الى الشاعر أزهرى محمد على مدير قناة قون هذه مشاهد بشعة لايمكن قبولها منك او من الملحن صاحب القناة

بشاعة البطان عندى تقابلها بشاعة وتخلف ختان النساء

شاهدت لقاء مطول عبر قناة قون مع السيد صلاح ادريس ومقدم اللقاء كان الصحفى الرياضى كمال حامد
ما داير اقيف عند فطرية ومحدودية المحاورل وعدم حياديته وكسير التلج من ممكن يصيبك بالغثيان ...
بل كمل الناقصة بان يكون الفنان المصاحب للقاء هو سيف الجامعة مغنى منسوبى جهاز الامن ملك ملوك
مكسرى التلج لصلاح ادريس

قبل نهاية اللقاء قدم الفنان سيف الجامعة اغنية حماسية من كلامات الشاعر ازهرى محمد على
والحان صلاح ادريس وفي تقديرى هى في مدح صلاح ادريس ولن اعيب ذلك على الشعار
لان المدح واحد من مقاصد الشعر بس مشاهد البطان البشعة لشباب فى ريعان العمر وعبر
المنتاج المصنوع تجعلك تتاسف لشاعر وملحن قدمو اروع الكلمات والالحان ثم يكرسون لثقافة
البطان وهى على الاطلاق غير انسانية وقضية الشعر والالحان في تقديرى انسانية فى المقام الاول

سيف الجامعة من اعذب الأصوات التي مرت على السودان و هو فنان حقيقي و كبير
ما عارف كسير تلجو لصلاح ادريس و لا غناهو لناس الأمن و لكن اعرف السنوات القاسية
التي عاشها مع المعارضة في القاهرة ايام طيب الذكر المرحوم التجمع الوطني الديمقراطي.

Quote: ما عارف كسير تلجو لصلاح ادريس و لا غناهو لناس الأمن و لكن اعرف السنوات القاسية

سيف النصر
سيف الجامعة وكسير تلجو لصلاح ادريس مشهود وموثق وغناهو في مقر جهاز الامن لمنسوبى الجهاز برضو موثق كدى قوقل
وحاتجد مايفجعك

تحياتي بدر وضيوفه
لا احب غناء سيف الجامعه وقلت افسد شعر العميري
اشعر به لزجا
متصنعا

تحياتي يابدر وضيوفك الكرام،
سيف الجامعة كان معانا في مصر ايام التجمع الوطني الديمقراطي، وعامل فيها معارض ......
لكنه مسطح تسطيحة عدوك، فقد قال انه بصدد تاليف كتاب عن الفن والدولة الدينية،
وكلمات زي الدولة الدينية دي التقطها سماعيا من ناس بدر الدين،( والله قال الناس تعيش ما قال البنوك املوها عيش،
الله بكره الحرابة، الله بحب السلام) ... والكلمات بعد بدر الدين دي كلها من اشعار الزميل بدر الطالب بجامعة الزقازيق وقتها،
وغناها هذا السيف، اذكر انه لحن معانا في المنصورة قصيدة محجوب شريف مريم ومي بنياتي، وحشتني ولعبتن بي،
وعندما غناها لنا اول مرة، سالت صديقي مجدي الجاك لاحقا عن رايه في اللحن، قال : غايتو زي لحن الحب صعب يا ابوعلي،
نرجع لكتاب سيف الجامعة عن الفن والدولة الدينية، فقد قرأت له بعد سنة من كلامه حول تاليف الكتاب، في جريدة الوفد، لقاءا
قال فيه انه بصدد كتابة مقال عن الفن والدولة الدينية، يدحض فيه مزاعم الكيزان عن الاسلام،
شوف يا بدر الكتاب انكمش لمقال لم ينشر ابدا،
سيف امكانياته الفكرية ضعيفة جدا ..
عشان كدة لم استغرب مطلقا عودته للغناء مع الكيزان، وتلحين اغاني صلاح ادريس، ويمدح،
ويردد ذات الاغاني التي كان يغنيها لنا في مصر قبل عشرين عاما،
فتامل ...

بالمناسبة لا احب صلاح ادريس، ولا جمال الوالي، ولا حسين شندي، طالما جات السيرة ...

يا عبد المنعم ياخ من باب و لا تبخسوا الناس أشياءهم خليني النقول ليك
انو سيف الجامعة امكانيتو الفكرية جيدة جداً هو مقارنة بالفنانين الآخرين
الموجودين على الساحة يعتبر من القلة المثقفة و ما تنسى أن الرجل خريج
جامعة الخرطوم في عصورها الزاهية.
ثم مسألة الانكسار دي و التطبيع مع النظام مسألة لا يمكن مناقشتها بدون
وجود الشخص المعني و إتاحة الفرصة له للرد و الدفاع عن نفسه، مولانا نفسه
طبع مع النظام و عبد الرحمن سعيد اصبح يدافع عن البشير و غير ذلك يعني ما جات
على سيف المسكين ده، و لا تنس انو سيف ما كان منتمي لتنظيم بعينه و هو الان

متابعة:
و هو الان حسب ما ارى لا يتحدث في أمور السياسة عندما يستضاف في التلفزيون
و نحن لا نعرف ما هو رأيه بالضبط في ما يحدث في السودان.
لو كانت المعارضة جادة و لو كان لها أجهزتها الإعلامية و مواردها المالية لكانت احتضنت
الموهبين و المبدعين و حمتهم من الوقوع في شراك النظام و احابيل صلاح ادريس، بل
لكانت قد أسقطت النظام عديل.

بدر الدين الامير ازيك وكل سنة وانت طيب
وبعدين العيد كلو بتصل بيك تلفونك مابرد يا اللخو يا مشغول يا مقفول
تالتاً البطان ده زى ما قالت التومة بت على: حرار فى القلب يا سيد عمك
وكتين يكون مافى شيتاً عفر الواطة الناس اخير تنجلد والما بفتشوهو ما يحوم على تانى..
سيف الجامعه فى العام 1982 قربت اريحكم منه وحات سيد ابوك وهو كان بتعلم
فى السواقه جديد وراكبين سيارة سيهان بيرد معاه الشاعر ابوقرون وزميل المنبر
الفنان عادل التجانى وانا فى شارع النيل متجه غرباً عايز اعمل يو تيرن من الفتحة
القصاد متحف السودان وماشى قاعة الصداقة ورامى اشارتى من بعد سالفة الذكر
حديقة الحيوان( بالمناسبة الخرطوم العاصمة الوحيدة فى العالم الما فيها حديقة حيوانات)
اها انا مسكت شمال الشارع وهو كان ماشى خلفى وانا شفته فى المرايه وافتكرته زول
حريف اها زولك جانى بالشمال وحاتك وضرب عربيتى وطلع الترتوار ومشى الناحيه
التانية وربك رب الخير بشويه فات مجروس وماجات بعده عربيه ونجو من موت محقق..
اظرف شى انا لا بعرف ابوقرون لا سيف الجامعه لكن كنت قد تعرفت على الاستاذ عادل
التجانى فى منزل صديقى حامد المعتصم ونحن طلبه فى الثانوى نزل ابوقرون اظنه وقتها
كان عميد وهو عارف سيف غلطان 100% قال يهرشنى قدم نفسه العميد ابوقرون ياخى دى
سواقة شنو؟ قلت ليه شرفنا معاك امباشى صديق الموج اول شى مادام فى الحديد مافى عوجة
ثم تانى انا رامى اشارة من قصاد حديقة الحيوان وزولك ده ما بعرف يسوق وكان سيف برجف
ويا سعادتك انتظر بتاع الحركة وهو يقرر منو السواقته شنو، و اخيراً نزل اخونا عادل التجانى وكان
يركب فى المقعد الخلفى وسلمت عليه ازيك يا استاذ سلامات سلامات وقدمهم لى الشاعر ابوقرون
والاستاذ سيف الجامعه وحصل خير حصل خير وباركناها..
الشاهد فى الموضوع سيف ده كان ماربكم ستر كان يكون فى عداد الموتى المهم انا غايتو
ما قاعد اسمعه،،،

Quote: انو سيف الجامعة امكانيتو الفكرية جيدة جداً هو مقارنة بالفنانين الآخرين الموجودين على الساحة يعتبر من القلة المثقفة ة.

يا سيف ، مصر في تلك الفترة، اواخر التمانينات واوائل تسعيناتها، كانت تتنفس سياسة وثقافة، وكان بها كل الطيف،
اها الزول دا كان من ذلك الطيف وركب الموجة، وقال ايه، قال معارض،
انا لمن اقولك امكانياتو الفكرية ضحلة، وجدا ..
دا ناتج ان تجربة معايشة يومية، وربما سنة عديل كدة ....
وكثيرا جدا، بل معظم الوقت، الناس كانت تتكلم في السياسة والفن والادب،
والزول دا كان يحضر الحوارات دي وكان يدلو بدلوهو المليان وهم،
وفاضي الجيب هذا السيف،
غايتو انت رايك دا ماعرف بانيهو على تجربة ولَّ على دي

Quote: و ما تنسى أن الرجل خريج جامعة الخرطوم في عصورها الزاهية.

لان جامعة الخرطوم -او اي جامعة اخرى في العالم-في عصرها الذهبي، او الماسي او الحالي،
لا تخرج مثقفا، مهموما بقضايا الشعب والوطن، بل تخرج الجامعات اكاديمي، وبعدين الثقافة دي عملية مرهقة وشاقة وعاوزة متابعة يومية،
اعتقد ان سيف غير مؤهل لها من واقع تجربتي معاه، فلم اراه يقرأ كتابا او مجلة او حتى جريدة لمدة تقارب العام،
فأنَّ له الثقافة... ممكن سماعية من ناس الزقازيق والمنصورة ....
حكاية موالاتو للنظام دي كمان ما دايرة بيان،
فالقنوات دي معظمها مملوكة للنظام بطريقة او اخرى...
ولا يستضيفون اصلا الا من رضى عنه السلطان واجهزة امنه،
بعدين حكاية غناهو لناس الامن دي اها بدر الدين تكلم عنها وقال انها مثبتة ....

صدقني الزول دا الحكومة مبسوطة منو ...

بدر الدين أخوي ،
المعايش جبارة

Quote: لا احب غناء سيف الجامعه.....................اشعر به لزجا متصنعا

غايته.... توارد خواطر عجيب ياود اب سن!!

Quote: لا احب صلاح ادريس، ولا جمال الوالي، ولا حسين شندي، طالما جات السيرة ...

إنت رائع!!!

Quote: المهم انا غايتو ما قاعد اسمعه،،،

تسلم....

وللجميع..........

تحياتي

Quote: تحياتي بدر وضيوفه لا احب غناء سيف الجامعه وقلت افسد شعر العميري اشعر به لزجا متصنعا

اخى ابوسن
لك الود والتقدير
شخصيا لايطربنى صوت سيف الجامعة وبفتكر ان العديد من النصوص الجيدة التى تغنى بها لشعراء امثال العميرى وحميد وعاطف خيرى وحتى ازهرى
بل والالحان التى لحنها له مصطفى سيد احمد قدماتت و كنت حاضر لتسجيل البومه الاول في الدوحة (وصتنى وصيتها) ابان حياة مصطفى سيد احمد وتعرفت
عليه اكثر في زيارته التانية للدوحة بعد رحيل مصطفى وكان يجرى بروفات حفلاته بدارى سيف يحفظ اغانى الحقيبة بشكل جيد ويجيد ايضا تكنيك العزف على العود
لكن صوته يخلو من جماليات التطريب

Quote: بالمناسبة لا احب صلاح ادريس، ولا جمال الوالي، ولا حسين شندي، طالما جات السيرة ...

ههههههههه
ياعبدالمنعم
هسى كلامك دا ما اياهو البطان بالكلامات
اتفق معك في تحليلك لشخصية سيف وسيف الانتهازية متمكنة منه زى تمكن الصلعة من دقنوسو الفاضى

Quote: والاستاذ سيف الجامعه وحصل خير حصل خير وباركناها..

كلامك طاعم ياود الموج زى روحك وروح صلاح غريبة هههههه
بس طبظتها بكونك باركتها انا جنى وجن باركوها وبفتكر ان كل ماسى السودان بتتكرر بسبب باركوها
ياخى المجروس باركها انت برضو تباركها بس تشكر على المعلومة بتاعت الفنان الملحن عادل
التجانى انا عارفو بختار انواع جيدة لصبغة الشعر لكن ماكنت فاكرو من جيل العجزة والمسنين
ناس صديق الموج لكن بعد كدا وقع معاى ودالعباسية

درديرى ساتى
طبعا اسم ساتى اسم نوبى صرف لكن معناهو شنو مافى زول عارفو
بختصار انت زول مستعرب هههههه وجاى كمان تباطن بكلمات العربية
كدى نورنا انت كرطانى مستعرب في ثقافتكم في بطان

اخى بكرى ابوبكر
الاخ والصديق الشاعر ازهرى محمد على يطلب منك ان ترسل له باصورد قال انه عضو قديم
لكن باصورده ضاع ويود ان يرد ويعقب ......

Quote: بدر الدين الامير يا رغيغ انت :)

ياسيدى ليس فى الامر رقة بل هو رفض لعادات مضرة

Quote: بدر الدين هسي انتا ما كسرت تلج في ازهري محمد علي قبال يجي _ غايتو عليك جنس حالة _ وانتا وقت مكجن سيف الجامعة وصوتو ما بيطربك طيب بي ياتو صفة كان بعمل بروفات في دار الفنانين بقطر

ازهرى محمد على
قد يكون بجانب هاشم صديق الشاعر الشعبى الثورى الاميز الموجود على الساحة السودانية ومصادم لسلطة القتلة اهل الغيهب من الناحية دى اكيد بكسر ليهو تلج بعيد عن تقيمى الفنى لاشعاره
ثانيا كون صوت سيف الجامعة مابطربنى دى حالة تخصنى وراى في تكجين سيف الجامعة بعد ما مشى وغنى داخل مبانى جهاز الامن كتبته هنا من سنوات والنحمد قوقل لايحوجنا لعنعنات

.

ياخي انتو الذ ناس

بدر الدين وعبد المنعم

سويتوها ظاهره وحامضه لاكين

منعم عارف رايي في سيف الجامعه

انا عزفت معاهو في الجامعه في كثير من حفلاته

والله كان كويس لكن مباراة الكيزان واجهزتم دي شينه خلاص في حقو

Quote: والله كان كويس لكن مباراة الكيزان واجهزتم دي شينه خلاص في حقو

طارق
الكيزان كانو عارفين سعر سيف اشترو بسعر بخس زى ما اشترو غيرو وبعد ما قام بالدور رمو زيو زى قيقيم
بس قيقم يظل انبل واقيم من سيف لانه نافقهم من قولة تيك وعكسه سيف نافق النضال والمناضلين عشان يكون
عنده سعر لدى القتلة
وهكذا حالات مكررة ومكرورة على الاقل هنا في دكان بكرى شفت كم مرة معتز القريش على سبيل المثال باعهم
ورجعو اشترو كمطبل بلا حياة