قول للغيمة عليكى النيل

يا عشم الواطا البتّق
تعال قريب واقعد حدانا
نادى الغيم البدا يتفرق
يغطى الضل القاعده بره
و جلده محرّق
قول لى الضحكة
مستنين هطولك
قول للغيمة عليكى النيل
الفرتق ضفاير موجو فى عرس الجروف
قول ليها كيف نقدر نطولك
قول ليها
عليكى الشدر الشال الحفّه
مد مساير حزنك ليل
واداكى من افراح سنينو
عليكى الشوق الهد الحيل
عليكى الموج الحرد الضفه
عزى خسامة الوجع المدفق
طيبى خاطر البحر القبيل
شال نار الشقا الفينا
وكسانا من طينو

يا فرح الواطا البتّق
عليك الوجع المالى الليل
قول لى الرذاذ الأبا يغشانا
كفاك
قول للقمر الشد شراع العتمة
وعدل الدفه
خلى البت الساكنه دمانا
تفج السكه وتمرق
تلفح توب الإلفة
تجينا معاك
مليانه بى رونق جنانا
قول ليها
الغناوى الطاعمه منتظرات وصولك
راجياكى بى شوقا الطويل
تكحل الشوف بالنهار
وتلون الليل بالهديل
والصباح وديهو هدية
متكيه فى ضل المقيل

يا غيمنا البدا يتفرق
الأمانى الخايفه من غيبة فصولك
ماسكه فى الحلم البخيل
ومعاها ماسكين فى صبرنا
حداها قاعدين نندهك
يا ريحة الفرح المافى
معاها قاعدين فوق جمرنا
يا ضو السعد الجافى
كوسنا ليك بلد بلد
دقينا ما خلينا باب
وينا جيتك ووينو وعدك
لى هسه واقفين نسألك
والحزن ساكن عمرنا
مصلوب مع دمع الصحاب
والعطش عامت لهاتنا
خاتى رايو مع الرهاب

العطش عامت لهاتنا
خاتى رايو مع الرهاب

As usual great and nice.

يا موصلى

يا البيك نور اقليمك

سور النغم العظيم

كيف الأحوال

سعيد إن شاء الله وطيب وشديد

انا بخير ياصديقي المشع ابداعا
استمتع دوما وانت تمر بقصالئدك الشامخه

متعك الخالق يا موصلى

بالعافية الوفيرة
والسعادة الغزيرة
والفرحة الوفيرة

وتطيب ايامك إن شاء الله كلها

قول آمين