محن سودانيه/شوقي بدري(الشيوعين و مسح الجوخ)!

رغم اني لا اتفق مع شوقي بدري في هذا البوست تحديدا واري انه التعامل مع السيسي مفروض يكون من قبل المعارضه حتي.

لكني ساعيد نشره عشان شيوعين المنبر شايفه ام هلهله قامت عليهم

Quote: محن سودانية الشيوعيون ومسح الجوخ/شوقي بدرى زيارة السيسي للسودان كانت اكبر اسائة مؤلمة وجهت لكرامة الوطن . هذا الرجل ارسل جنوده واحتل شمال حلفا . وتبخطر في حلايب . والآن يحاول ان يمسح هوية سكان المنطقة السودانية . واعلامه يسخر من السودانيين . ولم يعتذر عن قتل الابرياء في مصطفي محمود . الانقاذ ، عندما سؤل هل وجهت له دعوة لحضور مؤتمر الخرطوم ؟ قال انه لا يحتاج لدعوة للذهاب الي السودان . وهز اك######## بطريقة فرش الملاية . واعطانا البيان بالعمل لانه ارسل جنوده لحلايب وسفك الدماء السودانية . ولقد قال نقد طيب الله ثراه عندما سألوه عن حلايب ، منو القال ليكم حلايب سودانية ؟؟؟؟؟وحتي اذا كانت حلايب مصرية ، وهذا ليس بحقيقة ، لماذا نتبرع بمساعدتهم ودماء ابنائنا لم تجف . والآن نسمع ان المتحدث الرسمي للحزب الشيوعي يحاول ان يجد العذر لتصريحات السيسي الكريهة . فحتي في الحياة الاجتماعية العادية يقدم الانسنان الآخرين ويقول ، فلان وفلان وانا . لماذ لم يقل مصر جزء من السودان ز والسودان اكبر من مصر . والمصريون لا تزال تعشعش في رؤوسهم ان البرابرة وبلاد البرابرة ملك مشروع للمصريين . من المحن الشيوعية ان البعض صار يمارس مسح جوخ المصريين . لقد قال الخال محجوب عثمان ونشر في الصحف المصرية في التسعينات ، ان حلايب مصرية . لماذا ؟؟ والخال من اصلب واشرف السودانيين . هل حصل لنا غسيل مخ ، ام استلاب ثقافي وسياسي ؟؟ نعم لقد تآمر الحزب الشيوعي مع المخابرات المصرية والقوميين العرب السودانيين ، وعلي التفكير الاشتراكي الماركسي . ونفذوا انقلاب مايو . الشيوعية ترفض الانقلابات . لان الثورة هي تفاعلات طويلة المدي . وليست حدثا عرضيا مثل الانقلاب . ولقد تآمر عبد الخالق محجوب مع مجموعة صغيرة من الشيوعيين وكانت الغلطة الاكبر وهي انقلاب هاشم العطا . ولم يعرف بالانقلاب حتي الشهيد الشفيع . وحاول الشيوعيون الاحتفاظ بالسلطة وليس لهم الكوادر والجماهير التي تسندهم للمواصلة في الحكم . ولم يكن امامهم اذا امتد بهم الزمن سوي البطش بالمعرضة . ولقد وافق الشيوعيون علي التطهير . وطرد المواطن السوداني من وظائفهم في بداية حكم المجابرات المصرية . وهذا ما طبقه الاخوان وعرف بالصالح العام . ولقد كتبت وقلت ان عبد الخالق قد صرح قائلا ,, انحنا نقعد ندرس ونتعب ونخطط . واتاري السلطة سهلة كده . هل كان الشيوعيون طلاب سلطه ؟؟ ولماذا لم يكن هنالك من اقترح ارجاع الديمقراطية ومشاركة الآخرين . ولحفظها السودان للشيوعيين . ولماذا يتخلص الشيوعيون من المصريين ، ويستعينون بالبعثيين ؟؟ وكانت هنالك الطائرة التي اتت بالبعثيين من بغداد واسقطت قبل الوصول . والمصريون شاركوا في ضرب الجزيرة ابا بعد ضرب ود نوباوي . ويعلم الله ماذا كان سيصنع بنا البعثيون . كل هذا نحاول ان نعتبره غلطات للحزب . وجل من لا يسهي ويغلط . ونفكر في امانة الشيوعيين ووطنيتهم ونقائهم . ولكن لماذا يبصق الشيوعيون الآن علي وجه الامة ؟؟ انها المحن السودانية . وكانت الاساءه السابقة عندما صرح حزب البروليتاريا وحادي الثورة ، ان الحزب لن يرحب بالمعارضة اذا اتت للحكم عن طريق البندقية . هل يريد الحزب الشيوعي ان يصل الي السلطة عن طريق الكلكلة ؟؟ كفي لقد اوجعتونا . ع . س . شوقي

عزيزتي تراجي ...
اللهم إني صائم ... ورمضان كريم...
....
....
يا أخي العتالي السابق دا روحوا محراقاهو .... وغالبوا اللي يقولوا ....
..... وكلامو خارم بارم ساكت ... وواضح إنو الصيام مؤثر عليهو !!
والأسد لما يكبر الغنماية بتلحس ضنبو !!
.....
بلاهي عليك أمسكي في اللحم الحي ... الحزب الشيوعي الآن منقسم إلى حزبين تماماً .... وليس إلى تيارين في انتظار المؤتمر السادس ...!!
تيار تصفوي وانتهازي بقيادة سليمان حامد+بابو+الكنين + بت جبرالله...الخ... هذا الجناح يسيطر على مفاصل الحزب ويهادن الإنقاذ ويتعاون مع قيادات جهاز الأمن ....
وجناح يعمل ليل نهار لإنقاذ الحزب من هذه العصابة .... ويتمسك بخط الحزب اللأساس وهو يبول الدم .... وهو مجهد ومستنزف ....
.....
وفي الحالتين لا يستقيم الظل والعود أعوج....

عمنا شوقي ماو غير رأيه فجأة و 180 درجة
زمان كان يقبل نقد آل بدري وما يقبل الكلام في الشيوعيين

عمنا شوقي ماو غير رأيه فجأة و 180 درجة
زمان كان يقبل نقد آل بدري وما يقبل الكلام في الشيوعيين

ياشيخ أسامة قلت ليك "الأسد لمن يكبر الغنماية ....."....
.....
واللا كيف؟

.

أسامه بلال

رمضان كريم

Quote: عمنا شوقي ماو غير رأيه فجأة و 180 درجة زمان كان يقبل نقد آل بدري وما يقبل الكلام في الشيوعيين

مش يمكن فعلا حال الشيوعين بقي ما بسر عدو ولا صديق؟!

الفاضل د.صلاح بندر

رمضان كريم و تصوم و تفطر علي خير

وعارف شوقي بدري رغم خلافكم مع بعض الا انه زول محل تقديري و احترامي


وطبعا هو احد المخطأين ومصرين انه انا الوصلني اسرائيل هو د.صلاح البندر هههههههههههه رغم ضحالة وخطل هذه الخلاصه لكن يظل محل تقديري.

Quote: لاهي عليك أمسكي في اللحم الحي ... الحزب الشيوعي الآن منقسم إلى حزبين تماماً .... وليس إلى تيارين في انتظار المؤتمر السادس ...!! تيار تصفوي وانتهازي بقيادة سليمان حامد+بابو+الكنين + بت جبرالله...الخ... هذا الجناح يسيطر على مفاصل الحزب ويهادن الإنقاذ ويتعاون مع قيادات جهاز الأمن .... وجناح يعمل ليل نهار لإنقاذ الحزب من هذه العصابة .... ويتمسك بخط الحزب اللأساس وهو يبول الدم .... وهو مجهد ومستنزف .... .....

اه عاد انت بتجيب المختصر المفيد

اه و حاتك نحن ما فاضين للاثنين وان كنا سندعي الله ان ينصر تيار الشرفاء او حزب الشرفاء كما قلت

لانه اكيد الاقرب لنبض الشارع بعيدا عن التكتيتات الانتهازيه الوصوليه التي صارت سلوك لاغلب الاحزاب.

يا رب هونيني كما يقول هاشم نوريت.

وعارف شوقي بدري رغم خلافكم مع بعض الا انه زول محل تقديري و احترامي


لا والله ... أنا لم أصنف ابداً العتال السابق بأنة على خلاف معي...
بالعكس تجاهلت كل المحاولات التي كانت تنوي ان تسمع رأيي في الفتوى الجائرة التي أصدرها وقتها في حقي...
وتمسكت بأنه هذا رأيه ... وله الحق في ان يقول في حقي ما لم يقوله مالك في الخمر...
وبالطبع لم أكن عاجزاً على الرد عليه...
ولكن فضلت الصمت لأنو أعرف دوافعه وقتها وأحفظ له حقه في الوقوف معي عندما احتجت له...
كما أعرف معدن الرجل... فأنا مثله ود أمدر..... وود حي العرب كمان !!

المشكلة dh jvh[d ليس في الأسد الكبر ... المشكلة في انتهازية الغنماية..!!

.

.

تراجي تبدا حملها التاديبية الرابعه
بعد ان بداتها بالمؤتمر الوطني
وعرجت على الحركات المسلحة الدارفورية
ومن ثم الحركة الشعبية شمال
واخيرا وليس اخرا الحزب الشيوعي
يا ويلك وسداد ليلك يا خالد العبيد يا قريبي

Quote: ... ...اه و حاتك نحن ما فاضين للاثنين وان كنا سندعي الله ان ينصر تيار الشرفاء او حزب الشرفاء كما قلت ...

..
.. ...تعرفي لو وفرت دعواتك دي عليكي او بذلتيها لحاجه مفيده و حلّيتي عن سماهم الاتنين ... يكون كتر الف خيرك و انشاء الله ربنا يدخلكِ الجنه مع العشره المبشرين و تبقي حداشراويه مبشّره ...ببركة هذا الشهر الكريم ...
..
..قولي ....امين ..
.
.
.امين يارب الكفار و و اليهود والمسلمين ... و اللابسين كدارات ذاتو
.
.
.
.غايتو يابكري منبرك ده... منبر العجب و العجايب ...
..
..
..
..يعني ما نصدق ...نصن يومين ...من
..
..
..الفكيين (جمع فكي) الاستراتجيين ....و.من الكُباكه و الشلاخات
..
..
..تجي ناطه لينا زوله بكدارات.............(انتي ماتمشي يسجلوكي مع العضاض الروحو محرقاهو داك لويس ساويرز في برشلونه و حتكوني اغلي منو بالمناسبه!!!) ...
..وبيكون ارحم ليكي و لينا ....بدل ما تبقي لينا ....فكيه (مؤنث فكي) استراتيجيه ...و تقعدي تهضربي ليل نهار ...بالشيوعيين ... في المنبر ....
..
..عالم وهم !!!!!
.
.
.
.
.
.
.
.
.
.
.صلاح .... ياخي والله انا متحير في صفه اراك دائما تنعت بها شوقي بدري !!!!...
..
.. عتالي ..او العتالي
..
..هي الحكايه دي عيب و اللا شنو؟؟؟؟
.لانو انا قبل كده و في مسارات الحياه بنت الذين دي اشتغلت عتالي ...
..وعشان اذا بقت عيب ... كمان الواحد يشوف ليهو طريقه يدسها او يحاول ينكرها !!!!
.
.
.
.
..
..
..
.
.يا بكري انت الناس الوهم ديل بجو من وين ؟؟؟؟؟ و بيجو كيف ؟؟؟؟؟
.
.
.
.
.
.
.
.الله هونيهم
..
..وفرجيني عليهم
.
.
.

.
.
.

Quote: رغم اني لا اتفق مع شوقي بدري في هذا البوست تحديدا واري انه التعامل مع السيسي مفروض يكون من قبل المعارضه حتي. لكني ساعيد نشره عشان شيوعين المنبر شايفه ام هلهله قامت عليهم Quote: محن سودانية الشيوعيون ومسح الجوخ/شوقي بدرى

كل الفكرة في النقل والتكرار لمجرد ام هلهلة
دي شنو الفطارة دي
وانا ما عارف شوقي بدري بكون سعيد لنقل مقاله واختزاله في فكرة ام هلهلة ؟؟
والحمد لله الذي جعل اعداء الشرفاء من صنف ام هلهلة
تخريمة
امس شايف الخور زاره بوست جامد
تسجيل خروج
وفوق ام هلهلة دي انا تاني ما بجي

الأخ هولي السلام عليك ورحمة الله وبركاته. رمضان كريم تصوم وتفطر على خير وتقبل الله صيامكم وقيامكم.
تدسها وين ما خلاص عرفناها .. كدا بقيتو 2 والحسابة بتحسب...
طبعا ما حأقول ليك أنا كمان اشتغلت عتالي عشان تقول لي بقينا 3

ياصلاح البندر ذكرت اسماء كوم المسيطرين على الحزب الشيوعي ومتعاونين مع جهاز الامن
ولكن الكوم التاني ما جبت الاسماء من فضلك ورينا ليهم
نحن طبعاً (شويعية) جناح سيدي وعاوزين نشوف نقيف مع منو؟

رمضان كريم. زر قناتي في اليوتيوب من فضلك واشترك معنا
http://www.youtube.com/user/KabbashiSudan

كبـّاشي الصافي

(العوج راي والعديل راي)