العامل ده جلد البنات ديل في مطعم ماكدونالدز _ منو الغلطان

McDonald's employee beats up 2 girls - YouTube


حريف يجيب لينا فديو الشكلة الفوق دي ++ مع جزيل الشكر

أستاذ ود العبيد
سلامات والعيد مبارك عليك والأسرة الكريمة .
شن رأيك ؟
شن رأيك لمان المشكلة تدرعك في رقبتك . وقدر ما تحاول تتملص منها تتابكك .
والقانون الاسترالي قولو شنو مع زي دي المشاكل اليوماتي ؟
تحياتي
وجزيل شكري علي المساعدة

سلام
البادي اظلم

عزيزنا عمر نملة
سلامات وعيدك مبارك
وكيف ياخ حال أولاد عزيزنا الراحل د / الخواض
عليك الله بارك ليهم العيد عني .
..
الحامل حرقو الكف ثم الهجوم دأخل الكاونتر
..
تحياتي

العامل في دفاعو عن نفسو وعن محتويات المطعم أستعمل
الحديدة الطويلة بتاعت تحريك السندوتشات .
شنو الكان مفروض يعملو لحظة الهجوم ؟

تحياتي عثمان وكل عام وانتم بخير
العامل تم التعدي عليه و كون البنات اقتحموا الكاونتر دا بديه حق الدفاع عن النفس لكن المحامين أولاد لذينة بلقوا فرقة يسلفقوا ليه استخدام قوة مفرطة أو ما شابه خاصة انو عندو سجل غجرامي زي ما ذكرت المذيعة في فيديو تاني
ليت الإخوة القانونيين يفتوا لينا في الحالة دي ونتابع نشوف النتيجة الح يصل ليها القضاء

عزيزنا محمد البشري
سلامات
وكل عام وأنت وأهلك بخير وعلي خير
نعم : معاك ننتظر ناس القانون يفتونا في موضوع الجلدة .
تحياتي

فعلا البنوت عدائيات وهاجمن

دفاع عن النفس

أنا كنتا بحاول ألزهن برضو بطريقتي ودي طريقة حلوة - كويس انو جلدن ما كسّرن

سؤال : في أمريكا الكلام دا كيف؟ يعني منو الغلطان قانوناً

بفتكر ما في شي بروح ساي في أمريكا

ما زي بلادنا دي عادي المحسوبية بتحلك .. الله يصلح حالنا

الاخ عثمان .... سلام

وكل سنة وانت طيب ....

العامل استعمل حقو في الدفاع عن النفس ....
حسي الحادثه دي لو حصلت في الخرطوم
كان المطعم دا اتكسر حتة حته ....

تحياتي ,,,

ببساطة يا عثمان العامل أكل "نيم من تلاتة شجرات. شجرة السجن وتاريخ اجرامي. شجرة ماكدونالدز الاسمها "الزبون على حق". وشجرة "الفواتير". عشان كدا الحكيم قال: ما تخلي العدو يحدد ليك مكان وزمانال معركة ونوعية السلاح. اللهم أرزقنا أعصاب الحديد في بلد لو ختيت في الحيطة بتاعتك قزاز الحرامي يرفع عليك قضية ويكسب.

تحياتي

Quote: Yohann Gad · الأكثر تعليقا · University of Phoenix العبيد ياهم عبيد في اي مكان رد · · منذ ‏10‏ ساعات

ما عشان كدا سموها:

Quote: Anger Management

وحالتك قاعد في أمريكا.


أظنك حا تشوف ليك محامي قريب.

عزيزنا مجيدو
سلامات وعيدك مبارك
الناس في السودان ناس طيبين يا مجيدو يا أخوي
وبعدين المطاعم في السودان أصلها مكسره وما بتتحمل زي الكبع ده .
في بعض من الناس في بعض البلاد بتتشاكل من كتر الشبع
تحياتي

عزيزنا أستاذ عبدالحميد
سلامات
وألف شكر علي جلب فديوهات المشاكل
البتحصل 50 مره في اليوم في الماركتات و البارات والمطاعم الأمريكية .
وأنا معاك بتخيل العامل الماقدر يمسك أعصابو صف كامل حق شجر نيم + 6 أرادب حسكنيت القاضي حيقول شوية .
وممكن عادي يتردم بي عشرة سنين ,
مسكين العامل يا عبدالحميد .
جماعة ماكدونالدز الجشعين عارفين حجم المشاكل البتحصل وفي البكانات الخطرة . وكمان في أنترفيو التوظيف بختو الزول الطف
الزول البعارك زي الراح فيها ده .
...
تحياتي

Fight in Vegas Casino. Brutal Hommie fight, stantion used as weapon!

و الشكلة الفي العنوان الفوق ده .
دي كمان مشاكل الناس المقطوعين في الكازينوهات

صحيح الكامرات بتبين بعض تفاصيل الهجوم
بس برضو المحكمة تحتاج شهادة الشهود

بتخيل القانون برضو ما حيرحم البنيتين
ولو كان ملف البنات ( و س خ ا ن ) هنا المحكومية عليهن حتكون دبل .

( This cop does his job ) وعاينو الفديو ده

McDonald's Cashier Rayon McIntosh Beats the HELL outta two



نقاش عن ما حدث في مطعم ماكدونالدز

سلام عثمان موسى
تسلم على الاهتمام باسره اخي الراحل د. محمد الامين. ابشرك انه ابنه الاكبر تخرج
بتفوق من كلية الطب جامعة مامون حميده . الحمد لله.
موضوع الاعتداء على شخص اثناء العمل خاصه الاعمال التي تتطلب الاحتكاك بالجمهور
يكون رد المعتدى عليه عنيف ويصعب السيطره عليه وذلك عن تجربه.
عملت بعد التخرج موظفا بالبنك الاهلي السوداني وكنت حينها في قسم الحسابات الجاريه
وماسك دفتر يسمى بدفتر اليوميه وفيه كل الحركه اليوميه من العمله المحليه والصعبه والبنوك
والمقاصه والشيكات الراجعه والخ..... يعني من الساعه الثامنه صبحا الي الرابعه عصرا وذلك في احسن الاحوال
بكون مركز بدرجه لا تحتمل اي سهو لان ذلك يعني ارباك حسابات قسم الكمبيوتر والموظف
المختص بمقاصة البنوك. المهم في عز هذه التنشنه واحد من الكاونتر خارج عن طوره. قلت لبتاع الامن خليه
يدخل واجلسته بجوار مكتبي وطلبت ليه ليمون بارد. وبحاول اهديه واعرف الموضوع من اصله.
موضوعه انه مفروض يستلم شيك راجع وان يوقع المدير بانه شيك راجع عشان يستخرج
امر قبض وقال انه ( البت) اخدت الشيك واتاخرت قلت ليه قسم الكمبيوتر بشتغلوا الشيكات الراجعه
اخر اليوم بعد الساعه الواحده لانه ممكن في اي لحظه تتدخل فلوس لصاحب الشيك الراجع وعندها
تستلم فلوسك بدل الشيك الراجع. واغلب الظن ان زميلتي بتحاول تقنع ناس الكمبيوتر ان يعملوا استثناء لشيكك
ودا سب التاخير. والراجل( لابس كرفته واخر اناقه وعرفت لحظتها انه ابن اكبر مساهم في البنك)
مصر على السب واللعن وقال البت قليلة الادب بتمشي مشاوير فارغه وانا اقول ليه اسفين ياسيد
حقك علينا وناديت على احد العمال انه يناديها تجي توضح ليه الحاصل. وبالفعل اتت بسرعه ومعاها الشيك
وقالت ليه اسفين على التاخير وعايزه تشرح ليه القصه بس هاجمها بكل سباب الدنيا بما فيها انها منطلقه وماعندها
ولي و و وووو. البنت انفجرت فيه ورمت ليه الشك في وجهه ومشت. مازلت بحاول اسيطر على الوضع وشلت
الشيك لاسجله في دفتري. بس الوجيه فقد ذمامه ابو رشمه وبداء شتايم وبكل برود بقول ليه حقك علينا
والان شيكك جاهز اي طلبات اخرى؟ فاذا به يقول لي انت قليل ادب! قلت ليه شكرا. لكن مازال مصر يوصل المشكله
لمكان ما في منه رجعه وبكل صفاقه مدى يده تجاهي وضربني فوق راسي بيده وانا منكب على الدفتر . عليك الامان
الراجل وعصير الليمون وكل الشيكات والكراسي وانا ذاتو فوقه وبضربه بصوره هستيريه وكل البنك
بيحاول يرفغني منه فوقه. شفت كيف اللحظه دي يصعب السيطره على النفس.
معذور كل من يعتد عليه اثناء ضغوط العمل
.

أخينا العزيز عمر نملة
سلامات
السودانيين طيبين في التعامل حتي في دأخل البنوك .
يعني زي العميل الأنت خليتو يدخل معاك دأخل الكاونتر مكان القروش والشيكات .
لو ده حصل في البلد دي .. كان البنك كلو قيامتو قامت .
البنوك هنا الكامرات بتباريك من نزولك من عربيتك ودخولك وحركتك وتصرفاتك ومشيتك .
زولك زول الخرطوم محظوظ ولمالو في عيال حلال .
لو عمل ربع حركاتو المهببة دي هنا زي ما قال : البرنس . كان أكلو شجرة نيم .
تحياتي

يا هداك الله: إنت في أمريكا ولسة مليان بحكاية (عبيد). خليك من القانون ويده الطويلة كما يقولون, وخليك من حكاية رفع تقرير بلا إنسانيتك لناس الفيس بووك, لكين خليك في منطقك دا "بمعنى إنت ذاتك في نظر المتخلفين من الأسياد هناك عب وبنضارة كمان). ونزيدك الطنقعة البتعمل فيها دي لو لا نضال أهلنا التاريخي المرير هناك جامعة فينكس دي كان أقرب ليك تشوف شحمة أضانك دي كان تخشها يا أحد رعايا أوباما الأبوه كان ممنوع يمشي لمطاعم البيض ويركب مواصلاتم. وبعدين ياخ إنت تاعب نفسك مالك وجاي تنبذ فينا. لو مريض نفسي عادي أمشي الدكتور. لو عندك مشكلة شخصية مع واحد من أهلنا أمشي صفيها. لأنو كلمة عبد دي بقت ما بتهزنا من زمان. خلاس ع جب انا أغنية "خداري البحالي ماهو داري. عشان كدا قوم لف بحروريتك من غير مطرود. قلنا في الأول ممكن تكون ضحية جهل. جبنا ليك تلاتة فديوهات عشان تشوف إنو فقدان الأعصاب ما زي ما بتقول "حركات عبيد". ياخ إنت ضيعت زمني كتير.

عزيزنا مجاهد
سلامات
شايف يا مجاهد . ؟
أكيد البت المهاجمة ندمانة . ما كانت فاكرة العامل متخرج جديد من ( الكللية ) السجن .
ده أسمو دق العيش .
حاول أتفرج في الفديو التاني وتابع تحليل البت بتاعت درأسات الأصلاحية .

سلامات عثمان موسي

صاحب الحوش بكري ابو بكر

نافذة الفيس بوك دي غير مضبوطة بالمرة

فيها أساءت بالغة ياخي ، أرجو ان تكون هنالك حل لهذا العبث

عزيزنا صلاح الدين
سلامات
ومرحبتين حبابك
أنا غايتو حدي في البوستات كلمة رد .
تحياتي

زي المشاكل دي بتحصل يوماتي في أمريكا وحلها بكون عند المحامين الكبار
بس المشكلة لا العامل لا البنتين المهاجمات عندهم قدرة تشغيل محامي نوع أبو 700 دولار في الساعة .
وفي حالة زي دي ما بتخيل شركة الماكدونالدز حتدفع للدفاع عن العامل الشفط النيم .

000