يا مغترب خليك حريص..

يقال أن هنالك مؤتمر سادس للمغتربين يجري الترتيب له هذه الأيام ... والله مسخرة هو نجن عارفين أنتو عملتو شنو للمغترب في المؤتمرات السابق.. هذه محاولة جديدة للضحك على المغترب وخداعه بحيلة تقديم تسهيلات للمغترب لنهب مدخارتهم... يجب أن يعي المغترب أن هذه حكومة فاشلة نهبت أموال الداخل وتريد أن تنهب أموال السوداني البرة .. حذاري أن تنطلي عليكم حيلهم وألعايبهم.. خليك حريص يا مغترب .. زي ما بقول صلاح البندر

Quote: يقال أن هنالك مؤتمر سادس للمغتربين يجري الترتيب له هذه الأيام ... والله مسخرة هو نجن عارفين أنتو عملتو شنو للمغترب في المؤتمرات السابق.. هذه محاولة جديدة للضحك على المغترب وخداعه بحيلة تقديم تسهيلات للمغترب لنهب مدخارتهم... يجب أن يعي المغترب أن هذه حكومة فاشلة نهبت أموال الداخل وتريد أن تنهب أموال السوداني البرة .. حذاري أن تنطلي عليكم حيلهم وألعايبهم.. خليك حريص يا مغترب .. زي ما بقول صلاح البندر

استاذ/ الطيب مصطفى
تحياتي ،، ياخ ما تقوم تطلع لينا الطيب مصطفى بتاع الانتباها كمان تجهج باكاتنا ،،، ههههها

المهم يا زول والله انا لي كم طاشر سنة مغترب ولا مرة ما شفت مخرجات للمؤتمر ده الا مرة واحدة سمعتا بي حاجة اسمها جامعة المغتربين حتى دي كمان طلعت ماسورة،
وهو في ماسورة اكبر من مشاريع مص المغترب ما ياهو الفضل البلد لا بتصدر ولا بتنتج ولا في مانحين، الجماعة قاعدين كنب،

مشاريع سابقة:
مشروع سندس
اراضي الوادي الاخضر
غايتو جنس نهب،
وبعد ده يدونا بالشلوت،

انا اصلي في الدنيا دي ما شفت لي زول يدفعك قروش وكمان صاري ليك وشه ...

غايتو انا ده يشموها مني قدحة،،

يقول السيد الأمين العام عن مؤتمر المغتربين السادس :
أولاً : مؤتمر المغتربين السادس هو مؤتمر راتب بموجب قانون جهاز تنظيم شؤون السودانيين العاملين بالخارج الذي ينص بأن يُعقد المؤتمر كل ثلاث سنوات باسم مؤتمر المغتربين .. ليناقش قضاياهم وهو بمثابة (((( جمعية عمومية لجهاز المغتربين)))
تستمع من خلاله لتقارير وتقويم أداء الجهاز ، ويناقش أوراقاً مختلفة .. وهذا المؤتمر يجيء بعد غياب لدورتين 2008 و 2013م ونعتقد أن هناك الكثير من الحيثيات تقتضي قيام هذا المؤتمر . من أهمها أنه التزام قانوني إضافة إلى التطورات التي شهدها ملف الاغتراب والهجرة في السنوات الماضية وكذلك التطورات السياسية التي يشهدها السودان من انفصال الجنوب والأوضاع السياسية المختلفة وكذلك انطلاق الحوار الوطني هذه كلها قضايا تقتضي أن يُعقد هذا المؤتمر لمعرفة أفكار وآراء المغتربين ورؤيتهم حول قضايا السودان المختلفة ..

Quote: وكذلك التطورات السياسية التي يشهدها السودان من انفصال الجنوب والأوضاع السياسية المختلفة وكذلك انطلاق الحوار الوطني هذه كلها قضايا تقتضي أن يُعقد هذا المؤتمر لمعرفة أفكار وآراء المغتربين ورؤيتهم حول قضايا السودان المختلفة ..

السؤال الذي يتبادر إلى الذهن منذ متى كان للمغترب رأي ؟؟
وهذه التطورات السياسية هل كان للمغترب دخل فيها ؟؟ ناس الداخل كان هم الأولى باستطلاع آراءهم ومعرفة أفكارهم وتلمس رؤيتهم على الأقل هم عايشين وسط الأحداث ..
ولو كان المؤتمر بمثابة جمعية عمومية نرجو من الأخوة الحضور حجب الثقة عن الجهاز ..
لكن دا عشم ابليس في الجنة ..
لأنو الحضور (نقاوة) ولا يمثلون إلا أنفسهم ..

ويا مثبت العقل والدين ..

Quote: تحياتي ،، ياخ ما تقوم تطلع لينا الطيب مصطفى بتاع الانتباها كمان تجهج باكاتنا ،،، ههههها

اولا يا اخ الهادي بعد الشكر والتعليق أنا موش الطيب مصطفى بتاع ....الكلام ده قلتو دشليون مرة... يا جماعة الخير أفك إرتباطي بالزول ده كيف؟

تشكرا الاخ الطيب

المغتربون مطالبهم بسيطة وهي لا تحتاج الى مؤتمر

1.ان يعامل اولادهم كبقية طلاب السودان في القبول للجامعات.
2.ان تعفى سياراتهم من الضرائب وان لاتحدد بموديل معين.
3.ان يعفى اساسهم من الضرائب ولا يحدد بعدد معين .
4. ان تبسط الاجراءات في المغتربين وفي السفارات لا يعقل ان يجدد الجواز بما يعادل 500 جنية في بعض السفارات ولمدة سنتين فقط

جواز الهندي والبنقالي يجدد كل 10 سنوان وبما قيمته بالسوداني 50 جنية لاغير.

5.تقليل قيمة الخدمات القنصلية فيهي في أبسط حالاتها تعادل 230 جنية سوداني.

Quote: السؤال الذي يتبادر إلى الذهن منذ متى كان للمغترب رأي ؟؟

المليك : سؤال وجيه عايز إجابة والإجابة عند الشعب ... والشعب عايز سلام ... والسلام عند الإمام.. الفات الفات بليله سبع لفات ... والشعب وقع في البئر..

Quote: حاجة اسمها جامعة المغتربين حتى دي كمان طلعت ماسورة،

شقيقي سافر قبل أيام للسودان مع إبنته الكبرى للتقديم للجامعات السودانية
وكانت جامعة المغتربين إحدى خياراتهم للتقديم لدراسة الطب ، وهى مستوفية الشروط الأكاديمية تماماً

يشهد الله قالوا ليهم رسوم الدرسة للعام الجامعي الواحد 30 مليون جنيه لدراسة الطب

نعم 30مليون جنيه عداً نقداً

قال جامعة مغتربين قال

شوف ليك إستغلال بشع وإنتهازية ونهب على المكشوف

الطيب مصطفى أتفق معك بلا تحفظ

الأخ محمد علي البصير ذكرت مشكوراً واحد من أوجه إستغلال المغترب ... وهذا غيض من فيض ..
الحل أن نبتعد من الشراك المنصوبة للمغرتب حتى يفتح الله على السودان بناس نضاف ساعتها سيقف المغترب مع وطنه قلبا وقالبا

كمال الدين يوسف سلمت يداك

Quote: ان يعامل اولادهم كبقية طلاب السودان في القبول للجامعات. 2.ان تعفى سياراتهم من الضرائب وان لاتحدد بموديل معين. 3.ان يعفى اساسهم من الضرائب ولا يحدد بعدد معين . 4. ان تبسط الاجراءات في المغتربين وفي السفارات لا يعقل ان يجدد الجواز بما يعادل 500 جنية في بعض السفارات ولمدة سنتين فقط

Quote: اولا يا اخ الهادي بعد الشكر والتعليق أنا موش الطيب مصطفى بتاع ....الكلام ده قلتو دشليون مرة... يا جماعة الخير أفك إرتباطي بالزول ده كيف؟

السلام عليكم اخى الطيب مصطفى يا الموش بتاع الانتباهة
شكلو الموضوع دا عامل ليك صداع
اكتب فى البروفايل بتاعك انو انت ما الطيب بتاع الانتباحة

Quote: يا جماعة الخير أفك إرتباطي بالزول ده كيف؟

تغير إسمك بعد سداد الرسوم بالسفارة أو تتحمل الجاييك.

Quote: 4. ان تبسط الاجراءات في المغتربين وفي السفارات لا يعقل ان يجدد الجواز بما يعادل 500 جنية في بعض السفارات ولمدة سنتين فقط جواز الهندي والبنقالي يجدد كل 10 سنوان وبما قيمته بالسوداني 50 جنية لاغير.

سيد البوست الما بتاع الانتباهة ،،، معليش مشيها لينا المرة دي ،،،
المهم،
النقاط دي أنا أأمن عليها ، أولا جوازاتنا القديمة دي عاملة لينا احراج في البنوك والشركات وجوازات الاجانب، ياخ كل سنتين دي شغلة صراحة فيها استغلال وغير عملية، بغض النظر عن قيمة التجديد اللي بلغت الان، 260 ريال وسنتين فقط، ختم محدد بي تاريخين بي المبلغ ده.
النقطة الثانية مسألة تأشيرة الخروج من السودان، وحكاية الواحد كل سنة يمشي يقيف صف عشان يعمل خروج من بلده، يخي دي برضو قضية براها.
النقطة التالتة والأهم، تقليص جهاز المغتربين ده، صراحة الجهاز ده مترهل، وكلهم على كاهلنا.
بعدين انا لي سنين بدفع حاجة اسمها رسوم خدمات، أنا ما عارف شنو الخدمة البتقدم لي في الخفاء دي وأنا ما عارفه، لأن ما حصل شفت خدمة نهائي حتى ماء الشرب حدث ولا حرج داخل ذلك الحوش.
بالمختصر المفيد، علاقتنا بالحكومة هي علاقة استغلال واستنزاف المغترب سواء بالداخل او الخارج.

الأخوان حمد الطاهر ويوسف أبو صالح ...ياخ مشكورين والله على حرصكم على فرز عيشتي من الزول ده ... حا أسمع نصيحكتم بالحيل .. أخوكم الطيب مصطفى موش بتاع الإنتباحة (حلوة الإنتباحة دي)