ربيع طه في معركة بالسكين بسبب حاله "سخيفة" في تشاد

يا ربيع يا خوي دي لا كوميديا ولا حاجة!!!

نعم بالفعل انها حالة سخيفة..

ياخي يا ربيع موضوع الكاميرا الخفية يخضع في المقام الاول للفكرة. وأنا عارف إنو الحصول علي الفكرة ما ساهل وتنفيذها أيضا ما ساهل..

مشكلتك الكبيرة إنك إنت عايز تكون في قلب الفكرة..
إنت عايز تكون المفكر وصاحب الفكرة..
إنت عايز تكون إنت المنفذ للفكرة..
إنت عايز تكون مركز الفكرة...

إنت عايز تكون كوميدي في كاميرا خفية والقصة دي ما بتجي...

أفكارك أصبحت مستهلكة ومعروفة وأحيانا سخيفة ولا علاقة لها بالكوميديا
إستهلكت أفكارك في السودان...
وإستهلكت أفكارك في مصر....
وإستهلكت أفكارك في سوريا...

وحسع قاعد تحرق في ورقك في تشاد...

ده كله لأنك داير تكون كوميدي في كاميرا خفية، داير تكون ممثل كوميدي في كاميرا خفية...
ياخي إنت عندك مواهب ممتازة لكن ممكن توظفا بصورة ممتازة تقدم عمل كوميدي ممتاز..


ياربيع مامكن تضع الضحية في حالة خفية لتحاول إظهار كوميديتك..
هنا لازم تحترم كرامة البنى آدم، طريقة كلامو، خوفو، شعورو،
هو لازم يستمتع معاك بروح الدعابة، والنكتة والدهشة في حالة الكاميرا الخفية..
لكنه لا يرضي الإستهزاء به وجعله مضحكة للناس في حالة سخيفة...

يا ربيع لا تستغل بساطة الناس في تشاد وعدم معرفتهم بحقوقهم لعرضهم بهذه الطريقة...

يا ربيع ما تصر تكون إنت مركز الفكرة زي برنامح "حوش ربيع"
ما تكون أنانى في العمل الكوميدي "حوشي براي، حقي براي"...شنو ياخي حوشك براك


ياخي دي ما كوميديا والله دي ترجيديا وبتبكى أكتر من إنها بتضحك

كان ممكن ان يذهب ضحية لهذ التهور الذي يسميه كاميرا خفية

هذه الفكرة مسروقة من أفكار الشندويلي و إبراهيم نصر
ويمكنني إثبات ذلك

ربيع ليس له أدني حس فكاهي
ــــــــــــــــ
الحليلة

Quote: نعم بالفعل انها حالة سخيفة..

Quote: كان ممكن ان يذهب ضحية لهذ التهور الذي يسميه كاميرا خفية

فعلا كان راح في شربة موية. يقول لي الراجل حمضتك طلعت مره؟

Quote: ربيع ليس له أدني حس فكاهي

مشكلته بفتكر إنه هو الفكاهي ومفروض هو يضحك الناس

والله الله مرقو منها..
لا يعرف ثقافات الشعوب...
هذا استفزاز شديد ومفاجئ. وقف ثقافتنا في حلالنا تقول لي جواك مره ،،الزول ده اهبل مش ممثل ياسيف.
حتي لو بهزر

لكم التحية
أنا ما عارف ليه الاصرار على فهم أن الكاميرا الخفية ما بتظبط إلا بالاستفزاز واثارة الغضب؟!
بل اثارة الاستغراب والتعجب والخلعة والحيرة واشياء كثيرة هي ما تجعل من المسألة فن ممتع
بدلاً من الشغب و الضجيج ...

Quote: حتي لو بهزر

ياخي يا عبد العزيز ربيع ده قال بهزر مع زوول تشادي آخر في حالة سخيفة تانية قال ليهو شنو؟:

قال ليهو "إنت دائر كلكلة؟، أكلكلك ولاشنو؟"

غايتو الزوول طلع ما عندو سكين؟؟

واضح من خلال المقطع الحبكة والترتيب المسبق للمشهد ويظهر ذلك من خلال عدم مقاومة التشادي
لربيع طه بعد إمساكه بالسكين

واضح من خلال المقطع الحبكة والترتيب المسبق للمشهد ويظهر ذلك من خلال عدم مقاومة التشادي
لربيع طه بعد إمساكه بالسكين

بكل صراحة

اغبي ممثل واسخف برنامج كاميرا خفية

والان اكتملت سخافته بمايسمي ( حوش ربيع )

والله العظيم في راي لا اسخف من ربيع طه الا ربيع طه

سلامات سيف

يا اخوانا مالكم قمت علي الود دا !

والله انا شايف الزول دا عندو امكانيات ما بطالة مقارنة بامكانياتنا كسودانيين !- بس محتاج لمساعدة و تطوير في الاخراج و تنفيذ الفكرة وبعض الحاجات كدة !



سلامات اليزل

انا شايف اجمل ما الموضوع ده
اختيار المكان
افريقية
تشاد
انتشارنا في الفضاء الافريقي
السنة الجاية في شرق افريقية
يلا انتشروا
واكيد حلنقى قبول اكتر من مصر وسورية
وبكدة حنكذب نظرية المزروعي
راس اقريقية وضنب العرب
شكرا لربيع
لانك بترسم الفكاهة
وشكرا
لانك لاختيارك المكان

Quote: لكم التحية أنا ما عارف ليه الاصرار على فهم أن الكاميرا الخفية ما بتظبط إلا بالاستفزاز واثارة الغضب؟!.

ربيع كورك في الزول ده عشان يقنعوا إنو صورة المرة دي حقتو..

ربيع لو قعد عاين للحالات الخفية في اليوتيوب كان إستفاد وأفاد..

رمضان كريم يا منتصر....

Quote: واضح من خلال المقطع الحبكة والترتيب المسبق للمشهد ويظهر ذلك من خلال عدم مقاومة التشادي لربيع طه بعد إمساكه بالسكين

يا سفيان لو تخمينك ده صحيح يبقي الموضوع بايظ من أساسه...

Quote: والان اكتملت سخافته بمايسمي ( حوش ربيع )

حوشو هو براااو...هههه

رمضان كريم يا هارون دياب

Quote: والله انا شايف الزول دا عندو امكانيات ما بطالة مقارنة بامكانياتنا كسودانيين !- بس محتاج لمساعدة و تطوير في الاخراج و تنفيذ الفكرة وبعض الحاجات كدة !

هيثم طه
كيفنك

هي لكن هو ما مدي الناس فرصة عشان يدوه راي ويساعدوه..ربيع داير يكون هو دائماً قدام الكاميرا...

الأخ العزيز \ سيف سعد .

تحياتي ..

والله يا سيف مافي شئ نقولو غير حمد الله علي سلامته الزول دا ههههههه .


ولي قدام ..

الشتائم نوع أغبى ممثل دي لزومها شنو
انقدوا العمل بدون اساءات شخصية
ورمضان كريم

Quote: انا شايف اجمل ما الموضوع ده اختيار المكان افريقية تشاد انتشارنا في الفضاء الافريقي السنة الجاية في شرق افريقية يلا انتشروا واكيد حلنقى قبول اكتر من مصر وسورية وبكدة حنكذب نظرية المزروعي راس اقريقية وضنب العرب شكرا لربيع لانك بترسم الفكاهة وشكرا لانك لاختيارك المكان

علاء الدين
بتفق معاك مبدئيا في مسألة الخروج لدول الجوار.
لكن بكون كويس لو نجضنا حاجاتنا جوه المطبخ بتاعنا بعداك نطلعا ونطلع معاها بره..

Quote: الشتائم نوع أغبى ممثل دي لزومها شنو انقدوا العمل بدون اساءات شخصية

الرجاء الإلتزام بمداخلة نادر..

يانادر

رمضان كريم

Quote: الشتائم نوع أغبى ممثل دي لزومها شنو انقدوا العمل بدون اساءات شخصية

والقال ليك كلمة غبي دي شتيمة منو .....؟

دي صفة ....

تصف احدهم بالذكاء

والاخر بالغاباء

وربيع طه غبي في نظري

عارف ليه......

لانو دخل مجال ما مجاله

واساء استخداموا....!!!!

يبقي ذكي ولا غبي ......؟

حوش ربيع خصم كتير من رصيد ربيع الكوميدي ... لا فكرة لا سيناريو
ربيع نجض حاجاتك كويس الشعب السوداني دا ما اي حاجة بتضحكه

Quote: حوش ربيع خصم كتير من رصيد ربيع الكوميدي ... لا فكرة لا سيناريو ربيع نجض حاجاتك كويس الشعب السوداني دا ما اي حاجة بتضحكه

Quote: والقال ليك كلمة غبي دي شتيمة منو .....؟ دي صفة .... تصف احدهم بالذكاء والاخر بالغاباء وربيع طه غبي في نظري عارف ليه...... لانو دخل مجال ما مجاله واساء استخداموا....!!!! يبقي ذكي ولا غبي ......؟

سبحان الله
يطلع ربيع طه غبي!
اللهم الزمنا الصبر
علي هذا الدراب الغريب جداً

طه جعفر

شكرا يا سيف علي البوست
اولاً
الاستاذ ربيع طه
رجل فنان و ممثل قدير و شاعر مرهف و انسان جميل جداً
يعني عشان هناك في سكين و طعن تطلع الفكرة سخيفة
طيب في الكاميرا الخفية التي اوردها الاخ الغالي منتصر عبد الباسط
الفكرة مخيفة و قاتلة و ليتخيلها أي واحد فيكم ! فكرة انك تكون مشتبه و مطلوب و لا عشان عند خواجات
المهم هذا هو سودانيزاونلاين فيهو الحب و القبول و الاحترام علي الله
و ليس له قانون
انا حقيقةً زعلت منكم يا شباب في الكلام غير الجميل الذي قلتوه في ربيع طه
و ربنا يسامحكم

يا هو دا سودانيزاونلاين نعمل شنو!
يعمل من الفسيخ شربات و من الخرا ايسكريم (ربنا يكرم السامعين)
و يحول الورود و الجمال إلي حجارة و اوساخ
هذا هو سودانيزاونلاين و ربنا يسهل

Quote: لكم التحية أنا ما عارف ليه الاصرار على فهم أن الكاميرا الخفية ما بتظبط إلا بالاستفزاز واثارة الغضب؟! بل اثارة الاستغراب والتعجب والخلعة والحيرة واشياء كثيرة هي ما تجعل من المسألة فن ممتع بدلاً من الشغب و الضجيج .

عيب يا منتصر من ربيع طه سخيفة و من الخواجة ظريفة
عيب يا شباب
عيب
و الله عيب

طه جعفر

حقيقة حاله سخيفة وتلفزيون اسخف

ربيع فنان مبدع ومتميز من أيام الهيلوب
وكان يقدم شعر كوميدي جميل
لكن المشكلة في تداخل المهام وتبسيط المسائل التي هي غاية في التعقيد
المشكلة حينما يكون الممثل هو المعد وصاحب الفكرة وكاتب النص و السناريو
وهو المخرج وهو كل شي ....ويحصل اللك والعجن ..
أول كاميرا خفية شاهتها في تلفزيون السودان كانت افضل مما يقدم في التلزيونات العربية
ولكن مشكلتنا أن نحب أن نقلد العرب دائماً ...ولا نعتمد على افكارنا المحلية ..
إذا لم يعتقد المبدع أنه يمكن أن يقدم افضل مما يقدمه غيره في خارج القطر فسوف لا يقدم فناً ولا ابداعاً
إذا لم نترك تقليد العرب وغير العرب ونعتمد على افكارنا وتميزنا فلا فائدة.
المفروض يطلبوا من الناس افكار ترسل لهم في بريد معين وينتقوا منها افكار ويترك للمعد دوره وللكاتب
القصة دوره ولكاتب لسناريو دوره وولمعد الديكور دوره ومهام أخرى معقدة للوصول لفن ...
رغم أنني لست من هوات الأفلام الغربية لكني شاهدت مرة في القناة الفرنسية ايام زمان في العرب سات كاميرا خفية استغل فيها التوائم بصورة مبدعة ..
في مؤسسة ومكتب معين كان هناك مجموعة داخل المكتب واحد ممثل دور الموظف على المكتب وكانت هناك موظفة تبحث في ملفات داخل الدولاب
وعميل ينتظر ...دخل عميل حقيقي ضحية المقلب وسأل عن معاملته فقالوا له تذهب يمين في أول يسار في يمين في يسار وتلقى المكتب دخل فوجد نفس
الموظف والموظفة البتدور في الملفات وذات العمبل واقف منتظر ...فاعتذر وظن انه تاه ورجع تاني فاعادوا له الوصف الذي يعود به لذات المكتب الأول ووجد نفس الناس
لمن داش وتعجب وشك في نفسو حتين شرحوا له أن ديل توائم ثلاثة كل فرده من الاجواز التلاتة في مكتب من المكتبين بذات اللبس حق الفردة التاني ...
وممكن بفكرة التوائم دي تتعمل خُلع تجنن ...أهم حاجة الخلعة ..هو الواحد بعد تخلعوا ما بتكلم ا ولا عندو حيل بعد داك يطلع سكين ولا يعمل حاجه و يخاف ويترعب ومن هنا تصنع الكوميديا ...
مثال :
لو مثلاً جبنا توأمين
واحد طلب من سواق اجرة أن يوديهو مكان وكان بيحكي ليهو عن الجن وما ادراك ما قصص الجان والقرين وما القرين ...وبعد ما نزلو قاليهو بالله امشي المكان الفلاني تجد شي معين
جيبوا لي معاك ومشى المكان البعيد نسبياً بالعربية طبعاً ووجد الراجل واخد منه الوصية وهو طالع من الدكان أو المكان وجد نفس الراجل خلفه وفي راسه قرن صغير أو بدون ...
المهم استغلال التوائم وغير التوائم واعداد افكار مثيرة ومحبوكة .

Quote: ربيع فنان مبدع ومتميز من أيام الهيلوب وكان يقدم شعر كوميدي جميل لكن المشكلة في تداخل المهام وتبسيط المسائل التي هي غاية في التعقيد المشكلة حينما يكون الممثل هو المعد وصاحب الفكرة وكاتب النص و السناريو وهو المخرج وهو كل شي ....ويحصل اللك والعجن .. أول كاميرا خفية شاهتها في تلفزيون السودان كانت افضل مما يقدم في التلزيونات العربية ولكن مشكلتنا أن نحب أن نقلد العرب دائماً ...ولا نعتمد على افكارنا المحلية .. إذا لم يعتقد المبدع أنه يمكن أن يقدم افضل مما يقدمه غيره في خارج القطر فسوف لا يقدم فناً ولا ابداعاً إذا لم نترك تقليد العرب وغير العرب ونعتمد على افكارنا وتميزنا فلا فائدة. المفروض يطلبوا من الناس افكار ترسل لهم في بريد معين وينتقوا منها افكار ويترك للمعد دوره وللكاتب القصة دوره ولكاتب لسناريو دوره وولمعد الديكور دوره ومهام أخرى معقدة للوصول لفن ... رغم أنني لست من هوات الأفلام الغربية لكني شاهدت مرة في القناة الفرنسية ايام زمان في العرب سات كاميرا خفية استغل فيها التوائم بصورة مبدعة .. في مؤسسة ومكتب معين كان هناك مجموعة داخل المكتب واحد ممثل دور الموظف على المكتب وكانت هناك موظفة تبحث في ملفات داخل الدولاب وعميل ينتظر ...دخل عميل حقيقي ضحية المقلب وسأل عن معاملته فقالوا له تذهب يمين في أول يسار في يمين في يسار وتلقى المكتب دخل فوجد نفس الموظف والموظفة البتدور في الملفات وذات العمبل واقف منتظر ...فاعتذر وظن انه تاه ورجع تاني فاعادوا له الوصف الذي يعود به لذات المكتب الأول ووجد نفس الناس لمن داش وتعجب وشك في نفسو حتين شرحوا له أن ديل توائم ثلاثة كل فرده من الاجواز التلاتة في مكتب من المكتبين بذات اللبس حق الفردة التاني ... وممكن بفكرة التوائم دي تتعمل خُلع تجنن ...أهم حاجة الخلعة ..هو الواحد بعد تخلعوا ما بتكلم ا ولا عندو حيل بعد داك يطلع سكين ولا يعمل حاجه و يخاف ويترعب ومن هنا تصنع الكوميديا ... مثال : لو مثلاً جبنا توأمين واحد طلب من سواق اجرة أن يوديهو مكان وكان بيحكي ليهو عن الجن وما ادراك ما قصص الجان والقرين وما القرين ...وبعد ما نزلو قاليهو بالله امشي المكان الفلاني تجد شي معين جيبوا لي معاك ومشى المكان البعيد نسبياً بالعربية طبعاً ووجد الراجل واخد منه الوصية وهو طالع من الدكان أو المكان وجد نفس الراجل خلفه وفي راسه قرن صغير أو بدون ... المهم استغلال التوائم وغير التوائم واعداد افكار مثيرة ومحبوكة .

يا منتصر
كلامك الفوق ده هو أفضل مداخلة إيجابية لربيع طه وأتمنى يكون شاف مداخلتك دي وياريت زوول يوصلها ليهو..

فرملة:

Quote: و مثلاً جبنا توأمين

لكن ربيع طه ده نجيب ليهو توم من ويين؟؟ هههه

Quote: مافي شئ نقولو غير حمد الله علي سلامته الزول دا ههههههه

الله سلم يا بت عمسيب

سلام و تحية ،،،

Quote: واضح من خلال المقطع الحبكة والترتيب المسبق للمشهد ويظهر ذلك من خلال عدم مقاومة التشادي لربيع طه بعد إمساكه بالسكين

الكلام ده تقراهو و بعد داك ترجع تشغل المقطع من الدقيقة 1:24 حتي 1:26 ولاحظ لنظرات الأخ التشادي.

هذا مع كامل إحترامنا للأخ ربيع لما قدمه في ظل إمكانيات محدودة جداً ،،،

لا فن ولا حتي قريب شوبة من الفن ده لو معتبرنو فن يبقي علي فن التمثيل السلام والاخ مؤدي الدور افكارو كلها مستوحاة ممن سبقوه في اداء مقالب ######افات ما يسمي بكوميديا الكاميرا الخفية من لدن المصري ابراهيم نصر والسوداني تايوتا بتاع بيروت

الأستاذ طه جعفر
ربيع طه قدم شغل كوميدي كثير جدا، لكن ما كل الشغل هو مضحك أو جيد. والهدف من البوست هو لفت نظر ربيع لعدم رضاء بعض المتابعين لأدائه في عمل حالة خفية. دايرين من ربيع التجديد وتطوير العمل الكوميدي عموما. المسألة ما مسألة الطعن بالسكين إنما المسألة هي، في وجهة نظري، عدم إحترام الشخص أمام ربيع. وإصرار ربيع في إثارة غضب ضيوفه.

منتصر عبدالباسط حاول ينتقد أداء ربيع بصورة إيجابية جدا وزاد عليها بإضافة أمثلة حية، مكتوبة و مرئية. ما لأنها جاءت من الخواجات لكن لانها مبتكرة، سريعة، بسيطة، من غير كواريك وإستهزاء. الفكرة الفي الفديو مخيفة لكن التعامل معاها ما كان بالكواريك بل كان بهدوء، حتى نهايتها كان بهدوء. مشكلة ربيع داير هو يكون في نص الكاميرا الخفية. منتصر عبدالباسط إقترح أن يكون هناك تنوع في الأداء وفي الممثلين وفي الفكرة.

بعدين يا طه، ياها دي حالة المستمعين والمشاهدين للكوميديا والغناء او اي عرض آخر،،في ناس بكونوا معجبين بالعرض وفي ناس بكونوا ما معجبين..أنا آسف جدا والله لو البوست زعلك، لكن ده لم يكن الهدف...

Quote: الدقيقة 1:24 حتي 1:26 ولاحظ لنظرات الأخ التشادي

الغمزة واضحة، لكن من الدقيقة 2:22 إلي 2:26 ربيع طه كورك كواريك شديدة خلاس...

Quote: الفكرة مخيفة و قاتلة و ليتخيلها أي واحد فيكم ! فكرة انك تكون مشتبه و مطلوب و لا عشان عند خواجات المهم هذا هو سودانيزاونلاين فيهو الحب و القبول و الاحترام علي الله و ليس له قانون

الأخ طه جعفر
أنا قصدي كان منصب في الجانب الفني الامتاعي والحبكة الفنية والكوميدية ولم اتحدث عن الضرر النفسي والاذى النفسي وغيره الذي يقع على
ضيف المقطع ... وذاك جانب آخر ليس له علاقة بالجانب الفني كلامنا كان عن العمل ومدى كوميديته أو جمالياته وفنياته.
أنا قبل مشاركتك هذه ...كتبت أن أول انتاج كاميرا خفية سوداني قدم في أواخر الثمانينات
كان جيد جداً واجمل مما يقدم في الدول العربية ولكن التقليد لما يقدم في الدول العربية هو ما احدث التراجع ...
والفن لا يكون فناً ولا ابداعاً إلا إذا كان محلياً محضاً ..
والنموذج الغربي الذي اوردته ليس ليكون مثال يحتذى ...فقط لأقول ينبغي أن يترك للكاميرا الدور الأكبر فهي سميت الكاميرا الخفية وليس المايكرفون الخفي
إذا لم تفهم وتستمتع بالعمل حتى لو استغتيت عن سماع الصوت في التسجيل اعرف أن هذه ليست كاميرا خفية ....
تستطيع أن تستمتع بالكامير الخفية الغربية وفهمها دون سماع صوت وفهم اللغة وبعضها ليس فيها صوت ولا حوار أصلاً...
أما النموذج العربي والسوداني خاصة لا تفهم شي بدون أن تسمع الحوار خاصة هذا النموذج اعتماده مائة بالمائة على الحوار وهذا يضعف من قيمته ويجعله لا يفهمه غير السودانيون والعرب.
الكاميرا الخفية مثل الكاريكاتير أجمله الذي بدون تعليق..والكاميرا الخفية هي لغة المشهد المحضة ولغة الكاميرا ...وحاجتها للحوار يدل على ضعفها وعدم كمالها.
وكما ذكرت هذه مشكلة في النموذج العربي لهذا الفن بشكل عام ... ً

Quote: الأخ طه جعفر أنا قصدي كان منصب في الجانب الفني الامتاعي والحبكة الفنية والكوميدية ولم اتحدث عن الضرر النفسي والاذى النفسي وغيره الذي يقع على ضيف المقطع ... وذاك جانب آخر ليس له علاقة بالجانب الفني كلامنا كان عن العمل ومدى كوميديته أو جمالياته وفنياته. أنا قبل مشاركتك هذه ...كتبت أن أول انتاج كاميرا خفية سوداني قدم في أواخر الثمانينات كان جيد جداً واجمل مما يقدم في الدول العربية ولكن التقليد لما يقدم في الدول العربية هو ما احدث التراجع ... والفن لا يكون فناً ولا ابداعاً إلا إذا كان محلياً محضاً .. والنموذج الغربي الذي اوردته ليس ليكون مثال يحتذى ...فقط لأقول ينبغي أن يترك للكاميرا الدور الأكبر فهي سميت الكاميرا الخفية وليس المايكرفون الخفي إذا لم تفهم وتستمتع بالعمل حتى لو استغتيت عن سماع الصوت في التسجيل اعرف أن هذه ليست كاميرا خفية .... تستطيع أن تستمتع بالكامير الخفية الغربية وفهمها دون سماع صوت وفهم اللغة وبعضها ليس فيها صوت ولا حوار أصلاً... أما النموذج العربي والسوداني خاصة لا تفهم شي بدون أن تسمع الحوار خاصة هذا النموذج اعتماده مائة بالمائة على الحوار وهذا يضعف من قيمته ويجعله لا يفهمه غير السودانيون والعرب. الكاميرا الخفية مثل الكاريكاتير أجمله الذي بدون تعليق..والكاميرا الخفية هي لغة المشهد المحضة ولغة الكاميرا ...وحاجتها للحوار يدل على ضعفها وعدم كمالها. وكما ذكرت هذه مشكلة في النموذج العربي لهذا الفن بشكل عام ...

مافي كلام يا منتصر..
نقد إيجابي جداً..

ربيع فنان
مشكلة ربيع أنه فى أغلب أعماله يستهدف البسطاء ، بالتالى تجئ ردة الفعل من بسيط إستنفذ كل صبره ودونكم مشهد الاخ التشادي
أغلب الأحداث التى تلى(المقلب) تكون فى شكلها معركة ومحاولات مستميتة لحضن الضحية وترديد "ا معاك الكمرا الخفية ...معاك الكمرا الخفية " بعد تقطيع للمشاهد و تهدئت الخواطر ويا عالم كم من الزمن أخدت!!!
كوميديا مكلفة يا ربيع ..والله ستر !

الأخ العزيز سيف لك التحية والشكر وبقية المتداخلين

Quote: مشكلة ربيع داير هو يكون في نص الكاميرا الخفية

محلولة وبسيطة وكان هناك ما يغنيه عن أعباء السفر لتشاد وغيرها
وهو (المكياج) شوية شنب دقن مستعار ولعب في بالألوان في الوجه لتغيير الملامح
أو تركيب وجه سيلكون كما كان يفعل بتاع زكية زكريا ..والفنانين والنحاتون الذين يمكن
يعملوا هذا موجودون في السودان ولله الحمد....واشراك فنون أخرى ذات صلة هو الحل
كما كانت مصر .