شكوى لعناية السيد العميد عمر البشير رئيس الجمهوريه

السيد العميد عمر البشير رئيس الجمهوريه
السلام عليكم ورحمة الله وبعد
اقدم لك شكوى عن اهالى قريه السيال الصغير حلة صغيره شال بيوتا السيل تعرف يا ريس ليه عشان عشان انت جيت اتنفخت وسويتلك كبرى عند راس حلتم ومهندسنك قفلو مجرى السيل بمدخل الكبرى وشارع الاسفلت الطالع منو السيل دا بجى من بدرى قبال ما اسرتك تنزح الى بلدنا ويمكن قبل ما يولدو جدك السيل بجى بنزل البحر صاح الناس بتترس المويه عشان ما تكسر الحيشان وتهدم ادبخانات الجامع لكن المره دى ظلتك وكبريك لانهم مااتعملو بى اخلاص ومن غير تخطيط وفى اراضى الناس المساكين الكانو بياكلو منها عيش حبسو مياه السيل فقام ارتد على حلة فرح وهدم كل البيوت الا المسجد وبيتين تلاته فضلو واقفات كنت داير اقولك تعال اغرملنا بيوتنا ديل من مخ راسك الغليد دا لكن خفتا الناس يزعلو منى ويقولو لى دا مهما كان اكبر منك لكن بقولك وبكل ادب واحترام تعال شيل ظلتك وكبيريك ديل وفكنا منهن وريحنا عشان نقوم نعمل نفاير نبنى بيوتنا راجعات ونضمن انو السيل لامن يجى راجع السنه الجايه ينزل مكانو الطبيعى
السيد الرئيس سامعك قبلى كم يوم قلت انك مسئول من اربعه وتلاتين مليون امام الله يوم القيامه وقلت انك حاتقبل ربك نضيف عندى ليك سؤال عليك الله ياريس الاقنعك بالكلام دا منو وعليك الله بجيب الناس البألفولك الكلام الشاعرى الجميل المتل دا من وين
اشتكى اليك يا عمر لانك مسمى على زول موهين والناس ديل هسع الان نايمين فى العراء ومعهم اطفالهم ونسائهم وامهاتهم وكلهم يدعو عليك الله لاغزا فيك بركه ولاتاجرك وانت تدعو فى تهجدك اوفى تراويحك جالسا على كرسيك فى جامع ابوك فى كافورى اللهم اغننى بفضلك عمن سوالك فاى الدعوات سوف تجاب ياايها السيد الرئيس

Quote: اشتكى اليك يا عمر لانك مسمى على زول موهين والناس ديل هسع الان نايمين فى العراء ومعهم اطفالهم ونسائهم وامهاتهم

ود عمى كل عام وانت بخير
وده الرجل القال لو ان بغلة عثرت على شط العراق عليه رضوان الله
اسمعت اذ ناديت حياً يا الجعلى لكن عيييييك،،،

يا موج الحل شنو الناس يمين بايتين مع الغنم فوق القيزان الزعلنى جاهم المحافظ ضبحولو كبش قلتلن ان شاء الله ماينفعو
تسلم يا ابن عمى والله ندعو للحاجه الوالده فى كل تراويح وتهجد ربنا يكملها الصحه ويبلغا الشفاء الكامل

Quote: يا موج الحل شنو الناس يمين بايتين مع الغنم فوق القيزان الزعلنى جاهم المحافظ ضبحولو كبش قلتلن ان شاء الله ماينفعو تسلم يا ابن عمى والله ندعو للحاجه الوالده فى كل تراويح وتهجد ربنا يكملها الصحه ويبلغا الشفاء الكامل

ود الجعلى شكراً على الدعوات الطيبات الصادقات للوالدة وان شاء الله فى ميزان حسناتكم
يا زول لعل اهلنا فى الصلوعاب ما اتضرروا من كبرى السجم ده يا حليل بنطونا كان معدينا
بى عرباتنا وغنيماتنا وكان فى اقل شى 200 نفر بياكلو عيش منه من طلب المتحصل الليل البنطون
لحدى ناس الاكشاك وستات المررو، غايتو السوتا الانقاذ فى بلدنا ما اظن تمرق، تحياتى
للاهل بالسيالين كبير وصغير ومتمة وشطيب وشكابه وصلوعاب من هنا لا عندهم،،،

والله ياصديق قطع ارزاق الاف ميتين بس والله خلاهم لافين زى المروحه الله لا كسب ناس الانقاذ دنيا لا اخره دمرو اى حاجه سمحه وناس الصلعاب رجال تمام والله من افاضل اهالى النطقه لكن السوها ناس الانقاذ رقدت ياموج ان شاء الله نشوف فوقم يوم بركة قبايل العيد

http://www.aljazeera.net/programs/newsreports/2014/7/27/%d8%...88%d8%af%d8%a7%d9%86

يا ايها السيد الراعى بعد حفرالناس عرفو انو الظلط كان مفروض يكون فيهو مجموعه من الكبارى والمزلقانات عشان تصريف السيول لكن لحسوها الجماعه النفذو المشروع لكن اهلنا قرروا يزيلو اجزاء من الظلط بعداك نرجو ان تخاطب ناسك ديل يجو يتحللو ويرجعو عشر اللغفوهو والناس مستعدين لدفع العجز وعافين ليهم الاكلوه ولانهم على يقين ان التحلل يجب ماقبله لك الحمد اللهم ان سلط علينا عبدك عمر البشير اللهم ان لم يكن بك غضب علينا فلانبالى

السيد الرئيس والله العظيم لو الواحد مابخاف من ربنا يجى يلم فيكم يطلع ديشكم راكب بعض وتنقد الرهيفه الحيوانات والله مابتعمل عمايل ناسك ديل ياخى الناس ديل بتعزلوهم كيف وتختوهم للناس فى دين رؤسينهم المرة دى واحد خاتو لينا محافظ فى المتمه لما فى قافلة الاغاثه القطريه قالهم ادونا الحاجات الجبتوها وبنوزعا بى طريقتنا داير يشيلا يبيعا للمساكين الله لا يوفقو دنيا لا أخره قطع قسمة الاف المساكين وفيهم من بات القوا اه القطرين وكت رفضو يدوها ليهو احماهم يوزعوها قامولملمو حاجاتم ومشو اها القطرين ديل مش اصحابكم معناهو عارفينكم ######انين ومعفنيين ومابثقو فيكم نحن نشكيكم لى منو لانو الله مابتخافو منو
حسبنا الله ونعم الوكيل فيكم كلكم واخص بالذكر السعيد عثمان الشيخ محافظ المتمه

[IMG]

[/IMG]

[IMG]
[/IMG]

ان شاء الله ياعمر بركة اللا نام ولا اكل الطعام السويتا فوق اهلنا المساكين نشوف اثارا فيك فى الدنيا قبال الأخره انت وكل من وليته عليهم

تعرف يا سودان ريبل الزول لما يكون مابخاف من الله تشتكيهو لله مابخاف مره كنا ممسوكين ومعاى شباب سنة 95 جانا ضابط كبير قلنالو دايرين نصلى قال انتو لو الله دا ماعارفنو حق الحكومه لودايرين تصلو قولو ياستى عشه وبطلو الجرسه

فى زيارة مفاجئه وصل الرئيس السودانى عمر بن البشير الى قريتنا صباح اليوم وبعد ان صلى معهم الفجر بشرهم بان مجموعه من المهندسين فى طريقهم الى القريه والقرى المجاوره ووعد بالاشراف المباشر على العمل بنفسه لكن قبل مااعرف باقى التفاصيل صحيت من النوم على صوت شادن تصرخ طلبا لتغير الحفاظ فما كان منى الا ان ايقظت امها لانو جنى وجن تغير الحفاظات

اتنين مليون لولاية نهر النيل عليكم الله مابتخجلو دى مابشيلها اى معيرصه فيكم يقضيبا ايجازه فى محل سياحى الله يحرق دين اهلكم شوية حوش ململمين من وين ماعارف

والله فعلا ماساة والصورة تحكي حجم الضرر الكبير الذي لحق بالناس ..
والله كان خلوا الناس بدون الكبري ده ما كان حصل الضرر الكبير ده ..
لكن هي الانقاذ ..
مسخت كل شئ جميل وجعلته قبيحا .. لانها اوكلت الامر الى غير اهله ..
وما حدث في شوارع وطرق وكباري ..
ظلت الانقاذ تمن بها على الناس شئ يندى له الجبين ..
فساد رهيب وشوارع بدون مجاري سيل وان وجدت فيه لا تسع المياه ..
الله لا يوفقهم ..
شردوا الناس من البيوت التي تاويهم وتسترهم ..
عشان عايزين ينهبوا ليهم شوية قريشات ..
ياربي الناس دي ما قابله في يوم حساب وقيامة وآخره ..
اللهم احسن خواتيمنا ..
واستر على عبادكـ ..
ولا تسلط علينا من لا يخافكـ ولا يرحمنا ..

شكرا جزيلا ليك ياجمال وصدقا لى كلامك انو ديل الدين اخر اجندتهم كل الفالحين فيهو دينيا زواج المثنى وثلاث ورباع وماعدا ذلك يسنى فى الكتب لحين ضروره
بعدين نحن الاذانا انو لهطو القروش كلها وكمان شالو اراضى المساكين لانو الايام دى البياكل نص القروش ممكن الناس تحترمو لكن ناس كبرينا ديل ندعو عليهم ليل نهار ان شاء الله يلقو فى روحم وفى وليداتم

up