Post: #1
Title: عشان هو ما من الخرتوم وما بعرفها ما كان يجي
Author: د.محمد حسن
Date: 08-10-2014, 07:53 AM
زميلنا البطري عبد الرحمن الخضر
الخرطوم امدرمان بحري
دي اسمها العاصمة المثلثة
وابد ليك بالخرطوم لانها حديثة
الخرطوم تصريفها حديث لانو الانجليز عملوهو بس الناس الحافظين الخرط في راسهم
منهم من قضى نحبه
ومنهم من اعترب او هاجر بعد مجزرة الصالح العام
عشان كده انت ما عارفين كوعكم من بوعكم
وكذا مدينة بحري لانها احدث
اما امدرمان يا ساعدة الدكتور الوالي فتصريفها طبيعي جدا
لانها بين خورين كبيرين بينهم مجموعة خيران صغيرة
خور شمبات شمالا وخور ابوعنجة جنوبا
وبينهم حور النعيم وخور الرابعة وخور كلية التربية وخور الساتة البفصل بين الساتة والتامنة \
واتعودت البلديات زمان قبل الانقاذ انو من شهر تلاتة بيبدو ينزلو عمال البلدية والمضامين ( اسال ناس السجون المضامين ديل شنو) في الاحياء لنظافة وتسوية الخيران الفرعية
وكلها في الاخر بتصب في الخير المذكورة اعلاه
اما في الخرطوم وبحري كانو بيفتحو المجاري وينضفوها
ولا ميزانية ولا بطيخ
جزء من عمل العمال وبياخدو عليه راتب احر الشهر
هسة جيت تعمل لينا فيها ما عندي ميزانية وداير لي سبع سنين
سبعة سنين كوبر قبل التنفيذ
وين عمال البلديات؟
البناء العشوائي مسئولية الحكومة كل ما تفلس توزع اراضي دون تخطيط المهم تجيب قروش
|
Post: #2
Title: Re: عشان هو ما من الخرتوم وما بعرفها ما كان يجي
Author: ادريس خليفة علم الهدي
Date: 08-10-2014, 08:18 AM
Parent: #1
يا دكتور ..
زميلك ده حيرنا .. زي خط الاستواء
المطرة مبارياهوا من القضارف .. محل ما يمشي تمشي معاهوا ..
|
Post: #3
Title: Re: عشان هو ما من الخرتوم وما بعرفها ما كان يجي
Author: د.محمد حسن
Date: 08-10-2014, 08:51 AM
Parent: #2
Quote: زميلك ده حيرنا .. زي خط الاستواء
المطرة مبارياهوا من القضارف .. محل ما يمشي تمشي معاهوا .. |
ياخي ده حير ناس الارصاد
والشيخ قوقل والفضائيات المجاورة
بذكرني بي يونس شلبي في مدرسة المشاغبين
|
Post: #4
Title: Re: عشان هو ما من الخرتوم وما بعرفها ما كان يجي
Author: أيمن الطيب
Date: 08-10-2014, 09:00 AM
Parent: #3
سلامات يا دكتور,,
ياخ الزول دا قال ليك السى فى بتاعتو فيها إنو إشتغل والى قضارف!!
وبالزانة قفزة لا يصدقها العقل بقى والى خرطوم عديل كدا!!
إبتلاءآت إبتلاءأت ياخ,,,
الوالى بكون هسه مبسووووووط وكل صباح يردد (اللهم أشغل أعدائى بأنفسهم)
بدل ما كل صباح شابكننا فساد الوالى وفساد مكتب الوالى وأولاد الوالى ,,
الله جاب ليهم المطر والسيول كان يفكو زميلكم دا شوية..
تحياتى
|
Post: #5
Title: Re: عشان هو ما من الخرتوم وما بعرفها ما كان يجي
Author: dardiri satti
Date: 08-10-2014, 10:08 AM
Parent: #4
Quote: ياخ الزول دا قال ليك السى فى بتاعتو فيها إنو إشتغل والى قضارف!!
|
شُفْتَ ... (شكلناها عشان ما في واحد يقراها شِفِتْ)!!!
شُفْتَ ... دي بالذات حقه يحذفها من السي في !!!
تحياتي
|
Post: #6
Title: Re: عشان هو ما من الخرتوم وما بعرفها ما كان يجي
Author: أيمن الطيب
Date: 08-10-2014, 11:17 AM
Parent: #5
سلامات أخى درديرى,,| Quote: شُفْتَ ... دي بالذات حقه يحذفها من السي في !!! |
يحذفا كيف يا زول!!!القفزة المهولة دى لولاية الخرطوم تعنى أن الرجل فعل بالقضارف ما لم يفعله أحد من قبله ولن يفعل أحد من بعده!!!
مؤتمر وطنى يااااا
تخريب وطنى ياااا
النجاح عندهم يقاس بمقياس الفشل لديك,,
أفشل وخرب ودمر إذا انت على الطريق
الصحيح ومنصبك القادم ينتظرك ...
أبو الزهور قال كوبرى عطبرة إنهار جزئيا!!!!!!!!!!!!!!!!!!!!!!!
طيب والباقى من الكل دا ياربى بقضى لينا الغرض,,,
تحياتى
|
|