ود شيقوق وودالبوش وود المنسي هام

Post: #1
Title: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 01:03 PM
Parent: #0

نحمد الله خجينا الببسي ,,,, وما اترعناهو قدام الناس
لا بنعرف النعيز ولا دوا الكديس
اولاد مدن
شفنا السينما وسمنا أ لاب يو
ف شنو
كيف يعني تقولو
انا بتاع عشر ولعوت
وبعد شويه تقولو باكل الحنبق والبانقيقا من البحر
هوي انا بتاع
زهور وغروب الشمس علي ضفة النيل ترسل اشعتها المذهبة نحو ظلال الاشجار المنحية تقيم صلاة الشكر صوب الكائنات في اعماق النهر المتدفق كعاشق هرول نحو عشقيته في حب مستهام
ف شنو
شوفو ناس الضهره وين وناس السرحه والسعيه والبقر رضعن
وعلق للحماره وشدها
امشو سري
واركبو عري
ما تتباطو
فتكم عافية
باي

Post: #2
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 01:09 PM
Parent: #1

الموجعني عياطم لي في مباجحاتم ,,, قايلني منهم
كلامهم كوتر شي افرزو وشي يغلبني
لا شركنا للطير
ولا قبضنا الصير

Post: #3
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 02:18 PM
Parent: #2

Quote: الموجعني عياطم لي في مباجحاتم ,,, قايلني منهم
كلامهم كوتر شي افرزو وشي يغلبني
لا شركنا للطير
ولا قبضنا الصير

ههههههههه
حاشاك يا ود أبوسن
والله يا يابا لو ربوك في ناطة سحاب ياك ود ابوسن
جنى بطانة
ومن شينبك دا
نفخ في نار بيعرات البقر للشاي المقنن
السمك بتقول لي حوت
الكبريتا كسفريتا
الشباك في المطبخ قال المطبخ قال( التوكل ) عندكم دمبوية
كدي عاين في عيوني في ود مدن عيونو كدا إت الشمش صقعتك لآمن تصر عينك
يعني التكنك كربت في وسطك البنطلين دا خلاس ود مدن
جنى بطانة جنى بطانة وإن سكنت كوستي
هههههههههههه هيييييييييع
أنا الككو الفجخ الطين أنا الضب الوقع في العجين

Post: #4
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 02:26 PM
Parent: #3

اها جنس النضمي ده بخلي الزول يتلبب عكازو
ها زول ود مدن
لبست الشارلستون واكلت اللكوم
لا شفت الدوكة ولا بعرف المعراكة
قالو
بتولعو البعر في الواطة العزازه لامن تهبد النار ,, تنفضو الرماد وتكتحو الدقيق وتدوهو اللبن وتاكلوها عصيدة لبن لا حله لا كانون
احمد الله بنولع البوتجاز بدون كسيريتا اتوماتيكيا
وبناكل الباسطه ولا بنلحس ورقتها

Post: #5
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 02:31 PM
Parent: #3

Quote: امشو سري
واركبو عري
ما تتباطو

امممممممممك عمك حسبو براهو شتت قصبو
انا هين بجيك شيقوق واخليك تقول القوق
وادق ليك الجهارات واتا تقول فوق
وفي اللخار اقوليك سنة يا وِرْوِ تاني بتجي السوق

Post: #6
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 02:40 PM
Parent: #5

ها اللخو الجهارات دي حقتكم ,,, لانا بنعرف الشيش بيش ولا اليك ,,,لا صفجرجت لا اطعن هنا
لعبنا في الكراسي مصنقرين ,,,, ونجرك الخمسين لامن تقول يامين
هيع خلو الليجي اب راسن متل اللدايه قايلني بخاف منو ,,, نعمنك ما حدثوك
نحن ناس اقنعني بالمنطق
خلي اليجي امنطقو ليك منطق لامن يصد راجع لي غنيماتو وينخس في سنونو
بندراوي ونص وخمسه وميه ,, بعرف الفنيله وما بقول قينله

Post: #7
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 02:58 PM
Parent: #6

Quote: لبست الشارلستون واكلت اللكوم

هههههههه
الشارليستون ... أكيد تريفرا ولونو كبدي أو اصفر يا عررريب
والجزمة كعبا أظنو ضهر مسدس هههههه
تقيف في صف السينما لما ودوك كوستي من البطانة من عصراً بدري
هييييييع عرريب ودقش المدينة

Quote: لا شفت الدوكة ولا بعرف المعراكة

لكن كان برسلوك تجيب الطايوق والدقوقة ###### الزيت

Quote: قالو
بتولعو البعر في الواطة العزازه لامن تهبد النار ,, تنفضو الرماد وتكتحو
الدقيق وتدوهو اللبن وتاكلوها عصيدة لبن لا حله لا كانون
احمد الله بنولع البوتجاز بدون كسيريتا اتوماتيكيا
وبناكل الباسطه ولا بنلحس ورقتها

ولعت في كبر وأكلت في كبرك الباسطة
حرّم إن أكلتها زمان كان جاتك حصبة

Post: #8
Title: Re: ود شيقوق وودالبوش وود المنسي هام
Author: د.محمد حسن
Date: 08-12-2014, 03:08 PM
Parent: #7

ود ابسن

خبارك لامي العروب ؟

من ضل شدرة تمر ابون لي اسفير بكري
ما خايف عليهم من الضهب

ناس العونكوليب شن بلمهم مع باسطة سلا

Post: #9
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 03:35 PM
Parent: #8

Quote: وبناكل الباسطه ولا بنلحس ورقتها

ههههههههههههههههههها وعييييييييييييييييييييييييك حرررررررررم تكون لبست عرق السلعلع كرفتة

Post: #10
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 03:37 PM
Parent: #9

Quote: لبست الشارلستون واكلت اللكوم
لا شفت الدوكة ولا بعرف المعراكة

عييييييييييييييييييك يكون بوتوجازك ترتوس و ايسكريمك دامبويا

Post: #12
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 03:44 PM
Parent: #10

Quote: زهور وغروب الشمس علي ضفة النيل

عييييييييييك زهورك ضنباية وورودك نوار التبر وام ق .......................وط

Post: #11
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 03:40 PM
Parent: #8

Quote: امممممممممك عمك حسبو براهو شتت قصبو
انا هين بجيك شيقوق واخليك تقول القوق
وادق ليك الجهارات واتا تقول فوق
وفي اللخار اقوليك سنة يا وِرْوِ تاني بتجي السوق

ههههههههههههههه
فرش ههههههه
العرريب في شئ مهلوس لي
دقش كوستي وإتفنجر وسوا في تِكة سروالو لمبة

Post: #13
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 03:47 PM
Parent: #11

Quote:

دقش كوستي وإتفنجر وسوا في تِكة سروالو لمبة

عيييييييييييك علا يكون متفنجر بعقالو مدروع زي السبحة في رقبتو

Post: #14
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 03:51 PM
Parent: #13

د. محمد

Quote:
ناس العونكوليب شن بلمهم مع باسطة سلا

ابعد منهم بعيد - الناس ديل الليلة دوماتم سايلة والضنوب شغالة رش والدومات سايلة والدلاعة كفر مازمبي بس

Post: #16
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 03:56 PM
Parent: #14

بجيك اب رويسا متل الدومه المكدوده بي جمبه واحده

Post: #15
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 03:56 PM
Parent: #13

Quote: عيييييييييييك علا يكون متفنجر بعقالو مدروع زي السبحة في رقبتو

ههههههههههههههه وهيييييييييع وكُف كرف
يا ود ابو سن جاتك صاقعة الدندر البتخوي
دنقر وصنع لي السما الليلة شن بتسوي
دفرنا قِدامنا رعد الليل دويهو مضوي
في الأسم ودشيقوق هيل ابوهو مضوي

أرقد عافية يا جنى البطانة المتبندر

Post: #17
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 04:04 PM
Parent: #15

Quote:
يا ود ابو سن جاتك صاقعة الدندر البتخوي
دنقر وصنع لي السما الليلة شن بتسوي
دفرنا قِدامنا رعد الليل دويهو مضوي
في الأسم ودشيقوق هيل ابوهو مضوي

ههههههههههههههههها أي خليك معاي بس - هسه بجيبو لضهاريو مصرّم

Post: #19
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 04:08 PM
Parent: #15

تعرف يا دكتور ناس الصي ديل مدرعني جنس تدريع
يكدو فوق الدليب والدوم لامن كسر سينناتم ويحلو بالحمبق واللالوب والنبق
الواحد مشمر سروالو زي المكوك وخايض المويه ,,, يطارد في الصبر والارنب بي سفروقو
نحن اولاد بنادر ومخنا حاضر
لاخضنا طين لا سكينا الوزين
نقرطع في البستي كولا ساي

Post: #29
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 05:56 PM
Parent: #19

Quote: نحن اولاد بنادر ومخنا حاضر
لاخضنا طين لا سكينا الوزين
نقرطع في البستي كولا ساي

حرررم الطين تكون تخمج فيهو في ضهاريك وقت الهجير ومحكاكتك في تكة سروالك الكراعو واحدة طويلة وواحدة قصيرة

حت مرات تكون متلهم المحكاكة وبالك مع الزرزور تقوم بالغلط تخمش العنكوليب من رقبتو ههههههههههههههههه

Post: #18
Title: Re: ود شيقوق وودالبوش وود المنسي هام
Author: أحمد الشايقي
Date: 08-12-2014, 04:06 PM
Parent: #13

ندق الزنبارة في سهلة البوست دا ونتابع ...

بنات الريل جفلن ...... من المقيل جفلن ..

أحمد الشايقي

Post: #20
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 04:31 PM
Parent: #18

قالو يا الشايقي ناسك ديل واحدن فيهم اتدلي ليهو في حله بعيده ,, وجابو سيره الزونباره
قالو ليهو يتعرفها
قالهم أيا
اها رسلو ليهم شافعين بالحمير في الهجير يكوسوها في الحلال
جو متراوحين للعصير فرحانين شايلين الزونباره
زولك مسكها
وقلبها جاي جاي
وقال
هيع اريت موحومد اخوي معانا والله بضربها ضرب

Post: #21
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 04:33 PM
Parent: #18

حرم الليلة علا نخلي ضبانك اور وانوني
عليك الله شوف الجنا المتلصق في جنوي البنادر ومجفلين منو ومو رضيان بينا نحن اهلو
بقت عليك يا ود اب سن حكاية الغراب الداير احاكي قدلة الطاؤوس وغلبتو المحاكا
الخترا داير ارجع لمشيتو قام نساها كلو كلو
ما شايفو اسع اعرج ساكت واتعولق

Post: #22
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 04:39 PM
Parent: #21

قايلني مثل ابوالرقيع
قبضوهو مع الطير
قال فار
قبضو مع الفيران
قال طيره
ود بندر بندراوي قايلني بقهي فوق بنوت البندر الزي الكاستر بالرز ومكتوح فوق سكر
مارق علا بجيك اب راسا مدقوس متل التبشة المفجوخه

Post: #23
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 04:47 PM
Parent: #22

Quote: ههههههههههههههه وهيييييييييع وكُف كرف
يا ود ابو سن جاتك صاقعة الدندر البتخوي
دنقر وصنع لي السما الليلة شن بتسوي
دفرنا قِدامنا رعد الليل دويهو مضوي
في الأسم ودشيقوق هيل ابوهو مضوي

هيييييييييييييييع والحالة لسع ما ترا ليهو لورا وجاهو دافر
هيييييييييييييع تور الجاموس اب رقادا لخ
قت ليك الليلة بنخلي ريحتو صنان صنان

Post: #24
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 05:08 PM
Parent: #23

قت ليك يا ود المنسي وشيقوق حكاية ود اب سن دا ذكرتني حكاية الجنا الجانا في حلتنا
مع ولدنا البقرا في الخرتوم وقالينا الجنا دا من الخرتوم
اها قنا نقوم بالواجب والزمن داك الجداد عزيز خلاس
حرم الجدادة ما بتنضبح الا تكون عيانة ول سيدا عيان
والمح مابتتجض علا واحدتن تنفش ول تمزر ول لي ضيفا من البندر افطروهو بيها
اها رسلوا الشفع افروا بالحلة القطوا المح وعارفين الجدادة المبيضة والجدادة المعنقدة والراكضة وام محا ممز عارفنها
اها جابو البفطر جنا الخرتوم
وبعد دخلوا ليهو الفطور جا مارق واحد اضحك وماسك قدومو بيدو العسير كاتما انفجار الضحكة
مالك يا جنا بتتكشم زي نار الهلبة
قال الجنا دا غشاكم ساهي مو من الخرتوم كان بعيدا كيفن اكون من التكلة الفكي حامد
كيفن عرفتو ؟
قال انا ما باكل محير الجداد

Post: #32
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 06:05 PM
Parent: #24

Quote: قال الجنا دا غشاكم ساهي مو من الخرتوم كان بعيدا كيفن اكون من التكلة الفكي حامد
كيفن عرفتو ؟
قال انا ما باكل محير الجداد

ههههههههههههههههههههههههههههههههههها

Post: #25
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 05:10 PM
Parent: #23

ها زول ها ما تتنبر ساي
نحن الدوابي بنسيهن حبل لي وسار العناقريب
وابواندرق ضناب للحمار
ده زمان قبل النهضه
هسه ناس بندر بنركب الهاي لوكسي
ما سافرنا فوق ضهر لوري شاحنلو عيش
بنقفل القزاز وبنشغل الرزاز لامن الواحد يبقي صاقط زي نخره جرقاس
قايليني ما خابركم وخابر جغوبكم والكراكير والدانقا ,,, خابرن من التلفزيون لا رسلوني لي طايوق ولا شديت واسوق
لا لبست الخوسه فوق الضراع ولا شمرت كايس الصراع
لمو فارسكم ماتاكلو الضباع

Post: #26
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 05:18 PM
Parent: #25

Quote: ها زول ها ما تتنبر ساي
نحن الدوابي بنسيهن حبل لي وسار العناقريب
وابواندرق ضناب للحمار

خد ما بتشوف زولك رجع لاصلو وقال انا اخو البت اللكعت قرن الخمرة النازة
من اللول قلنا ليك ما تبقى عليك حكاية الغراب وتباري اللالاية
اركز وشنق طاقتك وغني بنات الريف جفلن زي ما قاليك ود الشايقي مع تحياتي ليو
ما تبقى زنبار قداد هبوب ساهي

Post: #27
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 05:27 PM
Parent: #26

ها زول العلم ده قرايه تراث ساي لي حياتكم ماها معايشه
جدادتكم الا يضربها سمير وتريل حتان تاكلوها
وبهيمتكم ما كان خنقتها قشه ولا شقتها شبعه عيش ما بتحللوها
جدادنا صاقط منضف وشحمان
ولحمتنا بالميزان

Post: #28
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 05:56 PM
Parent: #27

قطعتو النمه
انا اخو البنات
ما اشوف وحيدن مشنق طاقيتو غضب الوالدين ويتحاوم بي
البهدد ما بضرب الوادي

Post: #31
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 06:01 PM
Parent: #28

البوش

Quote: عليك الله شوف الجنا المتلصق في جنوي البنادر

الجنا قالك بلعب الشطرنج والبلياردو

زولك كضاب - شفتو بعيني دي طورو دافنو في حفرة جنب دكة الجدادة للعب ام المنقلة

Post: #35
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 06:33 PM
Parent: #31

Quote: طورو

ههههههههههههههههههههههههههههههههههههههههههه

دا ما اياهو الجايب ليكم القوب يا عولق الصعيد
اخير نحن بنلعب ام بعيرة ببعر العنز
.
.
طور الجمال بسوي القوب لوووووووووووووووووووووووووووووووووووول
كلموا عولكن اتلقي لاسع في غباهم

Post: #30
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 05:59 PM
Parent: #27

Quote: قايلني مثل ابوالرقيع
قبضوهو مع الطير
قال فار
قبضو مع الفيران
قال طيره
ود بندر بندراوي قايلني بقهي فوق بنوت البندر الزي الكاستر بالرز ومكتوح فوق سكر
مارق علا بجيك اب راسا مدقوس متل التبشة المفجوخه

أثبات هوية

الأسم : عبدالحفيض .... كدي بنادوك أهلك
الجد ود أبو سن إتكامل بطانتك قبُل ماتهلك
النِضيضيرات أكربا بي دلق وأقدل بي مهلك
ما تدرع البِنِطلين وقِمِيص أفرنجي ما شبهك

الكستر بي الرز دا هولنا ناس الضهاري إت عرفتو من وين سمعت بي في قناة النيل
الأزرق

شن فطرت الليلة بي مح وحوت كوستي السمح وطاعم ؟؟؟

Post: #33
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:14 PM
Parent: #30

ههههههه
ود حنوتا
فاطر بي سمك مع الصديق عضو المنبر
معاوية الزبير
فوق خشم البحر
رواكيب السمك
وشربنا قهوة حامد
الله لا جاب عقابكم
ماكم ناس قص الاتر خابرنو
الواحد غنمايتو تروح سنوات يشوف جنا جناها ولا صوتو يقول
حرم بهيمتي
نحن ناس الجي بي اس وقوقل مابس ,, بنقراك بالدي ان اي
هسعتي يكون قايلها اكله

Post: #34
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:22 PM
Parent: #33

ها جنا هوي انقرع
اسما القفور دي ألتكم
ابوسروال وطبق الدار
انا حفوظي العثولي بقولوها لي كده
اتدلعت ومصيت البزه
ما زيكم
يجيبو ليكم قزازه البستي كولا وهنبوكه ويقولو بزه
اكلت الايس الكريم وشربت الايس كوفي
قالوا واحدن ليكم عجبو الايس كريم صراهو في هدومو في شنطه الحديد وركب حمارتو موديهو الحله

Post: #36
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:34 PM
Parent: #34

الاصدقاء اعلاه
للبوست قصة
حين يتملكني الحزن ألجأ للفوضي ,,, والعبث ,,, والهظار الذي يحرج عن الخط
ولي حزنا خاصا ولود البوش مثله ويزيد
فلأخرج نفسي واخرج ود البوش
والمرفعين بعرف جوعار اخوهو
وانتو ما بتزعلو مني
احبكم
وبرضو ود بندر

Post: #37
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 06:37 PM
Parent: #34

Quote: انا حفوظي العثولي بقولوها لي كده
اتدلعت ومصيت البزه

حرم الجنا دا لتخا
راسو ما حلو
ههههههههههههههه

ما بتشوفوا جناكم قال برضع البزة زي الدغور لوووووووووووول

Post: #38
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:44 PM
Parent: #37

هههههههه
بتعرف الدغور
حرم ضحكتني ام العيال شكت ,,,إلا قريت ليها كلامك
واتعبتني بالشرح
المسنوح

Post: #41
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:50 PM
Parent: #38

شوف فصاحه اهلنا ديل
يقول ليك الزول دغور
رمتالي ياكل ساي محل يقع ويترمتل
والدغور هي البهيمه الماتت امها ترضعها كل بهيمه مرضع

Post: #42
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:51 PM
Parent: #38

شوف فصاحه اهلنا ديل
يقول ليك الزول دغور
رمتالي ياكل ساي محل يقع ويترمتل
والدغور هي البهيمه الماتت امها ترضعها كل بهيمه مرضع

Post: #40
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 06:47 PM
Parent: #37

Quote: وبرضو ود بندر

حرم ان جيت لي حولك ما نخليك
.
.
.
وبالفعل صديقي الراقي عبدالحفيظ ابو سن خليتني اضحك زي العولاق
وطلعتني من تلك الموجة العنيفة الى رحاب القرقراب البرئ
الله اديك العافية
لك كل الود والمحبة الصادقة ومثلها لود شيقوق وود المنسي ودكتور محمد حسن والشايقي
والى اللقاء

Post: #39
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 06:47 PM
Parent: #34

Quote: ههههههه
ود حنوتا
فاطر بي سمك مع الصديق عضو المنبر
معاوية الزبير
فوق خشم البحر
رواكيب السمك
وشربنا قهوة حامد
الله لا جاب عقابكم
ماكم ناس قص الاتر خابرنو
الواحد غنمايتو تروح سنوات يشوف جنا جناها ولا صوتو يقول
حرم بهيمتي
نحن ناس الجي بي اس وقوقل مابس ,, بنقراك بالدي ان اي
هسعتي يكون قايلها اكله

مالك عوجت خِشيمك وقتا سمك في خشم البحر
كان تتمها وتقول آكلنا حوت
ولا دا كان درس امس ( عبيدة عطا الله المعلم ) وروك الحوت اسمو سمك
قص الأتر ...
بصارة وموهبة من المولى الكريم في عُلاه

قاصاً للدريب الزي عقاب التيه
مافي خبير بشق التيه علي بلد الدوابي
دحين يا وجنى أرجع لي عقابك

قتا لي بقيتو بتاعين جي بي أس
ها ألبل بتركبو ليها جي بي أس هههه في رقبتا ولا في السرج العليهو تويجيري أو مرعيد

Post: #43
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 06:56 PM
Parent: #39

يا ود اب سن
ها زول امسك ناسك ديل فراملن سفنحة مربوطة بدلقون اخدر ما بتوقفن
وكان جاك داك قطر بس
اجي متلهمك زي تور ود الحسين كلامك الريحتو سقافة سقافة الكتبتو دا ما بعرفوا ليك
عرفتو انا بس عشان اهلي قروني زيادة لووووووووووووووووووول
امسك الواحد من اضانو واضرب ليهو فيها تلفون قوليهو هولن ام بعيبش غرقت هههههههههههههه
.
.
قال بمص البزة قال
البزة نحن بنتشريها للدغور وعلبة النيفيا بنكشحا في الوطا ونمردغ ايدينا منها في التراب عشان ندفسا سعوط
ونغني فوق الكسكتة دردق بي يا اللوري دردق بي ونطلع العالي وندلا بالدقداق
هييييييييييييييييييييييييع نحن البنتمشش بالضريسا مسنووووووووووووووووووووحا بالغبا
قال بمبرز قال

Post: #44
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 06:58 PM
Parent: #39

هههههه
كنا في حلتنا الشفع الوحيدين البلبسو العراقي الدبلان والسروال
شفع الحله مشنطين باللباسات حقت البوليستر والتترون والفنايل ام حمالات ,,, بويض ونوضاف
ود البوش دربي زلق وضربي صعيب

Post: #45
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 06:59 PM
Parent: #39

Quote: هههههههه
بتعرف الدغور
حرم ضحكتني ام العيال شكت ,,,إلا قريت ليها كلامك
واتعبتني بالشرح
المسنوح

ابوسن
عبد الحفيض
التلفون عندي بتصل في ابوعبيدة هسي
قريت روضة ولا خلوة ؟

Post: #46
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 07:24 PM
Parent: #45

روضه شنو يا زول
ده عيب عديل
حرم الروضة ما شفتها إلا بعد وديت بتي ليها
روضه ! قايلنا مايصين
روضتنا دفيسبه الشارع ده
بزه ! بزه شنو
تتلهمك اي مره والده وعندها فضل لبن

Post: #47
Title: Re: ود شيقوق وودالبوش وود المنسي هام
Author: عبدالله ود البوش
Date: 08-12-2014, 07:31 PM
Parent: #46

Quote: روضه شنو يا زول
ده عيب عديل
حرم الروضة ما شفتها إلا بعد وديت بتي ليها
روضه ! قايلنا مايصين
روضتنا دفيسبه الشارع ده
بزه ! بزه شنو
تتلهمك اي مره والده وعندها فضل لبن

امممممممممممك ناس الصعيد انقرضو
الروس الروس
حباب التروس
من الدفسا للقطع نفسا

Post: #48
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 07:36 PM
Parent: #47

لي الحربه البتقطع بحرين
كح كح
قومت الغبار
قديم خلاس

Post: #50
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-12-2014, 07:56 PM
Parent: #48

Quote: امممممممممممك ناس الصعيد انقرضو
الروس الروس
حباب التروس
من الدفسا للقطع نفسا

هههههههههههههه
وهيييييييييييع يا ودالبوش
زولك رقد ستا
القرية والريف ما بتنكر
كُت جاي وأول لي
هوي يا وليد
يا ............
إتلحلح وأقيف دُغري
وهات سدرك معا سدري
لكن حنَّ ورجع لي اصلو
الرجوع للحق فضيلة
حرَّم ود أبوسن لو رضع البزة ود شيقوق فطر في جهلو بي الهوت دوق
وودو الحضانة
حرَّم ود ابوسن لو لحس لي أيسكريم
ودشيقوق دفرو في عربة أطفال للحديقة يغير هوا لكي ينام بالليل غرير العين
ود ابوسن حنكو بي تمرة ناشفة
وسقو بي الباية من يومو ماشاف بزة
ههههههههههههههههههههه
ود شيقوق الككو الفجخ الطين
وأنا الضب الوقع في العجين
وود البوش في ضراعو سكين
افتح بوست جديد قول في قتا الرووووب
وتبت لي ربي ورجعت لي أصلي

Post: #49
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 07:55 PM
Parent: #45

Quote: البزة نحن بنتشريها للدغور وعلبة النيفيا بنكشحا في الوطا ونمردغ ايدينا منها في التراب عشان ندفسا سعوط

قال كديييييييييييي؟

كضااااااااااب وحياتك تلاجتو مشلعيب وسحارة
و كفرو انبوبة عشر
و ميدانو مدرسيب بقراتو

و رومانسيتو في محلات الوردة - رفرفة ساي زي البرق ضنب العجيل

Post: #51
Title: Re: ود شيقوق وودالبوش وود المنسي هام
Author: الطيب شيقوق
Date: 08-12-2014, 08:00 PM
Parent: #49

Quote:
حرَّم ود أبوسن لو رضع البزة ود شيقوق فطر في جهلو بي الهوت دوق
وودو الحضانة
حرَّم ود ابوسن لو لحس لي أيسكريم
ودشيقوق دفرو في عربة أطفال للحديقة يغير هوا لكي ينام بالليل غرير العين
ود ابوسن حنكو بي تمرة ناشفة
وسقو بي الباية من يومو ماشاف بزة
ههههههههههههههههههههه
ود شيقوق الككو الفجخ الطين
وأنا الضب الوقع في العجين
وود البوش في ضراعو سكين

هههههههههههههههههههههههههههههههههها مسنوووووووووووووووووووووح

Post: #52
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-12-2014, 08:47 PM
Parent: #51

ههههههه
حاقدين
حقد اولاد الخلا علي عيال البندر

Post: #53
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 06:07 AM
Parent: #52

Quote: حقد اولاد الخلا علي عيال البندر

تفاصح تكون تحليتك مزة من العصارة ساي

Post: #54
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-13-2014, 06:18 AM
Parent: #53

قايلني بحلي بي عنكوليبه ولا امص لي لعلوبا
بنحلي بي كريم شانتي وفواكهه ما شفتها انت ولا سمعت بيها
بناكل الباسطه ونشرب الايس كوفي
عان ده
بلدكم الحمار كان ربطو فيها يقوم فازي

Post: #55
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 07:03 AM
Parent: #54

Quote: بنحلي بي كريم شانتي وفواكهه ما شفتها انت ولا سمعت بيها
بناكل الباسطه ونشرب الايس كوفي

عاين دا كضاب كيييييييييف؟

انا عااااارف بتحلي بحنبك الطندب والمخيت والغضيم والقنديل

انا خايف تقوم تقرش ليك فرع هيكبيب يغطس حجرك دا

تخريمة ساي :

يا حليل ( الهيكبيب) دا من اخطر الاشجار للجمال - جغمة واحدة من فرع هيكبيب بتكتل الجمل .

هذا النوع من الاشجار انقرض تماما في الصعيد الان .

Post: #56
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-13-2014, 07:14 AM
Parent: #55

كوستي صارت جردا
لمو فيها قطع
حطب عواسه والحطب داك حق الحروم
ولسه شغالين
اقطع احرق للفحم وجيه حالك مع ناس الغابات ادفع الرسوم
زمان كنا بنهاجر لي تمر ابونا والسيسبان ناكل ساي
ولا حديقه المفتش كلها فواكه حتي الباباي ,, بقت شيشه

Post: #57
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 07:47 AM
Parent: #56

Quote: اقطع احرق للفحم وجيه حالك مع ناس الغابات ادفع الرسوم

اي والله - زمان القنديل واليوي ( دا اليوي الغنت فيهو بت مسيمس مدحا في ود حبوبة عندما قالت فيهو (اسد اليوي)

و اليوي دا من الاشجار التي يصعب الوصول الى ساقها من فظاعة شوكها وقوة عودها وغزارة فروعها - اهلنا زمان كانو بيعملوا من حطبها الملودات للحش - كان عود الملود يحرق بالنار و يقشر عشان المزارع يتجدع بيهو وقافي ساي .

كان الهيكبيب و السلعلع والعنبة وكانت ثمار الكوك ( الكوكة ال.....) يا المنسي

كان شدر الطلح في اطراف الحلة لل..... والصمغ واللحايا

كان الابنوس والصباغ والقنديل والاندراب

كانت التمليكة والبرنجة والضنباية والظبرطاية تنمو باطراف القرى

كانت الحلة ايام الخريف ما بتنشق من ابو اللصيق البتلاقا في الدوداب

كان وكان وكان

يا حليك يا بلد حماتك من ضباط الجيش وحراسك من سلطات الغابات هم الذين كشفوا عورتك للجفاف والتصحر

الجوع والعوذ وعدم انشاء مشاريع تستقطب الايدي العاملة هي التي اجبرت الشباب للانصراف لعمل الفحم وابادة اي نبات على سطح الارض

لو كنت المسؤول في هذا البلد لوزعت البوتوجاز مجانا للناس حتى يستغنوا عن الفحم تماما

يبقى السؤال الملح - كيف نحارب الطابق البوخة - يا عبد حفيظ اخوي - حتى تعود بيئة لما كانت عليه ؟

Post: #58
Title: Re: ود شيقوق وودالبوش وود المنسي هام
Author: عبيد الطيب
Date: 08-13-2014, 08:42 AM
Parent: #57

Quote: يبقى السؤال الملح - كيف نحارب الطابق البوخة - يا عبد حفيظ اخوي - حتى تعود بيئة لما كانت عليه

صديقك الشاعر حنفي حاج الطيب عندو قصيدة فيها مقطع يجيب علي تساؤلك يا أبوي الطيب

أفرح كتير ساعة المغيب لمَن حريق طَلحِك يقيف
وجنب الهشاب فى كم قِطار يتهادى صمغو على الرّصيف
ما الرّاعى والريم والطيور محتاجه لى ضُلُّو الوريف
وين ُ ُإنتصارك لى الورود ؟ ما قلتى إحساسِك رهيف
كيف يِرضَى ليك تِتعَصفرى وتأتِّمى البرَم البِقوم

Post: #59
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 08:49 AM
Parent: #58

كيفك يا العبيد اخوي

والعيد مبارك عليك وعلى جناك

Quote: أفرح كتير ساعة المغيب لمَن حريق طَلحِك يقيف
وجنب الهشاب فى كم قِطار يتهادى صمغو على الرّصيف
ما الرّاعى والريم والطيور محتاجه لى ضُلُّو الوريف
وين ُ ُإنتصارك لى الورود ؟ ما قلتى إحساسِك رهيف
كيف يِرضَى ليك تِتعَصفرى وتأتِّمى البرَم البِقوم

والله يا العبيد اخوى - الله يكرمك - شيخ حنفي - احييهو من هنا - ابياتو دي حقو ناس حماية البيئة يرسموها ويعلقوها شعار في جدران حيطانهم

Post: #60
Title: Re: ود شيقوق وودالبوش وود المنسي هام
Author: د.محمد حسن
Date: 08-13-2014, 10:12 AM
Parent: #45

ود البوش عريس هولندا
نحن ولاد بنادرة بس نقيف في الشده
وان كان ابسن وقف واتحدى
نحن معاهو لي امبده

Post: #61
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-13-2014, 02:27 PM
Parent: #60

Quote: قايلني بحلي بي عنكوليبه ولا امص لي لعلوبا
بنحلي بي كريم شانتي وفواكهه ما شفتها انت ولا سمعت بيها
بناكل الباسطه ونشرب الايس كوفي
عان ده
بلدكم الحمار كان ربطو فيها يقوم فازي

مالك رجعت تهضرب تاني بعدما أعترفت
ابوسن كان مشتهي الكوفي مكياتو والايسكريم بس قول أنا وليد بطانة بجيب ليك منهن وبجيك في كوستي
في الضحية الجاية دي بإذن الله لكن ما تقعد تنطط زي عتود البرم هنا وهناك

Post: #62
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-13-2014, 02:36 PM
Parent: #61

هههههه
عتود البرم
كان ضبحو ما بزيل قرم
وكان خلو ما بعشر غنم
قت لاك نحن لهجتكم دي بنعرفها تراث ,,, دراسة تاريخ
ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم
شغالين حبوبه ونسينا
والطغيان فيكم لمبه ام شريط
لا بتعرفو الرتينه ولا مشيتو شارع كارتينا
قوعادنا معاكم بندور نثقفكم بس
وين ناسك عردوا
سامع حس كرعينهم في ص......هم يسون طج طج طج
هيع قولو
خالي الحوته
بقيلكم

Post: #63
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-13-2014, 02:42 PM
Parent: #62

العبيد
خبارك ما بتقول سلام
جابتك ريحه قام نداهو يهتف

Post: #64
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-13-2014, 03:45 PM
Parent: #63

Quote: هههههه
عتود البرم
كان ضبحو ما بزيل قرم
وكان خلو ما بعشر غنم
قت لاك نحن لهجتكم دي بنعرفها تراث ,,, دراسة تاريخ
ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم

ألحق يا ودشيقوق وودالبوش
أتصلت بي صديقي أبوعبيدة عطاالله وجاب لي خبر المسنوح المتنكر لبطانته
قال لي خلي أي شئ
يوم عرسو ( يوم الحنة ) ما سكنو 5 أيام بطلعو بس في الشوك من كرعي زبعدها 15 يوم
ماشقين لي كرعي في زيت وموية وبالليل بلسيو لي الشقوق بي ودكة ويحرقوها في الشق
وبعد دا ولي الليلة كرعي بتولد يتارات كهريائية مع ملاية السرير
شق الأرض القرير ما بقفل
هههههههههههههههههههههههههه

وكان ما سكت وأعترف بطلع باقي الكلام

Post: #65
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 04:54 PM
Parent: #62

Quote: ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم
شغالين حبوبه ونسينا
والطغيان فيكم لمبه ام شريط
لا بتعرفو الرتينه ولا مشيتو شارع كارتينا
قوعادنا معاكم بندور نثقفكم بس

كضاااااااااااب ات فاكرني ما شفتك بتذاكر بنار التقابة ومباري اللهبة بجاي وبجاي عشان تشلع ليك في الكتاب للقراية ؟

انت الضو بلا عيدان علا تكون شفتو في اب لمبة جيهة المقينص

Post: #66
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 04:59 PM
Parent: #65

Quote: أتصلت بي صديقي أبوعبيدة عطاالله وجاب لي خبر المسنوح المتنكر لبطانته
قال لي خلي أي شئ

عليك النبي يا المنسي كدى ارجع لصابك دا قول ليهو ورينا كيف زولنا دا كان بفج رقراق القطية

Post: #67
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-13-2014, 06:13 PM
Parent: #66

هههههه
بجيكم

Post: #68
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-13-2014, 06:29 PM
Parent: #67

عليك النبي يا المنسي كدى ارجع لصابك دا قول ليهو ورينا كيف زولنا دا كان بفج رقراق القطية
Quote: andaring;andaring;andaring;andaring;andaring;andaring;
andEgrave;andIgrave;andiacute;andszlig;andatilde;

القطية بت الناس وفجها
دي بسيطة يا أخوي شيقوق في ظل ما ملكني له أبوعبيدة من معلومات عنه
معلومات بتجيب راسو أبـ رويس
لو أنتهى بنخلي المستور في حجرو لكن كان جاب سيرة الباسطة والايسكريم
بنطلع الداندرمة من سرامسها
ههههههههههههه
أنا الككو الفجخ الطين

Post: #69
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 07:02 PM
Parent: #68

Quote: أنا الككو الفجخ الطين

هيييييييييييييييييييييع افجغ ساااااي في عديلك

Post: #70
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-13-2014, 07:39 PM
Parent: #69

Quote: هيييييييييييييييييييييع افجغ ساااااي في عديلك

عليك الله يا ودشيقوق شوف الجنى دا بتنصل ما الجمال والحكي السكح دا
والله جنى سجيمان تب
مدرع في ناس البندر

Post: #71
Title: Re: ود شيقوق وودالبوش وود المنسي هام
Author: عبدالله ود البوش
Date: 08-13-2014, 08:16 PM
Parent: #70

Post: #72
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 08:17 PM
Parent: #70

خليهو يا المنسي وقولو

هوى يا وليد ...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع
هوى يا وليد ...

Post: #73
Title: Re: ود شيقوق وودالبوش وود المنسي هام
Author: الطيب شيقوق
Date: 08-13-2014, 08:22 PM
Parent: #72

خليهو يا المنسي وقولو نحن الجنيات الغابت و جابت

Post: #74
Title: Re: ود شيقوق وودالبوش وود المنسي هام
Author: عبيد الطيب
Date: 08-14-2014, 03:58 AM
Parent: #73

Quote: العبيد
خبارك ما بتقول سلام
جابتك ريحه قام نداهو يهتف [/QUOT

سمحين النافلة سلاااام ومعزة
مستمتع كتير بي ونستكم الطاعمة دي
لكن يا أب سن الخريف في البادية قالو عجيب
والأيام دي شارفنا كتير و نتلفت وقلبنا يرزم رزيم
البرق البِشيل البَارح
فوق كَرَبه ووديَّن وفوق حلالا سارِح
بنُّوتَنْ متل صيد الخلا المِتمَارِح
عَصَمَن ريَّهِن فوق ابسنابَنْ قارِح

Post: #75
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 05:55 AM
Parent: #74

كدي قول ود بادي ده فكو دربو , هو زاتو يحمد سيدو مرقها في السعودية ,, دي قولي اللول
كان ربطو فيها الحمار يعرد منها
رمتني بدائها وانسلت
ديل اتو ,, شقوق كرعينو زي شق الواطة القرير ,,, مفرطات ,,, والواحد كان انبطحلو فوق لحاف ومط كراعو ,,, سكين بس يشرط الملاية فتقتين
الواحد فيكم إلا يملوا ليهو شقوق كرعينو ودك ضان ,,
المسوح ولا بظهر فيكم ,,,
عريسكم لامن يمرق من بيتو , يمصرو توبو يجيب ليهو قزازة زيت
نحن واخوي محمد حسن
ناس ساونا ,,, وحمام الزيت ,,, ونضيف الوش
هسع ديل بتعرفوهم ولا كان عرفتوهم زاتو , علي بالجزيمة تقعو وتقومو في خلاكم ده شهرين ما تمرقو تمنهم
تعرفو النيفيا

Post: #76
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 06:02 AM
Parent: #75

ها المساخيت لقيتو امها مافي ,,, عاد كان كده ه......وا فيها
بصاصي ليكم بي الطوالة ساكت , علا بجيكم وبنقي شعيركم
الجنا الراسو متل الدلييه داك وينو ,,, ابو العريس ,,, اي ياهو زاتو ,,, الا يمرقنو كرعينو المتل المساويك ديل
الكوك ببين عند المخاضه
قول ليهو شمر ساي وارجا الراجيل
اكان ضرب يقع
وكان ضربوهو يقع

Post: #77
Title: Re: ود شيقوق وودالبوش وود المنسي هام
Author: الطيب شيقوق
Date: 08-14-2014, 06:05 AM
Parent: #74

سيدي العبيد

صباحك طيب يا رب والأيام دي شارفنا كتير و نتلفت وقلبنا يرزم رزيم

Quote: والأيام دي شارفنا كتير و نتلفت وقلبنا يرزم رزيم

والله يا العبيد اخوي ما براك اخوك لما يسمع بنعمة الخريف دا يتقلب ويئن في عنقريبو داير يلحق يشوف بسمة المزارع والراعي

اشتهيت يا العبيد اخوي اشوف البهائم وهن مدبرات عشان املا عيني في الزراق الاخضر سايل في الاوراك

الزراق لاولاد البندر هو توب الزراق الاندثر كان زمان يلبسنه النساء كبار السن

ولا شنو يا يا ود البوش والمنسي واب سن؟ تفسيري دا فيهو كلام؟ بس الفرق بين الاتنين في التشكيل

Post: #78
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 06:18 AM
Parent: #77

يااااااه
توب الزراق ذكرني فاطنه بت حليمه ,, ربنا يرحمها
وذكرني حليمه امها الله يرحمها
حبوبتي بت حليمه لابسه توب زراقها ,, وراقدها فوق هبابها حق القد ,, تندقر فوقها ,, تسلم عليها ,,, ما بتسلم عليك ,,, تتكرفك كريف خرمان ,, وتقلدك عليها لامن كرعينك ما يشيلنك
كان الزمن اخدر
يوم داك جاي من البندر
شارع الخرطوم كوستي اخداااااار
ولم اره لسنوات هكذا
اخدر ,,, فرحت وحزنت ,,, خدار عدار ساي ,,,قش قايم بروس ولاهو فيهو فايده للبهايم ولا الناس
في الشارع لاقانا مراح بقر بي عجالن ,,, رازات وضامرات ,,,
خريف ام سعن صرفه وجراد
العبيد آخوي
الناس هجرت السعيه
وهجرت الجروف
والمترات والسلوكه
مرقو الدهب
وليبيا
وبقو نجوم فوق اليوتيوب كما امانه الراعي السوداني
شوال التيراب بي 400 ألف

Post: #79
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 06:40 AM
Parent: #78

الجنا المتل الملود وينو
هيع انا الكيك
رجعوا كراكيرهم

Post: #80
Title: Re: ود شيقوق وودالبوش وود المنسي هام
Author: الطيب شيقوق
Date: 08-14-2014, 06:46 AM
Parent: #79

Quote: خريف ام سعن صرفه وجراد

ايواااااااااااااا يا اب سن - وكمان الخريف قالوا دفرة وعقلة

مش دفرة الليل البتخلي مرق السدر يسيّك لامن صوتو يجيب الضهبان !!!!!!!!!!!!!!!!!!!!!!!!!!!!!!!!!

Post: #81
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 06:57 AM
Parent: #80

هههههه
نحمد الله بكري والبودي قارد حقنو ما بعرفو نضميك ده
ود حنوتا اتا
ود البوش وينو عرد و حبس تكل العوين

Post: #82
Title: Re: ود شيقوق وودالبوش وود المنسي هام
Author: الطيب شيقوق
Date: 08-14-2014, 07:09 AM
Parent: #81

Quote: نحمد الله بكري والبودي قارد حقنو ما بعرفو نضميك ده

لا والله ياخ - بكري والبوضي قارد عارفنها اترمت بحسن نية

كمان بكري بحب النبق شديييييييييييد

Post: #83
Title: Re: ود شيقوق وودالبوش وود المنسي هام
Author: عبدالله ود البوش
Date: 08-14-2014, 07:35 AM
Parent: #81

Quote: ود البوش وينو عرد و حبس تكل العوين

افاااااااااااااااااا يا ود اب اوعك تلغت

Post: #84
Title: Re: ود شيقوق وودالبوش وود المنسي هام
Author: عبدالله ود البوش
Date: 08-14-2014, 07:44 AM
Parent: #83

Quote: افاااااااااااااااااا يا ود اب اوعك تلغت

شفت يا ود اب سن فوران دمنا بخلي الكتابة كيف ؟
اوعك تغلت
.
.
عاين جاي
موسى الراجل متابع هذا البوست عن كثب

Post: #85
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 07:52 AM
Parent: #84

هههههه
الدابي بولعو ليها النار شان يمرق
ههههه
ضرب لي والله
موسي رجل فاضل وراجلا كلس وشيال تقيله
سلامو ليهو
حبسان التكل كلنا ,, كلنا بنحبسو ,,, العوين بتوخرن مرات وبنحبسهن للاستعجال
اتا الما تغلط
حرم ما بجيب فيكم ناقص

Post: #86
Title: Re: ود شيقوق وودالبوش وود المنسي هام
Author: عبدالله ود البوش
Date: 08-14-2014, 08:17 AM
Parent: #85

Quote: الدابي بولعو ليها النار شان يمرق

هي لكن نارا قدر دي ما بتحرقنا اللتين هههههههههه
Quote: موسي رجل فاضل وراجلا كلس وشيال تقيله

بخبرو زين حرم رفيق غربتي في الرياض راجلا تعمتد عليهو وقلبك جامد طَبْ
ودعيتو للمشاركة في هذا البوست ووعد خيرا
لكن حرم كان جا .... ناس الصعيد انقرضوا

Post: #87
Title: Re: ود شيقوق وودالبوش وود المنسي هام
Author: الطيب شيقوق
Date: 08-14-2014, 08:30 AM
Parent: #86

نقطة نظام

ممنوع ونسة دكاكينية

Post: #88
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 09:16 AM
Parent: #87

يدقوقك فوق ......
خلو الليجي
دربي زلق
وصعيب
علي وصف البوصف
عاذر

Post: #89
Title: Re: ود شيقوق وودالبوش وود المنسي هام
Author: عبيد الطيب
Date: 08-14-2014, 09:30 AM
Parent: #88

Quote: والله يا العبيد اخوي ما براك اخوك لما يسمع بنعمة الخريف دا يتقلب ويئن في عنقريبو داير يلحق يشوف بسمة المزارع والراعي

اشتهيت يا العبيد اخوي اشوف البهائم وهن مدبرات عشان املا عيني في الزراق الاخضر سايل في الاوراك

الزراق لاولاد البندر هو توب الزراق الاندثر كان زمان يلبسنه النساء كبار السن

ولا شنو يا يا ود البوش والمنسي واب سن؟ تفسيري دا فيهو كلام؟ بس الفرق بين الاتنين في التشكيل

قلت توب الزراق والنيلة والعراطم ....
وبجيب همبريب ودعاش وبختلط مع العسَّاف و...
زوبَن لي الهياج ملا عُرفو كُلُّو ضريرة
إتدَردَم قفاه بقا حيلُو كُلُّو خبيرة
أهجم الزُّرق عَراطْمُو محبكات بي النِيلة
وكان باجَحتُو ببكي..عندو طبعة رزيلة

الشطرتين الأخيرتين..................
العراطم هي الشفاه شوف يا المنسي أخوي مفردة عراطِم دي تريانة كيف
ومحبكات اي مدربات ومدقوقات والنيلة هي نيلة توب الزراق
أها أوعاك تباجحو يا العبيد............!

Post: #90
Title: Re: ود شيقوق وودالبوش وود المنسي هام
Author: عبدالله ود البوش
Date: 08-14-2014, 09:35 AM
Parent: #88

Quote: يدقوقك فوق ......
خلو الليجي
دربي زلق
وصعيب
علي وصف البوصف
عاذر

يا زول هوي موسى دا ختري والمرعفين بعرف جوعار رفيقو
ولو جا اصلو ما في صالحك قال بعرفك من زمنك البتقبض معاهو القبور هههههههههه
وقالوا السروالو مقدود ولا بتشنقل

Post: #91
Title: Re: ود شيقوق وودالبوش وود المنسي هام
Author: عبدالله ود البوش
Date: 08-14-2014, 09:40 AM
Parent: #87

Quote: نقطة نظام

ممنوع ونسة دكاكينية

لا هرجل ولا برجل قم كشم كر كتبني
وبرضو انتباه
يا استاذ الضل حسا نختر اهلنا ؟

Post: #92
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 12:20 PM
Parent: #91

تختر وين آ اب رويس
اتا و البشفف ويوري فيك دا
خلي الشبكا التصلح علا ازينكم بي موس ميته
قالو البتبشق ..... بنشاف

Post: #93
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 01:55 PM
Parent: #92

اها جيتكم
كل قردن يطلع شدرتو

Post: #94
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 03:26 PM
Parent: #93

لاقيت ابوعبيده يا خالد
فتاك فت

Post: #95
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-14-2014, 04:34 PM
Parent: #94

Quote: يااااااه
توب الزراق ذكرني فاطنه بت حليمه ,, ربنا يرحمها
وذكرني حليمه امها الله يرحمها
حبوبتي بت حليمه لابسه توب زراقها ,, وراقدها فوق هبابها حق القد ,, تندقر فوقها ,, تسلم عليها ,,, ما بتسلم عليك ,,, تتكرفك كريف خرمان ,, وتقلدك عليها لامن كرعينك ما يشيلنك
كان الزمن اخدر
يوم داك جاي من البندر
شارع الخرطوم كوستي اخداااااار
ولم اره لسنوات هكذا
اخدر ,,, فرحت وحزنت ,,, خدار عدار ساي ,,,قش قايم بروس ولاهو فيهو فايده للبهايم ولا الناس
في الشارع لاقانا مراح بقر بي عجالن ,,, رازات وضامرات ,,,
خريف ام سعن صرفه وجراد
العبيد آخوي
الناس هجرت السعيه
وهجرت الجروف
والمترات والسلوكه
مرقو الدهب
وليبيا
وبقو نجوم فوق اليوتيوب كما امانه الراعي السوداني
شوال التيراب بي 400

هسي يا ود أبوسن
عليك الله سيدك زولاً بقول متل كلامك دا
كان لحس ايسكريم ما كوفر بي
تخت عليك يا المسنوح جنى البنادر لصيق ودناوة
ها جنى إنقرع وصد لي ضانك وسعيتك وأنف آهات مع مزمارك
في ضل سيالة كبيرة ورامية فريع
قتا لي لقيت أبوعبيدة
انا ذاتي لما مشيت المجر ما كت بلغتا يفت شنو هههههههههه

Post: #96
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 05:13 PM
Parent: #95

هوي ها قايلني خام زيكم
زمنا داك كان الدندرمه اكتشاف عصري جديد ,,
البالوظه بتعرفوها
انتو بتعرفو الهالوك والبفره ,, ولا سلقتو ليكم قنقر في طرف الحلة
شدت وشليل والرمه وحراسها ,,
السمبريه ام قدوم
عيش ابوي بقوم متين
بقوم باكر
مع العساكر

Post: #97
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-14-2014, 05:30 PM
Parent: #96

Quote: لاقيت ابوعبيده يا خالد
فتاك فت

ههههههههههههههههههه
بس مايكون قال ليك يوم ركب هو مع أنصار السنة في الترام وأنا كنت في الترام
هههههههههههههههههههه
قطع شك قالا ليك بعرفو عطاالله مسنوح وومقطوع طاري

Post: #99
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 05:39 PM
Parent: #97

ههههه
لا والله
اتلاقينا في بكاء حار في الحله ,, محاسن علي دوكه تزوجت حديثا وتوفيت فجأة , تقبلها الله
الجو كان حزين
لكن برضو جبنا سيرتك ,, وحكي لي

Post: #98
Title: Re: ود شيقوق وودالبوش وود المنسي هام
Author: جلالدونا
Date: 08-14-2014, 05:37 PM
Parent: #96

احبابنا ود شيقوق و ود البوش و ود المنسى و معاكم سيد الراكوبة
سلام
متعة ما بعدها متعة .. متعكم الله بالصحة و العافية
بس عندى فرد سعال لى ود اب سن ده
اتا لما كت بيبى سغنتوتى ما فوطوك بى توب الزراق القديم و مهرود و هادى ؟

Post: #100
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-14-2014, 06:32 PM
Parent: #98

Quote: ههههه
لا والله
اتلاقينا في بكاء حار في الحله ,, محاسن علي دوكه تزوجت حديثا وتوفيت فجأة , تقبلها الله
الجو كان حزين
لكن برضو جبنا سيرتك ,, وحكي لي

الدوام لله ربنا يرحمها يغفر لها ويسكنها فسيح جناته
وإنا لله وإنا إليه راجعون

شكيتو علي الله عطا الله
ههههههههههههههههههه
طبعاً يحكي ويضحك المسنوح

Post: #101
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-14-2014, 06:53 PM
Parent: #100

هيع انا الكيك الكمل بلادو فريق
وين لاعبكم المستورد خصيصا من مجاهل الصعيد
تعاينو بس
قولو
الرووووووووب
بقيلكم

Post: #102
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-14-2014, 11:03 PM
Parent: #101

Quote: هيع انا الكيك الكمل بلادو فريق
وين لاعبكم المستورد خصيصا من مجاهل الصعيد
تعاينو بس
قولو
الرووووووووب
بقيلكم

ها زول ها
أنت الله ماليك
أنا اقلهم قدرة علي حسمك في حدك وقادر عليك
ودشيقوق وود البوشدول مدربين كبار بالنسبة لي روق في علبك
روبشنو والله بجو ويسقوك لي بي نخريك
روق وأحلى

Post: #103
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 04:48 AM
Parent: #102

هوي يا جلادونا
قايلني متلكم
الواحد من امو تحمل بيهو ساي , ما تخلي قطعه قماش حايمه ,,, ولا توب زراق قديم ,, ولا توب جيران
تقطع وتغسل وتلم ,, ويسوهن فوط
وتجيب ابره الكورشي وتخيط
فراشكم قطع قديمه وفوطكم زيها
والقصريه البيضا حقت الطلس ,
نحن ناس بندر
كلو مستورد وبالشي الفلاني
نضيفين وظريفين

Post: #104
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 04:51 AM
Parent: #103

ها جنا هوي
شوف ناسك وألعب مقاسك
المتلك ده ببلعو ساي ولا دايرلو مويه
ألكع ناسك ديلك عردوا متناكعين

Post: #105
Title: Re: ود شيقوق وودالبوش وود المنسي هام
Author: الطيب شيقوق
Date: 08-15-2014, 07:43 AM
Parent: #104

Quote: السمبريه ام قدوم
عيش ابوي بقوم متين
بقوم باكر
مع العساكر

هههههههها عيييييييييك كضاااب وحياتك تكون كتلت الحمير بالضبان من كترت معيطك لسبيب ضنوبا لشريك الزرزور

Post: #106
Title: Re: ود شيقوق وودالبوش وود المنسي هام
Author: الطيب شيقوق
Date: 08-15-2014, 07:53 AM
Parent: #105

جلالدونا

Quote: بس عندى فرد سعال لى ود اب سن ده
اتا لما كت بيبى سغنتوتى ما فوطوك بى توب الزراق القديم و مهرود و هادى ؟

عييييييييييييييييك توب الزراق؟؟؟؟؟؟؟؟؟؟؟؟

الزراق بيكون المرجحية حقتو وقتين امو تكون مشت ترد في الجمام

الزراق بكون صارين ليهو التعريفة و اب قرشين في طرفه عشان يسكتوا بيهو

الزراق بسووا ليهو نامسية وقتين الباعوض يولع نار

الزراق وقتين يقدم بدوهو منو فتيقة يربطا في راسو من الحر زمن السرحة

Post: #108
Title: Re: ود شيقوق وودالبوش وود المنسي هام
Author: الطيب شيقوق
Date: 08-15-2014, 07:56 AM
Parent: #106

المنسي

يا زول انا الليلة مبسوط طب جاني الشفيع ود ابراهيم من دبي زيارة لمدة يومين

هسه نااااااااااااااااااااااايم يشخر

الله يجيبك انت بجاي يا سجم الرماد

Post: #107
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 07:55 AM
Parent: #105

ها الغبيان ده
بقيت متل الزول القال لي ولدو
عليك جنس ,, حت السمبريه عندها سنون حاكت الصقار
شريك قدوم احمر والزرزور بي سبيب الخيل ,ما الحمير
سبيب الحمير قصير وميت
حت كمان تراثك ما عارفو
جد لي امك يا الفالح
سقوط صفر من ألف
نادي زولك المبرعم داك زي الديك الخنقتو البنبونه

Post: #109
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 08:05 AM
Parent: #107

اب رويسا مدقوس متل سرويس اللحمه
هو انتو بتعرفو الناموسيه
مخير الله
يهببوكم بالسعف ,, ويكمدو في خشكم عود للرضاعه
حراساتكم فوق رقيتكم كل مره امرقوها من خشمكم
وود المنسي ده قالو
بالع حراساتو
الواحد فيكم يربطوهو بي فتقه التوب ما يمشي علي الدوكه تكنك عتوت
نحمد الله
لا شفنا باعوضه لا ضبانا ينوني
قاجين لينا ناموسيه لونها عسجدي
امشي اسعل رفاقتك ديل من اللون العسجدي واليصلي ,,,
ها جنا هوي بطل العوا
ما تخربو الموت بالرفسي

Post: #110
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 08:10 AM
Parent: #109

قولو الرووووووب
انا السمتان اخو الردفولا عقودها
قولو
خالي الحوته
حرم اقيلكم
اخوك كان رميتو قوم منو
ودحين انتو ضحوه واحده جبت طاريكم
جلادونا فز
وخبيركم اللجنبي يتاوق
شايف الكتال ,, الضرب عرقوب وسرا
هيع
انا ابوك آ العمدة

Post: #111
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 08:16 AM
Parent: #110

حت نا مبسوط
الليله اكفيكم ان بقيتو ميه
عاينو ده السما بتطيروا ولا بتجروا
قولوا
الروووووووب
انا الشافو خلو
انتو كان قعدتو تتكومو
وكان سكتو تتبومو
وكان نضمتو تتلومو
وينك يا دكتور محمد
ناسك رقدوا سلطه
عصروا ضنبم ساي

Post: #112
Title: Re: ود شيقوق وودالبوش وود المنسي هام
Author: جمال ود القوز
Date: 08-15-2014, 10:09 AM
Parent: #111

حرم ..
إتــــو أحلا بلابل .. ( اربعة بدل تلاته )
داقشين الخلا والصي ..
والعونكوليب .. وجارين ورا البهم ..
زاهدين في حياة البنادر ..
التي مللناها وإياكــــــم ...
علكم تغسلوا ولو النذر اليسر من صخب المدن ..
وماعلق بنفوسكم من رجزها وزيفها ..
وتصنعها جمالا كله بدره وماسكرا ..
دي الحياة والله .. وما عداها سموه ماشئتم ..
ود أب سن ..
المنسي ..
ود شيقوق ..
ود البوش ..
ما اندى أوبتكم لحياة نتمناها جميعا ..
ولو لم نحياها من قبل ..
لكن قطعاً تتوق أنفسنا اليها .. ...
دمتم ......

Post: #113
Title: Re: ود شيقوق وودالبوش وود المنسي هام
Author: جمال ود القوز
Date: 08-15-2014, 10:50 AM
Parent: #112

طرف المداين ..
حياة لا تشبه حياة فُرضت علينا قسرا وفي غفلة من الزمان .. ..
حياة لها طعم بلا قيود ..
تظل تستطعمه بتجدد ..
صبيحة كل يوم ..
طعم ابدا لا تمله ..
ولا تتكدر نفسكـ ..
فانت لا تحمل هم بكره على عاتقكـ ..
قبل أن تمسي .. فزادكـ موفور .. وعيشكـ ميسور ..
تنام ملء جفنيكـ ..
تغترف معبئاً رئتيكـ بهواء نقي قدر ما تشاء ..
وبلا اكتراث أو تحسب ..
لاي روائح نشاز .. قد تصككـ ..
وتزفر كما تشاء ..
حياة الريف وطرف المداين ..
كلنا نشتهيها والله ..

Post: #114
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 12:19 PM
Parent: #113

جمال الاديب الاريب
ذو الذكاء والملاحظة اللماحة
سعيد بيك يا صاحب
لكن شوف لي ناسك الكانوا بتفاصحوا ويتنبروا ديل جروا وين
سكيتكم ليك لامن خلو نعلاتم هنا
كرعينهم ما شالنهم
والموجعني بهددوا بي لاعب بتاوق بس
اللاعب زاتو لاوز
صقعي صعب عليهم

Post: #115
Title: Re: ود شيقوق وودالبوش وود المنسي هام
Author: جلالدونا
Date: 08-15-2014, 12:49 PM
Parent: #114

تذكر يا ود شيقوق
شوك السدر الابيض وطوال داك و كل شوكتين مقرونات مع بعض
و عاملات زى الساعة عشرة و الدقيقة عشرة بالصباح ما بالليل
اها زولك ده ما خلالو ابو دنان حايم فى الحلة
يقبض المسكين و يقطع كراعو من حد المفصل و يركب طرف الشوكة
فيهو و يمسك طرف الشوكة التانى بى ايدو و يمدها لا قدام و يقوم جارى
ابود الدنان المسكين يفرد جنحاتو عشان يطير و زولكم ده قايلو بيطير بيهو و يوديهو البندر
غايتو كان شفناهو حايم فى البندر بنكلم ناس لجنة حقوق ابو الدنان

Quote: هوي يا جلادونا
قايلني متلكم
الواحد من امو تحمل بيهو ساي , ما تخلي قطعه قماش حايمه ,,, ولا توب زراق قديم ,, ولا توب جيران
تقطع وتغسل وتلم ,, ويسوهن فوط
وتجيب ابره الكورشي وتخيط
فراشكم قطع قديمه وفوطكم زيها
والقصريه البيضا حقت الطلس ,

غايتو شكل لغتك ما بندرية و استعصى عليا استيعابها لكن للضمان كده بقوليك
مرة حبوبتى داخلة المطبخ عتر ليها سلك التلفون
لو ما مسكت فى التلاجة كان وقعت و كسرت التلفزيون

Post: #116
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 12:59 PM
Parent: #115

هسعتي جلادونا كان واحد مسكو وعضاهو فوق صنقورو ده غلتان
اقول درست تراثكم ولغتكم المندثره دي
تشيل تلصقها فيني وتجيب لي ابوالدنان ,, وتقول لي شوكة سدر
شوك السدر وبعرة الغنم الله يكرم السامعين انتو بتسوها مروحه اشرح ليك كيف
ولا الفالح فيكم يلم الصفيح والسلك ويسوي ليهو لوري

Post: #117
Title: Re: ود شيقوق وودالبوش وود المنسي هام
Author: جمال ود القوز
Date: 08-15-2014, 01:15 PM
Parent: #114

Quote: جمال الاديب الاريب
ذو الذكاء والملاحظة اللماحة
سعيد بيك يا صاحب
لكن شوف لي ناسك الكانوا بتفاصحوا ويتنبروا ديل جروا وين
سكيتكم ليك لامن خلو نعلاتم هنا
كرعينهم ما شالنهم
والموجعني بهددوا بي لاعب بتاوق بس
اللاعب زاتو لاوز
صقعي صعب عليهم

شاكر حُسن ظنكـ ....

بعدين النصيحة لي الله ..
قدرت عليهم وكردتهم كردة معتبره ..
وقدر ما اتلفتنا يمين شمال ما جاء واحد منهم مارق رويسو ..

بعدين دقسة ودشيقوق وقلوبية سبيب ضنب الحمير دي كانت قاضيه ..........
وقوون في التمنيات ..
غايتو الا يجيكـ بي تعادل كاارب ويحبب قونو ده في القريب العاجل ..
وفي حال العدم يستعين باللاعب المحترف القاعد يسخن بي بره ده ..

متابعين هذا السرد التصويري ..
( صوت وصورة مستقاه من مخزونات الخيال ) ..

حقاً انه سرد متفرد الروعة متخم بالجمال ..

Post: #118
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 05:14 PM
Parent: #117

ما تبالغ يا جمال
ديل لو العراضة فاضية بشوتوها في الهوا
ديل افنديه ساكت

Post: #119
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-15-2014, 05:24 PM
Parent: #118

Quote: يا زول انا الليلة مبسوط طب جاني الشفيع ود ابراهيم من دبي زيارة لمدة يومين

هسه نااااااااااااااااااااااايم يشخر

الله يجيبك انت بجاي يا سجم الرماد

سوي لي لحم وأكمد لي في 18 قرن شطة خدرا خلي يساسق بين عنقريبو والحمام
لآمن يرجع ما يتعبك وديني صلالة ووديني لي ناس ودالمرتضى
هيييييييع ماتسوي لي الشاي وتهرا تقطع قلبو

Post: #121
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 05:28 PM
Parent: #119

ها جنا ها
قوم اتونس غادي بكانك ده دايرنو
ولا حصل غنمك رضغن
قبيل تتفاصح
وهسه سويتها قرقرابه اتا والمتل عود القنا ده

Post: #120
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-15-2014, 05:26 PM
Parent: #118

Quote: يا زول انا الليلة مبسوط طب جاني الشفيع ود ابراهيم من دبي زيارة لمدة يومين

هسه نااااااااااااااااااااااايم يشخر

الله يجيبك انت بجاي يا سجم الرماد

سوي لي لحم وأكمد لي في 18 قرن شطة خدرا خلي يساسق بين عنقريبو والحمام
لآمن يرجع ما يتعبك وديني صلالة ووديني لي ناس ودالمرتضى
هيييييييع ماتسوي لي الشاي وتهرا تقطع قلبو

Post: #122
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-15-2014, 05:33 PM
Parent: #120

Quote: هيع انا الكيك الكمل بلادو فريق
وين لاعبكم المستورد خصيصا من مجاهل الصعيد
تعاينو بس
قولو
الرووووووووب
بقيلكم

عاين أبـ رويس
العُشر قام لي شوك وألبل قامن ليهن قرون
بقيت تتجاسر وتهد
شن نفر الناموسية وإت وليد مدن وفنجري
ميكفك قالوا يهبر رب رب رب رب
لكن كان جينا للحقيقة القالا لي ود عطا الله أبوعبيدة
مسحوك بي زيت الراجع حق طاحونة ود أدريس
باقي مُر الباعوضة ما بتصلو
في باعوضة قرى كوستي قالوا بجن 3 إتنين برفعو الغطا والتالتا بتدخل تمق من الدم
سمعت الأيام دي عملت علاقات مع ناس مستشفى كوستي
وأدوك كل يوم لتر دم تدي الباعوض عشان تخليك تنوم
بجيك ودالبوش هسي يلايمك

Post: #123
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-15-2014, 05:39 PM
Parent: #122

عاين يا اب قرعوبه
ودالبوش زاتو قال لي انا ما قدرك ,,, ومرق ينادي موسي الراجل ,,, لاهو لا موسي , شافو اللبع واللفخ شردوا
قالو
بولعو ليكم دخان البعر ولا الواحد فيكم ينوم وسط البقر
اها بتسو للمارقوت والهيم شنو

Post: #124
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-15-2014, 05:40 PM
Parent: #122

Quote: احبابنا ود شيقوق و ود البوش و ود المنسى و معاكم سيد الراكوبة
سلام
متعة ما بعدها متعة .. متعكم الله بالصحة و العافية
بس عندى فرد سعال لى ود اب سن ده
اتا لما كت بيبى سغنتوتى ما فوطوك بى توب الزراق القديم و مهرود و هادى ؟

جلادونا
حبابك الف
وعلك عافية درت
زولك دا متنصل من أصلو وفصلو ود بطانة لكن قرح وبقى يشرك لي الطير بي الأيسكريم
وأهلو بقوا يخُشو الروووب بي بالغسالة يقفلو في علبة بلاستيك بي سلوتيب ويختو مع الهدوم
والحركة المنتظمة تجمع ليهم الفرصة
زمان كانوا بختو هديماتم تحت فراش العنقريب ويدرعوها بقو يكووها بي مكوة وكمان غازين سلكها
في الكهرباء
خلو الحناي
خلوها ألبل سعو الكروزر والهايلوكس

Post: #125
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-15-2014, 08:54 PM
Parent: #124

Quote: خلوها ألبل سعو الكروزر والهايلوكس
سلامات يامك وودابسن والمسنوح
زولك يامك في بروفايلو قال رياضته المفضلة المشي
في دي ما كَضَّب ـ إتعلمها من المساسقة ورا البقر
ومن فات قديمو ـ ,,,,,,

Post: #126
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-15-2014, 09:42 PM
Parent: #125

Quote: سلامات يامك وودابسن والمسنوح
زولك يامك في بروفايلو قال رياضته المفضلة المشي
في دي ما كَضَّب ـ إتعلمها من المساسقة ورا البقر
ومن فات قديمو ـ ,,,,,,

هههههههههههههههه
وكاتب ساكن وين ؟؟؟
ههههههههههههههههههههه
مايكون قال ساكن المنشية ولا الرياض
قتا لي ثمانية عشرين كيلو متر يوميا ورى البقر
ابوالأرباب مشتاقين

Post: #127
Title: Re: ود شيقوق وودالبوش وود المنسي هام
Author: جلالدونا
Date: 08-16-2014, 03:04 AM
Parent: #126

اللقولك يا ود المنسى
اخوناعريبى الخلا ده باللهى بس غفلتو منو كان قعد يتمبر و يناتل و يدق فى سدرو
و يا خلا ما فيك الا انا و كمان بسأل درب بخت الرضا بى وين و شكلو سادر على البندر ..
اها قمتا قبقبتو ليكم و عصرتو على حيطتن مايلة كده لمن انتو تجو.. اها قعد يهضرب
و يجيب فى سيرة قصارى الطلس و فوط النضافة .. اها و اللقولك كمان الزول ده كل مروتو فى العض بس عضتو باردة
بى سبب السنون المترمات بى كد الدوم ..ماها زى عضة بتاع الكورة داك البتجيب الدم
قال بيقرا تراثنا و لغوتنا قال .. تقرا كيف وانتا مركوبك بدون مواخذة شربان بى موية الطين و اصبع كراعك الصغير طافر بى برة
و كمان مقدود فى محل الوطاية الورا الاصبع الكبير
غايتو الزول ده مغلوب لا هسعت دى 19/صفر

Post: #128
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-16-2014, 04:29 AM
Parent: #127

ها عيال ها
الكوره انتهت
هزيمه لغياب الخصم
نفضو ج....... كم و اتراوحو اهلكم

Post: #129
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-16-2014, 06:53 AM
Parent: #128

ههههههه
تاني تجو

Post: #130
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-16-2014, 01:49 PM
Parent: #129

Quote: اللقولك يا ود المنسى
اخوناعريبى الخلا ده باللهى بس غفلتو منو كان قعد يتمبر و يناتل و يدق فى سدرو
و يا خلا ما فيك الا انا و كمان بسأل درب بخت الرضا بى وين و شكلو سادر على البندر ..
اها قمتا قبقبتو ليكم و عصرتو على حيطتن مايلة كده لمن انتو تجو.. اها قعد يهضرب
و يجيب فى سيرة قصارى الطلس و فوط النضافة .. اها و اللقولك كمان الزول ده كل مروتو فى العض بس عضتو باردة
بى سبب السنون المترمات بى كد الدوم ..ماها زى عضة بتاع الكورة داك البتجيب الدم
قال بيقرا تراثنا و لغوتنا قال .. تقرا كيف وانتا مركوبك بدون مواخذة شربان بى موية الطين و اصبع كراعك الصغير طافر بى برة
و كمان مقدود فى محل الوطاية الورا الاصبع الكبير
غايتو الزول ده مغلوب لا هسعت دى 19/صفر

زولك قال الكورة أنفضت
هي شن نفرا الكورة دي دا كلامم سوق تمبول أنفضى
غايتو جنس غايتو
حل اللمبة من تكت لابسك يا عرريب

Post: #131
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-16-2014, 05:29 PM
Parent: #130

ههههههه

Post: #132
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-16-2014, 10:41 PM
Parent: #131

Quote: ههههههه

شايف حتى ضحكتك بقت ضحك مدن يا ابوسن

مارقا من بين اسنانك زي النمل من جحرو يدبّى
ما قرقراب زي جقنا
كان ضحكنا ضحكنا كُتر
ونضمنا كُتر

Post: #133
Title: Re: ود شيقوق وودالبوش وود المنسي هام
Author: الطيب شيقوق
Date: 08-17-2014, 07:06 AM
Parent: #132

نتو لسه قاعدين تحت الراكوبة دي

والله كان معاي الشفيع ابراهيم يومين وعملت بوصيتك يا المنسي لخبطت ليهو الشطة الحارة مع فتة القرع بالكسرة لكن لقيت زولك حرررررم يقرمشا زي البياكل في خيار

والله كانت اروع نهاية اسبوع

الصور عندو هو قال بمشي يشوف ليهو وليد بندر ينزلها ليهو هنا

Post: #134
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-17-2014, 02:17 PM
Parent: #133

جيتو يا المبروكين
اقعدو
هسه بميزكم

Post: #135
Title: Re: ود شيقوق وودالبوش وود المنسي هام
Author: عبدالله ود البوش
Date: 08-17-2014, 02:54 PM
Parent: #134

Quote: باقي اولاد الحنوت ديل بورطوني
الشبكه معاكساني عكاس ,,, عكس نكس بول الجمل

خد
آ بتشوف عبيدالتك
عبيد الله دا بناي جالوص جوهو البلولو ود علوبة والخزين ود خالتي التهجة قالوا دايرين نشتغل معاك طُلَب
قاليهم اتو مماحيق مابتنفعوا معاي طلبتي انا اجدع المونة زي عتالي البتيخ
قالوا ليهو سمح جربنا
قال خلاس تعالوا الصباح بدري
أها جماعتك قبلوا التحدي وجوا بدريييييييي بدورية جد وانتظروهو مدردمين الحوض كلوا وتواعدوا اكونوا اسرع من عتالي البتيخ
الضرب بيهو المثل المبالغة
وعبيد الله طلع في الحيطة وانتي يا المونة فتتك فتتك فتتك وعبيد الله ابني سريع سريع وانط لا ورا زي القعونجة
واتا يا عبيد الله من السرعة تنسى السريقة كملت وبردلاااااااااااب في الدلجا
الخزين ود خالي البلولة اعاين لي البلولة ود علوبة واقوليهو ما بتشوف عبيدالتك ههههههههههه
.
.
قال الشبكة قال
أها أنقرعت يا شيقوق

Post: #136
Title: Re: ود شيقوق وودالبوش وود المنسي هام
Author: الطيب شيقوق
Date: 08-17-2014, 04:22 PM
Parent: #135

ود البوش

انقرع آآآآآآآآآآآآآآ جني ما تلهم السايب الكوشة

Post: #137
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-17-2014, 07:28 PM
Parent: #136

Quote: جيتو يا المبروكين
اقعدو
هسه بميزكم

كدي في التبادي ميز نفسك
هل بندر ؟ ام قرية ؟
ايسكريم ؟ لا دوم ؟
KFC ولا ام تكشو ؟

Post: #138
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-17-2014, 09:21 PM
Parent: #137

ما منكم مدسة
قافلة معاي للطيش
افتقد للمرح
وتنفتح امامي افكارا سوداء

Post: #139
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 07:29 AM
Parent: #137

سلام الله عليكم يا ناس البورد جميعا
وربنا يتقبل جميع الرحلوا مننا
ويا مراحب بكل المنضمين الجدد

Post: #140
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 07:45 AM
Parent: #139

ود ابسن خبارك اخوى
هسه ات البتسوى فيه دا شنه
شنه عامل للجماعه ديل طقر ومشتتهم شتيت حل الطور
الا اقيف حمالتك على الا انفضك نفضت شوال طحين كمل دقيقه

قول لى داير شنه( من اركله ولا ربعه ولا شيلينى ولا العصلنجه ولا الويوى)
اصلا الجاغوز قابض ايد ملان وبت كبيش مرعها دفس الدنقر

Post: #141
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 08:26 AM
Parent: #140

ود شيقوق و ود المنسى و ود البوش
الجنى ابصنقير خلو على ضرب ايد ما فتت بخلى ليكم بتاب و قنقر صعيد التقه
اصلا هو ما بعرف شرا ام صوفه وكتين مشى النبارو مع العصريه كان فى سياحه وحدو الردميه
وكان خايف على شبطه من الطين وعلى كرعيه من ام دليلى
اصلا ما ركب بوبه وطرورها اتفرتق وقيفه البحر بعيده على العوام
هوى يا ناس شن جابو ليكم اتوا والله كان عشتوا باقى عمركم على الذكريات
ما يلحق الهنا الكنتوا فيه وكان بقى سفروق ما يحصلكم

شن شفت وشن عرفت لمن بتتنبر لينا بالهواميق وعيشه الكمور
شفت عمى العجب الله يرحمه الشمش غابت ليهو فى السوق وماقضى مشاغله
اها ود حسين الله يرحمه حلف عليه كان يبيت معاه يتونسوا
قاليهو والله ونستك دايرها الا من يطرا على لبنكم البتعبروا بالكوز والله عينى للصباح ما بتلاقى

Post: #142
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 08:57 AM
Parent: #141

حباب موسي الراجل
حبابك والله جابك
للعلم
جمال ود القوز
موسي الراجل
ال2 من كوستي
زيتنا في بيتنا
بعدينك آ موسي أخوي بطل رطانة صعيد كوستي دي ,, وانضم عديل
ام دليلي دي ناس البحر ,, ونحن يا اللخو ناس موية الدش ,,, قالو ام دليلي إلا تمرقوها بي التابا وتربطوها بي خيط فوق قشه كبريت وتسرتوها مسارتا ,,,,
بعيدنك حمالتي تقيلة عليكم ,, قللان ما بتقدروها ,,, فوق الدبر والدم شايلها وجاري
الربعة اتو بسوها ملاح ,,, نحن ناس محاشي ونواشف
النعل عمك ده العبيد عامر ,, صحبي والله وقت يجي السوق كان عندو مجلس معاي وهو احد ابطال عنبر جودة ,,, راجلا فحل ووناس ومتقد الفكر

Post: #143
Title: Re: ود شيقوق وودالبوش وود المنسي هام
Author: عبدالله ود البوش
Date: 08-18-2014, 10:10 AM
Parent: #142

أها جاك المرعفين البعرف جعارك يا ود اب سن
يا موسى اصلو ما ابلبص ليك واقوليك نحن اولاد حلة واحدة وكداين من كداين وكداين من كداين
اتا لاعب محترف وتعبنا تعب الموت عشان نجيبك والان نزلت الميدان
وكمان الهواء مساعدك مع انك بتعلب بكل سهولة عكس الهواء وفي المطرة ذاتا بتلعب
حدنا معاهو اقول الروب واعترف اعتراف صريح واقول انا عبدالحفيض اللعسر هههههههههههه

Post: #144
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 10:13 AM
Parent: #142

ود ابسن مالنا نحن نسوى القش ملاح الكلام دا قولوا
لزولا ماعنده شوايل وكتين الضعاين للصعيد تنشق
وطينه الرجل من المحل تنشق .

العبيد عامر ربنا يطول فى عمره ويديه الصحه و العافيه عمى
نعم كان احد ابطال عنبر جوده وكان وقتها فى اتحاد المزارعين
ووالده الله يرحمه العمده عامر محمدعلى تنازل عن العموديه مكرها
عندما رفض واستنكر حكم الانجليز على جماعته وهم ابرياء .

Post: #145
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 10:28 AM
Parent: #144

سلامي للعمدة العبيد ,,,, تاريخا يمشي علي قدمين
بشوف ودالبوش قنع من الكتال بقا للتحاريش ,,,
موسي
الراعي في خلاهو علا لبن البهيمة ,, ودقيقو ,,, كدي ارجع اقرا فوق عصيدتكم ألت اللبن
بهيمتو كان ضبحها ما بياكلوها زي جناهو
بتعرفو ملاح ام بارد خضرة الخلا وبصله ولا بتضوق النار
ولا تحصلو الموليتا وتقرضوها قريض
نحن الموليتا بنحسنها بالليمون والدكوه

Post: #146
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 10:41 AM
Parent: #145

الراجل

Quote: شن شفت وشن عرفت لمن بتتنبر لينا بالهواميق وعيشه الكمور

ههههها اي وكمان زولك دا مع مرقة الهواميق باكرية بقوم بتجغم ساي ما بلقى ليهو زول يلقنو كيلمة ( هجنقلا)

Quote: اها ود حسين الله يرحمه حلف عليه كان يبيت معاه يتونسوا
قاليهو والله ونستك دايرها الا من يطرا على لبنكم البتعبروا بالكوز والله عينى للصباح ما بتلاقى

هو اللبن براهو بالكوز ؟ وحياتك شلخ الطلح عندهم بالكيلو ونطعهم شليخة بطانية قدييييييييييييييمة كلها رقراق

Post: #147
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 10:45 AM
Parent: #146

سنو
Quote: ونحن يا اللخو ناس موية الدش ,,,

يا حليك الما ضقت وقتين تجي من البلدات في زمهرير الجبهة وضهرك يخرتو منو الملح خرت و تقول كدى تقرب لطرف البحر وتجدع ال ............ و تدي ال ........... سنيدة بإيدك وتتلهم الموية

Post: #148
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 10:51 AM
Parent: #144

كان محاشيكم ياها البتموها بالاسفنج دا طرفنا منها

والله كان بغشوكم بجنس دا يا حليل عصيده بت اب دبيب

Post: #149
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 11:01 AM
Parent: #148

Quote: والله كان بغشوكم بجنس دا يا حليل عصيده بت اب دبيب

و يا حليل البني كربو البكفوهو في ضهر الشوال تتنجو تجنان في ملاح الكجيك

تاكل زيييييييييييييييييين لامن تقوم عرقان شايل قلفة في راحاتك من الشبعة

Post: #150
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 11:57 AM
Parent: #149

خلي البني كربو حقت الصحنا الشوال
عندكم الفرن زير
الزير يرمو فيهو اللحم ويلحقو بهاراتو وبصلتو , ويولعو ليها الحطب نار تقابه ,, وخشم الزير مقفول بي طينه البحر قريره ,,
ويختو في الواطه ويردمو فوقو الحطب ويطلقو النار , لامن تهبد
ويكشحو الزير في شوال الخيش يمين الله عضم الفصير يطير براهو ويخلي اللحمه قاعده

Post: #151
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 12:23 PM
Parent: #150

Quote: عندكم الفرن زير
الزير يرمو فيهو اللحم ويلحقو بهاراتو وبصلتو , ويولعو ليها الحطب نار تقابه ,, وخشم الزير مقفول بي طينه البحر قريره ,,
ويختو في الواطه ويردمو فوقو الحطب ويطلقو النار , لامن تهبد
ويكشحو الزير في شوال الخيش يمين الله عضم الفصير يطير براهو ويخلي اللحمه قاعده]

اللحم برموا فى البرمه ما الزير

Post: #152
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 12:38 PM
Parent: #151

بورمه ده اسمكم انتو ناس الخلا
بورمه وتيبار
نحن اولاد مدن
زير و قله

Post: #155
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 01:52 PM
Parent: #152

يعنى الفرقه البينا ما وسيعه
يعنى بورمه وتيبار وزير وقله كله طين فى طين

Post: #153
Title: Re: ود شيقوق وودالبوش وود المنسي هام
Author: موسي الراجل
Date: 08-18-2014, 01:24 PM
Parent: #151

عليك الله آ ود شيقوق
شوف الزول دا تاور علينا وجع السنين المتراكم من زمنا طول
رجعنا تانى لايام ما بترجع وات قايل نحن الحاله قبيل مابينها ولا لاقينها
وصدق القال
انا كان البكى والحنان بجيبهم لى ببرك الجمال وبشيل الدمع بالرى

وبمناسبه بركه الجمل ، واحد شال عياله وداهم الفريق هناك وعمه راكب فى جمله
شاف العربيه وقفت قام برك الجمل لزوم السلام على الضيوف اها بعد ما سلم ركب جمله ولاحق سعيته
اها البنيه عجبتها بريكه الجمل نزلت القزاز وقالت ليهو يا عمو بالله طبقوا تانى

شفت كيف كانت الحياه حلوه وطاعمه ذى لحم البرمه
مش تقول لى ملاحكم الخفقو وبيتوا فى التلاجه والخازوق كان كهربتكم قطعت
والله الا تدفقو و حياتنا ساهله ذى سرحه الخريف ،
واحلى من مويه الشطب ما تقول لى مويه الدش البتزيدكم طين
يعنى و انت سارح فطورك حميض وما بتختى ليك من شخف شخفين من ضرع
والهول كان جبنت ليك لبن ضان والله ولا تقول جبنتكم الفيها مواد حافظه
و مقصدره وعلى صحتكم غير محافظه
وبعدين ما تشكر لى النواشف فى الخريف هسه عليك الله شن جاب كعكم البسوى اليابوسه للقيماتنا الباقى دهنها يمسح ليك وجيهك و سدرك
وداير تقارن لى النواشف ناس قيمه البطاطس بعكشناالرويان و مندى منه اكل وشراب

Post: #154
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 01:48 PM
Parent: #153

مويه الشطب المحمره ده فوق ظومتك في زول بشتهيها ,,, ههههه شوف ناس الخلا ديل شطب البني آدم وشطب الطبيعه وصافين وصف
اوووووو العكش ياخ بتبالغ ,,, دحين الجواهو اللحمر ده ما دوده ,, اياهو حلاوي لبانكم ,,, تمضغو فيهو اليوم كلو
‏ حليو حليو
اليابوسه عاد تجيكم من وين ,,, اياكم وسعيتكم واحد ,,, تاكلو من ما خلق الله لا من ما صنع الانسان
وياهو ده التخلف الحضاري
الاعتماد الكامل علي الطبيعه الغلفاء
ونحن ناس العصر الحديث
ناس البرقر والهمبرقر
ناكل بروستي ونشرب العصير
وكان لليابوسه وحاتك فرد حبه تخليك بدون فرامل
عاد اليابوسه تجيكم كيف وتمضغو في اللالابوب صباح وعشيه

Post: #156
Title: Re: ود شيقوق وودالبوش وود المنسي هام
Author: عبدالله ود البوش
Date: 08-18-2014, 02:48 PM
Parent: #154

Quote: الاعتماد الكامل علي الطبيعه الغلفاء

بت بالغ

Post: #157
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-18-2014, 03:16 PM
Parent: #156

Quote: عندكم الفرن زير
الزير يرمو فيهو اللحم ويلحقو بهاراتو وبصلتو , ويولعو ليها الحطب نار تقابه ,, وخشم الزير مقفول بي طينه البحر قريره ,,
ويختو في الواطه ويردمو فوقو الحطب ويطلقو النار , لامن تهبد
ويكشحو الزير في شوال الخيش يمين الله عضم الفصير يطير براهو ويخلي اللحمه قاعده

لحم مدفون
ولحم برمة في غرب السودان

Post: #158
Title: Re: ود شيقوق وودالبوش وود المنسي هام
Author: اميرة السيد
Date: 08-18-2014, 03:30 PM
Parent: #157

الله يجازيكم بالخير . والله اتعلمنا منكم مفردات جديدة ..
لكن الشئ المضحك يبدو اني استعملت كلمة" المسنوحة" ما في محلها.. قمت رديت لجعفر في بوست اسرة بن لادن ان في واحدة صديقتي عزيزة بتساعدني في الترجمة مرات لمن تغلبني حاجة بلجأ ليها .. وقلت ليها البت المسنوحة دي مرات يتعاند وما بتساعد..
وهسع استلمت من العزيزة بسمات تلفون وقالت لي: كيفن تقولي لي مسنوحة..( بعد ما قرأت ردي لجعفر) وسألتها وقلت ليها: انتي بتعرفي مسنوحة دي يعني شنو؟
قالت ما بعرفها لكن يبدو لي انها يمكن تكون شتيمة ولا حاجة.. قلت ليها انتي جنيتي ولا شنو .. مسنوحة يعني جاهلة وبريئة وما بتراوغ.. وما شاء الله انت في في جامعة من اشهر جامعات امريكا والعالم .. يعني كيفن تكوني جاهلة.. يعني الأمر كله ظرافة مني ساكت"" وهدأت وقالت ماشة تقوقل الكلمة دي عند عمنا قوقل..
والله يديكم العافية والصحة

Post: #159
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 03:54 PM
Parent: #158

مسنوحه
يعني
مسخوته
بت حنوت
ذكيه طريفه مرحه تحب تمقلب الناس

Post: #160
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-18-2014, 03:58 PM
Parent: #158

Quote: الله يجازيكم بالخير . والله اتعلمنا منكم مفردات جديدة ..
لكن الشئ المضحك يبدو اني استعملت كلمة" المسنوحة" ما في محلها..
قمت رديت لجعفر في بوست اسرة بن لادن ان في واحدة صديقتي عزيزة بتساعدني
في الترجمة مرات لمن تغلبني حاجة بلجأ ليها .. وقلت ليها البت المسنوحة دي مرات يتعاند وما بتساعد..

لا والله أصبتي تماماً
استخدمتيها في مكانها بالضبط
وعجبتني كتير وضحكت وقربت ارفع التلفون أتصل في ودشيقوق اكلمو
ألحق خبرت لسان الأميرة بت السيد بمرقوها من بلاد اليانك ويقولوا ليها انت أرهابية
هههههههههههههههه
كانت في محلها بالضط مسنوحة بسمات مادام بترفضتساعدك في الترجمة وكت تزنقي

Post: #161
Title: Re: ود شيقوق وودالبوش وود المنسي هام
Author: اميرة السيد
Date: 08-18-2014, 04:32 PM
Parent: #160

ما كان تشرحوا الكلمة دي لأنها لمن تكون فاضية عندها ادمان في قراءة مواضيع سودانيز اون لاين واذا عرفت الكلمة معناها مسخوطة حتقتلني( وجه ضاحك ومكشر في نفس الوقت)..

تخريمة

اما عن كلمة الارهاب والارهابية .. والله الكلمة دي نحن نسيناها في امريكا وبتذكرها فقط لمن نشوف العساكر مددججين بالسلاح في انفاق القطارات وكأنهم نازلين حرب وبيفتشوا في حقائب الركاب.. وطبعا بنين وبينكم هم اتأدبوا تمام لأنهم زمان كانوا بيقصدوا الناس السحناتهم عربية ولكن الآن هم بيفتشوا حتى الأمريكان العيونهم زرق...لأن السعوديين ادبوهم أدب شديد.. فبعد احداث سبتمبر الارهابية واتهام السعوديين انهم هم الذين فجروا الطائرات .. رجع أكثر من 20.000 طالب سعودي كانوا يدرسون في الجامعات الأمريكية بمنح من الحكومة السعودية ومنهم من يدرس على حسابه الخاص.. واثرت هذه الهجرة المعاكسة للوطن على ميزانيات الجامعات السعودية حتى اضطر الرئيس بوش الذي كان يقول :ط من ليس معنا ضدنا" ان يلتمس ويستجدي من الحكومة السعودية اقناع الطلاب السعوديين بالرجوع لأمريكا لأنه كان يعرف ان كلهم سيتحولون لجامعات اوروبا الشرقية.. وده معناه تشبعهم باأفكار الاشتراكية ومناهضة الرأسمالية واحتمال تفريخ ارهابيين جدد يهددون المصالح الأمريكية في العالم كما كان يفعل اسامة بن لادن... وفعلا رجع الطلاب السعوديون لأمريكا وتعهدت الحكومة الأمريكية بمعاملة جميع العرب المعاملة المتساوية .. ولكن بوش المسنوح كان انشأ فرقة شرطة سرية تراقب المسلمين كلهم سرا .. وجاء اوباما وألغى هذه الوحدة الشرطية التي كانت تراقب المسلمين.. واصبحنا الآن نعيش من دون خوف وصمنا بالإرهاب .. وخاصة وان معظم الإرهابيين الآن الذين يحاربون مع المجموعات المسلحة الاسلامية هم اوروبيون وامريكان تطرفوا اسلاميا وليسوا من العرب,,
والله يديكم العافية
ومعليش اذا طلعت بيكم بره الموضوع.. ونعود مرة اخرى

Post: #162
Title: Re: ود شيقوق وودالبوش وود المنسي هام
Author: عبدالله ود البوش
Date: 08-18-2014, 04:58 PM
Parent: #161

Quote: وهدأت وقالت ماشة تقوقل الكلمة دي عند عمنا قوقل..

هههههههههههههه
حرم عمها قوقل امسكا من كيبوردها وكررررررررر اجيب لي بوسطينا دا ذاتو تسوق وتقود
وحرم لاتعرف صرفا لاعدلا
تقول مسنوحة مسنوحة
ما قت ليك يا اميرة الشرح بمزر بمحير الحديس ههههههههه
عايني جاي يا اميرة السيد
زمان كتبت بوست اسمو الجزيرة سلام كنابينا سلام حلولنا سلام مدنا سلام ود مدني سلام
اها وفي نص النضمي عن مشروع الجزيرة ذكرت عبارة الري الانسيابي
تعرفي العبارة دي مسكت بروفيسور اردني بعمل في دراسة جدوى لمشروع كندي ليعمل بالري الانسايبي
وعمل بحث في قوقل وكرررررر اجيبي لعندي انقري فهم حاجة
ولا التحكتح ما فهما ومن حسن حظوا التلفون في البروفايل اتصل علي بعد انخلعت منو
وفي الاخر دليتو امشي بركات وفعلا مشى
ولكنو طلع جعيدي عين ديك ولا برتيتة ما اداني ليها ادوهو الكود ولحم الدود
.
.
اميرة السيد
تحياتي
واحترامي الذي تعلمين وشكرا

Post: #163
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 05:12 PM
Parent: #162

هههههه
ود البوش ناسنا ديل عندهم نضمي بعرفو براهم ,,, لا بنكتب ولا بنشرح
زي قولك بمزر
غايتو
وقت خشيت النرمي البياض
الشيخ احمد الطيب ود الشيخ حياتي ,, قرا المعهد العلمي في مصر ,, والدنيا شتا اتمسح بالنيفيا وهو رجل نظيف انيق وخلف والده ,, اها اجدادنا شافوهو لامع وناير وهم مشققين ومغبشين ,,, سألوه ,, كلمهم
مشو سوق رفاعه يسألو ونسو الاسم واتذكرو شكل العلبه ,, كل واحد اشتري واحده واتمسحو ,,, وجو صلاة المغرب ,,,, صوفر صفار جد وريحتم بنزين بس
التاجر ود حنوت باع ليهم ورنيش
ا

Post: #164
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 05:19 PM
Parent: #162

اميرة

كيفكنك؟

جيت اشرح ليك كلمة مسنوحة لكن قواميس البادية - يطول عمرهم - ما قصروا

Post: #165
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-18-2014, 05:30 PM
Parent: #164

Quote: ( وجه ضاحط)..

كدي اشرحيلنا دي يا اميرة
إنتي زاتك دايرا تبقي مسنوحة يكونوا هَدُّو فوقك المسانيح ديل؟
اميرة انا ماشاركت كتير في البوست ده عشان كنتا عندي صُدْمَه علا قَليت لَي قَرض فوق قَلَشُوب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شيقا قلت لي رياضتك المفضلة المشي؟
تمشي بي قَفاك نامن تَحَوي مَغيب الشَمِشْ

Post: #166
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 06:00 PM
Parent: #165

ههههههه
آمييييييين
مالك عليهو جاهل وسغيييييير

Post: #167
Title: Re: ود شيقوق وودالبوش وود المنسي هام
Author: اميرة السيد
Date: 08-18-2014, 06:42 PM
Parent: #166

يعني يا ود الفاضلابي ما سمعت بحاجة اسمها غلطات مطبعية.. واذا بقينا نقيف في كل غلطة ونصلحها كن للضحوية ما بنقدر طبع لينا فقرتين..
انا صلحت الغلط عشان ما ابقة مسنوحة.ز
لكن باقي لي يا ود الفاضلابي انت قدمت لي خدمة جليلة.. عشان المسنوحة الصديقة العزيزة لمن تقرا الكلام ده حتتأكد ان الكلمة دي ما شينة زي ما كنت بتفتكر وحتقول اذا كانت شتيمة ولا حاجة ما كان وصوفوكي بيها

والله يديك الصحة والعافية .
وامشي غادي لبوست الاعلامي عوض ابراهيم عوض وساعدنا..

Post: #168
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 06:57 PM
Parent: #167

المك

Quote: شيقا قلت لي رياضتك المفضلة المشي؟
تمشي بي قَفاك نامن تَحَوي مَغيب الشَمِشْ

خلاص جيت آآآآآآآآآآآ الفقر ؟ هسه الواحد ما يقوم يقبل عليك يلبعك بالعنكوليبة دي

اميرة

بمناسبة المسنوحة دي - السنة المضت مشيت السودان للمشاركة في ورشة عمل متعلقة بتطوير سوق الخرطوم للأوراق المالية ولأول مرة في حياتي اركب في الدرجة الأولى ملح وكدا

اها وانا على متن الطائرة ببحث عن مقعدي في شاب سمين ووجيه عاين لي وقعد يتبسم قال لي تعال يا المسنوح اجلس جنبي هنا - انا استغربت في الزول الما بعرفو وبشاغل لكن افتكرتو من أعضاء سودانيز - لما سالتو قلت ليهو انت منو قال لي انا خالد قنصل بسفارة السودان في واشنطن ومتابع كل كتاباتكم في سودانيز وعرفتك من صورتك الفي البروفايل

يعني المفردة صارت عالمية ما تقلقي وربما تدخل قواميس اللغة العربية

Post: #169
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-18-2014, 07:00 PM
Parent: #167

Quote: شيقا قلت لي رياضتك المفضلة المشي؟
تمشي بي قَفاك نامن تَحَوي مَغيب الشَمِشْ

هههههههههههههههه
زمان في البردانــة كانت رياضتهم ( أبرة ومنقاش ) كل واحد يطلع للتاني الشوك من كراعو
تحت شدرة ضليلة تلقاهم مجدعين زي جنى برمة ( برمــة دي كلــ بة بابكر ود مصطفى )
نقول آمين

Quote: انا صلحت الغلط عشان ما ابقة مسنوحة.ز
لكن باقي لي يا ود الفاضلابي انت قدمت لي خدمة جليلة.. عشان المسنوحة الصديقة العزيزة لمن تقرا
الكلام ده حتتأكد ان الكلمة دي ما شينة زي ما كنت بتفتكر وحتقول اذا كانت شتيمة

نص موجه لبسمات في داخليتها
المسنوحة ليست سبة أو شتيمة إنما هي مزحة حلوة خفيفة الظل بين أصدقاء صداقتهم صادقة ( مسمى )
ولما تقول ليك أميرة مسنوحة قولي لها ( أنا الككو الفخ الطين أنا الضب الوقع في العجين )

Post: #170
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 07:10 PM
Parent: #169

Quote: ولما تقول ليك أميرة مسنوحة قولي لها ( أنا الككو الفخ الطين أنا الضب الوقع في العجين )

هههههههههههههههههههههههههههها مسنوح واميرة ذاتا السوت ليكم توم وشمار مسنوحة نامن غلط

Post: #171
Title: Re: ود شيقوق وودالبوش وود المنسي هام
Author: Alshafea Ibrahim
Date: 08-18-2014, 07:17 PM
Parent: #169

Quote: هههههههههههههههه
زمان في البردانــة كانت رياضتهم ( أبرة ومنقاش ) كل واحد يطلع للتاني الشوك من كراعو
تحت شدرة ضليلة تلقاهم مجدعين زي جنى برمة ( برمــة دي كلــ بة بابكر ود مصطفى )
نقول آمين

تحياتي ياخالد
المفتبس ( المنشط) أعلاه يعتبر (رفاهية) ورياضة لكن ( ممنوعة) لجيل الطيب في البردانة ، عليك الله خليهو بعظمة (كيبوردو) القاعد جنبو ده يكتب ليك زمان كانت الرفاهية والشقاوة عندهم كيف؟؟؟
شكرا أميرة وضيوفكم الأعزاء بدون فرز ...
الشفيع ابراهيم

Post: #172
Title: Re: ود شيقوق وودالبوش وود المنسي هام
Author: اميرة السيد
Date: 08-18-2014, 07:46 PM
Parent: #171

هوي يا ود شيقوق انتو ناس كبارات ولا شنو!!!! بتركبو الدرجة الأولى في الطائرات هسع تاني حنتكلم معاكم كيفن
تراكم انتو غاشيننا وقايلنكم مساكين زينا.. لكن ما دام كمان دخلتو سوق الأوراق المالية والبورصة ثاني حتى كان
لقيتونا في شارع الله بتتغابو فينا العرفة( وجه ضاحك).. والله يا ود شيقوق ليه هسع ما عارفة سوق الأوراق المالية
كيفن مع ان اكبر سوق اوراق مالية في العالم في نيويورك..
انتا خوفتنا بالدرجة الأولى دي لأنه في السنة الفاتت كنت مسافرة للسودان في رحلة طارئة ومستعجلة بالخطوط القطرية
وكانت التذكرة من نيويورك للخرطوم بـ1700 دولار ولكن ما لقيت حجز .. موظف وكالة السفر قال لي حجز مافي إلا في الدرجة
الأولى وسألته كويس نركب الدرجة الألى اذا الفرق بسيط ,, اه بكم الدرجة الأولى؟؟ المسنوح قالي: انتي محظوظة عشان في تخفيض اليومين دول في الدرجة الأولى والسعر 6500 دولار بس .. قلت ليه: وكمان بس .. والله كان ابطل السفر وامشي برجليني للخرطوم ما بدفع ليكم 6500 دولار..وتراكم انتو بتركبو الدرجة الأولى وكأنكم راكبين حمير وماشين من فداسي للحصاحيصا
والله يديكم الصحة والعافية

Post: #173
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-18-2014, 08:07 PM
Parent: #172

Quote: تحياتي ياخالد
المفتبس ( المنشط) أعلاه يعتبر (رفاهية) ورياضة لكن ( ممنوعة) لجيل الطيب في البردانة ،
عليك الله خليهو بعظمة (كيبوردو) القاعد جنبو ده يكتب ليك زمان كانت الرفاهية والشقاوة عندهم كيف؟؟؟
شكرا أميرة وضيوفكم الأعزاء بدون فرز ...
الشفيع ابراهيم

الشفيع إبراهيم حبابك ألف
كان جايب خبرو فتو لينا أبـ سناحة
ونناشد المسنوح يورينا الرفاهية في العاصمة البردانة

Post: #174
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-18-2014, 08:45 PM
Parent: #173

Quote: هوي يا ود شيقوق انتو ناس كبارات ولا شنو!!!! بتركبو الدرجة الأولى في الطائرات هسع تاني حنتكلم معاكم كيفن
تراكم انتو غاشيننا وقايلنكم مساكين زينا

ها زولة ها
والله الدرجة الأولى لو بي ضراعو
ولا بي النضمي بركب أول زول
لكن كان بي أبو الجورج ( الدولار اللذي يحمل صورة جورج واشنطن ) بقول أخير أخت الفرق في بقر اشتريهن
أرقدن لي دخرة لجناي
زولي وبعرفو زي جوع بطني
.......لو ما حرقة ما بمرقو

Post: #175
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-18-2014, 08:55 PM
Parent: #174

ود المنسي
بت بالغ
علمات ودالبوش

Post: #176
Title: Re: ود شيقوق وودالبوش وود المنسي هام
Author: الطيب شيقوق
Date: 08-18-2014, 09:44 PM
Parent: #172

بت السيد

Quote: هوي يا ود شيقوق انتو ناس كبارات ولا شنو!!!! بتركبو الدرجة الأولى في الطائرات هسع تاني حنتكلم معاكم كيفن
تراكم انتو غاشيننا وقايلنكم مساكين زينا.. لكن ما دام كمان دخلتو سوق الأوراق المالية والبورصة ثاني حتى كان
لقيتونا في شارع الله بتتغابو فينا العرفة( وجه ضاحك).. والله يا ود شيقوق ليه هسع ما عارفة سوق الأوراق المالية
كيفن مع ان اكبر سوق اوراق مالية في العالم في نيويورك..
انتا خوفتنا بالدرجة الأولى دي لأنه في السنة الفاتت كنت مسافرة للسودان في رحلة طارئة ومستعجلة بالخطوط القطرية
وكانت التذكرة من نيويورك للخرطوم بـ1700 دولار ولكن ما لقيت حجز .. موظف وكالة السفر قال لي حجز مافي إلا في الدرجة
الأولى وسألته كويس نركب الدرجة الألى اذا الفرق بسيط ,, اه بكم الدرجة الأولى؟؟ المسنوح قالي: انتي محظوظة عشان في تخفيض اليومين دول في الدرجة الأولى والسعر 6500 دولار بس .. قلت ليه: وكمان بس .. والله كان ابطل السفر وامشي برجليني للخرطوم ما بدفع ليكم 6500 دولار..وتراكم انتو بتركبو الدرجة الأولى وكأنكم راكبين حمير وماشين من فداسي للحصاحيصا

عييييييييييييييك اقري كلام المنسي التحت دا ياهو الحقيقة - وحياتك لو ما كنت ماشي معاي وفد عماني يعني اكان ادوني ليها براي اكان جيهتا ليك جيهة ابيعها في سوق الله اكبر واشوف عروض فلاي دبي والعربية والباقي شي اشتري منو بقيرات وشي امتع بيهو عماتي

لكن عاد ما بقيت ماشي لي مع غرباء وحياتك اخوك اتهندم سمح واتعطر سمح وجزمة تتلاصف مع ضو الشمس والكلام نصو انجليزي ونصو هيك وبدك واجلس هون ومرات اكو العراقية ذاتا - و في محطات الكونكشن أقوم كرررررررررررر اجر ليك سستة حقيبة اللابتوب وادنقر اكتب زى ناس جامايكا وسماعة الموبايل في الاضان انت فاكرة ساي

قال درجة أولى سيبك بلا سفاهه ياخ

Post: #177
Title: Re: ود شيقوق وودالبوش وود المنسي هام
Author: عبيد الطيب
Date: 08-19-2014, 06:36 AM
Parent: #176

المسنوح مفردة قد تكون جميلة جدا خاصة عندما تمدح بها إنسان تعزَّه كثيرا
البوش هو العُرس او الختان بالبادية حيث يجتمع فيه كل أهل البادية وهو أجمل أيَّام أهل البادية إطلاقا
لأنهم لا يجتمعون في الأعياد كثيرا لأن الأعياد تأني أحيانا في الرِّشاش وأحيانا شتاءً وأهل البادية
يكونوا متفرقين بعضهم جنوبا وبعضهم شمالا و.....
أمَّا أفراحهم "البوش" فتكون في فصل الدَّرت وأوَّل الشتاء والبادية كلها بالمدامِر
يقول استاذنا علي الشيخ متحسرا علي بعيره الذي أخذه صديقه، حيث ظن أنه اصاب بالعين في يوم عُرس" بوش"

من هو حوار مراقــِب فيهو ود بربوش
وسحروحو المسانيح ديلا يوم البوش
إضليم الرباد واسع السدايه ابو شوش
حرام والله أقبُض فوق بدالو قروش

تحيَّات نواضر للجميع

Post: #178
Title: Re: ود شيقوق وودالبوش وود المنسي هام
Author: الطيب شيقوق
Date: 08-19-2014, 07:51 AM
Parent: #177

نعم يا العبيد :

وينو تور الخلا البنضم ويجاضي وإخور

ووينو الصندل الفي البوش بسووا بخور

وين عود الوقا البي سوسه مو منخور

عيش مطمورتي لي ضنك الزمن مدخور

Post: #179
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-19-2014, 08:01 AM
Parent: #178

تحايا نواضر للجميع
كيفتونا جبنه وشاهي
البحث عن القريه والباديه والخلا واماكن النجوع ,, لهو بحثا عن ذكريات الطفوله وحياة البساطه
هروبا من تعقيدات المدينه واساليب حياتها
في داخلنا رغم هندامنا الافرنجي واسلوب حياتني العصري ,, طفلا بدويا جميلا
نحن لبيوت اللبن والطين ,, وثغاء الشياه مع اصوات جرقاس البعيده
ولكننا لا نغوص فيها حد الغيبوبه , بل بمقدار ان نحس اننا مزروعين في تراب هذا الوطن رغم صلف السلطه ,, بمقدار ما نحس بالانتماء

Post: #180
Title: Re: ود شيقوق وودالبوش وود المنسي هام
Author: الطيب شيقوق
Date: 08-19-2014, 08:18 AM
Parent: #179

Quote: البحث عن القريه والباديه والخلا واماكن النجوع ,, لهو بحثا عن ذكريات الطفوله وحياة البساطه
هروبا من تعقيدات المدينه واساليب حياتها
في داخلنا رغم هندامنا الافرنجي واسلوب حياتني العصري ,, طفلا بدويا جميلا
نحن لبيوت اللبن والطين ,, وثغاء الشياه مع اصوات جرقاس البعيده
ولكننا لا نغوص فيها حد الغيبوبه , بل بمقدار ان نحس اننا مزروعين في تراب هذا الوطن رغم صلف السلطه ,, بمقدار ما نحس بالانتماء

كلامك سمح بالحيل

اقدل - يا ود اب سن - وامامك قول الشاعر :-

ملء السنابل تنحني بتواضع ... والفارغات رؤوسهن شوامخ

واليك مقتطفات مما قاله الراحل الدكتور محمد يوسف ابو حريره - رحمه الله ، وما قاله الاخ عصمت العالم امد الله في عمره :

(تعتريني حالة من الانجذاب الى الوطن سائحاً في معيتكم في مستقبل ماضيه الذي استشرفته واعدته نبضاً في وجداني وقلبي وتصورا في ذهني وعقلي رؤية أسعد كثيراً أن أشاطركم حقوق ملكيتها وأعباء التفكر والتدبر فيها وتمثلها والصبر على غرسها وانتظار حصادها ... عِبئان لا يطيقهما إلا الرواد العائدون من (دور) المستقبل لقيادة ظعائنهم إليه ليشاركوا جميعا في تنمية أرضه وأهله الطيبين ليغسلوا عنهم أوضار العجز التي غشت وجه شعبنا الوضئ وتبعث فيه قدرته على التمام من جديد) الدكتور محمد يوسف ابو حريرة

(ولعل الاحتياج الدائم لعمر الطفوله وزمن الصبا والعمر والتجارب والمراحل تاخذ الانسان فى تجوال ملزم وتتشتت فى سماء الكون احاسيس الالفه والامان..وذلك الطهر البراءه...وذكريات الطفوله والدراسه لن تنمحى من خيال الذاكره ابدا..حتى تفاصيل الاشكال قد تغيب الاسماء لكن هنالك اسماء حفرت فى اخاديد الذاكره لن تنمحى..ويبدا الطواف الذى فى اجتراره يمنح دعشات تلك الانسام ويجدد خلايا الروح ويوصل مسافات العمر ليبقى ذلك الارتباط هو حلم الخيال الامانى والاحلام..وكل منا يريد ان يعود الى زمن الطفوله ورفقة الصبا عله يستطيع تعديل واصلاح مدى الرؤيا فى مستقبل عالم مضطرب..لان امان اللحظه وقتها كان قائما على احساس ذلك الامان فى البيت والحله والقريه والطريق والمدرسه ..وكان تلك رياح الزمن الجميل..) عصمت العالم

Post: #181
Title: Re: ود شيقوق وودالبوش وود المنسي هام
Author: عبيد الطيب
Date: 08-19-2014, 08:44 AM
Parent: #180

Quote: وينو تور الخلا البنضم ويجاضي وإخور

ووينو الصندل الفي البوش بسووا بخور

وين عود الوقا البي سوسه مو منخور

عيش مطمورتي لي ضنك الزمن مدخور

تسلم أبوي الطيب
ويشهد الله أنتم الأربعة
واحد فيكم تور الخلا البنضم ويجاض وإخور
وواحد فيكم عود الوقا البي سوسة مو منخور
وواحد فيكم عيش مضمورتو لي عيش الزمن مدخور
وواحد فيكم الصندل الفي بوش بسوّوا بخور
والفاضلابي داك زولن وهيط مستور
تسلمو جميعا

Post: #182
Title: Re: ود شيقوق وودالبوش وود المنسي هام
Author: عمر السلمة
Date: 08-19-2014, 08:55 AM
Parent: #1

السلام عليكم ورحمة الله وبركاته ..
واحد من أجمل البوستات في الفترة الأخيرة .. لكن صراحة كدا جاتني أزمة ( ربو) من الغبار .. ياخ طلّعتو حاجات من أول.. أول ..أول امس ..
وقبل فترة سمعت كلمة يمكن 30 سنة ما سمعتها ... واحد بقول للتاني : عينك زي الصنجية !!! عليك الله يا ود البوش الكلمة دي كم سنة ما سمعتها ؟؟؟؟

وتحياتي للجميع

Post: #183
Title: Re: ود شيقوق وودالبوش وود المنسي هام
Author: موسي الراجل
Date: 08-19-2014, 12:56 PM
Parent: #182

السماء بطنها طامه ومزرقنه والبكايه سحابها متردم تكنه بال طويل التيله بمكابس الزرقا
والبراريق فلاشات كاميرات وكتين الرؤساء ياخدو صوره تذكاريه
اها قالت شو شعفوفه ولشاقه وحس البرد فى الحويقه رمى الجمرات والرعد ما بتوصف
قولت كرع رع الا الفارس الما بفك شطر امه الا اب قلبا خفيف كان انس ولا جن بعد ما يشوف شرار البرق المتقطع فى السماالتقول افتتاح اولمبياد بصنف ، تسمع رو كررررع، طق الحدار انقسم نصين وقالت النار بق ، ونار الصاقعه المويه ما بتكتلها
الليله ما يوم اللبن لكتل النار .

Post: #184
Title: Re: ود شيقوق وودالبوش وود المنسي هام
Author: جعفر محي الدين
Date: 08-19-2014, 01:45 PM
Parent: #183

آآ نويس نعلكم طيبين
هي نان ما تكلمونا ببوستيكم دا وتموتوا بيهم براكم
الشي دا كان لازملوا مداعي يفر بالفرقان وينادي الناس
الغريبة أيدي اكلتني عليه كم مرة بس قلت الشيء دا امكن موضوعا خاس

السناحة راكباكم من ساسكم لراسكم
https://http://http://www.youtube.com/watch?v=m67IfynZdLEwww.youtube.com/watch?v=m67IfynZdLE

التعديل عشان أدرج ليكم الفيديو دا

Post: #185
Title: Re: ود شيقوق وودالبوش وود المنسي هام
Author: جعفر محي الدين
Date: 08-19-2014, 02:03 PM
Parent: #184

سلام عبد الحفيظ ود أبسن

Quote: ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم
شغالين حبوبه ونسينا
والطغيان فيكم لمبه ام شريط
لا بتعرفو الرتينه ولا مشيتو شارع كارتينا

عارفين ناس ود شيقوق ود البوش وود المنسي
ديل الكانوا بيجوا البندر ويحرسوا ليك شمعة النيون
أمك ولعت ... أمك طفت
لمن يشيلن حمار النور

Post: #186
Title: Re: ود شيقوق وودالبوش وود المنسي هام
Author: موسي الراجل
Date: 08-19-2014, 02:08 PM
Parent: #184

حباب جعفر تعال جا لقدام على الضرا
اصلا الميسنيح اب صنقبر ود اب سن مرقه من امس
حتل ليهو فى جخنون من جخانين البنادر
اصله مهايم وكان بطرفك رضيمه سواس لهمه ليها

Post: #187
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-19-2014, 03:23 PM
Parent: #186

مطرانين مطرة راسية ,, فن فليل لامن الشمش قربت تطيح ,, ضنيتها آخر مطر الطرفة وبتعقبا الجبهة,, وقالو الشق الما بتكسرو الجبهة ما بنكسر
اها الفجيغبة حمتنا الدواحة
كتر خيركم

Post: #188
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-19-2014, 06:25 PM
Parent: #187

هاكم الهدية من اولاد الطندب
نشرها زكريا عبدالرازق
الدرعة العقيدك من ندايدو اتعطــــــــل
وهجينك دوَر الرزمى السحابو اتكتل
جــــديع النميم الــــفوق رفــــايقو مــــفتــــل
على العاجبنى زوقك يا المشيك مرتل

الدرعة الــــعقيدك دوَر ام مــــيمــــــــون
فريدة عصرك القصر الندايدك دون
الخداده انضف من دهب شــــــــــــيبون
وذريق ريــــــــقا ألذ من عكة المسنون

الدرعة العقيــــدك لــــــــفحة أم كانجيــــــــــــل
وعنقك ظبية وفيك ارداف سبيكة الخيل
الــــبسمــــتا تــــــــــــــــبهــــر فــــى ظــــلام اللــــيل
تلِى الــــجدلة وحــــلانة ومــــشيك تقــــــــــــيل

Post: #189
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-19-2014, 06:27 PM
Parent: #187

Quote: من هو حوار مراقــِب فيهو ود بربوش
وسحروحو المسانيح ديلا يوم البوش
إضليم الرباد واسع السدايه ابو شوش
حرام والله أقبُض فوق بدالو قروش

أخوي العبيد قوقي غرد وقول أطربنا
جيب من بادية كردفان المفردة وأنفحنا
سمح قولك سمح طرب حادينا يوم المحنة
ابدأ بي الدُعاش وأختم بيشان أفرحنا

خالد

Post: #190
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-19-2014, 06:46 PM
Parent: #189

Quote:
تحايا نواضر للجميع
كيفتونا جبنه وشاهي
البحث عن القريه والباديه والخلا واماكن النجوع ,, لهو بحثا عن ذكريات الطفوله وحياة البساطه
هروبا من تعقيدات المدينه واساليب حياتها
في داخلنا رغم هندامنا الافرنجي واسلوب حياتني العصري ,, طفلا بدويا جميلا
نحن لبيوت اللبن والطين ,, وثغاء الشياه مع اصوات جرقاس البعيده
ولكننا لا نغوص فيها حد الغيبوبه , بل بمقدار ان نحس اننا مزروعين في تراب هذا الوطن رغم صلف السلطه ,,
بمقدار ما نحس بالانتماء

يا سلااام
يا سلااام
يا ودأبوسن
يسلم تُمك
كلامي ينقش بماء الذهب زينة
ويا حلاتك لما تتني رويسك لي ورا وتجيب حلو الحديث معاني
مودتي الصادقة

Post: #191
Title: Re: ود شيقوق وودالبوش وود المنسي هام
Author: الطيب شيقوق
Date: 08-19-2014, 06:48 PM
Parent: #189

حباب عمر السلمة

حباب العبيد تاني

الأخ الراجل

مساك طيب

Quote: السماء بطنها طامه ومزرقنه والبكايه سحابها متردم تكنه بال طويل التيله بمكابس الزرقا
والبراريق فلاشات كاميرات وكتين الرؤساء ياخدو صوره تذكاريه
اها قالت شو شعفوفه ولشاقه وحس البرد فى الحويقه رمى الجمرات والرعد ما بتوصف
قولت كرع رع الا الفارس الما بفك شطر امه الا اب قلبا خفيف كان انس ولا جن بعد ما يشوف شرار البرق المتقطع فى السماالتقول افتتاح اولمبياد بصنف ، تسمع رو كررررع، طق الحدار انقسم نصين وقالت النار بق ، ونار الصاقعه المويه ما بتكتلها

امطار خير وبركة يا رب - يدينا خيرها ويكفينا شر صواقعها

باقي لي سحابكم مهضلم فوق ليكم تشرب فيهو التاورية ؟

Post: #192
Title: Re: ود شيقوق وودالبوش وود المنسي هام
Author: الطيب شيقوق
Date: 08-19-2014, 06:55 PM
Parent: #191

يا جعفر ود النيل الأبيض - سلام

Quote: آآ نويس نعلكم طيبين
هي نان ما تكلمونا ببوستيكم دا وتموتوا بيهم براكم
الشي دا كان لازملوا مداعي يفر بالفرقان وينادي الناس
الغريبة أيدي اكلتني عليه كم مرة بس قلت الشيء دا امكن موضوعا خاس

هههههههههههههها ذكرتني عمنا المرحوم الصديق ود الضو كان راجل فارس بالحيل ولا بعجبو العجب ولا الصيام في رجب

عندما يشوف ليهو ناس ما عاجباهو لمتهم طوال بتلهمهم بالكلمة دي ( ها نويس)

ان شاء اللمة تعجبك وتعمل لينا اب قريدنغ لناس عدييييييييييل ( وش ضاحك)

ياخ تعال علينا دي الملجة البتعجبك بالحيل

Post: #193
Title: Re: ود شيقوق وودالبوش وود المنسي هام
Author: الطيب شيقوق
Date: 08-19-2014, 07:01 PM
Parent: #192

ود اب سن

Quote: مطرانين مطرة راسية ,, فن فليل لامن الشمش قربت تطيح ,, ضنيتها آخر مطر الطرفة وبتعقبا الجبهة,, وقالو الشق الما بتكسرو الجبهة ما بنكسر
اها الفجيغبة حمتنا الدواحة

الجبهة دخلت من يوم الاحد بحساب واحد من ناسنا - مطرتكم دي في الجبهة - ناس البندر الأيام دي مبسوطين قالوا المطر وقف والفيضان رجع - ربنا يحفظهم الما عارفين يا داب الغرق والفيضان جاي

جاي وبلقى مواعينو متروسة و ربك يستر بس ويكضب الشينة

قالوا الفيضان رجع والفاصل المداري رجع عيييييييييييييييييييييييك بعد تسوقهم الجبهة دي كووووولها ويردف فيها الخراصان بتسمع خبر

Post: #196
Title: Re: ود شيقوق وودالبوش وود المنسي هام
Author: الطيب شيقوق
Date: 08-19-2014, 07:06 PM
Parent: #193

فاضلابي

Quote: وذريق ريــــــــقا ألذ من عكة المسنون

الله يجازيك دا خمشتو من وين

والله العبيد ود ابوي الطيب اكان ما ساي زولا سحي البيت دا يفك ليك جميع شفراتو ويخلي ريقك يقرطع

Post: #195
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-19-2014, 07:03 PM
Parent: #192

Quote: أخوي العبيد قوقي غرد وقول أطربنا
جيب من بادية كردفان المفردة وأنفحنا
سمح قولك سمح طرب حادينا يوم المحنة
ابدأ بي الدُعاش وأختم بيشان أفرحنا

خالد

ودالـمك, دابَـــــكْ عَدَلْتَ وَتَرةْ الــــــــــــبوست
وده الكلام الدارو ودابسن ليهو سْبوتْ
نِـمْ قـول خـليهو الـ يكــــــــــون مــــــــبســــــوط
والمرفعين ماتْقِيلو اطْبُقلو بالـمَتْلــــــــوت

Post: #194
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-19-2014, 07:03 PM
Parent: #191

Quote: السلام عليكم ورحمة الله وبركاته ..
واحد من أجمل البوستات في الفترة الأخيرة .. لكن صراحة كدا جاتني أزمة ( ربو) من الغبار .. ياخ طلّعتو حاجات من أول.. أول ..أول امس ..
وقبل فترة سمعت كلمة يمكن 30 سنة ما سمعتها ... واحد بقول للتاني : عينك زي الصنجية !!! عليك الله يا ود البوش الكلمة دي كم سنة ما سمعتها ؟؟؟؟

وتحياتي للجميع

كما نوه الجميل ودشيقوق مع أني مابريدو
الكثير من مفردات البادية والريف لها في العمق والتعبير باعا
وكذلك تجد الكثير من مفردات البادية والريف لها جرس نغمي يشبه معناها
وأنا مرات بتخيل أنه هناك لون معين لكل مفردة
يعني لما تقول لي زول هييييييع القارح
بتخيل هيييييع دي لونها أسود باهت والقارح لونها بني فاتح
جن تقول شنو

والحفاظ على مفردة البادية والريف من الإندثار واجب
على سبيل المثال حديث الشارع اللذي تلبسه الشيطان شوه الكثير
زعلت أمس وأنا أحضر في برنامج في قناة أم درمان
( سكة سفر ) المذيعة ومن إلتقت بهم ( الله يعين )
تخيل بتاعت شاي في منطقة تندلتي تسألها المذيعة الشاي بتاعك دا مزبوط
ترد وتقول لها بسوي ليك شاي لما تختي في حنانك
كيف شوهوا لسان هذه البدوية وهي تجاري حديث شوارع المدن المسيخ زي موية الترمس
لذا اخي الكريم الحفاظ علي المفردة السمحة العميقة واجب

Post: #197
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-19-2014, 07:57 PM
Parent: #194

Quote: عارفين ناس ود شيقوق ود البوش وود المنسي
ديل الكانوا بيجوا البندر ويحرسوا ليك شمعة النيون
أمك ولعت ... أمك طفت
لمن يشيلن حمار النور

هههههههههههههههههه
أستاذ جعفر سلااام يا رائع
ذكرتني زمان عندنا حبوتن لينا مشت الخرتوم مع ود بتها
لما البص وصل الصافية
سألت ود بتها اللمين يا ولدي البلد دي وين
قال ليها دي الصافية يا حبوبتي
قالت يا كافي البلا مالا كلها مستشفيات
( في شندي مافي مبنى من دورين إلا مستشفى شندي )
حليل زمان وخليل ايام زمان أخوي جعفر زمن المحنة وزمن الزمن زين
زمن جوز الحمام تلاتا
زمن الناس حنينة في بعض ويقعدوا وقت الضحوية في عنقريبين ويفلو بعض
وزي ما بقولوا أهلنا
حليل المحنة .. راحت مع القمل

Post: #198
Title: Re: ود شيقوق وودالبوش وود المنسي هام
Author: عبيد الطيب
Date: 08-20-2014, 06:19 AM
Parent: #197

Quote: هاكم الهدية من اولاد الطندب
نشرها زكريا عبدالرازق
الدرعة العقيدك من ندايدو اتعطــــــــل
وهجينك دوَر الرزمى السحابو اتكتل
جــــديع النميم الــــفوق رفــــايقو مــــفتــــل
على العاجبنى زوقك يا المشيك مرتل

الدرعة العقيــــدك لــــــــفحة أم كانجيــــــــــــل
وعنقك ظبية وفيك ارداف سبيكة الخيل
الــــبسمــــتا تــــــــــــــــبهــــر فــــى ظــــلام اللــــيل
تلِى الــــجدلة وحــــلانة ومــــشيك تقــــــــــــيل

يا سلااااااام يازول ياسمح يازين
أعجبتني المرابيع وقلنا نُرد ليك مُسيالك لأنك جميل

الفاضلابي المهيل سمحَنْ وهيط في قولو
الفوت والنَّبا موروث قديمن هولو
شيَّال الحِمول بفقد بصونهُن عولو
وبدفعها المنايح من أصايل شولو

Quote: الدرعة الــــعقيدك دوَر ام مــــيمــــــــون
فريدة عصرك القصر الندايدك دون
الخداده انضف من دهب شــــــــــــيبون
وذريق ريــــــــقا ألذ من عكة المسنون

وقفت كثيرا عند هذه المفردة "عكَّة المسنون" يا سلااااااااااااام
عن العكودة قال محمَّد ودمهلَّف الكباشي:
قدمها حمامي مو الدّرشاوي
إيدنها مخسَّلة وأليَن من القرِّاوي
ريقها عكودة الكاكليتها فيها بلاوي
ونفسها الصّب عِِشي واصبح دعاشو مناوي

وصف كلُّو من الطبيعة يابخات الخال

تحيَّات من القلب يا فاضلابي
يشهد الله صباحاك كان سمح
محبتي للجميع
عدلنا أصال ل أصايل خطأ مطبعي
والشول هي الإبل اللُّقح والمنايح جمع منيحة وهي الهبة للضعيف من النِّعم اللُّقُح إن كان إبل أو بفر

Post: #199
Title: Re: ود شيقوق وودالبوش وود المنسي هام
Author: جعفر محي الدين
Date: 08-20-2014, 07:12 AM
Parent: #198

أنا طبعا بالأمس ما قدرت أطلع على هذا البوست كامل الدسم
ومع ضيق الزمن محتاج لي لنهاية أسبوع أكمل فيها القراية وحتين نصد نناغمكم

كتابة ترد الروح وتشفى العليل والمجروح

Post: #200
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 07:21 AM
Parent: #198

Quote: كما نوه الجميل ودشيقوق مع أني مابريدو

يا قلبي من زمان قت لك خاصمو
أبيت تسمع كلامي وقلته ناوي تقاسموا
سمعتو الليلة خبرا في الخيال ماك راسمو
دنت أيام فراقو إنشاء الله أمرك حاسمو

Post: #201
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-20-2014, 08:44 AM
Parent: #200

جنس عولق الموبايand#65275;ت الذكية دي
فوق

Post: #202
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-20-2014, 09:05 AM
Parent: #201

باقيلي المولد دا فاتنا
علا تعيدوهو لينا تاني

أما حكاية ود أب سن وعلاقتو بالهمبرقر والحاجات الصاقطة ديك
اعتقد إنها كذبة 2014

تحياتي لكم جميعاً بدون فرز
مثنى وثلاث ورباع

Post: #203
Title: Re: ود شيقوق وودالبوش وود المنسي هام
Author: عبيد الطيب
Date: 08-20-2014, 09:39 AM
Parent: #202

Quote: جنس عولق الموبايand#65275;ت الذكية دي
فوق

الصديق والشّاعر الرائع حنفي حاج الطيب مع مسادير الدوبيت أيضا له شعر مليء بالطُرف مع أصدقاءه .
عند لمّة قرايب سخر صديقنا بكري محمد عوض السيد "ود جانقي" من جوال حنفي وقبل أن تطلع "الكافرة "من بيتها وأعني الشمس ، فقبل شروقها أطلق الشّاعر حنفي قنابل من الشعر صوب بكري ومن غنا الجراري مدافعا عن موبايلو:
الكيبور مو ممحي
بجوض الأرض في لمْحي
نقر جوالي القمحي
وجاب أخبار السَّمحي
****************
"صدق سيدك كان غنّا
عليك يا سمح الرّنَّا
دست أزارو وغنَّا
وجاب أخبار أهلنا
***************
ناس عقوب ما غِلبو
شايلو ومتواصلبو
مبارك وين بي تِلبو
أظن ساعي بمس######و"
"ضحكت من هذا التشبيه حيث شبه جوال أخونا
مبارك عبدالله شمو من قرية أُم بادرومعتمد أم روابة حاليا بشمال كردفان ،
شبه جواله بالبعير او الجمل العجوز"التلب" وبأنه لا يتصل وإنما "يمسكل" فقط.
بجيب أخباركم تمِّي
من مُقنع لي عمِّي
ود جانقي فيك ضُمِّي
عدَّال أم سوح لهدمِّي
**************

حديث التكنلوجا
بجيب أخبار ناس فوجا
ود جانقي بتفوجا
بي جوال في سوجا
***************
التمتيك ري دايلو
وما بِتنعد رسايلو
ود الحاج موبايلو
مافي وليدا شايلو

Post: #204
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 10:05 AM
Parent: #203

Quote: حديث التكنلوجا
بجيب أخبار ناس فوجا
ود جانقي بتفوجا
بي جوال في سوجا
***************
التمتيك ري دايلو
وما بِتنعد رسايلو
ود الحاج موبايلو
مافي وليدا شايلو

هههههههههههههها الله يطول عمرك يا الحنفي - قال ود جانقي بتفوجا هههههههههههههههههههه

السنة يا العبيد اخوي ، الخريف السمح دا كان تم ، اسياد البهائم والبلدات بتفوججوا بالجلاليب والعمم والشالات ومراكيب النمر- و تاني ما بتفرزهم من الكيزان علا بالكروش الكبيرة

والسنة دي عرس البخات -وحياتك علا ما ناس العريس يفتحوا الدفتر النقطة من 500 الف ولا فوق - و السنة مداح الطارة ذاتم علا يتريضوا كويس للنقزة والجفيلة البعد الختة في المنديل

قالوا كيلو الضان بقى ب 80 - ب 80؟؟؟؟؟؟ هههههههههههههههههها هو سيدو كان ما مضيوم ببيعو !!

وحياتك بعد الكلفة بقت بلاش وخلف العيش والبتاب يرقد هبطرش ، و يقوم العسين بنسام سقيط الدرتية ، تاني كان توزنو ليهو دهب ما يبيعو لزول البندر عشان يمزمز بيهو .

Post: #205
Title: Re: ود شيقوق وودالبوش وود المنسي هام
Author: عبيد الطيب
Date: 08-20-2014, 10:27 AM
Parent: #204

Quote: هههههههههههههها الله يطول عمرك يا الحنفي - قال ود جانقي بتفوجا هههههههههههههههههههه

السنة يا العبيد اخوي ، الخريف السمح دا كان تم ، اسياد البهائم والبلدات بتفوججوا بالجلاليب والعمم والشالات ومراكيب النمر-
و تاني ما بتفرزهم من الكيزان علا بالكروش الكبيرة

والسنة دي عرس البخات -وحياتك علا ما ناس العريس يفتحوا الدفتر النقطة من 500 الف ولا فوق -
و السنة مداح الطارة ذاتم علا يتريضوا كويس للنقزة والجفيلة البعد الختة في المنديل

قالوا كيلو الضان بقى ب 80 - ب 80؟؟؟؟؟؟ هههههههههههههههههها هو سيدو كان ما مضيوم ببيعو !!

وحياتك بعد الكلفة بقت بلاش وخلف العيش والبتاب يرقد هبطرش ، و يقوم العسين بنسام سقيط الدرتية ،
تاني كان توزنو ليهو دهب ما يبيعو لزول البندر عشان يمزمز بيهو .

يا الطيب أخوي يشهد الله قابلتني في الآتو عديل
عندي صاحبي من البادية وعمدة ،
شلت ليهو معاي شال وعمة توتل هدية
قال لي والله كجَّتنهن من شالوهِن ناس الحيكومة الكضابين والكلامهن دُراب دُراب.........!
السنة دي قالو خريف شُري..! والمُدرتاب بكون ممهول ، دايرين لينا فيها شوبة، كان نحضر لينا عرس والله طهور
قالو الأيَّام دي وحاتك أهل ألبل شايلين سعون القارص وبشربتو لي الضيفان
بس زي ماقلت الله يستر علينا من ناس المزمزة ، وخاصة ناس راكوبة حماية المستهلك
ديل إنحنا سارحين وتعبانين وفي الرشاش لا روب لا دُفدف ولا مفيجيجة ولا أم حلبين عيل السخين
وكمان دايرين ياكلو بهيماتنا وبفدروا بي البستي كولا .....!
العيد الفات حاربونا خلاس وقالو دايرين يشتروا الضحية بس500
لكن وحاتك أهلك يعجبوك ساقو بهايمهن وسدر بيها معقبين
وكمان السنة دي مريَّة البعرس فيها بجيب عيال والبهايم بتَّاوم...............!

Post: #206
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 10:46 AM
Parent: #205

Quote: وكمان السنة دي مريَّة البعرس فيها بجيب عيال والبهايم بتَّاوم...............!

ههههههههههههههههههههههههههههههها حرررررررم دي كان جابوا ليها زهير ابن ابي سلمى ما يقدر يفك شفراتا

يطول عمرك والله ضحكتني ضحكة لامن قربت اتفنقل من الكرسي

قال مرية !!

ياخ دا اعلى سقف واعمق مفردة من مفردات اهل البادية

Quote: قالو الأيَّام دي وحاتك أهل ألبل شايلين سعون القارص وبشربتو لي الضيفان

اها يا ود اب سن وود المنسي وود البوش واميرة السيد و رشا بابكر علا تشوفوا ليكم مترجم العبيد جاكم انتو ذاتم بالتقيل

تخريمة

مرة يا العبيد اخوى مشيت لحقت البل يوم الضمي في نهر الدندر - لقيت ليك الابالة عاملين الاحواض والملح بالاكياس في طرف الاحواض .

اها واحدة درت والراعي اتلهما بالقرعة من حينها اتفرشخت للحليب - الراعي وقع ليك فيها ما شاء الله شخ شخ شخ وحجباتو في ضرعاتو يطاقشن خلى ليك الزبد يقابض في شلاليف القرعة ملاها طاااب وجاني دارع السوط في اباطو وقال هاك يا جني اشرب

انا بالتسود خطوتي قمت انفخ في الزبد عشان افوججو بجاي وبجاي عشان اتلهم اللبن وحياتك - يا العبيد اخوي - الراعي نهرني نهرة لليوم ما بنساها

كدى قول لي الزول دا لشنو زعل من النفخة؟ حرم لليوم ما عارف السبب لكن نهرة ما نسيتا لهسه .

Post: #207
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-20-2014, 10:54 AM
Parent: #205

شوكران آ العبيد في مراضاتك لي ,,, تلفوني عاجبني علا اللخوان هادوني وحيدن جديد ,,, غلبني تب , هسه صديت ليهو وبكتب بالدس ما يشوفوهو يقلعو مني
عرس وين تاني
والحكومة حبالها ما بتتقطع والبياكلك احرص منك
هسعتي يجييو ليهم كم ضرييه وغلا يدخلو غزه
جركانه الزيت 500 ج
وشوال السكر 300
وشوال البصل 300 وماشي في زياده
كدي احسب بشتك بي كام
تاني وين الشعقيبه والبازمال

Post: #208
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 11:01 AM
Parent: #207

ود اب سن

كان جركانه الزيت ب 500 ج واردب العيش حافظ على ال 800 يا داب ما زولك شنق طاب

Post: #209
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-20-2014, 11:04 AM
Parent: #207

نهرك في فلقصتك دي
ايا البهايم بتاوم ,,, شبعانه ورويانه
وقالو ولدت الصيف في البهايم ما بتنجح
وحاتك مصيفين تب
متل فار المسيد

Post: #210
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 11:07 AM
Parent: #209

Quote: وقالو ولدت الصيف في البهايم ما بتنجح

ما بتفوت عليهم الناس بكنّوا - يا العشان - زى كنّة ود المنسي ههههههههههههههههههها

Post: #211
Title: Re: ود شيقوق وودالبوش وود المنسي هام
Author: عبيد الطيب
Date: 08-20-2014, 11:22 AM
Parent: #210

Quote: اها واحدة درت والراعي اتلهما بالقرعة من حينها اتفرشخت للحليب -
الراعي وقع ليك فيها ما شاء الله شخ شخ شخ وحجباتو في ضرعاتو يطاقشن خلى ليك الزبد يقابض في شلاليف القرعة
ملاها طاااب وجاني دارع السوط في اباطو وقال هاك يا جني اشرب

انا بالتسود خطوتي قمت انفخ في الزبد عشان افوججو بجاي وبجاي عشان اتلهم اللبن وحياتك - يا العبيد اخوي - الراعي نهرني نهرة لليوم ما بنساها

كدى قول لي الزول دا لشنو زعل من النفخة؟ حرم لليوم ما عارف السبب لكن نهرة ما نسيتا لهسه

إنت عاين لي الناقة دي وجيبة كيف هباب ما شربت درَّت وفاقت ..!
دي ما بمرقوها من المراح وشوف ليها إتفرشخت كيف ، ومن ماعرفها فاقت زولك نفض حجباتو ولفح كبروسو وقلع ،
وشوف ليها شطورها كيف ،عينة البتخلي القرعة ليها داوي
وحاتك دي ما بحلبوا مناخرها من مقادمها بملوا الكبروس
شوف المنفلة بت الفارس جلي أبوفاطنة الجراري قالت تمنِّح علي أبوها:
أبوي راكب علي الخلفات براهِن
وماعتَّم الخلفات كايس لباهِن
وماحلب مواخِيرهِن طرَّد حِشاهِن
وما تَبَن الجارات داير زناهِن
بِطرُد دمير الخيل جايب نباهِن
بقطع سبعة محلات بخبر عشاهِن
وفي القوز أبو عيشوب واقف حواهِن
ويومن لقوح الرَّيل بصبح معاهِن
اها الشطرة التالتة ، الناقة دي ملت القرعة من مقدمها وماحلبو مواخيرهِن
المواخير هي الشطور الورانية
شوف بطرد دمير الخيل وجايب نباهِن
وكمان في البلد القفار واقف حارس ويحمي نوقه "حواهن"
وأحيانا يشق القفار حتي يصل المناطق التي تلد فيها الرَّيل وهي بقر الوحش"يوما لقوح الرَّيل بصبح معاهِن"
اها إتَّ إتلومت تب أهل البادية يتشاءمون بنفخ رغوة الحليب
ويقولون أن صادفتك وقيعة شيلها وأمرقها بي إيدك
أها ناس خلوني أتَّاوق ساكت ومرة مرة أجيكم راكب جالسة ساكت

Post: #212
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 11:46 AM
Parent: #211

Quote: أها ناس خلوني أتَّاوق ساكت ومرة مرة أجيكم راكب جالسة ساكت

ها زول كيف بنخليك وات بقيت للبوست زي الفستق الجوة حلاوة مولد

Post: #213
Title: Re: ود شيقوق وودالبوش وود المنسي هام
Author: موسي الراجل
Date: 08-20-2014, 11:58 AM
Parent: #211

واحدا عينه حاره نزل ضيف والراجل اتفضل على الضرا و بقندل فى الضرع ما ام غموت
والشطر مرن والبقره مرى ، الزول دفس الجردل الكبير من شق وعنى
الضيف والرغوه تقول السحاب البتشوفه تحتك وانت راكب الطياره
اها الزول ما فك القران و ناغم البت تناوله ماعون تانى و الشق التانى متحين
اها الضيف فتحت خشمه (ها زول دى بقره ولا بير ام زعف ) اها من ديك البقره تانى شطورها ينقطا دم لمن غرزت و ولمن باعوها تانى ما اتقرنت
اها الضيف الزى دى مكنوس وفات السناحه وكان عينه وقعت فى متاليبك الضرر حاصل

Post: #214
Title: Re: ود شيقوق وودالبوش وود المنسي هام
Author: موسي الراجل
Date: 08-20-2014, 12:29 PM
Parent: #213

الباظ شال البنات من ضهرا كبير قام بيهن
ضمر من وسط قطن الجزيره عنيهن
خاتات الحنه ذى دم الرعاف فى ايديهن
يارب العباد تبرد حشا والديهن

يا حليل قطن الجزيره الكان بشبهنه عيون
كم وكم حلحل مشاكل وفرح الكبير و الديرفون

باقى ليكم يا جماعه الباعوضه خلت لزولا دم لمن يقبص بالرعاف
وقدرت الفى مرقت فى غزه

Post: #215
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-20-2014, 12:53 PM
Parent: #214

بير ام زعف عيال حسب الله
ههه كتلا كتلا
ههه

Post: #216
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-20-2014, 05:06 PM
Parent: #215

Quote: الدرعة العقيدك من ندايدو اتعطــــــــل
وهجينك دوَر الرزمى السحابو اتكتل
جــــديع النميم الــــفوق رفــــايقو مــــفتــــل
على العاجبنى زوقك يا المشيك مرتل

عليك الله يا أخوي العبيد شوف حصافة الناس ديل ونقاء قريحتهم
* عقيدك من ندايدو إتعطل
* وهجينك دور
تلصف بروف تشلع
* عاجبني ذوقك .... يا المشيك مرتل
في الترتيل والتلاوة تأني
يا سلااام يا سلااام

Post: #217
Title: Re: ود شيقوق وودالبوش وود المنسي هام
Author: اميرة السيد
Date: 08-20-2014, 05:44 PM
Parent: #216

Quote: واحد فيكم تور الخلا البنضم ويجاض وإخور
وواحد فيكم عود الوقا البي سوسة مو منخور
وواحد فيكم عيش مضمورتو لي عيش الزمن مدخور
وواحد فيكم الصندل الفي بوش بسوّوا بخور
والفاضلابي داك زولن وهيط مستور

.................

عزيزي ود الطيب
تراك انت برضك ما ساهل وخبير في نضمي البدو .. ونورت البوست
وانا كمان من عندي بهديكم رائعة من روائع ود بادي وهو بيكتب جواب لأمه من المدينة وهي هناك في القرية وشوفو ود بادي بيقول شنو بالله..:"

حاجة واحدة تكون في علمك
اني جايي وتاني راجع لي دياري
وياني حميد القديم
إلا بس فاقد حجابي وراح سواري
يمة كتري من رضاكي
وسلميلي على المعاكي
وقولي لحبوبة ازيك
نحن شبنا وماكي براكي
سلميلي على جروفنا وحتى وزينا الباكي
سلميلي على بنوتنا
وقولي ليهن ماني ناسي
طاري شلاخا موآسي
زي شقوق بيتا سداسي
طاري نقشا فوق خدودن
بين ضفايرو وشوفو قاسي
جسمي في البندر ممدد إلا بينكم بي حواسي
سلميلي على البكادن والبشتت في التقاوي
وصوتو فوق تيرانو عاوي

مع السلامة ودعتك الله
ولي وصيتك ماني ناسي
لي شفقتك مافي داعي
كان نجحت بجيك غانم
وكان فشلت بجيك ضراعي

والله يديك العافية

تخريمة:
والله حيرتنا يا ود شيقوق بالجملة الفلسفية الرائعة دي البتشع نور وضياء:" انت زي الفستق الجوه حلاوة المولد""والله تعبير
رائع ينساب في المشاعر
والله يديك العافية

Post: #218
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-20-2014, 06:06 PM
Parent: #217

Quote: * عاجبني ذوقك .... يا المشيك مرتل
في الترتيل والتلاوة تأني
يا سلااام يا سلااام

قلت لي يامك مشيها بس عبدالباسط عبدالصمد نامن يوطي ويَعَلّي؟
انت عندي نمة شايفك جيت سايق فيها زي سواقة تراجي

Post: #219
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-20-2014, 06:07 PM
Parent: #217

Quote: قال لي والله كجَّتنهن من شالوهِن ناس الحيكومة الكضابين والكلامهن دُراب دُراب.........!

صدق والله
والله يا العبيد حتى قولة الله أكبر
إدرعوها لآمن بقيت لما تسمعها حتى عند الصادق في قولو من أهلنا تشك أنو بقى مؤتمر وطني
ههههههه

Quote: السنة دي قالو خريف شُري..! والمُدرتاب بكون ممهول ، دايرين لينا فيها شوبة، كان نحضر لينا عرس والله طهور
قالو الأيَّام دي وحاتك أهل ألبل شايلين سعون القارص وبشربتو لي الضيفان

وسمح البوش بين الأهل والحبان
والمالح دفر
وبتهز أبــ جقيقة وبتقنع الكاشفات

Quote: بس زي ماقلت الله يستر علينا من ناس المزمزة ، وخاصة ناس راكوبة حماية المستهلك دُراب دُراب
ديل إنحنا سارحين وتعبانين وفي الرشاش لا روب لا دُفدف ولا مفيجيجة ولا أم حلبين عيل السخين
وكمان دايرين ياكلو بهيماتنا وبفدروا بي البستي كولا .....!
العيد الفات حاربونا خلاس وقالو دايرين يشتروا الضحية بس500
لكن وحاتك أهلك يعجبوك ساقو بهايمهن وسدر بيها معقبين
وكمان السنة دي مريَّة البعرس فيها بجيب عيال والبهايم بتَّاوم...............!

يلمها النمل وياطاها الفيل
دا الحال يا أخوي العبيد
شن نسوو الصبر مفتاح الفرج

ديل يختفوا اللقمة إن حفتَّ
من جنحين الملك إن رفتَّ
وسيدا يموت بي الفاق
تحياتي ومودتي عبيد ود المقدم

Post: #220
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-20-2014, 06:13 PM
Parent: #219

Quote: والله حيرتنا يا ود شيقوق بالجملة الفلسفية الرائعة دي البتشع نور وضياء:" انت زي الفستق الجوه حلاوة المولد""والله تعبير
رائع ينساب في المشاعر
والله يديك العافية

هووووووووي يا أميرة انت شنو كمان الدايرا تسوي للمسخوت ده صيت
ده بس حدو نِقريف العنكوليب وضرب اللود بالزمبارة تحت الشدر وكان
جانا لا غادي بنعَلّمو الـ حِمْبَيْ

Post: #221
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 06:42 PM
Parent: #220

الراجل

Quote: اها الضيف فتحت خشمه (ها زول دى بقره ولا بير ام زعف ) اها من ديك البقره تانى شطورها ينقطا دم لمن غرزت و ولمن باعوها تانى ما اتقرنت
اها الضيف الزى دى مكنوس وفات السناحه وكان عينه وقعت فى متاليبك الضرر حاصل

قهرتو بى الله الزول لحق البقرة امات طه طاااااااب

اكان داير العربي يملا خشمك طين امشي قريب بهايمو وحرك اصبعك زي البتحسب

Post: #222
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 06:51 PM
Parent: #221

بت السيد

Quote:
والله حيرتنا يا ود شيقوق بالجملة الفلسفية الرائعة دي البتشع نور وضياء:" انت زي الفستق الجوه حلاوة المولد""والله تعبير
رائع ينساب في المشاعر

والله الناس تقول ليك دا اميز كاتب ودا احسن كاتب في المنتدى ويفطوا عينة العبيد دا

والله العبيد الطيب تاج وقار يتلألأ على جبين هذا المنتدى - ربنا يحفظه

Post: #223
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 06:52 PM
Parent: #222

Quote: هووووووووي يا أميرة انت شنو كمان الدايرا تسوي للمسخوت ده صيت
ده بس حدو نِقريف العنكوليب وضرب اللود بالزمبارة تحت الشدر وكان
جانا لا غادي بنعَلّمو الـ حِمْبَيْ

جيت تلبلب يا عتيد البرمة؟

Post: #224
Title: Re: ود شيقوق وودالبوش وود المنسي هام
Author: عبدالله ود البوش
Date: 08-20-2014, 07:06 PM
Parent: #182

Quote: عينك زي الصنجية

لا حولااااااااااااااااا
علي الليمان والرحمن من كترة طولة سمعانا لمن لخطبت بين البلية والصنجية كسار صحن الصيني
والفنجان القروش الفكة والجنيهات ورق حلاوة شكلات لكن كعب الفنجان ما بسير بنقول دا كتال اللم واللبو
يا قدما عليك عمر السلمة

Post: #225
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-20-2014, 07:25 PM
Parent: #224

Quote: هووووووووي يا أميرة انت شنو كمان الدايرا تسوي للمسخوت ده صيت
ده بس حدو نِقريف العنكوليب وضرب اللود بالزمبارة تحت الشدر وكان
جانا لا غادي بنعَلّمو الـ حِمْبَيْ

هههههههههههههههه
ناس ديل يا الفاضلابي تلقاهم متفنين في تراب الله تحت الشدرة

تَلْت ... ستا .. طابا
وأبو الدُك وعينو الزايدة
وكوم بي هناك صفرجت
غايتو في الردانة الحصى في غضب الله مابخلو حجر واقع في الواطا

Post: #226
Title: Re: ود شيقوق وودالبوش وود المنسي هام
Author: الطيب شيقوق
Date: 08-20-2014, 07:42 PM
Parent: #225

Quote: غايتو في الردانة الحصى في غضب الله مابخلو حجر واقع في الواطا

احسن من طورك الدافنو قريب دكة الجدادة الحاضنة كلما تجي تشيلو تتلهمك جرررررررررررررر وكاااااااك بى فد اباط

Post: #227
Title: Re: ود شيقوق وودالبوش وود المنسي هام
Author: عبدالله ود البوش
Date: 08-20-2014, 07:49 PM
Parent: #225

والله يا ود اب سن ديوانك دخلوهو سماحة ناسا
محمد حسن
احمد الشايقي
عبيد الطيب
جلالدونا
جمال ود القوز
عبدالعزيز الفاضلابي
موسى الراجل
اميرة السيد
الشفيع ابراهيم
عمر السلمة
جعفر محي الدين
بدرالدين بابكر
حبابكم آ ناس والله حبابكم والبت بيتكم وجيتكم تسر الخاطر وتدخل الفرحة والسرور
وكل منا ياخد راحتو في الونسة كان دكاكينية وكان جماعيا غايتو انا من فرحتي بيكم لسع مبرعم
بعد اصحى من غيبوبة فرحتي بيكم بقطف من كل حقل من حقولكم وردة واشتلها في مزهرية قلبي البحبكم كلكم

Post: #228
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-20-2014, 08:04 PM
Parent: #227

Quote: احسن من طورك الدافنو قريب دكة الجدادة الحاضنة كلما تجي تشيلو تتلهمك جرررررررررررررر وكاااااااك بى فد اباط

ود عمنا زمان ساءت الأيام في حظه وجابو من القرية للبندر الخرتوم مكان اقامة والده
يوم فتح الماسورة ولحظه السيئ كانت الموية قاطعة ......
الماسورة قالت شخخخخخخخخخ
قال مع مد في الكلمة بطريقة القرى ( قــطّـتْ )

Post: #229
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-20-2014, 09:09 PM
Parent: #228

ها ناس الدار داركم
حرم موحل وملكك في موبايل غلبني تب
بقت علي قصةود تكتوك مع طand#65275;ق بتو و ركوتو
طفشت الاسماء
وطغشت بي وشي
عand#65275; امهلوني بجودو لبكم
الجن البتوالفو

Post: #230
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-20-2014, 09:19 PM
Parent: #229

Quote: ها ناس الدار داركم
حرم موحل وملكك في موبايل غلبني تب
بقت علي قصةود تكتوك مع طand#65275;ق بتو و ركوتو
طفشت الاسماء
وطغشت بي وشي
عand#65275; امهلوني بجودو لبكم
الجن البتوالفو

براي سويتا في نفسي
حاسي بيك
بس ماتشيلو وتجدعو فوووووو
وتريح البنا والبناول الطين

Post: #231
Title: Re: ود شيقوق وودالبوش وود المنسي هام
Author: عبدالله ود البوش
Date: 08-20-2014, 10:11 PM
Parent: #225

Quote: والله الناس تقول ليك دا اميز كاتب ودا احسن كاتب في المنتدى ويفطوا عينة العبيد دا

والله العبيد الطيب تاج وقار يتلألأ على جبين هذا المنتدى - ربنا يحفظه

ببصم بالعشرة والله
لكن اخير نقنج بيهو قبلنا هنا دا
جنس نضميهو دا الجنيات ديلك ما بخبروا ليك

Post: #232
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-21-2014, 07:06 AM
Parent: #231

والله يا أب سن بدون ما أشعر لقيت نفسي في صف ود شيقوق والمنسي وود البوش (ولاد التلوب النايبـُن لالوب)، لعدة أسباب أولها إني بريدك في الله ولله وما دايرك تطلع من كومنا،
لكن لقيتك تناتل وتكاتل عشان تنعتق مننا، وكلما مسكنا فيك بي طرف تمشي منملص مننا، ولكن لا فكاك..
البنادر دي والله صاح فيها ناس سمحين لكن ياخي تكتم النفس، اتذكر لمان جينا الجامعة دفرونا أهلنا كلنا مع بعض الفي جامعة السودان والفي الخرطوم والفي النيلين، عشان ما نودر،
ونزلنا من اللواري دغشاً بدري، غببببش وشينين وفوقنا خطوط الملح البيضاء فوق رقابنا .. الشايل شوال، الشايل مجوز، الشايل شنطة حديد .. المهم وصفوا لينا وقالوا لينا الجامعة من موقف شندي قريبة..
أها نحن قلنا نوهط الفي جامعة الخرتوم في بكانو ونحن نتوعر لا جوة، أها ماشين في الشارع ونتلفت
على التعترنا سعلنا لينا واحداً متقندف كدي، قلنالو : ياجنا الجامعة اللت الخرتوم بي وين ؟؟
عاين لنا كدي من فوق لي تحت، قالنا: إنتو دايرين الجامعة ولا الجامع ؟؟؟
من اليوم داك كرهت البنادر كراهتي للتمباك، وعرفت إنو عودي فيها عود مرا ..

Post: #233
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-21-2014, 07:18 AM
Parent: #232

Quote: جيت تلبلب يا عتيد البرمة؟

هههههههههههههههههههه

Post: #234
Title: Re: ود شيقوق وودالبوش وود المنسي هام
Author: موسي الراجل
Date: 08-21-2014, 07:55 AM
Parent: #225

[تَلْت ... ستا .. طابا ]

الجوانى انسهك و البرانى اتمعر من طوله القعده وكان لقيتلك ابره وين تلقى خيت الكرورى

العب آ ود المنسى مشى الستا و الطابه ديل

العيد قرب بتحلق والكسويه المربوطه بدلقان ضابها وتشم فى ريحه المكنه العجيبه
ما شوفتك لريحه الجاز رشاش يوم التريمبيل حرتلكم اللقده

Post: #235
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-21-2014, 08:05 AM
Parent: #234

ههههههه
الصعوط زنبو شنو
لكن جيهكم
يا بدر
المرء بأصغرية. قلبه ولسانه
و
شوفني واقع وين

Post: #236
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-21-2014, 08:16 AM
Parent: #235

Quote: شوفني واقع وين

ههههههههه
بعد البوست دا ممكن أقول ليك:
شفتك واقع في شر أعمالك

Post: #237
Title: Re: ود شيقوق وودالبوش وود المنسي هام
Author: اميرة السيد
Date: 08-21-2014, 09:39 AM
Parent: #236

يا بدر الدين
الله يجازي شيطان عقلك من الضحك الكتير عاوزين
ن موت
لمن قرأنا قصتك وانتو جايين الخرطوم اول مرة للجامعة
لي عودة عشان عاوزة احكي ليك قصة قريبة من دي وكمان
اصلح كلامي بلغة البدو التي نفهمها عندما اصل المكتب عشان
جهاز ال Ebook ما بيكتب الا لغة عربية فصحى
والله يديك العافية

Post: #238
Title: Re: ود شيقوق وودالبوش وود المنسي هام
Author: الطيب شيقوق
Date: 08-21-2014, 10:36 AM
Parent: #237

بدر الدين

Quote: عاين لنا كدي من فوق لي تحت، قالنا: إنتو دايرين الجامعة ولا الجامع ؟؟؟

هههههههههههههههها

طبعا انا دخلت الجامعة متزوج ووالد ولدين الحمد لله والمرة كانت حامل عندما دخلت الجامعة برلوم - لعلمكم انا تزوجت من الثانوي العام وعمري 14 سنة فقط

طبعا اولاد تالتة ورابعة بحاولوا يدقسوا البرالمة يعني ممكن يدخلك كنسية للصلاة

المدام ولدت واولاد تالتة ورابعة سمعوا بخبر البرلوم الولدو ليهو بت دا

قاموا جوني في الداخلية باركوا لي وقالوا لي بختك انت الطالب الوحيد الممكن يستفيد من بند الولادة امشي لعميد شؤون الطلاب قدم ليهو طلب قول ليهو صدق لي حق السماية

هم ذاتم قاموا كتبوا الطلب في ورقة فلوسكاب وقالوا لي يلا اتوكل امشي ادخل عليهو -- على الطلاق الكلام دا كلو صاح

يا زول شلت ليك الطلب واتلهمت ليك مكتب العميد و تووش دخلت عليهو مديت ليهو الورقة

قراها وعاين لي تاني قراها وعاين كم مرة

قام خت نظارتو في التربيزة وقال لي :

ياخ جامعة الخرطوم تقريك نعم
تسكنك نعم
توفر ليك الكتب نعم

تسافر لاهلك في الاجازة تديك تصاريح القطر نعم

لكن تعرس وتلد وتسمي ليك دا وين دا ؟

والله طبقت ورقي وجيت مارق لقيت ليك شلة الطلبة العملوها كلهم برة يضحكوا ساااي

Post: #239
Title: Re: ود شيقوق وودالبوش وود المنسي هام
Author: عبيد الطيب
Date: 08-21-2014, 11:40 AM
Parent: #238

Quote: وانا كمان من عندي بهديكم رائعة من روائع ود بادي وهو بيكتب جواب لأمه من المدينة
وهي هناك في القرية وشوفو ود بادي بيقول شنو بالله..:"

شكرا الوهيطة بت السيِّد لإهدائنا
ماعونا مُترعا بالمفردة الأنيقة والقيم السمحة ، والمحنة والتواضع من بيت ود بادي السِّداسي،
ومع أنَّه فتق جرحا في فؤادي وغوَّر،
برحيل وزينة الدِّقون....................!
لكنه جعلنا نشاشي للبادية التي أحببنا
اشاشي اشاشي....
حين تُرعدُ السَّواري المُدْجنات
وتُرسل دعاشا
مُضمخا بنوَّار أشجاركم الوارفات
وأشوم بِروقها
فأعرف مَناهِل امطارها الهاطلات
وأسرِجُ بعيري وأُدلجُ ليلا
لأنَّ فؤادي للجمال عاشقة
وأُوقِنُ أنَّها في عُمق البوادي
وفوق الروابي...
وعند التلال
وأسمع هديل الطيور
وخرير الجداول بماءٍ نميرٍ زلال
وقد اكتسي الوادي وقَفْ السَّنافِ....!
(بعُشبٍ طريٍّ ثوبا وشال)
وحين تُزقزق
عصافير روحي بذيَّاك العَبق
تقوقي القماري
وتعزف لحنا طِيوري الناشقة
اشاشي اشاشي....
حين تُرعدُ السَّواري المُدْجنات
وتُرسل دعاشا
مُضمخا بنوَّار أشجاركم الوارفات
وأشوم بِروقها
فأعرف مَناهِل امطارها الهاطلات
وأسرِجُ بعيري وأُدلجُ ليلا
لأنَّ فؤادي للجمال عاشقة
وأُوقِنُ أنَّها في عُمق البوادي
وفوق الروابي...
وعند التلال
وأسمع هديل الطيور
وخرير الجداول بماءٍ نميرٍ زلال
وقد اكتسي الوادي وقَفْ السَّنافِ....!
(بعُشبٍ طريٍّ ثوبا وشال)
وحين تُزقزق
عصافير روحي بذيَّاك العَبق
تقوقي القماري
وتعزف لحنا طِيوري الناشقة
القف والسناف من الدارجة الفصيحة وتعني التلال المرتفعة
واهل البوادي يضربون خيامهم ويمدون طنائبها في السناف
حيث تشبُّ نارهم في العلو لتهدي ضيف الهجوع وطارق الليل
* قصدت ب "فتق جرحن وغوَّر" رحيل ..والدتي عليها الرحمة
لأن رسالة ودبادي كانت معنونة لأمه........!

Post: #240
Title: Re: ود شيقوق وودالبوش وود المنسي هام
Author: عبيد الطيب
Date: 08-21-2014, 11:52 AM
Parent: #239

Quote: من اليوم داك كرهت البنادر كراهتي للتمباك، وعرفت إنو عودي فيها عود مرا....!

يابدر البوادي
التعليم عندنا في البادية رزَّز ترززيت بقرة......
والحيكومة مسكت عنكوليبها .....! وكمان ماعندنا قنا نرفع بيهو البقرة وإنقوقسها.......!
أها قلت اخير اجي البقعة أعلم البنيَّات، نان جيت العدو ..!
بقيت فيها غريب ، أها قلت أخير كل مامرَّة أمشي أركب دور زي ما أهل البادية بركبوا دور وبرسلو الطلائع عشان يعرفوا المراعي أني قلت كمان أركب دور في المواصلا ت والهايسات والحافلات عشان أعرف طبائع مخاليق مولانا ناس المُدن....!
كان ألقي لي زول مشاتر افتح معاهو خشمي إن شاء الله بي دواس
أخوك طوالي بركب في المقاعد الأخيرة وكمان من يكشش الكمساري بدفع لي ناسي المعاي في المقاعد أو الكنبة الأخيرة ، دي والله مو كرم منِّي ، لكن قاصد فكَّت الخشُم ، أها مرَّة ركبت هايس راقي ومشيت علي طووول الكنبة الأخيرة ، أها دخلن تلاتة مقطوعات طاري جلسن جنبي ، من ماشفتهِن ماهن صباح خير واحدة وحاتك قُربابها شامراهو فووووق، أخدت بالي و جمعت ريشي علي، أها جات رابعتهِن شايلةليها سندوتشات ، جلست في المقعد القدامنا مباشروأدَّت البقرات الفي شقي كل واحدة عنقوليبتها
جي الكمساري طوالي يكشكش اها دفعت وقلت ليهو أربعة شال القروش وحاسبني....
نطَّت واحدة فيهِن قالت: ليه تدفع لينا، ما محتاجين ليك...!
قلت ليهن عادي مافي مُشكلة.....
قالت: لا لا عرفة بتين لا بنعرفك ولا بتعرفنا بالله شوف دي...!
قلت ليهن إنتن جارات ومن الواجب أدفع ليكن...
جاراتك وين جاراتك.....! ، اول مرة نعرفك في الهايس دي....!
والله لا بنعرفك وماكا من منطقتنا وحيّنا! إنت بلدك وين وساكن وين
قلت ليهن : بلدي الجيت منها وحات مولانا كان مشيتاً ليها تجن منها ليكن دُك وخرشن ماكن خرُش، دهن الخواجي وكضبو دي كووولها بسُّوح وبموع.....!
ثم أردفت: هسع إنتن رفيقاتي في الخطرة دي وجاراتي في الكنبة دي وإذا إتحولتن منها أونزلتن تاني لا بعرفكن ولا بتعرفني..!
الناس الفي الحافلة وحاتك يضحكوا شديد............!
أها القدام قالت لي: وليه أنا مادفعت لي؟
إتذكرت الأخ ودالبوش وملاح حبوبتو بت علوبة....!
قلت ليها،
قلت ليها إتي ملاح بت علوبة...!
ثم أردفت سريعا
إنت ماك جارتي وبعدين هسَّاع أكلتي العنكوليب وأديتي أخواتك وما أديتي جارك الفي كنبتك!
أها في واحدة متكمكمة خلااس ، باقية لِهدِمِّا،إتباشرت بيها خير وقلت في سرِّي ، السودان بخير!
قُلت ليهن أختكن الفي جنبكن دي ما أكلت عنكوليبتها’ الظاهر عليها بتِشِك منِّي ؟
وحاتك كلامي ماكمَّلتو أكان جاموسة الخرااااب إتناولت العنكوليب والزَّبد زبدها يتطاير...!
براي ردّدت الكتراااااابل آ القدح المغطَّي علي اليباس...!
بعدين ناس البص ضحكوا لدرجة شديدة
وبعد مانزلت يشهدالله براي إتذكرت الأخ الطيب ودشيقوق وقلت:
الله يجازي محنكم يا أبوي الطيِّب ود شيقوق ويا عبدالله ود البوش
العاصمة بلعتني جُت وبقيت فيها:
"ولكن الفتي البدويُّ فيها غريب الوجه واليد واللسان"

Post: #241
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-21-2014, 12:24 PM
Parent: #240

Quote: قراها وعاين لي تاني قراها وعاين كم مرة

قام خت نظارتو في التربيزة وقال لي :

ياخ جامعة الخرطوم تقريك نعم
تسكنك نعم
توفر ليك الكتب نعم
تسافر لاهلك في الاجازة تديك تصاريح القطر نعم
لكن تعرس وتلد وتسمي ليك دا وين دا ؟

ههههههه والله إنك غشيم
بارك الله فيهو الما رفدك

Post: #242
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-21-2014, 12:36 PM
Parent: #241

Quote: لمن قرأنا قصتك وانتو جايين الخرطوم اول مرة للجامعة

تحياتي أميرة
الخرطوم دي كانت بالنسبة لينا عالم آخر تماماً
السفر للخرطوم ذاتو بياخد يومين
نبيت في الشارع
ونصل الصباااااح مع لواري البرسيم
دهشتنا فيها كانت متل دهشة قريبنا داك الأكل الباسطة أول مرة واتمطق ووقف على حيلو وقال: قااااادر الله

أها بعد داك عرفنا درب القطر، وربنا سهلا علينا
نركب في عربية الفرملة ونصاحب الكمسنجية ونضرب في العدس لامن نصل بلدنا بعد يومين تلاتة

تحياتي مثنى وثلاث ورباع

Post: #243
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-21-2014, 12:41 PM
Parent: #242

Quote: وحاتك كلامي ماكمَّلتو أكان جاموسة الخرااااب إتناولت العنكوليب والزَّبد زبدها يتطاير...!
براي ردّدت الكتراااااابل آ القدح المغطَّي علي اليباس...!

العبيد أخوي والله اتلومن فيك
لكن إنت الشلاقة ليك شنو
من كترة قروشك يعني ؟؟؟

مرة عمنا العوض ود حامد زولاً بكااااي بالحيل والبت السمحة بتجهجه باكاتو
أها ركب في الدفار ومقابلاهو بت سمحة خلاس راكبات جنبها نسواناً مشلخات تقول بي تراكتر
لامن نزل شال القروش ودفع حقو وحق البت السمحة
وقالها: المرهاء حقك خالص

Post: #244
Title: Re: ود شيقوق وودالبوش وود المنسي هام
Author: اميرة السيد
Date: 08-21-2014, 02:01 PM
Parent: #243

بدر الدين ود بابكر
اسمع الحكوة دي::

العام الماضي كنا ثلاثة صديقات نسير في حوش جامعة كولومبيا الشهيرة في نيويورك ومعانا طالبتين واحدة المانية والثانية
فرنسية ولما وصلا السلالم العالية البتودي للمكتية الكبيرة قعدنا في مدرجات السلالم ونعلق في خلق الله الماشين والجايين
وفجأة شفنا قدامنا منظر اذهلنا جميعا , لكن عشان اكون حقانية وما اظلم نفسي، المنظر ما اذهلني انا ولكن صديقاتي الاثنين
استغربن جد .. لاننا شفنا سوداني.. اي والله سوداني .. لابس عراقي ولباس طويل وسديرية زي البلبسوها الهندندوة.. واحدة منهن
قالت( طبعا هي ما المسنوحة عشان هي متربية في السودان) : باله شوف الراجل العوير ده مبهدل نفسه كيفن وفاضحنا في خلق
الله .. يعني عشان شغلوا جنايني ولا عامل نظافة في الجامعة يقوم يتعاور ويبهدل نفسه بالطريقة دي؟؟ عليك الله هو ما شايف
الجناينة الأمريكان لابسين كيف ما تفرق الواحد منهم من رئيس الجامعة..والله إلا امشي اتكلم معاه" لكني قلت ليها : يا بت والله انا عافية منه يا هي دي الأصالة ولا بلاش.. ومفروض الواحد يعتز بلبس بلده ووالله تلقاهو عسع ولد بلد اصيل" وقامت ردت علي وقالت لي : وطيب ما دام انتي بتعتزي بلبس بلدك مالك ما لابسة التوب؟ فلت ليها عشان التوب هنا ما حكاية عملية لكني
في اي مناسبة سودانية ممكن البس التوب" قالت لي انتي مغفلة ولا شنو .. معقولة في زول بيجي الشغل بعراقي ولباس؟
قلت ليها عليك الله انتي ما شايفة الباكستانيين والهنود والأفارقة بيلبسوا لبس بلدهم في اي حتة .. لا،هم بيعتزو ببلدهم..
( طبعا نسيت اقول ليكم صديقاتي ديل واحدة مولودة في امريكا والتانية جات وهي مكملة الابتدائي).. قلت ليهم انتو محتاجين
اجازة خمسة سنوات في السودان عشان تعرفو السودان ده شنو..
وفجأة اقترب مننا السوداني وهو يبتسم وسلم علينا وقال :"
طبعا ما حتصدقو قال شنو؟؟
ونواصل .. والله يديكم العافية عشان ما تملوا ..

Post: #245
Title: Re: ود شيقوق وودالبوش وود المنسي هام
Author: اميرة السيد
Date: 08-21-2014, 02:40 PM
Parent: #244

انا كنت عاوزة اعمل ليكم مسابقة واشوف منو البقدر يتخيل السوداني ده قال شنو لمن وصلنا!!
بس كمان حتقومو تنسوا بداية القصة..
الراجل وصلنا وسلم علينا وهو يبتسم ..واحدة قالت بعد ان انتهى الحديث بيننا: والله انا قايلاه جاي يسألنا
الجامع بوين ولا دورة المياه للرجال بوين عشان هو جديد في الشغل..( زي صاحبكم الفي الخرطوم الكان مفتكر انتو بتفتشو في الجامع ومش الجامعة).. وسألنا طبعا انتو سودانيات مش كده؟ قلنا ليه طبعا وانت من وين؟ قال انا سوداني قح ولكن اذا
قلت ليكم اسم قريتي في الجزير ما حتعرفوها لأنها حتى في الخريطة ما قاعدين يكتبوها.. واضاف وهو يبتسم :" طبعا ظننتو
فيني الظنون.. في لبسي ده . مش كده؟؟ انا طالب في جامعة المانية في المانيا وادرس هناك بمنحة من الحكومة الألمانية وجيت هنا في كورس دراسي لفرة ثلاثة شهور في اطار التبادل الثقافي بين الجامعتين .. وعندما عرف ان بيننا المانية وفرنسية
تحدث مع الألمانية بلغة المانية فصيحة وكأنه الماني .. وللدهشة تحدث مع الفرنسية بلغة فرنسية سليمة وكأنه فرنسي..

ولم يخيب ظني ابدا وفال انه لابس اللبس السوداني الأصيل ده عشان عنده محاضرة حيقدمها امام الطلاب في الفصل
عن الثقافة والتقاليد السودانية" وطلب منا ان نحضر المحاضرة واعطانا رقم القاعة ..( وفعلا حضرنا المحاضرة والتي القاها بلغة انجليزية سليمة بدون لكنه زي حالاتنا.. وكانت فعلا محاضرة قيمة جدا جدا عن السودان والثقافة السودانية والتقاليد السودانية . واتذكر تفاصيلها الآن واذا جاءت المناسبة سوف الخصها لكم في بوست آخر.. وعندما انهت المحاضرة قلت لصاحباتي والله الواحد لمن يسمع كلام الراجل ده اذا ما سوداني يتمنى يكون سوداني.. وقد تشجعت وقلت له ما دار بينا من حديث لمن شفناه اول مرة...واننا كنا قايلنه جنايني ولا عامل نظافة .. وضحك كثيرا .. فقال كلمة لا انساها ابدا:"
" ما تتغشوا بالمظاهر.. والمظاهر خداعة""
وتراكم يا بدر الدين وانتو شايلين شنط الحديد ولابسين كيف كيف.. زول البندر ظن فيكم الظنون وقايلكم جهلة وما طلاب جامعات .. وهسع وهو اللابس بدلة وكرفته( انا متخيلاه كده) تلقاه جاهل وما بيعرف يفك الخط..فعلا المظاهر خداعة..
والله يديك العافية

Post: #246
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 04:22 PM
Parent: #245

Quote: ، قلنالو : ياجنا الجامعة اللت الخرتوم بي وين ؟؟
عاين لنا كدي من فوق لي تحت، قالنا: إنتو دايرين الجامعة ولا الجامع ؟؟؟
من اليوم داك كرهت البنادر كراهتي للتمباك، وعرفت إنو عودي فيها عود مرا ..

هههههههههههههههههه
والله يا بدر ماتقعوا إلا في جنى القِريزين دا
قال الشاعر ود بادي ( عن مناسبة قصيدة هوي يا وليد )

أنه إحتدّى النقاش بين طلبة الريف وولاد البندر في موضوع ( هل للريف أثر على البندر )
أها في وليد قِريزين زي زولك دا رمى لي ودبادي كِليمة إستفزتو كريفي ...
قال بالحرف كنت يوم جاي الجامعة من الريف كُنت مثل عود الطنضدب المحروق سوادا وكان هو
مثل ورق الصفصاف يتقصع بين الأصابع تتدلى سُليسلة دهب فوق رقبته
قال حاولت أن أرد له الحديث قولا لكن تراجعت وقلت هذا لاينفع فيه إلا الهجاء شعراً
فكان مولد قصيدة هوي يا وليد

Post: #247
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 04:44 PM
Parent: #246

Quote: [تَلْت ... ستا .. طابا ]
الجوانى انسهك و البرانى اتمعر من طوله القعده وكان لقيتلك ابره وين تلقى خيت الكرورى

العب آ ود المنسى مشى الستا و الطابه ديل

العيد قرب بتحلق والكسويه المربوطه بدلقان ضابها وتشم فى ريحه المكنه العجيبه
ما شوفتك لريحه الجاز رشاش يوم التريمبيل حرتلكم اللقده

موسى الراجل ماك طيب
هههههههههه
قتا لي الجواني إنسهك والبراني إتمعر
والله والله والله ما أحلاها السلفة معاكم وزي ما قالت الأميرة أميرة أنتو ناس حلوين
صاحبك ود شيقوق دا طبعاً زولاً مسنوح بالحيل
قبل سنتين مشى البردانة أجازة وشايل كاميرا فيديو وقعد عربم ديل ويصور
والله لو تسمع كلامهم تموت من الضحك
الفيديو كلو ما زحو من الدخان ووصف الرحيم ديك سمحة
وما بقولو مرت فلان
بقولوا فلانة العند فلان
خلي شيقوق ينزلو ليك تاني في البوست دا
تحياتي موسى الراجل
.................
تخريمة عليك الله يا موسى ... موسى دي ما بتكفي وتوحي أنك أخو أخوان وزول حوبات
موسى نبي الله عليه الصلاة السلام
وموسى ودجلي فارس بني جرار
وما بيأكل الملاح أخدر
ومابشرب الخمر يسكر
مودتي وأنت زول سمح

Post: #248
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 04:51 PM
Parent: #247

Quote: ههههههه
الصعوط زنبو شنو
لكن جيهكم
يا بدر
المرء بأصغرية. قلبه ولسانه
و
شوفني واقع وين

ود أبوسن عبدالحفيض
في التبادي نحمد الله إن غيرت صورة البروفايل
البنية السمحة ربنا يحفظها ويغطيها ريحتنا من سناحتك دي
هههههههه وحت هي لبست النضارات
مشى الطاؤوس يوماً
فقلد شكل مشيته بنوه
كلم امها خطبناها لي الخواجة أحمد
ربنا يحفظها

Post: #249
Title: Re: ود شيقوق وودالبوش وود المنسي هام
Author: سليمان القرشي
Date: 08-21-2014, 05:00 PM
Parent: #248

امنت بالله دا بوست شنو دا وانا كنت وين
اقسم بالله خريف ابو سعن وفكا مننا
تحياتي ليكم كلكم ومن البطانة دي ماني فايت

Post: #250
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 05:08 PM
Parent: #248

Quote: قراها وعاين لي تاني قراها وعاين كم مرة
قام خت نظارتو في التربيزة وقال لي :
ياخ جامعة الخرطوم تقريك نعم
تسكنك نعم
توفر ليك الكتب نعم
تسافر لاهلك في الاجازة تديك تصاريح القطر نعم
لكن تعرس وتلد وتسمي ليك دا وين دا ؟

ههههههههههههههههههه
وهيييييييييييييع يا أبـ زرد
شلت وِريقتك وقدلت داير تقبض حق كُباشة السماية
وطبعاً بتختو في جيبك لانو حاج مضوي هناك بكون محضر كُباشة السماية
يا أميرة زولك دا طبعاً كل عيالو سمى لي أبوهو وهو ما زال في الجامعة
......................

في مدرسة شندي الثانوية وكان مديرها ذاك القامة المشهورة ( المصري مصطفى ) عليه رحمة الله
مرة كان في طالب مريض وعندو ضعف دم ورقدو في المستشفى
المهم الطلبة بتاعين الداخلية كتبوا طلب وقدموه للسيد الناظر
المصري مصطفى قرأ الطلب كان
أن سبب فقر الدم الغذاء السيئ في الداخلية
ويطلبون ان يكون الغذاء يحتوي على تنوع في اللحوم سمك .. دجاج .. لحم ضان وكما طلبوا حمام لانه مغذي
ههههه
أوقفت الاستاذ المصري طلب حمام
كتب لهم ورقة وادخلها في مظروف وقال ليهم ودوها لي المخزنجي
المخزنجي قرأ الورقة وضحك
سألوه لما تضحك
قال ليهم الناظر كاتب هنا
أصرف ليكم نبال تقبضو بيها الحمام
هههههههههه

Post: #251
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 05:15 PM
Parent: #250

Quote: وعند التلال
وأسمع هديل الطيور
وخرير الجداول بماءٍ نميرٍ زلال
وقد اكتسي الوادي وقَفْ السَّنافِ....!
(بعُشبٍ طريٍّ ثوبا وشال)
وحين تُزقزق
عصافير روحي بذيَّاك العَبق
تقوقي القماري
وتعزف لحنا طِيوري الناشقة
اشاشي اشاشي....
حين تُرعدُ السَّواري المُدْجنات
وتُرسل دعاشا
مُضمخا بنوَّار أشجاركم الوارفات
وأشوم بِروقها
فأعرف مَناهِل امطارها الهاطلات
وأسرِجُ بعيري وأُدلجُ ليلا
لأنَّ فؤادي للجمال عاشقة
وأُوقِنُ أنَّها في عُمق البوادي
وفوق الروابي...
وعند التلال
وأسمع هديل الطيور
وخرير الجداول بماءٍ نميرٍ زلال
وقد اكتسي الوادي وقَفْ السَّنافِ....!
(بعُشبٍ طريٍّ ثوبا وشال)
وحين تُزقزق
عصافير روحي بذيَّاك العَبق
تقوقي القماري
وتعزف لحنا طِيوري الناشقة

ودالمقدم
ابحرت بينا تتخاطفنا أمواج كلمك الطيب ذات اليمين وذات الشمال
ومرات نغوص ونشرق موية وحلات شرقة الموية من مفردة البادية

الوالدة عليها الرحمة الله ربنا يسكنها فسيح جناته ويرحم أمهاتنا أجمعين
نترحم عليهنَّ وهنَّ رحمة لنا وفراق الأم قاسي

Post: #252
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 05:40 PM
Parent: #251

الأميرة أميرة

لم أقتبس لطول القصة وترابطها
لكن جيد أنك سردتي هذه القصة التي لها من العبر ما لها
أن لا نحكم على خلق الله بمظهرهم
في شرعنا التميز منبوذ وأعني بالتميز أن تلبس شئ يشذ عن القوم
لكن هناك فرق بين التميز والزي القومي .....
زينا القومي الجلابية والعمامة......
وهذا المفروض نعتز به كثير
أنا مشيت أوروبا وليد سغير ومازلت عايش فيها أعتباراً بحكم الزواج وأحمد مقيم هناك ههههههه
ما حضرت عيد هناك وإلا أرتديت لباسي القومي السوداني
وكان يعجب الناس في الشارع المجري .........
....................
مرة يا أميرة عيدت في دولة البوسنة والهرسك ولبست جلابتي والعمة والشال
وكان أول عيد للبوسنة بعد أن نالت حريتها من الصرب
وكانت صلاة العيد مصورة ( تلفزيون ) مصور التلفزيون ما زاخر الكاميرا من وشي
عجبتو اللبسة .. احلى شئ بعد الصلاة أول ما أنتهت الصلاة حبَّ يعبر عن أعجابه بزي

جاني فاتح زراعيه وحضني وقال
أشهد أن لا أله إلا الله وأشهد أن محمداً رسول الله

كان معي صديقي قال لي الزول دا قايلك صحابي
ههههههههه

Post: #253
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 06:20 PM
Parent: #252

Quote: مرة عمنا العوض ود حامد زولاً بكااااي بالحيل والبت السمحة بتجهجه باكاتو
أها ركب في الدفار ومقابلاهو بت سمحة خلاس راكبات جنبها نسواناً مشلخات تقول بي تراكتر
لامن نزل شال القروش ودفع حقو وحق البت السمحة
وقالها: المرهاء حقك خالص

ههههههههه
والسادة لونو خمري
مالو ومال شلوخاً زي مجاري السيل
يا بدر ......
في واحد في شندي شاعر رباعيات وزلاً هايم في حب الحسان وبقطع الدوبيت رباعية قطع أخضر لو شاف ما يعجبه
أسمو عباس النقرابي
ذات مرة والممرات كثيرة
شاف طالبات من الثانوية سمحات
وبقى يتغزل فيهن
في واحد قالت يا راجل يا عجوز ما تختشي
قام ردا ليها بي ابيات من الشعر

كلام عباس ود النقر عِيفك منو
بي شايب كبير جقا ومقرعب جنو
كان حضرك زمان جهلو رباعة سنو
............................
البيت الأخير أعفيني منو لانه فاحش

ودمت بي عافية

Post: #254
Title: Re: ود شيقوق وودالبوش وود المنسي هام
Author: سليمان القرشي
Date: 08-21-2014, 06:23 PM
Parent: #253

عليك الله ياودالمنسي ماتخمنا ساي
جيب البيت الاخير حق النقرابي
هههههه

Post: #255
Title: Re: ود شيقوق وودالبوش وود المنسي هام
Author: اميرة السيد
Date: 08-21-2014, 06:29 PM
Parent: #254

والله يا ود المنسي رديت على مداخلتك برد طويل عن اللبس القومي وضرورة تعليم ابناء المهاجرين بالتقاليد والعادات
السودانية الأصيلة وجبت استشهاد من قصائد محمد ود بادي .. ولي نص ساعة بكتب في الرد وقبل ما اضغط على كلمة" رد"
اختفت المداخلة...
وبحاول استرجعها واكتبها ثاني حين ميسرة
والله يديك العافية

Post: #256
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 06:50 PM
Parent: #255

Quote: عليك الله ياودالمنسي ماتخمنا ساي
جيب البيت الاخير حق النقرابي
هههههه

إت بخموك يا زين الناس
بس خليك قريب ما تفوت حديث الناس السمحين ديل
نزعوا جلباب الخلاف القائم وعجاجتو قايمة وجو لكلمة طيبة تجمع الناس
الدنيا أخرها كوم تراب
وتبقى سيرة الزول السمح
وأنا بقترح أن يظل هذا البوست دائم يجمعنا أخوة وأخوات والباب مفتوح
بس بت السيد أميرة تغير أسمه ( الناس السمحين )
والسمح متسامح وما أجمل التسامح وإن ظُلمت
تحياتي يا ود القرشي

Post: #257
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-21-2014, 07:18 PM
Parent: #256

ههه
ود المنسي قبلانين تب .
الموبايل عامل معاي كرن كرن
حكاوي اهلنا ما بتكمل
ها ناس العندو رقمي يرسل لي رسالة
بافي الداهي دة عدمني الرقم

Post: #258
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-21-2014, 07:21 PM
Parent: #256

Quote: كلم امها خطبناها لي الخواجة أحمد

ربنا يحفظها
طَوَّالي وافق ياعبدالحفيض ياخوي
باقي المك ده هلالابي وجناهو بطلع زيو
والهلالاب ديل ناس صبوريييييين
عشان كدي بِتَّنا بنضمن ليها السكات والموية الباردة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياخوانا نعتذر يمكن نغيب منكن شوية وراي شغل قدر الليلة وباكر
وابقو عشرة علي العقاب
يامك المكة وضاحة خبر ابوها شنو ان شاء الله يبقي بُقا طيب طمِّنا عليهم وكان عندك لي تلفون اجدعو لي في الخاس.

Post: #260
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 07:37 PM
Parent: #258

Quote: ههه
ود المنسي قبلانين تب .
الموبايل عامل معاي كرن كرن
حكاوي اهلنا ما بتكمل
ها ناس العندو رقمي يرسل لي رسالة
بافي الداهي دة عدمني الرقم

تسلم يا ودابوسن
ولنا الشرف
تحياتي للحبيب ابوعبيدة وخلي يحكي ليك يوم جرى ورا أنصار السنة شهاب محجوب الحسن
عطاالله عطاالله عطاالله
هههههههههههه

Post: #262
Title: Re: ود شيقوق وودالبوش وود المنسي هام
Author: عبدالله ود البوش
Date: 08-21-2014, 07:45 PM
Parent: #258

Quote: ياخوانا نعتذر يمكن نغيب منكن شوية وراي شغل قدر الليلة وباكر

ماش وين يا داب حلت للدعس
ماش تميرق يابا ما اياهو شغلك في الشاشة دي
شغل جن في غزال
تنزل صفحة وترفع صفحة ووزارة الصحة اصحوها تصحى وتنقلب على صفحة
طيب ابو السناحة وين ؟

Post: #259
Title: Re: ود شيقوق وودالبوش وود المنسي هام
Author: عبدالله ود البوش
Date: 08-21-2014, 07:37 PM
Parent: #245

Quote: قال انا سوداني قح ولكن اذا
قلت ليكم اسم قريتي في الجزير ما حتعرفوها لأنها حتى في الخريطة ما قاعدين يكتبوها.

ياخ ما كان تسعلي منها يا اميرة والله اصلك ما عملتي فينا فائدة
حرم كان قلتي حلتو طوالي اقوليك اسمو لجدو الرابع اتا قايلة شنو ؟
.
.
شكرا على هذه اللوحة التي اتخيلتها بادق تفاصيلها وحتى الحتة الكنت قاعدات فيها كاني اراها
ودا معناهو ابداعك الوراي
شكرا اميرتنا

Post: #261
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-21-2014, 07:42 PM
Parent: #259

Quote: ربنا يحفظها
طَوَّالي وافق ياعبدالحفيض ياخوي
باقي المك ده هلالابي وجناهو بطلع زيو
والهلالاب ديل ناس صبوريييييين
عشان كدي بِتَّنا بنضمن ليها السكات والموية الباردة
ـــــــــــــــــــــــــــــــــــــــــــــــــــــــــــــــــــــــــــــــــــــ
ياخوانا نعتذر يمكن نغيب منكن شوية وراي شغل قدر الليلة وباكر
وابقو عشرة علي العقاب
يامك المكة وضاحة خبر ابوها شنو ان شاء الله يبقي بُقا طيب طمِّنا عليهم وكان عندك لي تلفون اجدعو لي في الخاس.

الفاضلابي حا نفقدك اليومين الجايات لكن الجايات أكتر من الرايحات
الله اريتو يروح ود شيقوق في مولد النبي يا بركة الجمعة الجامعة والدعوة السامعة
يروح ويلم في كلــ ب يعضي
المسنوحة والله ماعندي اي خبر قاطعا معاي ناشف
وتلفوناتها حتى لما تتصل بتتصل بي من تلفون كيزان صلصة بجيني كلو اصفار عشان ما أتصل بيها

Post: #263
Title: Re: ود شيقوق وودالبوش وود المنسي هام
Author: اميرة السيد
Date: 08-22-2014, 01:24 PM
Parent: #261

عزيزي ود المنسي
ده رد بدل فاقد بدل الرد الطويل الكتبته انا امبارح وفي آخر ثانية اختفى...

وبحاول اذكر لت شنو؟؟
\
" الزي القومي الجلابية والعمة زي جميل والسودانيين معروفين في العالم كله بهذا الزي .. وممكن الواحد يفرز السوداني
من وسط 100 نفر وكلهم اذا كانوا من الموريتانيين او الأثيوبيين واو الأرتريين لأنهك معظمهم بيشبهوا السودانيين ولكن
دم السوداني ظاهر .. ولكن اذا كان لابس جلابية وعمة فالقول كمل..
مرة كنا بنزور البيت الأبيض الأمريكي في واشنطن وفجأة جعنا وقلنات نشوف لينا مطعم قريب .. وفجأة راينا سوداني بتفرج
وطوالي مشينا ليه وسلمنا عليه وسألناه اذا في مطعم قريب من هنا عشان نحن غربا من واشنطن دي .. وعندما رد عرفت من
اللكنة انه ما سوداني مع انه الشبه شبه سوداني 100 في المية , وسالناه انت سوداني فقال: لا لكن قريب منكم انا موريتاني

.. والعادة السمحة العندنا نحن في السودان اذا السوداني او السودانية قابل سوداني في بلاد الغربة طوالي بيمشي يسلم عليه
حتى اذا ما في معرفة سابقة عشان اهل السودان بيتعتبروا انفسهم كلهم اقرباء بعض وتنتفي القبلية وتتآخي النفوس بين الجعلي والشايقي
والحلفاوي والمحسي والدنقلاوي والبقاري والمسيري والهدندوي والجنوبي ويصبح الجميع وكأنهم اسرة واحدة .. عشان الغربة بتجمع
القلوب وبتآلف القلوب وبتزيد المحنة...وخاصة في بلاد الغربة البعيدة المافيها جاليات كبيرة.. ولمن حكيت لخالي الشغال في السعودية
عن هذه العادة الايجابية السمحة قال لي: العادة السمحة دي عندكم هناك لكن عندنا هنا في السعودية ما قاعدين نشوف العادة
السمحة دي والناس تسلم على بعض في الشارع حتى ولو ما بتعارفو؟؟ قلت ليه يا خالي الهوية السودانية انتزعوها منكم.. فرد قائلا
" لا لكن هنا السودانيين في جدة والرياض بقوا اكثر من السعوديين ذاتهم وتمشي في الشارع وكأنك ماشي في شوارع الخرطوم .. هسع
يا اميرة انتي لمن تمشي الخرطوم بتسلمي على الناس من طرف حتى الما بتعرفيهم.. قلت لا .. لكن بره السودان الأمر بيختلف .. نحن
بره اهل واقرباء...
اها البنيات الكانن معاي في الجامعة والهويتن السودانية بقت مهزوزة شوية عشان واحدة مولودة هنا في امريكا والثانية جات وهي
صغيرة تشبعن بالثقافة الأمريكية وقربن يبقن امريكيات وعشان كده بننصح الاسر السودانية في بلاد الغربة ان تعلم اولادها العادات
السودانية السمحة والثقافة السودانية وان يشاركوا في المناسبات الاجتماعية عشان يتشبعوا بالعادات والتقاليد السودانية
والطيبة السودانية..
ومرة شاهدت هنا في هذا المنبر اطفال مدينة فلادلفيا وهم لابسين ولابسات الزي السوداني وبيأدوا مسؤحيات سودانية وبيغنوا
اغاني سودانية وكأنهم مولودين في السودان....
وانا اقترحت على صاحباتي يمشوا يقضوا اجازة خمسة سنوات في السودان عشان يعرفوا السودان ده شنو!! وكمان يكون افضل ياخدوا
كورس تدريبي عند الشاعر الفذ محمد ود بادي عشان يعلمن السوداني يعني شنو... وعشان يقول ليهم للأولد ويقول ليهن للبنات:

: عشان ما خضتا في وحل المطر والطين
ومن الترعة ما سويت شراب الهين
وما قيلتا في ضل دومة بي فرعين
وما شاققتا عرق النيل مع الوزين
وليك الحق
عشان ادمنتا عيشة اللين
مشي الأسلفت ما جربتو بالكرعين
ركوب اللوري في شمسا تصر العين ((( زي ناس بدر الدين البركبو اللواري يومين وتلاتة عشان يصلوا الخرطوم)))
وما عانيت وقوف الصف ورا التموين
عشان انتي ما بتدري سجل ابواتك البدري
وحين اسمع .. اقيف اسمع
سماك الباكي مجدو الزال
يا ما كانوا تحت رجال
ابو خنجر وابو شوتال
والصقر البجيك خوجال
سوطن يمين كان جلجال
وكانوا بيضبحوا الشقرا
وكان بضوقو العادوهو نوم الكوع
وكانوا بموتو في شان حرمة الممنوع

والله يديك الصحة والعافية

Post: #264
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 03:52 PM
Parent: #263

Quote: عزيزي ود المنسي
ده رد بدل فاقد بدل الرد الطويل الكتبته انا امبارح وفي آخر ثانية اختفى...

وبحاول اذكر لت شنو؟؟

الأميرة أميرة بت السيد
يا نحلة تطرح علينا شهداً طيب
قلتي ووفيتي جزاك الله عنَّا كل خير وكمان خيل
فعلاً كلام خالك صاح في بعض ديار الغربة بالذات دول الخليج أصبح الناس ما بسلموا على بعض
إن تقابلوا في شارع الله
ولا أعلم الأسباب :
لكن أرجح لأسباب كثيرة وقد تكون منطقية وقد لا
أنا لما جيت في الــ 2010 لدولة الأمارات من دولة المجر أطايب من طرف بعضهم يروا لي السلام
وفي أعينهم أستغراب دفين ... وبعضهم لا يرده حتى ومع أنه فرض في شرع الله
لكن لاحظت هنا في الأمارات سنة جميلة وبالذات من مواطني الدولة يحترمون السودان كثيراً رغم
ظهور بعض من صفات أخيراً ما تشبهنا
تعطلت سيارة كنا في طريقنا لأبوظبي والسيارات دي فينا فو فو فو هنود باكستان وغيرهم كان معنا
أبن عمي يلبس الزي السوداني عمة وجلابية وفجاءة وقفت سيارة فارهة انزل الزجاج قائدها من مواطني البلد
( أماراتي ) وقال أهلاً بالزول .. شو الحاصل قلنا أرتفعت سخانة السيارة ووقفنا حتى تبرد ..تعرفي وقف معنا
مدة قد تصل لنصف الساعة وبعدها دورنا وقال لنا سيرو انتم وأنا خلفكم ( إلى أن قلنا سلام يا أبوظبي )
وقالوا لي هذه هي عادة اهل البلد لو وجدو شخص يريد المساعدة ساعدوه لكن السنين الأخيرة ظهرت بعض أساليب
السرقات في الطرق فتورعوا لكن إلى يومنا هذا إذا شافك المواطن تقف في الشارع العام وتلبس زي سوداني
وقف لك وأوصلك ...
كسل منّا أن لا نعود بنونا عاداتنا في الغربة لو لاحظتي بقية الشعوب في الغربة تجدي أبن الشامي مثال يتحدث
شامي كأنه مولود في دمشق ننحن بنزهج بسرعة نكورك لي يا ولدو تعال جاي لو تنح مافاهم نناغمو بي لهجة البلد
أو لسان أمه ( مثال أنا ) ما بنصبر علي حتى يفهم تعال جاي هههههه
شكراً كتير يا الأميرة أولاً على المقال الطيب وثانياً على كتابته مرتين
تحياتي ومودتي

Post: #265
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-22-2014, 04:14 PM
Parent: #264

and#65235;and#65266; and#65165;and#65247;and#65176;and#65170;and#65166;and#65193;and#65265; and#65255;and#65188;and#65252;and#65194; and#65165;and#65247;and#65248;and#65258; and#65159;and#65253; and#65231;and#65268;and#65198;and#65173; and#65211;and#65262;and#65197;and#65171; and#65165;and#65247;and#65170;and#65198;and#65261;and#65235;and#65166;and#65267;and#65246;
and#65165;and#65247;and#65170;and#65256;and#65268;and#65172; and#65165;and#65247;and#65204;and#65252;and#65188;and#65172; and#65197;and#65169;and#65256;and#65166; and#65267;and#65188;and#65236;and#65224;and#65260;and#65166; and#65261;and#65267;and#65232;and#65220;and#65268;and#65260;and#65166; and#65197;and#65267;and#65188;and#65176;and#65256;and#65166; and#65251;and#65254; and#65203;and#65256;and#65166;and#65187;and#65176;and#65242;
and#65193;and#65265;

هههههههه
نسيبك ياخ

Post: #266
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 05:14 PM
Parent: #265

Quote: and#65235;and#65266; and#65165;and#65247;and#65176;and#65170;and#65166;and#65193;and#65265; and#65255;and#65188;and#65252;and#65194; and#65165;and#65247;and#65248;and#65258; and#65159;and#65253; and#65231;and#65268;and#65198;and#65173; and#65211;and#65262;and#65197;and#65171; and#65165;and#65247;and#65170;and#65198;and#65261;and#65235;and#65166;and#65267;and#65246;
and#65165;and#65247;and#65170;and#65256;and#65268;and#65172; and#65165;and#65247;and#65204;and#65252;and#65188;and#65172; and#65197;and#65169;and#65256;and#65166; and#65267;and#65188;and#65236;and#65224;and#65260;and#65166; and#65261;and#65267;and#65232;and#65220;and#65268;and#65260;and#65166; and#65197;and#65267;and#65188;and#65176;and#65256;and#65166; and#65251;and#65254; and#65203;and#65256;and#65166;and#65187;and#65176;and#65242;
and#65193;and#65265;

هههههههه
نسيبك ياخ

ههههههههههههههههه
ألحق يا الفاضلابي زولك كفر

Post: #267
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 05:18 PM
Parent: #266

يا اخوانا اتصلوا كوستي شوفوا ليكم ناس اقبضوا منو الجهاز الجديد دا
بعد كدا الزول بتكلم غلت وافضحنا
Quote: نسيبك ياخ

Post: #268
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 05:38 PM
Parent: #267

Quote: يا اخوانا اتصلوا كوستي شوفوا ليكم ناس اقبضوا منو الجهاز الجديد دا
بعد كدا الزول بتكلم غلت وافضحنا

أتصلت بي نسيبو صديقي أبوعبيدة
وأنا بسلم علي هو سألني انتو الزول دا عملتو شنو ؟ قلت لي الزول منو ؟
قال لي عبدالحفيض
قاعد في حجر في ركن البيت وينخس في الواطا بي عود وتنضم معا مايرد عليك
وبقت علي
قعد زي فاقدن مِزوزو
ودر حجابي

Post: #269
Title: Re: ود شيقوق وودالبوش وود المنسي هام
Author: الطيب شيقوق
Date: 08-22-2014, 05:46 PM
Parent: #268

Quote: الله اريتو يروح ود شيقوق في مولد النبي يا بركة الجمعة الجامعة والدعوة السامعة
يروح ويلم في كلــ ب يعضي

جمعا يااااااااارب

بس ما ادي الصقيعة دي ضهري طوالي تتلفت للقطيعة فيني يا سجم الرماد

Post: #270
Title: Re: ود شيقوق وودالبوش وود المنسي هام
Author: الطيب شيقوق
Date: 08-22-2014, 06:15 PM
Parent: #269

يا اميرة

Quote: أنا لما جيت في الــ 2010 لدولة الأمارات من دولة المجر أطايب من طرف بعضهم يروا لي السلام
وفي أعينهم أستغراب دفين ... وبعضهم لا يرده حتى ومع أنه فرض في شرع الله

كلام المنسي الفوق هو الحاصل الان

والله بقينا لو جينا راكبين في عربية ولقينا نسوان سودانيات في انتظار سيارة نتحفظ جدا في الوقوف اليهن لنقلهن لاي جهة متجهات اليها - ولا اعتقد انكم في حاجة الى تفسير

وزي ما قال ليك المنسي البقول السلام عليكم ينظر اليه كالمتخلف او الاهبل او الجديد في الغربة

Post: #271
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 06:36 PM
Parent: #270

Quote: وزي ما قال ليك المنسي البقول السلام عليكم ينظر اليه كالمتخلف او الاهبل او الجديد في الغربة

هههههههههههههههههههههه
عندنا واحد من زملانا جاي جديد من السودان وطق بالصدفة كدا اقابل زميل آخر ظابت كرفتتو وحايم في باب شريف
حق الله بق الله والسلام ما كمل سمح قاليهو عن اذنك
انقر خلاهو مشى على عدلو
حمالتك علي طوالي قبقبو وكمان الكرفتة بتساعد على القبقبة
زردوا بعد خنق وفكاهو وقاليهو دي للذكرى والتاريخ انسمع بيك تاني لاقاك سوداني وقبل ما تمشهدو تقوليهو عن اذنك ؟
بجي بخنقك تاني
هههههههههههههههههه

Post: #272
Title: Re: ود شيقوق وودالبوش وود المنسي هام
Author: الطيب شيقوق
Date: 08-22-2014, 06:43 PM
Parent: #271

Quote: زردوا بعد خنق وفكاهو وقاليهو دي للذكرى والتاريخ انسمع بيك تاني لاقاك سوداني وقبل ما تمشهدو تقوليهو عن اذنك ؟
بجي بخنقك تاني

يا ريييييييييييييييييييت كان شايل ليهو طورية ههههههههههههههههههههههههههههههههههههه

Post: #273
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 06:54 PM
Parent: #272

قتا ليك آ الطيب اخوي اتي صحي في البكان القتا عليهو قبيل داك
ول الجنا دا كضاب ساهي قال في السلطنة ولابطوبك تحتك وتَزن ساهي
قت ليو احلف ابا
.
.
عاين جاي عدل الفوق دي براحة تكنك ما عدلتها

Post: #274
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 07:06 PM
Parent: #273

من دربي دا ماشي اكتب بوست جديد واسميهو
ود اب سن اشترى التلفون البقشو باللصبع وغلبو بقى اطبز فيهو زي الدغور البلاكد في ضرعات الغُرَز

Post: #275
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-22-2014, 07:15 PM
Parent: #273

هههههههه
قلت لي

Post: #276
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 07:24 PM
Parent: #275

Quote: قلت لي

الكدوا عليك الله الكدوا الزول دا فَدِن

Post: #277
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 07:47 PM
Parent: #276

Quote: من دربي دا ماشي اكتب بوست جديد واسميهو
ود اب سن اشترى التلفون البقشو باللصبع وغلبو بقى اطبز فيهو زي الدغور البلاكد في ضرعات الغُرَز

هههههههههههههههههههههههه

Post: #278
Title: Re: ود شيقوق وودالبوش وود المنسي هام
Author: الطيب شيقوق
Date: 08-22-2014, 07:56 PM
Parent: #277

بوش

Quote: عاين جاي عدل الفوق دي براحة تكنك ما عدلتها

لقيتني كيف؟

Post: #279
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 08:05 PM
Parent: #278

Quote: لقيتني كيف؟

فيسل هليل المهود اتصل بي وخبرني بيها
لقيتك تدفس دفس
بكلمودالبوش بالطبيب الهندي

Post: #280
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-22-2014, 08:12 PM
Parent: #279

ههههه
ها زول ها ما تسيلي فضبحة
هسة علي الجزيمة دي اكتب فيها ساعة تقول بنضم لي في سبحة

Post: #281
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 08:30 PM
Parent: #278

Quote: لقيتني كيف؟

لقيتك فَطِن وسريع بديهة زي القصة ادناها

قاليك اتنين من العروب نزلوا ضيفان عند واحد وبعد فطروا واحد فيهم لاحظ لباقي الكسرة في حنك رفيقو
وداير اوريهو بدون ما المضيف اجيب خبر
فقال ليهو ود اب عيش اسلم عليك
طوالي مسح حنكو وقال ليهو الله اسلمووووو أها لسع في مكانو ليك ول رحل ؟
قاليهو رحل
كان لاقيتو سلم عليهو
.
.
لكن مالك خسيت باقي حديسي الليل سفرتك عشان باقي الجنا داك حلفتو ابا

Post: #282
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 08:44 PM
Parent: #281

Quote: لكن مالك خسيت باقي حديسي الليل سفرتك عشان باقي الجنا داك حلفتو ابا

هههههههه
وحاتو .... وياخدو هو من وشي قاعد في مسقط يبحلق في عِويناتو زي دابي الرجيمة

Post: #283
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 09:16 PM
Parent: #282

Quote: وحاتو .... وياخدو هو من وشي قاعد في مسقط يبحلق في عِويناتو زي دابي الرجيمة

هههههههههههههه برا حليفتك السالطة دي انا مصدقك
وكلامو حق ركوب تندقة الطيارة داك حتو هوا ساكت ههههههههههه
التندقة ياخ حقت الطيارة قال ركب جنب السواق اللاقهو فيها زول وقاليهو اوووووووووو يا المسنوح تعال اركب جنبي
واداهو حلاوة جكسا
علا كلاموا في العنكوليب كلو صاح
من العكنوليب جاي وحدو الكنا واتا ماش لي تحت لووووووووول

Post: #284
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-22-2014, 09:21 PM
Parent: #283

Quote: هههههههههههههه برا حليفتك السالطة دي انا مصدقك
وكلامو حق ركوب تندقة الطيارة داك حتو هوا ساكت ههههههههههه
التندقة ياخ حقت الطيارة قال ركب جنب السواق اللاقهو فيها زول وقاليهو اوووووووووو يا المسنوح تعال اركب جنبي
واداهو حلاوة جكسا
علا كلاموا في العنكوليب كلو صاح
من العكنوليب جاي وحدو الكنا واتا ماش لي تحت لووووووووول

أطلب منو ينزل الفيديو بتاع أهلو الصورو في البردانة
حرم نضميهم كلو طلح وشاف وكليت
قاعدين تحت شِديرات وشيقوق رقد ليهم السجاير يبخبخو زي قطار مايرنو البخاري
قطع شك بعد اليوم داك بقوا لي لصقة يجو من الصباح إتبكو

Post: #285
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 09:28 PM
Parent: #284

Quote: أطلب منو ينزل الفيديو بتاع أهلو الصورو في البردانة

حرم زولك من قبيل قطع الجمار وجدع ابريقو وفااااااااااااات

Post: #286
Title: Re: ود شيقوق وودالبوش وود المنسي هام
Author: عبدالله ود البوش
Date: 08-22-2014, 09:31 PM
Parent: #285

ها ناس هوووي اديتونا الليل ورانا معايش
دا فككان مشهاد ساهي وقلة شغلة

Post: #287
Title: Re: ود شيقوق وودالبوش وود المنسي هام
Author: جمال ود القوز
Date: 08-22-2014, 09:46 PM
Parent: #286

Quote: ها ناس هوووي اديتونا الليل ورانا معايش
دا فككان مشهاد ساهي وقلة شغلة

معقوله لكين ..
من الساعة تسعة ادوك الليل ..
لسه بدري ...

Post: #288
Title: Re: ود شيقوق وودالبوش وود المنسي هام
Author: الطيب شيقوق
Date: 08-23-2014, 06:51 AM
Parent: #287

جمال ود القوز

Quote: معقوله لكين ..
من الساعة تسعة ادوك الليل

ديل عادي الوقت دا عندهم

بيكون الغاز المسيل للدموع عاكل في السماء عندهم هسه

Post: #289
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-23-2014, 07:32 AM
Parent: #288

Quote: ولم يخيب ظني ابدا وفال انه لابس اللبس السوداني الأصيل ده عشان عنده محاضرة حيقدمها امام الطلاب في الفصل

سلامات يا أميرة
عفيت منو والله
غايتو الجلابية والعراقي سمحات في المناسبات الزي دي ، لكن في شغل ولا في أكل بعرقلن الزول.. يقعد يخمخم فيها ويلملم فيها لامن يمرقا ..
مرة قابلني واحد في جامعة الملك عبدالعزيز في جدة بس عمك دا كبير عجوز في السن، لابس جلابية وعمة، لقيت الطلبة بتعاملوا معاه بأريحية وبساطة تختلف عن باقي الأساتذة..
أها عمنا دا لو قابلتو في الشارع مستحيل اقول دكتور في الجامعة.
فعلاً الزول ما يحكم على زول تاني من مظهرو، ودونك قصة عوض دكام الشهيرة لامن كان بغسل في عربيتو

Post: #290
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-23-2014, 07:35 AM
Parent: #289

Quote:
قال بالحرف كنت يوم جاي الجامعة من الريف كُنت مثل عود الطنضدب المحروق سوادا وكان هو
مثل ورق الصفصاف يتقصع بين الأصابع تتدلى سُليسلة دهب فوق رقبته

ياخي ود بادي دا عندو تشبيهات تحير، شوف (عود الطندب المحروق) و (ورق الصفصاف) ..
وتصدق يا خالد الزول دا (مين كدا سنهوري) أصبح من أعز أصدقاء ود بادي فيما بعد

اسمع : رسل لي الربع الأخير بتاع النقرابي في الخاص .. أي عشان ما تدخّل البوست في حرمة

Quote:
في التبادي نحمد الله إن غيرت صورة البروفايل

الزول دا مو كعب للدرجة دي، داير يعمل ساتر ويخش في الدور بتاع ود البندر
لكن صورة البنية أحسن

Quote:
شلت وِريقتك وقدلت داير تقبض حق كُباشة السماية

ههههههه
تعرف المسنوح كان المدير دقس وأداهو حق السماية
كان لا يوم الليلة ما اتخرج من الجامعة

Post: #291
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-23-2014, 07:41 AM
Parent: #290

في البطانة ، في بت سمحة سماحة تقطع القلب، بتسوي شاي في برندة ترشها من بدري، طراوتها ترمي
البت سمحة وشاييها سمح، وجبنتا تملاك كيف لي أضنيك
في واحد اسمو ود الأنصاري بجي يقعد قصادا من الصباح لاااااامن تلملم عديدتا وتتراوح على بيتا
وهو كمان يمشي أهلو، عاد يسوي شنو تاني في السوق ؟؟

في شاعر اسمو ودخليل المرغومابي ما عجبتو حالة الأنصاري دي فـ قال :

الشيخ والفقير والشايب المتضاري
القوم كللللو شايفو على البرندة براري
قصبة منصح الوادي ا لسقنو سواري
نحن كتلنا .. لكن .. ألحقوا الأنصاري

تحياتي مثنى وثلاث ورباع

Post: #292
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-23-2014, 07:45 AM
Parent: #291

and#65279;رحمة
محمد طه القدال
:::::::
طريتك ليل وبرقا في المشارق لال
وبلل العينة زي دمعي المحقن شال
طريت الطيبة طيبة امي
طريت فرحي وطريت المي
وطريت همي وريدة اهل الفريق للقال
طريت الناس وظلم الناس
رضيت يا دنيا شلت احزاني فوق الراس
اكان يا دنيا تنجمي
قالو البسمة للتانين ودمعك ليك وبيك وناس
وعرق الطيبة عند اهل الحنين دساس
بدور يا ناس
بدور متل الخريف ما عاد بعد غرب
متل ناس الله ما بتفرح بدور افرح
وبعد الصبنة والسفاي
وجلدا في العضم كرب
يجيني رشاش واشم الطين
واكج حرماني فرقان ريدة للغاشين
بدور افرح
واقوم يا ناس
بعد هودت فوق الصي
اعاود لي بلود الرب واتيقن
واشوف الرحمة شوف العين
يزول البي واقوم افرح
تشقشق فرحة الاطفال في الكون خير
وخضرة
وضي
والحنية ما لاقيها من الناس اشيله اقصيد
واسيها سبيل سبيل للناس
فرح يملي الحنينين ري
اصلو البسمة للتانين ودمعك ليك
وبيك وناس
وعرق الطيبة عند اهل الحنين دساس

Post: #293
Title: Re: ود شيقوق وودالبوش وود المنسي هام
Author: اميرة السيد
Date: 08-23-2014, 10:51 AM
Parent: #292

قصة الدكتور عوض ما سمعناه ا لكن سمعنا انه كان طبيب
اسنان مشهور وكان يهتم بالنظافة وان عيادته كانت عبارة عن

تحفة من المناظر الخلابة (المصدر:ال م س ن و ح ة بسمات :نم ت وهي تقلب في
الكتب ل وصحيت وهي ايضا بتقلب في الكتب لغاية ما ساقها بقى زي سيد. ال ز لا ل ي)
كده قول لينا قصته
والله يديك العافية

Post: #294
Title: Re: ود شيقوق وودالبوش وود المنسي هام
Author: اميرة السيد
Date: 08-23-2014, 11:14 AM
Parent: #293

ود ابو سن
في بيت من بيوت الشعر في القصيدة دي ابدع فيها
ود القدال
بجيك صادة اعلق عليها
وكتر خيرك لاني وانا برد عليك ضغط على شئ بالغلط
في الكيبورد وظهر لي نافذة بتقول auto-correction
ولغيتها وهسع الكيبورد بقى يكتب دارجي وما كان بيكتب
الا لغة فصحى وما يتقبل كلمات دارجية وكانه وليد مدن
لكن الحمد لله اتعافى وبقى وليد بادية وكانه بيرعى السخيلات
مع بنية بدر الدين في اللوحة الروعة
والله يديك العافية

Post: #295
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 02:02 PM
Parent: #294

Quote: حرم زولك من قبيل قطع الجمار وجدع ابريقو وفااااااااااااات

دا ما بفوت
برنامجو حافظو صم
بكون معاك في النت بعدها بجدع اللابتوب تحت العنقريب
بقوم يتمايل زي الطرفة وكت هبة نسمة دارعلو عراقي بصلي العشا
ويتعشى ومسنوح بخفس خفة سغيرة وبرجع
وبعدها بفتح الأسكايب يلاقي الطاشين ليل
بعدا يفيس وبعداك بخت رويسو في المخدة
زولي وبعرفو سقد العِوينات مكحلات بي بصلة جبدو جدو ود شيقوق الكبير
بعقر الحلة ليلة المطرة

Post: #296
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-23-2014, 03:00 PM
Parent: #295

بت هميبب وقغي التصحيح الالي
سوقد ! ايييك ياخ
الطيرة دي هاجرت ما شايغها

Post: #297
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 03:23 PM
Parent: #296

Quote: بت هميبب وقغي التصحيح الالي
سوقد ! ايييك ياخ
الطيرة دي هاجرت ما شايغها

ههههههههههههههههههههههههههه
هههههههههههههههههههههههههههه
ههههههههههههههههههههههههههه
والله أنت موكر وكرة
شكيتو علي الله التلفون الجديد دا دخل في خرم أبرة

Post: #298
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 03:31 PM
Parent: #297

Quote: Quote:
قال بالحرف كنت يوم جاي الجامعة من الريف كُنت مثل عود الطنضدب المحروق سوادا وكان هو
مثل ورق الصفصاف يتقصع بين الأصابع تتدلى سُليسلة دهب فوق رقبته

ياخي ود بادي دا عندو تشبيهات تحير، شوف (عود الطندب المحروق) و (ورق الصفصاف) ..
وتصدق يا خالد الزول دا (مين كدا سنهوري) أصبح من أعز أصدقاء ود بادي فيما بعد

سنهوري ؟ معقولة ناس سنهوري ديل ناس أقاليم نصهم في شندي ونصهم في الأبيض
والقاعدين في بيت المال أم درمان جزارين يعني ما وليدات لين ولا أسم علي أسم

Quote: اسمع : رسل لي الربع الأخير بتاع النقرابي في الخاص .. أي عشان ما تدخّل البوست في حرمة

أنا موش رسلتو ليك
قبل دا
لو لا ... ثمح برسلو ليك البيت الأخير

Quote: Quote:
في التبادي نحمد الله إن غيرت صورة البروفايل

الزول دا مو كعب للدرجة دي، داير يعمل ساتر ويخش في الدور بتاع ود البندر
لكن صورة البنية أحسن

لكن يا بدر زولك خاتي لينا النِضيضيرات زي الساعاتي وقاعد

Quote: Quote:
شلت وِريقتك وقدلت داير تقبض حق كُباشة السماية

ههههههه
تعرف المسنوح كان المدير دقس وأداهو حق السماية
كان لا يوم الليلة ما اتخرج من الجامعة

زولك من قبل يبلغ سن الرشد أبو مسكو عرس لي

Post: #300
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 03:39 PM
Parent: #298

Quote: بدور يا ناس
بدور متل الخريف ما عاد بعد غرب
متل ناس الله ما بتفرح بدور افرح
وبعد الصبنة والسفاي
وجلدا في العضم كرب
يجيني رشاش واشم الطين
واكج حرماني فرقان ريدة للغاشين

يا سلااام علي القدال ( مُحمد ود طه )
كتبت عنه بوست زمان من صفحات عدة
أسمه يا من ملكت جن وادي عبقر

محمد طه القدال

Post: #299
Title: Re: ود شيقوق وودالبوش وود المنسي هام
Author: الطيب شيقوق
Date: 08-23-2014, 03:39 PM
Parent: #297

المنسي

Quote: زولي وبعرفو سقد العِوينات مكحلات بي بصلة جبدو جدو ود شيقوق الكبير

ات فاكر جدي شيقوق ساهل ؟

مش حكيت ليك قلت ليك لما الدنيا تبقى خريفا سمح والخضار يقوم سمح والقش الطفيلي يقوم كتير طوالي جدي شيقوق بدرع طوريتو في كتفو وبقوم شاقي الحلة بيت بيت أي حفرة دخان يلقاها بقع فيها دفنان بالطورية عشان الصبيان يخدمو خدمة جدا في الزراعة

ياخ ناس زمان ديل وين تاني؟

Post: #301
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 03:48 PM
Parent: #299

Quote: قصة الدكتور عوض ما سمعناه ا لكن سمعنا انه كان طبيب
اسنان مشهور وكان يهتم بالنظافة وان عيادته كانت عبارة عن

تحفة من المناظر الخلابة (المصدر:ال م س ن و ح ة بسمات :نم ت وهي تقلب في
الكتب ل وصحيت وهي ايضا بتقلب في الكتب لغاية ما ساقها بقى زي سيد. ال ز لا ل ي)
كده قول لينا قصته
والله يديك العافية

هو طبيب الأسنان عليه رحمة الله عوض دكام يا الاميرة
فعلاً كان رجل يحب النظافة كتير
وحتى وأيام هو طالب في كلية طب الأسنان في يوغسلافيا الإتحادية زمانه
كان يركب الترام وفي يده منديل ( تُشز ) وبخاخ عطر يرش في مكان ماهو واقف ويمسك في شماعة الترام بالمنديل
عيادته كانت من أنظف العيادات وهو طبيب اسنان ناجح وأشتهرت يوغسلافيا بطب الأسنان
القصة بحكوها ليك
وقالوا سمح القول من خِشيم سيد

Post: #302
Title: Re: ود شيقوق وودالبوش وود المنسي هام
Author: اميرة السيد
Date: 08-23-2014, 05:42 PM
Parent: #301

قالو البسمة للتانين ودمعك ليك وبيك وناس
وعرق الطيبة عند اهل الحنين دساس

........................

والله القدال ده فعلا كان شاعر صحي صحي .. بالله اتمعنوا في بيت الشعر
ده .. ممكن يتعمل منه مقال ومقال .. لوحة شعرية بديعة تعكس الخصال
السمحة والطيبة دامئا بجاورها الحنين...
وانا راجعة اربط الطيبة والحنين مع قصيدة رشا الشاعرة الأديبة القريتها امبارح
بالليل وما قدرت اعلق عشان الجهاز قرب يلحق جهاز ود ابوسن وعصلج فجأة وحرن
والله يديكم العافية

Post: #303
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 07:53 PM
Parent: #302

Quote: قالو البسمة للتانين ودمعك ليك وبيك وناس
وعرق الطيبة عند اهل الحنين دساس

........................

والله القدال ده فعلا كان شاعر صحي صحي .. بالله اتمعنوا في بيت الشعر
ده .. ممكن يتعمل منه مقال ومقال .. لوحة شعرية بديعة تعكس الخصال
السمحة والطيبة دامئا بجاورها الحنين...
وانا راجعة اربط الطيبة والحنين مع قصيدة رشا الشاعرة الأديبة القريتها امبارح
بالليل وما قدرت اعلق عشان الجهاز قرب يلحق جهاز ود ابوسن وعصلج فجأة وحرن

محمد طه القدال شاعر وصاحب مبادئ ثابتة حاله حال رفاقه وهم كُثر
ثابتين كالجبال مابزحوا يوم ما بتروا
يا أميرة هولاء رفضوا أن يبيعوا ضمائرهم وهم صوت الشعب العالي
من قصائده القديمة
* حليوة
* كلام الرتينة بت سالم وليد عِتمان في حنة علي الشاشوق
* خمسين سنة
* الزنادقة
* مسدار أبوالسرة لليانكي تغني بها فرقة عقد الجلاد
* وغيرها الكثير
والجديد أكثر
واسمعي قصيدة الطلح ( طبعاً دي حا تعجب ود شيقوق ) بشيلها ويحوم بيها المنابر جت

أمونـــة التي تغني بها فرقة عين الجلاد

Post: #304
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-23-2014, 08:44 PM
Parent: #303

يا and#65279;اماتي القبيل بي حنهن لقني

كرفة وقلدة كيف شوف اللبن

رجنّي حزنا جاني في

ميع الصبا يلجني اطلع

مني يا جلدي المنمل جني

واطلع مني يا حزنًا بقى مكجني

خلني ابدا مسداري

واودي قفايا لي دارا بقت مي داري

جيت الجلدي بيني وبين عضايا الشحمة الا النار بقت قدامي

جلدي الليلة بيني وبين عضايا المافي

الا تراني شوال الكبس نفيخ جراريم الورم هدانّي

في جلدي الورم قولنلي ولا صحي الورم عضاني

سفريتك مي في النية

ماها الكانت محرية

خابراك عريف زم العربان ولّا قيام الوردية

مالك تريان ومندي كاسي الكتان والهندي

قولك ككيف ترجى البيشان ولا الغربة البي زندي

برق العبدلي الوزني ما طاش يا جاب المزن

فرق ياالضيف فعل الغضبان انفر ثيران الحزن

شن القعدة يا ابو السرة شن القعدة

في ضل العمارات ام كمرتًا بره .. ضقنا الحنضل اليانكي

وبلعنا المرة كملت كوتة التمباك صقعنا الجرة

وكت اتقفلت شقيش قبل بالمرة لن

يأمرنا في بلد المعاني الحرة

الشم خوخّت بردن ليالي الحرة

والبراق برق شوف عيني الصقير بي جناحو كفت الفرة

تلقاها ام خدود الليلة مرقت برة

مرقت برة تغلي مديدة الحلبة التسمن ردفها

السمن المبستر يانكي

والويقود بعيرات دخان في العين وفي الفشفاش بسوي عمايلو

وشن فايدة مديدة الحلبة يا ابو السرة شن فايدة مديدة الحلبة

والويقود وشالو اليانكي

قامت من دخاخين العمى تلمع وشيها كان اليانكي مستنيها

كان اليانكي مستنيها في مراية السجم

في الليل لقيتها متل فريخ الطير مرق ود عينها من ود عينها

رجافة المزمل حمى جفلت منو وقعت عندي صدرها بغلي

يا ابو السرة شفت اليانكي في ود عينها

شلتها للبحر

يمكن يغسل عينها من اليانكي

فتنا الحجرة بالكتة وغتسنا مسافة

تبقى قدر مسالك الريده ما لاقانا من يغبانا في

البحر الفدر تحتاني

ناس عارفاها ناس عارفاك ناس عارفاني

نادينا القعوي والبلطي قرقور السمك ودانا لي دابي الخشش

نادينا عمال الطمي الصارقيلا والقرموط وود الموية وقتنا عليها

كانت نايمة عجال البحر حارساها

كا نت نايمة بين حجرين

وضل ساسوية وعمال الطمي

الصحونا خابرين الدروب لمّو حصى البحر قسموهو

يات من كان سبع جمرات دابي الخشش قال ادوها

في الجمرات تلات سبعات

قلنا ادوها في في الجمرات تلات سبعات

مسكنا دربنا وعمال الطمي مرقوبنا في مشرع مسارب الضي

لقينا الدنيا تترجانا قوقى القمري خوّى صغيرو وعوّى حدي

وعمال الطمي الصحونا لمّو على البعرفو الصي

حصى القيزان دوابي الدارقة والسحلية والناس التحت

خابرين عمايلاليانكي

قولن للاخلا ديارو

دمك فرهد في نارو

غورّ في الارض طارو صقرين

اولاد الارض ما طاروا

لحمي غطى بن عمي شو صار حالو يا امي

منديل العرض في بيت الدين دمي ما يخلي دمي

انا من دير يسن صرنا في جزر التين

عم نسقي بعض حب الزيتون

بدو يرجع للطين صابرا تحت الدورية

صابرة تحت الدورية .. صابرة فوق الدورية

يا حالة ضد لحم الطفلين نابت غصن الحرية جزري مو في شاتيلا

ما قال حالي يا ويلا احنا في الارض

ارض فلسطين يا امي

هيلا هيلا

قوقي القمري خوّا القي وعوّا حدي

وكنا جماعة دابات الارض والسايمة وعوامة البحر والطير

وحتى الغيمة دفاقة المطر فوق راسنا شايفة الدرب

دريب اليانكي لا يودرنا قال الدابي للضليلة خليك صاحية

زوغ اليانكي لايودرنا

قال الدابي ان يغباها ما بيغباني

ولما الشم مودع غاربة وصّت جملة الصقار عيونن كاربة

ابقو الف بفوت للمتلكم ناهدين

وفوق دينن عريبا غادي

قال السحلي لا تغشوهو دول عربان توابع اليانكي

قال الجمعي لا نغشاهو دول عربان توابع اليانكي

وخلوها العريب الغايبة السراق طليقو معاهو

تيجانا عروشها الخروع الهش العويش النار تعلق فوق عقال العرش

ولا خسانا بي هادي العروش الغربة

يا ابو السرة لا عقام مسكنا دربنا وعمال الطمي الصحوها

خابرين الدروب

مرقوببنا من وادي الضلمة الكان عقب لمينا في باقي الجمع قاصين دريب اليانكي

شمور الضيب في الكنغو وخبرا من جنوب امريكا ومن كلهاري ديبا ضاري

والتمساح وليد امزون ونمرا في النمور كمبودي ونمرة خلا الله مكسيكية

ولما لميمنا والشمس البتوقد فوقنا شد شديدنا التمثال مشيل روقنا وعالم حر

يدوعل فوقنا لي يوم فوقنا نبزغ فيهو في عينيهو جر واسوقنا

يا شمس طلي طلي

شاوري على بيتي دلي

كيال الكيل ختياري مات

ظلي عم يحرس ظلي

عادل على خيي ميلي خيي لا يحمل شملي

ما خف الشمل تاني المرات ما كل الرصاص شيلي

عيني في الفيل ما ظله

كلنا ندريه ما نضله

يا ويل الويل نرمي الجمرات

عدّي المستشهد كله

عدي المستشهد كله

Post: #305
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-23-2014, 09:38 PM
Parent: #304

Quote: كرفة وقلدة كيف شوف اللبن

رجنّي حزنا جاني في

ميع الصبا يلجني اطلع

مني يا جلدي المنمل جني

واطلع مني يا حزنًا بقى مكجني

كان جمع من أصدقاء عائدين دورهم بعد ليلة شعرية مروا قرب السفارة الأمريكية
بعربتهم البوكس الكاشف فهتوا
داون داون USA
جوا أخوان البنات ( كــ لاب الأمن القومي وهو في الحقيقة أمن كراسي الحيكومة )
ولموهم في الكر ( الكر يعني الحراسة يا بت السيد )
كان معه صديقه السر لذا سماه مسدار ابوالسرة لليانكي
اليانكي هو العميل الأمريكي
كرفــة وقلدا
القلدا معروفة حضن بحنان دافق
الكرفة شمة وبوسة مخلوطة وعميقة وعاد تكرف الأم جناها والحبوبة ما بتسلم عليك بدون كرفة
كرف التراب اي شما بعمق
وكرف الدم
وهي بداية القصيدة
آماتي القبيل
بي حنهن ربني
كرفة وقلدا
كيف شوق اللبن رجني
ميع الصبى ( وما أحلى مفردة القدال العمية عمق جزورنا في تراب البلد وبنريدو )
زمان الجهلة والصغر سنا
حزناً جاني في ميع الصبا
يلجني
وأطلع مني يا جلدي المنمل جني
وأطلع مني يا حزنا بقى مكجني
كجن الشئ اي كرهه يقال كجنتا ملاح الروب اي كرهته من الملازمة كل يوم

Post: #306
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-24-2014, 05:23 AM
Parent: #305

تعرف يا ودالمنسي
مش ربني
بل
لجني
فالطفل حين ولادته يلجنه امهاته بفرك لثته ب مصبعنه . وغالبا ما يكون بقطعة بلحة

Post: #307
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-24-2014, 02:35 PM
Parent: #306

Quote: تعرف يا ودالمنسي
مش ربني
بل
لجني
فالطفل حين ولادته يلجنه امهاته بفرك لثته ب مصبعنه . وغالبا ما يكون بقطعة بلحة

اي بالحبل
واللجة سنة من سنن الرسول صلى الله عليه وسلم أمرنا عند أستقبال مولود
أن نآذن في أذنة بصوت خافض
يحنك .. اي يلج لثاته بالأصبع السبابة او الابهام وعاد كما قلت تكون ببلحة يمضعغها الوالد
او الوالد ويدعك بها لثة الطفل بحنية ( ما توتبو لما يصرخ ) ههههههههههههههه
تسلم
يا ابوسن قال ود بندر
بندر يفقهك

Post: #308
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-24-2014, 04:33 PM
Parent: #307

ههههه
بندراوي
وموبايلي ألاكد فيهو زي ملاكدة العتود الامو غارزة

Post: #309
Title: Re: ود شيقوق وودالبوش وود المنسي هام
Author: عبيد الطيب
Date: 08-24-2014, 05:28 PM
Parent: #308

Quote: اي بالحبل
واللجة سنة من سنن الرسول صلى الله عليه وسلم أمرنا عند أستقبال مولود
أن نآذن في أذنة بصوت خافض
يحنك .. اي يلج لثاته بالأصبع السبابة او الابهام وعاد كما قلت تكون ببلحة يمضعغها الوالد
او الوالد ويدعك بها لثة الطفل بحنية ( ما توتبو لما يصرخ ) ههههههههههههههه
تسلم

عندنا جدنا حنَّك ود ولدو بي تمرة وقال:
شبَّاط ؤلبَّاط
سوطو في اللَّباط .....
قرنونحَّاط ...
لي العدو ضرّاط....
بشدو بلا سرج إن إتقدم في شاربو..
وإن إتوخَّر في غاربو ....
بِرَاشِي المسكين وبرقع المقدود بدفع المنيحة وبقول النصحية

اها دي التحنيك السمح.......!

Post: #310
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-24-2014, 05:42 PM
Parent: #309

ايا يا العبيد صوح قولو
اها تراكم بتعرفو المراشه
وكت قت لكم راشوني وده رقمي غلبكم المعني مالكم
ومراشاتي كانت رساله ماهي شيتن بفتحولو الجوزلان

Post: #311
Title: Re: ود شيقوق وودالبوش وود المنسي هام
Author: عبيد الطيب
Date: 08-24-2014, 05:49 PM
Parent: #310

Quote: وكت قت لكم راشوني وده رقمي غلبكم المعني مالكم
ومراشاتي كانت رساله ماهي شيتن بفتحولو الجوزلان

الحبيب ودأب سن
المراشاه ما أجملها عند جدكم الوهيط
يشهدالله ماشفت رسالتك إلاَّ هسِّع
رسايلك يا الحبيب عندي مطر ضحوي في زول بياباها
عن المرافاه وهي كالمراشاه قال فضل ودزايد
عقدو الشورة ناس بارود
وكتف الشيل علي أبو سنينة موهو قعود
أهل عفَّاسة القام بضرة مو مردود
لي المسكين برافو وبرقعو المقدود
محبتي

Post: #312
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-24-2014, 06:09 PM
Parent: #311

Quote: عندنا جدنا حنَّك ود ولدو بي تمرة وقال:
شبَّاط ؤلبَّاط
سوطو في اللَّباط .....
قرنونحَّاط ...
لي العدو ضرّاط....
بشدو بلا سرج إن إتقدم في شاربو..
وإن إتوخَّر في غاربو ....
بِرَاشِي المسكين وبرقع المقدود بدفع المنيحة وبقول النصحية

اها دي التحنيك السمح.......!

ههههههههههه
تسلم ياود المقدم واللحدك حنك جنى نب وجيهو
بعدين زولك دا مافي زول كان فاهم نضمي بكتب لي في كلام يعضرب زي الرامي جمل
أنا هفت علي من الجن

Post: #313
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-24-2014, 11:17 PM
Parent: #306

Quote: تعرف يا ودالمنسي
مش ربني
بل
لجني
فالطفل حين ولادته يلجنه امهاته بفرك لثته ب مصبعنه . وغالبا ما يكون بقطعة بلحة

اي بالحيل
واللجة سُنة من سنن الرسول صلى الله عليه وسلم أمرنا عند أستقبال مولود
أن نآذن في أذنة بصوت خافض
ويحنك وأن نسمي له بعقيقة والعقيقة لا تسقط أبدا ..
ويحنك : اي تلج لثته بالأصبع السبابة او الابهام وعاد كما قلت تكون ببلحة يمضعغها الوالد
او الوالد ويدعك بها لثة الطفل بحنية ( ما توتبو لما يصرخ ) ههههههههههههههه
تسلم
يا ابوسن قال ود بندر
بندر يفقهك

Post: #314
Title: Re: ود شيقوق وودالبوش وود المنسي هام
Author: الطيب شيقوق
Date: 08-25-2014, 07:03 AM
Parent: #313

Quote: رسايلك يا الحبيب عندي مطر ضحوي في زول بياباها

كيييف يا العبيد اخوي كدى اسمع قصة خالك مصطفى دي

قالوا عندو تلاتة اولاد صبيان - رسل اي واحد فيهم عشان يزرع في ناصية من نواصي السودان

وقتين الدرتية جات التلاتة اولاد بسلامتهم جوهو راجعين

اصلا ما سال منو المسّر فيهم فقط تقدم ليهم بالاسئلة الاتية :

سأل الاول اها يا ولدى مطركم جنسو شنو ؟ الولد قال ليهو كلو ضحوي - ابوهو قال ليهو انت يا ولدى بورت طاب ما جبت الحبة
سأل التاني قال ليهو وانت؟ قال ليهو مطرنا كلووو ضهري( بضم الضاد) - ابوهو قال ليهو انت صفقت طااااااب لانو الضهري بحرق الخضار

والتالت قال ليهو انا يا ابوي مطري كلو سواري ليلية - ابوهو قال ليهو هييييييييييييييييع انت المسرت يا ولدي

وفي النهاية استنتاج خالك مصطفى طلع كلو صاح

يا اخونا الحياة دى مدرسة - والله كان جابو بروف في الزراعة ما بفهم كدا

هسه كان جابوا طبيب بيطري وقالوا ليهو الناقة دي مالها مديه ضهرها لرفيقاتها وبتعاين في اتجاه معاكس لاتجاه الابل بقدر يديك عنها نتيجة ؟

Post: #315
Title: Re: ود شيقوق وودالبوش وود المنسي هام
Author: جلالدونا
Date: 08-25-2014, 07:25 AM
Parent: #314

اها ... منو قال شنو ...
جيناكم صادين
الراكوبة دى بتدورلها كرنك قداما
و كان بالقليل و شعوها بى شرقانيتين تلاتة
اول هام
عجبنى طلب و د البوش لى ود اب سن
و العاقبة عندكم فى المسرات

Post: #316
Title: Re: ود شيقوق وودالبوش وود المنسي هام
Author: عبيد الطيب
Date: 08-25-2014, 09:56 AM
Parent: #315

Quote:
كيييف يا العبيد اخوي كدى اسمع قصة خالك مصطفى دي

قالوا عندو تلاتة اولاد صبيان - رسل اي واحد فيهم عشان يزرع في ناصية من نواصي السودان

وقتين الدرتية جات التلاتة اولاد بسلامتهم جوهو راجعين

اصلا ما سال منو المسّر فيهم فقط تقدم ليهم بالاسئلة الاتية :

سأل الاول اها يا ولدى مطركم جنسو شنو ؟ الولد قال ليهو كلو ضحوي - ابوهو قال ليهو انت يا ولدى بورت طاب ما جبت الحبة
سأل التاني قال ليهو وانت؟ قال ليهو مطرنا كلووو ضهري( بضم الضاد) - ابوهو قال ليهو انت صفقت طااااااب لانو الضهري بحرق الخضار

والتالت قال ليهو انا يا ابوي مطري كلو سواري ليلية - ابوهو قال ليهو هييييييييييييييييع انت المسرت يا ولدي

وفي النهاية استنتاج خالك مصطفى طلع كلو صاح

يا اخونا الحياة دى مدرسة - والله كان جابو بروف في الزراعة ما بفهم كدا

هسه كان جابوا طبيب بيطري وقالوا ليهو الناقة دي مالها مديه ضهرها لرفيقاتها وبتعاين في اتجاه معاكس لاتجاه الابل بقدر يديك عنها نتيجة ؟

يا سلااااام ونعم الخال خالك الطيب أخوي
دي نفر البشوم البروق وبعرفوا مناهلها
ودي نفر البعرف اي زول ودمنو وأبوه منو من صوتو
اي والله ، شفت كيف زمنهم زاتو ممهول وخير دافق
الضحوي مابخلي الزول بحِش زرعو .....!
لكن عند ناس البادية بسقي الأرض وبعدين الناس فوقوا برتاحو هو بقيف وبقوموا ينفضوا الكُجر،
شوف الكُجر هني:
السُّحب الدَّفر بقي مِزني والهوا لافُّو
إيدك يا أب ضُلف بسوِّي لمّيع رافُّ
علي الرمَّة الكُجر من المِطلِّق نافُّو
ابقي عليها ضيب قنصة وخبيبك خافُّو
شاشينا لي نوم الكُجر، ويرموها ليك والدعاش ينعبك مع العسَّاف وحاتك عيل تسمع تبتات الطاق مع الفوف
أي بلحيل المطرو سواري دي وحاتك القراف والتُرحُل مابتقدر علي عيشو
عيل مطاميرن كُبارماهِن قران طُيَّاع
أبو قدحا وسيع لي الهايع الدنَّاع
وشيلو فوق كلوسن مابقولن عاع
وسيد قارحت متورت لي الضعن تبَّاع
دي يا عشايا الجاها مايجي لي حبيب ، من ما تعاين معاكسة دي قروحت، وكمان كان قابلتهن بي ضهرها وكمان صاقرة الشَّم دي يا العشي ماطقَّار طير الجُفار
والله هبشها الكِويرس............
إنت عارف زي ماقلت البدو أمرهم عجب
الجمل كان جفر طوالي الواحِد بشم بول الجمل وبعرفو
وكان جاهو الغداد طوالي بجي برسنو وبنتل الرَّسن طوالي بعرفو
والله مرة جابتني سفرة لي عرب وطول عُمري ماشفتهم
قلت السلام عليم والله الشايب الكبير طوالي قال:
دي يا صوت المقدم يافي جناهو...........!
اي والله دخلت سلم علي وهو ماشافني قبل ذلك طوالي سلم علي ب حضن وقال لي إنت ود فلان
قلت ليهو نعم

Post: #317
Title: Re: ود شيقوق وودالبوش وود المنسي هام
Author: الطيب شيقوق
Date: 08-25-2014, 11:05 AM
Parent: #316

Quote: يا سلااااام ونعم الخال خالك الطيب أخوي
دي نفر البشوم البروق وبعرفوا مناهلها
ودي نفر البعرف اي زول ودمنو وأبوه منو من صوتو
اي والله ، شفت كيف زمنهم زاتو ممهول وخير دافق
الضحوي مابخلي الزول بحِش زرعو .....!
لكن عند ناس البادية بسقي الأرض وبعدين الناس فوقوا برتاحو هو بقيف وبقوموا ينفضوا الكُجر،
شوف الكُجر هني:
السُّحب الدَّفر بقي مِزني والهوا لافُّو
إيدك يا أب ضُلف بسوِّي لمّيع رافُّ
علي الرمَّة الكُجر من المِطلِّق نافُّو
ابقي عليها ضيب قنصة وخبيبك خافُّو
شاشينا لي نوم الكُجر، ويرموها ليك والدعاش ينعبك مع العسَّاف وحاتك عيل تسمع تبتات الطاق مع الفوف
أي بلحيل المطرو سواري دي وحاتك القراف والتُرحُل مابتقدر علي عيشو
عيل مطاميرن كُبارماهِن قران طُيَّاع
أبو قدحا وسيع لي الهايع الدنَّاع
وشيلو فوق كلوسن مابقولن عاع
وسيد قارحت متورت لي الضعن تبَّاع
دي يا عشايا الجاها مايجي لي حبيب ، من ما تعاين معاكسة دي قروحت، وكمان كان قابلتهن بي ضهرها وكمان صاقرة الشَّم دي يا العشي ماطقَّار طير الجُفار
والله هبشها الكِويرس............
إنت عارف زي ماقلت البدو أمرهم عجب
الجمل كان جفر طوالي الواحِد بشم بول الجمل وبعرفو
وكان جاهو الغداد طوالي بجي برسنو وبنتل الرَّسن طوالي بعرفو
والله مرة جابتني سفرة لي عرب وطول عُمري ماشفتهم
قلت السلام عليم والله الشايب الكبير طوالي قال:
دي يا صوت المقدم يافي جناهو...........!
اي والله دخلت سلم علي وهو ماشافني قبل ذلك طوالي سلم علي ب حضن وقال لي إنت ود فلان
قلت ليهو نعم

حرم رسمت لوحة ما عندي اي تعليق عليها

قرتها مثنى وثلاث ورباع وصرت اتفكر في تشابه نمط حياة بوادينا مع بوادي اهلنا في شمال كردفان

Post: #318
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 08-25-2014, 11:15 AM
Parent: #317

Quote: قلت السلام عليم والله الشايب الكبير طوالي قال:
دي يا صوت المقدم يافي جناهو...........!
اي والله دخلت سلم علي وهو ماشافني قبل ذلك طوالي سلم علي ب حضن وقال لي إنت ود فلان
قلت ليهو نعم

لا حول
والله يا العبيد الناس ديل عندهم حاسة سادسة عجيبة
فراسة غريبة
بالله بالصوت عرفك ؟؟

Post: #319
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-25-2014, 08:16 PM
Parent: #318

Quote: لا حول
والله يا العبيد الناس ديل عندهم حاسة سادسة عجيبة
فراسة غريبة
بالله بالصوت عرفك ؟؟

يا بدر اخوي البقرة البتحلب عندنا بجيبوها الحلة
اها مرة عندنا بقرة بتحلب في الحلة قومي يا البقرة أمرضي وراقدة مابيا الأكل
كان ايامها أخوي الأكبر تخرج من كلية البيطرة جامعة الخرتوم
ابوي قال لي يا أحمد أمش شوف البقرة دي مالا
أحمد مشى فحصها ومشى البيطري في شندي جاب ادوية ووقع ليك في البقرة حقن يحقن ساااااكت والحال
في حالو البقرة راقدة ومابيا الاكل
اها ابوي خاف البقرة التموت وحقن احمد دي ما نفعتا
مشى نادى الطيب ود حسن أحمد عليه رحمة الله وهو مزارع حكيم ويستعان به في القاسية لخبرته وحكمته في الزارعة
والبهايم .. الطيب جا وشاف البقرة
أول شئ مدَّ ليها البرسيم .. البقرة تشابي لي البرسيم بعدين ترجع في محلها راقدة
قال الطيب لي ابوي : البقرة دي في شئ متعارض ليها في حلقها خانقها وحاميها الاكل
قال لي اجري يا خالد جيب ليك دقيق
مشيت جبت لي الدقيق
شال لي قش برسيم وعجن الدقيق مع البرسيم بقى في شكل كورة صغيرة وفتح خشم البقرة ونزلها ليها وبقى ينزل ليها فيها
بيدو في حلقها من اخارج لما نزلت الكورة البقرة فرترب قامت ووقعت في الاكل جعانة كانت
ابوي قال لاحمد اخوي قريتكم اخير من الطيب ود حسن احمد
هههههههه

Post: #320
Title: Re: ود شيقوق وودالبوش وود المنسي هام
Author: الطيب شيقوق
Date: 08-25-2014, 08:23 PM
Parent: #319

Quote: شال لي قش برسيم وعجن الدقيق مع البرسيم بقى في شكل كورة صغيرة وفتح خشم البقرة ونزلها ليها وبقى ينزل ليها فيها
بيدو في حلقها من اخارج لما نزلت الكورة البقرة فرترب قامت ووقعت في الاكل جعانة كانت
ابوي قال لاحمد اخوي قريتكم اخير من الطيب ود حسن احمد

سبحاااااااااااااااااااااااان الله

يا المنسي

جدي اللمين ود الشايب بصير زى زولكم دا

نياقو نازلة المدلية بتاعة نهر الدندر - واحد من النياق ديل ماخض تامة طب للولادة اها عترت وقعت انكسرت - والناقة لما تنكسر تاني ما فيها امل خالص

اها جدك اللمين طوالي سل سكينو وقام حللها ليك وفي نفس اللحظة كررررررررررررررر شق بطنها طلع جناها حي من بطنها اتخيل ؟

Post: #321
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-26-2014, 05:28 AM
Parent: #320

سand#65275;م
معليش شاغلني امرا شحصيا عصيب
دعواتكم

Post: #322
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-26-2014, 06:29 AM
Parent: #321

ودالمنسي
اتفق معك في ريادة سماعين للقصيدة المطولة وجاراه تلميذه ودبادي
لكن حميد و القدال انتقلا بالقصيدة نقلة نوعية لا تمت للبدتيان
طرقا فضايا حياتية تهم الناس . وجعلا منها اداة للوعي . وسلاحا في تزكية الشعور القومي
قصيدة ودبادي هوي يا وليد . سمعتها منه لايف اكثر من مرة بالمبدان الغربي وكلية الطب ودار الاتجاد وغيرها . وكانت تعجبني وتعجب الحضور .ولكن تغيرتظرتي لها لاحقا . احسست بها حلنمتشية ففبلتها. ولو نظرت لها غير ذلك لوجدت بها انفصاما . وخلق بؤرا جدبدة للخلاف بين اهل الريف والمدن . وهاهو صاحبها يتحول من رجل قربة لرجل مدينة . وهي ليست ميزةتفاضلية. بل امر حياة يتكامل فيه الناس لجعل حياتهم سهلة
فكما ودبادي ينتقد اهل المدينةبالمياعة والخيابة . ينتقد اهل المدن اهل القري بالجهل والجلافة
ونهاية الامر
كلنا اهل بادية او اهلنا

Post: #323
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-26-2014, 12:43 PM
Parent: #322

هههه مالكم يا مسانيح
طشيتو?

Post: #324
Title: Re: ود شيقوق وودالبوش وود المنسي هام
Author: عبيد الطيب
Date: 08-26-2014, 02:37 PM
Parent: #323

Quote: لا حول
والله يا العبيد الناس ديل عندهم حاسة سادسة عجيبة
فراسة غريبة
بالله بالصوت عرفك ؟؟

الوهاط سلاااام
جاني واحد لافح قُطرتو ...تقول فركة عزبة..!
أهل البادية ديل عندهم قيافة وفراسة عجيبة
مرة راكبين خاطرين خطرة قريبة ، رهط من الرجال أظننا خمسة.....
ونحن في الطريق لاحظ أخونا الأستاذ ود أبودرق أثر جمل فقال ها ناس دي درب جملي اللَّحمر....!
الجمل دي مشي سفَّل مع البهايم الجابو هني شنو ؟
قصصنا درب الجمل ساعة بالعكس فوجدناه تماما بعيره او جملو....
رسنه وساقه إلي الخور حوشو، ثم قادوا وذهبنا في طريقنا وفي الطريق توقف الأخ مصطفي ود أبو زينب
عند أثر رجلٍ لرجل يسوق بعيرين فصاح فينا: ياناس أقيفوا، فرجعنا له فقال:
الدرب دي درب إسماعين ود أحمد.....!
ضحكنا جميعا وقلنا له :إنت زمان بتعرف الدرب والأثر لكن هني كضبت........
إسماعين في ليبيا بجيبو هني شنو.................!؟
والزمن داك مافي جولات ولا تلفونات ومحطة حمرة الشيخ الجمركية بعيدة .. يومين بالدواب
فصاح قائلا: دعونا نقص أثر هذا الرجل ..، إن لم نجده إسماعيل فاليوم بضبح ليكم شاه ماكنة
وإن لقيناهو إسماعين ..كمان إنتو تضبحوا لينا خروف
قبلنا التحدِّي وبعد ثلاثة ساعات أدركنا صاحب الأثر ووجدناهو إسماعين كما قال ود أبو زينب
وحاتكم إلا جبنا الخروف وضبحنا
مصطفي ود أبو زينب دي أمره عجب
ولي معه حكاوي سأسردها لاحقا
معزتي

Post: #325
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-26-2014, 02:49 PM
Parent: #323

Quote: ودالمنسي
اتفق معك في ريادة سماعين للقصيدة المطولة وجاراه تلميذه ودبادي
لكن حميد و القدال انتقلا بالقصيدة نقلة نوعية لا تمت للبدتيان
طرقا فضايا حياتية تهم الناس . وجعلا منها اداة للوعي . وسلاحا في تزكية الشعور القومي
قصيدة ودبادي هوي يا وليد . سمعتها منه لايف اكثر من مرة بالمبدان الغربي وكلية الطب ودار الاتجاد وغيرها .
وكانت تعجبني وتعجب الحضور .ولكن تغيرتظرتي لها لاحقا
. احسست بها حلنمتشية ففبلتها. ولو نظرت لها غير ذلك لوجدت بها انفصاما . وخلق بؤرا جدبدة للخلاف بين اهل الريف والمدن .
وهاهو صاحبها يتحول من رجل قربة لرجل مدينة . وهي ليست ميزةتفاضلية. بل امر حياة يتكامل فيه الناس لجعل حياتهم سهلة
فكما ودبادي ينتقد اهل المدينةبالمياعة والخيابة . ينتقد اهل المدن اهل القري بالجهل والجلافة
ونهاية الامر
كلنا اهل بادية او اهلنا

أخي ود ابوسن عندما قلت المدرسة الحديثة للقصيدة بالعامية لم أقصد موضوع القصيدة
حماسية .. فخر .. غزل .. رثاء
أنا بتكلم عن القثيدة العامية بصفة عامة وأنها عامية
مفردة وصياغ بلاغي وأقتباس من أمثال عامية سودانية
هذا ما قصدت به المدرسة العامية الحديثة
كان الناس منقبل يكتبون الشعر لكن في أشكال وقوالب أخرى
أتفق معك أن قصيدة ودبادي ( ود الشايقي ) هي قصيدة حلمنتشية
لكن لم تصب عندما قلت قصيدة هوي يا وليد قصيدة حلمنتشية .. نرجع لنفرق بين الحلمنتيش والقصيدة العادية
الحلمنتيش فيه تكون المفردة مفردة اليوم والشارع وقد نظم فيه ودبادي قصيدة ( ودالشايقي )
قصيدة ( هوي يا وليد ) قصيدة هجاء بالعامية وفيها من المفردة العامية العميق من لا يدركه ويفهم الكثير
وله من الرثاء في هذا الضرب الكثير
وفي نفس المدرسة كتب القدال وحميد ولو أختلف الموضوع وكان تركيزهم في تحريك الشعور النضالي
هذا لاينفي أن يكونا إنتهجا نفس المدرسة وأن كان لهما لونهما الخاص
اخي ابوسن لو صنفنا كل شعر وشاعره حسب ما ذهبت له لكانت عندنا ملاين المدارس
فالمدارس معروفة
أما عن موضوع أن ودبادي اللذي تكلم عن القرية رجع وسكن المدينة
ودبادي لم يكون ضد المدينة لكن موقفه عندما أنكر ذاك الولد أثر الريف على المدن
هنا كان الخلاف وكان الرد بالقصيدة ليس كما تخيلت انه يرفض حياة أهل المدن لا حاشا وكلا
وكان رأيك هو نفس رأي حسين ملاسي عندما قال سبَّ ودبادي المدينة وعاد وكان من سكان المدن
هذا ليس صحيح خلي يجيب لي بيت واحد سب فيه ودبادي المدينة
ود بادي خاطب الوليد أنه لم يرى ولم يعلم كيف يعيش ابناء الريف وحدثه عن ذلك في القصيدة
عليك الله لو خلينا اي شئ اثر الريف في المدينة وقلنا لبن حليب الصباح ( أما يكفي أن هذا اثر )
خلي اي اثر أقتصادي اخر أو ثقافي أو غيره

Post: #326
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-26-2014, 03:29 PM
Parent: #325

تعرف لا انكر اعجابي ب ود بادي فهو شاعر مجيد . وحضرت تأببنه ل ود حد الزين . ولم اقصد نقده بسكن المدينه بل ذكرتها تأكيدا علي ان السكن ضروره بضطر لها الانسان
دع المضامين . فشعر القدال يستلهم التراث والميثلوجيا الشعبيه محاكاة للشعر الحر . فلا تخلو قصيدة له من ذلك
اقول ليك
عليك الله جلي نقاشنا
كتبته ساعة سواد مزاج
خلينا في ونستنا
وانا الليلة مبسوط منزل لي كي بورد جديد حروفو كبار
ود البوش حرم بدور اضرب ليك علا المسنوح دة ودر الارقام
ودشيقوق بقت تفرزني في الونسة
سمح اب رويس بقبقبك فبقيبة رولك داك لامن لسانك and#65267;and#65252;and#65198;and#65233;

Post: #327
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-26-2014, 03:35 PM
Parent: #326

Quote: تعرف لا انكر اعجابي ب ود بادي فهو شاعر مجيد . وحضرت تأببنه ل ود حد الزين . ولم اقصد نقده بسكن المدينه بل ذكرتها تأكيدا علي ان السكن ضروره بضطر لها الانسان
دع المضامين . فشعر القدال يستلهم التراث والميثلوجيا الشعبيه محاكاة للشعر الحر . فلا تخلو قصيدة له من ذلك
اقول ليك
عليك الله جلي نقاشنا
كتبته ساعة سواد مزاج
خلينا في ونستنا
وانا الليلة مبسوط منزل لي كي بورد جديد حروفو كبار
ود البوش حرم بدور اضرب ليك علا المسنوح دة ودر الارقام
ودشيقوق بقت تفرزني في الونسة

خلينا مع كي بوردك الجديد والبنة السمحة الأمرة وعينا باردة عليها وما شاء الله
في حفظ الله وصونه بنية سميحة وخالها أبوعبيدة عطا الله بس ماتطلع ليك بنبر زيو هههههههه

Post: #328
Title: Re: ود شيقوق وودالبوش وود المنسي هام
Author: عبدالله ود البوش
Date: 08-26-2014, 03:39 PM
Parent: #326

Quote: ود البوش حرم بدور اضرب ليك علا المسنوح دة ودر الارقام

طالبك ضربة ههههههههههههه
حرم يا ود اب سن مرة مشينا الخلا لعروبنا اطراف الرياض وهم ناس سعية
اها في واحد كان بتكلم مع واحد تاني وبعد انتهت المكالمة طلع كراسو وكتب اسمو وقال كدا طالبو تلاتة ضربات هههههههههههه
.
.
بقيت تعفص عفص شين لكن بتجيك تارة يا الربيان بالميدو العلبتو مصررة بالقراطيس ههههههه

Post: #329
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-26-2014, 03:48 PM
Parent: #328

لا عفصك موبايل السجم دة
قالوا
واحد لاقا شيخ العرب راكب حمارتو . وبعد ختمو جاهو راجع . ها شيخ العرب حرم ما عرفتك كان ما حمارك
وتفرقت بهم ااطرق. زولك لامن وصل رفاعة لقا شيخ العرب قاعد
ها شيخ العرب كيف تفوتني
قال ليهو
فاتتك and#65227;and#65198;and#65235;and#65176;and#65242;

Post: #330
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-26-2014, 06:54 PM
Parent: #329

Quote: طالبك ضربة ههههههههههههه
حرم يا ود اب سن مرة مشينا الخلا لعروبنا اطراف الرياض وهم ناس سعية
اها في واحد كان بتكلم مع واحد تاني وبعد انتهت المكالمة طلع كراسو وكتب اسمو وقال كدا طالبو تلاتة ضربات هههههههههههه
.
.
بقيت تعفص عفص شين لكن بتجيك تارة يا الربيان بالميدو العلبتو مصررة بالقراطيس ههههههه

الله يجازي محنك يا ودالبوش
حرم قعدتكم تفرح في السنين العاتمة دي
بارك الله فيكم اخوة

Post: #331
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-27-2014, 04:51 AM
Parent: #330

متأسف

Post: #332
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-27-2014, 05:02 AM
Parent: #331

معليش
تعبت في رد واتعولق
متأسف جد والله . دي حاجة مزعجة
الرد كان شكر ليكم
وقصة قريبي البرفع الفاتحة بالنلفون

Post: #333
Title: Re: ود شيقوق وودالبوش وود المنسي هام
Author: الطيب شيقوق
Date: 08-27-2014, 06:13 AM
Parent: #332

اب سن
Quote: وانا الليلة مبسوط منزل لي كي بورد جديد حروفو كبار
ود البوش حرم بدور اضرب ليك علا المسنوح دة ودر الارقام
ودشيقوق بقت تفرزني في الونسة

يعني ما اتسدا فيك ؟ ههههه

لسه - هو انت شفت العفص الجد جد ؟

اصبر بس وود البوش ذاتو بتلهمو ليك عفيص بعد شوية

اب احمد

اعفص لينا ود الفاضلابي بهناك اصلو ما ضاق ليهو عفيصة

Post: #334
Title: Re: ود شيقوق وودالبوش وود المنسي هام
Author: عبدالله ود البوش
Date: 08-27-2014, 06:48 AM
Parent: #333

الحمد لله على عودتك يا استاذنا شيقوق ههههههههههه دي هرشة ساهي وحات الشيخ تاي
ياخي انا بطلب منك تنظم لينا البوست دا كونو لمن غبت جاط جوطة شديدة خلاص ولا عرفنا ليهو صرفا ولاعدلا
وانا قدر ما اتكلمت مع الجنيات ديل اصلوا ما سمعوا كلامي
قت ليهم يا جماعة اصبروا شوية الاستاذ جاي لانو سافر في مهمة صعبة جدا جدا والكلام فيها باللنقليزي عديل كدا
اسع بركة الجيت والفات تراهو فات واتا ولا تحرق روح وتقراهو كلو تضيع زمنك ساهي
نظم لينا من هنا ولي قدام
وبركة الجيت بالسلامة

Post: #335
Title: Re: ود شيقوق وودالبوش وود المنسي هام
Author: الطيب شيقوق
Date: 08-27-2014, 07:21 AM
Parent: #334

Quote: الحمد لله على عودتك يا استاذنا شيقوق ههههههههههه دي هرشة ساهي وحات الشيخ تاي
ياخي انا بطلب منك تنظم لينا البوست دا كونو لمن غبت جاط جوطة شديدة خلاص ولا عرفنا ليهو صرفا ولاعدلا
وانا قدر ما اتكلمت مع الجنيات ديل اصلوا ما سمعوا كلامي
قت ليهم يا جماعة اصبروا شوية الاستاذ جاي لانو سافر في مهمة صعبة جدا جدا والكلام فيها باللنقليزي عديل كدا
اسع بركة الجيت والفات تراهو فات واتا ولا تحرق روح وتقراهو كلو تضيع زمنك ساهي
نظم لينا من هنا ولي قدام

يطول عمرك وحرررررررم البوست دا بخربوا الفاضلابي البغيب اسبوع ويجي يمسكو من نصو تاااااااااااااااااني يرجعنا لا وراء

كدى عليك الله وعليكم الله كوووووولكم خلوني امسكم واحد واحد ونبدأ بود البوش اللسانو طويل دا :

اها ود البوش بكرة عيد رمضان او الضحية وانت الزمن داك ياداب القرحة متلهماك - كسوك طااااب جلابية الدبلان - اها فشوها ليك او ادوها ليك رشة موية هجنغلا ساي من العين - اها وماشي تبارك العيد لعولك كووووولهم جوة الحلة ورينا كيف بكون مشهادك للمعايدة ؟

معليش يا بت السيد البيت بيتك علا انت معروفة هدية و رضية الناس تأكل وتقش في طرفك خلينا نتجدع ساااااي في دلجتك دي .

Post: #336
Title: Re: ود شيقوق وودالبوش وود المنسي هام
Author: عبدالله ود البوش
Date: 08-27-2014, 07:49 AM
Parent: #335

Quote: معليش يا بت السيد البيت بيتك علا انت معروفة هدية و رضية الناس تأكل وتقش في طرفك خلينا نتجدع ساااااي في دلجتك دي .

حرم جيت من القسطنطينية مهود كلو كلو بقيت ما بتفرز خشم بيت ود اب سن من خشم بيت بت السيد لكن كلو واحد
مالك داير تضحك الفاضلابي فوقنا يومداك واتا مافي وكنا قاعدين العصير جنب طربيزة ود مسمار
قال ود شيقوق دا فات القسطنطينية خايفنو اجيب لينا بلية شبق ( شبق دي ما فرزتها لكن قالا كدي )
اها كان جاب ضقلا اتلولح بهائم البردانة دي كلها ما بتحلوا
النصيحة انا قت ليهو حرم البهائم ما بتباع لكليمتك العفينة دي
اها دي كليمتي اعفا لي
وعلي كيفك مع الفاضلابي
عدم فريزك دا ذكرني حكاية بخيت العجب امو اقولا ول عارفا
يا زول بقولا وقتا خرطمية مرة ما اياهو بانيوس بكري داير املي بحكاية بخيت العجب امو
ما اياهو ملان دفيس حسب شوال بتراب حكاية بخيت دي دايرة تدفسو
بخيت العجب امو قاليهو امش جيب النفاسة لامك دايرة تلد
وبخيت عميكة وبحب امو ويلا فوووووووووو لبيت النفاسة ومن شفقتو علي امو الف البيت واجي داخل بيت ناس امو
واقول هي ديل اتوا
اردو عليهو بخيييييييت ؟ لسع ما مشيت النفاسة
وفررررررررر طرف عراقيهو في سنونو وكف اجي تاني دخال بيت ناس امو
ديل اتو ؟
بخييييييييت ؟
وفررررررررررر
ديل اتو ؟
بخيت ؟
وفرررررررررر لوووووووووووووووول يا اللولية
.
.
يا سلااااااااااام بجيك برواقة للعيد ولقيماتو

Post: #337
Title: Re: ود شيقوق وودالبوش وود المنسي هام
Author: الطيب شيقوق
Date: 08-27-2014, 10:58 AM
Parent: #336

البوش

لحظة بس مزحوم حبة

بس عندي سعال - ممكن اصلح فكة الدرب دي قبال ود الفاضلابي يجي هابر عليها؟

Post: #338
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-27-2014, 01:37 PM
Parent: #337

اها
عمنا لينا
التلفونات ظهرت جديدة , في مواجبة بكاء غلبو يمشي ليها , ولدو ضرب ليهو التلفون لناس العزاء شان يتعضر ليهم

مسك السماعة بي كتفو وعصرا علي اضانو , ورفع يدينو الاتنين
ها فلان اخوي الفاتحة

Post: #339
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-27-2014, 03:44 PM
Parent: #338

زولك حرم يا ودالبوش سقو المحاية في البد ديك
نصل سينس : ايم تكشري درم

Post: #340
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-27-2014, 03:51 PM
Parent: #338

هووووي ياود البوش ـ شـ بق شنو كمان؟
اسمها الـ شيباق
ماسمعت بالشيباق والريباق
ده تري زي حديث المسنوح ده
يعني حديث الزول الراميهو جمل
هسع ماشفتو جا ناطي هنا عشان يرد ليا
علي كلامي الـ في بيت بت السيد
ده ياهو الشيباق والريباق البنقصدو
لاتجلط لك فوقنا جليطة

Post: #341
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-27-2014, 03:59 PM
Parent: #340

Quote: هووووي ياود البوش ـ شـ بق شنو كمان؟
اسمها الـ شيباق
ماسمعت بالشيباق والريباق
ده تري زي حديث المسنوح ده
يعني حديث الزول الراميهو جمل
هسع ماشفتو جا ناطي هنا عشان يرد ليا
علي كلامي الـ في بيت بت السيد
ده ياهو الشيباق والريباق البنقصدو
لاتجلط لك فوقنا جليطة

هههههههههههههههههههه
ماتخلها ودشيقوق يطير من يوم ولدو مربوط في جناح ابوالرقيع اعور

Post: #342
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-27-2014, 05:08 PM
Parent: #341

Quote: ماتخلها ودشيقوق يطير من يوم ولدو مربوط في جناح ابوالرقيع اعور

اخليها كيفن؟
شيقوق بقا زي الارباب ولدي فِتِّيحت عينو من النوم يِتلعمط للبزة
كان حشرتلو بزة ولا سكَّاته مافارزها ـ اها زولك ده قشت عينو من النوم
يتلهم المنبر مايفرز بوست اميرة من بوست ودابسن وكمان معاها سناحة
الزول ده النوديهو الشيخ فلاح ماتلفون ودابسن براهو الدايرلو عزيمة.

Post: #343
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-27-2014, 05:52 PM
Parent: #342

Quote: بس عندي سعال - ممكن اصلح فكة الدرب دي قبال ود الفاضلابي يجي هابر عليها؟

Too Late

Post: #344
Title: Re: ود شيقوق وودالبوش وود المنسي هام
Author: الطيب شيقوق
Date: 08-27-2014, 06:05 PM
Parent: #340

البوش

Quote: حرم جيت من القسطنطينية مهود كلو كلو بقيت ما بتفرز خشم بيت ود اب سن من خشم بيت بت السيد

شن قدرني افرز مع البوستات الكتار البتفقسوا فيها انت وود البوش زى الجروة

الواحد ما يبقى زى الفاضلابي دا البستتة عندو حولية - او ود المنسي يمسك ليهو فد واحد ويدوعل فيهو ساااااي مرة نميم ومرة غناء ومرة رومانسيات واحيانا نواح

Post: #345
Title: Re: ود شيقوق وودالبوش وود المنسي هام
Author: الطيب شيقوق
Date: 08-27-2014, 06:10 PM
Parent: #344

Quote: شيقوق بقا زي الارباب ولدي فِتِّيحت عينو من النوم يِتلعمط للبزة
كان حشرتلو بزة ولا سكَّاته مافارزها

الارباب دا زول بلحقو مافي حررررررم بخيت لسيدو دا - يكبر يلقى ليك الورثات هبطرش - شي في بنوك امريكا وشي في الفاضلاب وشي في سنجة

يشنق طاقيتو ويلع سجارتو ويتلهم ناس الإيجارات للتحصيل زى سعد محمد خير بتاع سنجة

Post: #346
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-27-2014, 06:42 PM
Parent: #345

Quote: الارباب دا زول بلحقو مافي حررررررم بخيت لسيدو دا - يكبر يلقى ليك الورثات هبطرش - شي في بنوك امريكا وشي في الفاضلاب وشي في سنجة
يشنق طاقيتو ويلع سجارتو ويتلهم ناس الإيجارات للتحصيل زى سعد محمد خير بتاع سنجة

والله انت التقول فيك عِرِق مصريين اصلك مابتِنقَبِض
غايتو اصلو ماشايف ليك شغلة غير المحاماة دي
زي اليربوع يحرسوك في خشم الجُحر تلقاك حفرت بي غادي

Post: #347
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-27-2014, 08:16 PM
Parent: #346

Quote: شن قدرني افرز مع البوستات الكتار البتفقسوا فيها انت وود البوش زى الجروة

الواحد ما يبقى زى الفاضلابي دا البستتة عندو حولية - او ود المنسي يمسك ليهو فد واحد ويدوعل فيهو
ساااااي مرة نميم ومرة غناء ومرة رومانسيات واحيانا نواح

خليها فصاحة نفيسة بت العوض دي
انت طلبت تلفون ودالبوش
ضربت لي ؟
غايتو ودابوسن في البوستات قرب يحصل جادات ولا اسمو سنو داك الزول دا بتاع اُرضحالات ( عرض حال ) ؟

Post: #348
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-27-2014, 08:19 PM
Parent: #347

إت يا ودشيقوق مالك في الإسكايب تدخل وتمرق ولافي زي الـ ............ في القرقاب

Post: #349
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 08-27-2014, 08:27 PM
Parent: #348

Quote: إت يا ودشيقوق مالك في الإسكايب تدخل وتمرق ولافي زي الـ ............ في القرقاب

الرباطابي شاف شيخ العرب متلَفِّح التوب
قال ده مالو زي اللمبة ام قزازاً محتوت؟

Post: #350
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-27-2014, 08:39 PM
Parent: #349

خلاص قمت لي لماضتك دي وعينك الحارة... لحقت موبايلي جدي داك
ود شيقوق بقا زي بقرة الملجة. مابفرز البطيخ من ااعجور
قال زهور قال
تلفحوا ساي
ودالبوش شحنا في لي بتا بي هناك عفصتنا وشردت خلت لينا البوست زاتو
...
تاني اكان اباريك ولا انكعك ابقا زي ود شيقوق المتلهم القلايل دة
موسي الراجل ختر وين
ما يكون......

Post: #351
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-27-2014, 08:59 PM
Parent: #350

Quote: الرباطابي شاف شيخ العرب متلَفِّح التوب
قال ده مالو زي اللمبة ام قزازاً محتوت؟

الفاضلابي عرفتها البتكون لافا في القرقاب شني ؟؟؟ لو فاتتك أسألأ ودالبوش ؟
أبوسن دا خو لافي مع الموبايل بتاعو دا يناتل في الضرع الغارز

Post: #352
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-27-2014, 09:06 PM
Parent: #351

صوح
وحاتك غارز

Post: #353
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-27-2014, 09:16 PM
Parent: #352

Quote: صوح
وحاتك غارز

ودالبوش شادي لي حلة كوارع وبجهز في شطتو بي الدكوة جوعني
أنا ماشي أتعشا تصبحو علي خير الفاضلابي واطتو عصر لي هسي خلي يسوق هو بالليل دا
قطر كريمة دا

Post: #354
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 05:57 AM
Parent: #353

هوي يا ودي خلني من نضمك المسبخ دة
طاابك ضربة
والضربة في السودان تساوي دقيقتها عشرة في من سواها
10 دفابق يعني طاابك مية دقيقة .. اها عفيت ليك نصهن

Post: #355
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 05:58 AM
Parent: #353

هوي يا ود البوش خلني من نضمك المسبخ دة
طالبك ضربة
والضربة في السودان تساوي دقيقتها عشرة في من سواها
10 دفابق يعني طالبك مية دقيقة .. اها عفيت ليك نصهن

Post: #356
Title: Re: ود شيقوق وودالبوش وود المنسي هام
Author: درديري كباشي
Date: 08-28-2014, 06:11 AM
Parent: #355

هههههههههههههههههههههه والله أحلى صراع بين أحلى ناس

يا ريت لو مشاكلنا اختزلت في نوع صراعكم دا .. لا قبلية ولا جهوية ولا طائفية ... صراع مدن وحضر هو الصراع الطبيعي اليطور البشر .. فقدناه من زمن ( حيا متين نزور الخرطوم )

Post: #357
Title: Re: ود شيقوق وودالبوش وود المنسي هام
Author: الطيب شيقوق
Date: 08-28-2014, 08:08 AM
Parent: #356

وليد الفاضلاب

Quote: والله انت التقول فيك عِرِق مصريين اصلك مابتِنقَبِض
غايتو اصلو ماشايف ليك شغلة غير المحاماة دي
زي اليربوع يحرسوك في خشم الجُحر تلقاك حفرت بي غادي

ههههههههههههههههههههها مسنوووووح

تتذكر يوم جيت محمكة السوكي والمطرة قطعتك من مدينة سنجة وبيت معاي في بيتي تتذكرو ولا نسيت؟

جبت ليك الشاي قلت ما بتشرب شاي - جبت ليك رز ود المنسي البقولو لينا مكاااااان ومدغلب كأنو مزروع في مرنع - برضو زحيتو بعيد منك وبقيت تتلفت جاي وجاي غلبت فيك حيلة

بعد شوية جاتني فكرة اتلهمت المرة البتسوي الكوارع والموليتة والعتي - اها مشيت مليت ليك صدري منها وجيت - لهل تتذكر قلت لي شنو ؟ مش قلت لي ياداب - يا ود شيقوق - مسكت المشهاد يلا كمل جمايلك؟

بتكون هسه نسيت جمايلي كوووووووووولها

Post: #358
Title: Re: ود شيقوق وودالبوش وود المنسي هام
Author: الطيب شيقوق
Date: 08-28-2014, 08:13 AM
Parent: #357

سنو
Quote: ود شيقوق بقا زي بقرة الملجة. مابفرز البطيخ من ااعجور

ههههههها اخير منك يا كديس التّبنة تنكّت ساي في المحن لامن تخمش ليك عنكوليبة مايقوما

Post: #359
Title: Re: ود شيقوق وودالبوش وود المنسي هام
Author: الطيب شيقوق
Date: 08-28-2014, 08:17 AM
Parent: #358

ود كباشي

صباحك طيب ااا زول

Quote: يا ريت لو مشاكلنا اختزلت في نوع صراعكم دا .. لا قبلية ولا جهوية ولا طائفية ... صراع مدن وحضر هو الصراع الطبيعي اليطور البشر ..

عاد - يا اخوي - الدنيا دي شن فيها غير الكلمة الطيبة ؟ آخرتا كوم تراب يا العزيز

ربنا يعافي اختنا اميرة ويديها الصحة والعافية الجمعتنا تحت الراكوبة دي

Post: #360
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 08:19 AM
Parent: #358

Quote: بعد شوية جاتني فكرة اتلهمت المرة البتسوي الكوارع والموليتة والعتي - اها مشيت مليت ليك صدري منها وجيت - لهل تتذكر قلت لي شنو ؟
مش قلت لي ياداب - يا ود شيقوق - مسكت المشهاد يلا كمل جمايلك؟

بتكون هسه نسيت جمايلي كوووووووووولها

البصل اب حلوق حليل معتوق
والمريسة ضوق ضوق حليييييييييييييييل معتوق

Post: #361
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 09:09 AM
Parent: #360

ههههه ها المسينيح
العتي بسوهو
غايتو عليك جنس فلقصة
بسو اب غازي ما العتي
ام فتفت دقة جليط
ود البوش
درعتنا في لوري وخميتنا دخلتنا لل عوين
شردن خلننا
وتاني وحاتك اكان جابت مدحة ماني سامعها عفصتنا ومشت

Post: #362
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 09:18 AM
Parent: #361

Quote: ود البوش
درعتنا في لوري وخميتنا دخلتنا لل عوين
شردن خلننا
وتاني وحاتك اكان جابت مدحة ماني سامعها عفصتنا ومشت

يا زول انا وقفت قدام الحلة وضربت البوري شايف الناس منقرضة
ولمن ماف زول جاب لينا خبر طوالي عشقت وصدينا اهلنا بصمة خشمنا
اتا الخلاك تنزل وتدخل الحلة المبهرجة دي شنو
بركة الطردوك عشان تاني ما تتضهب ساهي
عجبني للمارقوت وليك اتا ذاتك
نلك مشيت قلت ياي
مرة في واحدة عطست تش عطستا كدي تش قلت ليها يرحمك الله
قالت لي ميرسي
.
.
عاين جاي
جدعت العولق ول لسع تلاكز فيهو زي الدغور هههههههههههههه

Post: #363
Title: Re: ود شيقوق وودالبوش وود المنسي هام
Author: موسي الراجل
Date: 08-28-2014, 09:18 AM
Parent: #360

ود البوش
من ود شيقوق جابلك طارى الغبشه مسحت شنبك كررر ودموعك نزلن شو

ويا حليل معتوق وقعده وهباب القد المجلد عاشق ومعشوق

ود اب سن
ماك خابر اليومين دى الكراع انقطعت من السوق والناس شغاله معط ولا عشان ما جاتنا منكم فزعه نفير
القش لحق العيش والحشاشه واقفه قرن جليحه
ماشفت الوغر كيف مغطى الوجه وحمو الهيش خلانا عرايا ونوناى اللغيبش و اللصاقه بور الزرع وهلك الضرع
وحلانين فى جغب يوتح السديس

Post: #364
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 09:38 AM
Parent: #363

Quote: ود البوش
من ود شيقوق جابلك طارى الغبشه مسحت شنبك كررر ودموعك نزلن شو

من ختيناها كان السناحة القابلتنا
Quote: ماشفت الوغر كيف مغطى الوجه وحمو الهيش خلانا عرايا ونوناى اللغيبش و اللصاقه بور الزرع وهلك الضرع

وغر + عسلة = هذا وجه لن تمسه النار باذن الله
Quote: وحلانين فى جغب يوتح السديس

ناس السافل انقرضو اذن
يحتاجو لمترجمان من الصعيد .... غايتو ناس الصعيد ديل مرات برطنو هههههههههههههه
حرم كان ازر ليك ود اب سن خليهو اجي اشرح كان نجيض

Post: #365
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 09:41 AM
Parent: #363

حليل موسي يا حليل موسي
حليل موسي ال لل رجال خوسة
حليلها الاصبحت ذكري
تعرف يا موسي زي الاوقات دي ... البلد تندفس بالناس . الخامي لوبا . والشايل خيرات الزرع في شوال ولا سكتابة وداقش السوق .. الحكومة لمت في واطاتم سوتها سكن
شوف غبا ااحكومة دي . تحول الزراعة لي بيوت
وحاتك هسة وغرانين وغر فلس وحابسبن المجالس

Post: #366
Title: Re: ود شيقوق وودالبوش وود المنسي هام
Author: عبيد الطيب
Date: 08-28-2014, 09:42 AM
Parent: #363

Quote: البصل اب حلوق حليل معتوق
والمريسة ضوق ضوق حليييييييييييييييل معتوق

الكترااااابل قلت الدامشيق راقد تِفِل.....!

Quote: ماك خابر اليومين دى الكراع انقطعت من السوق
والناس شغاله معط ..............!
ولا عشان ما جاتنا منكم فزعه نفير
القش لحق العيش والحشاشه واقفه قرن جليحه

شيخ العرب موسي
بس الله يبارك فيك الكملت الونسة بي الشطرة التانية....!
كان قبيل جوالك برك والله كمبوترك عِتر ساكت..!
والله لفحها ليها همباتي ونسة....!
وحاتك كان بردلو... حوش بكري الدهرابة ترميوه..........!

Post: #369
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 09:59 AM
Parent: #366

Quote: الكترااااابل قلت الدامشيق راقد تِفِل.....!

الكترابل ساهي هو
دي الهقلل ثم الكتحابل يا عبيد اخوي
جنس دمشق وجنش مشق وجنس دفيس وتفل
حرم نحن شبعانين وحميرنا شبعانات
مما ختيناها الهملة قابلتنا
شفت انداية معتوق دي يا عبيد اخوي اخخخخخخخخ مافي داعي لتقلب المواجع
عاين جاي
خالي عبدالجبار الملقب بميتة لمن اجي منها بجي داخل الحلة اغني
دردق بي يا اللوري دردق بي
حرم كان لاقتو العنز اقوليها زيك يا خالتي ههههههههههههه
عبيد الطيب وجودك هنا له الق خاص خالص خالص وايضا كذلك له طعم اكاديمي ههههههههههههه

Post: #367
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 09:46 AM
Parent: #363

حليل موسي يا حليل موسي
حليل موسي ال لل رجال خوسة
حليلها الاصبحت ذكري
تعرف يا موسي زي الاوقات دي ... البلد تندفس بالناس . الخامي لوبا . والشايل خيرات الزرع في شوال ولا سكتابة وداقش السوق .. الحكومة لمت ف وحابسبن ي واطاتم سوتها سكن
شوف غبا ااحكومة دي . تحول الزراعة لي بيوت
وحاتك هسة وغرانين وغر فلس المجالس

Post: #368
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 09:53 AM
Parent: #367

ههههه
لسة بلاكد فيهو ومرات يحرن حرنة حمار قابل الترعة
ها العبيان دة دة نضمينا زاتو

Post: #370
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 10:04 AM
Parent: #368

يا اخوانا امسكو مننا فتحي فرج الله دا
يا زول هوي تلفونك دا بسوي ليك وجع نوايط
وبسوي لينا زعولة
دا عميكة شنو

Post: #371
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 10:14 AM
Parent: #370

غبيان
خخخ ههههههههههه

Post: #372
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 10:15 AM
Parent: #370

غبيان
خخخ ههههههههههه

Post: #373
Title: Re: ود شيقوق وودالبوش وود المنسي هام
Author: موسي الراجل
Date: 08-28-2014, 10:52 AM
Parent: #367

العبيد ود الطيب سلام
الكلام الشين والبجيب حسس حاشانا منه

ود البوش
لكن العسله ما بتصفق المسره وببقى كعب الدرت لا بتندق نقاره ولا العيال بردسو المردوع
ولا بطيرو النقله اها والله الظرماتى الا كان بغز مخرزه فى الوطه

ود اب سن
اها دا الكلام القبيل خايفنه نحن يعنى مسأله تمدين الريف بضم الاراضى الزراعيه و الرعويه للمدينه فيه ضرر بليغ على الاقتصاد و المجتمع يعنى شنه انسان طول عمره عايش على الزراعه وفجأه ارضه توزع اراضى سكنيه ونصيبه منها 300 متر يعنى يشتغل شنه ؟ وهنا يظهر ترييف المدن بالهجره الجماعيه من القرى والشئ دا طبعا بقى شئ مزعج ومخيف وربنا يستر

Quote: ;زي الاوقات دي ... البلد تندفس بالناس . الخامي لوبا . والشايل خيرات الزرع في شوال ولا سكتابة وداقش السوق .. الحكومة لمت ف وحابسبن ي واطاتم سوتها سكن
شوف غبا ااحكومة دي . تحول الزراعة لي بيوت
وحاتك هسة وغرانين وغر فلس المجالسand#237;

Post: #374
Title: Re: ود شيقوق وودالبوش وود المنسي هام
Author: عبيد الطيب
Date: 08-28-2014, 11:07 AM
Parent: #373

Quote: العبيد ود الطيب سلام
الكلام الشين والبجيب حسس حاشانا منه

شيخ موسي الراجل
سلااااام ومعزة صادقة ومحبة من القلب
حاشاك الحسس وحاشاك الكلاااام المشاتر يا شيخ العرب،
لكنني أردت أن أضيف شئ من الطرفة والضحك المعافي
فعذرا يا زول يا سمح يازين ،

Quote: الكترابل ساهي هو
دي الهقلل ثم الكتحابل يا عبيد اخوي
جنس دمشق وجنش مشق وجنس دفيس وتفل
حرم نحن شبعانين وحميرنا شبعانات
مما ختيناها الهملة قابلتنا
شفت انداية معتوق دي يا عبيد اخوي اخخخخخخخخ مافي داعي لتقلب المواجع
عاين جاي
خالي عبدالجبار الملقب بميتة لمن اجي منها بجي داخل الحلة اغني
دردق بي يا اللوري دردق بي
حرم كان لاقتو العنز اقوليها زيك يا خالتي ههههههههههههه

قلت لي بمشي ويخيِّط في وطاة مولاهو...!
خالك دي يا الحبيب من درافين الشاعر مُظفر النوَّاب
أيها الشارب
إن لم تك شفافا رقيقا
كزجاج الكأس
لا تدخل طقوس السكر والكينونة الكبرى
فسوء الخمر يؤذي
بينما يقتل سوء الخلق
فاشربها كريما دمثا
تطمع أنّ النار تستثني الكراما

يا حليل زمان بقنية الدُّخُن ..وأُم بلبل
عندي زميلي وصديقي معلم ، قلت ليه :
يافلان ياخ بتشرب الدَّامشيق؟
قال لي : لا لا بشرب أُم شكَّة بس....!
كان جاري بالبادية زول شايب وله طرائف وأنسه جميل
اصابته وعكه ولم يستطع الوقوف، فزرته ، ثم أخدتني سفره علي عجل،
ولما عدت زرته فوجدته يمشي علي رجليه وقد شفا تماما ، بل يجز في أغنامه...!
وعندما رردت السلام وجلسته بجواره عرفني اضمر أمرا....!
ضحك وقال: يا ولدي حرم من يومي الخليت البقنية، بركت بركت تِلْب، وكرعيَّا أبن يشيلنِّي،
ومرتي زاتها بقيت أتصرع منها، عشي مابعشيها ، تتحكك الليل كلُّو، مرة عسَّاف ومرة كبريت، وكلووووو حرَّم ماسوَّا شي!
أها يومي الرجعت لي البقنية ، قمت بردلب علي طولي،والمرة حرَّم بقت مبسوطة تتكاشم براها،
ايَّامي الكنت بارك، نفرتني تب وبقت تسقيني الشاهي أحمر ، حتي لبن الشاهي قطعتو منِّي وكل ماتصبح مكوزمة !

لاكين بعد مارجعت لي البقنية، أها وحاتك اللبن بعلقوه لي فوق في الكتو..! وكل شيتن سمح والله أكلتن حليوه، جايباها لي ، وتسمعها ، أبوكن ماشرب أبوكن ما أكل....!

أكرر عذري أخي موسي اللي الرجال خوسة أو كماقال الفارس جلي أبوفاطنة مخاطبا إبنه الفارس موسي
يا أبومهرا دربو لي القَن
ويا أبو سيفا سريع في السَّن
يادخَّال علي الحمِّي أم بخورا بَن
عجل يا رفيق خيل ناس كرادم جَن
محبتي بلاحدود

Post: #375
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 11:19 AM
Parent: #374

موسى الراجل
وعبيد الطيب
حرم صافية لبن
وكلنا حرم صافية لبن
قعدتنا السمحة دي مرات بتجيب الهوشة ومرات تجيب اللشغي
اها اكان الواحد جاتو لكزة من اخوي ليهو بالهزار ما اتحسس منها
حرم كلكم نواياكم سليمة سلامتن ما فيها طق كلو كلو
والله هو علام الغيوب

Post: #376
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 11:24 AM
Parent: #375

وعلي بالطلاق الديوان اقوم فيها لبعي حرم كلنا نعدم طفاي النار
الله اكفينا شر مدواسة الفرسان
خلاص قلنا صافية لبن آ ناس

Post: #377
Title: Re: ود شيقوق وودالبوش وود المنسي هام
Author: موسي الراجل
Date: 08-28-2014, 11:30 AM
Parent: #374

العبيد ود الطيب تانى سلام

لا والله ما قصدت ابدا الملامه
يا اخى انا البعتذر ان كان حسيت فى حستي شيتا اتحسست منه

واكرر عذرى و البساط بيناتنا اخضر دمبلاب سهله اجمع ودفره ام تيتل وحمارى السهله ام نمر
ويا مراحب

Post: #378
Title: Re: ود شيقوق وودالبوش وود المنسي هام
Author: عبيد الطيب
Date: 08-28-2014, 11:43 AM
Parent: #377

Quote: العبيد ود الطيب تانى سلام

لا والله ما قصدت ابدا الملامه
يا اخى انا البعتذر ان كان حسيت فى حستي شيتا اتحسست منه

واكرر عذرى و البساط بيناتنا اخضر دمبلاب سهله اجمع ودفره ام تيتل وحمارى السهله ام نمر
ويا مراحب

لك منّي الود والتحايا بطعم نوار السِّعات والأراك
ونفل القيصوم والصيليان والخافور وعرف أم قليلة، حبيبنا موسي الراجل

يا ودالبوش من سماحة استاذ الأجيال الأديب الأريب حسن نجيلة قال:
أحيانا يحمل قديد الصيد "شرموط بقر الوحش" الذي يأتيه هدايا في الجربان والصبية من اصدقاءه من ابناء
البادية القادمين من رحلة الجزو فقال احيا يملأ ويعبي جيبه من قديد الصيد واثناء ترحاله وهو علي ظهر جمله
إذا جاع يلتهم منه ثلاثة أو أربعة ويتبعها بكوب ماء ...
أنظر إلي هذا المعلم والإنسان النبيل............!
كتبت مداخلة طويلة عن قديد الصيد والإبل ولكنني لم أجدها ،

Post: #379
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 11:43 AM
Parent: #377

Quote: العبيد ود الطيب تانى سلام

لا والله ما قصدت ابدا الملامه
يا اخى انا البعتذر ان كان حسيت فى حستي شيتا اتحسست منه

واكرر عذرى و البساط بيناتنا اخضر دمبلاب سهله اجمع ودفره ام تيتل وحمارى السهله ام نمر
ويا مراحب

اياها المحرية
ياعوذ بالله الناس شبعت ونفسا حر وكل زول جر عكازو
خلاص اركبو حماركن اتراوحو من ضو اديتونا الليل يا البخات بالله
وعقب نتلاقا واتا يا موسى انا خابرك من يوم دفقت عبارك مع عمر ود الغرقان اصلك ما بتحمل الشبع هههههههههه

Post: #380
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 11:53 AM
Parent: #379

Quote: أحيانا يحمل قديد الصيد "شرموط بقر الوحش"

شرحتها اذن فخسيتها وودرت طمعا مني كلو كلو يا ود الطيب
ما قت ليكم كلامنا دا كان شرحوهو ببقي لاقي طعم ما ليهو زي ملاح بت علوبة الفركتو وابتو
.
.
لكن النصيحة يا عبيد الطيب اتا مسقف سقافة شديدة خلاس
مو زي انا والمسنوح بنلشغو ساهي مرات نكشحو ومرات نجيبو ملان

Post: #381
Title: Re: ود شيقوق وودالبوش وود المنسي هام
Author: عبيد الطيب
Date: 08-28-2014, 12:26 PM
Parent: #380

Quote: شرحتها اذن فخسيتها وودرت طمعا مني كلو كلو يا ود الطيب
ما قت ليكم كلامنا دا كان شرحوهو ببقي لاقي طعم ما ليهو زي ملاح بت علوبة الفركتو وابتو
.
.
لكن النصيحة يا عبيد الطيب اتا مسقف سقافة شديدة خلاس
مو زي انا والمسنوح بنلشغو ساهي مرات نكشحو ومرات نجيبو ملان

والله كلامك صاح الشرح بفسدو.... وبقفقدو طعمو ولبوختو.....
ملاح حبوبتنا بت علوبة دي بقي مشهور خلااس وحاتك مرق في أم بادر وحمرة الشيخ
إنت مسقف نااااااااامن زايد

Post: #382
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 12:34 PM
Parent: #381

Quote: ملاح حبوبتنا بت علوبة دي بقي مشهور خلااس وحاتك مرق في أم بادر وحمرة الشيخ

وحمرة الوز مالو ما وصلها يا ود الطيب ؟
الله كريم ورحيم
والجروح بتروح

Post: #383
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 12:34 PM
Parent: #381

الشرموط!
الوالد عليهو رحمة الله كان ببيعو في دكانو ... وفيهو دودة وحشرة جسمها ميت كدة
اها انا كنتو باكلو ني
قدر ما قرعوني منو ابيت
لحم عينسيت
لحم حلوغ
باكل بس
مالح وطاعم

Post: #384
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 12:41 PM
Parent: #383

خد شوفو ود النيدو في اول البوست قال شنو :
Quote: ها زول ود مدن
لبست الشارلستون واكلت اللكوم
لا شفت الدوكة ولا بعرف المعراكة
قالو
بتولعو البعر في الواطة العزازه لامن تهبد النار ,, تنفضو الرماد وتكتحو الدقيق وتدوهو اللبن وتاكلوها عصيدة لبن لا حله لا كانون
احمد الله بنولع البوتجاز بدون كسيريتا اتوماتيكيا
وبناكل الباسطه ولا بنلحس ورقتها

ودي الوكتي قال شنو :

Quote: الشرموط!
الوالد عليهو رحمة الله كان ببيعو في دكانو ... وفيهو دودة وحشرة جسمها ميت كدة
اها انا كنتو باكلو ني
قدر ما قرعوني منو ابيت
لحم عينسيت
لحم حلوغ
باكل بس
مالح وطاعم

والسلام عليكم ورحمة الله وبركاتو
محكمممممممممممممممممة
تعال يا القاضي ود شيقوق احكم براحتك

Post: #385
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 12:42 PM
Parent: #384

يا ود المنسي دخل المتهم دا كركون وامسك منو التلفون دا
لحدي النطق بالحكم

Post: #386
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 12:53 PM
Parent: #381

الشرموط!
الوالد عليهو رحمة الله كان ببيعو في دكانو ... وفيهو دودة وحشرة جسمها ميت كدة
اها انا كنتو باكلو ني
قدر ما قرعوني منو ابيت
لحم عينسيت
لحم حلوغ
باكل بس
مالح وطاعم

Post: #387
Title: Re: ود شيقوق وودالبوش وود المنسي هام
Author: عبدالله ود البوش
Date: 08-28-2014, 12:57 PM
Parent: #386

Quote: الشرموط!
الوالد عليهو رحمة الله كان ببيعو في دكانو ... وفيهو دودة وحشرة جسمها ميت كدة
اها انا كنتو باكلو ني
قدر ما قرعوني منو ابيت
لحم عينسيت
لحم حلوغ
باكل بس
مالح وطاعم

يا ود النسي اتا دخلت المتهم كركون وخليت تلفونو فاتح
اها بقى اكتب براهو
كسرو كسرو ياخ

Post: #388
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-28-2014, 01:42 PM
Parent: #387

ههههه
ولا ينفي هذا مدنيتي
ياخ انا بندراوي حتي النخاع
لكن البلد ضيقة

Post: #389
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-29-2014, 12:55 PM
Parent: #388

استاذ بشري وضيوفه
القارئ يضيف نصا موازيا للنص الاصلي . هذا حسب تجربتي كقارئ
مثلا اضاف المحترم البرنس للنص نصا يخصه . ثم اراد ان يطوع الاصل لنصه هو . وذلك حفه كقارئ
فمثلا يمكن ان تكون الحسنة ااسيئة كأنا سؤال محذوف ادواته . وذلك جائز لغة وكتابة
فصيحا ودارجا
يا ربي اختار شنو الاسود تالابيض
الاسود الابيض
فلا نسمع الا تردده

بمعني ان يظل النص بحاله .
.ولي قراءتي الموازية غير الملزمة لغيري
ان لا نثق بما نراه

Post: #390
Title: Re: ود شيقوق وودالبوش وود المنسي هام
Author: الطيب شيقوق
Date: 08-29-2014, 03:21 PM
Parent: #389

ود اب سن - البوش - المنسي

خلاص كملتوا العنكوليب بيتوا تاكلوا في الرقاب؟

Post: #391
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-29-2014, 03:52 PM
Parent: #390

الروقابة !
ايييك! والله ذاكرتك متقدة

Post: #392
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-29-2014, 03:58 PM
Parent: #391

Quote: Quote: بعد شوية جاتني فكرة اتلهمت المرة البتسوي الكوارع والموليتة والعتي - اها مشيت
مليت ليك صدري منها وجيت - لهل تتذكر قلت لي شنو ؟
مش قلت لي ياداب - يا ود شيقوق - مسكت المشهاد يلا كمل جمايلك؟

بتكون هسه نسيت جمايلي كوووووووووولها

البصل اب حلوق حليل معتوق
والمريسة ضوق ضوق حليييييييييييييييل معتوق

ههههههههههههههههه
نقطتها يا بخيت
يعني بتكون قطعت تذكرة سفرتو عمرة ؟
كمل مشهادك ينقلب عليك شهاد في محكمة

يا ودالبوش أهلنا بقولوا
الكجانة قوية...
البدور سجم أمو
اللجينا عَشية

Post: #393
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-29-2014, 04:32 PM
Parent: #392

Quote: البصل اب حلوق حليل معتوق
والمريسة ضوق ضوق حليييييييييييييييل معتوق

الجنى ساق خالو معا الحج الخال كان شوية مسنوح آها في بيت الله لقوا واحد أسيوي واقف ماسك
البيت ويبكي دموعو تدافر شو شو شو الولد قال لي خال حبا يلين قلبو شوف يا خالي الزوول دا كيف خاشع
وببكي
الخال قال يا ولد ديل ماكلين مال اليتيم وقطاعين طرق وكاتلين الروح نحن بس ياها مريستنا دي مابنسوي
شي كعب غيرا

Post: #394
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-29-2014, 04:58 PM
Parent: #393

Quote: مرة في واحدة عطست تش عطستا كدي تش قلت ليها يرحمك الله
قالت لي ميرسي

للأسف الكثرين يتنافسوا لتعلم خلائق ولغات الأخرين ( العجم )
لكن لا يجتهدوا في تعلم شرع الله لأداء فرضهم الحياتي ......
وللأسف

Post: #395
Title: Re: ود شيقوق وودالبوش وود المنسي هام
Author: اميرة السيد
Date: 08-29-2014, 07:55 PM
Parent: #394

نقطتها يا بخيت

,,,,,,,,,,,,,,,,,,,,,,,,,,,,,,,,,,,,,,,

اسمع النكتة دي من بسمات..
بعد ما بسمات قرت شوية من البوست( ما خلاص بقت قروية مدمنة بعدما كانت برجوازية) قالت عاوزة احكي ليكي نكتة عن الشيخ مصطفى الأمين
قلت ليها : المليونير؟؟ طبعا ما دام ساكنة في حلة المليونيرات جنب ناس الشيخ مصطفي الأمين حتكون نكاتك كمان برجوازية.. قاطعتني وقالت يا بنية بطلي اللماضة
واسمعي.. قلت ليها معقولة ياناس القصر العالي سلام ويا ناس البرج العالي سلام بيعرفو مصطلح اللماضة!!! والله ود بادي كان عرفك انت برجوازية كان قال ليكي
ما تسمعي قصائدي تاني....( هظارنا كتير.. عشان ننسى الام الغربة,, واسمعوا النكتة:
مرة في ناس اشتغلوا شغل في بيت الشيخ مصطفى الأمين وبعدما انتهى الشغل الشيخ مصطفى الأمين اداهم شيك يصرفو من البنك.. وهم ماشين للبنك واحد فيهم
عاين للشيك وقال: يا جماعة اقيفو .. الشيخ مصطفى نسى ينقط الشين في اسمه.. وقال نرجع ليه ينقط الشين ,, والثاني قال ليه معقلة نقطع المسافة دي كلها عشان
ينقط الشين,, ومسك القلم وبراهو قام نقط الشين, ولمن وصلو البنك .. موظف البنك عاين للشيك وقال ليهم الإمضاء دي مزورة وما امضاء الشيخ.. ورفض يصرف ليهم الشيك
ورجعوا للشيخ عشان يديهم شيك تاني... وكان عادة الشيخ مصطفى الأمين لمن يمضى الشيك ما بينقط الشين.. ولمن وصلوا البيت وشافهم الشيخ راجعين من بعيد قال للزول الشايل الشيك"
اوعكم تكون نقطت الشيك يا البخيت....!!
وطبعا معروف الشيخ مصطفى يكون عمل معاهم شكلة كبيرة ( والله يرحمه ويحسن اليه ويدخله جنات الفردوس الأعلى .. فقد سمعنا ، والعهدة عند الرواي ، بان
السلمابي والشيخ مصطفى الأمين كانوا يمنحون اعانات مالية بالدس إلى الطلاب الفقراء في جامعة الخرطوم...
وطبعا بسمات حكت النكتة دي لمن قرت الجملة الفوق دي"" نقطتها يا البخيت""
والله يديكم العافية

Post: #396
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-29-2014, 08:49 PM
Parent: #395

Quote: السلمابي والشيخ مصطفى الأمين كانوا يمنحون اعانات مالية بالدس إلى الطلاب الفقراء في جامعة الخرطوم...
وطبعا بسمات حكت النكتة دي لمن قرت الجملة الفوق دي"" نقطتها يا البخيت""

الأميرة أميرة هي بسمات بتقرأ البوستات دي ؟
كان كدا من الليلة تاني بستحمى وتعطر واقشر وأجي أكتب المداخلة هههههههه
بت عز .. وفي بلاد اليانكي تقرأ .. وصاحبة أميرة ..وإسمها ثمح سماحة ( بسمات )
تعرفي يا أميرة بسمات دي لو بي الصفات دي نزلت إنتخابات مع أبو ركبة بتفوز
وتقول كدا تعينك وزيرة خارجية وانا تعيني مهندس كيمائي في مصنع لاني ما لقيت شغل لما رجعت السودان
وقالوا لي أنت ما منظم هههههههه ما داير وزير ولا عربية بس وظيفة
ثمح .....
ود البوش ما يجي ناطي يطلب شئ
هههههههه أبوسن بنشتري لي اي فون جديد ويكون ما شغل صيني ههههههه
ود شيقوق 7 نـ ـعجات
الفاضلابي نصلح لي الموبايل وندي 150 دولار في يدو
هم ناس بسيطين وبرضو بي الساهلة وقنوعين

Post: #397
Title: Re: ود شيقوق وودالبوش وود المنسي هام
Author: الطيب شيقوق
Date: 08-30-2014, 07:13 AM
Parent: #396

بت السيد

اها طمئنينا على صحتك ما بقيتي طيبة؟

Quote:
فقد سمعنا ، والعهدة عند الرواي ، بان
السلمابي والشيخ مصطفى الأمين كانوا يمنحون اعانات مالية بالدس إلى الطلاب الفقراء في جامعة الخرطوم...

محمد احمد السلمابي - يا اميرة اختي - رجل عصامي كمحمد بن لادن

رجل فارع الطول وضاح المحيا باسم الثغر.. هكذا وصفه الكثير من مجالسيه ومعاصريه بالقضارف الغراء، وفي نهايات العقد الأول من القرن العشرين ولد محمد أحمد السلمابي في بيت تصوف وعلم ديني، فعلم ما يعلمه أقرأنه الصغار من مبادئ القراءة والكتابة والدين الحنيف. وتدرج السلمابي في مدارج العلم، فوصل مرحلة جيدة من المعرفة أهلته لمراسلة الصحف التي تصدر بالخرطوم. فكانت الرأي العام أولى الصحف التي كتب بها «رسالة القضارف» وخواطر خاصة في الأدب والسياسة.
وعمل لفترة قصيرة كاتباً بسوق المحاصيل بالقضارف، وأثناء الحرب الكونية الثانية عمل ما بين القضارف والقلابات في وظيفة كاتب متنقل. وثقف نفسه، وأضحى أحد قراء الصحف والمجلات العربية ومعروفاً لوكلاء الصحف والمجلات المصرية واللبنانية، فقرأ الرسالة لأحمد حسن الزيات والمقتطف لأبناء اليازجي.
وما أن حل عام 1950م حتى كان السلمابي أحد المثقفين السودانيين ممن يوثق برأيهم. وشكل عموده الرأسي بصحيفة «الرأي العام» حالة من الاهتمام وسط المثقفين والقراء لما فيه من عمق في التناول وقوة في المواجهة.

وحين تأسيس الصحف الحزبية في منتصف الخمسينيات أسس صحيفة «صوت السودان»، فكانت منارة من منارات الصحافة السودانية. فاستقطب عدداً من المثقفين أبرزهم: الدكاترة ــ عقيل أحمد عقيل ــ محيي الدين صابر ــ أحمد السيد حمد ــ توفيق البكري ــ حتى أطلق عليها صحيفة الدكاترة.
وطور قدراته العلمية والمعرفية في فترة وجيزة، فكان كثير الاطلاع والتدقيق والتلخيص لأية معلومة يقع عليها. ونما ماله وحباه الله رزقاً وفيراً، فلم ينس نفسه بسبب هذا المال المتدفق عليه، فوظف جزءاً كبيراً منه لأعمال البر والإحسان، فأسس عنابر المرضى في مستشفيات عطبرة ــ ود مدني ــ كسلا ــ والقضارف فسميت عنابر السلمابي. وأسس كذلك عدداً من المدارس بكل من كسلا والقضارف والأبيض.
وإزاء كل هذا النشاط الإنساني كان المال يتدفق عليه مدراراً، فكان خير عون للمعوزين والأرامل والأيتام دون منٍّ أو أذى، حتى أن معاصريه قالوا إنه حين عودته لمنزله كان الكثيرون ينتظرونه لقضاء حوائجهم، فكان لا يتبرم أو يتضايق من كل هذا.
وأسس مؤسسة السلمابي الخيرية التي اهتمت بتقديم العون والدعم في مجالي الصحة والتعليم وخلافه. وفي الخمسينيات والستينيات تعاون مع الإذاعة السودانية في تقديم شذرات من تجربته في الحياة، فكانت خير توثيق لحياته الثرة والممتلئة نفعاً ومحبةً للإنسانية. وفي مقتبل عام 1979م رحل إلى دار الخلود مخلفاً من حمل شعلة الإنسانية بعده وهي الدكتورة امتثال السلمابي، فكانت خير خلف لخير سلف.

تخريمة

عفصتيني في بوست عائلة بن لاند لكن ليك يوم بتسدى فيك

Post: #398
Title: Re: ود شيقوق وودالبوش وود المنسي هام
Author: اميرة السيد
Date: 08-30-2014, 08:57 AM
Parent: #397

عزيزي ود شيقوق
كتر خيرك على هذه النبذة الوافية عن السلمابي واول مرة نعرف
عنه هذه المعلومات..واذا كان اغنياء البلد كانوا زيه ما كان حيكون
في فقير في السودان..

تخريمة
ان شاء الله اليعفصك ما يعيش...
والله يديك الصحة والعافية

Post: #399
Title: Re: ود شيقوق وودالبوش وود المنسي هام
Author: الطيب شيقوق
Date: 08-30-2014, 12:49 PM
Parent: #398

Quote: ود شيقوق 7 نـ ـعجات

كتر خيرك الفيك اتعرفت طاب

بت السيد

يا زولة اقدلي ساي ولا يهمك انا جاييك تاني وتاني في أروع رواية عن اسرة بن لادن

Post: #400
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-30-2014, 01:09 PM
Parent: #399

آي فون ?
الفيك انعرفت طاب
ما تخلها ترسل لي معاهو صندوق حلاوي امريكاني
صاحبن لي ,,, عندو خالو بتاع شبك ,,,
لو لقاك مشاكل زول وبعرفك ,,, يقول ليك بتضمني ?
لو ابيت
يقول ليك
بتجيب لي سندوتش في الحراسة
ويقول ليك
خليك بعيد
عليك امان الله اي شكلة ليهو هو في الحراسة وديلك في الاسبتالية

Post: #401
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-30-2014, 02:03 PM
Parent: #400

Quote: مرة في ناس اشتغلوا شغل في بيت الشيخ مصطفى الأمين وبعدما انتهى الشغل الشيخ مصطفى الأمين
اداهم شيك يصرفو من البنك.. وهم ماشين للبنك واحد فيهم
عاين للشيك وقال: يا جماعة اقيفو .. الشيخ مصطفى نسى ينقط الشين في اسمه..
وقال نرجع ليه ينقط الشين ,, والثاني قال ليه معقلة نقطع المسافة دي كلها عشان
ينقط الشين,, ومسك القلم وبراهو قام نقط الشين, ولمن وصلو البنك ..
موظف البنك عاين للشيك وقال ليهم الإمضاء دي مزورة وما امضاء الشيخ.. ورفض يصرف ليهم الشيك
ورجعوا للشيخ عشان يديهم شيك تاني... وكان عادة الشيخ مصطفى الأمين
لمن يمضى الشيك ما بينقط الشين.. ولمن وصلوا البيت وشافهم الشيخ راجعين من بعيد قال للزول الشايل الشيك"

اي بالحيل القصة دي حصلت ومشهورة عنه
الشيخ مصطفى اللمين من منطقة المتمة غرب شندي
ويا حليل ربوع شندي
بلد الجمال عندي
الفيها نما فني
ومن المتمة آمان

Post: #402
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-30-2014, 02:07 PM
Parent: #401

Quote: آي فون ?
الفيك انعرفت طاب
ما تخلها ترسل لي معاهو صندوق حلاوي امريكاني
صاحبن لي ,,, عندو خالو بتاع شبك ,,,
لو لقاك مشاكل زول وبعرفك ,,, يقول ليك بتضمني ?
لو ابيت
يقول ليك
بتجيب لي سندوتش في الحراسة
ويقول ليك
خليك بعيد
عليك امان الله اي شكلة ليهو هو في الحراسة وديلك في الاسبتالية

ههههههههههههههههههه
خلاص بنخليها تعينك وزير للثروة السمكية أو النقل النهري
لكن تاني النقل تمش بي وين بعدما فصلوا الجنوب
إلا تتلاهم بي البردانـــة

ههههههههههههههههههه
وهييييييييع والله زولك خال صاحبك بس بازل ضراعو

Post: #403
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-30-2014, 07:27 PM
Parent: #402

زمن التموين
الجاز سوق اسود .وبترحل بالقطر. اها الناس بسرقو الجاز وبجو متخارجبن . العسكري لو قبضك تغمت ليهو
واحد سارق ليهو صفيحة جاز وجاي مارق لاقاهو عسكري وغمت ليهو . مشي قدام لاقاهو واحد تاني
تعال يا زول ماشي وين
عمنا طوالي بغ بغ كب الصفيجة في راسو
وقال للعسكري اديني كبريتة
العسكري انخلع
يا زول انت مجنون
اديني كبريتة خليني اولعها في نفسي
نسرق ليكم نحن

Post: #404
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-30-2014, 07:58 PM
Parent: #403

Quote: تعال يا زول ماشي وين
عمنا طوالي بغ بغ كب الصفيجة في راسو
وقال للعسكري اديني كبريتة
العسكري انخلع
يا زول انت مجنون
اديني كبريتة خليني اولعها في نفسي
نسرق ليكم نحن

ههههههههههه
الشي شنو جباية كل نقطة عاوزين ياخدو منو

Post: #405
Title: Re: ود شيقوق وودالبوش وود المنسي هام
Author: الطيب شيقوق
Date: 08-30-2014, 08:00 PM
Parent: #403

Quote: عمنا طوالي بغ بغ كب الصفيجة في راسو
وقال للعسكري اديني كبريتة

هههههههههههههههههههههههههههههههه الليلة ود اب سن حرررررم ما براك

Post: #406
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-31-2014, 02:57 AM
Parent: #405

ههههههه
كبس الهم علي
والحال قبض يا السيد
غبنا في كج وتادو
وجمبي معيد
ما جنا تجيي سلسل جنازر وتقيد
بلا غيبوبة البلد النصيح ومصيد
كما قال القدال
البال مشغول واستعنا عليه بالكتابة
ستدخل اليوم زوجتي غرفة العمليات للولادة
ارجو دعاءكم

Post: #407
Title: Re: ود شيقوق وودالبوش وود المنسي هام
Author: الطيب شيقوق
Date: 08-31-2014, 06:46 AM
Parent: #406

اب سن

ربنا يحلها بالعافية والسلامة يا رب

Post: #408
Title: Re: ود شيقوق وودالبوش وود المنسي هام
Author: اميرة السيد
Date: 08-31-2014, 06:49 AM
Parent: #406

ود ابسن
الله يخزي شيطان عقلك ..نكتة العسكري والحرامي الداير يولع في نفسه ..مباااالغة
كتر خيركم تطلعونا من جو الغربة القساية لجو البلد الرضاية

ودعواتنا لزوجتك بالسلامة تن شاء الله ..ومن هسع نقول مبروك وان شاء الله المولود
يتربى في عزكم،سواء ولد او بنت، ويكون قرة عين لكم..
وبعدين ما تقلق. لان حبوباتنا زمان ما كانن بعرفن مستشفى وتلقى الواحدة ماشة في الخلاء
وبترعى غنمها ويجيها المخاض وتلد بدون مساعدة دكتور..
شوف الولادة زمان كانت ساهلة كيفن...هسع مع الزمن القمئ ده اي حاجة بقت صعبة..
والله يديكم الصحة والعةفية

Post: #409
Title: Re: ود شيقوق وودالبوش وود المنسي هام
Author: اسامه العريفي
Date: 08-31-2014, 06:51 AM
Parent: #406

اخونا ابو سن
ربنا يرزقكم بالذرية الصالحة
ويحل الزوجة بعاجل الشفاء

ودالعريفي

Post: #410
Title: Re: ود شيقوق وودالبوش وود المنسي هام
Author: عبدالله ود البوش
Date: 08-31-2014, 07:08 AM
Parent: #409

بالعافية والسلامة يا ود اب سن
ربنا احلها بالعافية والسلامة هي ومولودها
ومبروك المولود مقدما
قلوبنا ودعواتنا معكم

Post: #411
Title: Re: ود شيقوق وودالبوش وود المنسي هام
Author: جعفر محي الدين
Date: 08-31-2014, 07:49 AM
Parent: #410

وأنا أقول جنى ناس أبسن دا مالو بهضرب كدي
ربنا يحل المدام بالسلامة وتفرح بمولودك ويبارك ليك ربنا فيه
ويحفظ ليك وليداتك وأمهم ويديك طولة العمر تربيهم وتحاحيهم

عندي اقتراح يا جماعة
ما دام البوست دا مخصص للهجات ولكنات ولغات أهلنا في بوادي السودان المختلفة
ليه ما نحاول نشوف القواسم المشتركة بين كلام البوادي في جميع أقاليم السودان
ونحاول نتلمس كمان الفروق بين كل بادية والتانية
وهل يمكن لذوي الفراسة تحديد ديار ضيفه من خلال حديثه
وهل للمزارعين دارجة تختلف عن الرعاة
وهل وهل وهل

أكيد يوجد هنا من هم لهم باع طويل في هذا الدرب والضرب من اللغة

Post: #412
Title: Re: ود شيقوق وودالبوش وود المنسي هام
Author: الطيب شيقوق
Date: 08-31-2014, 07:57 AM
Parent: #411

Quote: ما دام البوست دا مخصص للهجات ولكنات ولغات أهلنا في بوادي السودان المختلفة
ليه ما نحاول نشوف القواسم المشتركة بين كلام البوادي في جميع أقاليم السودان
ونحاول نتلمس كمان الفروق بين كل بادية والتانية

نبصم بالعشرة يا ود عمي محي الدين

انت دويحي ولا سليمي ولا حساني ولا شانخابي ولا كاهلي؟

اغلب الظن من فصاحة لسانك دي كاهلي عدييل وما اظنك من الجعافرة

دا للتعارف بس ما يجي واحد ناطي يقول انت عنصري

Post: #413
Title: Re: ود شيقوق وودالبوش وود المنسي هام
Author: اميرة السيد
Date: 08-31-2014, 08:51 AM
Parent: #412

والله اقتراح جعفر اقتراح جميل ..وانا متاكدة ان ذو الفراسة
ممكن يعرف. منطقة المتحدث من نوعية المفردات البتكلم بيها
وهسع يا شيقوق انا بقول ليك ان جعفر ده من اسمه من الجعافرة(وش ضاحك)
لكنت انت من اسمك(الطيب) تكون كواهلي عشان هم بستخدموا
اسم الطيب كتير واساسا هم طيبين وفي كواهلة كتيرين ساكنين
الجزيرة
والله يديك العافية

Post: #414
Title: Re: ود شيقوق وودالبوش وود المنسي هام
Author: جعفر محي الدين
Date: 08-31-2014, 08:52 AM
Parent: #412

والله يا الطيب أخوي سؤالك دايرلو قعدة
Quote: اغلب الظن من فصاحة لسانك دي كاهلي عدييل وما اظنك من الجعافرة

طبعا فراستك لا يعلى عليها
نحن صغار أبوي كان بنادينا هوي يا الكواهلة
عشان أمي أمها كاهلية من الجزيرة وأبوها جعلي
وأنا تربيت حتى سن المدرسة وسط أهل أمي في حواشات الجزيرة
لكن من الوالد فنحن جعليين تربينا وقمنا وسط أهلنا الحسانية في قرى بحر أبيض
وما تشوف الفصاحة دي ما عندي أي علاقة بالبادية
لكن أجد نفسي في مفرداتها وعاداتها
وأتاح لنا عمل الوالد في التجارة بسوق أمدرمان الكبير في شارع الزريبة
الالتقاء والاستماع لعديد الألسنة من عرب شندي وناس حمرة الشيخ وأمبادر
وأصحاب معامل الجبنة في جنوب وغرب الدويم

Post: #415
Title: Re: ود شيقوق وودالبوش وود المنسي هام
Author: جمال ود القوز
Date: 08-31-2014, 09:01 AM
Parent: #414

بالسلامه ود أبسن ..
وجعل الله المولود من الصالحين البارين ..

Post: #416
Title: Re: ود شيقوق وودالبوش وود المنسي هام
Author: عبيد الطيب
Date: 08-31-2014, 09:09 AM
Parent: #415

Quote: بالسلامه ود أبسن ..
وجعل الله المولود من الصالحين البارين ..

آآآآآآآآميييييين يارب العالمين

Post: #417
Title: Re: ود شيقوق وودالبوش وود المنسي هام
Author: جعفر محي الدين
Date: 08-31-2014, 09:16 AM
Parent: #416

مبروك المولود أخي عبد الحفيظ
وإن شاء الله من الصالحين الخادمين لدينهم ووطنهم

Post: #418
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-31-2014, 01:43 PM
Parent: #417

Quote: كبس الهم علي
والحال قبض يا السيد
غبنا في كج وتادو
وجمبي معيد
ما جنا تجيي سلسل جنازر وتقيد
بلا غيبوبة البلد النصيح ومصيد
كما قال القدال
البال مشغول واستعنا عليه بالكتابة
ستدخل اليوم زوجتي غرفة العمليات للولادة
ارجو دعاءكم

ربنا يزيل الهم وتنحل بي السلامة
ومقدماً مبروك أخي عبدالحفيض
ولداً أم بنت
وإن شاء الله بنت البنت لي أبوها في كِبره وكتر منهن
هههههههههههههه
تحياتي ومودتي

Post: #419
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-31-2014, 01:53 PM
Parent: #418

ياجماعة واحد يرمي لينا رقم موبايل المسنوح ابوسن
بدور أتصل بي عشان أكون طالبو ضربة

وأقترح ان يدلي كل فرد برقم تلفونه
رقم تلفوني 00971501546277
في السودان 00249912296208

Post: #420
Title: Re: ود شيقوق وودالبوش وود المنسي هام
Author: الطيب شيقوق
Date: 08-31-2014, 04:31 PM
Parent: #419

باركنا في بوست ود البوش

لكن لانو ما بعيد يكبر يكون مانجل قلنا نرددها هنا تاني

بالسلامه ود أبسن ..
وجعل الله المولود من الصالحين البارين ..

Post: #421
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-31-2014, 06:50 PM
Parent: #420

Quote: باركنا في بوست ود البوش

لكن لانو ما بعيد يكبر يكون مانجل قلنا نرددها هنا تاني

بالسلامه ود أبسن ..
وجعل الله المولود من الصالحين البارين

أصلك ما تفوتني
ألف مبروك الحبيب ابوسن ( عبدالحفيض )
وربنا يجعله من الأبناء الصالحين إن شاء الله
وإن شاء خيراً كتير يجي معا يارب
ونهديك أنت وام الوليد هذا اللحن

Post: #422
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-31-2014, 07:14 PM
Parent: #421

00249912925915
رقمي
تمت الولادة في مستوصف ابن النفيس الراقي والمكيف والنظيف ب ربك ,, بإعتبار ان الدكتور علا الدين جاد الله من افضل اخصائي النساء بالولاية
دة ما الموضوع الداير اشير ليهو
انجبت زوجتي وتمت المباركات من الاهل الذين ملأوا ساحة المستوصف الخارجية نساءا ورجالا ,,
مبروك ألف مبروك
وعجبنا ليكم
بأصوات فرحة هادئة صباحا
وعصرا
امتلأ المستوصف بزغاريد سودانية غامرة تردد صداها بين جدران المستوصف ,,,, جاوبتها زغاريد من النساء المتفرجخات في حرم المستوصف بالشارع ويتعن لأهل المولودة
فكانت سيمفونية سودانية استمرت دقائقا حلوة
وفرحت
وانبسطت
وقمت للرجال مباركا وهزيت فوق العوين
المتلي انا بقولو ليهو
عجبني ليك
هذا هو السودان الذين نحاول نحن انفسنا دثره

Post: #423
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 08-31-2014, 07:37 PM
Parent: #422

Quote: وقمت للرجال مباركا وهزيت فوق العوين
المتلي انا بقولو ليهو
عجبني ليك
هذا هو السودان الذين نحاول نحن انفسنا دثره

الف ألف ألف مروك يا سيدي

Post: #424
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-31-2014, 08:00 PM
Parent: #423

لا ياخ
الفكرة اننا ساعين لنفقد تلقائيتنا في سببل التمدن

Post: #425
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-31-2014, 08:00 PM
Parent: #423

لا ياخ
الفكرة اننا ساعين لنفقد تلقائيتنا في سببل التمدن

Post: #426
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 08-31-2014, 08:04 PM
Parent: #423

لا ياخ
الفكرة اننا ساعين لنفقد تلقائيتنا في سببل التمدن

Post: #427
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-01-2014, 07:48 PM
Parent: #426

لحين ميسرة وليد ابوسن
يكبر يرجع لينا أبو

Post: #428
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-01-2014, 08:05 PM
Parent: #427

ههههه
ود المنسي ضرب لي وقال لي طالبك ضربة وسواها لي كلها نضمي في ودشبقوق وود البوش.تطير عيشتي المسانيج ديل مبارني محل محل
اها اهلنا زمان المرة البتتعسر في الولادة . بشربوها موية غسبل كرعين راجلها
واحدة من اهلنا اتعسرت. وكلمو واحدتن رفلة تمشي تغسل كرعين راجلها
الزول متدلي من الجنانين غسلت ليك كرعينو بي خبوبن و######ن وسقنو لي المرة . قالو مفروض تغسل كرعينو بالصابون والليفة اول. حتي تغسلن للمحاية
المرة شربت بي هنا وطرشت بي هنا
لكن انحلت

Post: #429
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-01-2014, 08:25 PM
Parent: #428

Quote: اها اهلنا زمان المرة البتتعسر في الولادة . بشربوها موية غسبل كرعين راجلها
واحدة من اهلنا اتعسرت. وكلمو واحدتن رفلة تمشي تغسل كرعين راجلها
الزول متدلي من الجنانين غسلت ليك كرعينو بي خبوبن و######ن وسقنو لي المرة .
قالو مفروض تغسل كرعينو بالصابون والليفة اول. حتي تغسلن للمحاية
المرة شربت بي هنا وطرشت بي هنا
لكن انحلت

ههههههههههههه
اي بالحيل تحدثت عن ود البوش
لكن ود شيقوق لما أتذكر اسمو بقول محمد جانا ما تغشانا
هههههههههههههههههه
شيقوق شنو البطرى أطراني الله بي حجة لبيتو لكن ود شيقوق ما بطرى

Post: #430
Title: Re: ود شيقوق وودالبوش وود المنسي هام
Author: الطيب شيقوق
Date: 09-01-2014, 08:40 PM
Parent: #429

Quote: شيقوق شنو البطرى أطراني الله بي حجة لبيتو لكن ود شيقوق ما بطرى

انا عارفك - يا سجم الرماد - كاتلاك زهور بت عمسيب

عليك النبي يا بت عمسيب جيبي ليهو قروانة ورود كبيها ليهو في راسو الزي سرج العجلة خليهو يختاني ساي

Post: #431
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 07:15 AM
Parent: #430

عمنا جا مهييم من الزراعة والنهار قايلة
لقا ملاح لوبا في الببت. كب ليهو زيت السمسم وكرب فيهو كربة تمام لامن وغر . والزير بارد في الكشاشة اتملا موية . ويشرب والبطن تجلبغ والحلق ناشف
اتنفخ بقا قربة . وغلبتو القومة والنفس مجابدة
البحر قريب . خموهو في كارو وودوهو البحر . وبحر ازرق رملة . دفنوهو في الرملة وملو الرملة موية
لل العصر زولنا انفشا
قال
علي بالطلاق تاني ما آكل لوبا
ولو اكلتها ما اكب فيها زيت
ولو كبيت فيها زيت ما اشرب عليها موية
ولو شربت عليها موية اشرب فوقا جردقة

Post: #432
Title: Re: ود شيقوق وودالبوش وود المنسي هام
Author: جعفر محي الدين
Date: 09-02-2014, 07:29 AM
Parent: #431

أضحك الله سنك يا أبو سن والله ضحكت لمن اتذكرت الضحك ذاتو

Quote: علي بالطلاق تاني ما آكل لوبا
ولو اكلتها ما اكب فيها زيت
ولو كبيت فيها زيت ما اشرب عليها موية
ولو شربت عليها موية اشرب فوقا جردقة

واتذكرت قصة العربي الجاي الخرتوم أول مرة
ونزلوا اللوري جنب بوستة أم درمان ولفح مخلايتو في كتفوا وداير يقطع الشارع
العربات ما تديك الدرب شي لواري (هواستن وسفنجات) وشي هينو وشي فيات
كل ما يقدم كراع عشان يقطع الشارع تجي عربيتن طايرة
يتر لوراء ويقول الغزاللل
أها جاءت فيه عربية صغيرة عمك قمز لوراء وقال
الغزيزيلللل

Post: #433
Title: Re: ود شيقوق وودالبوش وود المنسي هام
Author: الطيب شيقوق
Date: 09-02-2014, 09:39 AM
Parent: #432

Quote: علي بالطلاق تاني ما آكل لوبا
ولو اكلتها ما اكب فيها زيت
ولو كبيت فيها زيت ما اشرب عليها موية
ولو شربت عليها موية اشرب فوقا جردقة

هههههها مسنووووووح تكون نجرتها من رويسك دا

والله ناوي اتصل ابارك ليك لكن شفقان عليك من تردم الديون فيك

Post: #434
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 11:52 AM
Parent: #433

هههههههه
جعفر
ما تكيسي شن بسويلك

Post: #435
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 12:16 PM
Parent: #434

هههههه
اضرب ساي
الدين في الكتوف والاصل معروف
اضرب بتورد ونجازيك
ودالبوش طالبو انا
الزول دة افزعوهو و اتروهو

Post: #436
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 02:19 PM
Parent: #435

Quote: علي بالطلاق تاني ما آكل لوبا
ولو اكلتها ما اكب فيها زيت
ولو كبيت فيها زيت ما اشرب عليها موية
ولو شربت عليها موية اشرب فوقا جردقة

ذكرتني حكاوي الهادي ود إبراهيم الكابتن ( للكابتن دي قصة حلوة سوف احكيها لك )
الهادي قال لي يوم جيت البيت لقيت أمي تعوس وجنبها حلة كبيرة ( ملاح بربور )
قال أمو ترمي لي سنسنة سنسنة ( اي حرف كسرة السنسنة ) وتملح لي بالملاح ويأكل
ويأكل دفسا تب لما غلبو النفس
قال لي والله من السبعة لآمن بكيت حتى أتفشيت ههههههههه

Post: #437
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 02:33 PM
Parent: #436

الهادي قصتو مع الكابتن
اساساً هو مزارع ود مزراع لكن تمرد علي الزراعة
وقال إلا ينكتب عسكر وكانت عادة أهلنا لما يشردوا من أهلهم عشان يشتغلوا في الجيش
أو البوليس ما بتعينو في منطقة شندي لأنو بجيبهم راجعين أهلهم
بمشوا أما الفاشر او كسلا
الهادي أتعين بوليس في الفاشر وبعدها نقلوا شندي موطنه جا لي أهلو بالكاكي الما خمج
زغردن أخواتو زينة الهادي زينة الهادي
أها يوم جا وزير زيارة للحاكم في شندي بطائرة هليوكبتر نزلت الطائرة في الخلاء وكان الحاكم في أستقبالهم
وقائد المنطقة وقائد الشرطة وجابوا معاهم الهادي عشان يحرس الطائرة الشفع مايجو يلعبو فيها
ذهب الوفد لشندي
إنت يا الهادي اطلع في الطيارة ينجم من قهنوبة الشمس لقى الحكاية حلوة بقى يهبش لما هبش دقمة حمرا
ور ور ور ور المروحة بتاعت الطيارة اشتغلت زول نزل وفتح جاري لما وصل شندي للوفد في منزلهم وقال ليهم
ها ناس ألحقوا طيارتكم دي دايرا تقوم
جاء الكابتن بتاع الطيارة وأوقف المروحة لكن الهادي كان مصيره محكمة حكمت عليه أن يبقى عسكري بدون ترقية
طيلة حياته في البوليس ( من يومها أطلق عليه أسم الكابتن )
وفعلاً كان ظلَّ الهادي عسكري بدون شريط حياته كلها في سنة 1988 ايام الفيضانات كان مشرع شندي انكسرت سقالة البنطون
ووقع الكثير من البشر في البحر وكان الهادي بين الموجودين أنقذ ثلاثة مرأتين وطفل
رقوا في البوليس أدو شريط
بعدها أنا مشيت المجر في عطلة وأنا في شندي قابلت الهادي لابس رسمي ولسة بي شريط واحد
مزحت معه وقلت لي الشريط دا ما زاد
قال لي : الشريط دا ضكر ما بلد
هههههههههههههههه

Post: #438
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 02:36 PM
Parent: #437

الهادي ( الكابتن )
بنت بتو صغيرة دخلوها المدرسة
أدوهم أسماء الله الحسنى
لما تجي في الاسم لله ( الهادي )
بتقول الكبتنو مابتقول الهادي

Post: #439
Title: Re: ود شيقوق وودالبوش وود المنسي هام
Author: اميرة السيد
Date: 09-02-2014, 02:41 PM
Parent: #437

والله ناوي اتصل ابارك ليك لكن شفقان عليك من تردم الديون فيك

...................

انت بس عاوز ليك حجة عشان ما تتصل!!!!!
ما دام انت المتصل حيكون عنده ديون كيفن ؟؟لأنه استقبال المكالمات مجان في الجوال... بس كمان ما تقولوا لي حتى الاستقبال برسوم..كان كدى ما تتصل
والله يديكم العافية والصحة

Post: #440
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 02:50 PM
Parent: #439

Quote: انت بس عاوز ليك حجة عشان ما تتصل!!!!!
ما دام انت المتصل حيكون عنده ديون كيفن ؟؟لأنه استقبال المكالمات مجان في الجوال...
بس كمان ما تقولوا لي حتى الاستقبال برسوم..كان كدى ما تتصل
والله يديكم العافية والصحة

لا ما كدي يا الأميرة
أنت ما سمعتي قصة قريب ودالبوش
قال ود البوش قريبو في جده كلما يتصل بي زول يطلع النوتة حقتو ويسجل فيها طالبو ضربة
طالبو ضربتين
طالبو تلاتا ضربات

Post: #441
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 03:52 PM
Parent: #439

ههههههه
اميرة دي ودوها الضل
تختف الكلام من نصو
يعني اضرب لي يكون طالبني اضرب ليهو
النسوان مش بقولن
الدنيا سداية ورضاية
المسبنيح
بجبك بي قصص كابتن كوستي

Post: #442
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 05:17 PM
Parent: #441

وانتي يا الاميرة بت الامير
مالك ما بتضربي تحرشي بس .. ما تقولي لي كمان ما بتصافحي
اضربي وتكوني طااباني مع التذكير 10 دقايق منك تكوني طالباني دقيقة واحدة . دة حسابنا كدة
هوي
وين ود االبوش

Post: #443
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 05:30 PM
Parent: #442

عمنا الكابتن رجل محبوب و طرفة .
مرة راكب عجلتو وقفها برة ودخل قفة الملاح وجا مارق ما اخد دقيقة . لقا العجلة مافي
قال ليهم
والله الحرامي دة اand#65275; اكون كنت رادفو

Post: #444
Title: Re: ود شيقوق وودالبوش وود المنسي هام
Author: اميرة السيد
Date: 09-02-2014, 05:31 PM
Parent: #442

طيب انا حاضرب ليك التلفون.. بس ما دام انت عملتها بالحساب.. فنحن بنضرب تلفونات السودان بكروت بنشتريها
من السوق والكرت الثمنه دولارين بدينا 20 دقيقة للسودان ومش بس 10 دقائق .وانت تقوم تدي الدولارين لبنت خالتي
واسمها سلافة وهي من مواطنات كوستي ودائما بتقرأ مواضيعكم...( وجه ضاحك)..

وبعدين عندي سؤال شخصي.. هسع اذا في بت ضربت ليك تلفون والست المدام رفعت السماعة حتقول ليها شنو .. وهي
ما بتغير عليك ؟؟( وجه ضاحك),,, إلا اذا كانت بدوية قروية فإنها ستأخذ الأمر بالنية السليمة ..
يا ود المنسي عليك الله نزل لينا نشيد اسمه القروية .. ومطلعه بيقولن فيها البنات" بتين اشوف الخرطوم....
والله يديكم الصحة والعافية

Post: #445
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 05:56 PM
Parent: #444

ههههه اضربي ساي
والله جنس حساب
دي منو ... ساكنة وين... عمرها كم... معرسة وand#65275; فتية .... بتعرفها من وين
اخوك عندو منتدي كوستي وتفرع منو قروب الواتس وفيهو بنات .. وحاتك البتضرب لي كلها بقشها في كوستي
معرسها وعندها 6 اولاد وبرة السودان
وهي حفاظة وانا بدقس
دي قبل كدة ما قلت في امريكا
بتخارج
كانت لكن راجلها جا الرياض
قلت ليها مالك بتسألي يوم سألتك
ودة امر ثقة وكبيت جنس منطق يقنع اي زول ويخليها تخليني اعرعر بي راحتي
بعد انتهيت وانا فخور بخطبتي
قال لي
يعني هسة خand#65275;س اقنعتني
والله اتصنت ليك واعاين ليك بي قد الباب وافتش تلفونك واسألك
جني و جن مسخرة الرجال المعرسين
ف لو ضربتي
وحاتك اطلع عمرك 60 ومعرسة وعندك 7 شفع بس ذكريني ما ادقس بعد زمن لو ضربتي

Post: #446
Title: Re: ود شيقوق وودالبوش وود المنسي هام
Author: اميرة السيد
Date: 09-02-2014, 06:12 PM
Parent: #445

والله يا ود ابو سن انت صريح صراحة.. مبااااالغة لكن.. يا ريت كان لقيت لي عريس صريح زيك كده ..( وجه ضاحك)..
والله يديك العافية ويخليك لأولادك

Post: #447
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-02-2014, 07:37 PM
Parent: #446

بت السيد الله يديك قدر نيتك ويغطي عليك ويكفيك شر اولاد وبنات السؤ
تعرفي نسوانا ديل مستحملات بلا .
الصراحة جيدة لكن ما طوالي . بعض المجاملات بين اand#65275;زواج مرغوبة وبعض الدس
انا مشهور ب قانون
امرأة واحدة ل رجل واحد
موحد يعني
لا بعرس تاني
ولا بطلق
ولو
طلقت بكون نهائي

Post: #448
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 08:22 PM
Parent: #447

Quote: يا ود المنسي عليك الله نزل لينا نشيد اسمه القروية ..
ومطلعه بيقولن فيها البنات" بتين اشوف الخرطوم....

طلباتك أوامر يا نحـــلة حطت على زهور بت عمسيب ترشف منها رحيق
تطرحه علينا شهداً يبا

Post: #449
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 08:36 PM
Parent: #448

يا أختي أميرة يا أخوي ابوسن كدي خلونا من حكاية التلفون دي
التلفون ورطتو هينة
أخوكم مورط لي هامة راسو
للمرة الثانية أضيع دبلة العرس
المرة الأولى زروني فيها زرة السواد لأاني كنت في أجازة في السودان وراحت مني
قامت أم أحمد اشترت لي واحدة تاني ( بتاعت فضة مي خمج من البحرين ومرصعة بأحجار صغيرة )
اها ليها يومين ما لاقيها غتستوين ماعارف قلبت البيت فوق تحت وتحت خشم البقرة فتحتو وفتشتو
يا دبلة السواد غتستي
شن اسوو
آه أنا جنيت وقتا هوووو
بصروني سن اسووو
وشن اقول
زيها لو قلبت الواطا ما بلقى لي يومين حايم في أسواق الدهب والفضة ما وقعت في عيني
اشترينها سنة 2003 اظنها بقت موضة قديمة وخلوها هههههه اسوي شنو اجيب لي سندالة واقعد ادق لي واحدة
المشكلة كيف اصوفها للهندي عشان اسوي لي واحدة زيها
وكيف الدبارة دحين
هسي بس قاعد أغني عليها زي ودالبادية صلاح

Post: #450
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-02-2014, 09:26 PM
Parent: #449

الليلة في أبـ ياقوت
خاتمي الجنن البنوت
حقيقة والحق يقال الخاتم التاني ( البحريني ) كان سمح فضة ومرصعة زي الحصى في حيطة الزبالة يا أبوسن
سماحة رصعة أريتها في ضهرك لكن رصعة محنة
يس دبورني كيف الدبارة

يا خاتمي الوصل مغلوت
جاي لعاشق البنوت
النقشك يعيش مايموت
في تفنينو سوا الفوت

قطع شك النقش خاتمي دا هسي كان مشيت بحت لي المنامة ( البحرين ) فوق تحت ما بلقى
هندي عجوز كان قطع شك يا مات يا رجع يقضي باقي ايامو مع وليداتو في الهند
وحيرني وخلاني فاقد الدبارة

خاتمي الماخدو دابو جديد
وراح ما إستنى يوم العيد
النقشك نبيه مو بليد
يا ظرفو البخيل في الإيد

بس خاتمي أنا من سنة 2003 والوكرة الأكبر إنو التاني يروح

دا عاشقي الفي قرينو كِتل
مدبور زندولّو حِجل
حظي الخاتمي مني ودر
بشارتو جنيه كرامتو عجل

بشارتو 1000 درهم وكرامتو عجل كن أعلن وين اريتم الهنود لو بقرو قولي دا اكيد قطع ك وقع في يد هندي
هم هنا كتار زي نمل الرتيلا في النجيلة

قول لي الدايمن طربان
خاتم المنسي راح ودران
وين يا رسالة أم درمان
دا راح في نجيلة عجمان
المصيبة انا ماني عارف راح مني وين وما بذكر اخر مرة ملصتو وين
مشكلتي ما بعرف انوم بي بالليل بمرقو ومرات الصباح بكسل ألبسو لما أكون طالع
مستعجل بختو في جيبي أخخخخ ماعارف وقع وين

ناس ود العدامة لقو
غالي تمنو ما فهمو
شو بي فد ريــال صرفو
تمنو زوجوبو ابو
يا ابو سن ناس ود العدامة ديل الشماشة لقو في نجيلة الحيضان وجري مشو ودوا الصاغة
بي ريـال باعوا ... انا خاتمي الهندي شديد بكون عارف تمنو

وين الليلة متمسي
دا الكرهني في نفسي
الما بعزيني في خاتمي
لي بكا ابوهو ما بمشي

لا أقول كما قال الشاعر
لكن بقول الما بعزيني في خاتمي قاطعة بيني وبينو وما عزاء كتابة في البوست
الداير يكتب يرسل تلغراف بنقبلو والكلام موجه ليك يا ابوسن وانا طالبك ضربة
ههههههههه ولا عذر حتى لنا بسمات وقريبة أميرة المتابعة البوست وساكنة كوستي
وماتقول لي ما شفت الكلام دا ( يا عبدالقادر ) انت جوة في المعمعة
التعميم بالأحمر يعني الأعمى بشوفو

من يوم راح أنا فراش علي بكى عديل وبستقبل العزاء
خاتمي عزيز والجابو عزيز

فارش برشي لي دورين
يومي علا الله شُوقارين
وكُل شُقارك نقارتين
في الغدا العشا كبشين

اها انا متفن في برشي حادي ومنتظركم
يا ابوسن اتصل في ودالبوش اليوم دي مركن وانا أصلي طالبو ضربة
انا سيد وجعة ما بضرب لي اقول لي اتصل بي عزيني

Post: #451
Title: Re: ود شيقوق وودالبوش وود المنسي هام
Author: عبدالله ود البوش
Date: 09-03-2014, 06:42 AM
Parent: #450

شكرا يا ود اب سن على الفقدة والضربة لكن بركة الخلصتك ليها دكت الحزة
عشان ما تشيل حالي طالبو ضربة طالبو ونكتتك القلتها لي لاسع اضحك فيها
وحرم الليلة كان تودي البوست دا التوج كان اباصرا
عاينو جاي والله يا اخوانا مزنوق زنقة ترزي يوم الوقفة لكن ضربة ود اب سن و نكتتو جابني جري
.
.
ود اب سن قال اتنين صحبان ساكنين جنب بعض والاتنين جلاكين
في واحد اتفق مع مرتو وقاليها دايرك بالليل تكوركي ساهي في الفاضي عشان اغيظ صاحبي دا
قالت ليهو سمح
أها من نص الليل ولي غادي اقوليها يلا كوركي وديك يا الكواريك والسكلي والردحي
وطبعا بينو وبين جارو حيطة والنوم في الحوش وصاحبو الغيظ كاتلو
اها يوم جارو قام براحة اتاوق بفوق للحيطة كان اشوف ليك كل واحد في عنقريبو والمرة تكورك
قرقرقرقر ضحك صاحبو خجل وقاليهو

حرم اسع نزلت منها
فرد عليهو طيب ما كان تبطلا
أها علي كيفكم
عشان تاني تكلم العمايك وتقولي طالبك ضربة

Post: #452
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-03-2014, 07:13 AM
Parent: #451

هههههه
العميكا
الحمد لله الما حكيت ليك حقت الضفارة

Post: #453
Title: Re: ود شيقوق وودالبوش وود المنسي هام
Author: عبدالله ود البوش
Date: 09-03-2014, 07:29 AM
Parent: #452

Quote: العميكا
الحمد لله الما حكيت ليك حقت الضفارة

علي الطلاق كان تحكيها هنا دا
أها حلفت عليك
بدور تطلق التهجة بت خالي البلولة ول كيف ؟

Post: #454
Title: Re: ود شيقوق وودالبوش وود المنسي هام
Author: عبدالله ود البوش
Date: 09-03-2014, 07:43 AM
Parent: #453

أها بتجي ول بتعمل فيها ميت كلو كلو
كان جيت للحول ما بخليك
عشان تاني تقولي طالبك ضربة
.
.
عاين جاي
السماية متين عشان ارسل ليك واحد صاحبي اتغدا لي معاهو

Post: #455
Title: Re: ود شيقوق وودالبوش وود المنسي هام
Author: عبدالله ود البوش
Date: 09-03-2014, 07:46 AM
Parent: #454

عوووووووووووك
كان فت منكم تكوركو
وكان جيتكم تكوركو
وكان كورت ليكم ما تجو

Post: #456
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-03-2014, 08:20 AM
Parent: #455

هههه
مرجوعا في مسماها
ما بتنحكي
لسة طالبك
شبكة كعبة بس

Post: #459
Title: Re: ود شيقوق وودالبوش وود المنسي هام
Author: عبدالله ود البوش
Date: 09-03-2014, 06:36 PM
Parent: #456

Quote: هههه
مرجوعا في مسماها
ما بتنحكي
لسة طالبك
شبكة كعبة بس

طالبني طلقة ؟

Post: #457
Title: Re: ود شيقوق وودالبوش وود المنسي هام
Author: الطيب شيقوق
Date: 09-03-2014, 08:37 AM
Parent: #455

ود البوش
Quote: عوووووووووووك
كان فت منكم تكوركو
وكان جيتكم تكوركو
وكان كورت ليكم ما تجو

انت الطرش البيك شنو؟ ما سمعت الغناي قال شنو؟

يغيب الهوى عني اذا لاقيتها ويورق ثم يزيد حين تغيب

الناس ديل تقوم تكتر الطلة بكشنوك طوالي
ما تديهم بالقولدية بالفنجان بس لوزم الشحتفة وكدا

انت فاكر روحك ساهل؟

انا ذاتي بقيت اخاف عليك من الحرامية يقوموا يتلهموا حقوق ملكيتك الفكرية يهمبتوها كوووولها ويخلوك ماشي على عجل الحديد

Post: #458
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-03-2014, 04:32 PM
Parent: #457

الكابتن مشي لليماني بتاع الكنتين داير دفتر برنسيس
واليماني جارو وعارفو
اداهو كراس
الكبتن قال ليهو
اديني قلم
ابراهو لي
اديني استيكة
باقي لي كم ؟
اليماني قال ليهو باقي ليك قرش
قال ليهو
خلاس اديني ببهو املاء

Post: #460
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-03-2014, 07:53 PM
Parent: #458

في البداية لك الشكر يا ود البوش
يا ود البوش إت الوحيد العبرتني واتصلت بي عزيتني فلك مني الشكر
وياها المحرية فيك
والله إنت الفيهم وتاني بيني وبيك عامرة وبيني وبين الناس ديل خربانة تب
والباقين ولو فتحوا خط ساخن اتصال الفيهم إتعرفت
ناس باردة ما ناس حارة .. وزي مابقولوا أهلنا

يا أخوانا الصديق باسمو ماهو صديقك
لكن الصديق الشاركك في ضيقك
ساعة الحارة ديك تلقاهو ديمة رفيقك
والناس تتوهم تقول أخوك شقيقك

من الغبينة ماقادر أكتب
أرقد عافية الحبيب ودالبوش

Post: #461
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-03-2014, 10:15 PM
Parent: #460

ود المنسي
قولك غلبني دليلو
وللاسف فرمت الموبايل تراني بلاكد فبهو نزل حاجان ما عارفا
ضاع رقمك. وجبتو من البوست . ضاع رقم العببد
ود شيقوق لم يتصل
عزا شنو
ما فهمت
فوق
لحين
مبسرة

Post: #462
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-03-2014, 10:32 PM
Parent: #461

Quote: ود المنسي
قولك غلبني دليلو
وللاسف فرمت الموبايل تراني بلاكد فبهو نزل حاجان ما عارفا
ضاع رقمك. وجبتو من البوست . ضاع رقم العببد
ود شيقوق لم يتصل
عزا شنو
ما فهمت
فوق
لحين
ميسرة

يا أختي أميرة يا أخوي ابوسن كدي خلونا من حكاية التلفون دي
التلفون ورطتو هينة
أخوكم مورط لي هامة راسو
للمرة الثانية أضيع دبلة العرس
المرة الأولى زروني فيها زرة السواد لأاني كنت في أجازة في السودان وراحت مني
قامت أم أحمد اشترت لي واحدة تاني ( بتاعت فضة مي خمج من البحرين ومرصعة بأحجار صغيرة )
اها ليها يومين ما لاقيها غتستوين ماعارف قلبت البيت فوق تحت وتحت خشم البقرة فتحتو وفتشتو
يا دبلة السواد غتستي
شن اسوو
آه أنا جنيت وقتا هوووو
بصروني سن اسووو
وشن اقول
زيها لو قلبت الواطا ما بلقى لي يومين حايم في أسواق الدهب والفضة ما وقعت في عيني
اشترينها سنة 2003 اظنها بقت موضة قديمة وخلوها هههههه اسوي شنو اجيب لي سندالة واقعد ادق لي واحدة
المشكلة كيف اصوفها للهندي عشان اسوي لي واحدة زيها
وكيف الدبارة دحين
هسي بس قاعد أغني عليها زي ودالبادية صلاح

أها يا ابوسن ياها دي بي الأحمر بقينا حمر عديل وعيونا حمر

Post: #463
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-03-2014, 10:37 PM
Parent: #462

دي المداخلة التانية وبرضو بي الأحمر
تعال يا أبو الوليد وقول لي ما شفتها

................................

الليلة في أبـ ياقوت
خاتمي الجنن البنوت
حقيقة والحق يقال الخاتم التاني ( البحريني ) كان سمح فضة ومرصعة زي الحصى في حيطة الزبالة يا أبوسن
سماحة رصعة أريتها في ضهرك لكن رصعة محنة
يس دبورني كيف الدبارة

يا خاتمي الوصل مغلوت
جاي لعاشق البنوت
النقشك يعيش مايموت
في تفنينو سوا الفوت

قطع شك النقش خاتمي دا هسي كان مشيت بحت لي المنامة ( البحرين ) فوق تحت ما بلقى
هندي عجوز كان قطع شك يا مات يا رجع يقضي باقي ايامو مع وليداتو في الهند
وحيرني وخلاني فاقد الدبارة

خاتمي الماخدو دابو جديد
وراح ما إستنى يوم العيد
النقشك نبيه مو بليد
يا ظرفو البخيل في الإيد

بس خاتمي أنا من سنة 2003 والوكرة الأكبر إنو التاني يروح

دا عاشقي الفي قرينو كِتل
مدبور زندولّو حِجل
حظي الخاتمي مني ودر
بشارتو جنيه كرامتو عجل

بشارتو 1000 درهم وكرامتو عجل كن أعلن وين اريتم الهنود لو بقرو قولي دا اكيد قطع ك وقع في يد هندي
هم هنا كتار زي نمل الرتيلا في النجيلة

قول لي الدايمن طربان
خاتم المنسي راح ودران
وين يا رسالة أم درمان
دا راح في نجيلة عجمان
المصيبة انا ماني عارف راح مني وين وما بذكر اخر مرة ملصتو وين
مشكلتي ما بعرف انوم بي بالليل بمرقو ومرات الصباح بكسل ألبسو لما أكون طالع
مستعجل بختو في جيبي أخخخخ ماعارف وقع وين

ناس ود العدامة لقو
غالي تمنو ما فهمو
شو بي فد ريــال صرفو
تمنو زوجوبو ابو
يا ابو سن ناس ود العدامة ديل الشماشة لقو في نجيلة الحيضان وجري مشو ودوا الصاغة
بي ريـال باعوا ... انا خاتمي الهندي شديد بكون عارف تمنو

وين الليلة متمسي
دا الكرهني في نفسي
الما بعزيني في خاتمي
لي بكا ابوهو ما بمشي

لا أقول كما قال الشاعر
لكن بقول الما بعزيني في خاتمي قاطعة بيني وبينو وما عزاء كتابة في البوست
الداير يكتب يرسل تلغراف بنقبلو والكلام موجه ليك يا ابوسن وانا طالبك ضربة
ههههههههه ولا عذر حتى لنا بسمات وقريبة أميرة المتابعة البوست وساكنة كوستي
وماتقول لي ما شفت الكلام دا ( يا عبدالقادر ) انت جوة في المعمعة
التعميم بالأحمر يعني الأعمى بشوفو

من يوم راح أنا فراش علي بكى عديل وبستقبل العزاء
خاتمي عزيز والجابو عزيز

فارش برشي لي دورين
يومي علا الله شُوقارين
وكُل شُقارك نقارتين
في الغدا العشا كبشين

اها انا متفن في برشي حادي ومنتظركم
يا ابوسن اتصل في ودالبوش اليوم دي مركن وانا أصلي طالبو ضربة
انا سيد وجعة ما بضرب لي اقول لي اتصل بي عزيني

Post: #464
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-03-2014, 10:45 PM
Parent: #463

عليك جنس طلاشة
قولك دة ما تحكيهو لناس شندي بطلوعك ......
الله يطير قلبك آ الغبيان
حتة حديدة تجوعر فيها
ودالبادية من غني خاتمي وحاتك تاني ما سمعتو رغما عن ليلة السبت
ها زول طلق معرس وبتي ماشة الجامعة ما درعت لي حديدة في يدي

ساهرت بي تساهر ببك
عقرب حزة

Post: #465
Title: Re: ود شيقوق وودالبوش وود المنسي هام
Author: الطيب شيقوق
Date: 09-04-2014, 05:50 AM
Parent: #464

Quote: مشكلتي ما بعرف انوم بي بالليل بمرقو

وقت مشكلتك ما بتنوم بالخاتم ساااهلة

لكن انا ...................... في الصقيعة سااي

الواحد بس خايف يصبح ميت ويجوا الجماعة الصباح يلقوهو م .................. ط ....

Post: #466
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-04-2014, 05:56 AM
Parent: #465

عليكون الله شوفو الجنا ابورويس دة ..انا شايل همو البارح
وهو همو في خاتم
اليختم راسك الزي اللداية دة
قال خاتم قال
اديتني الليل
تبكي وتتمخت ومرات تجوعر

Post: #467
Title: Re: ود شيقوق وودالبوش وود المنسي هام
Author: الطيب شيقوق
Date: 09-04-2014, 06:42 AM
Parent: #466

سنو
Quote: وهو همو في خاتم

ياخ جننا صفحتين المرة قالت الخاتم وين والمرة سالتني من الخاتم والمرة بتشاكلني

المرة يا يابا التقول من النسوان البتلفتن من بوخ الدخان يمين وشمال
المرة يا يابا اتقول من النسوان المشلعيبن يدلدل فوق روسيهن مليان لبا البقرة الوالدة جديد
المرة يا يابا اتقول من النسوان البصحن باكرية يربطن البهمان والعجول
المرة يا يابا اتقول من النسوان البفكن الريق لرجالهن بكويرة نعومة ملانة غباشة من الدغشية
المرة يا يابا اتقول من النسوان البتقنّعن من الصباح وبشيلن صحين الرز للجارة الوالدة جديد
المرة يا يابا اتقول من النسوان البتلهمن السنط من الصباح عشان يحفرن الترتوس الشرار جمرو يتطاير زي نار اللحام
المرة يا يابا اتقول من النسوان البستنن رجالهن يرجوا العصرية من الزراعة كرعيهم مجلبطة طين و تقوم تجيب ليهو الشطاف والابريق وتتلهم ضهروا مساج بزيت السمسم من الفلايت

قال انا الككو الفجغ الطين

انت حررررم ما تفجغ طين ب و .............ك ههههههههههههههههههه

Post: #468
Title: Re: ود شيقوق وودالبوش وود المنسي هام
Author: جعفر محي الدين
Date: 09-04-2014, 06:47 AM
Parent: #466

ود المنسي الليلة رقدتها قش
آآآ المهيقيل ما بتعرف تتصرف
روح السوق اشتريلك دبلتين جداد وسمحات
وتعال لأم العيال وقول ليها دايرين نجدد العهد

Post: #469
Title: Re: ود شيقوق وودالبوش وود المنسي هام
Author: عبيد الطيب
Date: 09-04-2014, 08:34 AM
Parent: #468

Quote: الليلة في أبـ ياقوت
خاتمي الجنن البنوت
حقيقة والحق يقال الخاتم التاني ( البحريني ) كان سمح فضة ومرصعة زي الحصى في حيطة الزبالة

خالد خاتمو من كبد البحر ياقوتو
أصفي من المنقِّع وفي الحجارة قلوتو
هبَّل كل شباب شندي وطمس بنُّوتُو
محسور سيدو بطْعَن في الفؤاد نبُّوتو

Post: #470
Title: Re: ود شيقوق وودالبوش وود المنسي هام
Author: الطيب شيقوق
Date: 09-04-2014, 10:14 AM
Parent: #469

العبيد

Quote: خالد خاتمو من كبد البحر ياقوتو
أصفي من المنقِّع وفي الحجارة قلوتو
هبَّل كل شباب شندي وطمس بنُّوتُو
محسور سيدو بطْعَن في الفؤاد نبُّوتو

عارفك فارغة الاختام دي ما هولك علا بتجامل ساي

Post: #471
Title: Re: ود شيقوق وودالبوش وود المنسي هام
Author: عبيد الطيب
Date: 09-04-2014, 10:42 AM
Parent: #470

Quote: عارفك فارغة الاختام دي ما هولك علا بتجامل ساي

تسلم يا شايل الحمول أخوي الطيب
شفت أخوي خالد زعل مننا كلنا وشفت خاتمو وطَّاهو الملاَّلي
أنا قلت إواسيهو نيابة عنكم ونحنا زعل الحبيب مابنوروتب

Post: #472
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-04-2014, 11:59 AM
Parent: #471

سمح آ العبيد
تقطع القصيدفوق سلك الحدبد وتاباهو لي اخو الوحيد المولود جديد
شايفك للفارغة ما بتأيد وجيت الليلة تقدل ببها
رسل لي رسالة موبايل اسجل رقمك
غايتو اادبون انرتدفت فوق ضهرنا

Post: #473
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 05:57 PM
Parent: #472

Quote: عليك جنس طلاشة
قولك دة ما تحكيهو لناس شندي بطلوعك ......
الله يطير قلبك آ الغبيان
حتة حديدة تجوعر فيها
ودالبادية من غني خاتمي وحاتك تاني ما سمعتو رغما عن ليلة السبت
ها زول طلق معرس وبتي ماشة الجامعة ما درعت لي حديدة في يدي

ساهرت بي تساهر ببك
عقرب حزة

يا ود ابوسن
وما شفت الغزال
بعيونو بجرح الأسدي

وما شفت القال
بنخوض الرِماح لو كان تزيد أو تَقْل
وبنهاب من ضميرو الأهيف المنفقل
بنقابل المدافع بي الثبات والعَقْل
وبنخاف سيف عيونو يلمع يبرق صقل

يا أبوسن ما تشيل الحكاية حوفا بنعص عينت الداهج بكابس زيك لكن أمام الحِسان لنا حديث أخر
هههه
ماسمعت الشاعرة الملكة بت حاج أحمد
في قصيدتها المشهورة التي يصدح بها الفنان عثمان الشفيع
( الفارقت سيد ريدا
الليلة وين يا روحي )
بتقول فيها
هو الحبيب الحازم
والوديع في خدورو
اي وقت الجد جد وساعة المحنة حنين محنة الحسان في خدورهنَّ
يا أخي أنت قلبك دا شنو بتقسي ؟ ولا أصلو قاسي
ولو بتفتكر هي ...... تبقى غلطان
هنَّ رحمة لنا
المرأة
أم
زوجة
أخت
عمه
خالة
وفي البدء جدة
تعرف أنا أظن أكتر زول تعبت زوجتي دي لاني مابعرف أعياد ميلاد
عيد اسم
عيد ضرس وبأكلها فيهم وتتعبر وتبكي واحنسى كل مرة نسيت وما إتذكرتا
أها يوم قلت ليها شوفي يا أختي أنا أمي ما بتذكر يوم ميلادي وما عرفت كل سنة وأنت طيب إلا عندكم هنا
وحات الله ما شفتا تاريخ ميلادي إلا يوم كتبوا لي في الجواز ههههههه
وخاتمي الليلة يا أبـ ياقوت
وخاتمي العاجب البنوت
يا أخي انت مالك علي خلني أحزن علي خاتمي
ما شفت الشاعر الجاغريو لما طاعت طاقيتو من شغل يد الحبيبة شن قال
قال
وكت المطرة شالت يوم الأربعا
أريتا أرواحنا راحت
المشبوكة ضاعت
ولا ما شفت التاني الراح منو منديلو وبرضو من شغل الحبيبة لما ضاع منه شن قال
منديلي راح مني
والشالوا ما يتني

يا الصالحين هِموا
وفي مكة إتلمو
القشا بي فمو
تحرق حشا أمو

Post: #474
Title: Re: ود شيقوق وودالبوش وود المنسي هام
Author: الطيب شيقوق
Date: 09-04-2014, 06:27 PM
Parent: #473

العبيد

Quote:
أنا قلت إواسيهو نيابة عنكم ونحنا زعل الحبيب مابنوروتب

عييييييك اكان دا حبيب سويلك حبيب طين واقلم رقبتو

Post: #475
Title: Re: ود شيقوق وودالبوش وود المنسي هام
Author: الطيب شيقوق
Date: 09-04-2014, 06:39 PM
Parent: #474

هاك يا ود اب سن و قومك انجموا هنا شوية

Post: #476
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 06:44 PM
Parent: #474

Quote: Quote: مشكلتي ما بعرف انوم بي بالليل بمرقو

وقت مشكلتك ما بتنوم بالخاتم ساااهلة

لكن انا ...................... في الصقيعة سااي

الواحد بس خايف يصبح ميت ويجوا الجماعة الصباح يلقوهو م .................. ط ....

هههههههههههههههههه
عمك دهب سكر يوم سكرة لطت
وكان الدُنيا كاتمة تمرق من هدومك من الحراية والسخانة
عمك شال عنقريبو ورفعوا في رأس البيت ورقد سكران فُل
أها بالليل عمك عصرتو (المثانة إتملت ) قام شال إبريقو ومشى في أتجاه بيت الأدب فاكر نفسو راقد في
مكان نومه المعهود اخ وكب وكروف وقع في الشارع ( وزولك كان راقد زي ما الله خلقو )
والباب مقفول وكبر السن ما بقدر ينط بي الحيطة أها بقى في الشارع لما رجع الناس من صلاة الصبح
وفتحوا لي الباب ههههههه
أها بقت مضرب مثل في شندي يقولوا ليك أريتا سكرة دهب

Post: #477
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 06:50 PM
Parent: #476

Quote: المرة يا يابا التقول من النسوان البتلفتن من بوخ الدخان يمين وشمال
المرة يا يابا اتقول من النسوان المشلعيبن يدلدل فوق روسيهن مليان لبا البقرة الوالدة جديد
المرة يا يابا اتقول من النسوان البصحن باكرية يربطن البهمان والعجول
المرة يا يابا اتقول من النسوان البفكن الريق لرجالهن بكويرة نعومة ملانة غباشة من الدغشية
المرة يا يابا اتقول من النسوان البتقنّعن من الصباح وبشيلن صحين الرز للجارة الوالدة جديد
المرة يا يابا اتقول من النسوان البتلهمن السنط من الصباح عشان يحفرن الترتوس الشرار جمرو يتطاير زي نار اللحام
المرة يا يابا اتقول من النسوان البستنن رجالهن يرجوا العصرية من الزراعة كرعيهم مجلبطة طين و تقوم تجيب ليهو
الشطاف والابريق وتتلهم ضهروا مساج بزيت السمسم من الفلايت

قال انا الككو الفجغ الطين

انت حررررم ما تفجغ طين ب و .............ك ههههههههههههههههههه

كل زول بعجبو الصاري
بيها مبسوط وبي مبسوطة
ونحن الاتنين مبسوطين بي جنانا أحمد
أنا الككو الفجخ الطين وقدل فوق صدرك وجلبطك

Post: #478
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 07:07 PM
Parent: #477

Quote: ود المنسي الليلة رقدتها قش
آآآ المهيقيل ما بتعرف تتصرف
روح السوق اشتريلك دبلتين جداد وسمحات
وتعال لأم العيال وقول ليها دايرين نجدد العهد

مابعرف ازاوغ وأراوغ من نشيت ( من نشأة ) تبيت
يا جعفر المسألة ما خوفاً منها لكن المسألة لشئ في نفس يعقوب اللذي أذى مشاعرها
مرات عدد بثقافتهم التي هي ما هماً لنا وأهتمام وأجهد نفسي كثيراً ان أكون
وكل ما أنوي أن أكون أسوي لي كاينة
أنا بلوم نفسي وحزين على نفسي ما خوفاً منها وهي زوجة السرور
وهنا المسألة ( انها زوجة السرور )
تعرف يا جعفر في واحد مغترب رسل لي بت عمو ( زوجته ) جابها السعودية في جدة ( اظنك دا أنتَّ هههههه )
وزولنا في غربته إلتزم في دينه كثير وبقى 180 درجة عكس ماعرفته عليه
أول ما وصلت قال ليها تلبسي حجاب
لبست الحجاب
شوية كدا وطلع ليها فاطمي لازم تغطي وجهك ( نقاب )
قالت والله لو إنطبقت السما علي الواطا ما أتنقب
قال ليها يا زولة يا تتنقبي يا ترجعي لي أهلك
قالت لي : برجع لكن مستحيل إتنقب
قال ليها : لما شافها مصرة اسمعي يا فاطمي بشتري ليك دهب وبوديك عمرة لو تنقبتي
قامت قالت لي ثمح بتنقب ( وهي راقدالو بي خِطي )
أها اشترى الدهب وساقها مكة للعمرة
اتفق معاها بعدما تطوف وتكمل طوافها تنظره هنا جنب النساء الجالسات ديل
قالت لي ثمح
زولك مشى طاف ورجع ولقى النساء كلهن منقابات ماعرف فاطمي ياتا فيهن
بقى يلف ويجي منتظر ان تشوفه لو كانت بيهن وتقوم تجي ( لكن ما حصل ) بقى يلق ويرجع الحال في حالو
بعد 3 ساعات قامت من نص الحريم وجات علي
اول كلمة مرقها
فاطمة اقلعي الزفت دا
ونالت منالها
وهنَّ رحمة لنا

Post: #479
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 07:12 PM
Parent: #478

Quote: خالد خاتمو من كبد البحر ياقوتو
أصفي من المنقِّع وفي الحجارة قلوتو
هبَّل كل شباب شندي وطمس بنُّوتُو
محسور سيدو بطْعَن في الفؤاد نبُّوتو

والله يا ودالمقدم أنت الفهمت أخوك صح
تسلم يا ود المقدم العبيد
ويزيد فضل يا كامل الفطنة والفكر
وماتسمع فصاحتم دي عليك أمان الله بنادق عُشر جت عليهم
أنا الككو الفجخ الطين

Post: #480
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 07:26 PM
Parent: #479

Quote: سمح آ العبيد
تقطع القصيدفوق سلك الحدبد وتاباهو لي اخو الوحيد المولود جديد
شايفك للفارغة ما بتأيد وجيت الليلة تقدل ببها
رسل لي رسالة موبايل اسجل رقمك
غايتو اادبون انرتدفت فوق ضهرنا

عليك الله يرسل ليك في شنو رقمو ؟؟؟
نحن الرقمنا عندك بتسوي لينا رسالة
طالبك ضربتين
لكن يظهر إت من البطانة بعدما سوّولا جزارة وسوق
فارقت الثبات فارق درب ابواتك

Post: #481
Title: Re: ود شيقوق وودالبوش وود المنسي هام
Author: الطيب شيقوق
Date: 09-04-2014, 07:31 PM
Parent: #480

Quote: أنا الككو الفجخ الطين وقدل فوق صدرك وجلبطك

ههههههههههههههها مسنوووووووووووح

اوع بس تكون متابعة وبتعرف عربي؟

Post: #482
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-04-2014, 07:34 PM
Parent: #480

Quote: تسلم يا شايل الحمول أخوي الطيب
شفت أخوي خالد زعل مننا كلنا وشفت خاتمو وطَّاهو الملاَّلي
أنا قلت إواسيهو نيابة عنكم ونحنا زعل الحبيب مابنوروتب

بندق عُشر بو بو بو
طعاً الحبيب ود أبوسن طعن في السن ( 50ى سنة )
وأصبحت الزوجة قارة أمريكيا

Post: #483
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-05-2014, 09:20 AM
Parent: #482

هههه
قول مبروك
قال طعن فال
الا الطعن من ألحاظ الحسان

Post: #484
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-05-2014, 03:08 PM
Parent: #483

حكي لي خالي عن واحدن من اهلنا ذاكرا اسمه ولقبه
عندو غنامية عذبتو عذاب شديد . يجي يحلبها تطق اللبن بي كراعا تدفقو . يمسك كراعا تطقو في رجلو
ما مخليا حاجة . كا شي في غضب الله . الهدوم وسري العنقريب . الكسرة كل ما يقع عينا عليهو
مره مرق يتسير لحقتو بي ورا دخلت قرونا تحتو وكبتو في الواطة هو وابريقو و...
قام ضبحا وسوا جلدها فروة للحمار
اليوم هوا شد الحمار ورفع الفروه في ضهر الحمار . شبح يركب الهوا طير الفروة . رفعا واتكرر الامر كم مرة . كل مرة يشبح ينط يلقا الفروة في الواطة
لما فيها بالفرار قددها ووقع معاها الواطة خنقا
الله يلعنك مجننانا حية وميتة

Post: #485
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-06-2014, 06:59 AM
Parent: #461

فوق
ل حين
ميسرة

Post: #486
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-06-2014, 03:25 PM
Parent: #485

يا ود ابو سن
الغنماية لما تعذبك امسك ليك جندبة واربط كراعا بي خيط
اربط الخيط في أضان الغنماية وارمي الجندبة المربوطة في اضانة جوة
واللهه وعليك أمان الله تفضل تفنجط وتلف زي ود شيقوق في سوق الأوراق المالية في مسقط

Post: #487
Title: Re: ود شيقوق وودالبوش وود المنسي هام
Author: الطيب شيقوق
Date: 09-06-2014, 07:48 PM
Parent: #486

لحين ميسرة

ههههههههههها

Post: #488
Title: Re: ود شيقوق وودالبوش وود المنسي هام
Author: محمد عبدالقادر ضرار
Date: 09-07-2014, 10:26 PM
Parent: #1

Quote: خالد المنسي : ولا عذر حتى لنا بسمات وقريبة أميرة المتابعة البوست وساكنة كوستي
وماتقول لي ما شفت الكلام دا ( يا عبدالقادر ) انت جوة في المعمعة
التعميم بالأحمر يعني الأعمى بشوفو

سلاااااااااااااام للناس الحنان ... الله يهديك يا خالد ياخ .. اليوم القلت اجي واواسيك ( قالوا ) لينا ويييييييييييين يا ( غدنفر ) الحجل بالرجل
يا خالد انا في معمعة من يومي القلت ليها زمااااااااان ( احاول ان اسحب سيف المصارحة بقلمي ) وحااااتك قبال اتمها عرفت معنى السيف جد جد ههههههههههه

Post: #489
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-08-2014, 06:38 AM
Parent: #488

محمد عبدالقادر !!
لا ياخ
حبابك حرم انت واسرتك والمدام نعلها طيبة وشديدة
اخوك بدفع في تمن الصراحة ليهو 17 سنة
عامل فيها عصري
شوفتي يا هناية انا كنت و كنت وكنت لاكن منما ماشفتك ليلي ضوا وبقا نور
اها نست ببقان النور ومسكت في كنت وكنت

Post: #490
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-08-2014, 06:38 AM
Parent: #488

محمد عبدالقادر !!
لا ياخ
حبابك حرم انت واسرتك والمدام نعلها طيبة وشديدة
اخوك بدفع في تمن الصراحة ليهو 17 سنة
عامل فيها عصري
شوفتي يا هناية انا كنت و كنت وكنت لاكن منما ماشفتك ليلي ضوا وبقا نور
اها نست ببقان النور ومسكت في كنت وكنت

Post: #491
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-08-2014, 05:46 PM
Parent: #490

ما شاء الله ياعبدالحفيض
بارك الله لك في الموهوب
وشكرت الواهب وبلغ اشده ورُزِقت بِرَّه
ربنا يحميه من السناحة
معليش المواجبة جات متاخرة
علا كان بت خطبناها للارباب
وكان ولد خطبناهو لي إيثار

Post: #492
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-08-2014, 06:39 PM
Parent: #491

Quote: سلاااااااااااااام للناس الحنان ... الله يهديك يا خالد ياخ .. اليوم القلت اجي واواسيك ( قالوا )
لينا ويييييييييييين يا ( غدنفر ) الحجل بالرجل
يا خالد انا في معمعة من يومي القلت ليها زمااااااااان ( احاول ان اسحب سيف المصارحة بقلمي )
وحااااتك قبال اتمها عرفت معنى السيف جد جد ههههههههههه
\

حباب ود ضرار
والحجل بي الرجل يا الأفندي سوقني معاك
عاد بعددا أنتهى زمن المتواقا وزمان أم الوليدات مرات تشوف مرات ماتشوف
لكن من يوم الليلة بعلمو ليك أسمك بي اأحمر يعني وينما دخلت يا كديـسـ ـة سُكي الفار
وتقعد تسوي براي سويتا في نفسي
عليك أمان الله الفصيح دا ود أبوسن يوماتي مخنوق بشهادة صاحبي
ألعب شغل اجدع ليك وأنت أفهمها سنارة بدون صراقيل

متعك الله بالصحة ومرحب حبابك في الحوش الكبير
أمش أشرب القهوة عند الأميرة بت السيد

Post: #493
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-08-2014, 06:43 PM
Parent: #491

Quote: سلاااااااااااااام للناس الحنان ... الله يهديك يا خالد ياخ .. اليوم القلت اجي واواسيك ( قالوا )
لينا ويييييييييييين يا ( غدنفر ) الحجل بالرجل
يا خالد انا في معمعة من يومي القلت ليها زمااااااااان ( احاول ان اسحب سيف المصارحة بقلمي )
وحااااتك قبال اتمها عرفت معنى السيف جد جد ههههههههههه
\

حباب ود ضرار
والحجل بي الرجل يا الأفندي سوقني معاك
عاد بعددا أنتهى زمن المتواقا وزمان أم الوليدات مرات تشوف مرات ماتشوف
لكن من يوم الليلة بعلمو ليك أسمك بي اأحمر يعني وينما دخلت يا كديـسـ ـة سُكي الفار
وتقعد تسوي براي سويتا في نفسي
عليك أمان الله الفصيح دا ود أبوسن يوماتي مخنوق بشهادة صاحبي
ألعب شغل اجدع ليك وأنت أفهمها سنارة بدون صراقيل

متعك الله بالصحة ومرحب حبابك في الحوش الكبير
أمش أشرب القهوة عند الأميرة بت السيد

Post: #494
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-08-2014, 06:48 PM
Parent: #493

إت يامك مداخلاتك مالا جوز جوز
روحة الخاتم دي مالا خَلَّتك ترقَع جنب القَدْ

Post: #495
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-08-2014, 07:16 PM
Parent: #494

Quote: إت يامك مداخلاتك مالا جوز جوز
روحة الخاتم دي مالا خَلَّتك ترقَع جنب القَدْ

ههههههههههههههههههه
تغيب وتجي وتمرق من الجحر وتلدغ
اسوي ليها شنو
هسي والله ممحن وقاعد كتبت لي اردب كتابة في بوست توثثقي بتاع شندي عن الفكي الأمين كف زاغت والله قربت اشيل اللابتوب اجدعو
عليك أمان الله قربت أقلب اللابتوب أمكن ألقى المداخلة الكتبتها تحت
الخاتم
اسكتو ساكت
حرّم غير ودالبوش مافيكم أخو ولا أخت
هو العبرني مع انو ما بلبس خاتم
لكن ودابوسن
أنت
أميرة
بت عمسيب
بدرالدين
ودالقوز
ولا بي حرف ما عبرتوني كراع البرة جيابا والفولة بتتملي والبقارة بجو
سو عوسكم ونحن بنسوي عوسنا رقدتلّكم معاي لي جنى الجنى
تاني حدي معاكم حرف
علاقتي مع الفحل ود البوش

Post: #496
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-08-2014, 07:30 PM
Parent: #495

Quote: تاني حدي معاكم حرف
علاقتي مع الفحل ود البوش

يامك ياخ اصلو خاتم سليمان؟
قول للمرة نحن في عاداتنا وكت الخاتم يروح
ده معناتو الراجل ماحايعرِّس فوق مرتو ولا حايطلِّقا

Post: #497
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-08-2014, 07:35 PM
Parent: #496

Quote: يامك ياخ اصلو خاتم سليمان؟
قول للمرة نحن في عاداتنا وكت الخاتم يروح
ده معناتو الراجل ماحايعرِّس فوق مرتو ولا حايطلِّقا

فهمك مالو بقى زي فهم المسنوح مقطوع الطاري
القصة مو قصة خوف
القصة الخاتم عزيز علي من حُر مالها لأنو التاني حق العرس داك راح زمان
الموجعني أنكم ما عبرتوني وأنا كان ولدت نعجــ ـة واحد فيكم بتصل بي
عليك الله ما بتوجع
البركة في ودالبوش

Post: #498
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-08-2014, 07:53 PM
Parent: #497

Quote: الموجعني أنكم ما عبرتوني وأنا كان ولدت نعجــ ـة واحد فيكم بتصل بي

ههههههه ـ ذكرتني عمنا ود الامام نامن ولدو الخير ودَّا
القماش للترزي ونامن راحوا هو وابوهو يدفعوا القروش ويستلموا البنطلون
الخير ماعِرِف خَتَّا القماش عند ياتو ترزي
ابوهو قالُّو والله يالخير انت اخير منك كان الزول سعي ليهو عَزْ والدة

Post: #499
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-08-2014, 08:03 PM
Parent: #498

Quote: ههههههه ـ ذكرتني عمنا ود الامام نامن ولدو الخير ودَّا
القماش للترزي ونامن راحوا هو وابوهو يدفعوا القروش ويستلموا البنطلون
الخير ماعِرِف خَتَّا القماش عند ياتو ترزي
ابوهو قالُّو والله يالخير انت اخير منك كان الزول سعي ليهو عَزْ والدة

ههههههههههههههههههههههه
هههههههههههههههههههههههههههههه
تخت علي الخير (مودر )
لما مشيت أول مرة السودان مع زوجتي المجرية
زوجتي بتحب تقعد مع النسوان الكبار قاعدة مع أمي وزوجة عمي عليهما رحمة الله تسمع في ونستهن
ومبسوطة وما فاهمة شي
وزوجة عمي عاوزا تشركها في الونسة تقوم تسألا بي العربي زوجتي تقول ليها مافهمت
زوجة عمي عندها بنتها صرفت عليها دم قلبا قرت أداب لغة أنجليزية
تنادي بنتها يا بت تعالي شوفي مرت خالد قالت شنو ؟
بنتها تعيد الحديث مع زوجتي وهي ذاتا ماتفهم شئ تقول لامها والله ماعارفة عاوزا تقول شنو كدي نادي خالد
أمها تصفق يديها سجم خشمي جاية من وين ؟ من الجامعة
ماشا وين الجامعة
إنت الجامعة دي كنتي بتمشي تفطري وتجي
ههههههههههههههه

Post: #500
Title: Re: ود شيقوق وودالبوش وود المنسي هام
Author: عبدالله ود البوش
Date: 09-08-2014, 08:11 PM
Parent: #498

Quote: ابوهو قالُّو والله يالخير انت اخير منك كان الزول سعي ليهو عَزْ والدة

هههههههههههههههههههههههه
والله يا ود المنسي دي براها بتلاتة ضربات
خلاس احسبا ليهو ضربة واحدة في واجبة فقدان خاتمك

Post: #501
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-08-2014, 08:53 PM
Parent: #500

Quote: هههههههههههههههههههههههه
والله يا ود المنسي دي براها بتلاتة ضربات
خلاس احسبا ليهو ضربة واحدة في واجبة فقدان خاتمك

والله والله والله يا ود البوش
عوفا وكت قتّا كدي
وإت حديث ما بنعقبو وياكا دليلنا ومشهادنا
أها الباقين كيف دبارتهم
المسنيح ود أبوسن يشيل ويرسل في الرسائل لما قلت لي أنت ماتضرب قال الشبكة
كعبة ... التقول الرسائل دي برسلا من شبكة سمك
يا الفاضلابي تكون داير مني ضربتين بي قصة الخير دي

Post: #502
Title: Re: ود شيقوق وودالبوش وود المنسي هام
Author: الطيب شيقوق
Date: 09-08-2014, 08:54 PM
Parent: #500

Quote: أمها تصفق يديها سجم خشمي جاية من وين ؟ من الجامعة
ماشا وين الجامعة
إنت الجامعة دي كنتي بتمشي تفطري وتجي

هههههههههههها يا سلالالالالالالالالالالالالام والله تكون قالتها بتحسر صادق جدا

Post: #503
Title: Re: ود شيقوق وودالبوش وود المنسي هام
Author: عبدالله ود البوش
Date: 09-08-2014, 09:50 PM
Parent: #502

Quote: هههههههههههها يا سلالالالالالالالالالالالالام والله تكون قالتها بتحسر صادق جدا

اتا يا اخوي تتضحك كدي بعد تنفهق
ما تجيب ليك واحدة تتش بيها وتحصل عرض التش دا قبل انتهي عليك
كل ضحكة تعادل ضربة وضحكة الكلكلة بتلاتة ضربات
.
.
اتو يا ناس الصعيد وناس السافل عندكم تش المدمس بالعيش ؟ بلغة الاقتصاد التجارة البكماء او المقايضة

Post: #504
Title: Re: ود شيقوق وودالبوش وود المنسي هام
Author: الطيب شيقوق
Date: 09-08-2014, 09:59 PM
Parent: #503

عييييييييييك

اااااااااي تشاشة اللالوب بالفتريتة

والضحكة بالعنكوليب

ولا انا طشيت يا العشاء؟

ما اظن طشيت طالما الشي دا هول ناس ادم اسميث

Post: #505
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-08-2014, 10:43 PM
Parent: #504

لقيتو امها مافي.......فيها
او كما قالو
ميسرة

Post: #506
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-08-2014, 11:08 PM
Parent: #505

Quote: لقيتو امها مافي.......فيها
او كما قالو
ميسرة

كلامك ده ياعبد الحفيض معناتو رَافِت النَّسَب؟

Post: #507
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 06:06 AM
Parent: #506

الفاضلابي تراكا مسنوح و مسخوت
الكلام انا داسيهو ياخ
وفعلا والله شبكتي كعبة ... عان الزول دة ولهاطتو
يقول يعزو في خاتم ! عنو الوصفو ما يتوصف بركت شيخي داك
والنسب زولك جاب فيهو لوية
يقول البتلد ليهو نعجة نضرب ليهو .! مالو شايفنا معرسين لينا نعيز ؟
النعجة التعضيك ! شاحد الله ليك
انا زاتي حقتي راحت في زولن فيكوم ضرب لي
حقة فضة
قالو شيخ العرب في المركب وخرم
ها عرب في زول عندو سفة
واحد ناولو حقتو
شيخ العرب سف وجدعا في البحر
ها شبخ العرب دحين ما اتلومت .. تسف من حقتي وتجدعا
قال ليهو
داير العصرية تقعد مع بنات عمك تشربو في الجبنة وتطلع حقتك تديها طقة وتقول ليهم
حقتي دي سف منها شيخ العرب

Post: #508
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-09-2014, 06:11 AM
Parent: #507

Quote: النعجة التعضيك ! شاحد الله ليك

ههههههههه كمان جابت ليها عضعيض نعج ؟؟؟
حمانا الله وإياكم من عضة النعجة

أمانة مو كعبة خلاس

مشتاقين
مثنى وثلاث ورباع

Post: #509
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 06:23 AM
Parent: #508

بدر! والله كلكم مساخيت تراكم
ودالمكي دة بربدو علا قام يتلولو ويغالت
قالو اكلو اخوان واتحاسبو تجار
ضرب لبهو وصد راجع ضرب لي وزي ما ريالم اكتر من ريالنا كمان دقيقتنا اكتر من اللتم
اها نحمدو صبيان وشباب ولدنا وجبنا الجنا وهو مهكع وعجيز .. صبينتنا وحعتو في قلبو .. قال ولدتنا لينا نعجة .. والزول كايس مخلت معاي في بتي وبدور امشهدو

Post: #511
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 06:30 AM
Parent: #509

عمن لينا جاي سكران لط من السيسبانة في طرف الحلة . راكب حمارو ويدوبي
لقا تلات انفار بصلو العشا جماعة
طفر من حمارو و الله اكبر
صلي معاهم
بعد سلمو ... الامام اتلفت عليهو
ما شا اللهآ فلان بقبت تصلي
قال ليهو
حرم ما بصلي علا وجعتني قلتكم دي قلت النكتركم

Post: #510
Title: Re: ود شيقوق وودالبوش وود المنسي هام
Author: عبدالله ود البوش
Date: 09-09-2014, 06:28 AM
Parent: #507

Quote: داير العصرية تقعد مع بنات عمك تشربو في الجبنة وتطلع حقتك تديها طقة وتقول ليهم
حقتي دي سف منها شيخ العرب

اقول حقة النيفيا ول سمعتوا بيها قلتها في المنبر دا خرطمية مرة وبكون في ناس بقلبن قالوا لي كرهتنا النيفيا ذاتا
اقولا ؟
يا شيقوق وود اب سن والفاضلابي واميرة وبسمات
والله كان حاسين بحسس ود المنسي دا كان كل يوم تضربوا ليهم تعزوهو في خاتمو الراح
وغلا ضربة تعزية وضربتين تلاتة فقدان وكيف اصبحت وكيف امسيت والضربة الرابعة ان شا ء الله جمعت ؟
ود المنسي دا حنين يا اخوانا وما بحمل الهببابي كلو كلو
اضربوا ليهو عليكم الله خلوهو انفش واطلع ليهو حس
الزول مغبون ومعتشم

Post: #512
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 06:38 AM
Parent: #510

ود البوش حبابك وجيتا جيت
حرم كان تقعد
آ خوي ما كنت زول فارغة علا شايفك بقيت تتلهما
الشي دة كان حقة كان ضربنالو .. علا خويتم حتة حديدة لا دخلت ولا مرقت
الحقة علوان الفنجرة . حقة فضة وقدر ما تكون فاضي تمرقا من جيبك وتجيب قشة الكبريت تنضف في وسما الفوقا
وتديها طقة بي اصبعك وكوعك وتحشرها في جيبك
اها لامن تروح زي الراحت بهيمة لبنك وقدر ما تدخل يدك في جيبك بتطراها
لكن خوتيم وحاتك ما تطراهو ويوم تطراهو تلقاهو حز مصبعك الا يقطعو قطع حتان يمرق

Post: #513
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 06:47 AM
Parent: #512

موسي الراجل وين
قاطع النمة و الحومة

Post: #514
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-09-2014, 06:49 AM
Parent: #512

Quote: دا عاشقي الفي قرينو كِتل
مدبور زندولّو حِجل
حظي الخاتمي مني ودر
بشارتو جنيه كرامتو عجل

بشارتو 1000 درهم وكرامتو عجل كن أعلن وين اريتم الهنود لو بقرو قولي دا اكيد قطع ك وقع في يد هندي
هم هنا كتار زي نمل الرتيلا في النجيلة

الله يعوضك ياخ
وربنا يرحم عمنا رحمطلة ود عبدالسيد (صاحب الياقوت)، فقد رحل هذه السنة، تعرف بمناسبة القصيدة دي قال في بتاً سمحة سألتو سؤالاً حيروا: قالت ليهو: الخاتم دا خاتم صح ولا قاصدبو شيتاً كُـتُر؟؟؟

Quote: الغنماية لما تعذبك امسك ليك جندبة واربط كراعا بي خيط
اربط الخيط في أضان الغنماية وارمي الجندبة المربوطة في اضانة جوة

والله جنس غتاتك ما شفتها إلا في جلّول، الكسر مروحة أهلو في البندر (خبتا بي عصا) وقال لهم : قايلا سمبرية
زمان كان عندنا ولاداً غتيتين زيك كدي، كان عندهم سادية غريبة خلاس، يكاوشوا الفار يقبضوهو حي، يرموهو في حفرة ولا في قفص جداد ويجيبوا كديس جيعااااان، ويرموهو معاهو ودا كلو عشان يشوفوا جقلبة الفار ..

Post: #518
Title: Re: ود شيقوق وودالبوش وود المنسي هام
Author: عبدالله ود البوش
Date: 09-09-2014, 10:20 AM
Parent: #514

Quote: والله جنس غتاتك ما شفتها إلا في جلّول، الكسر مروحة أهلو في البندر (خبتا بي عصا) وقال لهم : قايلا سمبرية

لوووووووووووووووووووول لوليا لووووووووووووول
مبالغات
.
.
شكرا يا بدر فقد اضحكتني حتى وقع تلفوني الكشاف وكسر اللمبة ذاتا
ياخي وجودك هنا ذو نكهة حلاوة جكسا بس ههههههههههه

Post: #523
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 02:56 PM
Parent: #505

Quote: لقيتو امها مافي.......فيها
او كما قالو
ميسرة

مالك بتضهب ولا نسيت المثل
( أمها ميتة وأبوها مشى الحِجاز )
هههههههههههه
يا ود أبوسن مواعد لقاء الحبيب في كوستي كانت عندكم الساعة كم
مع وقت المسلسل ؟؟ هههههههه

Post: #521
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 01:57 PM
Parent: #503

Quote: اتو يا ناس الصعيد وناس السافل عندكم تش المدمس بالعيش ؟ بلغة الاقتصاد التجارة البكماء او المقايضة

والله ... الله شال كل السناحة والمسخة وختاها فوقكم إت والفاضلابي
هههههههه
تش المدمس بالعيش
الفاتحة وباركا في النهاية

Post: #522
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 01:58 PM
Parent: #503

Quote: اتو يا ناس الصعيد وناس السافل عندكم تش المدمس بالعيش ؟ بلغة الاقتصاد التجارة البكماء او المقايضة

والله ... الله شال كل السناحة والمسخة وختاها فوقكم إت والفاضلابي
هههههههه
تش المدمس بالعيش
الفاتحة وباركا في النهاية

Post: #515
Title: Re: ود شيقوق وودالبوش وود المنسي هام
Author: محمد عبدالقادر ضرار
Date: 09-09-2014, 07:50 AM
Parent: #1

Post: #516
Title: Re: ود شيقوق وودالبوش وود المنسي هام
Author: جعفر محي الدين
Date: 09-09-2014, 08:01 AM
Parent: #515

صباحكم زين يا الزينين
Quote: داير العصرية تقعد مع بنات عمك تشربو في الجبنة وتطلع حقتك تديها طقة وتقول ليهم حقتي دي سف منها شيخ العرب

صحي شيخ عرب
بقرأ في الكلام دا ومتخيل شيخ العرب قاعد في طرف المركب يصلح في سفته بطرف لسانه ويلملم في توبه

Post: #517
Title: Re: ود شيقوق وودالبوش وود المنسي هام
Author: عبدالله ود البوش
Date: 09-09-2014, 10:17 AM
Parent: #516

Quote: بقرأ في الكلام دا ومتخيل شيخ العرب قاعد في طرف المركب يصلح في سفته بطرف لسانه ويلملم في توبه

وفننننننننن فنن الحقة جبلغ في الموية وطق راحة ايدو العسير باصابع يدو اللمين التلاتة الفي النص وكرجم خشمو وعاين للجنبو وقاليهو قت لي كيف يا فالح ؟
وصاحب الحقة فاهرا فاهو مستغربا متحسرا مغيوظا وماقادر اقول بغم
.
.
يا جعفر مرورك هنا يسعدنا جدا

Post: #519
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 10:58 AM
Parent: #517

قال ليهو شوف الجنا وغباهو ... قال ليك ام رخم الله عندو سنون حاكت الصقار
هههه يا بدر حسادة ود التويم نسوانو اربعة وي............
تمو خيال

Post: #520
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 11:09 AM
Parent: #519

تعرف يا جعفر
قالو شيخ العرب سأل واحد
سعر البهايم كم الايام دي
قال ليهو
والله يا شيخ العرب متلي ومتلك
شيخ العرب رد ليهو
المتلي خلو ... اتا المتلك بي كم

Post: #524
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 03:39 PM
Parent: #520

Quote: الفاضلابي تراكا مسنوح و مسخوت
الكلام انا داسيهو ياخ
وفعلا والله شبكتي كعبة ... عان الزول دة ولهاطتو
يقول يعزو في خاتم ! عنو الوصفو ما يتوصف بركت شيخي داك
والنسب زولك جاب فيهو لوية
يقول البتلد ليهو نعجة نضرب ليهو .! مالو شايفنا معرسين لينا نعيز ؟
النعجة التعضيك ! شاحد الله ليك

هنا بتكلم جادي يا أبوسن
ما هذا طبعي وماهذه شيمي
أن أقول ما فهمت أو صور لك عقلك أني اقصد أني اتصلت بك في ميلاد أبنك
ابنك أعده عزيز وعظيم ولد جا في بنات وكنت تدعوا الله أن يرزقك اياه
فكيف لي أن أكون اقصدك أنت
أنا قلت اني البتلد له نعجة أقصد الكل وليست أنت يا ابوسن
أرجوا ان تصدق كلامي والله حزنت جداً عندما قرأت مداخلتك هذه

Post: #525
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 04:06 PM
Parent: #524

خالد
حرمت زعلتني
معقولة
احسبك عزيزا عندي
صديقا يحتملني واحتمله
بالغت
والله بالغت
ليه كدة
ليه
هل ممكن اتصور انك قاصد
لا والله
ولم يدر بخلدي
بل مكاواة ليك
بالغت عديل
وشك زاتو

Post: #526
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-09-2014, 04:10 PM
Parent: #524

Quote: هنا بتكلم جادي يا أبوسن
ما هذا طبعي وماهذه شيمي
أن أقول ما فهمت أو صور لك عقلك أني اقصد أني اتصلت بك في ميلاد أبنك
ابنك أعده عزيز وعظيم ولد جا في بنات وكنت تدعوا الله أن يرزقك اياه
فكيف لي أن أكون اقصدك أنت
أنا قلت اني البتلد له نعجة أقصد الكل وليست أنت يا ابوسن
أرجوا ان تصدق كلامي والله حزنت جداً عندما قرأت مداخلتك هذه

هوووي يامُدَّاح انتو اللِّتنين Off Point (ودالمنسي ود ابسن)
انا وكتين كتبت مداخلتي لي عبدالحفيض (رافِت النسب) قاصد ليهو كلامي الـ في الصفحة الـ قبل دي,,,
هو جاء داخل بلا لمبة وفي الضُلمة عِتِر فوق مداخلتك لي بتاعة النعجة
وكلام عبدالحفيض واضح يامك ـ الزول ماقاصدك بس المداخلة جابت مداخلة ـ ماشفتو قالّلك النعجة التعضيكـ ؟
المك ان زِعِل منو البهديهو ـ ـ يمين تاني تكتبلك كلام زي ده علا اركب لي عندك وافلقك بي عكازي الخاتِّيهو وراء السخان ده. ياودالبوش ماتحضرنا ـ

Post: #527
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 06:17 PM
Parent: #526

Quote: خالد
حرمت زعلتني
معقولة
احسبك عزيزا عندي
صديقا يحتملني واحتمله
بالغت
والله بالغت
ليه كدة
ليه
هل ممكن اتصور انك قاصد
لا والله
ولم يدر بخلدي
بل مكاواة ليك
بالغت عديل
وشك زاتو

ود الرجال حبابك
لا والله ما زعلت منك
لكن زعلت من نفسي أني كان اتوخى في الحديث الحذر
أنا والله يا ابوسن عندما كتبت إن الواحد ولدت نعجتو بنتصل بي كان كلامي عام
فردك شممت فيه المزح لكن زعلت من نفسي وحبيت أن تعرف أني لايمكن أن أهين بني آدم مهما كان
وبالذات في أهله ممكن مزح أن أمازحه
لكن تأكد نيتي نحوك صافية زي شُخب الحليب الصافي يرهج في الكبابي
كنت منزوي في بوستاتي لكن فيكم وجدت معاني الرجال اللذين أبحث عنهم والله بعتز بيكم كلكم أخوان ورجال
حارة وباردة معاً والأخوات المعانا حتى البتاوقن بي الحيطة ( ناس بسمات ) والبتاوقن بي
بي الطوالة ( ناس سلافة الفن ) هن معزتهن في النفس كبيرة خوات عزيزات
فخري بيكم وسندي فيكم
وما عاش من يفرقنا
لكن تأكد أني ما قصدت من كلامي شئ يا أبوسن يا عزيز علي النفس
وتبقى الخوة محنة ومودة
طالبك ضربتين

Post: #528
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-09-2014, 06:35 PM
Parent: #527

Quote: لكن تأكد نيتي نحوك صافية زي شُخب الحليب الصافي يرهج في الكبابي

تعرف يا عبدالخفيض والمنسي ذَكَّرتوني ابوي واعمامي رحمة الله علي من مات ومن هو حي.
كانوا يِدَّلوا البحر لي زراعتن ومرات يتشكلو يختوه قرض وبالليل كل زول يجيب عشاهو في الديوان وياكلو مع بعض زي الماحصلت حاجة.
عندهن بابور فوق البحر شركة بيناتن ـ يوم البابور عاوز تصليح جابو المكنيكي والناس ملمومة راجية البنطون ـ الوالد الله يرحمه اتدخل في شغل المكنيكي قام عمي نهرو وقالُّو ات شن عَرّفك بالبوابير ـ ابوي انسحب براحة
واختفي من المكان ـ بعد شوية جات بت عمي ـ (الـ نَّهَر ابوي) شايلة الفطور لي ابوها واعمامها,, ابوها قال لها روحي شوفي عمك احمد خليهو يجي للفطور ـ البت تتلفت لمحت عمها قاعد في راس الجزيرة
مشت عليهو لقتو ماسكلو حجر اخرش من حجارة راس الجزيرة ويدعك فيهو بي ايدينو اللِّتنين نامن جابن الدم ويبكي ـ البت قاتْلو سجمي ياعمي مالك؟ قال لها أنا يازهرة ابوك ينهرني قدام الرجال ـ انا جيت اتفشا
في الحجر ده عشان ما اعوِّقو ونبقي سِيرة البلد.

Post: #529
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-09-2014, 06:52 PM
Parent: #528

ضربتين وين يا اب فاخورة قرعوبة
تضحك فينا الناس . هسة ألقي حجر حاج احمد وين
ود حاج احمد عرف بجاحي.هو لو انا عارفك قاصد بتم ونستي واهاظر
بعدينك آ خوي البينا عامرة
تكتر تقلل هسة بجيب فضيحتك هنا سكرين شوت

Post: #530
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 06:54 PM
Parent: #528

Quote: مشت عليهو لقتو ماسكلو حجر اخرش من حجارة راس الجزيرة ويدعك فيهو
بي ايدينو اللِّتنين نامن جابن الدم ويبكي ـ البت قاتْلو سجمي ياعمي مالك؟
قال لها أنا يازهرة ابوك ينهرني قدام الرجال ـ انا جيت اتفشا
في الحجر ده عشان ما اعوِّقو ونبقي سِيرة البلد.

الفاضلابي الحبوب
والله من زعلت من عبدالحفيض
لكن حزنت أنا قلت كدي ليه حتى يفهما ابوسن غلط
وحبيت اوضح
والله وماك رايدني حليفة يوم ولدو ولدو فرحت فرح اللقا الرايحة وقعد في الواطا
شكرت الله زين الأعطى ودابوسن وليد يبقالو سند فوق محنة البنيات العندو
يا سلام يا الفاضلابي كان الأدب يغطي هولاء الرجال
ابوي كان صعب مرة أختلف مع واحد من حلتنا في مجمع ارفع يدك لي فوق وأشطو كف أمام كل الناس
حلَّ الموقف عمي ( هو أكبر منه سنا ) قام من محلو وجاء لابوي تاح كفتو كفين
ابوي مارفع عينو فيه ومشى البيت ( ايامها اخوي الاكبر حاضر الموقف وكان صغير )
وكان كلما يضربنا يذكرنا بهذه القصة لما نحاول نرد ضربه ضربا
ههههههههههههه

Post: #531
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 07:05 PM
Parent: #530

Quote: عمن لينا جاي سكران لط من السيسبانة في طرف الحلة . راكب حمارو ويدوبي
لقا تلات انفار بصلو العشا جماعة
طفر من حمارو و الله اكبر
صلي معاهم
بعد سلمو ... الامام اتلفت عليهو
ما شا اللهآ فلان بقبت تصلي
قال ليهو
حرم ما بصلي علا وجعتني قلتكم دي قلت النكتركم

ههههههههههههههههههه
ههههههههههههههههههههههه
حرم عمك راجل
أسمعني
لقيت الرسالة الرديت ليك عليها وجاتك غلط
تحت رسالتك
عليك أمان الله قائمة طويلة طلبات ( بس بقول ما وصلت )
حقو الواحد يقول ليها مو خاتمك دا ( ذاتو راح ) هههههههههههههههه

Post: #532
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-09-2014, 07:08 PM
Parent: #530

Quote: وكان كلما يضربنا يذكرنا بهذه القصة لما نحاول نرد ضربه ضربا

اخوك ده طالبو كم ضربة؟ نكشف ليك الامتحان
عدد الضربات يورينا شقاوتك كانت قدر شنو وات سغير.
يلا عارفينك مابِتبُص في ورقة ودالبوش.

Post: #533
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-09-2014, 07:16 PM
Parent: #532

Quote: عمن لينا جاي سكران لط من السيسبانة في طرف الحلة . راكب حمارو ويدوبي
لقا تلات انفار بصلو العشا جماعة
طفر من حمارو و الله اكبر
صلي معاهم
بعد سلمو ... الامام اتلفت عليهو
ما شا اللهآ فلان بقبت تصلي
قال ليهو
حرم ما بصلي علا وجعتني قلتكم دي قلت النكتركم

صاحباً لي من عمارة الشيخ هجو ـ قال رجع من امريكا
قاعد تحت الشدرة مع عماً ليهو جزار الحلة ـ ومابيصلي
الناس جات راجعة من صلاة الجمعة وهو قاعد تحت الشدرة
مع ود اخوهو الجاي من امريكا ماسِكْلو مُطْرَق يجرجر بيها في الـ واطا
نامن الناس الجاية من الصلاة قَرَّبوا عليهن اتلفت علي ود اخوهو وقال ليهو:
هه يمين كُلهن سرَّاقين لحم.

Post: #534
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 08:18 PM
Parent: #533

Quote: يا شيقوق وود اب سن والفاضلابي واميرة وبسمات
والله كان حاسين بحسس ود المنسي دا كان كل يوم تضربوا ليهم تعزوهو في خاتمو الراح
وغلا ضربة تعزية وضربتين تلاتة فقدان وكيف اصبحت وكيف امسيت والضربة الرابعة ان شا ء الله جمعت ؟
ود المنسي دا حنين يا اخوانا وما بحمل الهببابي كلو كلو
اضربوا ليهو عليكم الله خلوهو انفش واطلع ليهو حس
الزول مغبون ومعتشم

حرَّم يا ود البـــــوش تستاهل غنوة حلوة

Post: #535
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 08:53 PM
Parent: #534

Quote: والله جنس غتاتك ما شفتها إلا في جلّول، الكسر مروحة أهلو في البندر (خبتا بي عصا) وقال لهم : قايلا سمبرية
زمان كان عندنا ولاداً غتيتين زيك كدي، كان عندهم سادية غريبة خلاس، يكاوشوا الفار يقبضوهو حي، يرموهو في حفرة ولا في قفص جداد
ويجيبوا كديس جيعااااان، ويرموهو معاهو ودا كلو عشان يشوفوا جقلبة الفار ..
\

يابدر سلااام
والله ناسك ديل فاتو الوراهم القدامهم
قتا لي كفت المروحة جابها رب
هههههههههههههههه
دي الفاضلبي فاتت علي كيف ماعلق عليها
ههههههههههههههههههه
ياهو الخير ززول الفاضلابي ههههههههههه

Post: #536
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-09-2014, 09:05 PM
Parent: #535

في واحد في حلة ناس عمتي
زولا كعب بالحيل
ينعطن في المرايس من تصبح لامن تمسا
وفوق خمجي دا كلو زولاُ لئيم الطير في السماء يقول لي جيت من وين
يهوهو في الكلاب من كعابتو
أها مرة مرض وبقى محدر لي الموت وطبعا الزول المحدر للموت الناس بتحرسو
أها ناس الحلة جت عليهم مكسرين من يوم الخميس إلا راجل عمتي تب ما مشى عليهم
وأخو مكسر مع الناس يشيل ويرسل لي أخو لانو لاحظ أنو ما بين الناس المكسرين وداك يجي المرسال
ويطنش
يوم الجمعة زوج عمتنا إستحمى وفطر الفطور المجيه ومشى صلا الجمعة ورجع بيتو بنيتو سوت لي الغدا وبعد الدا شرب قهوتو
وما شغال بي الجماعة
يوم السبت من صباحاً بدري مشى عليهم يشوفوا ويطايب أهلوا المكسرين ومعاهم ناس الحلة
أها أخو جرا غادي من الناس قال ها زول ما عيب عليك تجي لي تالت يوم
قال
يعني هو من صلاحو داير يموت يوم الخميس يوم صيام الرسول وهو ما من ناسو
ولا مبروك وداير يموت يوم الجمعة
فوق شنو أجرجر وأجي ها بعدكان ميت اللموت ترا شوفتو

Post: #537
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-09-2014, 11:00 PM
Parent: #536

Quote: يقبضوهو حي، يرموهو في حفرة ولا في قفص جداد
ويجيبوا كديس جيعااااان، ويرموهو معاهو ودا كلو عشان يشوفوا جقلبة الفار ..

ديل فاتو الصِرب لي غادي
قُتَّا لي الوول كفت المروحة اتغابا فيها العِرفَة؟
عندنا جدنا ـ بحلب في البقرة وجناها يلاكِد في الشطُر
احماهو الحليب ـ جدنا دردم ايدو وفوق نخرة العجل
خلاهو كنيشة.
سلامات يابدر ـ ادخل لي جوه الديوان مفرّش وقدامو ممطر

Post: #538
Title: Re: ود شيقوق وودالبوش وود المنسي هام
Author: اميرة السيد
Date: 09-10-2014, 06:38 AM
Parent: #537

اولا اريد ان استميحكم عذرا في ان اقتحم عليكم جلستكم الحلوة دي وادلي بتعليق
لوم بسيط..
ولكن قبل كده عاوزة. اوضح لشنوا بقيت اتلصص عليكم من بعيد..انتهزت غياب بنت
مصطفى وقلت في نفسي كده ناخد استراحة من قصة سالم ويسلم واسامة ونشوف
بنت مصطفى كاتبة البوست بتاع الناس السمحين على اساس البوست ده ليه وميفن
ودخلت ..وقريت شوية من البداية وجيت للصفحة الاخيرة ..وبصراحة لقيت بنت
مصطفى ما عندها حق ابدا تصفكم بالناس السمحين .....انتو ما ناس سمحين وبس
والله انتو ناس سمحين ورائعين ومبدعين وبتزرعوا الفرحة في القلوب ..وبنت مصطفى
ظلمتكم ظلم الحسن والحسين
( ظلم الحسن والحسين دي تعلمتها من بنت مصطفى) ،،،،انا ما تميت قراءة كامل البوست
ولكن فقط من مشهد وسيناريو واحد عرفتكم انتو رائعين قدر شنو.....والمشهد ده حكاية
الزعلة الحاصلة بين الاساتذة ود ابو سن وخالد محجوب وعبد العزيز.....وقرات ردود
الافعال ....وعرفت لي شنوا انتو ناس سمحين ورائعين ومبدعين..واخلاقكم اخلاق ملائكة
وانا كان عندي قدرة كنت جمعت البوست ده في كتاب ونشرته ووزعته للناس هناى في الغربة
وفي داخل السودان مجان....الليلة يا جماعة يو ميك ماي دي you make my day
مرة ثانية عذرا اذا ما اقتحمت عليكم داركم دون استئذان ودون علم بنت مصطفى..
كدى بعد كده نجي للوم( عاديتونا ونتكلم معاكم قروي وبدوي..وانا اساسا قروية وبدوية
من عطبرة) واللوم واقع في خالد محجوب وواقع فيكم كلكم الما رديتو عليه..وشوفو قال
شنو:"شكرت الله الاعطى ود ابو سن وليد يبقالو سند فوق محنة البنيات العندو""
اسه الكلام ده ما بيزعل وبيفقع مرارة اي بنت في الدنيا....كيفن يا خالد بتقول لود ابو سن
ان ولادة البنات محنة ..يعني مصيبة....والبنت في الزمن ده هي البقت سند لاهلها...وشوف
براك يا ود ابوسن بنتك الحليوونة دي المصورة بالنظارات كان ما بقت ليك هي السند...والحاجة
الزعلتني كمان انتو ما رديتو عليه......لكن برضه الحاجة الخففت الزعلة شوية ان في البوست
اشادات وترحيب واشعار وكلمات حلوة تشيد بالبنت عموما.....
ودمتم بخير وصحة ونومو عوافي( نومو عوافي دي والله سمحة)
بسمات الشيخ عبد الرحيم وبالانابة عن بنت مصطفى...بس تحشري ده ما يكون زعلكم..

Post: #539
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-10-2014, 07:03 AM
Parent: #538

يا شباب ما تتحسسوا ساكت
كلام خالد واضح وما أظن أب سن يسيء فهمو
البوست دا بقى واحة ظليلة في هجير البورد وجفافه
خلونا ناخد راحتنا ونستمتع بي عفويتكم
الزول ما بعيف كلام ود عمو

يا قول جنى البطانة اللقى قريبو يتسوك بي فرشتو
نهرو يا جنا مالك بتتسوك بي فرشتي ؟؟
قال ليهو: أول الزول بعيف خشم ود عمو ؟؟؟

تحياتي مثنى وثلاث ورباع
إتو حكاية النسب وصلت وين؟
نجضوا الموضوع دا وإن نطيتو نحن جاهزين

Post: #540
Title: Re: ود شيقوق وودالبوش وود المنسي هام
Author: الصادق عبدالله الحسن
Date: 09-10-2014, 07:43 AM
Parent: #539

=

Quote: يبقالو سند فوق محنة البنيات العندو

أبقي داخلة يا بسمات وأنا ذاتي يا السمحة داخل معاك ضيف على تاية (ود أبسن) السمحة
Quote: و سمحه جنس سماح و المولي زادا محنه
كمــلت الأدب و رِقه و خجل محنّا
زي الـسيسبان في مشيتا بتتني
و ما بتشبه بشـر دي هديه من الجنه

خالد ود محجوب المنسي يا بسمات
لم تزل (الحنينة وسُكرة) تعبئ دواخله،
و رغم أنها كسرت فيه أكثر من ضُلعة
فإنها ما تزال محبوسة هناك تتفلفص عبثاً
للعثور عن منافذ الخروج ولكنه يضمها ثانية من فرط محَّـنته.

فالحِنين (ود المنسي) يتحدث عن المَـحـَّـنة
وعن
Quote: كمَّلت الأدب و رِقه و خجل محنّا

وهو يتحدث عن "حنان" بنات أبسن
الماليات عليهو "حنانو" قبل مجئ شقيقهن الحارس والفارس الصغير

تحياتي لكم أهل التاية والشاية ..
ويا أخي (بدرالدين) أختنا الملكة بسمات تدخل عليكم هنا
كما دخلت الملكة بلقيس هناك..
ومشت فوق ذلك الصرح الممرد
فرحبوا بها
(و افتحوا الليلة أبواب المدينة)
...
..
.

Post: #541
Title: Re: ود شيقوق وودالبوش وود المنسي هام
Author: عبيد الطيب
Date: 09-10-2014, 07:45 AM
Parent: #539

Quote: كدى بعد كده نجي للوم( عاديتونا ونتكلم معاكم قروي وبدوي..وانا اساسا قروية وبدوية
من عطبرة) واللوم واقع في خالد محجوب وواقع فيكم كلكم الما رديتو عليه..وشوفو قال
شنو:"شكرت الله الاعطى ود ابو سن وليد يبقالو سند فوق محنة البنيات العندو""
اسه الكلام ده ما بيزعل وبيفقع مرارة اي بنت في الدنيا....كيفن يا خالد بتقول لود ابو سن
ان ولادة البنات محنة ..يعني مصيبة....والبنت في الزمن ده هي البقت سند لاهلها...وشوف
براك يا ود ابوسن بنتك الحليوونة دي المصورة بالنظارات كان ما بقت ليك هي السند...والحاجة
الزعلتني كمان انتو ما رديتو عليه......لكن برضه الحاجة الخففت الزعلة شوية ان في البوست
اشادات وترحيب واشعا وكلمات حلوة تشيد بالبنت عموما.....
ودمتم بخير وصحة ونومو عوافي( نومو عوافي دي والله سمحة)
بسمات الشيخ عبد الرحيم وبالانابة عن بنت مصطفى...بس تحشري ده ما يكون زعلكم..

تحيَّات نواضر لي بت الشيخ عبدالرحيم ولي بت السيد
أخوكي أبو بنات وبريدهِن شديد ....
عشان شفت البنات في والدي ووالدتي
نحن أولادهم إتفرقنا ....منا من هاجر ومنا من شايلاهاو في عُقلتها يعني مرة مع البهايم نشوقا ومرة معاهن سافلا "الجزو"
بس أخواتنا هنّ الصبرن معاهن..........!
إبنة خالتي كثيرا ما تمازحني ب "أبو البنوت"، وأحيانا تستشهد بشعر الحكامة بت الشيخ سالم ، عندما طالت مدّة إبن عمها مع الإبل في رحلة الجنوب
طالت بيك المدّ’
وعالت بيك أُم قجَّة
فكانت تمازحني وهي تردَّد شعر بت سالم
ومن غنا الجراري
الحُدْب الروسهن زاعِن
بارن ليك ما انباعِن
أبو البنوت الضَّاعِن
شرفن ليكا وراعِن
بعدين يا بت الشيخ بناتي من شدة مابريدهن مسميهن
"الحُم"
حتي إحداهُن عندما أهاتفها وأسألها من أخوتها..
تجيبني وهي ضاحكة :
الحُم يا أبوي طيبات خلاس.....!
والحُم يطلقها أهل البادية علي البنات الجميلات والوهيطات المعرضات وأمَّات نفل.....
شوفي هني ود السراج قال شنو عندما طال مكوثه برحلة الجزو "رحلة الشمال"
بدبكن ليكا فوق جمل الهداد ما بحودن
بخلنلك قفاهن بالمصاع متسودن
الحُم اللى مخالات الحديث بتقودن
يا الحُدب السِّمان ليهن بتين بتعودن
عندنا أخونا علي إبراهيم قبل سنين جابو ليهو ولد بعد ثلاث بنات ، ونحن في المستشفي ، عندما أخبروه بالولد
كورك تلات مراااات بصوت عااالي
قلت ليهو ياعمَّك علي هوِّن......أزعجت الناس...
فقال: ياعبيد ..علي أخوك جايبين فيهو تلاتة أقوان
جبت لي قون واحد ما أكورك... !
البنات ماهِن ساهلات تب....
بس يا بت الشيخ كان لقن ليهن أخو .....
أولا بضوِّي ليهن نار أبوهن...........!
وببقالهن دُخري لي الزمان الشين .............!
Quote: قال ليهو: أول الزول بعيف خشم ود عمو ؟؟؟

صدق وحاتك..............
الله يجازي محنك يا بدر البوادي..........!

Post: #542
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-10-2014, 08:50 AM
Parent: #541

الصادق يا حبيب
كيفنك أخوي

زي السيسبان .. في مشيتا بتتنى
وقطعة من الجنة

سمح والله
دي المشية البتكتل سيدا زي ما قال ود شعيت
كتلها مشيها ، حسان أصلو مو غلتان

حبابك وحباب بت السيد
فوجودها يطعم البوست، ويديهو نكهة خاصة

تحياتي لكما مثنى وثلاث ورباع
( "لكما" دي سمحة )

Post: #543
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-10-2014, 08:57 AM
Parent: #542

والله يا العبيد أنا بعجبني الزول البنجض شغلو
وعلي الطلاق العبيد دا إن شتّمك تتكيف
يعجبني سردك وإيرادك للقصص وألذ منها قطع الجراري البترميها في نص الحديث
زي الجبنة في فولاً غرقان بي زيت السمسم

بت السيد دي قالت من أتبرا ، أكيد بتعرف فول اتبرا الشهير ومطعم الدبّلو
البلا الياخدو

بمناسبة نجيض الشغل دي قالوا ود أب سن شافلو ولد يرقص رقيص رقبة
المهم عمك انبسط، عجبتو الرقصة، مشى هز فوق الولد ونقط فوقو قروش
بعدين الجماعة (المعــ يـــن) أشاعوا بأن أب سن بعجبوهو الولاد
قال لهم: الولد ما بعجبني والله، لكن بعجبني الزول البنجض شغلو

تحياتي مثنى وثلاث ورباع

Post: #544
Title: Re: ود شيقوق وودالبوش وود المنسي هام
Author: عبيد الطيب
Date: 09-10-2014, 09:16 AM
Parent: #543

Quote: أبقي داخلة يا بسمات وأنا ذاتي يا السمحة داخل معاك ضيف على تاية (ود أبسن) السمحة

الصادق ودعبدالله إنت وبسمات حبابكم طَنْ ....
وحبابك طَن حقوق النجر محفوظة لحنفي يابدر البوادي

Quote: وهو يتحدث عن "حنان" بنات أبسن
الماليات عليهو "حنانو" قبل مجئ شقيقهن الحارس والفارس الصغير

والله يا الصادق أظن مداخلتي إطاقشت مع مُداخلتك.....
أرسلتها وعملت ليها هوب حتَّان بعد داك شفت مداخلتك
أها الفارس دي بنات أب سن محتاجات ليهو شديد
وبعد سنتين تلاتة ، إن زرتهن بتلقاهِن يحلفن بيهو ويقولن:
"حات الويحيد"
الراحل المقيم الشيخ البرعي عندو مدحة رائعة آخرها بقول مخاطبا ود الخضر وقد رُزق بفارس جديد:
ود الخِِضْرِِ تَضْوِي بلودو
وليهو تبارك المولودو...

شكرا يا بدر البوادي علي السماحة والنافلة الزينة
لكن حلف إنت الوهيط البدقروهو من العين..............
قلت لي قطع الجراري ....... سمسمها مطفح وجبنتو غرقانة...............!

Post: #545
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-10-2014, 09:25 AM
Parent: #543

والله بوستي دة يزورو فوقو .. لم الناس السمحة ونفوسا طيبة
وحباب بسمات حرم تستاهلي الدم .
الصادق وبدر والعبيد ومحمد حلفت عليك تعيد مداخلتك الحذفتها
ودالمنسي بختف الكلام من نصو وينقز بيهو .. احمدو عندي عماد 8 سنوات .كنا بنعمل فرقة 4 سنة بين العيال . لكن المرة دي فلتت ما بين ميار و علاء سنة واحدة فأرتعبت زوجتي فهي تلد بعملية . وكنا خايفين
الاولاد مسمي علي اصحابي
عماد عثمان الخضر
علاءالدين جاد الله
وبرضو انا ابو بنات

Post: #546
Title: Re: ود شيقوق وودالبوش وود المنسي هام
Author: اميرة السيد
Date: 09-10-2014, 10:03 AM
Parent: #545

الاستاذ الكبير. الصادق عبد الله الحسن
دائما مداخلتك انت الرويال ..كان بهنا او كان بهناك..
واذا انت ما شرحت لي كلمة محنة والانا الفهمتها بمعنى ""مصيبة""
كنت لباكر وبعد باكر زعلانة زعل اليابا فضل من خالد محجوب...
والله يجازي محنك يا خالد مش تشكل الكلمة....
والمهم. ومن هنا اقدم الاعتذارات لخالد والوصفنا بالحنان والمحنة ودي
براها بتخلينا نشيلك في عيونا يا اخو البنات....والمهم التاني اقدم لخالد
الشكر برضه الخلاني اتداخل هنا واقرا الكلمات التي سطرها نوار هذا البوست
الساطع ترحيبا بمداخلتي والانا كنت فاكرة باني اتحشرت في جلستكم واتحديت
مجالا مو مجالي....والشكر لكم جميعا .....

Post: #547
Title: Re: ود شيقوق وودالبوش وود المنسي هام
Author: الطيب شيقوق
Date: 09-10-2014, 10:11 AM
Parent: #546

يا اخونا ناسف للانقطاعة بسبب زحمة الشغل

Quote: والله يا العبيد أنا بعجبني الزول البنجض شغلو
وعلي الطلاق العبيد دا إن شتّمك تتكيف

والله دى صدقت فيها بالحيل يا بدر الدين

لكن ما اظن العبيد يفك ليهو كلمة اكان ما وزنها على ميزان من دهب

Post: #548
Title: Re: ود شيقوق وودالبوش وود المنسي هام
Author: الطيب شيقوق
Date: 09-10-2014, 10:18 AM
Parent: #547

Quote: كدى بعد كده نجي للوم( عاديتونا ونتكلم معاكم قروي وبدوي..وانا اساسا قروية وبدوية
من عطبرة) واللوم واقع في خالد محجوب وواقع فيكم كلكم الما رديتو عليه..وشوفو قال
شنو:"شكرت الله الاعطى ود ابو سن وليد يبقالو سند فوق محنة البنيات العندو""
اسه الكلام ده ما بيزعل وبيفقع مرارة اي بنت في الدنيا....كيفن يا خالد بتقول لود ابو سن
ان ولادة البنات محنة ..يعني مصيبة....والبنت في الزمن ده هي البقت سند لاهلها...وشوف
براك يا ود ابوسن بنتك الحليوونة دي المصورة بالنظارات كان ما بقت ليك هي السند...والحاجة
الزعلتني كمان انتو ما رديتو عليه......لكن برضه الحاجة الخففت الزعلة شوية ان في البوست
اشادات وترحيب واشعا وكلمات حلوة تشيد بالبنت عموما.....
ودمتم بخير وصحة ونومو عوافي( نومو عوافي دي والله سمحة)
بسمات الشيخ عبد الرحيم وبالانابة عن بنت مصطفى...بس تحشري ده ما يكون زعلكم

ااااااااااي يا بسمات - اول حاجة حبابك الف وسط عولك ديل - وتاني حاجة كلامك لود المنسي عجبني بالحيل باقي الزول دا شليّق بالحيل برمي الكلام قبال يوزنو سمح هههههها

وانا ذاتي كنت مافي ما عرفتو رمى الدرابة دي الا هسه

Post: #549
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-10-2014, 01:34 PM
Parent: #548

حبابك بسمات يا معاين من الشباك
تعرفي انا ابوبنات ودفاعي عن البنات كأنو تبرئة لي من عيب . فما قاعد ادافع .. بكرت وتنيت بالبنات ولصق فيني الاسم .. واشتهرت اسفيريا ب ابوتوتا . وتوتا بكري .. وجبت الولد .. وكلهم عيالي والله احبهم علي قدم المساواة
ولكن للولد مأول في السودان .. هسة ريحني من جيب اللبن ومشي الكناتين .. وبقنا رفقا نمرق سوا . ارح يا عمدة .. وتزعل امو
هسة سايقو بي لبسو دة .فتناديهو وتلبسو سمح ويسرحو ليهو
مرقتنا في خشم الباب بفرتك شعرو .. وافك الشكة ..
وتزعل بناتي
الراجل عندك الا يكون مبهدل
ولكني اخشي ان تؤثر فيه ما يراه في اخواته
وانا زولا اغبش جني وجن مياصة الاولاد وخيابتم
ف
عمدة 8 سنة صحبي وطبيقي . نتقادم سوا لصلاة الجمعة
حبابك اللميرة بت اللمير

Post: #550
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 02:27 PM
Parent: #549

Quote: اولا اريد ان استميحكم عذرا في ان اقتحم عليكم جلستكم الحلوة دي وادلي بتعليق
لوم بسيط..
ولكن قبل كده عاوزة. اوضح لشنوا بقيت اتلصص عليكم من بعيد..انتهزت غياب بنت
مصطفى وقلت في نفسي كده ناخد استراحة من قصة سالم ويسلم واسامة ونشوف
بنت مصطفى كاتبة البوست بتاع الناس السمحين على اساس البوست ده ليه وميفن
ودخلت ..وقريت شوية من البداية وجيت للصفحة الاخيرة ..وبصراحة لقيت بنت
مصطفى ما عندها حق ابدا تصفكم بالناس السمحين .....انتو ما ناس سمحين وبس
والله انتو ناس سمحين ورائعين ومبدعين وبتزرعوا الفرحة في القلوب ..وبنت مصطفى
ظلمتكم ظلم الحسن والحسين
( ظلم الحسن والحسين دي تعلمتها من بنت مصطفى) ،،،،انا ما تميت قراءة كامل البوست
ولكن فقط من مشهد وسيناريو واحد عرفتكم انتو رائعين قدر شنو.....والمشهد ده حكاية
الزعلة الحاصلة بين الاساتذة ود ابو سن وخالد محجوب وعبد العزيز.....وقرات ردود
الافعال ....وعرفت لي شنوا انتو ناس سمحين ورائعين ومبدعين..واخلاقكم اخلاق ملائكة
وانا كان عندي قدرة كنت جمعت البوست ده في كتاب ونشرته ووزعته للناس هناى في الغربة
وفي داخل السودان مجان....الليلة يا جماعة يو ميك ماي دي you make my day
مرة ثانية عذرا اذا ما اقتحمت عليكم داركم دون استئذان ودون علم بنت مصطفى..
كدى بعد كده نجي للوم( عاديتونا ونتكلم معاكم قروي وبدوي..وانا اساسا قروية وبدوية
من عطبرة) واللوم واقع في خالد محجوب وواقع فيكم كلكم الما رديتو عليه..وشوفو قال
شنو:"شكرت الله الاعطى ود ابو سن وليد يبقالو سند فوق محنة البنيات العندو""
اسه الكلام ده ما بيزعل وبيفقع مرارة اي بنت في الدنيا....كيفن يا خالد بتقول لود ابو سن
ان ولادة البنات محنة ..يعني مصيبة....والبنت في الزمن ده هي البقت سند لاهلها...وشوف
براك يا ود ابوسن بنتك الحليوونة دي المصورة بالنظارات كان ما بقت ليك هي السند...والحاجة
الزعلتني كمان انتو ما رديتو عليه......لكن برضه الحاجة الخففت الزعلة شوية ان في البوست
اشادات وترحيب واشعار وكلمات حلوة تشيد بالبنت عموما.....
ودمتم بخير وصحة ونومو عوافي( نومو عوافي دي والله سمحة)
بسمات الشيخ عبد الرحيم وبالانابة عن بنت مصطفى...بس تحشري ده ما يكون زعلكم..

الحبيبة بسمات بت الشيح ود عبدالرحيم
ونسايم عطبرة الحلوة
تهدينا وترسينا
ونقابل فيها ناس طيبين
فراقم كان مبيكنا
مرحب حبابك في ديوان ود أبوسن
أدخل كمدخلك في اللوم البسيط
وأرد اللوم ملامــة حنينة
أرجعي في بدء حديثي لاسمك اللذي كتبته بالأحمر
بسمات
بت الشيخ
ود عبدالرحمن
كرم الله جنس الرجال في الدنيا أن نحمل أسمائهم
والولد البحمل الأسم
لكن الله عادل وهو العدل لذا كرم النساء في ما أعظم من الدُنيا أن ننادى يوم القيامة باسماء أمهاتنا
وأنا عندما قلت للحبيب أبوسن جاك ولد يكون لك سند في محنة إخياتو
لأني أعلم البنت حنينة وهي البتلزم الوالدين حب وحنا وهي صغيرة وبر ومحنة عندما يكبرا
وزي ماقال
كلمة سند لم تأتي ولم تطلق إلا في مكانها
الولد البسد مكان ابو ويسد ما لا تستطع البنت سده
لا أقصد ما رميت له في أشياء غابت عنك
سند أي يفعل ويشيل الحمل عن ابوه ( لا أقصد الحمل المادي والمشاركة )
لكن الحمل التمثيلي في اي مكان
في الأفراح
في الأتراح
في كل مكان
ويوم يموت هو البوسد راسو الجابرة
البنت من يوما هي ركازة البيت ونحن معشر الأولاد من نسند هي الركازة ماتقع من ثقل الحمول ( إن بقى فينا فايدة )
نحن أكيد ناس نعتبر في نظر الكثيرين متخلفين لكن نعتز بتخلفنا لأننا جد نعتز ونفاخر بالمرأة
فهي
الأم
الأخت
الخالة
العمة
في البدء هي المحنة الجدة ( الحبوبة )
بسمات لا تحسسي من لفظ نقله والله لا نحمل اي عقد تفرق بين البنت والولد
وأنا اقولها لك صراحة ابني أحمد كنت أدعوا الله ليل نهار أن يكون بنت حتى أوسم بها اسم
( امي العزيزة عليه رحمة الله في حياتها ) لكن قدر الله وما شاء الله فعل
لك تحياتي ومودتي

Post: #551
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 02:41 PM
Parent: #550

Quote: يا شباب ما تتحسسوا ساكت
كلام خالد واضح وما أظن أب سن يسيء فهمو
البوست دا بقى واحة ظليلة في هجير البورد وجفافه
خلونا ناخد راحتنا ونستمتع بي عفويتكم
الزول ما بعيف كلام ود عمو

بدر وسلمان
التحيات لك يا جميل
يابدر نحن هربنا من حميم المهاترات وجينا نستظل في واحة حديثنا يكون فيها شغب حلو مذاقه
بطعم الشهد طيبا
حديث الأخت بسمات لوم وملامة العزيز مودة وحنان
أوضحت لها قصدي
ولك الشكر يا جميل على هذا الكلام الطيب يا حامل المسك

Quote: يا قول جنى البطانة اللقى قريبو يتسوك بي فرشتو
نهرو يا جنا مالك بتتسوك بي فرشتي ؟؟
قال ليهو: أول الزول بعيف خشم ود عمو ؟؟؟

ههههههههههههههه
مسلط إت يا بدر ....
وقول في محلو لزم

Quote: تحياتي مثنى وثلاث ورباع
إتو حكاية النسب وصلت وين؟
نجضوا الموضوع دا وإن نطيتو نحن جاهزين

لك منا السلام والتحيات خمّسة ومسدسة هههههه نطلق ونسد الخانة

Post: #552
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 02:49 PM
Parent: #551

Quote: أبقي داخلة يا بسمات وأنا ذاتي يا السمحة داخل معاك ضيف على تاية (ود أبسن) السمحة
Quote: و سمحه جنس سماح و المولي زادا محنه
كمــلت الأدب و رِقه و خجل محنّا
زي الـسيسبان في مشيتا بتتني
و ما بتشبه بشـر دي هديه من الجنه

خالد ود محجوب المنسي يا بسمات
لم تزل (الحنينة وسُكرة) تعبئ دواخله،
و رغم أنها كسرت فيه أكثر من ضُلعة
فإنها ما تزال محبوسة هناك تتفلفص عبثاً
للعثور عن منافذ الخروج ولكنه يضمها ثانية من فرط محَّـنته.

فالحِنين (ود المنسي) يتحدث عن المَـحـَّـنة

الحبيب الصادق الصدوق
لك شكري الجزيل محنة على هذه الكلمات الطيبة
وهي كلمة ندعوا لها من يوم دخلنا هذا المنبر
الحســــنة معطت شارب الأسد
والكلمة الطيبة هي الباقية وماكثة وما دونها يذهب جفاء
كلمـــة طيبة ضاربة في أعماق الأرض وتدا وفرعها يلامس عنان السماء تلثما
ودمت في رعاية المولى

Post: #553
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 02:59 PM
Parent: #552

Quote: تحيَّات نواضر لي بت الشيخ عبدالرحيم ولي بت السيد
أخوكي أبو بنات وبريدهِن شديد ....
عشان شفت البنات في والدي ووالدتي
نحن أولادهم إتفرقنا ....منا من هاجر ومنا من شايلاهاو في عُقلتها يعني مرة مع البهايم نشوقا ومرة معاهن سافلا "الجزو"
بس أخواتنا هنّ الصبرن معاهن..........!
إبنة خالتي كثيرا ما تمازحني ب "أبو البنوت"، وأحيانا تستشهد بشعر الحكامة بت الشيخ سالم ، عندما طالت مدّة إبن عمها مع الإبل في رحلة الجنوب
طالت بيك المدّ’
وعالت بيك أُم قجَّة
فكانت تمازحني وهي تردَّد شعر بت سالم
ومن غنا الجراري
الحُدْب الروسهن زاعِن
بارن ليك ما انباعِن
أبو البنوت الضَّاعِن
شرفن ليكا وراعِن
بعدين يا بت الشيخ بناتي من شدة مابريدهن مسميهن
"الحُم"
حتي إحداهُن عندما أهاتفها وأسألها من أخوتها..
تجيبني وهي ضاحكة :
الحُم يا أبوي طيبات خلاس.....!
والحُم يطلقها أهل البادية علي البنات الجميلات والوهيطات المعرضات وأمَّات نفل.....
شوفي هني ود السراج قال شنو عندما طال مكوثه برحلة الجزو "رحلة الشمال"
بدبكن ليكا فوق جمل الهداد ما بحودن
بخلنلك قفاهن بالمصاع متسودن
الحُم اللى مخالات الحديث بتقودن
يا الحُدب السِّمان ليهن بتين بتعودن
عندنا أخونا علي إبراهيم قبل سنين جابو ليهو ولد بعد ثلاث بنات ، ونحن في المستشفي ، عندما أخبروه بالولد
كورك تلات مراااات بصوت عااالي
قلت ليهو ياعمَّك علي هوِّن......أزعجت الناس...
فقال: ياعبيد ..علي أخوك جايبين فيهو تلاتة أقوان
جبت لي قون واحد ما أكورك... !
البنات ماهِن ساهلات تب....
بس يا بت الشيخ كان لقن ليهن أخو .....
أولا بضوِّي ليهن نار أبوهن...........!
وببقالهن دُخري لي الزمان الشين .............!
Quote: قال ليهو: أول الزول بعيف خشم ود عمو ؟؟؟

صدق وحاتك..............
الله يجازي محنك يا بدر البوادي..........!

والله يا ودالمقدم لو كان عينة ادا بجيبك لتنثر هذه الدرر
كل يوم بنقولو لافُض فاك يا ود المقدم ربنا يحفظن ليك الحُم
ويخلف عليك بولداً يبقى ليهن ضُل وضرية
تحياتي ومودتي

Post: #554
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 03:19 PM
Parent: #553

Quote: الاستاذ الكبير. الصادق عبد الله الحسن
دائما مداخلتك انت الرويال ..كان بهنا او كان بهناك..
واذا انت ما شرحت لي كلمة محنة والانا الفهمتها بمعنى ""مصيبة""
كنت لباكر وبعد باكر زعلانة زعل اليابا فضل من خالد محجوب...
والله يجازي محنك يا خالد مش تشكل الكلمة....
والمهم. ومن هنا اقدم الاعتذارات لخالد والوصفنا بالحنان والمحنة ودي
براها بتخلينا نشيلك في عيونا يا اخو البنات....والمهم التاني اقدم لخالد
الشكر برضه الخلاني اتداخل هنا واقرا الكلمات التي سطرها نوار هذا البوست
الساطع ترحيبا بمداخلتي والانا كنت فاكرة باني اتحشرت في جلستكم واتحديت
مجالا مو مجالي....والشكر لكم جميعا .....

ما بتتلامي واللوم يمين مو هّولك
تزينك بسمة شايلا من الاسم أللولك
يا بت الشيخ المن المَحنّة هدومك
أرقدي عافية أنا لا زعلان لا بلومك

خالد

أنا ذاتي طلعت غلطان في حديث لي مع أبـ سن عندما وضع صورته الحلوة ربنا يحفظها وماشاء الله
عليها ثلاثة قلت له خطبنا البنت لأحمد ولدي
قال أخوك ملان بنات
ولما وضعت زوجته أفتكرت أنه أول مولود له ولد
ومن هنا كان حديثي
حصل خير يا بسمات الخيرات كُتار ونحن ماسكين فيها قوي وكان ما سوينا الخير توسمنا به
اي نريد فعله
والله يا أخواتي وأخواني والله الفي قلوبنا ربنا يشهد بي
مابندور غير المحنَّة معاكم نرمي لها نلهث وراءها أجدوا لنا العُذر إن أخطأنا وهذا يددني أحمل
لكم أجمعين محنَّة صادقة صدوقة يعلم الله
رايمكم زي مابقول ودالمقدم العبيد
رايم فلان اي بريد فلان يا بسمات ما أظن تحتاج لي تنوين ههههههه
الأبيات الفوق دي ترجميها ولو قست عليك مفردة أستعيني بالأطلس هههه
تحياتي يا بسمات وحبابك في حوش ابوسن

Post: #555
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 03:24 PM
Parent: #554

Quote: الاولاد مسمي علي اصحابي
عماد عثمان الخضر
علاءالدين جاد الله
وبرضو انا ابو بنات

ربنا يحفظهم ليك يا أبوسن وتشوف جناهم يا رب
اسف لما قلت لي أنا أنا أبو بنات كنت مفتكر هذا اول ولد لك

Post: #556
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 03:27 PM
Parent: #555

يا أخوانا بما فيهم إنت يا بسمات ههههههههههه
في نص العركة دي بتلفت بفتش في ود البوش
وين ودالبوش أسد الخُشاش في المِحنة

Post: #557
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 03:32 PM
Parent: #556

يا بسمات لما قلتي خالد أخو البنات صدقتي
أنا فعلاً أخو بنات ( أخ لاربعة بنات وبعزهم شديييييييييييييييييييييد )
ولك مني هدية بعد الدواس هههههههه ( الدواس أسألي منها الصادق الصدوق .. اي العراك )

Post: #558
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 03:54 PM
Parent: #557

Quote: وانا اساسا قروية وبدوية
من عطبرة)

هييييييييع بت عبدالرحيم طلعت بِتَّنا
مرحب بيك بت العم ـ ويمين بكري
كان ما اداك باسورد اتنازَلِّك من حقتي دي
يلا يابت عبدالرحيم ـ اردمي المك (نامن يقول كفي)
ما تسامحيهو بي كلامو السمح ده ـ الزول ده دايرينو
يوم يِتْمولَص في الدارة دي ويرفع الحجبات ويجي
العريس ودابسن يمعَسو خمسة سيطان دي المواجبة الـ بِنعرفا
اما مواجبة الحنك دي ما معانا.
تسلمي يابنت البلد الحلوة .ـ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هيييييييع انا الرضعان فوق الخُلال

Post: #559
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-10-2014, 04:01 PM
Parent: #557

تعرف ود المنسي والعقد النضيد
البنات حلوات والله . وطفولتهم سمحة .
وحنينات
معلبش شبكة وسؤ مزاج
ودالبوش قال داير يعتكف

Post: #560
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 06:04 PM
Parent: #559

Quote: هييييييييع بت عبدالرحيم طلعت بِتَّنا
مرحب بيك بت العم ـ ويمين بكري
كان ما اداك باسورد اتنازَلِّك من حقتي دي
يلا يابت عبدالرحيم ـ اردمي المك (نامن يقول كفي)
ما تسامحيهو بي كلامو السمح ده ـ الزول ده دايرينو
يوم يِتْمولَص في الدارة دي ويرفع الحجبات ويجي
العريس ودابسن يمعَسو خمسة سيطان دي المواجبة الـ بِنعرفا
اما مواجبة الحنك دي ما معانا.
تسلمي يابنت البلد الحلوة .ـ
ــــــــــــــــــــــــــــــــــــــــــــــــ
هيييييييع انا الرضعان فوق الخُلال

اولاً في التبادي خطك البتجرو دا يا مسنوح بفتل البوست بخلي ماشي زي النعــ ـجة المحينة لبن
وتانياً في التبادي كلامي من القليب لي الكي بورد هههههه
وتالتاً في التبادي
والله أول مافتحت اللابتوب في رأسي قصة وداير أحكيها لكن قُتا كان ودالفاضلابي وودالبوش ما بحكيها
تجي تقول لبسمات أردمي ( الله أريتو يردمك شيخي تور الجريف أبـ عنقريباًطار وركا عند بسبار )
أها القصة ذاتا ما بحكيها ليك يا مسنوح

Post: #561
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 06:14 PM
Parent: #560

Quote: تعرف ود المنسي والعقد النضيد
البنات حلوات والله . وطفولتهم سمحة .
وحنينات
معلبش شبكة وسؤ مزاج
ودالبوش قال داير يعتكف

اي بالحيل بتحدثني بسماحة البنات في الأسرة وأنا أخو بنات
حرّم هن اللزمن أبوي وأمي عليها الرحمة وهن البوجبن ويتصدقن
والبنت في صغرها تتغردن فيك لكن الوليد يتملص منك زي الدبيب
ما بنعصر
تعرف هي بت الشيخ بسمات هي قرت ( ولداً يبقالك سند فوق البنات المِحنة .. مو المَحنّة )
وبارك الله في الصادق الصدوق العدل ليها راسها في فهم المفردة التي أقصدها

..........
ود البوش مالو معتكف ؟ ماشي مكة السنة دي
والله بختهم فركــة رجل
أنا والله ناوي السنة دي لكن القدم ليهو رافع
بإذن الله يا حجا يا معيد الأضحى في البلد وبجيك في كوستي إن الله هون القاسية

Post: #562
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 06:23 PM
Parent: #560

Quote: اولاً في التبادي خطك البتجرو دا يا مسنوح بفتل البوست

اها اسوي شنو؟ يعني اجيب لي تيراب دُخُن ارميهو فوق الحَد؟
Quote: بخلي ماشي زي النعــ ـجة المحينة لبن

لا انت قصدك زي البقرة الـ واطيه حَبِلا
Quote: لكن قُتا كان ودالفاضلابي وودالبوش ما بحكيها

إنت ودالبوش ده لاميهو معاي في شنو؟ لي امس دي
ماك قاعد تشكر فيهو ونزَّلتلو مكتبة التلفزيون هدية؟
Quote: الله أريتو يردمك شيخي تور الجريف أبـ عنقريباًطار وركا عند بسبار

صاحبنا عبدالله محجوب من اولاد مدني معانا هنا ـ زول مسخوت خلاس.
يوم قاعدين في مناسبة في بروكلين ـ جات شُلة من ولاد الجريف فيهن
زي سبعة تمانية, دخلوا مع بعض.
عبدالله عاين ليهم كداااااااا وقال لهم:
إنتوا يالجرافة كَسَرْتوا في البلد دي مليتوها كدي الحكاية شنو؟
اصلو السفير الامريكي ده كان مَمَسِّكُن كمينة طوب ؟

Post: #563
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 06:41 PM
Parent: #562

Quote: صاحبنا عبدالله محجوب من اولاد مدني معانا هنا ـ زول مسخوت خلاس.
يوم قاعدين في مناسبة في بروكلين ـ جات شُلة من ولاد الجريف فيهن
زي سبعة تمانية, دخلوا مع بعض.
عبدالله عاين ليهم كداااااااا وقال لهم:
إنتوا يالجرافة كَسَرْتوا في البلد دي مليتوها كدي الحكاية شنو؟
اصلو السفير الامريكي ده كان مَمَسِّكُن كمينة طوب ؟

هههههههههههههه
والله دا زلاً مسلط ماتشوف لي باسورد عند بكري
لميتك مع ود البوش مَحنّة مو كُجنة يعني ماني مِكجنكم ( الجيم دي عطشا الله أريتك تعطس في وسط ناساً صانين )
النعــ جة المحينة بتمشي مفشقا جاي وجاي
لكن التور أو البقرة الواطية حبلا بتناتل فوق وترفع وتدلي رقبتا زي الفنان أبو اللمين
مرة أبوي لقاني بشاهد في أبوالمين بغني وقف عاين لي وقال لي دا منو دا العامل زي التور الواطي حبلو
لكن كلامك الحد ازرع لي فيهو دُخن كيفني بالحيل ضحكني لما إنكفيت زي مابقول ود البوش

Post: #564
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 07:15 PM
Parent: #563

Quote: تعطس في وسط ناساً صانين )

لا وانت الصادق يمين اول امس راكب في القطر ماشي
الشغل ـ راكب جنبي واحد روسي بالله قولة تااااااش دي
سلمني ليها تسليم مفتِّش ـ ياكافي البلا لا قفل خشمو بي ايدو لا منديل ـ
ياخ انا كان ماخُفت من العرقلة قرَّبت اصُفْقو فوق قَدُّومو
اها هسع مشكلتي خايفا تِنْدَرِع في الارباب ـ امس يعاين لي ساكت معَوِّدو
علي الشيل ـ امو نامن اجي البيت زي الجاتا ليلة القدر عشان بتدرع فيني الشفع ـ

Post: #565
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 07:41 PM
Parent: #564

Quote: لا وانت الصادق يمين اول امس راكب في القطر ماشي
الشغل ـ راكب جنبي واحد روسي بالله قولة تااااااش دي
سلمني ليها تسليم مفتِّش ـ ياكافي البلا لا قفل خشمو بي ايدو لا منديل ـ
ياخ انا كان ماخُفت من العرقلة قرَّبت اصُفْقو فوق قَدُّومو
اها هسع مشكلتي خايفا تِنْدَرِع في الارباب ـ امس يعاين لي ساكت معَوِّدو
علي الشيل ـ امو نامن اجي البيت زي الجاتا ليلة القدر عشان بتدرع فيني الشفع ـ

كان تسوي لي شغل الدكتور عوض دكام لليوغسلاف لما بدرس هناك كان بشيل معا كوممناديل وعطر بخاخ
وين ما وقف بِبُخ تشششششش
هههههههههههههههههههه قُتا لي قربت تضربو في قدومو ههههه كان تتلافا يتلافا أبـ جلابية
أبـ جلابية دا الشيخ حسن ودحسونة طباب المجنونة
يا بت الشيخ بسمات بقولوا كدي الناس لوزن القافية ممكن يعني تكون طباب المجنون
كيفتني الليلة عشان كدا بحكي ليك القصة
في المداخلة الجاية كان ما وقعت رب لاني نعسان اشبه واسالم في حروف الكي بورد
الله يغطي الأرباب من عطيسك

Post: #566
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 07:50 PM
Parent: #565

دي من حكاوي صاحبن لي من ناس المجر زميل
قال عمو كان ماشي علي الدور ويبقى العمدة وابو كبر خلاس ومريض
قاموا ناس نميري لغوا الإدارة الأهلية والعمد لا عمدة لا شيخ خط والحكاية جاطت
أها في حلتم بقى أمام الجامع
هو البصلي بي الناس
هو البعقد لي الداير يعرس
هو البصلي على الميت
هو البفتي
هو المقدم في أفراح الحلة وأتراحها
وعمو الشغلة دي بالحيل موجعا قلبو من جوة
بقى مابصلي الجمعة في الحلة
بصلي في حلة جنبهم يدور البوكسي حقو ويمش .. أها يوم قول يا بوكسي السواد أخرب
إنجبر يصلي مع الأمام المابدورو دا ...
قاعد يسمع في الخُطبة والأمام يخطب :

قال الله في مُحكم تنزيله كذا ....
قا رسول الله صلى الله عليه وسلم كذا .....
عمو وقف علي حيلو
وقال للأماما فالح في قال الله وقال الرسول علية الصلاة والسلام
أنتَّ قولك شنو مع الرُجال ؟
هههههههه

Post: #567
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 07:57 PM
Parent: #565

Quote: لميتك مع ود البوش مَحنّة مو كُجنة يعني ماني مِكجنكم

هي نان تلمني مع الزول الـ فات شيخو في السناحة؟
إنت بالصِّح هو وبت عمسيب غتسوا وين؟
غايتو بت عمسيب دي بتكون مندرعالا في ناس حيكومة
غايتو ياغتَّست حجرُن ياشفنا لي بوست تضامن معاها.
علا المسخوت ود البوش ده زي الـ مَشَبِّه عليهو شايفو
يدخل ويمرق في بوست ودالمدير زي ابوالدُّنان في المرِق اللِّيل البرندة

Post: #568
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 08:06 PM
Parent: #567

Quote: هي نان تلمني مع الزول الـ فات شيخو في السناحة؟
إنت بالصِّح هو وبت عمسيب غتسوا وين؟
غايتو بت عمسيب دي بتكون مندرعالا في ناس حيكومة
غايتو ياغتَّست حجرُن ياشفنا لي بوست تضامن معاها.
علا المسخوت ود البوش ده زي الـ مَشَبِّه عليهو شايفو
يدخل ويمرق في بوست ودالمدير زي ابوالدُّنان في المرِق اللِّيل البرندة

ههههههههه
ياتو بوست عليك الله ( ودالمدير عند إلف بوست زي مابقول فيسل هليل )
قالوا معتكف هو أصلو معتكف مننا نحن ولاشنو ؟
بمناسبة فيسل هليل
امس كُت نايم لما صبحت لقيت ليك تلفون من السعودية
أها رجعت لي من دغشن بدري رفع لي التلفون زول صوتو غريب علي
أدب .. تهذيب في حديثه
طلع الجميل محمد عبدالقادر ضرار
يا سلااام ياسلام فعلاً وحق وحقيقة رجل مثل مفردته العذبة رطابة ورقة
ودي حسنة منبر بكري بلمك في ناس حلوين شهد

Post: #569
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 08:16 PM
Parent: #567

Quote: وقال للأمام فالح في قال الله وقال الرسول علية الصلاة والسلام
أنتَّ قولك شنو مع الرُجال
؟
هههههههه
عمَّك جاب آخرو
ده زي هاشم ولدنا دايرينو يعرِّس بت عمه وهو رافِتْ
الوساطات تقوم وتقعد ـ وكتين غِلبوا معاهو كلَّموا عمه التاني الساكن في الخرتوم ـ
اها شيل خُت شيل خُت قال لي عمه ياعمي البِت دي كبيرة وشينة!
عمه قالّلو يعني شنو ياهاشم ياولدي إنت اول زول يعَرِّس مرة اكبر مِنُّو؟
النبي عليه الصلاة والسلام عرَّس السيدة خديجة وهي اكبر مِنُّو.
هاشم قاللو: اها ياعمي انا والنبي تاني منو؟

Post: #570
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 08:25 PM
Parent: #569

Quote: امس كُت نايم لما صبحت لقيت ليك تلفون من السعودية
أها رجعت لي من دغشن بدري رفع لي التلفون زول صوتو غريب علي
أدب .. تهذيب في حديثه
طلع الجميل محمد عبدالقادر ضرار
يا سلااام ياسلام فعلاً وحق وحقيقة رجل مثل مفردته العذبة رطابة ورقة
ودي حسنة منبر بكري بلمك في ناس حلوين شهد

نان وكت و دضرار بي يعرف يضرب من السعودية مالو جلاَّني من دون
امة بكري مع اني رحبت بيهو مرَّ عليكن من طرف انا فطاني التقول
انا القلت لي زولك بتاع الجامع ده انت قولك شنو؟
دِرار ولا تاخد في بالك دي مخاشنة ودية ساي عشان نَوَدِّكك في دفَسيبت
بكري دي ـ القول فيك ماقاله المك ودالمنسي ,, عارفين مشاغل الحياة.

Post: #571
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-10-2014, 08:26 PM
Parent: #569

Quote: هاشم قاللو: اها ياعمي انا والنبي تاني منو؟

كفاك أمش نوم هردتا قلبنا بي الضحك
هههههههههههههههههههه
مسنوح وأهلك كلهم زيك

Post: #572
Title: Re: ود شيقوق وودالبوش وود المنسي هام
Author: سليمان القرشي
Date: 09-10-2014, 09:02 PM
Parent: #571

غايتو بوست لامي الناس الحلوة كلها
غايتو ياودالمنسي انا البوست دا رايمو
تب مافاضل لي الا اختو قدامي الحسو
هههههههههههه

Post: #573
Title: Re: ود شيقوق وودالبوش وود المنسي هام
Author: الطيب شيقوق
Date: 09-10-2014, 09:03 PM
Parent: #571

Quote: اها ياعمي انا والنبي تاني منو؟

هههههههههههههها الفاضلابي المسنووووووووووووووح تكون نجرتها من رويسك الزي سرج العجلة دا

Post: #574
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-10-2014, 09:24 PM
Parent: #573

بسخن بس
ههههههه
صحي وتاني منو
ود عمي ابوهو شابكو ليك
فلان داك ما دفعتك و علان ووو بعاير فيهو
ولدو قال
طيب النفيدي دي كان دفعتي انا

Post: #575
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 10:45 PM
Parent: #574

Quote: هههههههههههههها الفاضلابي المسنووووووووووووووح تكون نجرتها من رويسك الزي سرج العجلة دا

ياشيقا هاشم ده حي يزرق
هو شغال بناء مرة جاء الخرتوم يسترزق
سكن جيهة الكدرو ـ اها يوم مارق من البيت
لاقاهو تور هايج والتور مما شاف ليك هاشم
ودغررررري عليه التقول بيناتم رقبة
هاشم يشيل سفنجتو في ايدينو وعض الجلابية
ورقد صوف ـ والناس يكوركوا ليهو :
يازول انبطح في الواطا يازول انبطح في الواطا
الزول ما جعلي شافا عيب ـ وكت خلاااااس الـ فيهو جات
سلم امره لي الله التور وِصل لي عنده وقف وعاين ليهو مسافة
واخد بعضو وقدل ـ الظاهر حنَّ عليهو (يعرسولو كبيرة وشينة؟)
وينطحو تور دي كتيرة.

Post: #576
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-10-2014, 10:56 PM
Parent: #575

ياخوانا انا ود العبيد ده طالبني مداخلة دحين اقيفوا خلونا الـ نَجْرُد الكشِف ده

Post: #577
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 00:02 AM
Parent: #576

Quote: ابعد منهم بعيد - الناس ديل الليلة دوماتم سايلة والضنوب شغالة رش والدومات سايلة والدلاعة كفر مازمبي بس

الله يجازيك ياسلطنة عمان ـ

Post: #578
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-11-2014, 06:04 AM
Parent: #577

الفاضلابي

قطّعت مصارينا

صباحكم عافية وراحة بال

غايتو البوست دا يمكن بدخلك الجنة يا أب سن

Post: #579
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-11-2014, 06:26 AM
Parent: #578

سلام اهل الدار
صدق يا بدر
بوست ما حقي طلق
بوست لم كل الذين احبهم . واحبهن
ما سمسار قوالة
ولا رفيقي بعقرو
ونفسي مكجنا
الناس السوا وبتنقروا
قبال انسي
ود ضرار الله لا ضراك .. اداني تلفون صباحي اولت البارح . رجل يفيض طيبة ووداعة ومحبة للناس
اتصل كاشفا عن نقاء نفس وحلف عليك تعيد مداخلتك
الفاضلابي يوم شكرك اريتنا مافي حقيت الخوة والعشرة
ودشيقوق اصبر اب هامة انا في الدرب وتفوتني حوفا
بسمات لسة ما واجبتني حاكت بت اللمير وبت عمسيب
ود البوش وموسي مال عدوكم

Post: #580
Title: Re: ود شيقوق وودالبوش وود المنسي هام
Author: الطيب شيقوق
Date: 09-11-2014, 08:06 AM
Parent: #579

اب سن
Quote: ودشيقوق اصبر اب هامة انا في الدرب وتفوتني حوفا

ياخ سيد الراكوبة برشها كويس وبفرشها كويس عشان الناس تجيهو تقعد كويمات كويمات تتونس وهو ما عليهو الا يا ولد جيب القهوة ويا ولد كب الشاي وواقف على طولو مبسوط بلمة الناس عندو

سيد الراكوبة بشيل العفص في الدبر انت فاكر ساي ؟

Post: #581
Title: Re: ود شيقوق وودالبوش وود المنسي هام
Author: عبيد الطيب
Date: 09-11-2014, 09:29 AM
Parent: #580

Quote: ياخوانا انا ود العبيد ده طالبني مداخلة دحين اقيفوا خلونا الـ نَجْرُد الكشِف ده

لا لا يا الحبيب
مشاركاتك الفوق ديل بلاهن كفاية
والله ضحكت ضحك شديد....
إنت عارف يا الفاضلابي بتعرف صرعة رباعتك ديلا خلااااس....
الطيب اخوي وخالد أخوي تقول خطرت معاهُن...............!

Post: #582
Title: Re: ود شيقوق وودالبوش وود المنسي هام
Author: اميرة السيد
Date: 09-11-2014, 04:45 PM
Parent: #581

الزملاء الأحباب:
عبيد الطيب
بدر الدين بابكر
عبد الحفيظ ابو سن ( الرئيس صاحب البوست).. بس واحد فيكم يشرح لي " البوست يعني شنو..
وانا شايفة الناس كلها بتقول للمواضيع البوست.. وبقيت احاكيهم وقلت يمكن ده مصطلح لأعضاء المنبر
وانا خلاص قاعدة اكتب في رسالة لصاحب المنبر عشان يديني محل عبد العزيز الفاضلابي في المنبر وهو
يبدأ يكتب من الفيس بوك ....
الطيب شيقوق
خالد محجوب
عبد العزيز الفاضلابي
سليمان القرشي

مرحب بيكم كلكم وقد اخجلتم تواضعنا وشجعتوني اكمل قراءة كل صفحات هذا البوست ووصلت صفحة 7
وفيه بيقول بدر الدين بابكر هذه الفقرة:-

" غايتو الجلابية والعراقي سمحات في المناسبات الزي دي ، لكن في شغل ولا في أكل بعرقلن الزول.. يقعد يخمخم فيها ويلملم فيها لامن يمرقا ..
مرة قابلني واحد في جامعة الملك عبدالعزيز في جدة بس عمك دا كبير عجوز في السن، لابس جلابية وعمة، لقيت الطلبة بتعاملوا معاه بأريحية وبساطة تختلف عن باقي الأساتذة..
أها عمنا دا لو قابلتو في الشارع مستحيل اقول دكتور في الجامعة.
فعلاً الزول ما يحكم على زول تاني من مظهرو، ودونك قصة عوض دكام الشهيرة لامن كان بغسل في عربيتو"...
بس بد ر الدين ما ورانا تمامة القصة...

ومواصلة القراءة ولغاية الويك اند بكون تميت كافة المداخلات..

ونستكم رائعة وعفوية تنساب منها طيبة النفس وصفائها ...
وملحوظة لعبد العزيز الفاضلابي.. اذا انت من عطبرة لازم بتكون بتعرف ابوي الذي تربى ونشأ في حي السودنة في عطبرة ونحن كلنا مولودين في حي السودنة في عطبرة
واذا انت من عطبرة ممكن كمان تنورنا عطبرة دي سموها بلد الحديد والنار لشنو؟ وابوي دائما كان يقول لينا الحديد والنار انطفوا.. لكن انتوا ابقو قويين وولعوها ثاني..

ودمتم جميعا بخير وصحة وعافية....ولمن اسقط في الإمتحانات اضحكوا معاي...مع تحيات بنت مصطفى
احدى زميلاتي تقول ان عطبرة عشان كان فيها السكة حديد وسموها بلد الحديد والنار.. وطيب ما مدن السودان كلها كان فيها سكك حديدية...

Post: #583
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 06:12 PM
Parent: #582

Quote: بت السيد دي قالت من أتبرا ، أكيد بتعرف فول اتبرا الشهير ومطعم الدبّلو
البلا الياخدو

اها عايني يابسمات طلعتي من السودنة وبدرالدين بابكر يقول لك مطعم الدبل .. ناس السودنة ديل يا بدرالدين ناس غير..
زمان نحن وكت نجي بي حيهم ده زي التكَننا حايميين في اوروبا ـ
ملاعب الغولف ـ حوض السباحة ـ المنتزه .. (وكنا بِنقول لها المنتزهة) ,, وشجر الزونيا ,, وثماره التي لم اذق مثلها في حياتي,,
والجداول التي تسقي اشجار اللبخ وارفة الظلال وطيورها المغردة,, والنيل يحرسها
وعلي الضفة الغربية تقع قريتي المِعطاءة (الفاضلاب) التي تمد المدينة بالبانها وخُضَرِها ولحومها ووقودها وطلحها لِتَزَّيَن نساءها ويزددن جمالاً علي جمالهن
...... آآآآآه يازمن والله يجازي الكان السبب .......
بنات السودنة كُنَّ السماء بدت لنا واستعصمت بالبعد عنا ,,,,, في زمن لاتعي الذاكرة منه الا كل جميل .
اذكر الاتراب الذين درسوا معي في مدرسة عطبرة الغربية الابتدائية من ولاد السودنة محمد شاذلي الولد المهذب كان اشطرنا في الرياضيات واول الفصل من الصف الاول حتي السادس
(زمنا كان الابتدائي ستة سنوات) هسع اكيد يكونوا زادوا لان البلد دي اي شئ فيها زاد الا جداول الضرب. واذكر منهم مبارك فخرالدين وآخرين
سقطوا من ثقوب الذاكرة التي هرمت في انتظار هذه اللحظة التاريخية التي تكاتبني فيها بنت من السودنة من وراء حجاب . الظاهر كتب علينا
ان لانري بنات السودنة الي أن تفارق الجِّته. وربما ان صَلُحت اعمالنا نراهم حوراً عِين يوم نأتي الله بقلب سليم ان شاء الله.
وبجيك راجع يابت الحي الراقي لعم عبدالرحيم وتسمية عطبرة وحديث الذكريات عن المدينة التي تعيش في اعماق كل من مر عليها ولو عابر سبيل.

Post: #584
Title: Re: ود شيقوق وودالبوش وود المنسي هام
Author: الطيب شيقوق
Date: 09-11-2014, 06:19 PM
Parent: #582

اول بالتابادي جيتا جيتي يا بت السيد والف سلامة بالعودة

Quote: بس واحد فيكم يشرح لي " البوست يعني شنو..

غايتو بالعربي قد تعني موضوع مدرج للنقاش

لكيييييييييييييييين اتلهمت ليك قوقل واتاني تفسيرها بالانجليزي حيث قال :

Post

A post is a user-submitted message enclosed into a block containing the user's details and the date and time it was submitted. Members are usually allowed to edit or delete their own posts. Posts are contained in threads, where they appear as blocks one after another. The first post starts the thread; this may be called the TS (thread starter) or OP (original post). Posts that follow in the thread are meant to continue discussion about that post, or respond to other replies; it is not uncommon for discussions to be derailed.

On Western forums, the classic way to show a member's own details (such as name and avatar) has been on the left side of the post, in a narrow column of fixed width, with the post controls located on the right, at the bottom of the main body, above the signature block. In more recent forum software implementations, the Asian style of displaying the members' details above the post has been copied.

Posts have an internal limit usually measured in characters. Often one is required to have a message of minimum length of 10 characters. There is always an upper limit but it is rarely reached – most boards have it at either 10,000, 20,000, 30,000, or 50,000 characters.

Most forums keep track of a user's postcount. The postcount is a measurement of how many posts a certain user has made.[14] Users with higher postcounts are often considered more reputable than users with lower postcounts, but not always. For instance some forums have disabled postcounts with the hopes that doing so will emphasize the quality of information over quantity.

Post: #585
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 06:25 PM
Parent: #584

Quote: اول بالتابادي جيتا جيتي يا بت السيد والف سلامة بالعودة

اها يامك عاين ـ ـ جا مَطَفِّرْ بلا بسم الله لاعارفا دي بت السودنة
لا عارفا اميرة ـ نديهو مبدأ الصالح فقد يكون تشابه عليه المها
بجامع الأميرية في كل فالإتنين أميرات.

Post: #586
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-11-2014, 07:37 PM
Parent: #585

الواحد شاعر انو اتلوم في الناس البتجي تطايبنا وتونسنا وتتونس معانا
وكلام شيقوق انا بعفص ليهم . لا والله ما كدة
المزاج مابي
وكتابة المجاملة ماهي طاعمة
وفوق دة و داك .البوست حق كل الناس
ديوان الحلة ما عندو سيد . اي زول بجيب طعامو . والضيف بتدلا فوقو ولا بسألو من وين ولا وين ولا جاي لي منو
قالو ضيف نزل وقت العشاء . واي واحد جايب عشاهو . اها لمو في الضيف
صلي علي النبي
لا لا ماكل
وقت كترو ليهو الصلاة
طلق ما داير
الضيف من جوعتو اتدمدم نام
اها جا واحدن متوخر
ها زول اتعشينا كلنا قبيل ..
اها والنايم دة
دة ضيف ابا العشا وقال متعشي
صحاهو
هازول حرم كان تنزل تاكل
الضيف انبسط
حرم جيعان بدور آكل حجابي ..علا راجي متل كلمتك دي

Post: #587
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-11-2014, 07:38 PM
Parent: #585

الواحد شاعر انو اتلوم في الناس البتجي تطايبنا وتونسنا وتتونس معانا
وكلام شيقوق انا بعفص ليهم . لا والله ما كدة
المزاج مابي
وكتابة المجاملة ماهي طاعمة
وفوق دة و داك .البوست حق كل الناس
ديوان الحلة ما عندو سيد . اي زول بجيب طعامو . والضيف بتدلا فوقو ولا بسألو من وين ولا وين ولا جاي لي منو
قالو ضيف نزل وقت العشاء . واي واحد جايب عشاهو . اها لمو في الضيف
صلي علي النبي
لا لا ماكل
وقت كترو ليهو الصلاة
طلق ما داير
الضيف من جوعتو اتدمدم نام
اها جا واحدن متوخر
ها زول اتعشينا كلنا قبيل ..
اها والنايم دة
دة ضيف ابا العشا وقال متعشي
صحاهو
هازول حرم كان تنزل تاكل
الضيف انبسط
حرم جيعان بدور آكل حجابي ..علا راجي متل كلمتك دي

Post: #588
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 08:07 PM
Parent: #587

إنتوا ياخوانا الليلة المك وينو مختفي
اوعا تكون ام احمد جاتو بعصاية البيسبول
عشان ودَّر الخاتم ـ طبعاً مفراك ماعندها.

Post: #589
Title: Re: ود شيقوق وودالبوش وود المنسي هام
Author: اميرة السيد
Date: 09-11-2014, 08:13 PM
Parent: #588

الحبيب الطيب شيقوق

اوفيت وكفيت .. والمعني بقى واضح .. بس لكن مادام الكلمة اساسا كلمة انجليزية.. ما تستعملوا كلمة عربية بدل البوست..
وانا بكتب ليك الرد تذكرت انا ذاتي بتكتب العطلة الأسبوعية " الويك اند" .. الله يلعن سنين الغربة العوجت لسانا وبقينا نكتب
العربي باللاتيني...
وشكرا ودمت بخير وصحة وعافية

Post: #590
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-11-2014, 08:22 PM
Parent: #589

الفاضلابي
المك انا قابضو بالثابتة .. جرسة شديدة
اللميرة بت اللمير
ياخ والله العربي دة بعولق التقنيات
موبايل .... جوال
ستيتس .... منشور
كمبيوتر....حاسوب
لابتوب .. ؟
مس كول .... مكالمة فائتة
وبعدينك شوف لامن تخشي جوة الجهاز اكان كمبيوتر ولا موبايل .. يعولق ليك الكلام
بستعمل الموبايل اللغة انجليزي واضح وساهل
اها

Post: #591
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 08:28 PM
Parent: #589

Quote: الحبيب الطيب شيقوق .... اوفيت وكفيت .. والمعني بقى واضح

عليكن الله شوفو مغسة بِت عبدالرحيم
انا بعد مداخلتي الـ كان تاني اكلت كسرة بملاح ام تكشو
مابقدر اكتب زيها ـ تجي تفطَّني وترد لشيخ المسانيح ده
الظاهر بنات السودنة ديل زي شجرة آدم وحواء ممنوع
الإقتراب ـ ثمح يابت عبدالرحيم نامن تجي اميرة بكلمها
بي عمايلك دي كوولها

Post: #592
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-11-2014, 08:37 PM
Parent: #591

ما تخليها حقارة خلاس
وانا ذاتي مطلعا بت االلمير ومنزلها اللميرة
فاتتني حوفا

Post: #593
Title: Re: ود شيقوق وودالبوش وود المنسي هام
Author: اميرة السيد
Date: 09-11-2014, 08:40 PM
Parent: #589

الحبيب العزيز ولد حلتنا عبد العزيز الفاضلابي..
الله يجازيك بالخير يعني انت كمان زي بنت مصطفى طلعتني برجوازية من حي البرجوازيين... ودائما
بنت مصطفي، و( وهي البرجوزازية البتسافر كل سنة لجنيف واوسولو ولندن وتمشي للخرطوم مرتين في السنة)
تقول لي :" والله يا بسمات انا مستغربة برجوازية زيك ومولوده وفي خشمها معلقة دهب كيف بتسمتع بالقصائد البدوية
بتاعتنا... " وطبعا هي فاهمة غلط عشان انا بدرس في جامعة غالية على حسابي الخاص.. وهي ما عارفة ان اخوي واختي
هم البدفعوا لي رسوم الجامعة.. وكنت بقول ليها يا بنت مصطفى انا شربت من الأتبراوي الكاسح.. اي زول بيشرب من الأتبراوي
ما ممكن يكون برجوازي حتى ولو عنده مال قارون....
والمهم أعدتنا لذكريات الأتبراوي وحي السودنة والداخلة والمربعات وحي السوق والحصايا وكنا نزور هذه الأحياء كثيرا ..
وانا بتذكر ابوي دائما كان بيقول لمن رحلنا للخرطوم : يا حليل فول عم شناكة اليماني... وطبعا المعروف ان اسواق عطبرة كانت
مشهورة بالفول الطاعم والممكن تاكله بدون عيش... برضو تقول لي برجوازية..!!
وما دام جبت سيرة الجمال وحور العين ,, كانت هناك مسيحية تسكن في حينا واسمها سلوى.. وكن دائما بنهظر معاها ، وهي لا زالت شابة
يافعة صغيرة .. ما سمعنا واحدة مسيحية اسمها سلوى ومفروض تسلمي.. وتقول لينا هسع في فرق بين مسلمة ومسيحية ما كلنا اخوات..
وبنا انها كانت حسناء ولها جمال لا يخطؤها العين والشباب دائما بيعاكسوها في الطريق.. قلنا ليها في قصيدة كان بيغنيها فنان عطبرة المشهور
العطبراوي عن واحدة مسيحية واظن الأغنية دي قالوها فيك].. فتضحك فتقول :: انتو الفاهمين غلط لأن اسم سلوة الفى الاغنية ما اسمي ولكن
صفة ..
والأغنية تقول:
يا سلوة المحزون يا قيثارة القلب الجريح
يا درة فاقت على الأتراب بالقد المليح
يا زهرة أنفاسها كالعطر عبقت الضريح
أهوى جمالك والشعور بزينه القول الصريح
قد هزني منك الجمال فجئت بالشعر الفصيح
أهوى جمالك والكنيسة والمسيح
فترفقي يا هذه فالناس من جسد وروح...

والسماح لرئيس البوست الأستاذ عبد الحفيظ ابو سن فقد كدنا ان نخرج بكم من ونستكم الرائعة
والمسلية والممتعة وذهبنا نتجول في بقاع المدن الكبرى ..حيث الملل والإيقاع البطئ.. ولكن عطبرة
ومع انها مدينة كبيرة لكنها مدينة بدوية الطابع وأهلها كلهم يعيشون كالجسد الواحد اذا اشتكى منه
عضو تداعى له باقي الجسد بالسهر والحمى..
ودمتم بخير وصحة وعافية

Post: #594
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 09:11 PM
Parent: #593

Quote: ما تخليها حقارة خلاس
وانا ذاتي مطلعا بت االلمير ومنزلها اللميرة
فاتتني حوفا

مابتفوتك كيفن مادام المسنوح ده بيلفح زي الـ wireless Wi-Fi
سلام بت عبدالرحيم
انا معاك في إنك بت بلد وجدعة ـ لكن ماتنسي انا في مداخلتي السابقة قلت: (آآآآآآه الله يجازي الـ كان السبب) ربنا غطي عليك من البرجزة فالسودنه اليوم يسكنها السودانيون فاصبحت اسم علي مسمي وقد كان يقطنها غير السودانيين من مخلفات الاستعمار وكانت حتي وقت قريب برجاً عاجيا عالياً لاتصله انظارنا وإن مددنا اعناقنا فوق اسيجة الاركويت الخضراء.
فلا السودنة اليوم سودنة الامس ولا عطبرة عاصمةً للحديد وانطفأت نار المسبك ـ وورشة العربات القديمة والجديدة اصبحتا اثراً بعد عين ,,
مررت بشارع الورشة في زيارتي الأخيرة فرأيت المكان الذي كان يضج بالحياة يسبح في عوالم الموتي فعجزت ان الوم نفسي وجيلي ,,
ووجدت العذر لنفسي ان بيني وعطبرة برزخاً الي ان يقضي الله امراً كان مفعولا.
ميادين الغولف وُزِّعت مساكن ـ المنتزه سمعت انهم حولوه الي حديقة حيوان ,, وكفي لانريد ان نفسد بهجة حلو الحديث في هذا الديوان العامر علي رأيك.
نجي لي عم عبدالرحيم:
قليلاً من انعاش الذاكرة ربما اعرفه ـ من هم اخوانك فربما عرفتهم في ميادين الكورة او المدارس فطالما انتم من السودنة فاغلب الظن ان منهم من انتمي لفريق الامير العطبراوي.
او نادي الكوكب ,, رغم انني من مشجعي الامل لكن الامير كان اقرب لنا جغرافيا بحكم قرب الفاضلاب من السودنة والسيالة والداخلة وحلة الصاج.
أما لماذا سميت عطبرة بعاصمة الحديد:
فلأنها كانت تحتضن رئاسة السكة الحديد بورشها وقطاراتها ولماذا النار لأن بها ورشة المسبك وهي كانت اكبر ورشة في السودان لصهر الحديد لتصنيع قِطَع الغيار والله اعلم.

Post: #595
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 09:56 PM
Parent: #594

يا سلوة المحزون ... يا قيثارة القلب الجريح
يا درة فاقت على الاتراب... بالقـد المليـح
يا زهرة أنفاسها كالعطر... عَبَّقَ بالضريـح
أهوى جمالكِ والشعور يزينه القول الصريح
قد هـزني منك الجمـال فجئت بالشعر الفصيح
فترفقي يا هـذه .. فالناس من جســدٍ وروح
وبحق بطرس يا فتاتي. من شفى الرجل الكسيح
وبمريم العـذراء.. والأحبار والراعي الصلـيح
وبماري جرجس والصليب وبالكنيسة والمسيـح
بالقس بالمطران.. بالجرس المُرنُّ على السطوح
بمعاهـد الرهبان بالدير المقـدس .. بالمسـوح
برسائل الميلاد .. بالشجر المنور .. بالصـبوح
بقداسة البابا المعمـد .. بالمسـوح وبالذبيـح
أن ترحمي متعذباً يهواك في حُبٍ .. صحيــح
متى يتم لقـاؤنا ... في شاطئ النيل الفســيح
والموج والصفصاف والقمر المطل على السفوح
أنين ساقية تدور .. وصـوت مزمار يصــيح
بدت نجوم الفجـر بالأضواء في الافـق تلـوح
وتجئ شقشـقة الطيور كـرنة الوتر الذبيــح
هناك ينبـعث السـرور على النفوس فتستريح

Post: #596
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 11:13 PM
Parent: #595

متى يتم لقـاؤنا ... في شاطئ النيل الفســيح
والموج والصفصاف والقمر المطل على السفوح
أنين ساقية تدور .. وصـوت مزمار يصــيح
تعرفي يابت عبدالرحيم التلاتة قوافي ديل جرحن ليهن
مَغَوِّر مسافر في النسيج الحي ـ انا في الاصل تربال
أحِنُّ الي الربوع وماعليها ـ إلي الصحاب وأمسياتي
وشليل وينو ختفو الدودو .. وشليل وين راح ختفو التمساح
أحِنُّ إلي ياعَريف أردَ المِيزْ ـ والـ رِمَّة وحَرَّاسا في ليلة عريسها القمر
أحِنُّ الي ذلك الولد الذي دنياه وسعادته أرْوَتِّي ورا التيران
الولد الذي كان يركض خلف القَيِّلقَيِّلْ ويْقَبِّض في القبور ويشَرِّك للقماري
في وطن القماري والسواقي وانينها الذي رَضِعَ منه حليب الحُب. ورمي الشباك في النيل في الليل الهادي وسليقة الكانكيج (القرقور)
خلااااااس يا بسمات:
انا تهت في الآهات ومابرجـــــــــــع
وهسع ضُمَّة لاشايفِك ولا بسـمع

Post: #597
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 11:21 PM
Parent: #596

ودي هدية للسمحات اميرة وبسمات وبت عمسيب والغايبة الملكة (وضاحة)

Post: #598
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-11-2014, 11:29 PM
Parent: #597

الزول ده خالي ودخالة امي لزم
إن ماعجبكن نحذف المداخلة

Post: #599
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-12-2014, 04:05 AM
Parent: #598

سلام

حين
ميسرة

Post: #600
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-12-2014, 03:43 PM
Parent: #599

الحاصل شنو ياناس ـ انتو معزومين في باشا ونحن مان عارفين
ولا دايرين تَعرِشو نجيب المقاول؟

Post: #601
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-12-2014, 06:12 PM
Parent: #600

ماشي صلاة الجمعة ندعي ليكن يمكن تَقَلِّعوا من غتستكن دي

Post: #602
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-12-2014, 10:14 PM
Parent: #601

يعني ودالبوش مافي ودالمنسي مافي
البوست يمشي الارشفة ولا فهمكن شنو؟

Post: #603
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-13-2014, 06:02 AM
Parent: #602

سلام
الفاضلابي ان شا الله ما تقصر ايامك
شبكة مافي كان
وصعوبة في التصفح
وين الناس
ودالمنسي وشيقوق وبدر والصادق
والبنوت ام هضاليم الخلا البنجاطن
ووين ود ضرار وموسي الراجل
ودالبوش ختر خلاس

Post: #604
Title: Re: ود شيقوق وودالبوش وود المنسي هام
Author: الطيب شيقوق
Date: 09-13-2014, 06:28 AM
Parent: #603

ود اب السن

عليك النبي الحق الحق سوق معاك الفاضلابي وود البوش واميرة بت السيد ومنى بت عمسيب وشوفوا الخال عمر على حسن اكان بقى فاضي - الحاصل ود المنسي دا محاربني انا عديل عشان هبشتو بتحت تحت برسالة عبر المسنغر عشان يعدل مداخلة ومن ديك وعيييييييييييييييييييييك غشامة بس
الزول دا اكان ما صالحتو معاي عيني ما بتغمض طاااااب

اوعاكم تسوقوا معاكم وضاحة لانو عندها مصلحة في اجهاض عملية المصالحة

Quote: الزول ده خالي ودخالة امي لزم
إن ماعجبكن نحذف المداخلة

Post: #605
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-13-2014, 07:24 AM
Parent: #604

لو زعلان أتلوم والله .. وما أظنو .. الزول عندو أوسع من أن يضيق بمداعبة أو جد الأخوان
وأكان للتصليح والتعديل
كم مرة برسلو لي اعضاء للتعديل وبعدل رغم كراهتي للتعديل ما لم يكن يفسد المعني
ودالمنسي بحر ياخ
وضاحة دي عفصتني زمان طرت من بوستاتها نهائي
عفصتني عفصة حارة خلاس وبرضو دينا .. اخوك ضيق خلاس في العفص
اها الايام دي شبكتنا صعبة خلاس
ضربت ليهم وقلت ليهم
والله انتو ما بتخجلو . نحن بنخجل من كترت الشكية وانتو ما بتخجلو .. جلدم ناشف وتخين
الجو عندنا بقا درت عرق شديد ######انة
الزول عوير واهلو اثرياء مشو يخطبو ليهو .. قالو ليهو
ماتنضم وتخرب الخطوبة
اها زولكم ساكت .. خال البت شك .. قعد جمبو وسألو
دحين الصيف ما خش
قال ليهو الخاطب
آي خش
اها عرفتو كيف
قال لبهو
اباطي عرقت

Post: #606
Title: Re: ود شيقوق وودالبوش وود المنسي هام
Author: الطيب شيقوق
Date: 09-13-2014, 07:56 AM
Parent: #605

Quote: آي خش
اها عرفتو كيف
قال لبهو
اباطي عرقت

ههههههههههههههههههها

واحد صديقي دكتور خطب ليهو واحدة من ناس البندر البتلقى نسوانهم راحات كرعيهن تحت بيوض لما يطلعن يجيبن الجرايد من المكتبة

اها ناداني يشاورني في مستوى وفد الخطوبة من النساء اللائي يمكن ان يسترن حالنا مع اهل العروس

انا قلت ليهو نودى الحاجة زينب لانها مهولة وكلاما تقيل وما لفيفة
ونودى حاجة النخيل لانها كباراتية فنجرية
ونودى حاجة بتول لانو اهل أمها من البندر بتكون لقطت ليها كليمات بندر من سفرها لمجاملات اهل أمها ديل
و نودي حاجة عشة لانها فراشة طولت في المدارس بتكون ناقشة حاجة من كلام المعلمات

اها يا زول جهزنا العربية للوفد وزرعنا جوة الوفد واحدة شافعة عشان تنقل لينا ما دار من حد\يث بين نسوان وفدنا واهل العروس ناس البندر

النهار كلوووووووووووو نحن مشددودين منتظرين النتيجة

اها العصر العربية جات ووفدنا وصل

طوالي نادينا البنية الصغيرة المزروعة وقلنا ليها ان شاء الحصل خير

قال لينا الحمد لله كلو خير مجرد ما وصلنا جابوا لينا المويات ونحن في صايد و اهل العروس في صايد يعاينوا لينا ونعاين ليهم بدون أي كلام

اها قالت حاجة بتول من وفدنا اول كلمة قالتها قالت ليهم ( نحن جعليين) والحديث انتهى

Post: #607
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-13-2014, 09:14 AM
Parent: #606

هههههههه
خير الكلام ما قل و دل
تعرف قبل كم سنة ود اختنا مشي يخطب . واتخمخمنا من كوستي مشينا البندر .
ها زول ها .الناس دايرين يخلعونا . الخدمة من فندق هيلتون . بوفيه مفتوح .. والطباخين قدامنا ينجضوا في ملحاتم . والجرسونات لافين فينا بي البارد وحسب الطلب
وهم من ناس الاستوزار . الوالد والاعمام ناس حكومة .
الاذان أذن .. قالو الصلاة في الجامع .. الناس كلها قامت كيتا فيهم قلت ليهم ما قاعد اصلي .. قعدت مع الطبخنجية بس . مرقو بي هنا .. صليت في الواطة براي
جو راجعين .. قالو اتفضلو العشاء
عشاء! عشاء شنو البقوم اشحدو شحدة وانا ضيف وجيت خطوبة .. ربك رب الخير حنسوني قمت . شيتا ولا بعرفو دفست صحني من اقرب شى وجيت راجع ... واقفين صف تقول مدرسة
وقت رجعنا . شاكلت ود اختي
قال لي كرماء
كرم شنو .. دة ما كرم دة استعراض واحراج لينا . معانا ناس كبار لا بعرفو بوفية مغتوح ولا مقغول .. خليناهم في محلهم وملينا ليهم صحانتم
وغلبم ياكلو
بهرجة وتفاخر
غايتو الا حلوني منو
ما طول ..

Post: #608
Title: Re: ود شيقوق وودالبوش وود المنسي هام
Author: الطيب شيقوق
Date: 09-13-2014, 11:28 AM
Parent: #607

هههههههههههههها

عجبتني دفستك لصحنك من اقرب حتة دي

اخوك هسه كدا

Post: #609
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-13-2014, 11:47 AM
Parent: #608

Quote: غايتو بوست لامي الناس الحلوة كلها
غايتو ياودالمنسي انا البوست دا رايمو
تب مافاضل لي الا اختو قدامي الحسو
هههههههههههه

ود القرشي حبابك
ونحن رايمنك يا الحبيب
يا ريت ود المقدم يسمع كلام دا ويجي يديك بعض
الابيات من بادية كردفان
تحياتي ومودتي

Post: #610
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-13-2014, 11:48 AM
Parent: #608

Quote: غايتو بوست لامي الناس الحلوة كلها
غايتو ياودالمنسي انا البوست دا رايمو
تب مافاضل لي الا اختو قدامي الحسو
هههههههههههه

ود القرشي حبابك
ونحن رايمنك يا الحبيب
يا ريت ود المقدم يسمع كلام دا ويجي يديك بعض
الابيات من بادية كردفان
تحياتي ومودتي

Post: #611
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-13-2014, 12:55 PM
Parent: #610

بركة الجيت
نجعت وين يا ود المكي
فقدناك والله

Post: #612
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-13-2014, 01:00 PM
Parent: #611

Quote: بركة الجيت
نجعت وين يا ود المكي
فقدناك والله

يسعل منكم الخير واها المحرية فيكم
من اليوم الخميس لي الليلة مقفول مع جنون المجر وأسرهم ( الهافكاست ) في نسة وضحك ورحلات كل يوم هسي طالع
عندنا لمة ( رحلة شواء في البر )
تحياتي ود ابوسن
أخبار المعتكف شنو مشتاقين لي

Post: #613
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-13-2014, 02:28 PM
Parent: #612

هههههه هاف كاست دي قلبت فيها هوبة
ود البوش ما ليهو اتر والله

Post: #614
Title: Re: ود شيقوق وودالبوش وود المنسي هام
Author: Abdlaziz Eisa
Date: 09-13-2014, 02:43 PM
Parent: #612

النياق عقولها وين يا جماعة!!!!!!!!!!!!!!!!!!!!!!!!!!!!!!!!!!!!!!!
سؤال لشيقا بس

Post: #615
Title: Re: ود شيقوق وودالبوش وود المنسي هام
Author: الطيب شيقوق
Date: 09-13-2014, 03:17 PM
Parent: #614

هلا

Post: #616
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-13-2014, 07:06 PM
Parent: #615

سand#65275;م
حين
ميسرة

Post: #617
Title: Re: ود شيقوق وودالبوش وود المنسي هام
Author: اميرة السيد
Date: 09-13-2014, 08:46 PM
Parent: #616

نعم. نعم نعم لحين ميسرة. ولحين مسرة كمان
عشان فعلا بتدخلوا في قلوبنا ونفوسنا المسرة
والفرحة وخاصة بعد فراق توام الروح بت مصطفى
والحمد لله لقيت اصدقاء وصديقات ملان حياتي
في هذه الغربة القساية وبجد في نستكم الرائعة والخفيفة كل السلوى
والجمال والالفة والمحبة والود ...وقربنا ننسى الضحك. ووجدناه في دياركم
وان شاء الله نرجع ليكم بعدالكتاب الالكتروني يستعدل ويكتب ...
ودمتم بصحة وخير وعافية

Post: #618
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-13-2014, 09:36 PM
Parent: #617

Quote: خير الكلام ما قل و دل
تعرف قبل كم سنة ود اختنا مشي يخطب . واتخمخمنا من كوستي مشينا البندر .
ها زول ها .الناس دايرين يخلعونا . الخدمة من فندق هيلتون . بوفيه مفتوح ..
والطباخين قدامنا ينجضوا في ملحاتم . والجرسونات لافين فينا بي البارد وحسب الطلب
وهم من ناس الاستوزار . الوالد والاعمام ناس حكومة .

يا ود أبوسن
عندنا مرأة فنجرية ولدا اشتغل في أبوظبي عسكري في الدفاع أها بقت زايدا فنجرة في
حريم الحلة ولدي جاب وولدي سوا
الوليد جا قال داير بت من بنات الحلة أمو قالت لي ستين يمقامت ين ما بتعرس من هنا أعرس
ليك من ناس الخرتوم أنت هين ولا لين قال شندي تخت عليهن روياستن تنقط في الكركار
أوديك يا ولد لي البنات السمحات بنات البندر أها مشت لي ناس أهلها فنجرية بالجد
وساكنين البرج العاجي في العمارات وفتح عاهم الحديث انها بدور بتهم لي ولدها
أم سألتها ولدك شغال شنو؟
قالت عسكري علا مستفيد

Post: #619
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-13-2014, 09:54 PM
Parent: #618

Quote: نعم. نعم نعم لحين ميسرة. ولحين مسرة كمان
عشان فعلا بتدخلوا في قلوبنا ونفوسنا المسرة
والفرحة وخاصة بعد فراق توام الروح بت مصطفى
والحمد لله لقيت اصدقاء وصديقات ملان حياتي
في هذه الغربة القساية وبجد في نستكم الرائعة والخفيفة كل السلوى
والجمال والالفة والمحبة والود ...وقربنا ننسى الضحك. ووجدناه في دياركم
وان شاء الله نرجع ليكم بعدالكتاب الالكتروني يستعدل ويكتب ...
ودمتم بصحة وخير وعافية

البروجوازية بت الشيخ
تحية ربنا يرد توم الروح للروح تؤأم
والنفوس تفطر ما تحابا منها إتلف وما تضاد أختلف
سعيدة بت بمصطفى التي فازت بحب نفسك لها
يعني ود الفاضلابي عشان شميتي فيه ريحة أهلك بقيتي تردي لي مقال من عشرة صفحات
ونحن لي حدنا تشملينا في سطرين
أمان ما إتلومتي لوم اليابا فضيل

Post: #620
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-14-2014, 05:57 PM
Parent: #619

والله مشتاق لي ود البوش يا أخوانا
تلفوني مفقود وداير اضرب لي

Post: #621
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-15-2014, 03:03 PM
Parent: #620

أخي الفاضل محمد عبدالقادر ضرار
سعمت وأضاني ما سيدتا أنك في البلد مشيت تقفز التمر
باقي الخريف السنة دي كان ماهل وسمح
وحكمة الله في الماء والنار خير وشر
لذا قال الحبيب صلى الله عليه وسلم عندما إستغاث المسلمين لنزول المطر
( اللهم حولينا ولا علينا )
اي بالحيل بندور المطر النزل في البنادر دا كلو ينزل تالانا ونديهم الدُعاش نسمة باردة
لك أخي محمد عبدالقادر بين أهلك في ديار المحس
نهديك أجمل النغم عديلة والعديل يبارك وين ما قلبت ووين ما رحت يا رائع
سدد الله خُطاك والسنة دي تحصد 10000 شوال قندويلة و10000 شوال بركاوي
والجاو أدي الناس هدية لكن ما تدي البشدو ................. ههههههههه
بنخاف عليك ما عقاب الله يا سمح تحياتي للأسرة وخاصة الوالدةالعزيزة

Post: #622
Title: Re: ود شيقوق وودالبوش وود المنسي هام
Author: سليمان القرشي
Date: 09-15-2014, 05:28 PM
Parent: #621

ودالمنسي حبابك
ودالبوش واحشنا والله لعل المانع خير
الزول دا فرقتو مابتنسد والله

Post: #623
Title: Re: ود شيقوق وودالبوش وود المنسي هام
Author: سليمان القرشي
Date: 09-15-2014, 05:28 PM
Parent: #621

ودالمنسي حبابك
ودالبوش واحشنا والله لعل المانع خير
الزول دا فرقتو مابتنسد والله

Post: #624
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-15-2014, 06:29 PM
Parent: #623

Quote: ودالمنسي حبابك
ودالبوش واحشنا والله لعل المانع خير
الزول دا فرقتو مابتنسد والله

تحيات سمحات بقدر سماحتك يا ودالقرشي
والله ود البوش وحشنا كلنا هسي أتصلت بي
في أمان الله بس ماخد لي فاصل غنائي
والشي التاني السنة خريفم سمح والبـ ـقر الـ ـضان
حالبات جت عليهن ويسكت يكلف ويحلب ويخش وشي سمنة
وزولك متابع معاهم بي الوتساب

Post: #625
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-16-2014, 04:48 AM
Parent: #624

ل
حين
شلكة

Post: #626
Title: Re: ود شيقوق وودالبوش وود المنسي هام
Author: عبدالحليم حامد النعيم
Date: 09-16-2014, 08:00 AM
Parent: #625

..

أول مرة أزوركم في داركم العامرة ... من المتابعين بشغف لما يكتب من اصحاب البوست والمتداخلين معهم ..
كلمات تدخل القلب بيسر ... دون ما تعتر ليها أي بوابة من بوابات القلب ..
بعد حكي طويل مع الحبيب ودشيقوق من يومين ... لزاني اكتب الكلمتين ديل .. وانا كلامو ... أمر .. فوق راسي ..
..

Post: #627
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-16-2014, 08:37 AM
Parent: #626

تاني يا ابوسن التلفون عصلج
والله حكايتك غلبت الهدّاي

Post: #628
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-16-2014, 08:40 AM
Parent: #627

Quote: أول مرة أزوركم في داركم العامرة ... من المتابعين بشغف لما يكتب من اصحاب البوست والمتداخلين معهم ..
كلمات تدخل القلب بيسر ... دون ما تعتر ليها أي بوابة من بوابات القلب ..
بعد حكي طويل مع الحبيب ودشيقوق من يومين ... لزاني اكتب الكلمتين ديل .. وانا كلامو ... أمر .. فوق راسي ..

عبدالحليم حبابك عشرة
راجع الماسنجر الداخلي

Post: #629
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-16-2014, 08:40 AM
Parent: #627

Quote: أول مرة أزوركم في داركم العامرة ... من المتابعين بشغف لما يكتب من اصحاب البوست والمتداخلين معهم ..
كلمات تدخل القلب بيسر ... دون ما تعتر ليها أي بوابة من بوابات القلب ..
بعد حكي طويل مع الحبيب ودشيقوق من يومين ... لزاني اكتب الكلمتين ديل .. وانا كلامو ... أمر .. فوق راسي ..

عبدالحليم حبابك عشرة
راجع الماسنجر الداخلي

Post: #630
Title: Re: ود شيقوق وودالبوش وود المنسي هام
Author: محمد عبدالقادر ضرار
Date: 09-16-2014, 09:20 AM
Parent: #1

Quote: خالد المنسي :
والسنة دي تحصد 10000 شوال قندويلة و10000 شوال بركاوي
والجاو أدي الناس هدية لكن ما تدي البشدو ................. ههههههههه
بنخاف عليك ما عقاب الله يا سمح تحياتي للأسرة وخاصة الوالدةالعزيزة

يااااااااااه يا خالد ، يمين يالحبيب رجعتني لي ورا لازمان كانت فيها ليالينا ليها نسائم باسمة و ( طااااااااعمة ) وخليتني فيها زي الراكب سرج الخيال وانا قاطع الفيافي وعابر بحار ... مسترجعاً فيها
ماضٍ جميل وطفولة سعيدة حد الصخب يا خالد عشناها هناك في مراتع الصبا وكنت وووووو ( كان انزل مراتع حِنــــــــــــــي واحضان النخيل !!! ) يا قولة ود بادي ... والفؤاد يا خالد ما زال يحمل الكثير
من نعيم الماضي وايامها الحلوة و ذكريات سعيدة ، لكن لا قبل لي بوقت لا يطاوعني الان والعشم ان اتواصل معكم ذات براح خال من اعباء الحياة ...

بمناسبة القونديلا والبركاوي ... اذكر مرة يا خالد إنو جابوا لينا شوالات بلح من البلد ، وبقينا نعزل الصالح من الطالح ( المسوس ) المهم مرقنا لينا زي شوالين مسوسين قلنا نرميهم ، اها يلا عمتي برااااحة دايرا تبيعوا كانت لي زول
قلنا ليها يا عمتو الكلام دة غلط ، وحرااااااام كمان ... وحاتك قالت لينا المحرموا شنو هسي يعني ؟! اكان اكلوا حلال اكيييييد شربوا احلى ههههههههههه

ود الفاضلابي : ياخ العتبى ليك حد الامتلاء ، والعتبى ليك حتى ترضى

Post: #631
Title: Re: ود شيقوق وودالبوش وود المنسي هام
Author: عبدالحليم حامد النعيم
Date: 09-16-2014, 11:35 AM
Parent: #630

..
ود المنسي .. خالد

يا اخوي ما لقيت شئ على الماسينجر ... ما يكون طاشي لحدي الآن ..

Post: #632
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-16-2014, 02:50 PM
Parent: #631

Quote: ود المنسي .. خالد

يا اخوي ما لقيت شئ على الماسينجر ... ما يكون طاشي لحدي الآن ..

ههههههههههههه
الماسنجر ابا يمش
كان مرسل ليك ارقام الحبايب عماد وعصام ومعاهم شيك للعيد
لكن الارقام أرسلتها في رسالة في موبايلك والشيك ابا يمشي ههههههه

Post: #633
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-17-2014, 01:53 PM
Parent: #631

شبكااااااااااااا
وسؤ zain

Post: #634
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-17-2014, 02:57 PM
Parent: #633

والله حيرتنا في حوش بت مصطفى الاميرة شبكت جيدة
تجي بي جاي تعصلج اطلع فوق رأس البيت وخت ليك بنبر
ههههههههههههههه

Post: #635
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-19-2014, 08:39 AM
Parent: #634

www.sudaneseonline.com/uploadpic14/mar/sudansudansudan88.jpg

Post: #636
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-19-2014, 04:11 PM
Parent: #635

ماشاء الله

Post: #637
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-19-2014, 04:12 PM
Parent: #635

ماشاء الله

Post: #638
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-19-2014, 04:31 PM
Parent: #637

ههههه
تعرف يا ود المنسي
دي صورة الليلة بس
طلب مني صديق عزيز احذف صورة بتي .. والقديمة حقتي مافي
غلبتني انزلها
لكن اهو نجحت

Post: #639
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-19-2014, 05:44 PM
Parent: #638

Quote: ههههه
تعرف يا ود المنسي
دي صورة الليلة بس
طلب مني صديق عزيز احذف صورة بتي .. والقديمة حقتي مافي
غلبتني انزلها
لكن اهو نجحت

والحبيب ماشاء الله
حبة حنة في الشعر والشنب وتبقى قدري ههههههههههه
ماشاء الله ومشاء الله ومشاء الله بعرفكم يا عرب البطانة كان طعنتك شوكة تقول المنسي سحرني
ههههههههههههههه عينا باردة وقلنا ما شاء الله وربنا يحفظك ويحفظ ليكأسرتك الكبيرة والصغيرة وكل من تحب

Post: #640
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-20-2014, 05:54 AM
Parent: #639

ود المنسي يا صاحب
ههه ها زول تسحر شنو .. طلق ولا شئ .. تسحر لي يا يابا عماراتي ولا عرباتي
خطر سؤال بذهني
هل وضع صور اولادنا تعدي علي خصوصيتهم

Post: #641
Title: Re: ود شيقوق وودالبوش وود المنسي هام
Author: معاوية الزبير
Date: 09-20-2014, 06:27 AM
Parent: #640

طبعا يا عبد الحفيظ، تعدٍ ونص وخمسة
والله بعد كم سنة (في الدول المتقدمة طبعا) لو عاوز تناديهو تاخد إذن من أمنستي
أديهم حريتهم يا صديق، وخلي الباقي علي الله
انت بس وفّر الكسره والملاح، بعد داك زح بعيد، لا هوم ويرك لا فسحة في حديقة البلدية، لا بتاع

Post: #642
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-20-2014, 08:13 AM
Parent: #641

تعرف يا معاوية مديهم حريتهم لامن بناقشوني حتي في قراراتي التربوية .. وحتي يختلط الامر عليهم بالندية معي
الامر صعب في السودان .. تحتاج احيانا لتجاوز الحرية معهم .. ولكنك تعود لاحقا للحوار

Post: #643
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-20-2014, 10:43 AM
Parent: #642

Quote: ود المنسي يا صاحب
ههه ها زول تسحر شنو .. طلق ولا شئ .. تسحر لي يا يابا عماراتي ولا عرباتي
خطر سؤال بذهني
هل وضع صور اولادنا تعدي علي خصوصيتهم

الأولاد البعرفهم أنا لا لا لا
ليس تعدي بل بالعكس يشعرون مدى حبنا لهم
أحمد ولدي لما عرف أني واضع صورته في البروفايل بتاعي إنبسط شديد وكان أول شئ قاله
شكراً ابوي كل يوم بحس انك بتحبني كتير
وقبل يومين فقط أرسل لي صورة جديدة له وضعها هو في صفحته في الفيس وك قال لي بدل الصورة
القديمة قلت له أنا عا########ي القديمة دي لاني صورتك ليها بنفسي
فلا تعدي ولا يحزنون
أخي معاوية
في الغرب الصورة في محفظة الوالدين للأبناء وفي بهو البيت وفي كل مكان أهم من دبلة الخطوبة
هههههههه تعدي شنو يا أخوي

Post: #644
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-21-2014, 07:17 PM
Parent: #643

فوق

Post: #645
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-21-2014, 07:23 PM
Parent: #643

فوق

Post: #646
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-21-2014, 07:34 PM
Parent: #645

فوق فوق كوستي فوق
كلامي ما عجبك ولا الشبكة مجنناك

Post: #647
Title: Re: ود شيقوق وودالبوش وود المنسي هام
Author: سليمان القرشي
Date: 09-21-2014, 08:52 PM
Parent: #646

ودالمنسي مساء الخيرات

Post: #648
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-22-2014, 03:23 AM
Parent: #647

ود المنسي
لا ياخ ولا بحصل
للاصحاب ركنا ركينا داخلي
شبكة والله
وكلامك صاح

Post: #649
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-22-2014, 06:14 AM
Parent: #648

صباح الخير سادتي الكرام
بخصوص الأبناء أنا عندي مشكلة كبيرة معاهم، رأسهم قوي جداً
اضطر كثيراً أجلدهم بالشاحن
ياخ جابولي دغت

Post: #650
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-22-2014, 06:40 AM
Parent: #649

هههه بدر
ياخ طول بالك
الجلد ما حل
قلت لي رمو الشاشة كسروها
نحن ناس ريموت ساي

Post: #651
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-22-2014, 07:11 AM
Parent: #650

تعرف يا أب سن مرة جبت لي تلفزيون وجبت ليهم تلفزيون براهم
الاتنين 29 بوصة
قلت عشان تقيلات ما بقدروا يحركوهن من محلهن
عليك أمانة الله الاتنين أدوهن الواطة
رقدوهن شقق وأرباع
طبعاً التكسير دا شامل الرسيفرات والريموتات واليونيتات البختوا فوقن التلفزيونات ديك

في النهاية جبت لي شاشة علقتها فوق وبعد دا الله يسلما
ياخي حاسي إنهم شغالين معاي بي سياسة الإفقار المتعمد

تحياتي مثنى وثلاث ورباع

Post: #652
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-29-2014, 06:45 AM
Parent: #651

وين شيقوق وود البوش

Post: #653
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-29-2014, 02:39 PM
Parent: #651

ود القرشي يسعد مساك ويسعد صباحط ونهارك وكل يومك يا جميل
تحيات ومودة كبيرة

Post: #654
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-29-2014, 02:42 PM
Parent: #653

Quote: في النهاية جبت لي شاشة علقتها فوق وبعد دا الله يسلما
ياخي حاسي إنهم شغالين معاي بي سياسة الإفقار المتعمد

تحياتي مثنى وثلاث ورباع

هههههههههههههه
الأولاد مدفوعين من جهات لها أجندة خفية
حتى لا تدخر وتمشي تسويها ههههههههههههههه

Post: #655
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-29-2014, 09:25 PM
Parent: #654

Quote: في النهاية جبت لي شاشة علقتها فوق وبعد دا الله يسلما
ياخي حاسي إنهم شغالين معاي بي سياسة الإفقار المتعمد

والله يابدرالدين ماك طالبني حليفة
اشتريت تلفزونين LCD
واحد 42 بوصة والتاني ستين بوصة
شهر ماتماهو جيت لقيت ابو ستين بوصة ده
الصورة قوس قزح وفيهو خطوط من فوق لي تحت
بس زي الفِركَة ,, ياجماعة الخير الحصل شنو
قالوا ده عبدالرحمن خبتو بالريموت ,, قطعتها في مصاريني
ومشيت ناس سيرز محل اشتريته واقدل قايل الإنشورس الختيتو
فوقن بغطي ـ وطبعاً كلمتهن بالحصل بالضبط قالوا لي يالفالح
النوع ده من الحوادث مابتغتيه البوليصة باعتك ,, المدير قال لي
انت ماكان تقول كسرو الولد ـ هيييييع انا ودالارباب اكضب يمين
كان اتكسرت سينما عطبرة الجمهورية ما اكضب.

Post: #656
Title: Re: ود شيقوق وودالبوش وود المنسي هام
Author: بدرالدين بابكر مصطفى
Date: 09-30-2014, 07:33 AM
Parent: #655

Quote: بس زي الفِركَة ,,

هههههههه
مرة جانا واحد في بيت العزابة لقى تلفزيونا مقطوع من فوق ومن تحت بي شريط أسود
قلنا ليهو الشي دا كل يوم ماشي ناقص
الكلام دا في نهاية رمضان

قال لينا غايتو بعيِّد لكم
كيف ؟
قال : عيد سعيد بجيبا ليكم

Post: #657
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 09-30-2014, 12:08 PM
Parent: #656

عمي صديق والوالد ومنعم اخوي مشو لي فاتحة في رفاعة .. وصادفو كسرة حامضة .. واكلوا اكل مجاملة
وهم راجعين .. وقفوا في سنار .. وطلبوا كسرة
طلعت حامضة برضو
منعم اخوي علق
الكسرة دي حامضة
عمي قال ليهو
لكن ديك احمض من دي
منعم قال ليهو
دي بتقرص في الخشم
عمي قال لبهو
حرم ديك تقرص في الاصابعين
جنو وجن تغالطو

Post: #658
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-30-2014, 02:00 PM
Parent: #657

Quote: والله يابدرالدين ماك طالبني حليفة
اشتريت تلفزونين LCD
واحد 42 بوصة والتاني ستين بوصة
شهر ماتماهو جيت لقيت ابو ستين بوصة ده
الصورة قوس قزح وفيهو خطوط من فوق لي تحت
بس زي الفِركَة ,, ياجماعة الخير الحصل شنو
قالوا ده عبدالرحمن خبتو بالريموت ,, قطعتها في مصاريني
ومشيت ناس سيرز محل اشتريته واقدل قايل الإنشورس الختيتو
فوقن بغطي ـ وطبعاً كلمتهن بالحصل بالضبط قالوا لي يالفالح
النوع ده من الحوادث مابتغتيه البوليصة باعتك ,, المدير قال لي
انت ماكان تقول كسرو الولد ـ هيييييع انا ودالارباب اكضب يمين
كان اتكسرت سينما عطبرة الجمهورية ما اكضب.

ههههههههههههههههههههههههههههههههه
يا بدر حرّم شفت الجديدبي عيني البيأكلا الدود
ود الفاضلابي معلقو في سقف البيت الشفع بعد دا لو جابوا مدفع ماكسيم ما يحصلو
هههههههههههههههههههه لكن هو المسكين جاهَّو عثم من الصنقيعة في المشاهدة ههههههه
يوم عيد الفطركت بحكي معا بي الاسكايب صورة وصوت هههههه وشوفتو

Post: #659
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-30-2014, 03:39 PM
Parent: #658

Quote: ههههههههههههههههههههههههههههههههه
يا بدر حرّم شفت الجديدبي عيني البيأكلا الدود
ود الفاضلابي معلقو في سقف البيت الشفع بعد دا لو جابوا مدفع ماكسيم ما يحصلو
هههههههههههههههههههه لكن هو المسكين جاهَّو عثم من الصنقيعة في المشاهدة ههههههه
يوم عيد الفطركت بحكي معا بي الاسكايب صورة وصوت هههههه وشوفتو

علي اليمين يامك الشفتو انت داك كان كِسرة سنار

Post: #660
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-30-2014, 05:52 PM
Parent: #659

Quote: علي اليمين يامك الشفتو انت داك كان كِسرة سنار

هههههههههههههههههههه
الله يدي العافية عبد الرحمن
الأرباب كان تبَّ بكون أخطر منو
ربنا يحفظهم المال رايح

Post: #661
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-30-2014, 06:40 PM
Parent: #660

Quote: هههههههههههههههههههه
الله يدي العافية عبد الرحمن
الأرباب كان تبَّ بكون أخطر منو
ربنا يحفظهم المال رايح

الأرباب بنغني ليهو غنا زي
الأرباب المو كضاب
الأرباب الأرباب الخ
السبت الفات طبعاً إجازة انا نايم ـ
صحيت سامع ايثار اخته السغيرة بتغني ليهو زي مانحن بنعمل ـ
وطبعاً العربي زي ماشفتو يامك ,,, فسامعها ليك
أرباباب ارباباب ارباباب
بيني وبين نفسي ماعرفت اضحك ولا ابكي علي الورطة دي

Post: #662
Title: Re: ود شيقوق وودالبوش وود المنسي هام
Author: خالد علي محجوب المنسي
Date: 09-30-2014, 07:10 PM
Parent: #661

Quote: صحيت سامع ايثار اخته السغيرة بتغني ليهو زي مانحن بنعمل ـ
وطبعاً العربي زي ماشفتو يامك ,,, فسامعها ليك
أرباباب ارباباب ارباباب
بيني وبين نفسي ماعرفت اضحك ولا ابكي علي الورطة دي

هههههههههههههه
العجمية
تعرف يا الفاضلابي ايثار دي لو مشيت بيها لي البلد بنادوها
إسار هههههههههههههه
اهلنا بكوجنو الاسامي كوجين
عندنا قريبتنا ولدها بنتو اسمها عسجد هي بتناديها بتقول ليها عز
هههههههههههههههههههههههه

Post: #663
Title: Re: ود شيقوق وودالبوش وود المنسي هام
Author: عبدالعزيز الفاضلابى
Date: 09-30-2014, 07:56 PM
Parent: #662

Quote: اهلنا بكوجنو الاسامي كوجين
عندنا قريبتنا ولدها بنتو اسمها عسجد هي بتناديها بتقول ليها عز

عمنا بنته اسمها مؤمنين ـ جدي بقول لها مانْتُفْلي

Post: #664
Title: Re: ود شيقوق وودالبوش وود المنسي هام
Author: عبدالحفيظ ابوسن
Date: 10-09-2014, 05:54 AM
Parent: #663

عيد سعيد
حين ميسرة

Post: #665
Title: Re: ود شيقوق وودالبوش وود المنسي هام
Author: عبدالله ود البوش
Date: 10-09-2014, 06:34 AM
Parent: #664

العيد مبارك عليكم جت عليكم
الهنا والهناك
الحاضر والغايب
البعيد والقريب
جت عليكم