دلـــــــــــــــــــــــــــوكــــــــــــــــــــــــــــــة

وسهرت يوم عز الليالي
المالحة زي طعم السفر
كان القمر
بسمة ضيا
ترسل شعاها من البعيد
تغسل حزاين زول ولف
لون السهر
كان رحلة الاحساس
بترهق لي خطى الكلمات
عشان توصل مدارك
ما نحن بيناتنا المسافات
القصية
وبينا كان مولد القافية العصية
وبيننا اختام الجوازات في المطارات المنافي
حين القدوم
نلقى العسر
ويصبح الوطن الجميل
حالة ضجر
يابسمة زي
نسمة جاية من الضفاف
وانا في حالة رعاف
نزف الوريد
مليان قصيد
وشعور موشح يالجريد
يادا الجريد
ياسيرة
كم فقدت طعم
صوت البينات
مشبوبة بالفال
والسعد
مليانة بالحالة الكدر
دلوكة تصدح
والموجة بتاوق عشان
تتملى من صورة العريس
وانا يا مشاوير
المسافات الهنية
هداني جد شوق العمر
قمرية بتقوقي وتغني
والقيفة تسمع للمحاسيس
المارقة من بين الشدر
نفس الوليد
طمبور صديره الما ونى
ونغمة حنين
مسحوبة من عمق الوتر
الاهة تمرق دوزنة
ويتمد في الليل العشم
جواك يا زول يا مغني
كل الحواري
وكل تراب الشارع
الشارب الحمار
طعم البيوت الفاتحة نفاج في القلوب
الرادي لما بين الفواصل
ينطق امدر يا درر
وارجع اقول
بينا تل واقف مشبع بالاسية
وفينا اصرار الفوارس
ما بنقبل اطلاقا هزيمة
كل سلاحنا اليك يا درة
مداين الكون
ويا
مسقية من ريق النهر
حرفين صدق
حب واحترام
وحنين موكر في الفؤاد
لاكل يوم
ولا انكسر

وبس

د. محمد سلام،
الدلوكة مربوطة بأغاني البنات!
هههههه
كل عام وأنت بألف خير.

اخونا قصي
كل عام وانت بالف خير
الدلوكة رمز

لاغاني البنات
للحماسة
وانا اقصد دايما المعاني الجميلة

Quote: د. محمد سلام، الدلوكة مربوطة بأغاني البنات! هههههه كل عام وأنت بألف خير.

أخي قصي
كل سنة وأنت طيب

هناك خلط بين الدلوكا وأغاني السباتا
وكلهما الدلوكا ( ألة الأيقاع تلعب فيه دوراً كبير )
أغاني الحماسة والرثاء ( هي أغاني الدلوكا )
وفي كلاهما ذكر محاسن الممدوح أو الميت
أما أغاني البنات وأيضاً مربوطة بالدلوكا كألة أيقاع تعرف بأغاني البنات أو أو غاني السباتا
شكراً يا دكتور
تحياتي ومودتي لكما
مافي شئ أسمه أغاني الحماسة

وضاحة يا جميلة الدواخل
كدي شوفي الدلوكة دي

خالد علي
كل عام وانت بالف خير

كيف ما في غنا حماسة
يعني القيقم ده يطلع ملوص؟

د.محمد حسن

...



لو كانت دلوكة جعلية بنعرض فيها ،
كل سنة وانت طيب ،
،،،،

...






عزالدين عباس الفحل
ابوظبي
...

Quote: ياسيرة كم فقدت طعم صوت البينات مشبوبة بالفال والسعد مليانة بالحالة الكدر دلوكة تصدح والموجة بتاوق عشان تتملى من صورة العريس وانا يا مشاوير المسافات الهنية هداني جد شوق العمر قمرية بتقوقي وتغني والقيفة تسمع للمحاسيس المارقة من بين الشدر نفس الوليد طمبور صديره الما ونى ونغمة حنين مسحوبة من عمق الوتر الاهة تمرق دوزنة ويتمد في الليل العشم جواك يا زول يا مغني كل الحواري وكل تراب الشارع الشارب الحمار طعم البيوت الفاتحة نفاج في القلوب

مقطع رائع وهبش فينا وتر وترين
تسلم وكل عام وانتم بخير

Quote: لو كانت دلوكة جعلية بنعرض فيها ، كل سنة وانت طيب ،

تعرض في ابوظبي والله يقولي السوداني انجن خير

كل عام وانت بالف
ا

Quote: وحنين موكر في الفؤاد

اياك من تخليهو يمرق
بجيبك السودان الليلة قبل بكرة

Quote: خالد علي كل عام وانت بالف خير كيف ما في غنا حماسة يعني القيقم ده يطلع ملوص؟

ماقصدته الأسم
هناك من يطلقون على هذا الضرب من الفن والغنا ( غنا الحماسة )
لكن التسمية هي غنا الدلوكا وفي غنا الدلوكة
حماسة
( الحماسة تشمل : الحماسة - الفخر - المدح )
رثاء
غزل
اي فن الدلوكا جامع لهذة
أو بمعنى أخر غنا الحماسة جزء من فن غنا الدلوكا
وام غنا البنات اللذي أيضاً نطلق عليه غنا الدلوكا هذه تسمية خاطئة
غنى البنات فيه الدلوكا يقاعاً ويسمى غنا السباتا أو غنا البنات
وهذا اللذي قصدته

غنادلوكا ( مدح بنت تمدح وتشكر اباها )



غنا دلوكا ( رثاء ... شما ترثي اباها عمدة كلي .. العمد أب جديري )



غنا دلوكا ( غزل في محبوبة ) غنا الغول في الدلوكا دائماً خفيف وأما غما الدلوكا في الرثاء
والحماسة قد يكون خفيف وقد تقيل



وأما غنا السباتا أو غنا البنات هذا مثال وعادة يكون مصحوب بالدلوكا

Quote: هناك خلط بين الدلوكا وأغاني السباتا وكلهما الدلوكا ( ألة الأيقاع تلعب فيه دوراً كبير ) أغاني الحماسة والرثاء ( هي أغاني الدلوكا ) وفي كلاهما ذكر محاسن الممدوح أو الميت أما أغاني البنات وأيضاً مربوطة بالدلوكا كألة أيقاع تعرف بأغاني البنات أو أو غاني السباتا شكراً يا دكتور تحياتي ومودتي لكما مافي شئ أسمه أغاني الحماسة

هييييييييييييع ياقصي جوك الخبراء الاستراتيجيون
قلت لي يامك ـ اهلك قالوا للزول سَوَّلك شكلة في السوق ده وامرق منها؟
لي يوم الليلة اضحك فيها. عارف بلقاك بي هنا

Quote: هييييييييييييع ياقصي جوك الخبراء الاستراتيجيون قلت لي يامك ـ اهلك قالوا للزول سَوَّلك شكلة في السوق ده وامرق منها؟ لي يوم الليلة اضحك فيها. عارف بلقاك بي هنا

كان هبقت الدلوكا تلقانا في نصها نصوقر ونعرض وإن ######ت شعرة الجلد نندق
وكان قرينا حروفها في منبر أسفيري ننكب لي جوة
كيف الوليدات علهم طيبين وعافية درت
وكيف صاحبي اللسان ما طلق شوية تنقليزي وعربي

يا سلام عليك يا د / محمد الحسن
وبارك الله فيك
تحياتي