هل فعلا تم الغاء ضريبة تاجيل الخدمة العسكرية في مبني جهاز المغتربين ؟؟؟؟؟.............

يقول صديقي الفادم توا من الخرطوم انة لم يدفع (وخلافا للعادة) رسوم تاجيل الخدمة العسكرية بل وقال انة وجد القسم كلة مغلق ولاتوجد ريحة لهؤلاء العساكر المستهبلين
واجهزتهم وصفوفهم الطويلة وتلك البطافة التي يتم (خرمها) في المطار وحتي لم يسالة احد عن بطاقة الخدمة وهو خارج من المطار ....اذا صحت هذة الانباء فهذة بشارة
واستهلال طيب للوزير الجديد ..............

الاخ محمد ابراهيم

ياريت يتم اعفاء الجميع علي الاقل بسبب الصفوف الطويله والعطله.

ناس 1968 تم اعفاءهم من السنه الماضيه

Quote: الاخ محمد ابراهيم ياريت يتم اعفاء الجميع علي الاقل بسبب الصفوف الطويله والعطله. ناس 1968 تم اعفاءهم من السنه الماضيه

الاخ محمد حسب الكلام انو تم تم الغاء الموضوع من اصلو ولاتوجد رسوم علي اصدار الاعفاء ...نرجو واحد جاء من السودان ياكد الخبر..........

.نرجو واحد جاء من السودان ياكد الخبر..........

اها الخبر شنو يا شباب

ياخوي أنا جاي أول أمس من السودان
ما ألغوها ولا حاجة
كل الموضوع أنو جهاز المغتربين كان شغال من تاني يوم في العيد
والباشوات بتاعين الخدمة الوطنية ما جوا داوموا إلا يوم الأحد مع الحكومة
وفي الفترة الكان شغال الجهاز بدون ناس الخدمة الوطنية كان بإمكان أي زول عندو بطاقة أداء الخدمة إنو يأشر
لأنو بطاقته بتكون سارية لمدة 5 سنوات لكن أي زول لازم يطلع تأجيل كان لازم ينتظر الباشوات يداوموا
ولكن ما زالوا للآن يطلبون بإثبات الخدمة الوطنية إما بطاقة أداء الخدمة أو كرت التأجيل

يوم الأحد قبل الماضي اللي هو اليوم الأول لدوام الحكومة وده اليوم الحصلت فيهو الدفسيبة
كانوا مداومين ناس الخدمة ولمن تجي تقدم للتأشيرة بيطالبوك بإثبات الخدمة
الحمد لله أنا مؤديها من زمان ومرتاح منها

ده ياهو الأنا شفتو بنفسي وما عدا ذلك ما تصدق
أما الوزير الجديد فما عارف قصدك وزير الداخلية وللا شنو؟
ما أعتقد ذلك لأنو القرار مشترك بين وزارة الدفاع ووزارة الداخلية وما بيتم إلغاؤه إلا عبر مجلس الوزراء
ولو فعلا لغوا القصة دي كان فلقوا راسنا بيها سنتين لغينا شرط الخدمة لغينا شرط الخدمة
ياخ لمن وهموا الناس إنهم لغوا تأشيرة الخروج ساي وبقت في ورقة اسمها (استيفاء) وهي تأشيرة بس بدل ختم ورقة
لمن عملوا كده صدعوا راسنا

حتى لما كنا واقفين في صف التأشيرة وكان زحمة شديد في موظف جانا
وقال المستندات المطلوبة كيت وكيت وكيت ومنها كرت الخدمة الوطنية

سلامات أخى محمد إبراهيم,,,

إذا قال لك أى شخص أنه تم إلغاء رسوم الخدمة الإلزامية أو أى رسوم لأى خدمات أخرى
فى دولة الضرائب والجبايات فلا تصدق لأن المليارات التى تدرها مثل رسوم الخدمات
هذه من سابع المستحيلات أن يستغنوا عنها !!!

الموضوع الآن هو أشبه بالسرقة والمساومة لأنه فى بعض الأحيان إذا جئت بنفسك وطلبت
أن تذهب لمعسكر خدمة إلزامية لتأديتها قد يكون الجواب ما عندنا معسكر وعليك أن
تدفع ويصعبون موضوع الإعفاء الدائم لكى لا يخسروا ولو قليلا!!!

عندما تذهب لإستخراج تصريح السفر لاحظ أن الرسوم المدفوعة لا تبين كلها فى الإيصالات
التى يعطوها لك وهنالك جزء من المبلغ لا يذكر فى أى مكان وهذا الأمر إذا سألت عنه
فإجابة الشباب أن هذه هى الرسوم الإدارية أى (حق العاملين عليها ومستحقاتهم ورواتبهم)
وهذه يتم بعلم الدولة ومباركتها فى كثير من المرافق,,,

إلغاء رسوم وضريبة أشبه بالحلم فى دولة تتفنن وتبدع فى إختلاق الأسباب ليخرجوا من
المواطن بأكبر قدر من أمواله على قلتها خاصة من يحتاج أن ينهى إجراء ما!!!!

هو دفع بلوى اليد وإكراه لانه إذا لم تدفع لن تتنتقل للإجراء التالى,,,..

تحياتى,,

لا لا كان كدا امشي اثبت صحبي دا لانو جاي مبسوط بسطة وقال راجع في العيد الكبير مادام الاجراءت ساهلة كدا ............... هاها

وطبعا ذي مال الاخ محمد جلال لو عملو حاجة ذي دي كان صدعو راسنا سنتين ............ انا بقصد وزير الجهاز الجديد حاج ماجد سوار الدهب قلت ممكن
بادرة منو منو لكن ذي ماقال الخ ايمن الطيب لانحلم بيوم يمكن ان تلغي فيهو اي ضريبة مع المشكلة ليست فقط في الضريبة بقدر ما الطريقة التي يتم بها عمل
الاجراء وتضييع الزمن ............. شكرا للجبع