Post: #1
Title: نكات .... بريئة بدون شرح
Author: عباس الدسيس
Date: 08-07-2014, 12:47 PM
مفترع بعيدا عن السياسة ....
زول شاف صاحبو عندو سلسلة مفتاح شكلها حلو سألو قال ليهو؟؟؟
وين لقيت السلسلة الجميله دي
رد عليهو ... أووووو قصتها طويله معاي لقيت شباب صيع لمو ليهم في بت زي الورد عايزين اغتصبوها اخدتني الشهامة ومشيت عليهم وقعت ليك فيهم تخبت اكبس البي اليمين شلوت والماسك ايدها بنيه والواقف جمب راسها اخبتو روسيه لو شوفتني تقول جاكي شان رقدتهم ليك صلطه الجماعه قامو جاريين كبو صوف.
البت اعجبت بي قلعت هدوما كلها وقالت لي اخذ العايزو !!!!
عاينت لي يدها لقيت فيها سلسلة المفاتيح شيلتها منها ومشيت
صاحبو قال ليهو: يا ابن الايههههههههه مباااااااااااالغة تشيل السلسة وتمشي
الزول رد ليهو : الهدوم نسائية اعمل بيها شنو!!!
|
Post: #2
Title: Re: نكات .... بريئة بدون شرح
Author: يوسف أبو صالح
Date: 08-07-2014, 02:59 PM
Parent: #1
سلام يا عبس
قريبا من كلامك هذا تقول الطرفة والعهدة على الراوى انو فى كوز قاعد مع خطيبتو فى شارع النيل فجأة الكهربة قطعت قالت ليه يلا دى فرصتك خطف شنطتا وقام جارى
|
Post: #3
Title: Re: نكات .... بريئة بدون شرح
Author: محمد مجيدو
Date: 08-07-2014, 04:21 PM
Parent: #1
يا ركس .. سلام ..
وكل سنه وانت طيب ...
البراءه دي كيف يعني ؟؟؟
اسمع دي ...
بت لبض .. لاقاها واحد في الشارع بشاغل فيها
قال ليها توريني حتة في جسمك بديك عشرة جنيه
قالت ليهو بوريك محل بدوني الحقنه وين زاتو
لكن تديني في الاول مية جنيه
صاحبك ما صدق وطوالي اداها المية جنيه من غير مايتلفت
اها البت طبقت القروش قالت ليهو شايف المستوصف داك؟؟؟
قال ليها آآآاي
قالت ليهو باخد الحقنة هناك .......
|
Post: #4
Title: Re: نكات .... بريئة بدون شرح
Author: Osman Dongos
Date: 08-07-2014, 04:48 PM
Parent: #3
سلم أخ عباس و ضيوفك الكرام،
و عيدكم سعيد.Quote: لقيت شباب صيع لمو ليهم في بت زي الورد عايزين اغتصبوها اخدتني الشهامة ومشيت عليهم وقعت ليك فيهم تخبت اكبس البي اليمين شلوت والماسك ايدها بنيه والواقف جمب راسها اخبتو روسيه لو شوفتني تقول جاكي شان رقدتهم ليك صلطه الجماعه قامو جاريين كبو صوف.
البت اعجبت بي قلعت هدوما كلها وقالت لي اخذ العايزو !!!!
عاينت لي يدها لقيت فيها سلسلة المفاتيح شيلتها منها ومشيت
صاحبو قال ليهو: يا ابن الايههههههههه مباااااااااااالغة تشيل السلسة وتمشي
الزول رد ليهو : الهدوم نسائية اعمل بيها شنو!!! |
عباس، الزول أصلو أخو بنات، ما كان بفكر في الموضوع من الزاوية البفكر بيها صاحبو الخبيث.| Quote: انو فى كوز قاعد مع خطيبتو فى شارع النيل فجأة الكهربة قطعت قالت ليه يلا دى فرصتك خطف شنطتا وقام جارى |
واهههاااااااااااااااااااااااااااااااااااااااااااااااا.يا يوسف، يأخي دي بالغت فيها.Quote: اها البت طبقت القروش قالت ليهو شايف المستوصف داك؟؟؟
قال ليها آآآاي
قالت ليهو باخد الحقنة هناك ....... |
يا مجيدو، البت طلعت تفتيحة و الولد دقوس
أضحك الله سنكم
|
|