ياجماعة ،،،موضوع عاجل والله،،حماني الليلة النوم،،وامكن العيد...

Post: #1
Title: ياجماعة ،،،موضوع عاجل والله،،حماني الليلة النوم،،وامكن العيد...
Author: عبدالعزيز عثمان
Date: 07-27-2014, 00:47 AM

ياجماعة ،،،موضوع عاجل والله،،حماني الليلة النوم،،وامكن العيد...
اولا بالله ده شعب مش يستاهل الذيو....
الموضوع...
اسف اذا كان الموضوع خارج النص ..
بس لand#65276;مانة ما قادر انوم بسببو انا شاب سايق
ركشة ..
في الحقيقة ركب معاي راجل وزوجتو ومعاهم
طفلة صغيرة ... ركبو معاي من سوبر ماركت
اسمو
التسامح في المعمورة .. قالوا لي انهم ماشين
موقف
جبل اوليا جمب جامعة افريقيا .. لمن نزلتهم
واتحركت
ما انتبهت ل انهم نسو كيس فيهو مand#65276;بس جديدة
واحذية بتاعت اطفال ... وحاجات شكلها غالي
جدا ...
والناس ديل شكلهم ساكنين جهات جبل اوليا دي
and#65275;نهم
ركبوا من هناك ... وانا بصراحة الموضوع حرقني
شديد
and#65275;نو الظروف صعبة وكدا وحتي انهم كانوا
مبسوطين
انهم خلصو من قصة فرحة اوand#65275;دهم وكسوتهم وحتي
شكلهم كانوا بتكلموا عن غand#65276; اand#65275;سعار ... عايزكم
تنشروا الموضوع ده
في صفحتكم يمكن نلقى زول بيعرفهم and#65275;نو
الحاجات
دي
قيمتا ما بتقل عن 700 او 800 وده رقم تلفوني
0919922294 ...
منقول

Post: #2
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: عبدالعزيز عثمان
Date: 07-27-2014, 01:22 AM
Parent: #1

اما ما افرحني فحقيقة رغم كل شئ فنحن بخير....
رغم اللصوص المتخمين
والفاسدين
ما المني وجع صغار هذه الاسرة وخيبة املهم
وحزن الام والاب
الممكن يكونو باعو خاتم لفرح عيالهم
علي كل انا نزلت للزول في صفحة الفيس الفيها الخبر ماياتي....
ممكن زول ادينا راي،وله ناس الحوش مشغولين...
عيك الله اسع في خبر استاهل اذيعوه في الاذاعة وله التلفزيون اهم من ده،ياخي بالله ده مش اهم من عشره حلقات حسين خوجلي،ومية ساحات فدا،،،اسمع امش التلفزيون،بطل شغل تب باكر لمن تلم في الناس ديل،،اسمع يوميتك علي،،امش ياخ شوف حسين ده ذاتو كلمو امكن مرة اسو ليه حسنة في مساكين،،،والله صحي....

Post: #3
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: nour tawir
Date: 07-27-2014, 01:27 AM
Parent: #2

يا عبدالعزيز عثمان...

جزاك الله ألف خير..
وفعلا نحنا بخير..
الموضوع دا حينّكد عليك العيد لو ما عالجته..
لذلك أنا من رأيى تمشى التلفزيون وتحكى لهم الحكاية..
وما تخّليهم ألا لمن يعملوا نشرة فى التلفزيون...
وكذلك الاذاعة..
رايك شنو ؟

Post: #4
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: عبدالعزيز عثمان
Date: 07-27-2014, 01:53 AM
Parent: #3

شكرا يانور ،،،عيدك مبارك...
هسع عليك الله سواق الركشة ده مش يستحق احتفو بيهو...
في هذا الزمن العجيب يقبض البسطاء علي القيم...
ويبيع المتخمين كل شئ...
يخادعون في تصاميم انشاء الطرق فيهلك الملايين...
في الكباري والمصارف فيشيلنا السيل...
في ابنية المستشفي والمطار
عطاأت فاسده
رشوة وموت ضمير...
يباع كل شئ....
ولكن البسطاء لازالو بخير
هذه الشعب عملاق
ويحتاج لعمالقه ليقودوه...
يانور.....
الزول سواق ركشة صاحي الضمير...
انا لا اعرفه...
الموضوع في الفيس نقلتو ....
منتشر ع كل الصفحات..

Post: #5
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: الطيب شيقوق
Date: 07-27-2014, 07:35 AM
Parent: #4

عزو

نور

كل عام وانتما بالف خير

Quote: الموضوع دا حينّكد عليك العيد لو ما عالجته..
لذلك أنا من رأيى تمشى التلفزيون وتحكى لهم الحكاية..
وما تخّليهم ألا لمن يعملوا نشرة فى التلفزيون...
وكذلك الاذاعة..
رايك شنو ؟

يا بت تاور عزيز دا معاكم في أمريكا علا يتصل تلفونيا

بعدين البشوف محن ناس غزة دى تهون عليه مثل هذه الابتلاءات

Post: #6
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: مهيرة
Date: 07-27-2014, 10:52 AM
Parent: #5

سلام ياعبد العزيز والعيد مبارك عليكم

فعلا سواق الرقشة دة يستحق يحتفلوا بيه

ويارب ابو العيال يلاقيه قبل العيد

Quote: هسع عليك الله سواق الركشة ده مش يستحق احتفو بيهو...
في هذا الزمن العجيب يقبض البسطاء علي القيم...
ويبيع المتخمين كل شئ...
يخادعون في تصاميم انشاء الطرق فيهلك الملايين...
في الكباري والمصارف فيشيلنا السيل...
في ابنية المستشفي والمطار
عطاأت فاسده
رشوة وموت ضمير...
يباع كل شئ....
ولكن البسطاء لازالو بخير
هذه الشعب عملاق
ويحتاج لعمالقه ليقودوه...

Post: #7
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: بله محمد الفاضل
Date: 07-27-2014, 12:48 PM
Parent: #6

سلام يا عُبد
وقلنا نشارك بسفن آب
أقلاهو

ثم ثانياً
كتابتك الأولى كتير منها هيروغلافي
غايتك بالعافية حتى عرفنا الموضوع
...

سلامي واحترامي ومحبتي

Post: #8
Title: Re: ياجماعة ،،،موضوع عاجل والله،،حماني الليلة النوم،،وامكن العيد...
Author: الطيب شيقوق
Date: 07-27-2014, 12:50 PM
Parent: #7