الداير يعمل قروش جد اليقع الشغلة دي في دبي

الشغلة نايمين عليها الباكستان
وهي أصلو ما متعبة أكتر من تعب التاكسي في نيويورك .
وعادي ممكن تسوي ما يعادل ال 500 دولار صافي وكمان تشيل عشاك معاك .
>>
لا حظ ال 500 دولار دي في اليوم الوأحد ولو ربك سهل ممكن تدقش ال1000 وبي شويش .

ههههه يا عثمان
الله يغنيك من فضلو ياخ
يا زول تذكرتي جاهـزة ومسافة السكة
أنا جادي يا مان ، زهجنا من الجليد والتزحلق والهوكي
-----
تحياتي

سلام يا عثمان

هسع لو عملت الاجابة بي دولار كان بقيت انت زاتك مستثمر هههههههههههها ،،،

ياخي عدد القراء لحد هسع 900 وشوية ولحد هسع مافي زول عرف المشروع شنو ؟؟

خايف بعد ده كله يكون تاكسي ..

عزيزنا الفنان عبدالهادي
سلامات
يا عبدالهادي يا أخوي أهلنا المساكين زمان بنوها طوبة طوبة .
( والباكوبنقا هنود ) لقطوها هللة هللة .

عزيزنا عبدالله الحبيب
سلامات
الناس زمان في دبي قايلين الباكستان والهنود دراويش طلعوا تجار وفالحين كمان .
عان الخم الخامنو ده .. ربنا يديهم ويدينا العافية .
تحياتي

والله ياود عمي جنس جرجـ رة!
ياخ ارمي الـبايظ إن ولو قريب غطا.
في اخبار بتقول كبري اتبرا وقع الكلام
ده نعالو مو صُح؟

Quote: ياخ ارمي الـبايظ إن ولو قريب غطا.

قص ليهو يا عزو بس

ياعثمان الحقنا اخ دايرين نمرق من امريكا دي

عصمان

لا تقول لينا فوكوس
او برامج اليانصسيب التى
راكبت الناس مواسير


جيب لينا نكت عديل ياخوى

عزيزنا أبوقوتا
سلامات
لا لا ياخ
الشغلة شغلة هينة و تب ما مكلفة .
وعليك أمان الله كان فتحت .. بس ماسورة قروش .

الأستاذ الموصلي بعد السلام
ممكن نفكك تمشي الخليج لكن لازم تسوق الزول داك معاك... فاهمني طبعاً وحق التذاكر علي..
من فضلك زر قناتي في اليوتيوب واشترك فيها
http://www.youtube.com/user/KabbashiSudan


كبـّاشي الصافي

(العوج راي والعديل راي)

مشكور كانتونا أخونا في المنقة ومنافسنا من سوق أبوجبيهة .
هسع عليك الله زول عندو مساحات منقة زي دي يقوم يشبكنا قناتي قناتي .
والله لو بتمسك في منقتك دي ولا ال C N N زأتو .

عزيزنا أستاذ الموصلي
سلامات
النهضة الحاصلة في دبي يا أستاذ الموصلي تذكرك امريكا منتصف التسعينات .
شعب يستحق الكتير

عزيزنا الطيب شيقوق
سلامات
الشغلة دي يا الطيب خلاف القريشات الحلال و السريعة .
برضو هي شغلة بتفرجك في كرش ال business . الكرش الضخمة أم شحم و ربيت .

عزيزنا الطيب شيقوق
سلامات
الشغلة دي يا الطيب خلاف القريشات الحلال و السريعة .
برضو هي شغلة بتفرجك في كرش ال business . الكرش الضخمة أم شحم و ربيت .

الداير يعمل قروش يبع بروش

الزول ده بتكلم عن تجارة السكراب


الواحد يشتري بنايه عاوزين يهدوها بي رخص التراب


ويبيع الحديد والالمونيوم والمكيفات والابواب والشبابيك بي مبلغ وقدره ومسيطرين عليها الباكستانيين والهنود

Quote: الزول ده بتكلم عن تجارة السكراب الواحد يشتري بنايه عاوزين يهدوها بي رخص التراب ويبيع الحديد والالمونيوم والمكيفات والابواب والشبابيك بي مبلغ وقدره ومسيطرين عليها الباكستانيين والهنود

أكان كدي الله يعدله عليهم، هي الصح فيها قروش الا والله ما بنلقى معاهم اي فرقة ،،،
وحاتك قعدت فترة في جدة شفت العجب العجاب وآمنت من ابداع الانسان لكسب عيشه:
الزبالة دي الله يكرمكم تخصص كل زول متخصص في شيء
جماعة متخصصين علب البيبسي
وفي ناس في الكرتون ،،
وناس في الحديد
بتاع البلدية بيجي يبلغ تمام بس ويمشي،،
الا الناس ديل عندهم صبر جد.

وناسنا متخصصين في التشليح ظابطين الشغلة دي جد،،،

أستاذ الفاضلابي
سلامات
حاول أتعلم لغة الاوردو والهندو في أسبوع و ألكع يا أخوي .
تحياتي

Quote: الزول ده بتكلم عن تجارة السكراب الواحد يشتري بنايه عاوزين يهدوها بي رخص التراب ويبيع الحديد والالمونيوم والمكيفات والابواب والشبابيك بي مبلغ وقدره ومسيطرين عليها الباكستانيين والهنود

يا معتز ياخي حرقت البوست من أوله ... ههههههههههههههههه


سلام لصاحب البوست ولك

Quote: يا معتز ياخي حرقت البوست من أوله ... ههههههههههههههههه سلام لصاحب البوست ولك

والله يا دكتور انا سمعت انو في سودانيين اشتروا عمارة العقارية بمبلغ 7 مليون ريال ،،، الا كان صح كان ما صح ما بعرف،،،

في الخليج عامة، والسعودية خاصة، الشغلة دي متوقفة على درجة تسريح الكفيل لمكفوله، وطبيعة مهنة الأجنبي ، واسم المهنة المكتوب على الإقامة،
و بخصوص الإسكراب...
باحظ من كانت مهنته في الإقامة عامل..

Quote: الداير يعمل قروش جد اليقع الشغلة دي في دبي

رأيك شنو يكون العنوان كذلك:
الفي دبي وداير يعمل قروش جد يقع الشغلة دي
نسال الله الرزق الحلال.

عزيزنا قصي
سلامات
الخليج عامة ؟
لا تعمم يا قصي يا أخوي ..
قوانين العمل في دولة الامارات أكثر مرونة من بعض دول الخليج .
و في أمارة دبي قوانين العمل أسهل من باقي أمارات الأتحاد .
الأمارات ماشة في الطريق الصاح .. و صدقني فرص النجاح مفتوحة للجميع .

لا لا يا أخ عباس
دي ما الشغلة البتتكلم عنها

عزيزنا صابر
سلامات
ياخ ما شاء الله علي دبي كل ده العمار والنجاح قام في أربعين سنة

عثمان اود عمي يمين خبرك العلقتو في منبر من لا وطن له هيل بكري ده اترو وقع في الزيداب يمين الشباب بداولو اطراف الحديث عنو في النقعة القدام بيت ناس عمك العوض وسمعتلك جنا من ال الاحمر في المتمة ضرب تلفون ووقع دبي من اول امس .

توريد وادخال سيارات مستعملة من امريكا الي دبي .. فيها قروش حلوة وانت قاعد مرتاح بس عاوزة شوية تنسيق في الاول وبناء ثقة مع المصادر في دبي وامريكا

يا عثمان موسي ياخ الشغلة شنو
..... شحتفتا روحنا والله ...... غايتو الله يستر من شغلة ماسكين فيها البتان !

عزيزنا مازن هلال
سلامات
الشغلة دي ما حتكلفك قروش كتار في البداية .
وأكيد البنوك حتساعدك . عشان تقيف علي كرعيك .
أها يا مازن بعد تحل البنك .. بعد دأك بس حضر ليك شوال قطن كبير لي لملمة الدرأهم الجميلة .

عزيزنا أشرف
سلامات
كلو يا أشرف .. تكون بتاع كلو .
ما عليك الا تقوم بدري ومع النجمة

عزيزنا السنوسي
سلامات
دبي البلد المفتوح يا السنوسي مقبلة علي مستقبل جميل ومشرق .

وترحيب حار بكل المشاركين والمشاركات عبر نفاج الفيس

يا عثمان ياخي جهجهت باكاتنا.
انا غايتو مقتنع بي شي وااااااحد بس الزمن دا
Money Makes Money

شايف الأخوان السودانيين بعيدين عن الشغلة دي .
ولا وأحد مافكر فيها . ما أنها شغلة في اليد وتعرفك علي مفاصل التجارة في بلد أصبحت
من أقوي بلدان العالم في التجارة .. والسوداني عندو مفتاح من المفاتيح المهمة .. مفتاح اللغة العربية وعندو القبول .

عزيزنا ناصر
سلامات
والله جد يا ناصر دبي خلعت الخواجات الجو معاي السنة الفاتت .
يا ناصر فروع الشركات الأمريكية الموجودة في دبي شغالة أكتر من أي فرح في دأخل أمريكا ز
ده معناتو البلد فيها حركة .. وحركة قوية .
...
بشرح ليك الشغلة الممكن تعمل منها مال احمر .. تحياتي

Quote: وترحيب حار بكل المشاركين والمشاركات عبر نفاج الفيس

ناس الفيس قالوا ليك :

Quote: اكتبو كلام واااضح وبطلو الغتغيت ولا ماتكتبو !!!!

عزيزنا يوسف أبوصالح
سلامات
ومشكور علي المرور الكريم

والله شوف انا بقوليك حاجة
الشغلة دي لو فيها تسويق وحنك ومنجهة
تراها ما شغلتنا
واذا بقت عايزة راس مال كبير السودانيين ما بيعرفه الشراكة ،،، زي واحد معانا هنا قال والله السوداني تشاركو وتعمل معاه مشروع اول حاجة يفكر فيها انه كيف ياكل حقك.

دحين لو غير ديل جيب من الاخر ،،،

فعلا شغلانة سهلة جدا وبتجيب قروش .... لازم الواحد ينوم من بعد صلاة العشاء ويصحى دغش

عزيزنا a عثمان
سلامات
نعم تقوم بدري . الضهرية تضرب العضة و تديها بطحة وتفز تاني .
الساعة 11 تجيب عشاك معاك ودراهمك تحت المخدة لا ضريبة لا كبيبة .. حلال و صافي .

عزيزنا الهادي
سلامات
لا محتاجة منجهة لا حنك لا تسويق .
الشغلة محتاجة نشاط وصدق + تكون زول تفتيحة + تكون وأقع من ناطحة سحاب عشرة مرات .

يا عثمان .. فيها شحتفة جنس دى ؟

عثمان يا خوى أنا ما مشكلة، لكن شحفتـة الزملاء دى ما هنيـة..

عشان كدا قلت أقد ليك محل الرهيفــة...

أمانة عليك تكسـر كرعيك، الشغلانـة موش الطابووق؟

عزيزنا أبوالريش
سلامات
الحاصل من نهضة يا أبوالريش في دبي ما حاصل في أي فجة في العالم .
ولا في الغرب كلو . ربنا يديم عليهم نعمة الأستقرار .

عزيزنا نادر الفضلي
الزول الذي شرب وش الدواء ولبد في أبوظبي .
سلامات .
أديها صنة بشرح ليك كيف السادة البتان والهنود متحكرين علي الشغلة .
وكمان تحكير بي فهم .. ياخ ديل مافيا عديل

الأخ عثمان موسى بعد السلام
أنا لي يومين ببيت في مطار هيثرو .. راجيك تقول الشغلانة شنو عشان اول طيار كان صباح كان مساء وأجيك
شايفك مطيت الحكاية .. وحتبقى لينا زي حجوة ام ضبيبينة
فك الفتوح الله يرحمك
تحياتي
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan

كبـّاشي الصافي

(العوج راي والعديل راي)

Quote: الأخ عثمان موسى بعد السلام أنا لي يومين ببيت في مطار هيثرو .. راجيك تقول الشغلانة شنو عشان اول طيار كان صباح كان مساء وأجيك شايفك مطيت الحكاية .. وحتبقى لينا زي حجوة ام ضبيبينة فك الفتوح الله يرحمك تحياتي زر قناتي في اليوتيوب من فضلك واشترك فيها

يا كباشي اخونا ده شكله كده موضوعه لسه مطول، إلا عندي ليك سؤال

ياخ انا عندي قناة يوتيوب عملتو في 2012، وحرم نسيت اسم المستخدم وكلمة المرور، ياخ الشغلانة دي احلها كيف، نزلت فيه فديو لقيت عدد الكلكات لحد هسع الفين وشوية

كيف ارجع الحساب ده؟

علما اني جربت كل ادوات قوقل لاسترجاع الحساب وفشلت وما عندو غير اجابة واحدة ، لا يوجد مستخدم بهذا الاسم !!


معليش يا عثمان طلعنا من الموضوع، بس قلنا لحد ما ترتب امورك نستفيد من اخونا كانتونا بما انه صاحب قنوات يوتيوبية وكده.

الأخ الهادي ابو بكر بعد السلام
1- حاول الدخول عن طريق الجيميل والباسويرد تبعه على القناة ...
2- إذا لم تنجح هنالك طريقة اخرى سوف اشرحها لك في الخاص بشرط تكون تعرف اسم القناة
من فضلك زر قناتي في اليوتيوب واشترك فيها
http://www.youtube.com/user/KabbashiSudanhttp://www.youtube.com/user/KabbashiSudan


كبـّاشي الصافي

(العوج راي والعديل راي)

Quote: الأخ الهادي ابو بكر بعد السلام 1- حاول الدخول عن طريق الجيميل والباسويرد تبعه على القناة ... 2- إذا لم تنجح هنالك طريقة اخرى سوف اشرحها لك في الخاص بشرط تكون تعرف اسم القناة من فضلك زر قناتي في اليوتيوب واشترك فيها

Quote: بشرط تكون تعرف اسم القناة

تسلم يا كباشي قرض على الاخيرة دي،، متأكد من اسم القناة تب ، الا بيدخلو ليه من وين ما عرفته ..

ابشر أنا في انظار اشارتك، وكنت اتمنى تعمل بوست بالخصوص ده على اساس يكون مرجع للجميع..

يا عثمان والله بالغتا ياخ،،،

الأخ الهادي أبو بكر بعد السلام
عشان ما تتوه من نفس الكمبيوتر او اللابتوب العملت فيهو القناة اول مرة:
Write letter y in the space provided for websites
If your channel registered in that PC or Laptop, it will open automatically
كدي جرِّب دي ولو ما جابت نتيجة نشوف ليك طريقة تانية
زر قناتي في اليوتيوب من فضلك واشترك فيها
http://www.youtube.com/user/KabbashiSudanhttp://www.youtube.com/user/KabbashiSudan

كبـّاشي الصافي

(العوج راي والعديل راي)

أها يا الهادي
فرحان ؟
ضمنتو متسوبيشيك هههههههههها .
والله يا الهادي يا أخوي الوأحد أمنيتو أي سوداني يستفيد من النهضة الحاصلة دي
نحنا ناس ساهمنا كتير في تعمير العالم العربي ونستحق الكتير ..

Quote: أها يا الهادي فرحان ؟ ضمنتو متسوبيشيك هههههههههها . والله يا الهادي يا أخوي الوأحد أمنيتو أي سوداني يستفيد من النهضة الحاصلة دي نحنا ناس ساهمنا كتير في تعمير العالم العربي ونستحق الكتير ..

يا عثمان والله ربنا يجزيك خير على الخدمة دي ياخ، كونك تحب الخير للجميع دي قيمة انسانية ما ساهلة ربنا يعدله ليك وين ما قبلتا واكيد في الناس الممكن يستفيدو من الشغلة دي،
والله انا بعرف واحد معانا في الرياض، مؤجر شاحنة مارسيدس بالشهر وشغال بيها نفس شغلتك دي حلف يمين قلي الشهر بصفي 8 - 9 الف براحة.

ما قصرت ربنا يفتح عليك ابواب رزقه...

يا جامع اجمعنا بي كانتونا ،،،

أها ده الفتوح يا كانتونا .
الكع ساكت .
لندن تاني تجيها لزوم الفسحة وتلقيط كتاب كتابين وترجع لي متسوبيشيك .
هيع .

دي هي الشغلة المبروكة
ما عليك الا تشتري ليك دفار متسوبيتشي
وتكون عندك معرفة جيدة بي جبل علي ومنطقة العوير والمناطق الصناعية في الشارقة
وعجمان ورأس الخيمة وأم القيوين والمطارات والمواني
وشركات الشحن ومحلات الجملة الكبيرة وفنادق تجار الجملة القادمين من عمان والسعودية والكويت وقطر والبحرين
وعموم مشترين الجملة من أفريقيا وروسيا .
..
الشغلة فيها مال احمر ..

دي هي الشغلة المبروكة
ما عليك الا تشتري ليك دفار متسوبيتشي
وتكون عندك معرفة جيدة بي جبل علي ومنطقة العوير والمناطق الصناعية في الشارقة
وعجمان ورأس الخيمة وأم القيوين والمطارات والمواني
وشركات الشحن ومحلات الجملة الكبيرة وفنادق تجار الجملة القادمين من عمان والسعودية والكويت وقطر والبحرين
وعموم مشترين الجملة من أفريقيا وروسيا .
..
الشغلة فيها مال احمر ..

سلام عثمان موسي
مبااااااااااااااااااالغة
لما اشتري ليهو دفار وامشي اعرف الحاجات القلتها فوق كلها وحتي ما اصل روسيا بكون ضاع من عمرو عشرة سنوات
خت في الاعتبار الناس المداخله معاك غالبيتها عندها فقرات في الضهر من قعاد الكراسي وشغل الوظيفه
غير بتاعين السكري والبروستات ما بقدرو علي قعاد الدفار غايتو إلا اربطو ليهم زجاجة في كرعينم
شوفتا من جات سيرة الدفار الناس زاغت كيف
يا خوي شغلتك دي اخير منها الجماعه بتاعين دخل واحد عشان إدخل عشرة وشجرتك تكبر وارباحك تزيد وفي النهاية ازوغ لا شجرة لا فرع بكون عندك امل تلقاهو ولا تلم فيهو وتفضل عايش علي الامل
تحياتي وتقديري

عزيزنا عباس
سلامات
والله يا عباس صدقني الشغلة لو عرفتها .. شغلة فيها فلوس جد
ومحتاجة صبر .. وبرجع . تحياتي

دفار ? .. ياخ تدفــرك ماريا شرابوفا !
بي وين لي الغضـروف ده ?!
فضلاً رقـم تلفونك في الخاص
عندي أسئلة فنية عـن كشافات المعادن
وأكــون شـاكراً جـداً .

الغضروف ؟
جنيت يا عبدالله يا أخوي ؟
ياخ قروش الدفار ده عليك أمان الله تشفط الغضروف شفط .

يا عبدالله
حبابك ومرحب .. اديك تلفون الزول صاحب الويرهاوس بتاع الكواشف في دبي
يفيدك فايدة السنين .. الزول خبير بي مجسات بطن الارض ..
بجدعو ليك في الخاص ..

عارف يا نادر الفضلي
المشوار من الشارقة الصناعية ولي سوق مرشد MINIMUM
250 درهم . منطقة العوير يفوت ال 500 .
الباكستاني ممكن يسويلو بين التمانية والعشرة مشاوير + عشاو .

مليون مره أحسن من التاكسي في المدن الأمريكية الكبيرة

Quote: مبااااااااااااااااااالغة لما اشتري ليهو دفار وامشي اعرف الحاجات القلتها فوق كلها وحتي ما اصل روسيا بكون ضاع من عمرو عشرة سنوات

يا عباس الدسيس ياخ امال الـGPS وخرائط الـiGo دي عملوها في شنان شنو الخلايجة ديل ؟ اكتب عنوانك وباري الشاشة ساي ههههههههها

Osman I hear you
تبدو فيها فلا كويسة .. بس جماعتك هنا لو ركبت ليهم وإطاقشوا عليها برخصو السوق !

8 , 9 ألف ريال ؟
يا الهادي
ياخ بقوليك الباكستاني بحشر كل شهر في حسابو 15 ألف دولار .
يعني سنتو بي 180 ألف دولار .
بعد سنتين بتلقاهو فاتح محل دهب في سوق الدهب . ومشنكل ليك دهب في المحل بي 3 مليون دولار .
يا الهادي بعد تحصل ال 300 ألف دولار تاني ما حتقيف والبنوك بتديك عشان تفتح محل الدهب بتاع ال 3 مليون .

Quote: , 9 ألف ريال ؟ يا الهادي ياخ بقوليك الباكستاني بحشر كل شهر في حسابو 15 ألف دولار . يعني سنتو بي 180 ألف دولار . بعد سنتين بتلقاهو فاتح محل دهب في سوق الدهب . ومشنكل ليك دهب في المحل بي 3 مليون دولار . يا الهادي بعد تحصل ال 300 ألف دولار تاني ما حتقيف والبنوك بتديك عشان تفتح محل الدهب بتاع ال 3 مليون .

يا عثمان انا معاك يا معلم ،،، على قول عادل إمام.....

والمثال من باب المقارنة بين الكد هنا وهناك ،،، بشوف كتير دفارات بتقيف باليومين والتلاتة في انتظار مشوار من الرياض لي خارجها ، تعرف المشوار من الرياض لي جدة نقل عفش بي كم كان هنا، 600 ريال هسع ما متأكد مع خالص الشكر، والله صحي، حوالي 1200 كيلو متر، وكاميرات مراقبة سرعة وغيره، يعني لو طقتك كاميرة واحدة سرعة، مشوارك بي بلاش.... غايتو قطع الاشارة بي 500 ريال ...

فلا ؟
هي فلا وبس يا نادر .
أنت خلاف الفلوس بتكون كاشف عصب السوق كلو .
بتكون عملت تشريح لجخانين الاسرار .. أنت يا نادر ده لو عرفتو تاني ما حتفلس .
الدفار مدخل لي عالم تاني .

حقيقة الداير يعمل مصاري اليقع الدفار
ودبي مدينة متمددة و منشرة وطامحة كل يوم .

تشيل الدفار جديد لنج وتدفع شهري
ألفين درهم .
وفي النهاية تبيع الدفار بعد ما يكون سعرو في مية في دأخل حسابك

الانفستقيشن العملتو في الفترة القليلة في دبي
مع جماعة الموتسوبيشي كان مدهش .. صاحب الدفار الأسمو بنجابي حسن أزهر
عمرو 55 كان شغال عامل دق بلوك في مصنع بلاط وبلوك .
بعدها رجع بلدو وعاد بي تاشيرة زيارة .. في زيارتو عمل أقامة شريك في شركة خدمات شحن .
وهاك يا تدوير في الدفار ليل نهار ..

ولو ربنا لماك مع زول عندو مشوار طويل يوماتي
من جبل علي لمخازن الزبون . ده يكون المطلوب . يعني عندك زبونين
في وكت محدد . وبعدها تفر في سوق الله اكبر .

ودي بشارة
بشارة للناس القادو التاكسي من قرونو في جخانين هارلم
ونووأرك نيوجرسي . وشيكاغو ودينفر وتورينتو ولوس أنجلوس .
البشارة يا الربع . أي زول ضاق لكع التعاشيق في دي المكانات الخترية .
تاني ما بتهمو حراية جو . ولا بتنقص عزيمتو منافسة هندي حنكو ما عاضي .
هادي البلاد فيها خير الله .. هادا عالم جديد ومنظم وحلو صدقوني ..

عزيزنا الهادي
سلامات
يا الهادي يا أخوي أصلو مافي مقارنة بين الرياض ودبي .
دبي أصبحت من أكبر المدن السياحية والتجارية في العالم .. الحركة التجارية فيها لا تتوقف 24 ساعة .
يا الهادي ياخ الحاوية من الصين لجبل علي بتصل في عشرة أيام وتتباع في دقايق .
وتعال شوف عدد الحاويات البتدخل في الساعة .

السوداني الوحيد الفي السبعة أمارات اللقيتو شغال دفار
هو مجيد عشكوب في سوق أمارة رأس الخيمة .. عرفتو سوداني بعد ما لفتتني عبارة مكتوبة في الدفار .
الزول كاتب : مقطع من أغنية
يا دمعي الاشتت
دفاري يا الفراقك حار
دفاري يا الفراقك حار
أسير حبك أنا ليل ونهار .
..



بعد دأك حصلت المعرفة

حصلت المعرفة مع عشكوب صاحب الدفار
الزول حلف الا يعزمني مندي في المطعم العدني المقابل الدوار .
الرجل كريم وأنا عشان كرمو بي كلسترولي ده جاملتو
ومع عطرابة المندي وريحة العيش البلدي زولك دور الكلام عن الدراهم وعن المتسوبيشي المتسوبيشي يا الفراقك حار .

المندي الكارب أجبر عشكوب يبدل بعض كلمات المديح .
زي .
يا راحلين الي دبي قيادي .. هيجتموا يوم الرحيل فؤادي
حرمتموا جفني المنام ... بدفاركم يا ساكنين المنحني والوادي
...

أخونا العزيز عشكوب متيم بي طلبيات دكاكين المنحني والوأدي
في طريق رأس الخيمة .
قال : المشوار وأحد لي تجار دكاكين المنحني أقلو 2500 درهم .. والحكاية ما بتعدي الخمسة ساعات ماش جاي .
ولا تسأل عن سعر السكن ولا تسأل عن همبريب ديار الخيمة .

دردش معاي عن المدأخل
وعن الحظوظ والمطبات والهبايب الممكن تكشحك في غربتك .
وقارن بين أوضاع المغتربين في السعودية ودولة الأمارات
وضحك لمان قال : الكفيل السعودي المكاجر ممكن يعمل ليك شلل نصفي .
بس برضو تسعين في المية منهم كويسين .
..
ياخ لقيتليك عشكوب دفتر طويل عريض من المعارف والتجارب والحكايات
ولقيتو مدرسة حقيقية في تعليم النجاح ولم المال .

الجماعة نايمين عليها نوم تقيل

سألتو عن الشهور القوية للشغل
قال لي : في دبي مافي موسم . لا لا الشغل قارن مع بعضو طول السنة والحمد لله
الخير باسط وطامح .