مداهمة محمد المرتضى حامد متلبسا وبالثابتة في حالة حنان

نسال الله للحاجة زينة والدة صديقنا محمد الفاتح دوام وتمام الصحة والعافية

وكل عام وانت بخير يا شاهنا


طبعا فاجأتك يا ج ب ا ن
قول عوك خلينا نتلم سوا

أقسم بالذي سمك السماء بلا عمد هي مفاجأة،
ياخ دي مفاجأة بحق وحقيق كما لو أن عمر وثبة خرج إلينا ببيان إستهله بما يلي :
قال عمر بن الخطاب (ولاَّنا الله على الأمة لنسد لهم جوعتهم ونوفر لهم حاجتهم فإن عجزنا عن ذلك اعتزلناهم) .. وعشان كدا يا اخوانا
أنا و المعاي - تأسيا بأمير المؤمنين - قررنا نعتزلكم.

المفاجأة تكمن في أن الصورة عمرها أقل من 48 ساعة ولم أرسلها سوى للشقيق الصديق محمد الفاتح على بعد 16000 شوق..
أمنا الحاجه زينة ZAINA إمرأة حبها لايشيخ كما جاء في المثل ، من الثوابت في كل زيارة للسودان
أن أزور قبر أمي آمنة عليها الرحمة وزيارة الحاجة زينة أمد الله في عمرها..
الأمهات يصنعن الأمم يا محمد..
قلت لي حنان ومداهمة عديييل..
عناوين بوستاتك أصبحت زي جرايد الجماعه..
غايتو فاتتك يا محمد..
رغم الوضع في السودان لكن وجودك بقرب حاجه زينة وعمك حامد يوفر لك غطاءا تأمينيا تعجز عنه لويدز وأخواتها..

كل سنه وأنت والأهل والصحاب والأحباب بخير ..

جاء في الاثر ان الصديق صنو الروح
وهم انجم
بها تستدل الدروب وتتعلم الحساب
وميزة الانجم انك تراها بعينين \
عين الشعاع وعين البصيرة
ولقد رايتك والحنين منابع
تنهل
ويقتلنا الظمأ
لكنه
هوى النفوس
هذه الصورة رومزيتها لي انها تجسد زمنا جميل نحمله معنا في حلنا وترحالنا
ولكل آل حامد عبد الله صادق مودتي وامنيتاتي

د. محمد

كل عام وانتم بالف خير

Quote: نسال الله للحاجة زينة والدة صديقنا محمد الفاتح دوام وتمام الصحة والعافية

يا حليل رجال زمان وحريم زمان

امنا زينة دي من الشخصيات البتكون موبايلات البنات الحولها كوووووولها silent

ود شيقوق

امنا دي نوع النسوان في ساعة الحارة
لمن يقررن شي
ويجي راجل داخل
بقولولو
ليه ياولد
اقعد بعيد لامن نديك الراي
وما على الرجل الا التنفيذ
هن حنينات
رحيمات
ربايات
وساكتات
كل عام وانت بالف خير

طبعا يا دكتور ود شيقوق كان جاي يشوف حنان ود المرتضى القبضوا بي دا
بكون يدو بترجف وهو بعمل كلك على البوست مستعجل
لكن خاب أمله عندما وجده حنان يروي المدى الطيب في التواصل لهذا الشخص الجميل
محمد ود المرتضى وعادت سكينة المسكينة لبيتها حزينة

تحياتي يا دكتور وتحياتنا عبرك للجميل ود المرتضى بين أهله ومحبيه

الأحباب د. محمد حسن ومولانا الأستاذ محمد المرتضى
كل عام وانتم بخير وعافية
نسأل الله العلي القدير الصحة والعافية وطول العمر للحاجدة زينة

تحياتي ووافر احترامي

نعم يا خالد ..
الأم أحلى كلمة ..
هي الإنسان الوحيد الذي يحبك بلا شروط ..
عندما ترحل تتعطل كل البوصلات ..



والدتي ، غشيت قبرها شآبيب الرحمة

Quote: نسأل الله العلي القدير الصحة والعافية وطول العمر للحاجدة زينة

أستاذنا الجليل جعفر ..
كل عام وأنتم والأهل بخير..
الحاجه زينه والدة صديقي د. محمد الفاتح إبراهيم أحمد طه الخوجلابي لكنها أم للجميع..
وكما قال شيقوق هي من جيل لايتكرر ..
نسأل الله أن يمد في عمر الحاجه زينة ويواليها بالعافية ..
مودتي يا عزيزنا وجيب لينا سعدالدين عيديه..
قول ليهو مرتضى بيغني مع حسن عطيه حارم وصلي مالك..

Quote: امنا دي نوع النسوان في ساعة الحارة لمن يقررن شي ويجي راجل داخل بقولولو ليه ياولد اقعد بعيد لامن نديك الراي وما على الرجل الا التنفيذ هن حنينات رحيمات ربايات وساكتات

ربنا يحفظها ويديها العافية و طول العمر

فعلا بيكون عندها حق الفيتو في أي شورة متعلقة بشان الاسرة لما لها من الحلم ورجاحة راي




المنسي

الله يجازي محنك يا مسنووووووووووووووووح

Quote: المنسي الله يجازي محنك يا مسنووووووووووووووووح

يبدو أن (مسنوح) رديفة ل (صريح) يا شيقا..

الما منسي، في هذا المنبر لاتفكر بصوت عال..

شوف السماحة دي عليك الله .
دي صورة المرحومة أمك يا محمد ؟
عليك الله وكت تمشي أدردق لي معاك فوق قبرها زي ما بقول الراحل محمد المطرطش .
ربنا يرحم عزيزتنا الوالدة
وربنا يرحم عزيزنا المطرطش

Quote: كل عام وانتم بخير وعافية نسأل الله العلي القدير الصحة والعافية وطول العمر للحاجدة زينة

الاخ الكريم جعفر وانت بالف خير
آميييييييييييييييييييييين

Quote: طبعا يا دكتور ود شيقوق كان جاي يشوف حنان ود المرتضى القبضوا بي دا بكون يدو بترجف وهو بعمل كلك على البوست مستعجل

خالد حبابك الف

زي ود شقوق ده ما بياكل معانا عيش
ده زول عونكوليب ساااااي
ونحن ناس
حافي حالق
بالطريق الشاقي الترام

Quote: دي صورة المرحومة أمك يا محمد ؟ عليك الله وكت تمشي أدردق لي معاك فوق قبرها زي ما بقول الراحل محمد المطرطش .

نعم يا عثمان..
كانت معلمة فعرفتنا بحروف الأبجدية ووزراة بحالها للتربية والتعليم ..
كانت الطاهية تعد لنا الطعام وتغشى بنا العيادات والمشافي حين تضربنا امراض المناطق الحارة
والتروبيكال ديزيزس وتقوم بدور وزارة الصحة كاملا.
كانت ترشدنا وتحذرنا ألا نغشى ما يشين ورأيناها كوزيرة للرعاية الإجتماعية..
كانت شركة تأمين وإعادة تأمين و concrete bunker في زمن الغارات والصراعات الأهليه
التي عايشناها في بعض بقاع السودان ، وكل ذلك لم يثنها عن دورها كعضو بالإتحاد النسائي..
يا ودموسى ، عمتك آمنه ( أمونه) رحمها الله ، لم تك وزارة للزراعة وحسب
كما قال نزار قباني ، بل كانت مجلسا للوزراء.
نسأله تعالى أن يجعلها في عليين.

تعرف يا خالد
الاغنية دي من اجمل الاغاني
لانها اتقالت بصوت طفلة ولي ناس كبار
الله يرحم امهاتنا ويدي الحيين الصحة والعافية

شكرا على الاهداء الجميل

نعم المداهمة والحنان..
لعل بعض ما تبقى من محاسن زمن الفيضان و الحروب و التسفارهذا
بضع محطات انسانية مثل اللوحة اعلاه تنيخ بها ابلنا ..لسان حالك و ايانا يا مولانا
جيناكي زي وزين
اليوم سعيد بحضورك انت و الحاجة..
محبتي

Quote: نعم المداهمة والحنان.. لعل بعض ما تبقى من محاسن زمن الفيضان و الحروب و التسفارهذا بضع محطات انسانية مثل اللوحة اعلاه تنيخ بها ابلنا ..لسان حالك و ايانا يا مولانا جيناكي زي وزين اليوم سعيد بحضورك انت و الحاجة.. محبتي

أبو السعود..
ياخ د. محمد حسن دا لو عمل حسنه واحده في حياتو إنو تسبب في عودتك إلينا،
والله ليك شوق يا أمير يا ود الأمير..
إفتقدناك في هذه العطلة كما افتقدك القراء والأصحاب في سودانيز..
غايتو مداهمة محمد لي في (حناني) جابت حقها..
سألتك بالذي أشبع الأفيال ألا تغيب..

محبتي يا عزيز..

Quote: ياخ د. محمد حسن دا لو عمل حسنه واحده في حياتو

غايتو يا ود حامد عبدالله مرقتني كوز ضليل

يعني مبارات الجراد وقمل الخشب دي كلها ما شفعت لي

نزلت اغنية في الملحمة اسمعها بالله يا شفيف

Quote: لعل بعض ما تبقى من محاسن زمن الفيضان و الحروب و التسفارهذا بضع محطات انسانية مثل اللوحة اعلاه تنيخ بها ابلنا

اخونا سعد عبد الرحمن
ونعم المداخلة الرقيقة
هكذا صرنا في تيه الاسافير نطرق الجدران علها
تمنحنا من الطقة خبز حنان

بوست يرسم عوالم واسعة من الحنّية
فشكراً لكل من صنع هذا الجمال