده يسوي الدايرو
شفت الكرسي مكلف كيف مع الكيزان ?
مساعـد رئيس وأختك ملطشة بين الأمن
وسجن النسوان ... إنعل أم السُلطة وحبوبتها
زاتو لو بتخلّي راجـل يتهان ويتذلّ قدر دا !
--------
تحياتي يا صـــلاح

حَدَّثَنَا مَيمُون الأعمش عن أبِي نَفَّاش الأزْدِي قال سمعت جَاكَوِيْه يقول (أنْ مَنْ شَرِبَ لَيْمُونَاً مُثَلَجَاً وهُوَ جَالِسٌ حَاكَى الدّيك انْتِفَاشَاً)

ألَا رَحِمَ الّله جَاكَوَيْه ونَفَعَنَا بِعِلْمِه

فاتت عليك يا صـلاح :
مـن شــدة الزعــل ما عـزم
نافــع علـي الليمـــون البارد !!
هههههه

الإثنين تشيل دا تضرب بيهو دا

نفشة مكسور عينا ولبدة ########ة

كان بدلو الشورابات كان أحسن ليهم
.........
غايتو يا مريم عفيت منك كشفت حال إخوانك ولبستيهم طرح ساكوبيس

Quote: شوفو عبد الرحمن الصادق متنفش كيف ونافع علي نافع لابد كيف ( صورة )

شوف الصورة كويس...

نافع مثبت رجلينو، وعبد الرحمن رجله اليمين مهويـة!! وهـذه تعنى الكثير فى السايكولوجى.. تعنى ببساطة الثقـة بالنفس من عدمها.
طلب ليمون لنفسه وما عزم ضيفه حتى على شاى.. المهم احتمال نافع كان صايم..
أما إعتقال مريم فتمثيلية بايخة عفى على امثالها الزمن.. يعنى اخوها مساعد الرئيس ومكتبه فى القصر الجمهورى، واخوها التانى ضابط كبير فى جهاز أمن الدولة.. بالمناسبـة
يا اخ محمد دودى لو زرت هـذا البوست.. أنا عندى مصداقيـة لنـا مهدى ليست أقل من مصداقيـة الصادق أو غيره.. والكلام الذى نقلته ليس (كلام اسافير) كما تكرمت وإنما شهادة لنـا مهدى
وربما بسبب أمثال هـذه الشفافيـة ضاقت بها الطائفيـة وعزلت من إدارة المهجر..

الطائفيـة تحتاج إبتكار وسائل إحتيال أخرى، وتترك الأساليب القديمـة فقد إنكشفت

كاتل حيلو أظنو الصاح يا صلاح

وشكلوا خاف من الليمون عمل فيها صايم..

هو لسه حى؟

عايزين نعرف سايكلوجية مشاترة الالوان عند المتمرضن نافع

جزمة بنية
شراب رمادي
سوت اسود
قميص ابيض

ببساطة بقول لمريم والله ماعندك اخو ...
ولو هو راجل بالصح صح يقدم استقالتوا ويقولهم تطلعوها ولا
بروح للثورية الان والراجل يلحقنى ؟؟؟

الاخ عبد الله الحبيب سلام
ولك التحية
- الزول قالوا قدم استقالتوا رسلو ليهو نافع
- زمان لو تذكر نافع قال البزعل من ناس المؤتمر الوطني بنديهو حبة بندول
- وطبعا معروف انو قاصد شنو ( الكيزان كلهم ماسكين علي بعض حاجة )
- الزول اتنفش وزععق كمان وبعدها نافع بكون ادا حبة البندول وطلب ليهو ليمون
الليمون لزوم يروق اعصابوا

Quote: والله بعـد نفشـتو دي ما يسوي التكتح والكوز الكاتل حيلو ده يسوي الدايرو شفت الكرسي مكلف كيف مع الكيزان ? مساعـد رئيس وأختك ملطشة بين الأمن وسجن النسوان ... إنعل أم السُلطة وحبوبتها زاتو لو بتخلّي راجـل يتهان ويتذلّ قدر دا ! -------- تحياتي يا صـــلاح فاتت عليك يا صـلاح : مـن شــدة الزعــل ما عـزم نافــع علـي الليمـــون البارد !! هههههه

Quote: عايزين نعرف سايكلوجية مشاترة الالوان عند المتمرضن نافع جزمة بنية شراب رمادي سوت اسود قميص ابيض

أولا الملابس ما فيها شيء غلط
القميص الأبيض يتلبس مع اى لون اخر
البنطلون الأسود يتلبس مع اى لون اخر
الرمادى تدرج للأسود ولا غبار عليه
الجذمة البنيـة لون معروف وعام.. تتلبس مع اى شيء تانى..

ولكن رغم ذلك (وقرض على دى).. إنو اللبس المشاتر دليل جهل وليس دليل ضعف، وهـذا هو المهم..
وهل أجهل من ناس الجبهـة؟ ولكنهم أقوياء ومنظمين.. وجهلهم أودى بالسودان والإسلام في السودان، وسيودى بهم
في النهاية بعد ان اودى بحركتهم الإسلامية بالفعل، مهما كانوا أقوياء.

--------

للاخ الذى اقترح على عبد الرحمن ان يخير الحكومة بين إطلاق سراح اخته وإنضمامه للثورية.. واللاى هانت الثورة.. عارف
لو قال ليهم كدا حيقولوا ليه قشـة ما تعتر ليك.. والثورية ما حيقبلوا زول جاييهم عشان يفك اخته، لأنه لو مقتنع
بقضيتهم لانضم اليهم من قبل. حيقولوا ليه امشى عين ليك محامى لمريم وخليك في أكل عيشك.. موش الصادق ربهام على كدا؟
أكلوا توركم وأدوا زولكم؟ عبد الرحمن وبشرى ينفذون أفكار الصادق بالضبط ولا احد يصدق الصادق أنه لا يؤيـد دخولهم الإنقاذ.
بالمناسبـة هل الصادق قال لا يؤيد دخولهم الإنقاذ؟ لم اسمع مطلقاً.. وإنما سمعت وقرات انه قال انهم احرار في إتخاذ قرارهم
وهـذا لا يعنى انه لا يؤيدهم فيه.. (إن لم يكن هو الواسطـة).

ولكن رغم ذلك وقرض على دى.. إعتقال مريم مسرحيـة مكشوفـة لتلميعها وتلميع الصادق المهدى وحزبه، تغطيـة لوساطته في باريس.

(ولكن رغم ذلك وقرض على دى.. إعتقال مريم مسرحيـة مكشوفـة
لتلميعها وتلميع الصادق المهدى وحزبه، تغطيـة لوساطته في باريس.)
-----------------------
يا أبو الريش سلام ..
كدا بالله نورنا ... في حاجات كده ما دايرة تدخل الرأس :
* مريم دي مش قبل كـده إعتقلوها كم مرة وضربوها ولو صابت ذاكرتي فقد كُسرت يدها في إحـدي التظاهـرات ?
* رشحت معلومات تؤكد أن الإنقاذيين حاولوا إغراء مريم بمنصب رفيع، لكنها رفضت ذلك وواصلت قيادة حزبها المعارض.
الإنقاذ كانت راغبة في ضم مريم أكثر لأنها بزت أخويها الإنقاذيين حضوراً ونشاطاً سياسيا وجرأة في معارضة الإنقاذ !
* لها من الذكاء ما يجعلها تتيقن أنها ستحرق مستقبلها السياسي بيديها لو شاركت في سلطة الإنقاذ بأي درجـة !
* لديها قبول كبير وسط أغلب الأحزاب والتشكيلات السياسية وحتي في الحركات المسلحة !
* كيف لزولة بكل هذا العطاء الصدامي والنضال أن ترضي بدور ساعية تحمل مبادرة إنقاذية للجبهـة الثورية ?!!
* الأهم ، ماهـو المقابل الذي يجعل مريم ( بي نظير بوتو السودان ) السودان تبيع نفسها رخيصة للإنقاذ بائنة الضعف هذه الأيام ..??
----------
تحياتي أستاذ أبو الريش
وعذرا إن أغضبتك مرة
مداخلة خشنة مني.

* ( بي نظير بوتو السودان ) * كما وُصِفَت في مقالة قرأتها منذ مدة

Quote: ألَا رَحِمَ الّله جَاكَوَيْه ونَفَعَنَا بِعِلْمِه

إنت جَاكَوَيْه ده دحين مو مدرب المنتخب الفرنسي الـ فاز بي كاس العالم سنة 1998؟
سلام صلاح ـ

الصورة معبرة جدآ
نافع عاصر يدو الشمال بيدو اليمين والراس محني بالجنب مما يعني شعور بالحرج = اخو زعلان من حبس اختو وده ما شئ هين لسوداني = وزي ال بقدم تبرير والرسل نافع ذكي ح يذكر عبدالرحمن باتفاق نافع - عقار وكيف البشير من المطار رفضو .
غايتو البشير ما اظنو داير مخارجه ولا اتفاق والا لكانت هذه فرصة المليون = علي الاقل يفك قرون الثور = ودي تعتبر فرصة لوقف الحرب لو احسن أدارتها

Quote: جزمة بنية

الجزمة عاملة ماتشنق مع لون خشب الكراسى
يعنى هو اولى بالقعاد هنا

الاخوة المتداخلين سلام
ولكم التحية
- ما لاحظتو العصاية الفضية في الكرسي يمين عبد الرحمن

فوق