أمريكا تغزو أحياء الخرطوم الفقيرة - صورة

الانسانية لا " دين " لها

تقودهم حكومتهم للجوع
ويجتهد " الكافر راجل الكافرة ود الكافرة " في انتشالهم من الجوع
وفقير الخرطوم هذا لاصوت له في انتخابات واشنطن ..
ولكن واشنطن تحتويه في الشهر المبارك وتقدم له ما اقتلعه سدنة النظام منه ....

السفارة الامريكية بالخرطوم توزع اعانات غذائية للاسر الفقيرة بالخرطوم


وقبل اسبوع تقريبا امتلأ الاسفير بصور افطار نائب السفير الامريكي بقرية الكباشي " عرضا "
وقالو انه أنبهر من الكرم ...
تداخلت وقلت لم ينبهر
وكيف ينبهر وهو سليل الكرم
وربما يكون ما اتناوله في الكباشي بقايا عيش ريغن


انبهر لاكرامه هو وحده
فدعونا ننبهر لان امريكا تكرم اغلب العالم

ديل بكون بدبروا ليهم في مكيدة

الأخ العزيز \ ناصر ..

تحياتي وتقديري ..

فعلآ يا اخي الانسانية لا دين لها .. وانا بعتبرها حكمة اليوم .

( الانسانية لا دين لها ) .

سلمت اخي ناصر .


ولي قدام ..

ديل الكفرة
امريكا قد دنا عذابها
لا لدنيا قد عملنا
بني علمان اعداء الدين و الانسانية

اختنا منى اي انسانية تتحدثين عنها مقارنة بما قاموا به من قتل وسحل وتشريد في العراق وافغانستان وغيرها من دول العالم التي اشبعوها حصارا ودمارا .. قالت انسانية.. والله ياهو

د الباوقة سلام ..

Quote: اختنا منى اي انسانية تتحدثين عنها مقارنة بما قاموا به من قتل وسحل وتشريد في العراق وافغانستان

انتوا المسلمين !!! السلموا منكم ناس دارفور وجبال النوبة ومجزرة كجبار وشهداء سبتمبر وعازماك لكل
البوستات الفاتحاها بخصوص مشروعكم الحضاري الاسلامي !! ليه ما مشيتوا انتوا واديتهم الاجوهوا ليهم
الامريكان ..
ود الباوقة ( ان دعتكم مقدرتكم علي ظلم الناس فتذكر مقدرة الله عليكم )
ود البتوقة احسن ليك تتوب وترجع لي دين ربك .. واتقي الله في نفسك وفي
الشعب السوداني البقي يستغاث من قبل الامريكان . اتقي الله يا ود الباوقة .
اللهم اشهد اني قد بلغت .

Quote: ديل بكون بدبروا ليهم في مكيدة

هههه
لا ياسيدي أطمئن مافي مكيدة فيه مستلزمات العصيدة
رمضان كريم ياباوقة

Quote: الأخ العزيز \ ناصر .. تحياتي وتقديري .. فعلآ يا اخي الانسانية لا دين لها .. وانا بعتبرها حكمة اليوم . ( الانسانية لا دين لها ) . سلمت اخي ناصر . ولي قدام ..

الاخت منى ... نعم لا دين للانسانية وان كان للانسانية دين فهو " امريكا "
رمضان كريم

Quote: ديل الكفرة امريكا قد دنا عذابها لا لدنيا قد عملنا بني علمان اعداء الدين و الانسانية

الغالي محمد بدوي

نعم ديل الكفرة " ابو الكفرة"
يسرقوها المتاسلمين والكفرة يسدو الفرقة
رمضان كريم

Quote: ديل بكون بدبروا ليهم في مكيدة

Really, you made my day




الشغيل

اسلام السودانيين هو ال بدخل الناس الاسلام
السفير القبلو احب اهل الله ناس سبحة اللوب وده ان شاء الله ما قنعنا منو
الانسانيه هي الدين الحق ويا اللوبه وين ناسك

تشكر أخ سيف على اضافة الصورة
ابتسامة معبرة لعامل السفارة تنبيء عن سعادة بسعادة الفقراء

Quote: اسلام السودانيين هو ال بدخل الناس الاسلام السفير القبلو احب اهل الله ناس سبحة اللوب وده ان شاء الله ما قنعنا منو الانسانيه هي الدين الحق ويا اللوبه وين ناسك

اسلام السودانين تشوه اختي اخلاص بفعل غسيل دام ربع قرن

رمضان كريم للجميع

Quote: ناصر حسين محمد .........من قال لك إن "الانسانية لا دين لها"؟ تصرف هؤلاء الناس ليس بريئا أنت وأمثالك يهللون له نكاية في النظام الفاسد بس ما تلوى الحقائق..ثم إن قلنا إنه تصرف إنساني صادق - وهذا مستحيل- فهو نابع من منطلق ديني برضو.........(((فدعونا ننبهر لان امريكا تكرم اغلب العالم )))) .....وإنت عايز تنبهر أكثر من كدا كيف يعني؟ تملص هدومك وتجري في الشارع واللا شنو؟ إنا لله وإنا اليه راجعون

الاخ سليمان من الفيس بوك
رمضان كريم ياغالي
برضو هاجس المؤامرة
ياخ اتقي الله ... دارفور كلها عايشة على امريكا والاغاثات ومسلمين الخرطوم الحاكمين بامر الله يمتطون الفارهات ويسكنون العلالي
يازول الانسانية لادين لها وان كان لها دين فهو امريكا

امريكا بتبهر بالكتير وماشوية لو جرية مملص هدومي

Quote: أوعى تكون إنت قاعد فى أمريكا وبتقول زى كلامك دا وقاعد تلهط فى ( ماكدونالد ) مع ( الفرنش فراى بالكتشب أب) والأسوأ يكون تم منحك الجنسية الأمريكية .. يجب على السلطات الأمريكية الحذر منك ووضع خطين أمام إسمك !

الاخ يوسف
رمضان كريم
انا قاعد مع الغبش ديل
لكن عندي دعاء ثابت " اللهم اخرجني من القرية الظالم اهلها "
واكون سعيد للغاية لو كنت في امريكا