Post: #1
Title: بورداب القاهرة وما جاورها فطوركم كيف ... أنا بكرة عندكم إن شاء الله لأول مرة في التاريخ
Author: معتز القريش
Date: 07-16-2014, 03:14 AM
Parent: #0
سوف يقلع الطائر الميمون المقل لسعادتنا اليوم الأربعاء ليلا من الدوحة متوجها الى ارض الكنانة
لمرافقة الوالدة العزيزة وحضور العملية الجراحية المقررة لها يوم الخميس ليلا
نسألكم الدعاء لها بالشفاء والصحة والسلامة وثبوت الاجر ان شاء الله
وصول مطار القاهرة باذن الله ومشيئته صباح الخميس .
نرجو الحرص على الحضور
وما تنسوا فرش السجاد الأحمر
|
Post: #2
Title: فوق
Author: صلاح غريبة
Date: 07-16-2014, 03:48 AM
Parent: #1
مرحب بالقامة معتز في ارض الكنانة ونتمنى للوالدة عاجل الشفاء .
صلاح غريبة - بورداب القاهرة (جناح التغيير)
|
Post: #3
Title: Re: فوق
Author: معتز القريش
Date: 07-16-2014, 03:59 AM
Parent: #2
Quote: مرحب بالقامة معتز في ارض الكنانة ونتمنى للوالدة عاجل الشفاء .
صلاح غريبة - بورداب القاهرة (جناح التغيير) |
اللهم آمين
تسلم يا صلاح وياها المحرية فيك
|
Post: #4
Title: Re: فوق
Author: معتز القريش
Date: 07-16-2014, 03:51 PM
Parent: #3
بورداب القاهرة ماتو ولا شنو ؟؟؟
|
Post: #5
Title: Re: فوق
Author: Tragie Mustafa
Date: 07-16-2014, 03:55 PM
Parent: #4
العزيز معتز القريش الف سلامه للوالده وربنا يتم عليها نعمة الشفاء
ــــــــــ
يا صلاح غريبه بطل استهبال
انت يا راجل ناسي انك كل يوم نابحنا بمنجزاتك في الخرطوم
بقيت بعاتي ولا شنو؟! هههههه عالم غريبه!
ــــــــــــــــــــــــــ
يا معتز لكن ما تقول لي جننته الرمادي جن
حتي الشراب يجنن هههههههههه ربنا يحفظك
ي الاناقه لقيتك 100% ربنا يحفظك عيني بارده.
|
Post: #6
Title: Re: فوق
Author: عادل الباهي عبدالرازق
Date: 07-16-2014, 04:00 PM
Parent: #5
الف لا بأس علي الوالدة يا معتز
نسأل الله ببركة هذا الشهر المبارك أن يمن عليها بالصحة والشفاء التام والعاجل وماتشوف شر يارب .
|
Post: #37
Title: Re: فوق
Author: معتز القريش
Date: 08-12-2014, 01:23 PM
Parent: #6
العزيز عادل الباهي
تقبل الله دعاءك وجزاك الله الف خير
|
Post: #7
Title: Re: فوق
Author: معتز القريش
Date: 07-16-2014, 04:02 PM
Parent: #5
العزيزة تراجي أم حازم
| Quote: العزيز معتز القريش الف سلامه للوالده وربنا يتم عليها نعمة الشفاء |
بارك الله فيك اللهم آمين
Quote: يا صلاح غريبه بطل استهبال
انت يا راجل ناسي انك كل يوم نابحنا بمنجزاتك في الخرطوم
بقيت بعاتي ولا شنو؟! هههههه عالم غريبه! |
ههههههههههه بالغتي مع صلوح لكن
Quote: يا معتز لكن ما تقول لي جننته الرمادي جن
حتي الشراب يجنن هههههههههه ربنا يحفظك
ي الاناقه لقيتك 100% ربنا يحفظك عيني بارده. |
بس (عسان تآمنو) ههههههههههههه
|
Post: #8
Title: Re: فوق
Author: معتز القريش
Date: 07-18-2014, 05:35 PM
Parent: #7
والله عاد يا بورداب القاهرة الفيكم اتعرفت
ولا حتى ترحيب ؟؟؟؟؟؟؟؟؟؟؟؟؟؟؟
|
Post: #9
Title: Re: فوق
Author: Tragie Mustafa
Date: 07-18-2014, 05:45 PM
Parent: #8
| Quote: بس (عسان تآمنو) ههههههههههههه |
آمنا يا ود القريش هههههههههههه .
|
Post: #10
Title: Re: فوق
Author: معتز القريش
Date: 07-20-2014, 10:17 PM
Parent: #9
رقمي في القاهرة
01067547541
|
Post: #11
Title: Re: فوق
Author: محمد المسلمي
Date: 07-20-2014, 10:42 PM
Parent: #10
ودالقريش من العائدين يا صاحب آمنا ربنا اديها العافية ويرجعها في صحة وسلامة
--------------
بورداب القاهرة غير حبيب نورة وصلاح غريبة
في كم مرة ذهبنا لها للعلاج يعمينا ماشفناهم
ولاسمعنا بيهم أظنهم تطبعوا بطبع المصاري (:
|
Post: #12
Title: Re: فوق
Author: Deng
Date: 07-20-2014, 10:53 PM
Parent: #11
الأخ معتز القريش.
أنا كنت داخل البوست ده بي رأي.
لكن عندما وجدتك مسافر بصحبة الوالدة فلإعطيناك الأمان.
تمنياتي للوالدة بالعلاج والشفاء السريع.
وكل عام وأنت بخير.
لغاية ما ألم فيك في ركن تاني.
|
Post: #13
Title: Re: فوق
Author: cantona_1
Date: 07-20-2014, 11:52 PM
Parent: #12
الآخ معتز القريش بعد السلام
سلامة الوالدة وربنا يديها العافية والصحة الكاملة
لكن ما دام ناس كايرو ما رحبوا بيك ندعوك لتكملة المشوار وتصلنا في لندن وسنقابلك في مطار هيثرو ولكن لعلمك الفطور الساعة 12.20 م بتوقيت الدوحة.
رمضان كريم. زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
|
Post: #14
Title: Re: فوق
Author: عادل ابراهيم احمد
Date: 07-21-2014, 09:37 AM
Parent: #13
تحياتي يا معتز ..مشتاقين ياخي..
بالله طمنا على الاخ برير وعلى الوالدة عساهم ملكوا الصحة والعافية..
تحياتي
|
Post: #15
Title: Re: فوق
Author: Haju Muktar
Date: 07-21-2014, 11:00 AM
Parent: #14
بورداب القاهره عملتوها واضحه ....ولا حتي كشكرة ..ترحيب
معتز ...ربنا يكتب الشفاء للوالده
بالجنبه كده ...حقو تسحب البوست ده وشوف ليك عزر لبورداب القاهره بكونوا مشغولين بي سباق الزمن
|
Post: #16
Title: Re: فوق
Author: د.محمد بابكر
Date: 07-21-2014, 02:50 PM
Parent: #15
الاخ معتز ربنا يكتب الشفاء للوالده..
|
Post: #18
Title: Re: فوق
Author: baha eassa
Date: 07-21-2014, 08:58 PM
Parent: #16
مرحب بيك يااخ معتز وفي انتظارك ومعانا الرقم ان شاء الله .. والمعذرة لان دخول المنبر بقي بالايام يعني مازي زمان .. ..
|
Post: #22
Title: Re: فوق
Author: معتز القريش
Date: 08-06-2014, 01:25 AM
Parent: #18
| Quote: مرحب بيك يااخ معتز وفي انتظارك ومعانا الرقم ان شاء الله .. والمعذرة لان دخول المنبر بقي بالايام يعني مازي زمان .. .. |
تسلم أخوي وأنا ما زلت في القاهرة
|
Post: #21
Title: Re: فوق
Author: معتز القريش
Date: 08-02-2014, 10:39 PM
Parent: #22
Quote: مرحبا معتز القريش
وربنا يكتب سلامة الوالدة
مع خالص امنياتى لها بعاجل الشفاء |
بارك الله فيك اخي قاسم المهداوي
|
Post: #20
Title: Re: فوق
Author: معتز القريش
Date: 07-29-2014, 04:10 AM
Parent: #12
Quote: الأخ معتز القريش.
أنا كنت داخل البوست ده بي رأي.
لكن عندما وجدتك مسافر بصحبة الوالدة فلإعطيناك الأمان.
تمنياتي للوالدة بالعلاج والشفاء السريع.
وكل عام وأنت بخير.
لغاية ما ألم فيك في ركن تاني. |
تسلم أخوي دينق
والحمد لله الوالدة نجدتني ههههههههه
الى اللقاء في ملف آخر
|
Post: #19
Title: Re: فوق
Author: معتز القريش
Date: 07-29-2014, 04:01 AM
Parent: #11
| Quote: ودالقريش من العائدين يا صاحب آمنا ربنا اديها العافية ويرجعها في صحة وسلامة |
تسلم يا ود المسلمي وكل عام وانت والأهل بألف خير
Quote: بورداب القاهرة غير حبيب نورة وصلاح غريبة
في كم مرة ذهبنا لها للعلاج يعمينا ماشفناهم
ولاسمعنا بيهم أظنهم تطبعوا بطبع المصاري (: |
ربنا يكون في عونهم ربما مشغولين
|
Post: #23
Title: Re: فوق
Author: محمد المسلمي
Date: 08-06-2014, 03:57 AM
Quote: وغادرت انت الحفل الى ( مستشفى مصر الدولى ) بالدقى ـ جوار مسرح المناسبة
|
وانت بعد ذلك قمت بالواجب !!!!!!!
--------
القصد هنا ليس عتاب لأنني ياقاسم لااعرفك
ولم أتشرق بك من انت وهل بتعرف الواجب ام لا
بس عشان ودا لقريش يبلع البوست ده (:
|
Post: #24
Title: Re: فوق
Author: معتز القريش
Date: 08-06-2014, 08:21 PM
Parent: #23
| Quote: بس عشان ودا لقريش يبلع البوست ده (: |
ههههههههههه
والله بلعتو نااااشف يا المسلمي يا أخوي
أمي عملت 3 عمليات آخرها كان أمس
ما شفت لي زول من بورداب القاهرة
الشكر والتقدير للأخوان كمال سالم وأمير طمبل
زاروها مرتين ...
والحمد لله رب العالمين
|
Post: #25
Title: Re: فوق
Author: حبيب نورة
Date: 08-09-2014, 10:08 PM
Parent: #24
معتز القريش تحياتي وألف سلامة للوالدة وربنا يواليها بالعافية
وتأكد ما جابني للبوست ده لومك، وبعرف إنك عشمان ومن حقك علينا نقيف معاك ونزورك ونطمئن على صحة الوالدة الكريمة
بس أولاً المنبر ده أنا طولت منه ويمكن لفترة طويلة جداً ما كتبت ولا كلمة ولا علقت وبالتالي ما قاعد أقرأ
تبرّع أحد الأخوان وأداني خبر عن البوست وجيت فتشتو، وكده
باقي التفاصيل البورد ليس مكانها، سأتصل عليك وبنتفاهم
مع إنك رسلت لي من الدوحة طالباً رقمي ولم أتردّد وتوقعت إتصالك
عموماً ربنا يكتب سلامة الوالدة وتقبل أسفي وإعتذاري
|
Post: #26
Title: Re: فوق
Author: cantona_1
Date: 08-09-2014, 10:37 PM
Parent: #25
الأخ معتز القريش السلام عليكم ورحمة الله وبركاته .. شفى الله الوالدة وأخذ بيدها
هاك العذر الاكلشيه وما تتعب روحك بعده: (انا .... بوردابي صميم أعيش في مدينة أم طرقاً عراض.. لم اسمع بزيارتكم لمدينتنا الجميلة ولم اسمع بمرض والدتك شفاها الله والسبب هو أنني منذ مدة لم ادخل البورد لأن الدخول للبورد صار مش ولابد... وأنا طبعاً كما تعلم جد مشغول بصفتي مديراً لبنك أم طرقاً عراض للتمويل....) على اليمين اي زول بقول كدا كلامه ما صاح .. شغالين شنو غير القعاد في المقاهي الناصية الحديث في الناس الرايحين وجايين؟
يا زول ما تتعب روحك وأضرب الهم بالفاقة .. البجيك مرحب بيهو والما بجيك بارك الله فيهو
من فضلك زر قناتي في اليوتيوب واشترك فيها
http://www.youtube.com/user/KabbashiSudan
كبـّاشي الصافي
|
Post: #28
Title: Reأبو نورة
Author: معتز القريش
Date: 08-10-2014, 07:31 AM
Parent: #25
الغالي حبيبا
| Quote: عموماً ربنا يكتب سلامة الوالدة وتقبل أسفي وإعتذاري |
لا اسف بين الإخوان يا غالي
من حقي اعشم فيكم ولأني اول مرة اجي القاهرة
ما كنت خايف قلت عندي ضهر والعندو ضهر ما بنجلد على بطنو
لكن الجهل وعدم العلم وفقد الأخوان خلاني أنجلد على بطن أمي الأغلى من بطني
المهم عذركم معاكم يا أخوي ورسالتك في الواتس أب وصلت ورديت عليها
وحبابكم ألف
|
Post: #29
Title: Re: فوق
Author: محمد المسلمي
Date: 08-11-2014, 06:47 PM
Parent: #28
Quote: والله بلعتو نااااشف يا المسلمي يا أخوي
أمي عملت 3 عمليات آخرها كان أمس |
و دالقريش امنا الله يرفعها ًيديها العافية وبعد مابلعت حقو تسحبوا عديل وانت أظنك طولت وماقاعد تتابع ام حازم تراجي مصطفي هنا في المنبر وانا اول مرة اتفق معها في بوست وفاة أخونا بهنس الله يرحمه
--------------
وبعدين أخونا المرحوم بهنس ده توفي في القاهرة
هنا حيث انت فتحت بوست عريض طويل عريض
والمرحوم كان محتاج الي من يلبسه فنيلة برد
او من يأويه من البرد القارس ديل عليك الله
في زول بلومهم خلي الامر واسحب البوست
|
Post: #30
Title: Re: فوق
Author: بدر الدين اسحاق احمد
Date: 08-11-2014, 09:02 PM
Parent: #29
يا شافى يا معافى ترفع والدة الاحباب السمؤل ومعتز فووووووووق وتحكرها فى اعلى درجات الصحة والعافية ...
|
Post: #36
Title: Re: فوق
Author: معتز القريش
Date: 08-12-2014, 01:01 PM
Parent: #30
| Quote: يا شافى يا معافى ترفع والدة الاحباب السمؤل ومعتز فووووووووق وتحكرها فى اعلى درجات الصحة والعافية ... |
اللهم اميييين تسلم يا بدر الدين
|
Post: #32
Title: Re: فوق
Author: أيمن الفاضل
Date: 08-11-2014, 09:26 PM
Parent: #29
Quote: وبعدين أخونا المرحوم بهنس ده توفي في القاهرة
هنا حيث انت فتحت بوست عريض طويل عريض
والمرحوم كان محتاج الي من يلبسه فنيلة برد
او من يأويه من البرد القارس ديل عليك الله
في زول بلومهم خلي الامر واسحب البوست
|
أها ده الكلام الغلط
إنت مش قاعد في الخرطوم؟
فيها مشردين زي المرحوم بهنس
كل المشردين مسؤولة منهم الحكومة
ما سمعناك تلوم الجهة المسؤولة وجاي لي ناس ما عارف ظروفهم تتهمهم
Quote: على اليمين اي زول بقول كدا كلامه ما صاح .. شغالين شنو غير القعاد في المقاهي الناصية الحديث في الناس الرايحين وجايين؟
|
كلامك شين يا كانتونا والله
.....................................................................................
يا معتز ألف سلامة للوالدة
البوست ده ما في داعي يستمر
حيجيب مشاكل
|
Post: #34
Title: Re: فوق
Author: معتز القريش
Date: 08-12-2014, 01:53 AM
Parent: #32
الشكر والتقدير للأخ العزيز / حبيب نورة
شرفتنا بزيارتك والحاجات اتبسطو جدا بالونسة والقصص
أسأل الله أن يحغظ غواليك وما تشوف شر في عزيز لديك
|
Post: #35
Title: Re: فوق
Author: محمد المسلمي
Date: 08-12-2014, 07:17 AM
Parent: #34
العزيز ابوالسجاد سلام لاتحزن علي مايقوله السفهاء هناء فمنهم المريض وفاقد الوعي بالجنو ن ومنهم فاقد عقله
بشراب الخمر ومنهم فاقد عقله كعقد من المجتمع والرضع الدوني الذي يشعر به فوالدتك عليها رحمة الله تعالي
هي والدتنا وتفخر بها انها انحبتك انت وأخوتك واخواتك نشهد لكم بفعل الخيرات ونعم الأدب الذي يشبه أدب
السلف الصالح كما سمعنا به فهذه الاسرة الصالحة من تلك الام الذي خلف الله علي أولادها وبناتها البركة
والخير لعملها الصالح الذي شهد به كل من عرفها او عاشرها ورحم الله والدنا العم العزيز اسحق احمد له
الرحمة والمغفرة ونسال الله ان يعفو عنا اننا شاركنا مثل هذا المريض في هذا المكان ونقول له لن نترك لك
هذا المكان حتي تملأه صديد وعزرا من بطنك الن تنة التي تخرج كل ماهو قبيح وس خ لايشبه أحد الا
مثلك قبحك الله ياقاسم المهد اي وعليك من الله ماتستحف فأنت هنا دميم الخلقة ولاتملك من الأخلاق اي
صفة ولايوحد ماتوصف به الا انك عالة وعار علي كل ابن او ابنة من أبناء هذا الوطن
------
انت ياقاسم قال رقبتك بعد
|
Post: #38
Title: Re: فوق
Author: أسامة خلف الله مصطفى
Date: 08-12-2014, 05:36 PM
Parent: #35
| Quote: معتز القريش تحياتي وألف سلامة للوالدة وربنا يواليها بالعافية |
أمين يا شافى يا كريم
|
Post: #39
Title: Re: فوق
Author: Abd Alla Elhabib
Date: 08-12-2014, 05:44 PM
Parent: #38
سلام يا معتز
نسأل الله أن يشفي الوالدة
ويعافيها ويطمنكم عليها.
|
|