الخضر للمواطنين ( اتحملونا ) وعدوا العام دا خنق..والسنة الجاية مافى غرق ..شن قولكم.

Quote: الخضر للمواطنين ( اتحملونا ) وعدوا العام دا خنق لحين تنفيذ برنامجنا الذي يريح الناس 08-06-2014 10:33 AM الخرطوم: عازة أبوعوف طالب والي الخرطوم عبدالرحمن الخضر المواطنين بتحمل الحكومة لحين تنفيذ برنامجها الذي يريح الناس بحسب قوله، واعترف في الوقت ذاته بوجود مشاكل بالمنهولات بجانب قصور في المصارف بمناطق الأزهري وجبل أولياء وخاطب المواطنين بتلك المناطق بقوله: (عدوا العام دا خنق) و"إن شاء الله العام الجاي ما في غرق "، وفي الوقت ذاته أقر بوجود مشاكل إدارية بولايته وقال إنها "تخصم 25%من جهدنا ".وناشد المتضررين الذين لم يتم يتسلموا الدعم بالحضور لاستلام حصتهم "أي متضرر ما استلم حصتو يجي حقو قاعد "و"لو اتضرروا 10 ألف نحن جاهزين "ووجه انتقادات للإعلاميين وزاد "بنستحمل الناس وإنتو كمان"، "وقدرنا نتحمل ديل وديل لحدي ما ننجز المطلوب مننا". وكشف في الوقت ذاته عن وفاة 17 مواطن منهم 9نتيجة صعق كهربائي وحالة صاعقة 5 غرق وحالتين لسقوط الجدران عليهم فضلاً عن سقوط 2390 منزل وأشار إلى أن 3077 منزل بالولاية لا تصلح للسكن، ونوه الى ضرورة تسليم الدعم لمستحقيه عبر البطاقة وقال:" ما أي زول يقول ما أدوني يدوه". وفي سياق متصل أكد الخضر أن استقالته من أسهل القرارات التي يمكن أن يتخذها ولكنه عاد ليؤكد أن الأمر يحتاج لتفكير وأضاف: "يعني شنو لو والي ذهب طالما أن السيستم يعمل "ونفى طلبهم من الجهات الخيرية تسليم الدعم للولاية لتوزيعه "ما اشترطنا على زول يجيب دعمو للولاية فهم مخيرين "ونوه الى أن افتتاح المدارس في موعدها بقوله "ما حنوقف حاجات الحكومة عشان الحاجات دي "وأشار الى أن ولايته وزعت 1945 خيمه وتمكنت من سحب 52% من المياه عبر 344 طلمبة وأبان أن نسبة المياة التي استقبلتها الولاية تقدر بـ2 مليار متر مكعب وتعادل 22% من نصيب السودان في النيل وطالب بتعديل الميزانية وإدراج حصاد المياه ضمنها للاستغلال الأمثل للمياه والحفاظ على النسبة العالية من الأمطار حتى لا تذهب للنيل وتصبح ملكية عامة. الجريدة

يا عبدالمنعم ياخ ماعندك لينا قطعة ناصية في الحارة صفر ؟

Quote: #‏رصدand#8236;|and#8235;#‏السودانand#8236;|and#8235;#‏الخرطومand#8236;|and#8235;#‏أبيناand#8236;|والي الخرطوم يعترف بأخطاء صاحبت تنفيذ كبري القوات المسلحة ويقول : «العين بصيرة واليد قصيرة» اعترف والي الخرطوم عبد الرحمن الخضر بأخطاء صاحبت تنفيذ كبري القوات المسلحة في عمليات المتابعة والتسيير، ما أدى إلى تجمع مياه الأمطار به، وقال خلال تنوير أمس تم توجيه الجهات المختصة بإجراء اللازم بالرغم من «العين بصيرة واليد قصيرة» على حد تعبيره، في وقت شكا فيه الخضر من سرقة منهولات المصارف الأسمنتية. صحيفة الانتباهة

بعد كلام الوالى ده
ياعثمان
اقعوا خط الصقيعة ..ام طرقا عراض ساكت
خط صفر ده انسوهوا اسة..
بالله فى امة فى الدنيا
مبتلية قدر ابتلانا ده
اللهم لا نسألك رد القضاء
لكن نسألك اللطف فيه.. يارب.

قول للخدر دا يخنقك من راسك الزي سرج العجلة دا

والله يا ودشيقوق
ناس الخدر ..ديل
المابكتلوه بالرصاص ..بقتلوهو بالمغسة.
بالله ده يقولو عليهو شنو
بنى ادم جلدو اتخن من جلد التمساح.

طول بالك يا منعم

هسه مختار الاصم شغال بفصل ليكم في فترة راسية تانية عمرها أربعة سنوات

Quote: طول بالك يا منعم هسه مختار الاصم شغال بفصل ليكم في فترة راسية تانية عمرها أربعة سنوات

غايتو فى الاربعة سنين ديل
يالطيب
يامتنا بالمغسة
ياكمان الوالى ..انجز مهامو القاله دى.

كان سكت احسنلو

أها يا عبد المنعم
كلام واضح
أربعة سنوات لقدام لهذا الوالي (لإستكمال النهضة) مش سنة واحدة بس أصبروا ..
وبعدين المطر دائما مستعجل ومفاجيء وغدّار - والوالي صريح شديد..
يالله أتحملوه سنة وفترة ولايته أربع سنوات - فائز فائز ياخضرنا ..
الشفيع

Quote: كان سكت احسنلو

الرائع عبده مصطفى
والله الوالى ده ..فيل مايسكتو
سيبقى مابقيت الانقاذ اللئيمة..
الانتفاضة ..هى خيار الشعب الوحيد
لكنسهم
شكرا للمرور

Quote: أها يا عبد المنعم كلام واضح أربعة سنوات لقدام لهذا الوالي (لإستكمال النهضة) مش سنة واحدة بس أصبروا .. وبعدين المطر دائما مستعجل ومفاجيء وغدّار - والوالي صريح شديد.. يالله أتحملوه سنة وفترة ولايته أربع سنوات - فائز فائز ياخضرنا .. الشفيع

الرائع الشفيع..
هذا الوالى ..وعد الشعب بعام واحد
بشرط ان يعدوهوا خنق..اى والله
الخنق الواحد ده ..اخنق فطس
لكن انبقى تانى قعدوا
اربعة سنين
اياهو الفطسان حاصل حاصل..
بالله ده بنى ادم ده..
ده فيل ماسكتوا ..

B S

عبد المنعم سلام
هو والى الغفلة اللطخ ده مايقول عدو السنة السادسة والعشرون خنق الكضب شنو؟
هسه يا حـــ ــــــــــــقير ما بتخجل شافع فى مكتبك سارق 46 مليار غير التماسيح
الكبار دى براها ماكانت عملت مصارف للخرطوم كلها؟
دكتور المعوز ياخى ماتختانا انت ما بتخاف من دعوات المساكين ديل؟ يشهد الله
عز لبن اخير منك ومن ولاك زاتو ياسجم،،،

اهلين ابو الريش
والله عارفين الدق على الميت حرام
وديل جنازة بحر..يدقوها كيف
ديل ريحة فسادم ضاربة

Quote: عبد المنعم سلام هو والى الغفلة اللطخ ده مايقول عدو السنة السادسة والعشرون خنق الكضب شنو؟ هسه يا حـــ ــــــــــــقير ما بتخجل شافع فى مكتبك سارق 46 مليار غير التماسيح الكبار دى براها ماكانت عملت مصارف للخرطوم كلها؟ دكتور المعوز ياخى ماتختانا انت ما بتخاف من دعوات المساكين ديل؟ يشهد الله عز لبن اخير منك ومن ولاك زاتو ياسجم،،،

ود الموج ..كيفنك يازعيم
القول ماقلته ..
الجاية من السماء ..تتلاقها الواضة
الناس راضية بالاقدار
لكن تبقى عليها ..السيول والانقاذ
قال قضوا وكتكن خنق ..سنة كاملة
بالله مش المفروض
يربطوهو بى سلبة ..ويفنوهو
فى نص السيول ..بدل الناس
الغرقت دى...
مليارات المليارت من مكتبو بس
فما بالك ..من الاف من مكاتبهم
السرقوها ..وختوها فى كروشم الماكنة دى.
وتانى حارلهم اربعة سنة ..عشان يلغفو
الله لا خته فيهم بركة ..ببركة قبايل العيد..
تسلم.

كلام الخدر ده ...
عامل زي بتاعين الدكاكين الكانوا بيكتبوا ..
بكره بلاش ..
أها ياها دي ذااااتا بي ذاااتا ..
عبد الرحمن الخضر يكذب ويتحرى الكذب ..
إنه يتنفس كذبا ..
تعودناه ومنذ مجيئه ذو منطق ممجوج ومطروح بكل لداحة وعنجهية وقلة فهم ..
لقد هرمنا ....
حتى تسيدنا الخضر ومن شاكله ممن لا يصلحون حتى لادارة شئون أنفسهم ..
ناهيكـ عن عاصمة بها ملايين البشر ..
وعن دولة بكاملها ..
تسلط علينا أنصاف الرجال .. ومحدودي الفهم والدراية ..
اللهم لا تسلط علينا بذنوبنا ..
من لايخافكـ ولا يرحمنا ..
اللهم ارفع مقتكـ وغضبكـ عنا ..

الأخ عبد المنعم والإخوة الكرام تحياتي

الوالي قال: نسبة المياة التي استقبلتها الولاية تقدر بـ 2 مليار متر مكعب وتعادل 22% من نصيب السودان في النيل

معليش يا جماعة أنا ضعيف في الحساب ولكن بحسبة بدائية للغاية يتضح لينا أن حصةالسودان من مياه النيل أقل من 10 مليار متر مكعب.

ما في ولا واحد من صحفيي الغفلة انتبه للكلام الخارم بارم دا وقال لوالي الكوفة كلامك دا ما منطقي؟

Quote: كلام الخدر ده ... عامل زي بتاعين الدكاكين الكانوا بيكتبوا .. بكره بلاش .. أها ياها دي ذااااتا بي ذاااتا .. عبد الرحمن الخضر يكذب ويتحرى الكذب .. إنه يتنفس كذبا .. تعودناه ومنذ مجيئه ذو منطق ممجوج ومطروح بكل لداحة وعنجهية وقلة فهم .. لقد هرمنا .... حتى تسيدنا الخضر ومن شاكله ممن لا يصلحون حتى لادارة شئون أنفسهم .. ناهيكـ عن عاصمة بها ملايين البشر .. وعن دولة بكاملها .. تسلط علينا أنصاف الرجال .. ومحدودي الفهم والدراية .. اللهم لا تسلط علينا بذنوبنا .. من لايخافكـ ولا يرحمنا .. اللهم ارفع مقتكـ وغضبكـ عنا ..

كيفنك ود القوز
الانقاذ بعد ان دانت لها السلطة
المطلقة فى حكم العباد سنين عددة
سقط من قطارها من سقط...
وترجل من ترجل ..بعد ان رأى بطشها وفسادها
حتى هؤلاء لم يسلموا من اذاها
فما بالك من كانوا من رعاياها
هؤلاء اعملت فيهم تنكيلا وبطشها ..
اذا وقتلا ...ومن نجا
اتت بالخضر واليا عليهم..ليتكفل بالباقى
وهاهو يصرح بصريح العبارة
اقضوا ...عامكم خنق..
هل هناك خنق اكثر ..من مما هم فيه..
ياوالى الغفلة ..
نعم ياعزيزى ..مثل الخضر...
لايصلح حتى لادارة مكتب ..مثلما وضح
من سرقة المليارات ..من داخل مكتبه
هؤلاء ..يسرقون لبن الرضيع ..ودواء المحتاج
واغاثة الملهوف ..وما اغاثات الفيضانات ببعيدة
يفعلون ذلك ..وهم فرحون بما اكتنزوه...
تبا لهم.

Quote: الأخ عبد المنعم والإخوة الكرام تحياتي الوالي قال: نسبة المياة التي استقبلتها الولاية تقدر بـ 2 مليار متر مكعب وتعادل 22% من نصيب السودان في النيل معليش يا جماعة أنا ضعيف في الحساب ولكن بحسبة بدائية للغاية يتضح لينا أن حصةالسودان من مياه النيل أقل من 10 مليار متر مكعب. ما في ولا واحد من صحفيي الغفلة انتبه للكلام الخارم بارم دا وقال لوالي الكوفة كلامك دا ما منطقي؟

لك التحية ود بشير
هؤلاء جبلوا على الكذب
الوالى يصرح ..اقضوا عامكم هذا خنق
وبعدها سيأتى الفرج
هل من عاقل سيصدقه
وهم والكذب صنوان
ياعزيزى

الاخ عبد المنعم سلام

الرحمة والمغفرة لشهداء السيول لهذا العام وكل الاعوام ونسال الله ان يعين المتضررين الذين اضحوا بلا ماوى ولا مسئول يتحمل مسئوليتهم , فالثقافة السائدة لدى المسئولين فى السودان وخصوصا الكيزان منهم ان اقصى ما يفعلونه فى مثل هذه الظروف هى زيارة الاماكن المنكوبة فى وجود التغطية الاعلامية وعصايتى وعصايتك , الخلاصة ان هذه الحكومة كسيحة تدار بواسطة مسئولين بلا معرفة او موهبة تجردوا من الاخلاق المهنية والانسانية والحل الوحيد فى الافق ان يثور الناس عليهم وكنسهم , لا ادرى مما يخاف الناس فقد حصدهم الموت اصلا اما برصاص الكيزان او غرقا او فى حوادث السير فى شوارع الكيزان

ادناه مداخلة سابقة لى اوردتها فى نفس ظروف امطار العام الماضى وما اشبه الليلة بالبارحة



[IMG]
[/IMG]

لك التحية احمد التجانى...
كان السودان وقتها بخير ياعزيزى
قبل ان تاتى الانقاذ بكلكلها
قتلا وتشريدا .
ومن لم يمت بذلك ...
حاصرته الاوبئة والامراض ..وجرفته السيول
المليارات ..دخلت خزائنهم
والمواطن ...هائما ومشردا
لن يردعهم رادع ..الا الكنس لمزبلة التاريخ
سلمت للمشاركة القيمة.

هو الخريف دا اول مره يجينا ولا عبد الرحمن الخضر عينوهو والى قبل الخريف دا بى يومين؟

لك التحية سيد احمد
انه الفساد..فى اعظم تجلياته
الوالى وبطانته ...ينهبون المليارات
وبامر محاكمهم ...يتحللون..
ليدمر الوطن ..انظر الى عاصمة البلاد
تنبأك بالخبر اليقين.

Quote: ادناه مداخلة سابقة لى اوردتها فى نفس ظروف امطار العام الماضى وما اشبه الليلة بالبارحة

أخوي أحمد
احتفظ بيها للعام القادم فقد نحتاج إليها ..
وعبّارة السيول في تقاطع ش جامسكا وش حلايب لو ما استعدلت أكيييد حنحتاج لهذه المداخلة وحتكون مثل كسرات أخونا الفاتح جبرا

ويا مثبت العقل والدين

لك التحية عبد الوهاب..
انها الخيبات تأخذ برقاب بعضا
عاما بعد عام ..والنقاذ
تواصل مشروعها التخريبى عن جدارة..
يقضى الناس عامهم هذا خنق
بأمر الوالى
ليأتى العام القادم ليقضوه ايضا خنق
فالوالى لن يصدق ابدا..
هؤلا جلودهم ..تفوق ابو القدخ تخنا
تسلم عزيزى ..ويسلم الوطن من شرورهم.

Quote: على المواطنين أكل الضفادع مأمون حميدة يواصل إستفزازه للشعب:(على المواطنين أكل الضفادع لتنظيف البيئة بعد الفيضانات) ! قال مأمون حميدة وزير الصحة بولاية الخرطوم ان حكومته بإمكانها مكافحة الذباب والناموس لتلافي آثار الفيضانات (اما الضفادع فعلى المواطنين أكلها) . وأضاف هازئاً من الشعب ومن مطالب بعض النواب في مجلس تشريعي ولاية الخرطوم طالبوه ببدء حملة (رش) مكافحة لتلافي الآثار السالبة للفيضانات ، فرد قائلاً : ( البعوض والذباب ديل حقننا وممكن نكافحهم لكن الضفادع دي ما تبعنا وحقوا الشعب يستفيد منها وهي بالمناسبة بروتينات مفيدة ). وواصل إستفزازه قائلاً ( رب ضارة نافعة وعلى المواطنين أكل الضفادع لدرء آثار الفيضانات ، وبذلك سنضمن بيئة نظيفة وقيمة غذائية جيدة) ! وأجمع عدد من النواب بالمجلس خلال تداولهم لتقارير حول السيول بالمحليات على فشل السياسات الحكومية وغياب التخطيط ، وطالبوا وزارة الصحة بالولاية لمكافحة الذباب والبعوض المنتشر بكثافة في الولاية ، وقال أحد النواب لمأمون حميدة : ( ما قدرنا على السيل خلونا نقدر على صحة المواطنين عشان ما تبقى علينا ميتة وخراب ديار). وفي السايق حمّل النائب جودة الله الطيب والي الولاية عبد الرحمن الخضر مسؤولية ما حدث من كوارث بسبب السيول والأمطار ، وصف وضع حكومة الولاية بالمخجل . وقال جودة ان كل التقارير التي قدمت أمام المجلس فضفاضة وباهتة (ولا تسمن ولا تغني من جوع) . وإتهم عبد السخي عباس رئيس لجنة الشؤون الثقافية بالمجلس وزارة التخطيط ومهندسيها بالتسبب في الكارثة : ( الوزارة تعين مهندسين بشهادات ضعيفة لا يجب أن يوكل لهم مثل هذا العمل). في حين وصف معتمد الخرطوم السابق عبد الملك البرير حكومته بالفشل وعدم المنهجية ، قائلاً : ( الأمور في البلاد أصبحت تدار تدار بالأزمات وليس بالخطط والمناهج).

Quote: الخرطوم :عازة ابوعوف قال معتمد الخرطوم عمر نمر :"إن والي الخرطوم هددهم في جلسة مجلس الوزراء اول امس بالاستقالة" وقال لهم "لو البحر اتقدا في اي حتة الحكومة حاتستقيل " واضاف ماقمنا به في محلياتنا نتيجة مجهودات ذاتية ،وطالب بإعطاء المحليات سلطات ، ونوه إلى انه في فيضان العام 1988 "مافي زول اكل وشرب لمدة ثلاثة أيام" وزاد " شوفوا الليلة عملنا كم كبري وكم مصرف ونحن ماشين في تطور كل عام وقمنا بتأهيل 12 ميدان و62حديقة وعالجنا الاماكن التي بها حقن مياه" ، وخاطب النواب خلال جلسة المجلس وقال "خلو عندكم أمل نحن من سنة لأخرى ماشين أحسن " ،وتعهد بتجاوز سلبيات الامطار وازالة الخطر خلال خمسة أيام . الجريدة