Post: #1
Title: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 03:43 PM
Parent: #0
و تستاهلي يسمعك العالم كلو
( أرجو التكرم بوضع أغنية سألتو عن فؤادي ) بصوتها السمح
|
Post: #2
Title: Re: يا فاطمة عمر حقيقة صوتك سمح و غناك مرتب وكلو في السلك
Author: عبد المنعم سيد احمد
Date: 07-20-2014, 04:27 PM
Parent: #1
|
Post: #3
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 04:41 PM
Parent: #2
والله يا عبدالمنعم . رماني بي نبالو عندها ترويك من عطش عشرين سنة .
|
Post: #4
Title: Re: يا فاطمة عمر حقيقة صوتك سمح و غناك مرتب وكلو في السلك
Author: عزالدين محمد عثمان
Date: 07-20-2014, 05:40 PM
Parent: #3
سلام عثمان وضيوف البوست ورمضان كريم
والله ماقلت الا الصح ..البنت دي غنايه غنايه غنايه شديد
والله انا مرات بسمعها بالساعات من اليوتيوب..باقي لي نحن
بره البلد فتره طويله..وانا بعتبرها من اجمل واقوى الاصوات
الظهرت مؤخرا.. واتمنى ان يتبناها بعض الشعراء واهل التلحين
لتكون لها اعمالها الخاصة..
ولكم مودتي
|
Post: #5
Title: Re: يا فاطمة عمر حقيقة صوتك سمح و غناك مرتب وكلو في السلك
Author: خالد علي محجوب المنسي
Date: 07-20-2014, 06:17 PM
Parent: #4
تسلم طبلت أدنك يا ود موسى عِتمان
وهاك من أجل الحب رائعة السنجك عثمان حسين
فاطمة عمر من الأصوات التي تستحق وقفة طويلة
وفي أنتظار رأي سعادتو عمر حســــــن
|
Post: #6
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 06:38 PM
Parent: #4
مرحبتين كابتن عزالدين
عارفك يا أخوي حالك من حال كتير من المهاجرين .
ومافي زول بقدر علي قشط سقط كندا ده بدون صوت زي ده يدفي الجو ويبخر عجاج الجليد .
ياخ الحمد لله علي دي الأصوات البتطلع في بلدنا .
|
Post: #7
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 06:57 PM
Parent: #6
عزيزنا خالد
ياخ مشكور كتير .
عان المقطع البقول : أنت فاكر تاني .. أرجع ليك وأعاتبك .
في المقطع ده يا خالد البت دي زي الدايره تقول للراحل عثمان حسين ( نم قرير العين يا سيدي ) عليه الرحمة .
تحياتي
|
Post: #8
Title: Re: يا فاطمة عمر حقيقة صوتك سمح و غناك مرتب وكلو في السلك
Author: ترهاقا
Date: 07-20-2014, 08:05 PM
Parent: #7
الاخ عثمان سلام
لمتين حنقعد نشجع التقليد والمقلدين؟ حقو ما نديهم فرصة إلا بأغانيهم الخاصة وإلا الساقية حتكون مدورة
في الفلك القديم حيث لا جديد
ولك الود
|
Post: #9
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 08:30 PM
Parent: #8
عزيزنا أستاذ ترهاقا
سلامات ورمضان كريم
أكيد حنظل زمن طويل مكهربين ومشحونين شحن تقيل بي أبداعات الرموز .
هسع عليك الله يا ترهاقا يا أخوي ( أنت فاكر تاني أرجع لك وأعاتبك ) دي حتي الجيل الخامس عشر حيتخارج منها كيفن ؟
..
والقصة دي مافي السودان بس .
تعال أركبليك مواصلات في أمريكا ياخ أي هدفون تقليد يا ويتني يا توباك .
... فاطمة عمر صوت مريح .
ليك التحية والشكر أخ ترهاقا
|
Post: #10
Title: Re: يا فاطمة عمر حقيقة صوتك سمح و غناك مرتب وكلو في السلك
Author: لؤى
Date: 07-20-2014, 08:31 PM
Parent: #1
سلامات يا عثـمان
ورمضان كريـم
عارف ؟
لو ما كتبت وكلّو فـي السّلك دي
كنت مشّيت الـموضوع
أنا كنت ناوي أكتب عنّـها فـي يوم
لكن
عشان نقدي ما يكون هدّام
ويكون فعلاً بنّاء
تغاضيت عن أمر الكتابة عنـها
لأنّـي ما متابعـها شديد
كتابتـي عنّـها كانت ستكون بسبب الآتـي
فاطمة مشكلتـها قد تكون عدم الـحفظ
وزيادة الطّين بلّة
بالغناء بعد الكتابة علـى اليد
والقراءة من الكف
وبالطّبع هذا أمر لا يـجوز فـي دنيا الإحتراف
وكـمان قدّام الكاميـرات
لـي عودة إن وددت إثباتـي لـمداخلتـي بالدّليل
مودّتـي
|
Post: #11
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 09:26 PM
Parent: #10
عزيزنا أستاذ لؤي
سلامات ورمضان كريم
لا لا والله نقدك أصلو ما حيكون هدام . وأنت زول فنان ومعروف
اكيد الشباب الزيها حيستفيد من توجيهاتك .
وبعدين حقو أي مشارك في أي عمل فني ما يلتفت لي كلفتات معدين البرامج و الحلقات بدون أكتمال عملية التجريب والترديد
والحفظ .
.. ليك التحية يا أستاذ لؤي
|
Post: #12
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 10:53 PM
Parent: #11
يا عبدالمنعم ويا خالد
كدي أجدعولينا منها تاني تسجيل
|
Post: #13
Title: Re: يا فاطمة عمر حقيقة صوتك سمح و غناك مرتب وكلو في السلك
Author: عمر علي حسن
Date: 07-20-2014, 11:11 PM
Parent: #11
يا منسي
وانت تضعني في هذا المحك .. وانا رجل عجوز ومحظوظ بما متعني الله به من كل جمال
وهبه ربي للسودان وحبا جيلنا وبعض من جاؤا بعدنا بارتشاف حبابه واستنشاق اريجه ودعاشه
وارتياد سماوات فنه وتمييز عذوبة اصوات فنانيه النادرة والتي لن تتكرر بعد رحيلهم .. فاني يا
صديق لا اشكو من حرمان كتبه ربي عليّ الا استسيغ ما يقدمه بعض ابناء جيلنا من تشويه
وازهاق لروح ذلك الزمان .. تحت اي اسم او لون
الغنا يا اخي سمح في خشم سيده .. ولكل غناي زمانه .. ولكل لحن اناؤه ..
مات بالامس محمديه .. وسبقه بزمان الخواض ثم علي ميرغني .. وبقي بعدهم الكمان يبكي
في ايدي المقلدين الذين حصروا انفسهم في ترديد ما قدمه السابقون ولم يقدموا لاجيالهم ما
يرشد الي زمان جديد وكمان يغني .. فصرنا نسمع سلخا لالة كانت تسيل رقة وعذوبه
فاصبحت تصيح .. اغيثوني ونسمع صريرا يصم الاذان ..
وسيبقي من نري مع برامج التقليد الخالية من التجديد والابداع ابعد ما يكونون عن الفن وعن
الفنانين الذين يشوهون اغانيهم باصواتهم التي لا تتميز بادني ميزات الصوت النابع من عمق
بيئه ومن جوف انسان اغدق عليه ربه بصوت كصوت وردي وصوت سيد خليفه او عثمان
حسين او ابراهيم عوض او حسن عطيه او الكاشف او احمد المصطفي او عبد العزيز داؤود
او محمد الامين .... هؤلاء لا يقلدهم احد .. فلم يات منهم احد من خلال التقليد .. وهؤلاء لم
يقل لهم احد بصوته الاجش ابدعت يا الضرس ... هع هع هع هااااااااع ..
قل لهم كلهم .. ولهذه البنية .. هاتوا ما عندكم .. في ماعونكم .. ولا تعندوا علي اموات نجلهم
ونجل فنهم .. كلمة كلمة .. ولحنا لحنا .. فلا اصواتكم تشبه ولا اداؤكم يطابق ما ترددون من
اغاني الغير .. ولعلكم اذا جئتمونا بفنكم نجد فيكم عزاء عمن فقدنا ..
وللاسف فانه لم تعد هناك سلطة لضبط هذه الفوضي ومنع وصول الاراجوزات الي مراقي
اصحاب المواهب .. المبدعين حقا ..
اما برامج الطوطحانية .. واداء المهرجين فمكانه السيرك .. وقعدات السكاري .. ففيه عمد
لافساد الذوق .. وقتل الطموح والابداع ..
ابحثوا عن تسجيلات الراحلين وقدموها للناس ليطربوا حقا .. وامنعوا العدوان عليها بهذا
الشيوع المفسد .. فهذه مثل الاثار ينبغي حمايتها .. ولا فرق بين هولاء ولصوص الاثار الذين
تدفع لهم الفضائيات نظير ظهورهم المثري لصناعة الاعلان التي تعتمد عليها فضائياتنا ..
ولا ازيد
وسامحوني فللفن قدسية لا يجب اجتياحها بهذه الضراوة ..
عمر علي حسن
|
Post: #15
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-20-2014, 11:53 PM
عزيزنا أستاذ عمر
سلامات
حولا .. والله ما تتخيل فرحتي بي مداخلاتك وكتاباتك قدر شنو .
وأنت الرياضي الشامل و الكاتب الشامل والفنان الشامل زول صابح صباحات نهر العطبراوي دميره وهو نازل دأفر العود والصندل .
زول سمع ساكسفونات ناس الدرديري جلال وعبدالله دينق شاقات أنصاص ليالي عطبرة الحلوة .
زول سمع ترجمة مديح القادرية في كدباس ودوبيت العكادة و رنين أجراس الكنايس في السودنة .
زول تابع العطبراوي وأحمد فحل وموسيقي بوليس الشمالية ودأفوري الحصايا .
الخروج يا أستاذ عمر من فن الزمن العشتو زمان صعب .
الخروج من السودان القديم السمح الممسح حلاوة وطراوة صعب .
أي فنان شاب يا أستاذ عمر لو نهرتو وقلتلو لا تقلد بابكر الذكار في أغنية قطار الشوق متين ترحل
حيتمرد عليك ويقدم لللوتري عشان يمشي يقلد ليك MARVIN GAYE جيلك يا أستاذ عمر سجن المستقبل كلو .
تحياتي وجزيل شكري
|
Post: #16
Title: Re: يا فاطمة عمر حقيقة صوتك سمح و غناك مرتب وكلو في السلك
Author: يحي قباني
Date: 07-21-2014, 02:23 AM
Parent: #14
عثمان موسي يا صاحب ...
احيي فيك حبك و تشجيعك للشباب المؤدي ...
و فاطمة عمر مجتهده لكن ينقصها الكثير جدا ...
و المشكلة في المؤديين الجدد انو لا دايرين يطلعوا من ( إجترار ) أغاني الرواد ...
لا دايرين يغنوها زي الناس ...
المرحوم بادي محمد الطيب سُئل عن دمعة الشوق لكرومة
فقال انو شايف انو الناس بقو يغنوها بطريقة غير صحيحة
قال الغنا الزي ده لازم يغنوهو بطريقته القانونية
أو كما ( أنزلوها ) سرور - كرومة و الأمين برهان
_________________________________________________
وهنا بقوم أهديك الطريقة القانونية لسألتو عن فؤادي ... وأهداء خاص لسعادة اللواء
|
Post: #17
Title: Re: يا فاطمة عمر حقيقة صوتك سمح و غناك مرتب وكلو في السلك
Author: Osman Musa
Date: 07-21-2014, 03:21 AM
Parent: #16
عزيزنا أستاذ قباني
سلامات
ومشكور وأنت الزول المهتم والمتابع الشاردة والواردة في دروب الغناء .
فاطمة عمر جد صوت جميل وياريت يبتعدوا عنها المكلفتين الخلف الكواليس .
وتمسك الطريق الصاح
الاستعجال ما حبابو
|
|
