يا جماعة الخير،،،اتفضلوا شوفو اجمل صور من قريتي....

يا جماعة الخير،،،اتفضلوا شوفو اجمل صور من قريتي....
ساعرف الاصدقاء والاحباب ،بحلتي واهلي في الصور دي...

[Ihttps://scontent-a-lga.xx.fbcdn.net/hphotos-xpa1/t1.0-9/p480x480/10552377_1532142210339123_6815883923134612889_n.jpg

ترقد الحلة علي ضفة النيل الازرق الغربية،،ثم يلتف حولها شارع اسفلت الخرطوم مدني متوسطة المسافة تماما،،،هنا لازالت هناك غابة تضم الاف الاشجار،غامضة ومخضرة، وهاهنا اخصب اراضي الدنيا،،وامن مكان في العالم،،،واذا الجات الظروف الانسان للعاصمة فما هي الا ساعة واحدة..
داخل البيوت مئات الاشجار كما بالشوارع....
تسقط الامطار،،وماهي الا ساعة حتي لا تجد نقطة ماء واحده..
الانجليز خططوها عام 47 ،،كل مربوع 1600 متر يحاط من اربع جهات بشوارع..كل ش 10 متر..
وجعلوا وسط كل حي حديقة،،ووسط القرية الخدمات...
ثم نورناها من حر مالنا...
وبنينا مدارسنا حتي الطباشير بعرق اهالينا الكادحين
وبنينا مركزنا الطبي بجهد اولادنا العاملين
وعمرنا كل شئ من زرعنا،،لم تعطنا دولة هللة
ثم هي نظيفة وصديقة ووادعة...
واتحدي ان تكون كافوري او المعمورة في نظامها جمالها ونظافتها
برقم ان الارض برخص التراب
اظن ان هناك وهم اسمه المدينة
او لعل الريف لم يكتشف بعد...

العزيز عبد العزيز
سلام وكل عام بالف خير.

وهنيئا لكم بهذه القريـة الجميلة الوادعـة. منظر النيل وحده بمليون دولار..
والشقاوة لينا شنو في البلد دى ما عارف..

التحايا يا ابوالريش...
اخرج من بيتنا امتار،،الغابة ثم النهر...
اما الغابة،،،فامرها عجيب يا ابو الريش ،،ساحاول ان ات لك بصور منها..كل انواع الاشجار،من عجب مخضرة طوال العام،،ورغم فوضي القطع وملعبات المساعيل في لفح حطبها،،فلا زالت في مساحة تقرب من ال 500 فدان،،،ممتدة تقريبا محازية النيل مسافة 5 ك طولا واكثر من الكيلو عرضا،،،تمشي مسافة طويلة لا تري الشمس ابدا،،تسمع اصوات الطيور المختلفة...ثم يرقد النيل برماله العجيبة التي تري اروع مسبح ،،حيث توجد جزيرة من ابهي ما رايت...
ولا تحتاج هذه المنطقة لتكون ابهي واجمل منتجع لاهل المدن وزائري البلاد من الاجانب..لا تحتاج الا للقليل لتكون واحة سياحة واستجمام معدومة المثيل،،،للاسر،،،للاصدقاء،،للطلاب،،للازواج،،،للاجانب سياحة منظرا وسباحة...
ثم ان مزارع الفواكه تحيط بالمنطقة من كل جانب
وماهي الا ساعة من الخرطوم بالاسفلت الا وانت فيها...
بالله اعمل قوقل ايرث وانت مباري النيل الازرق ج وضفته الغربيه ،،،
فوت الكاملين 10 ك براها بتناديك...

طيب ما دا الكلام القلتو ليك زمااان.. تتعمل ماستربلان للمنطقة كلها، ومن ناحيتى المهندسين والممولين جاهزين.. بس بالشروط الذكرتها ليك.

اشتغلوا معانا صاح باللاى.

شكرا يا عزيز
الغريب في الامر حتى اللحظة لم تذكر لنا اسم قريتكم!!

هذا البوست هو داري،،اتمني من الاصدقاء اكرامنا بالزيارة....
ثم اني اتعشم ان ارحب بهم في صدرها...
اتمني ان نسمع منهم رايا في مايروه..
ويقترحوه....
فها انا ذا ابتدر فتح الريف لمحبيه...
واتمني ان يجدوا فيه ما يعشقون
ونسمع منهم ما يحسون..

Quote: الغريب في الامر حتى اللحظة لم تذكر لنا اسم قريتكم!!

خالد سلام.. أنا غايتو ما اسك أسماء قرى الجزيرة.. الصــور جميلة جداً.

هسى لو قال ليك الشقلـة ضنب الورل حتعمل شنـو؟

الاديب صاحب الكلمات الساحرة عبد العزيز
بالفعل صور بديعة لقرية واعدة وجميلة وزي ما قال ليك خالد العبيد انت ما نورتينا اسم
القرية ولكن وصفك يدل انها قرية بين العاملين والخرطوم
وواصل ونزل لينا مزيد من الصور يمكن نسكن في قريتهم الواعدة ما دام انت بتقول سعر
الارض بتراب الفلوس على الرغم من هذا الجمال الانيق والمناظر الساحرة
والله يديك العافية

ابو الريش
سلام
من قريت انك صديق لاخي الاكبر وصديقي يوسف جورج طرفنا بسيدني
ساذكرك دوما بالخير ..
وازيدك في الشعر بيتين اذا قابلت الاستاذة امنة ضرار ولو بالتلفون بلغها تحياتي ..

يا سلام يا خالد ياخ..
بالله بلغ يوسف جورج سلامى.. قول ليه (محمد عثمان سليمان) يسلم عليك ومشتاق جدا لرؤيـة الصديق الوفى القديم..
يوسف رجل نقى وصادق.

دكتورة أمنة اخر مرة لاقيتها في الدوحة قبل سنتين لكن ابلغها سلامك ان شاء الله في اول مكالمة..

العزيز المحترم خالد العبيد،،،تحايا..
قوقل اسمي..
وبوستاتي من طرف،،،طبعا ما حصل لي شرف زيارتك.
رغم اني تواصلت معك اول زول من سودانيز....باميلات
بعدين عفيف اسماعيل جنبك عندو البوم ليها.
هسع قلنا نحتفي بعموم الريف
والفكرة مواصلة لطرح الاخ مامون
مش ناس الحيكومة واي زول كنس البلد عندو في الخرطوم
سنبداا حياتنا من هناك
حيث الحياة
وصدقني ما اجمل االريف
بصور ليك يافطة حلتنا
شكرا يا حبيب

شكرا يا عزو يا ملك
اكيد متذكر انك اتواصلت معي
بالله انت من الهصاهيصا !
عفيف بعيد مني بالطيارة ستة ساعات .. نحن في قارة مش جمهورية
يقال ان الحلاوين مافيها ولا كوز !
هل هذا الكلام صحيح ؟ فقد تحداني من قبل احد ابناءها الجميلين




------------------
يا ابوالريش سلام
يوسف جورج انقى من يمشي على هذه البسيطة
اصلا ما لاقاني انسان محترم مثل هذا الرجل
هو في سيدني وانا في كانبيرا .. دائما ما يزورني في زياراته الكثيرة لكانبيرا
ويفضل ان يتناول وجبته عندنا لانه نباتي
اما امنة ضرار التي كنت اناديها بحبوبة امنة فقد كانت جارتي .. وتعلمت منها الكثير
ولو امكن تلفونها في الخاص يكون جميل
طبعا بعد ما تستاذن منها

هوي خلينا من دحشة وداره ,,, ورينا اسم قريتكم عديل كده ,, نحن ناس بطانه هسه نلقاكم اهل ولا نسابه
دايرين الاسم ولا بقوقل ولا حاجه
الصور جميلة اكيد ,, رغم المعاناة في رؤيتها من قبلي
أكثر صوره عجبتني والله الشفع القاعدين ديل
جد والله صورة طفرت الدمع مني
ماذا اعددنا لهم حين يكبرون
ماتنسي الاسم

أكيد الصور جميلة والقرية أجمل وما أحلى تلك القرى التي ترقد على ضفتي الأزرق ولاسيما في منطقة الجزيرة وتلك (الحللال) تحمل من الأسماء ما تحمل ، أم مغد ، أبوحراز ، الهبيكة ، القريقريب ، الطالباب ، الشاوراب ، التكينة ، أربجي ، القلقالة ، الضقالة ، البطاحين ، الهلالية ، أم دقرسي ، الشاوراب ، أبوعشر ، العيكورة ، التكينة ، ودراوه .... وأسماء قرى عديدة وحبيبة حفظتها عن ظهر قلب في حقبة من الزمن ، حينما كنا نشق أرض الجزيرة متجهين للخرطوم بأكسبريس حلفا الجديدة وسفريات الحرمين وأشرنكيل .... يا لها من أيام

هوي خلينا من دحشة وداره ,,, ورينا اسم قريتكم عديل كده ,, نحن ناس بطانه هسه نلقاكم اهل ولا نسابه
دايرين الاسم ولا بقوقل ولا حاجه
الصور جميلة اكيد ,, رغم المعاناة في رؤيتها من قبلي
أكثر صوره عجبتني والله الشفع القاعدين ديل
جد والله صورة طفرت الدمع مني
ماذا اعددنا لهم حين يكبرون
ماتنسي الاسم

الحصاحيصا جنوبنا نحن اقرب للكاملين....
منطقة الحلاوين اصلا انصار وهي منطقة مستنيرة...
نحن لسنا من مجموعة قري الحلاوين..
نحن فوق البحر والتصوف سيد الموقف...
اهتمام الناس في الحلة البسيطة هذه منصب علي العلم والزراعة
ولست مبالغا ان قلت لك ان قريتنا الصغيرة هذه وصل عدد الخريجين والخريجات تقريبا الالف...
ولعل كثيرا من مرر بكلية الهندسة يعرف بروفسر محمد علي عباس،،
ذلك ابنها
سماته تجدها في شباب القرية...
علم وتواضع جم...
معليش يا جماعة اعذروني...

https://scontent-1.2914.fna.fbcdn.net/hphotos-xfp1/v/t1.0-9/p417x417/10488362_1526012507618760_8278068502282920467_n.jpg?oh=31d0ffd52e9a02635d157679121cb872andoe=54594DA5

9

العزيز عبد العزيز

بعد تفوت الكاملين وانت تيمم قلبك شطر الجنوب الجزيراوى اللخدر

بتلقى ام دقرسى وبعدها اب عشر و ود الماجدى والطالباب

الترتيب ده كده صاح ؟

تانى فى شنو هناك

لى سنين عددا ما مشيت تلك النواحى السمحة

المهم
البقاع دى كلها مليانة ناس سمحين

صحى الناس هناك دمهم اخدر ؟

قالو قبل ما يلدوهم بتوحمو بيهم على الجروف والصفصاف والنيم والسيسبان

كيف احوالك

يا عزنا
السلام والاحترام
.
.
عاين جاي
واحد من عروبنا بعد ما جلد طلبو حق الفاصوليا في مطعم من مطاعم اب قوتة ووقف تيوة
خلف كراعو وبقى انخس في سنونو ومعها حركة الخشم والسنون ديك جشجش جشجش
جنبو واحد قرف من الحركة دي وقال ليهو اتا يا عربي جاي من وين تعبيرا عن زهجو منو
طوالي قاليهو من القفيلة من القفيلة واجغجغ في جغجغتك ولا خساهو ان شا ء الله انشق ذاتو ولا جايب ليهو خبر
ناسنا ديل قبل السلام اوريك اسم حلتو
فما عارف السر شنو يا شيخنا ما داير تقول للاعضاء والقراء اسم حلتكم
انا طبعا ما داير اقول احتراما لرايك
امكن راقد ليك فوق راي يا شيخنا
مع كل الود والاحترام

اخت اميرة تحياتي...
يمين انت وله حبيبا ذيك يدور اعمر معانا في بلدنا
لاهبنه الارض مجانا،،يعمل فيها ،،بيته
وبستانه من برتقال ومانجو وجوافه وقريب ونخيل
وكل الازاهير
اتو بس اصدقوا امرقو لينا من الخرطوم ساعة بس
تجدوا الحياة والجمال الطيبة وراحة البال
ومصدر معيشة
طبعا اخص مغتربي الخليج والسعودية

ساذكر اسم قريتي مصورة بيافطتها...
ولقد ذكرت من ثلاث من الاخوة
ولكني الان اتحدث عن جمال مشترك
احتفي بريفنا ممثلا في قريتي
الفكرة ليقارن الناس بما فيه المدينة
ومافيه نحن
ولينظروا لماذا يدفعون ميات الملايين ليشتروا القبح
في حين ااجمال طرفة عين..

العزيز \ عزيز ..

صباح الخيرات .. والتفاؤل والامل .

تصدق يا العزيز انا البوستات الزي دي بتنفخ فيني روح الآمل المفقود جواي .
عمومآ بوست في منتهي الاهمية في هذه الظروفة النفسية القاسية والظروف الماسأوية
المضرة بالصحة .. والله يا عزيز لو قلت ليك مدبرسة قدر شنو ما بتصدق من ظروف
البلد في الايام دي من امطار واكيد ما واءها من كوارث بئية . عمومآ بوست في جرح وربنا
يشفي جراح الشعب السوداني ووطنه المكلوم ..

مشكور علي اللوحة الربانية ... ايها الصوفي ( العزيز ) ..

اخونا عبدالعزيز

Quote: ولينظروا لماذا يدفعون ميات الملايين ليشتروا القبح

عشان الخدمات صحه وتعليم وغيرها. وقع ليك.

سلام يا عبدالعزيز.. ما دام قلت أقرب للكاملين ما بتمرق من أربعة..
الكاملين العبدلاب.. أمدقرسي.. ود الماجدي.. أبوعشر (رغم إنو أبوعشر مدينة وليست قرية)..

وهي البهية،،الندية،الطيبة،،الذكية،،المعطاءة،،مشرعة ابوابها،،للقاصدين،،مبذول زادها للعابرين،،فاتحة قلبها للمحبين،،ما ورد حوضها من وارد الا كان حبيبها،،وعاشقها .
انا لا اذكيها علي اخواتها من القري،،،فلها شقيقات كثر....
ولست بمباه بعمرانها،،،انما افخر بانسانها...
ذلك الطيب،،مثل كل اهل الريف..
الصادق مثل كل الطيبين...
العفيف ،الشريف...
ما اوسع مسكنه راكوبة او بيت جالوص
وما اعظم كرمه كسرة او بليلة مباشر...
انسان قريتي،،لازال هو انسان السودان الذي لم يتبدل..
وهو موجود في كل القري..
كما هو ايضا موجود في المدينة،،انسانها الطيب،الشهم،،
الذي لم تهزمه ماكينة الفساد والتيه...
فيضل عن السبيل...
اذا اردتم بعث جوهرنا،،تجدوه قابضا علي الجمر هناك في الارياف
اذهبوا اليه ،،،لنستعيد عافيتنا من جديد...

عبدالحفيظ ياصاحب
اجمل الاطفال يملاون الساحات...
كاطفال يفوح منهم عطر الحياة
وفي عيونهم الدهشة والاصرار...
الذين تراهم الان هم في النعيم..
فلنبك اخوة لهم الان بين مطرقة وسندان
كم صديق لك بقريتنا ؟

Quote: and#218; أكيد الصور جميلة والقرية أجمل وما أحلى تلك القرى التي ترقد على ضفتي الأزرق ولاسيما في منطقة الجزيرة وتلك (الحللال) تحمل من الأسماء ما تحمل ، أم مغد ، أبوحراز ، الهبيكة ، القريقريب ، الطالباب ، الشاوراب ، التكينة ، أربجي ، القلقالة ، الضقالة ، البطاحين ، الهلالية ، أم دقرسي ، الشاوراب ، أبوعشر ، العيكورة ، التكينة ، ودراوه .... وأسماء قرى عديدة وحبيبة حفظتها عن ظهر قلب في حقبة من الزمن ، حينما كنا نشق أرض الجزيرة متجهين للخرطوم بأكسبريس حلفا الجديدة وسفريات الحرمين وأشرنكيل .... يا لها من أيام

ياسلام عليك وذوقك..
يازول اذا قدر لك ورغبت ان تقيم بمناطقنا ليك علي اديك البسكنك لا قرش لا تعريفه ان شاء الله تزرع ليك فيه شدرة جوافه ومنقا برتقال ونخله وتزورها كل عام،،،الزول السمح تيراب سعادة،،وانت كلك سماحة.

يا سلام علي الصور يا عبد العزيز حاجة تشرح القلب وما يميزها هو هذه الخضرة التي طغت علي كل شئ فاحالتها للوحة تبهر الانفاس مع احتضان النيل لها في محبة أم رؤوم
هذه الطبيعة الساحرة أثرت علي انسانها فأنتجت لنا أناساً في في غاية الطيبة والتسامح وها هو عبد العزيز بيننا رسولاً منهم يدعوا للتسامح والجمال

Quote: and#237; العزيز عبد العزيز بعد تفوت الكاملين وانت تيمم قلبك شطر الجنوب الجزيراوى اللخدر بتلقى ام دقرسى وبعدها اب عشر و ود الماجدى والطالباب الترتيب ده كده صاح ؟ تانى فى شنو هناك لى سنين عددا ما مشيت تلك النواحى السمحة المهم البقاع دى كلها مليانة ناس سمحين صحى الناس هناك دمهم اخدر ؟ قالو قبل ما يلدوهم بتوحمو بيهم على الجروف والصفصاف والنيم والسيسبان كيف احوالك

بماذا تامر ايها البهي،،،اما نحن فنقول ياريت لو تجينا،،،لتزرع ولو شجرة لعيالك.

عزيزنا عبد العزيز
تحية طيبة وعيد سعيد لك وللجميع

شكرا على البوست وعلى الصور الرائعة.

ياسر

ياح بوستاتك سمحة ومعدية بمحنة وطيبة ومترعة بجمال والفة ..ياخ اكتب من دون توقف..واحجز لي راكوبة طرف قريتكم ياخ والله انا ريفي رغم اف مكان ميلادي وقروي رغم انف سجن الاسمنت المحيط بالافق من حولي ..ولابد من الريف وان طال السفر عهد علي ان امد الله في الاجال فلا تنسونا بدعمكم..

ات يا بت عمسيب قائلة بلد اماتك وابواتك السمحين ديلك خلاس ودر...
لا ايمين...
والف يمين...
يعني شوية عرضة الليلة كضاضيب وهيلة حرمنة تودر ميراث وسماح،
لا يمين...
وقسم...ومليون قسم...
الديوان انفتح،،،والنفير ادور،،والعزومة علي المافي..
الصدق اعود مع الصباح ،،،باهي وزاهي...
دولاب العمل ارجع استعدل ،،،وحق المساكين اصد ليهم..
والله وبالله الافندي ان هلكه الجوع ما يمد ايدو لي حق غيرو
والحرامية النهبو عرق ودم الغلابة يجي زمن اولادن يتبروا من عارن...
ات قايلا الكلام ده بعيد...
وحاتك قريب...
الصدق فجتو فرد ساعة،،بل هي بعض لمحة...
ثم ماهي الا فسحة،فبغمر الخير النفوس،ويشرق فيها نور الفلاح،،فيظل المعلم وفيا لدرسه وفصله والطبيب علي مريضه والفلاح علي زرعه،،،واذا هذه الحارات والحلال المتعبة،والبيوت التي هدمها السيل القادم باسباب الفساد،تنتصب مرفوعة الهامة،باذن ربك وبعزائم اهلك وطيبة ونقاء هذا الشعب السمح الابي...
ات عندك شك ده كلو مايزول...
شوفي بشارتي دي ان ماصدقت،،،وفي زمن قريب جد قريب...
ابشري يالحبيبة ،،نفضي حزنك ده،،سويلك كباية شاي،،،
وقولي....
سيتبدل هذا الحال...
سيعم خيرنا لنا وللجيران...

سلامات يا عبد العزيز..

أذكر ونحن أطفال يفع صغار نركب (موريس ) جدى عليه رحمة الله بشرى محمد سعيد وهو رجل كان عشقه وهمه الكبير هو الجزيرة ومشروعها وإنسانها
وأحدى وظائفه كانت إدارة مشروع الجزيرة التى يحفظ كل شبر وبوصة فيها,, الطريق كان أخضر اللون منذ أن تخرج من العاصمة وصولا لأى نقطة فى تلك النواحى حتى لو لم تكن الدنيا خريفا أما إذا كانت خريف فحتى السماء يتحول لونها للأخضر,, كانت المسابقه والدرس لهولاء الأحفاد الصغار هى أسماء القرى والمدن على الطريق وعرفنا المغزى والدرس لاحقا,, ومع إسم كل قرية أو مدينه قصة,, حدث ,,أو شخصية بارزة خرجت منها وإحتلت موقعا بارزا فى مكان ما أو صديق أو قريب أو دفعة ولا تزال تلك القصص والحكايات تدر فى رأسى كلما مررت بتل القرية أو المدينة,,,

يا زول ورينا إسم حلتكم (حياها الغمام )و خلينا النمشى نشوف شغلتنا ونجيكم تانى بعدين,,

تحياتى لك ولصديقك ود البوش العائد من الأسر وكل أولاد حنتوب بهذا المكان,,
وشكرا لهذا البهاء,,

عمو عبد العزيز العيد يتبارك علينا وعليك
دى مدينة الملاهى الليلت حلتكم؟
سمعنا باطفال الحجارة يطرشنا باطفال البراميل
يا زول هوى انا داير اتونس لوووووووووووول،،،

Quote: تحياتى لك ولصديقك ود البوش العائد من الأسر وكل أولاد حنتوب بهذا المكان,,

والتحية لك اضعافا عزيزي ايمن ابن معلمنا الجليل في حنتوب
واذ انسى ما انسى حينما رسمت لوري في حصة الفنون التي كان والدك الفنان استاذها
فقال لي ياريت لو شحنت لورتك دا بضاعة عشان نعرفو قايم من وين
فعدلت الرسمة وشحنتو شوالات كِبِس فحينها قال لي كدا تستاهل تمانية من عشرة وكنت ح اديك تسعة لو كتبت على اللوري تعبيرا من منطقتكم
ومن وقتها كنت كلما اشوف لوري اعاين ليهو شاحن شنو ومكتوب عليهو شنو عشان اعرفو من وين في السودان
يا سلام قومت علينا ضرس الشجن ياخ

ما داير تورينا إسمها؟

يا زول لا طالبينك قطعة واطة ولا نسب ......

إلاّ الصور سمحة بالحيل

عزو يا صديق كيف حالك يا زول
متابع كتاباتك الرائعة التي تنعش الروح
طبعاً أنا واحد من الناس عارف إسم قريتكم الجميلة
ولكن لن أفصح عن الإسم وأتركه حتى لا أفسد عليك غرضك
الذي فتحت من أجله البوست الى أن تأتي باليافطة.
من وصفك الجميل ومناظر الطبيعة الخلابة لقريتكم
جعلنا نتوق شوقاً لحجز قطعة أرض في قريتكم العامرة
وبين أهلك الذين تفوح منهم رياحين الطيبة والشهامة والكرم الفياض.

بالمناسبة قريبك وإبن قريتك كمال يوسف بسلم عليك كثير

مع خالص التحايا

سلام وإحترام أخونا الجميل عبدالعزيز ود عثمان ولعلك طيب والعيد مبارك عليك

النيل الأزرق جنة الله في الأرض .. تجد جمال وروعة هذه الاماكن في سحنات أهلهــا ..
القرية والريف من أجمل الأماكن التي يمكن لإنسان أن يعيش فيها ..

وشايف د. رشــا برضو فاتحة بوست (منو المعانا) والذي يدعو للعودة للقرية والحلة
للناس الحنان والأرض الطيبة والوجوه النضرة ..
والله شهيتونا يعلم الله ..

أنا غايتو من ملامح قريتكم الجميلة ووصفك لها أقول يمكن تكون (أم دقرسي)

لو طلعت ياها .. ياني الجاييك تاني .. فلي بها ذكريات ومع أهلها علاقات ..

أقعد عافية

عبدالعزيز عثمان سلام،
لا أدري لم لا تظهر الصور عندي!
تظهر فقط في شكل مربعات صغيرة جدا

الأخ عبدالعزيز ..
السلام عليكم ورحمة الله وبركاته .. وكل عام وانتم بألف خير ..
لفت نظري الشارع ال10 متر .. اظنك طولت منها .. كل الناس توسعت في الشوارع نسبة للزيادة في الكثافة السكانية .. والقطعة والواحدة تلقا فيها 4 غرف منفصلة لأربع أسر صغيرة .. وأعجبتني جدا تجربة ناس مدينة الهدى ..في التسعينات تمددت الحيشان في الشوارع وخربت تخطيطها الجميل .. لكن الحمد لله قامو بحملة وأزالو كل التعديات ... تحياتي

Quote: الزول السمح تيراب سعادة،،وانت كلك سماحة.

بالحيل دي صدقت فيها يا عزو

وفي رواية اخرى فحلا بكوسو لتيرابو

الكاملين ، الكاملين العبدلاب ، امدقرسي ، ود الماجدي ، ابوعشر ، الطالباب هههههه ده قريتكم الجميله ولي فيها اهل كثر و انا من ا:
البلد الطوال نخله و جزايره وهات واحده من القري التي سبق ذكرها نحن مشهورين بزراعة البطيخ البصل الطماطم الليمون وبقية الخضروات عرفت انا من وين؟؟؟؟؟؟؟؟

Quote: الصدق فجتو فرد ساعة،،بل هي بعض لمحة... ثم ماهي الا فسحة،فبغمر الخير النفوس،ويشرق فيها نور الفلاح،،فيظل المعلم وفيا لدرسه وفصله والطبيب علي مريضه والفلاح علي زرعه،،،واذا هذه الحارات والحلال المتعبة،والبيوت التي هدمها السيل القادم باسباب الفساد،تنتصب مرفوعة الهامة،باذن ربك وبعزائم اهلك وطيبة ونقاء هذا الشعب السمح الابي... ات عندك شك ده كلو مايزول... شوفي بشارتي دي ان ماصدقت،،،وفي زمن قريب جد قريب... ابشري يالحبيبة ،،نفضي حزنك ده،،سويلك كباية شاي،،، وقولي.... سيتبدل هذا الحال... سيعم خيرنا لنا وللجيران...

ياسلام ياعبد العزيز اخوى
ياسلام على كلامك السمح البطرد الهم من النفوس ويزرع الأمل فى مستقبل أخضر وجميل ويرد الروح

أكيد الكلام السمح دة نابع من نفس سمحة شاربة من طيبة وجمال قريتكم البرد الروح

تحياتى

Quote: عشان الخدمات صحه وتعليم وغيرها. وقع ليك.

<<<<<<<<<<<<<<<<<<<<

عزيزي محمد هاشم
هل انت بتعرف انو مرات الخدمات في الأرياف بتكون احسن من المدن.. وخاصة وان المدن فيها زحمة شديدة
وانت شوف نسبة النجاح في الأرياف بتكون دائما اعلى من المدن عشان ناس الأرياف بستنشقوا الهواء النقي
وبيتعيشوا وسط طبيعة ساحرة زي ما انت شايف في صور عبد العزيز... واحس ليك تكون عايش في قرية من قرى الجزيرة
على بعد ساعة واحدة من الخرطوم في بيت حدادي مدادي وبايجار رخيص وتكون شغال في الخرطوم وبتحصل شغلك في الخرطوم اسرع
من الناس الساطنين داخل الخرطوم البيعانو في المواصلات معاناة فظيعة.. وطبعا في الحالة دي تكون طبعا عندك سيارة
وحتى اذا ما عندك سيارة اظن المواصلات العامة بين قرى الجزيرة والخرطوم اسهل من مواصلات العاصمة,,
والله يديك العافية

تخريمة
طبعا انا مطبق النظرية دي في امريكا.. ساكنة في الريف.. في ولاية قريبقة من نيويورك( يعني زي حالة الخرطوم والحزيرة).. وشغالة في نيويورك.. يعني ساكنة وسط الطبيعة والأشجار وفي بيت حدادي مدادي وبايجار رخيص وبصل الشغل في نيويورك في ساعة وثلث.. وفي ناس ساكنين داخل نيويورك وبيدفعوا اكثر من ثلاثة ارباع مرتبهم في ايجار الشقة وبيصلوا شغلهم بعد ساعتين... والناس العاقلة بتشتري البيوت في الريف خارج نيويورك بتراب الفلوس . والبيوت فخمة كأنها قصور ...وبيكونوا شغالين في نيويورك .. المدينة الملوثة بعوادم السيارات والدخاخين...

عزيزي عبد العزيز
لي صديقةوزميلة من فداسي العامراب شافت الصور وبقت تبكي وتقول ياها دي حلتنا الجميلة.. ونحن المقعدنا هنا شنو؟؟؟
وانا شايفة خالد العبيد بيقول ليك دي الحصاحيصا... لكن الحصاحيصا دي مدينة ضخمة وليست قرية..
والله يديك العافية

Quote: ياسلام عليك وذوقك.. يازول اذا قدر لك ورغبت ان تقيم بمناطقنا ليك علي اديك البسكنك لا قرش لا تعريفه ان شاء الله تزرع ليك فيه شدرة جوافه ومنقا برتقال ونخله وتزورها كل عام،،،الزول السمح تيراب سعادة،،وانت كلك سماحة.

شكراً على جمال كلماتك يا زول يا ذوق ، وكانت عيوننا لا ترتاح من عناء السفر والصحر بدء من بعد مدينة خشم القربة ووصولا لواد مدني مستثنيين مدينة القضارف والفاو والخياري ، وحينما كنا نعانق قرى الجزيزة الخضراء بحسانها وماءها وخضرتها كنا نرى جمال الحياة في تلك البقاع ، وكنت اتلصص من نافذة البص لاقرأ أسماء القرى ،،، هذا الدونيب وتلك فداسي بعامرابها وحليمابها وقائدنا يشق الطريق صوب حاضرة السودان . مرة أخرى شكراً لكرمك أنت وتلك البقاع نسكنها وتسكن في قلوبنا .

حقيقة حين يتحدث الانسان عن الجزيرة،،فانه يتحدث عن كل السودان ،ذلك بان كل سواعد ابناء البلاد قد بذلت عرقها فيها،كل السودان ممثل هنا،بادلتهم وبادلوها الحب والوداد،،جمعتهم نهارات العمل،،تقاسموا اللقمة علي ضهر الترع،،عاشوا نفس الحلم والالم،فتوحدت مشاعرهم.
حتي هذه اللحظة ،ورغم قيام قيامة الجزيرة بفعل خبثاء ماكرين،،فان بوتقة انصهار السودان القائمة علي المحبة والفهم هي هنا،،في هذه الارض الجليلة الحنون،،ولو كان هناك ذا بصر وبصيرة لصنع منها روضة محبة،ووعاء تلاحم يصنع عافية لوطن ضيعه جهل ولؤم.
قريتي هي قرية كل من يحلم بوطن معافي يجمع الجميع،،وذلك فجر لابد ات.

حقيقة حين يتحدث الانسان عن الجزيرة،،فانه يتحدث عن كل السودان ،ذلك بان كل سواعد ابناء البلاد قد بذلت عرقها فيها،كل السودان ممثل هنا،بادلتهم وبادلوها الحب والوداد،،جمعتهم نهارات العمل،،تقاسموا اللقمة علي ضهر الترع،،عاشوا نفس الحلم والالم،فتوحدت مشاعرهم.
حتي هذه اللحظة ،ورغم قيام قيامة الجزيرة بفعل خبثاء ماكرين،،فان بوتقة انصهار السودان القائمة علي المحبة والفهم هي هنا،،في هذه الارض الجليلة الحنون،،ولو كان هناك ذا بصر وبصيرة لصنع منها روضة محبة،ووعاء تلاحم يصنع عافية لوطن ضيعه جهل ولؤم.
قريتي هي قرية كل من يحلم بوطن معافي يجمع الجميع،،وذلك فجر لابد ات.

Quote: and#205; and#205; عشان الخدمات صحه وتعليم وغيرها. وقع ليك.

عزيزي واخي الحبيب،،محمد هاشم...
اوافقك الراي بان السبب الذي الجا الناس للمدينة هو هم الخدمات،،لكن قل لي هل تظن انهم وجدوها،،هاهي الطائرات محملة تذهب بالطيبين للخارج بحثا عن العلاج،،،ثم يهرب الالاف بحثا عن التعليم،،ذلك بالرغم ان عندنا خيرة الاطباء وخيرة المعلمين،،انه خراب سيستم،،ولكن اقول لك بانه من السهل في اريافنا ان تجد الطبيب ود الحللال وود الحلال،مرابطا قابضا علي الجمر في الجهات،،فلا ابالغ ان قلت لك ان في دائرة نحن نقطتها 20 ك يمكنك ان تحسب مايزيد من مئة طبيب وعشرات الاخصائين بابي عشر منحة صينية تجري عملية القضروف فيها كانت مجانا حتي اظلنا زمان كل شئ بثمنو كان يعمل بهذا المستشفي الريفي اكثر من 20 طببا واخصائيا اجروا الاف العمليات في زمن مضي،،الشاهد ان الكادر السوداني المؤهل موجود ويمكن بفهم وتجرد تطوير المسالة اذا ختينا لولوة الحكومات،،ثم ان مجمل التعليم يحتاج لمراجعة ولا زالت الجزيرة رغم ما لحق بها معقولة...
ثم ان قليل من الجهد مع طفلك في الريف يؤتي ثمره...
وعودة الناس لاريافهم مقدمة لعودة الخدمات للطيبين،،،فبعودة المستطيعين نشيل الشيلة مع اهلنا البسطاء في كل الارياف..
خلي الحيكومات وسماسرتا يقرقشو صقائع الخرطوم وحصاها.

كده عليكم الله انسال سؤال...
هسع الحكومة دي ذاتا المقعده في الخرطوم شنو...
وما يسمي بالبرلمان المقعدو في الخرطوم شنو
ماذا يفعل وزير الزراعة والري والثروة الحيوانية والطاقة والحج والشيؤن الانسانية والاجتماعية فيها..
بل ماذا يفعل جيش جرار بوزارات ومؤثات ضرائب وذكاة ودمغة وارصاد ومسح طبغرافي وترقية الدوانكي والتراث بالمدينة...
اول ناس اقعدوا في حلالن وسط ناخبنهم وبي واسطة شبكة مصممة من شنقل طوباية وله همشكوريب وناسوا سامعنو بقول في شنو يتكلم..
الان التكنلوجيا حلحلت كل شئ وممثل الشعب اكون وسط هموم اهلو يرفعها ويناقشها قدامن مش بلايين القروش ضائعة في بروتكولات لا تصلح لدولة فقيرة...
الاموال دي تمش للارياف...
للانتاج وترقية الخدمات...
ووزيرا الزراعة والثروة الحيوانية والري من صبح الرحمن اشوفو محل عملن...محل في زراعة وثروة حيوانية وخزانات...
الخرطوم مافيها انتاج فيها خرت بس..

Quote: and#229; سلام يا عبدالعزيز.. ما دام قلت أقرب للكاملين ما بتمرق من أربعة.. الكاملين العبدلاب.. أمدقرسي.. ود الماجدي.. أبوعشر (رغم إنو أبوعشر مدينة وليست قرية)..

ود دياب سلام عطر...
لقد ذكرت حسنيات الريف وجميلات القري ولكن الحبيبة توارت من وراء الحجاب..وهي في الخفاء ايقونة ،،فهل تبدت ليراها الصحاب...

سنتر الخرطوم،،للمقارنة

معليش يا سادة بس عشان توثيق الفكرة،،لو الصور تبقي.

يا زول كفاية شحتفه وورينا اسم قريتكم دي
بالمناسبة انا طبيب بيطري وعندي حلم مشروع مزرعة متكاملة (دجاج ابقار زراعة)
شوف لي جدوى اقامة مشروع زي ده عندكم
امكانية امتلاك ارض ؟؟
طالما موية وارض في وياريت حلتكم ما بنقطع عن الزلط في الخريف
تحياتي واحترامي

أخي عبد العزيز
سعدنا كم سعادة و نحن نتجول في قريتكم
مدفن الصُرة عزيز كل شبر بل قيراط يكون عزيز في النفوس
جمال المكان بقاطنيه والعز في الأهل
وما أجمل ذلك المنظر في الصورة الأولى مغيب الشمس ترسل أشعتها الباقية من طول أشتعال يومها
على سطح الأزرق العاتي متجه ليلاقي الأبيض الهادي في المقرن .....
أمتزاجا وكان إمتزاجهما حكمة من المولى جل شأنه أزرقٌ عاتي وأبيضٌ هادي ( يمثلا الشباب الشيب معاً)
وسارا نيلاً أكتسب سن الرشد العقل موصلاً مشواره لأرض الكِنانة

تحياتي عبدالعزيز
القرية وأهل القرى هما شعاع الحضارة كما هو حال الشمس على سطح النيل وقت الغروب

Quote: يا سلام علي الصور يا عبد العزيز حاجة تشرح القلب وما يميزها هو هذه الخضرة التي طغت علي كل شئ فاحالتها للوحة تبهر الانفاس مع احتضان النيل لها في محبة أم رؤوم هذه الطبيعة الساحرة أثرت علي انسانها فأنتجت لنا أناساً في في غاية الطيبة والتسامح

سامي ياحبيبنا الراقي وسامي...
زماااان عملت ليك بوست تقريبا عن هندسة البناء..
كدي ياخي،،خليك عملي عشان لما الصبح اطلع اي زول اكون عارف مشهادو،،،ات زول فهمان وراقي،،ضع تصور لقرية حضرية،متكاملة بها مشروع اعاشتها والعابها وترفيهها فلنقل بجهة الكاملين قدامكم ،،كيف يمكنك بلورة فكرة كهذه،،تساعد بها اخوانك المغتربين بالسعودية والخليج والراغبين..

هودا السودان مش الخرتوم المجوبكة بلد بيقوم فيها شجر النيم بمثل هذا الخدار تعنى أن التربة مخلوطة رملة +طين ودا دلالة للخصوبة يعنى لو زرعت زول بيقوم وما مهم ( أسمك ) المهم رسمك أحيك أخى عبد العزيز وتسلم
رد · · منذ ‏9‏ ساعات

Aati Badri · كلية الهندسة جامعة عين شمس
وانا كل يوم وكل ساعة اسائل نفسي
الشاب دا جاب كل جمال الروح دا من وين
الآن كل شيئ انكشف وبان
رد · · منذ ‏5‏ ساعات

Abdul Azeem Hamad · كلية التربية
عبدالعزيز يارائع والله ونستك جميلة ورايقة واظنك تعرف صديقي نادر رشاد واساله عن جمال جبل البركل ومناطقنا
لانه من اصدقائك والله الريف شفاء للنفوس التي ارهقتها الغربة
رد · · منذ حوالي ساعة

Ahmed Musa Ahmed
اسم قريتك اهم من الصور
رد · · منذ ‏20‏ ساعة

المستنير وهبة · الأكثر تعليقا · Khartoum, Sudan
شكرا يا عزنا على الصور الجميلة ... أنا طبعا عارفا وقضيت فيها ليلتين واطعمتنا الوالدة الله يديها الصحة والعافية من حنها .. طبعا الريف اجمل ... والله تتوق نفسي للعيش في الارياف كأني تربيت فيها لقد كفرت بالمدينة ورجتها يا صديقي... تخيل يكون عندك حواشة ورابط ليك فيها بقرتين وشوية "جداد" بلدي وحوض طماطم وجرجير وخدرة يا سلام ياخ
رد · · منذ ‏10‏ ساعات

اخونا عبدالعزيز والاخت اميره السيد

مشكورين وتعليقكم مردود عليه ح اعود للتعليق
انا مطر العب ضاغط مع عبدالعزيز في البوست ده واقول ليه

Quote: ،ورغم قيام قيامة الجزيرة بفعل خبثاء ماكرين،

الكلام ده برضو ما صحيح في كلياته واسباب تراجع مشروع الجزيره كثيره اخرها في تقديري هي الحكومه والحراميه

Quote: and#199;and#229; عزيزنا عبد العزيز تحية طيبة وعيد سعيد لك وللجميع شكرا على البوست وعلى الصور الرائعة. ياسر

المحترم البهي د ياسر،،،مودتي..
حين اطالع اسمك معلقا او زائرا اتيقن باني ماض ببوستي في درب صحيح...
نحلم بان اناشيدنا تحي الامل..تغسل الياس،،وتعودنا للحلم والعمل لاجل صبح جميل.

ولابد من الريف وان طال السفر
محمد الخليل،،،بيننا مليون حلم وتفاصيل جميلة...
يازول تعال وانصب خيمتك وازرع شجرتك فانما للارض لعاشقيها ...
هسع انا اهديتك براح لحلمك،،اسرج احصنة الشوق اليه،يمكن في زمن ما يستظل بها من تعب عابرين..

يا ايمن ابن الجميل استاذ عبدالرازق..
هذا القليل عندي من حب الحياة وعشق الانسان
نفحة منه من ابيك
هو من ساق خطاي نحو حنتوب
حيث نمت الاشواق
وهل انت الا هذا الحداء
ثم من اقدر منك ليضع لنا هذا الحلم بلغة اخري
قل ماعندك يارجل...فنحن في اشد شوق.

عمو عبد العزيز العيد يتبارك علينا وعليك
دى مدينة الملاهى الليلت حلتكم؟
سمعنا باطفال الحجارة يطرشنا باطفال البراميليا امير البهاء حبيبنا صديق
ومن اجل هؤلاء يكون الحلم
بزمان اخضر
ووطن اخضر
اناشيد وافراح
ثم ليتنا نعود اطفالا ياصاحبي نسوق ترتارة
نزن بزنانة
ننفخ زمبارة قصب في يوم عيد

الاخت اميرة السيد

كل عام وانتم بخير

Quote: واحسن ليك تكون عايش في قرية من قرى الجزيرة على بعد ساعة واحدة من الخرطوم في بيت حدادي مدادي وبايجار رخيص وتكون شغال في الخرطوم وبتحصل شغلك في الخرطوم اسرع من الناس الساطنين داخل الخرطوم البيعانو في المواصلات معاناة فظيعة.. وطبعا في الحالة دي تكون طبعا عندك سيارة وحتى اذا ما عندك سيارة اظن المواصلات العامة بين قرى الجزيرة والخرطوم اسهل من مواصلات العاصمة,,

والله وبالجد انها امنيتي حتى اليوم

حوش حدادي مداي
عربية خاصة
جيب منفوخ للوقود
موقع عمل داخل الخرطوم

وتكون احلى لما كمان تتحرك من الصباح وتلقى ليك نفر نفرين من حلتكم مقطوعين في موقف الحلة ما لاقين مواصلات تقوم طوالي تدوس فرملتك دزززززززززز ويلا يا اهلنا نوصلكم

ياخ دي بوست بجيك فيهو أجر كثير
"فيك ريحة دعاشاتن ترد الروح"
يا سلاااااام علي العاديك وأهلو
هل تدري من جمال نيلكم وسماحة أهلكم إنتقل إسمو إلي اقصي كُردفان
من أجمل مناطق كردفان وأخصبها منطقة الخيران بمحافظة بارا إسمها
العاديك"
شكرا ياجميل الدواخل
والعيد مبارك عليك وعلي زوارك جميعا
محبتي

انا لو جيت ماري بهناك

يقول ليهم يا جماعة قرية عبد العزيز عثمان بوين

سلام وتحية لهذه القرية

انا اصلو ما بضهب

مرحب .. باى اهل الطالباب

n Bashir Abujaib · الأكثر تعليقا · Zagazig University
استاذنا .. لقد اكتشفنا اليوم سر سحر حروفك و بهائها.... و سر تلك الطيبه .. السماحه و الدواخل الوريفه..انه سحر و جمال المكان.. يا استاذنا ما اجمل شروق الشمس و غروبها و هي تعانق النيل حبا..و نيلا تبثه شوقها الابدي..و ما اجمل وجوه الاطفال .. ابتساماتهم ترد العافيه في الجسد العليل المتعب من رهق الغربه .. و قساوتها .. اطفال حلوين يحلمون بعشم باكر .. و مستقبل نير و ايام ناضره بهيه حبلي بكل الخير و النماء و العافيه ..قريتك يا عبد العزيز مهما كان اسمها فهي زاهيه و مخضره و مبشره باُشراقه يوم جديد.. و افق واعد بالبشر و البشاره و الفاُل الحسن.التحيه لانسان قريتكم المليان سماحه و كل الناس السمحين في سودانا السمح..في امتداد ربوعه .
رد · أعجبني · متابعة المنشور · منذ ‏8‏ ساعات

عبدو منصور · ‏موظف‏ في ‏‎TechnoQ‎‏
هودا السودان مش الخرتوم المجوبكة بلد بيقوم فيها شجر النيم بمثل هذا الخدار تعنى أن التربة مخلوطة رملة +طين ودا دلالة للخصوبة يعنى لو زرعت زول بيقوم وما مهم ( أسمك ) المهم رسمك أحيك أخى عبد العزيز وتسلم
رد · أعجبني · متابعة المنشور · منذ ‏19‏ ساعة

المستنير وهبة · الأكثر تعليقا · Khartoum, Sudan
شكرا يا عزنا على الصور الجميلة ... أنا طبعا عارفا وقضيت فيها ليلتين واطعمتنا الوالدة الله يديها الصحة والعافية من حنها .. طبعا الريف اجمل ... والله تتوق نفسي للعيش في الارياف كأني تربيت فيها لقد كفرت بالمدينة ورجتها يا صديقي... تخيل يكون عندك حو

Quote: ... أنا مالي مالي سكن البنادر والتراب الريحتو زي ريحة النشادر وين الاقي ... فرشة عناقريب المغارب ؟ وقعدة الضُل في البنابر وونسة بتنسيك همك وضحكة البغشاك عابر .... بكره العاصمه وهواها وزحمة الناس في ضحاها ويوم الكهارب نوره يقطع ..! والقمرة تحزن في سماها ومطرة الطين والمجاري وكان غرقتا .... وقلتَ يا ابو مروه الكع منو البجيك في الضلمة جاري ما بدورها .. حبي للحله وسماها وريدي للبحر المدد بي وراها ولمة الناس والمحنه وونسة السمحين براها

,,,,,,,,,,,,,,,,,,,,,

عزيزي عبد العزيز
زرت البوست الجميل والذي سطرته الغالية رشا بعنوان" منو المعاي" وفيه وصف رائع للقرية وبتناسق مع الصور الرائعة
لقريتكم الوديعة التي ترقد على شاطئ النيل الأزرق.. واستأذنت من رشا لنقل بعض ابيات الشعر المموسق البديع
كي اضمها هنا لعكس الصور إلى كلمات .. وزي ما قلت للعزيزة رشا انتو شهيتونا نسكن القرية وننأى عن المدينة وضوضائها
وتلوثها ومشاكلهاونحن لونسة الناس السمحين والقلوب صافية كاللبن والعسل
والله يديك العافية

Quote: عزيزي عبد العزيز زرت البوست الجميل والذي سطرته الغالية رشا بعنوان" منو المعاي" وفيه وصف رائع للقرية وبتناسق مع الصور الرائعة لقريتكم الوديعة التي ترقد على شاطئ النيل الأزرق.. واستأذنت من رشا لنقل بعض ابيات الشعر المموسق البديع كي اضمها هنا لعكس الصور إلى كلمات .. وزي ما قلت للعزيزة رشا انتو شهيتونا نسكن القرية وننأى عن المدينة وضوضائها وتلوثها ومشاكلهاونحن لونسة الناس السمحين والقلوب صافية كاللبن والعسل والله يديك العافية

أختي أميرة
في نهاية السبعينيات كان الشاعر محمد ود بادي العكودابي طالب في كلية الطب جامعة الخرطوم
ودار نقاش بين الطلبة عن أهمية الريف وتأثيره في حضارة المدن
نط طالب من ولاد البندر وأسمع ود بادي حديثاً اهان فيه بالقرية وبأهل القرية
ولك الوصف اللذي لذاك الشاب البندراوي
قال ود بادي
كنتُّ يومها قادم من القرية مثل عود الطندب المحروق أسمر
وكان هو مثل ورق الصفصاف يتقصع بين الأصابع
لما هاجني ووصفني أني متخلف رأيت أن أأتيه من جانب الهجاء شعرا
أبين له ماهي القرية ومن هم أهل القرى
ولك ابيات القصيدة بصوت الشاعر ود بادي

هوي يا وليد

يا ســـــلاااام
علي الضُل والغمام
سماحة الحِلة يا عبدالعزيز ما بعرفها غير اهلها
انا زرت مع صاحباتي في الثانوي قراهم الوادعة الجميلة
مصطفى قرشي ... قنب الحلاوين ... الطالباب .... ود الماجدي .. واربجي بلد جدي الشيخ حياتي
ونزلت ورا مشيت ود العشا
وفي الطالباب استمتعت بصحبة القرود في الغابة
أيام كانت جميلة
وإنشااالله امش حلتكم وهي فركة كعب مننا بس اعدي بالبنطون وربع ساعة بصل
التحية لكل ناس حلتكم الخدرا

هوي يا خالد ود المنسي.. أحسن ليك.. انت بكده حترفدني من الشغل وحتسقطني في الامتحانات( وجه ضاحك)..
ما معقولة بتجيب لينا في الروائع دي وخليتنا نسيب الشغل والواجب المنزلي ونستمع لهذه الروائع من الرائع الأديب
الأريب محمد بادي.. والله دي اول مرة اسمع هذه الرائعة من محمد بادي.. الشاعر القروي الملئ بالمشاعر القروية
الدفاقة... عليك الله يا خالد اقرأ معاي:

هوي يا وليد
حصل صحاك عز الهجعة حس شتما بعيد مخنوق
وجاتك صرخة الطنباري مشتاقا يسوي القوق
ونومك طار واتقسم والرشرش صبح مفروق
واتلفحت نص من توبك الجرجار على الدلوكة سائق سوق
وتلقى هناك بنات بلدك ولاد بلدك يعلو الصفقة
تقدح في القلوب الشوق
نغم الفال ابشرن يا بنات بالخير
والجنيات تطير لفوق
وكم زغرودة تتفجر تفور بالناس بعدما تروق


بالله ورينا محمد بادي ده قاعد وين عشان نرسلوا ليهو جواب شكر عشان خلانا نسرح
ونمرح في العلالي وتطفر الدمعة من عيونا...
والله لمن قوقلت محمد بادي في موقع عمنا قوقل سمعت الروائع ولهسع بسمع ولبكرة حنواصل
واذا اتاخرت في القصة البحكيها بهناك فالسبب هو قصائد ود بادي...
ولمن سمعت قصيدة بت الخير يديك الخير يقينا نبكي بصوت عالي::""
بت الخير يجيك الخير
وصل جوابك الكاتباهو للولد الحتالي
وكان الظن ترسلي ليه هين هينين
من البركاوي داك الطعمو حالي
ولو بالقل شخاليب دوم
وهنا والله ني ومسيخ وغالي
سؤالك يمة عن احوالي
كان شفتيها تغنيك عن سؤوالي انا اتوكرت في قلب البنادر
زي غريب شرقان مدلدل في الدوالي
جات شايلاني حرة جوف
انا اتحديث مجالا مو مجالي...

والمعذرة لصاحب البوست الأديب عبد العزيز عثمان فقد فلبنا له البوست القروي الرائع إلى مجلس للشعر والأدب
ولكن لا بد ان سيعفو لأنه اساسا كاتب واديب وهذه الشعر القروي ينسجم مع هذا البوست الرائع
والله يديكم العافية

Quote: هوي يا وليد حصل صحاك عز الهجعة حس شتما بعيد مخنوق وجاتك صرخة الطنباري مشتاقا يسوي القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سائق سوق وتلقى هناك بنات بلدك ولاد بلدك يعلو الصفقة تقدح في القلوب الشوق نغم الفال ابشرن يا بنات بالخير والجنيات تطير لفوق وكم زغرودة تتفجر تفور بالناس بعدما تروق بالله ورينا محمد بادي ده قاعد وين عشان نرسلوا ليهو جواب شكر عشان خلانا نسرح ونمرح في العلالي وتطفر الدمعة من عيونا...

يا الأميرة
ماتخافي بإذن الله النجاح ونجاحاً باهر
وماتحزني مع ود بادي ربنا بعمي منك عيون مديرك وما برفدك
زي ماقال ودبادي
نحن عارفين الله واحد
والرزق بنزل مقسّم
لي البجاهد والمعسم
بعدين يا أميرة ما خرجنا من الموضوع
رسالة الفاضل عبدالعزيز توضيح لأهمية الريف في حياة الحضر
وودبادي من دعاة ذلك وأكثر زول يدعو لذلك في كل قصائده يعرض نضمي القرى جمال القرى
هو من قرية ترقد على شاطئ النيل عند منحناه .... يتجه النيل من الجنوب للشمال لكن في منطقة
حجر العسل الشلال السادس يبدأ يغير مساره من الغرب للشرق حتى يصل مديتنا شندي وبعد شندي يستعدل من تاني
ليواصل المشوار متجه شمالاً لأرض الكنانة
في بداية منحنى النيل عند منطقة حجر العسل غرب النيل منحجر العسل ترقد قرية شاعرنا ودبادي
واسمها عِبدلة
ذكرها في قصيدة بت الخير يقول
حلات الموت كان في عبدلة

أسمعي جمال هذا اللقاء معه
حلو الحديث حلو المعشر
الطبيب محمد ودبادي يعمل في الأمارات العربية المتحدة في مدينة العين
لكن تأكدي ما خرجنا عن موضوع عزيز تشجيع العودة للريف
وفي الضواحي وطرف المدائن
يلا ننظر شفق الصباح
وقوموا خلو الضيق
في الجناين
شوفوا عِز الصيد في العساين
يلا نقنص نطرد نعاين
النهار من حر الكماين
كـ لبي يا جمجوم أصلو خاين
شوفو كيفن يبرا الملاين
هبَّ شالا وكشح المراح
للشاعر بلدياتكم أنت وفيسل هليل ( خليل فرح بك )

دعوة للعودة للريف وجمال الريف وعمار الريف

كنت ذات يوم هنالك علي بعد مُشرع من قريتكم الوادعة قادماً من الضفة الشرقية للنيل سحرتني الجناين المنتشرة علي الضفتين وهي تصنع مع قرص الشمس لوحة فنية باذخة
فتناولت كاميرتي موثقاً لتلك الضفاف ....

ياخي نحن شفنا حروفك الانيقة
وشفنا طيبتك واخلاقك العالية
وشفنا وعشنا مع جدك كرداش
واليوم تميت الجمال بصور
بلدتك الانيقة ربي يحفظا ويحميها
وعد ياعبد العزيز لو ربنا مد في الاجال
ان شاء الله وفي اول زيارة ليك
نزورك وناخد معاك جلسة علي
ضفاف العاديك الدنيا شن فيها ياخ
تسلم

عزيز كل سنة وانت طيب وربنا
يحقق امانيك مع صورك الجميلة
دي نسينا نسلم ونعيد عليك

مشاركة لي في بوست الاخ مامون ... سلام يامامون وضيوفه الكرام...
لثلاثين عاما،،اعاين واقارب مواطن الجمال،،في دول كثيرة واصقاع كثيرة،،اسيا افريقيا وامريكا..
وصلت لقناعة شاركني ويشاركني فيها الكثير..
المسكن والبكان البدي السعادة ماهو الباذخ...المعقد،،الشديد الاسمنته والتسليح....لا يامامون...
البراح الاخضر،،شجرا وزهرا...
المرتب المنظم ،،ميادينا وحدايقا ونوافيرا
براحات العاب وتسلية للاطفال والكبار
نظيف وامن....
كل هذا لن تجده في قبح المدينة...
يامامون تحدث معي صديق بي هنا قال لي بيتي ارضا ومبني بي مليارات..
يامامون وده عيالو السنة اجازة...
في اسبوع في المدينة مرضو وسائموا
مشوا حلتهم...
قال لي الاولاد والبنات وامهن قالوا بس من الحلة والمطار
قال قريب شهرين لم يحتاج احد لحبة بندول....
يامامون تصدق صناعة الجمال ولا تحتاج لمال كثيرا...
اختاروا ارضا في موقع مناسب وقريبة للظلط...
ثم اشرعوا في عملية صناعة جمالها...
اشجار من نخيل واعناب وفاكهة
ميادين مخضرة
وابو الريش الحبيب يعمل فيها اجمل نظام ري ونوافير ومسابح كمان
وده كلو ببلاش ،،،نعم بقيمة الاشياء في البلد...
بعد داك يا مامون اتحدي لو لم يتصل بك نصف اهل هذا الحوش البكري الطيب ،،،دايرين السكن...
يا مامون السماسرة وحرامية العقار والمرابين خدعونا...
سوقو لنا خرافة اسمها سكن الخرطوم
باعوا لنا القبح بمليارات
ونحن علي عمانا صدقنا الاكذوبة...
قسما قيمة ارض وهم في الخرطوم تصنع منزلا لا شبيه له الا في العالم الاول...بل تصنع دنيا من الجمال...
بس يا مامون المكتولة مابتسمع الصائحة
او اننا فات فينا الفوات لصنع الجمال...

يا احبة سلام...
الواحد والله مشروق عدييل،،،وطاير فر من الفرح...
ياجماعة والله ما اسعدني شئ قدر طلتكم البهية دي...
انا من الطالباب،،،ودي صورها..
قريت في الغربية ابوعشر
وفي حنتوب الجميلة
ومع الشاب النضر ود شيقوق بالجامعة...
والعندو مجلة الجامعة عدد الانتفاضة موضوع غلافو
ابكي ياوطني الحبيب يجد نفس البوح،،مش يا الدقير
ولا غيرنا وراك الجته
ولا بدلنا ملامحك حتة...
نفس اشواقنا للناس والوطن
ونفس حلمنا بوطن جميل...
فيا ود بوش
وابو العزائم
وعزيز صاحبي الجدن
ود احمد امين
وصاحبي قصي،،،امكن جهازك اخد فتوي،،،احييك ارجع ليها
عمر السلمة
شيخي شيقوق
د عبدالله الصديق،،،قريبي وصاحبي كمال صديق
مهيرة الراكزة وسمحة
اميرة،،،ستنا البهية ،،بجيك
ولياب
ع السلام مرحب بيك الخاص
خالد يالذيذ وسمح ورائع،،،ما بفكك تاني
م هاشم يا حبيب
نفتح بوست عن الجزيرة اوريك كل شئ كلام واقع...
انا مزارعي من المطار ليها
عملت بها،،،وعلمني ابي علومها واورثني عشقها...
يا اروع ناس،،،ليكم كل الاشواق
وبالرغم من اني اليومين ديل داخل برنامج عمل جديد،،الا اني قسمت وقتي بين العمل والبيست،،،مش البوست
وان هون الله بجيكم،،
والباقيين ماشيين عليكم
فمرحبا بكم جميعا ضيوفا كرام بقرية الطالباب.

الاحباب عبيد الطيب
عماد الشبلي
وضاح
اميرة وخالد ،،،متشكرين،،جاييكم
رشا الف شكر،،لا تسقطي الراية
سامي يانبيل ،،الف شكر
سليمان..محبتي
ترحب بكم قرية الطالباب وتشكركم علي زيارتها...
اذا سقط اسم حبيب في القائمة فالعتب علي النظر..
وقطع شك جائي صاد..

وانه ليشرفني ويسعدني ويزيدني فرحا،،زيارة الاعزاء..
الاخت المحترمة ام الحسن وجها مشرق لنساء بلادي بالمهجر..
صديقي العزيز منذ الزمان القديم جدا وهبة
صديقي الوفي اللطيف الذي طالما عجبت لم لم يجئ بوش البيت...فله مشتاقين..
اخي المحترم حسين قاضي
واخي المحترم احمد موسي
وصديقي واخي عبده منصور..
واخي عبدالعظيم حمد

أنشاء الله يا ود عثمان تبقى زى بتري لما النيل ينساب هناك ويجرى .. لكن من وصفك هى الاجمل

Quote: الواحد والله مشروق عدييل،،،وطاير فر من الفرح... ياجماعة والله ما اسعدني شئ قدر طلتكم البهية دي... انا من الطالباب،،،ودي صورها.. قريت في الغربية ابوعشر وفي حنتوب الجميلة ومع الشاب النضر ود شيقوق بالجامعة... والعندو مجلة الجامعة عدد الانتفاضة موضوع غلافو ابكي ياوطني الحبيب يجد نفس البوح،،مش يا الدقير ولا غيرنا وراك الجته ولا بدلنا ملامحك حتة... نفس اشواقنا للناس والوطن ونفس حلمنا بوطن جميل... فيا ود بوش وابو العزائم وعزيز صاحبي الجدن ود احمد امين وصاحبي قصي،،،امكن جهازك اخد فتوي،،،احييك ارجع ليها عمر السلمة شيخي شيقوق د عبدالله الصديق،،،قريبي وصاحبي كمال صديق مهيرة الراكزة وسمحة اميرة،،،ستنا البهية ،،بجيك ولياب ع السلام مرحب بيك الخاص خالد يالذيذ وسمح ورائع،،،ما بفكك تاني م هاشم يا حبيب نفتح بوست عن الجزيرة اوريك كل شئ كلام واقع... انا مزارعي من المطار ليها عملت بها،،،وعلمني ابي علومها واورثني عشقها... يا اروع ناس،،،ليكم كل الاشواق وبالرغم من اني اليومين ديل داخل برنامج عمل جديد،،الا اني قسمت وقتي بين العمل والبيست،،،مش البوست وان هون الله بجيكم،، والباقيين ماشيين عليكم فمرحبا بكم جميعا ضيوفا كرام بقرية الطالباب.

يا اخوانا عزيز دا انا من ربعاهو البعرفوا قرينو
سكنت معاهو في داخليات البركس اربعة سنوات عندما كنا طلاب في كلية الحقوق جامعة الخرطوم
لم يكشف لنا طيلة عشرتنا معه هذه الموهبة من الكتابة لكن اسلوب ونسته شبيه بالحكي بتاعو هنا
يا ريت تفكر يا عزو تفكر في كتابة الرواية فانت تملك جميع مقومات كتابتها

Quote: [Q أنشاء الله يا ود عثمان تبقى زى بتري لما النيل ينساب هناك ويجرى .. لكن من وصفك هى الاجمل

يا عامري ياخي سليل الفراديس ده عبر ببراح وتركه دون ان يكون جنة تسر الناظرين،،او ترك احدا من ساكني ضفافه دون ان يجلب لهم المسرات،،سكاري بخفقة موجه،اساري مساره السرمدي المقدس...
فحبابك،،،وحباب بتري النضر شبابه..

يا عزيز
أنا صاحبك طبعاً
ومزارع نجيييييض
ما أظن تطالبوني بي تمن قطعة أرض أزرعا وراكوبة أسكن فيها



تحياتي مثنى وثلاث ورباع
والعيد مبارك عليك وعلى جميع ضيوفك

Quote: يا اخوانا عزيز دا انا من ربعاهو البعرفوا قرينو سكنت معاهو في داخليات البركس اربعة سنوات عندما كنا طلاب في كلية الحقوق جامعة الخرطوم لم يكشف لنا طيلة عشرتنا معه هذه الموهبة من الكتابة لكن اسلوب ونسته شبيه بالحكي بتاعو هنا يا ريت تفكر يا عزو تفكر في كتابة الرواية فانت تملك جميع مقومات كتابتها

لكن الله أداك فصاحة اللسان والنضمي سناحة ومراوغة
وربنا أدا فصاحة اللسان بلاغو وأدب
الفرق كما الفرق بين ...... و ........
إت مسنوحومقطوع طاري يا شقشقا
لكن صراحة أول مرة أشوفك تنصح جاد دون أن ترمي لشئ بعينه
بختك يا عبدالعزيز والله الزول دا عهدي بي لما يقول لي السلام عليكم يا المنسي
بحس أن وراها أستهبال ومسخا وعاوز يعرف شئ عن شئ
ههههههههههههههههه
ود شيقوق يبيع الزول ويسمك تمنو ويمشي يفطر بي سمك والزول يكون لسة يضحك مع أصحابو
لما يجو إستلمو اهل البيعة ههههههههههه

عزيزي خالد ود المنسي
سؤالك في بوست صاحبنا اسامة ولد بن لادن بجاوب عليه هنا هشان بيخص الشاعر الأريب ود باي..
والله مما خليناكم امبارح ومعي الروم ميتRoommate بسمات التي ادمنت الاستماع لقصائد ود بادي
بنستمع لجميع القصائد ووجدنا موقع في الإنترنت فيه جميع القصائد التي قالها عندما كان طالبا بالجامعة
وهسع صديقتي ادتنا فكرة وهي دعوة الدكتور الشاعر ود بادي إلى نيويورك لاقامة ليلة شعريةSOLO بمفرده
وشن قولك تذاكر السفر والاقامة علينا بالكامل عشان يطلعنا من جو التوتر العايشنها في المدن الأمريكية
المزدحمة والملوثة .. وهسع العاجبنا كمان في بوست عبد العزيز دعوته للإنتقال للقرية والريف حيث الهدوء وروعة المكان
والراحة النفسية والجسدية والخضرة والماء.والطبيعة الخلابة... والعزيزة الصحفية البارعة رشا أكدت هذا الكلام بروعة قصيدتها في البوست :" منو المعاي"
واظن انت عندك صداقة مع الشاعر محمد ود بادي .. ويا بختك يا عم ومن جاور السعيد يسعد..
والله يديك العافية والصحة..

Quote: عزيزي خالد ود المنسي سؤالك في بوست صاحبنا اسامة ولد بن لادن بجاوب عليه هنا هشان بيخص الشاعر الأريب ود باي.. والله مما خليناكم امبارح ومعي الروم ميتRoommate بسمات التي ادمنت الاستماع لقصائد ود بادي بنستمع لجميع القصائد ووجدنا موقع في الإنترنت فيه جميع القصائد التي قالها عندما كان طالبا بالجامعة وهسع صديقتي ادتنا فكرة وهي دعوة الدكتور الشاعر ود بادي إلى نيويورك لاقامة ليلة شعريةSOLO بمفرده وشن قولك تذاكر السفر والاقامة علينا بالكامل عشان يطلعنا من جو التوتر العايشنها في المدن الأمريكية المزدحمة والملوثة .. وهسع العاجبنا كمان في بوست عبد العزيز دعوته للإنتقال للقرية والريف حيث الهدوء وروعة المكان والراحة النفسية والجسدية والخضرة والماء.والطبيعة الخلابة... والعزيزة الصحفية البارعة رشا أكدت هذا الكلام بروعة قصيدتها في البوست :" منو المعاي" واظن انت عندك صداقة مع الشاعر محمد ود بادي .. ويا بختك يا عم ومن جاور السعيد يسعد.. والله يديك العافية والصحة..

ماتصر لي وشك يا عبدالعزيز
ههههههههههههههههههههه
دي أميرة دي براها كل مرة بتوكرني في عشقاً ساكني معشعش جواي
وبتهبش وترة شواطينا جاهزين لي النقزي بلا سبب
عصبة الأدب والشعر
ودبادي خير من يمتع ايامكم في بلاد اليانكي لكن أعملوا الدعوة في الصيف أو الربيع
البدوي ببرد وتنفخوا الزيفة
وعاوي الزيفة ينفخ
في جُبال النقعة زي الصور
والعوتيب يجيك يجري
يشيلك وأنت مابتدري

النقعة هي مناطق الأثار في النقعة والمصورات وفي خلا بس ربنا ما يجيبك بي في يوم تراب ( كتاحة )
ولا يوم زيفة أو شهفوفة مطر بتموتي من البرد
العوتيب هو وادي كبير يجري فيه السيل منحدر من عوالي البطانة جهة االجنوب الشرقي قاصد الأم نيلا يرتاح
في صدرها الرؤوم متلهف للدفئ فيه وهو أكبر وادي في تلك المنطقة بين شندي الخرطوم حيث توجد الكثير من الوديان
ودروب السيل
والمتتبع لقصائد ودبادي يجد فيها من الوصف التفصيلي الكثير لتلك البقاع
جمال القرية في ليلها وسكونه تسمع دبيب النملة فيه
تشهد روعة النجم وتغازله
تريحك حركة القمر كحال العذراء يتوارى منك بين الحين والأخر خجلاً بين السحاب ليظهر ظنناً أنك قد غضضت البصر
ما وجدت للنسيم طعم ورائحة إلا في القرية ولكنه لا لون له يعطي دون أن تراه وهذا قمة الجودوالكرم
وأجمل مافي القرية والناس تجهله هو الصحة
كل الطعام صحي زرع إدياتنا
وطجن إخياتنا
قال ودبادي
كتبت قصيدة ( سياحة في حي العمارات أهجوا اهلها ) عندما جئت للجامعة ووجدت أهل العاصمة وتجارها قد سرقوا
مجهود المزارع البسيط وظل هو في فقره ونالوا هم الثراء الفاحش من عرقه ( سمسرة في محاصيله وهم متكئين في غرفهم المكيفة)
فعلاً هذا الحاصل تنتج القرى والأقاليم وتأكل المدن ولا حمداً ولا شكرا ويسموهم أهل العوض
ومالوا العوض عوضاً جاء من رحم الأرض السودان أريتو عوض السرور
بعدين يا اميرة
دي شنو ولا منو ؟
ومعي الروم ميتRoommate بسمات
أكلة ولا بلد ولا بنية صاحبتك ؟
هو ليس صديق بمعنى الصديق لكني أنا في طبعي أتقرب لأهل العلم والمعرفة وكل من يحمل العلم تراني ألهث كي أكون ريب منه وأعرفه
ألتقيت به عند زيارة صديقي الفنان ابوبكر سيدأحمد للأمارات دعانا ودبادي للعين وكان يوم بهيج أطرب الجمع القليل
ابوبكر طربا وأسمع ود بادي الجميل حرفاً ومعنى يوم لا ينسى تعرفت به يومها
ولو فكرتي جادة في الدعوة ممكن أن اتصل به لكني أرى أتصالكم أنتم هو الدعوة الجادة أحزموا أمركم وتجدوني مساعد
لكم بإذن الله

Quote: دي شنو ولا منو ؟ ومعي الروم ميتRoommate بسمات أكلة ولا بلد ولا بنية صاحبتك ؟

>>>>>>>>>>>>>>>>>>>>>

دي صديقتي العزيزة بسمات التي تسكن معي في الغرفة الجامعية او بالأصح انا التي اسكن معها في هذه الغرفة عندما اكون متواجدة ليومين او اكثر في نيويورك، وعشان كده بنقول الروم ميت
يعني زميلة الغرفة)( وجه ضاحك) ، لأني ساكنة في قرية في ضواحي نيويورك وفي ولاية ثانية ومن قبال ما عبد العزيز عثمان يتحفنا بايجابيات السكن في القرية ولكن المصيبة ان القرية البقول ليك عليها دي أكبر من الخرطوم ومزدحمة اكثر من الخرطوم ولكنها قرية مقارنة بنبويورك...
وكتر خيرك لانها فعلا بدأت الاتصال بالشاعر لطرح الفكرة ... وسنوافيك بنتيجة المشاورات
والله يديك العافية
تخريمة:
يا عبد العزيز وين باقي الصور للقرية الوادعة
والله يديك العافية

Quote: [QUO يا عزيز أنا صاحبك طبعاً ومزارع نجيييييض ما أظن تطالبوني بي تمن قطعة أرض أزرعا وراكوبة أسكن فيها

انت مش قلت داير تجاور في الارض المقدسة،،ارسا علي بر اول.

المنسي

Quote: لكن الله أداك فصاحة اللسان والنضمي سناحة ومراوغة وربنا أدا فصاحة اللسان بلاغو وأدب الفرق كما الفرق بين ...... و ........ إت مسنوحومقطوع طاري يا شقشقا لكن صراحة أول مرة أشوفك تنصح جاد دون أن ترمي لشئ بعينه بختك يا عبدالعزيز والله الزول دا عهدي بي لما يقول لي السلام عليكم يا المنسي بحس أن وراها أستهبال ومسخا وعاوز يعرف شئ عن شئ ههههههههههههههههه ود شيقوق يبيع الزول ويسمك تمنو ويمشي يفطر بي سمك والزول يكون لسة يضحك مع أصحابو لما يجو إستلمو اهل البيعة ههههههههههه

يا سجم هوي انا سمعتي في المنابر دي زي الدبلان كان ######ت لامن ######ت ما بتجيب مريسة تام زينك دي

تاني اكان ######ت لامن ######ت بتلقاني جبل ما يهزك ريح هههههههههههههههههههها

الناس دي كوووووووووولها عارفيني بصلي الخمسة أوقات في المساجد وهسه وانا بكتب ليك صايم الستوت

خالد،،اميرة،،،ود شيقوق....
تعالوا جاي اتو قايلين الحلال دي الضيف برمق افوت فوق الخاطر..
تعالوا تموا عقاب نضميكم فوق ديوان ابوكم حاج عبدالرحمن...
اصلو الله يرحمه كان بريد الضيوف وبريدوه...
فما تفوتو بي خاطرو..

اعلم ان القراء قد علقوا علي هذا السحر الخرافي...
لكن حقا اذا لم يعلق الزملاء هنا ،،،فشكلي حاحبط...
لثلاثة ايام اتصل بقريبي لياتي لي بالاجمل
وكل مرة اقول زيد
بالله يازملاء سودانيزاونلاين لازم تتحركو...

عزيزي عبد العزيز

والله لمن نشوف الصور الجميلة دي لقريتكم الطالباب ما بنصدق انها في السودان.. طبيعة خلابة وساحرة
وانا ما عارفة الناس بتزاحم في السكن في الخرطوم لشنو؟؟ الخرطوم كذبة كبيرة واظن سماسرة الأراضي
هم البيروجو لمزايا الخرطوم عشان الفائدة المالية ورفع سعر الأرض.. وما ممكن تلقى سعر الأرض في
الخرطوم أغلى من المنطقة المجاورة لقصر الملكة اليزابيث في انجلترا وأغلى من حي المال في سويسرا
ومن الفيفث افينو في نيويورك...
ولي عودة عشان نتكلم عن سلبيات السكن في المدن الكبيرة ومزايا السكن في القرى الوديعة..
والله يديكم العافية

تحريمة..
علافت من مداخلتك السابقة انك درست في حنتوب الثانوي,,,
وقرأت في احدى الصحف السودانية بأن مدارس حنتوب ووادي سيدنا وخورطقت الثانية كانت من أقوى مدارس السودان
وما بيدخلوها غير العباقرة والمتفوقين دراسياً .. فما هي صحة هذه المقولة؟؟ ولماذا كانت هذه المدارس مشهورة
وقوية اكاديميا؟؟ فهل من طبيعة المعلمين الذين يعملون في هذه المدارس ام من الموقع الفريد التي تشجع الطلبة
للتحصيل العلمي ؟؟ وبعدين اين هذه المدارس الآن؟ هل اغلقت ابوابها ام انها لا زالت موجودة..فنحن لا نسمع عنها
أي خبر ولا حتى متفوقين في امتحانات الشهادة للدخول للجامعات؟؟ والخوف ان الحكومة تكون باعت المدارس دي
وعملوها قطاع خاص
والله يديك العافية

الأخت اميرة بت السيد

كل عام وانتم بالف خير

Quote: وقرأت في احدى الصحف السودانية بأن مدارس حنتوب ووادي سيدنا وخورطقت الثانية كانت من أقوى مدارس السودان وما بيدخلوها غير العباقرة والمتفوقين دراسياً

يا حليك اتاريك صغيرة خلاص انا هسه فاكر الزول البقدل في المنبر يمين وشمال دا عمر ناس نفيسة كامل وكدا

اول يا اميرة السودان كلو ما كان فيهو مدارس حكومية غير التلاتة مدارس دي
وكان المدارس الوسطى التي يتنافس طلابها لدخول هذه المدارس الثلاث تعد بالأصابع يعني غربلة جد

يعني خريجو هذه المدارس الثلاثة يمكن يكونوا cream of the cream

عندنا في مناطق زراعة السمسم عصارات الزيوت التقليدية فبعد ما العصارة تعصر السمسم في زيت بيكون في قاع العصارة اسمو زيت الولد وهو انقى أنواع زيوت السمسم - اها خريجو هذه المدارس الثلاث هم زي زيت الولد دا

صحيح كلامك الأساتذة كانوا مميزين لانو مين زمان الممكن يكون مدرس بالساهلة كدا ؟

بعدين ازيدك كمان - المناهج كان كلها - باستثناء مادة التربية الإسلامية - كانت تدرس بالانجليزي

انتظري عزيز يجي يضيف ليك كمان

تحياتي

Quote: اول يا اميرة السودان كلو ما كان فيهو مدارس حكومية غير التلاتة مدارس دي

>>>>>>>>>>>>>>>>>>>>>

عزيزي ود شيقوق

معقولة نصدق انو السودان كله ما كان فيه غير ثلاثة مدارس ثانوية عليا؟؟
وبس كمان ما تقولي ما كان في غير جامعة واحدة بس
طبعا هسع بنشوف في كل ركن في العاصمة مدرسة وبين كل مدرسة ومدرسة تجد مدرسة ولكن للأسف ليست مدارس حكومية ولكنها مدارس
خاصة يمتلكها رجال أعمال وعاملين من التعليم Business تجارة ... وأظن هذا هو السبب في تدهور التعليم في السودان
على الرغم من ان زيادة عدد المدارس حاجة ايجابية ولكن في حالة هناك فعلا تعليم وليس تجارة...وإذا اراد وزير التربية
والتعليم ان يتقدم السودان للأمام فعليه ان يقوم بإغلاق هذه المدارس الخاصة التي نبتت كالنبت الشيطاني في كل
ركن من اركان المدن الكبرى..
وعشان نرجع لروح البوست نسأل سؤال مبسط: هل توجد مدارس خاصة ايضا في قرى السودان ايضا؟؟ ام المدارس في هذه القرى
هي مدارس حكومية؟؟ واذا كانت المدارس خاصة ورسومها بالشئ الفلاني ، فأين يجد اهلنا البسطاء الأأموال الكافية لسداد
رسوم هذه المدارس الخاصة لأطفالهم..
والله يديك العافية

صور جميلة يا عبدالعزيز.

اميرة

طيبة؟

Quote: معقولة نصدق انو السودان كله ما كان فيه غير ثلاثة مدارس ثانوية عليا؟؟

ااااااااااي لكن مدارس حبيبك - يا بتي - وحياتك اليوم دا انا الما قريت حنتوب وقريت جامعة الخرطوم اكان هسه في جلستي دي دخل على واحد من خريجي حنتوب او خور طقت او وادي سيدنا الزمان أقوم ليهو طب على حيلي احتراما له - انت فاكرة ساي؟

Quote: وعشان نرجع لروح البوست نسأل سؤال مبسط: هل توجد مدارس خاصة ايضا في قرى السودان ايضا؟؟ ام المدارس في هذه القرى هي مدارس حكومية؟؟ واذا كانت المدارس خاصة ورسومها بالشئ الفلاني ، فأين يجد اهلنا البسطاء الأأموال الكافية لسداد رسوم هذه المدارس الخاصة لأطفالهم..

لو بتقصدي زمان لا ما بالاسم دا - كان بسموها مدارس شعبية او أهلية رسوما ما كتيرة - و عندنا في الأقاليم البدخلوا فيها هم الذين لم يوفقوا في دخول حنتوب وخور طقت ووادي سيدنا - وانت فاكرة هم ديل ذاتم ساهلين ؟ ديل هسه هم الأستاذة في الجامعات الكبيرة يا اميرة

عبد العزيز عبدالرحمن
كل سنة وانت طيب وكل اهلنا بكل السودان والمنطقة ومنطقتنا الجميلة الساحرة وبكرة باذنة اللة نتهنى بيها واستمتع جدا خصوصا فى الخريف بكل المنطقة وازيد عليها بان اقطع كبرى الحصاحيصا واشبع عيونى بخضرة الضفة الاخرى من النيل الازرق مرورا بمزارع القصب لحدى الهلجيج وبعد تمبول واحيانا نادرة اصل مابعد تمبول وهنالك الخضرة بساط ممتد مد البصر . وارجع ليك لى شارع الخرطوم مدنى ومن بترى لحدى مدنى لانو اعرفة جيدا شرقا وغربا تخفى القرى الموازية لشارع الموت جمال اخاذ على ضفتى النيل الازرق وكانت غابات وقطعت وقامت مكانها مزارع جميلة لكن للاسف دون دراسة لاحتاجيات السوق وكلها او معظمها للمنتجات البستانية ذات العائد السريع (ليمون+ جوافة) وتزرع الارض برسيم او ابوسبعين) وعموما المستقبل لنا ولزراعتنا . حاليا هنالك اهتمام زائد بمحاصيل غير المحاصيل المعتادة ( قطن+ ذرة+ فول) وتحديدا بمنطقة المعليق وغرب ابوعشر ومنطقة جنوب غرب طابت وادخلت محاصيل جديدة ( كبكبى +خضروات + بهارات ) وبعضهم زرع سمسم وكان العائد كبير جدا فى بعض المناطق . كل هذا ذكرتة تمهيدا لارجاعك لمنطقتنا (لماذا لاتزرع منطقتنا بقصب السكر الماء موجود الارض كميات المصنع موجود لية ما نطلع من الدورة المعتادة ونزرع القصب الذى اثبت جدواهو الاقتصادية والمصنع فى الضفة الاخرى نحن محتاجين To think out of the box

محتاجين نغير حياة اهلنا الطيبين الصابرين ونرد ليهم جزء من جمايلهم علينا.

التعديل لتحية الدفعة الطيب شيقوق واهلنا ناس الدندر

Quote: معقولة نصدق انو السودان كله ما كان فيه غير ثلاثة مدارس ثانوية عليا؟؟ وبس كمان ما تقولي ما كان في غير جامعة واحدة بس

ههههههههههههههههههه
يا اميرة الزويل دا بتكلم ليك عن ايامه ( اي ) سنة 1943
بعدين فوق دا كلو هو دخل المدرسة ساوي تب عمرو 11 ونصف
سنة أولى أولية ( كُتاب ) ... كانت حقبة مدرسته خراتية مخاطة من قماش الدمورية بحمالة
وفطورو بشيلو في كورية مطرقعة ( لانو بستخدمها حافظة للطعام .. درقة في حالة المشاكل .. كوب لشرب الماء .. ألة أيقاع
عندما يحن شعوره للطرب يغني .... كورية متعددة الأغراض الفائدة )
مطيته للمدرسة ( حـ مارة )وإن لم يجد يركب مع ود الجيران ( حـ مارته )
قلمه بوصة من القصب ودواية الحبر يجلبط بيها جلابيته وعمته
عبد العزيز ألتقى به في الثانوية بعد أن ظل شيقوق 11 ونصف قبل المدرسة اعادة 3 مرات
يعني بإختصار لما إلتقيا هو وعبدالعزيز في حنتوب الثانوية كان عمره 22 ونصف

مدارس حلتنا ،،والخريف هنا صديق حميم.

محمد يا دفعة


التعديل لتحية الدفعة الطيب شيقوق واهلنا ناس الدندر





كيفك وكل عام وانت بالف خير

السلام عليكم ورحمة الله وبركاته ..
لابد من الإشادة بالمصور .. صور في غاية الجمال والاحترافية

الحبوب الأديب عبد العزيز ياخي كتر خيرك كتير على هذا الجمال ...
نسأل الله لكم ولنا الحفظ من كل سوء ...

الاديب عبدالعزيز عثمان.
بوست عبارة عن سياحة في الصور والخضرة والحرف الحسن.

محبتي

خدرة يا عبدالعزيز بدور ليها سيرمس قهوة بي دواها مجنزلة
ورقدة في الخدار دا لما عراقيك يضبع بخدرة لونه
وتكرف من الدُعاش تملئ رئتيك وتزفر كل الآهات مع مزمار
وتنسى الدنيا وكل الناس
وما أحلى القرية
تحياتي عزيز

يا ناس سلام..
اخر من علق خالد المنسي
مذكور مو منسي..
في صور طشت
وفي صور جاية
والشباب في حلتنا خلوها جنة...
قامو بكل مايلزم
نضافة رش تشجير انارة شوارع وميادين
واحد من ناسنا بروفسر جامعي
حرد بيتو في الخرطوم
وجا سكن بيتو القديم في الحلة
سلم مفتاحو للطلبة
قال انه غير مستعد
ان يقضي عمره في قبح الخرتوم
ويضحي بجمال قرية
وجاياكم
صور
وتواثيق
ومقارنات

الأخ عبد العزيز و الاخوة المتداخلين.

عرفت من أول وهلة أنك من الطالباب لأنها القرية الوحيدة على طريق مدنى الخرطوم المخططة،أنا من إحدى قرى الجزيرة من منطقة أقرب للخركوم،درست الثانوى بمدنى الثانوية فى منتصف السبعينات(يعنى بالنسبة لى ود شيقوق أنا شافع) ،أعرف اسماء كل القرى الواقعة على جانبى طريق مدنى الخرطوم.

الطالباب لا تمتاز بجمالها فقط،بل تمتاز بطيبة أهلها و رقيهم ، زاملت كثير من أبنائها بالكاملين الثانوية حيث درســت السنة الأولى بالكاملين الثانوية قبل أن أنتقل الى مدنى الثانوية لاكمل بقية المرخلة الثانوية.

هذه سانحة طيبة لتحية أخى طلب (لا أذكر الاسم الكامل نسبة لطول الزمن و ضعف الذاكرة) الذى كان من أحاسن زملائنا أخلاقا، التحية لكل أهلنا فى الطالباب ،أدام الله عليهم هذه النعمة العظيمة........

الاخ الصديق المحترم اسامة صديق..
لك كل امتنان ومحبة..
وكل اناء ينضح بما فيه..
تلك نفسك المملوءة محبة وجمال...
نعم ماذكرته صحيح هو الاخ عبدالمطلب حسب الرسول..
الاخ المحترم،،الجواد ،الخلوق،المحب...
تجده يتذكرك بنفس المحبة والاشتياق...
هو بالخليج،،يمكنني ان اوصل بينكما..
كلاكما تستحقان ان تلتقيا..

الأخ الأكرم عبد العزيز

نعم هو الأخ الخلوق عبدالمطلب حسب الرسول،هو نعم الأخ و هو من الذين يتركون فى نفسك أثرا طيبا يصعب أن يمحوه الزمن.
أرجو أن تبلغه تحياتى و أشواقى.

دمتما بخير
أخوك
أســامة صديق
قرية النوبة - شمال الجزيرة........

انقطع عقد هذا البوست الهام والحبيب بالنسبة لي،،لاسباب
خارجة عن الارادة،،حيث حادث شقيقتي..
انشغلنا بهذا الامر حتي انكشفت الغمة..
حقيقة ولان ابن شقيقتي هو كان من يبعث لي بالصور...
اجدني اسف ان نفسيا بعدت عن البوست لفترة..
لم اكمل واجب شكر من زارني فيه...
الان اتمني ان اعود لاحي من زار..
واعاود صور القرية...

القرية الوحيده المخططه نموذجيا
كانت الطالباب
كما ذكر اخي اسامه الصديق
وكنا في مدرسة رفاعه الثانويه
مجموعه من محافظة الكاملين
الطالباب (هارون) يبدو انه سافر لمصر لدراسة الاعلام
الكسمبر اللعوته النوبه المسعوديه ومن قري اخري
كانت لنا علاقات ممتده
لكم ولجميع اهلنا بالطالباب التحايا
وحافظوا علي هذا التخطيط

الصديق المحترم عبدالرحيم العبيد...
يا نديدي وود كاري...تحياتي
كان الزمان نديا،المدارس منارات علم،وبوتقات انصهار وتمازج..
هارون مصطفي النجومي..
درس الحقوق بالقاهرة الام..
وعاد ليصير محاميا ضليعا..
ثم كالكل تلقفته المهاجر منذ دهر دهير..
هو الان مستشار قانوني بالسعودية ليهو ضل لشركة ضلها بكل
العالم...
هارون ياهو ذاتو سماحة خلق وخلق..
ذوق ولطافة ،،وشهامة وكرم حاتمي..
ماحج حاج اواعتمر اوجاء زائر جدة...
الا وكان هرون ملاذا وسكنا..
لكل مسافر وقادم..
هرون صديق عزيز،،تعال الخاص خد هاتفه..
اما نموذجية حلتنا،،بجييك
شكرا ياخ..