Post: #1
Title: ياقلبي مالك في دروب دلالك ... تحكم علي بعيون سعيدة .. ( ما ننوم يعني ؟ )
Author: يحي قباني
Date: 07-10-2014, 03:34 AM
حينما دوزن يومي صديقي مولانا و اتاني بهذه الدرة في مكتبة الأغنية السودانية
تاني ريده ... كلمات و الحان و غناء كابلي ( تسجيل 1974 ) ....
كأنو ... ما ضُقتَ الغرامْ
كأنو ... ما عشتَ الحقيقة
كأنو ... مادُرتَ المنامْ
كان طيفو يتعطف دقيقة
|
Post: #2
Title: Re: ياقلبي مالك في دروب دلالك ... تحكم علي بعيون سعيدة .. ( ما ننوم يعني ؟ )
Author: يحي قباني
Date: 07-10-2014, 03:42 AM
Parent: #1
تاني ريدة
كلمات عبد الكريم الكابلي
تاني تاني ريدة كمان جديدة ..
ياقلبي مالك في دروب دلالك
تحكم علي بعيون سعيدة
كأنو ... ما ضُقتَ الغرام
كأنو ... ماعِشتَ الحقيقة
كأنو ... ما دُرتَ المنام
كان طيفه يتعطف دقيقة
رغم المواعيد الكلام ..
التُهته .. في لمعان بريقه
تخلق معاذير للحبيب
وتقول كمان .. كلمات رقيقة
في بسمته .. في لفتته في ضحكته
*****
في ضي .. مواهبه ..
وحسنه .. تتمنى .. الحديقة
انا وسهادك ..
وسط عنادك ..
قُلال .. وما لاقين طريقة
نسهِّر الليل ..
والنجوم والقمرة ..
والغيمة الصديقة
ونبني آمال .. في الخيال
للغمدة والنومة العميقة
وفجأة في وسط الاماني ...
بين تاب قلبنا غنوا الأغاني نلقانا تاني ...
في ريدة كمان ... جديدة
*****
مواكب الريدة
القُدام ياغالي ...
شهوني المنام
وخوفي كان منك تعيدها
مابين ظروفنا ... الابتسام
وبين خصام الريد .. حرام
سهران عشان نعمل قصيدة
طالبين رضاك ورضاك مُحال
يالبين جفاك وصَفَاك حال
بعدين معاك كان ريدنا طال
*****
والخوف ياغالي ..
تسرح طوالي
تدخل بحورا تغرِّق آمالي
تسلك دروبا فوق إحتمالي
لكن بخاطرك زيد من مخاطرك
طول ما خطاي سايره في خُطاك
اغضب وارضى لازم اشاطرك
يا العُمري بيك حتى في خَطَاك
وكان اصلي فاني هاك كل حناني
ودوبني تاني في ريدة كمان جديدة
ياقلبي مالك في دروب دلالك
تحكم علي .. بعيون سعيدة
|
Post: #3
Title: Re: ياقلبي مالك في دروب دلالك ... تحكم علي بعيون سعيدة .. ( ما ننوم يعني ؟ )
Author: يحي قباني
Date: 07-10-2014, 03:49 AM
Parent: #2
والخوف ياغالي ..
تسرح طوالي
تدخل بحورا تغرِّق آمالي
تسلك دروبا فوق إحتمالي
لكن بخاطرك زيد من مخاطرك
طول ما خطاي سايره في خُطاك
اغضب وارضى لازم اشاطرك
يا العُمري بيك حتى في خَطَاك
وكان اصلي فاني هاك كل حناني
ودوبني تاني في ريدة كمان جديدة
قال ليها :
لكن بخاطرك زيد من مخاطرك طول ما خطاى سايره في خطاك ؟؟
يعني سجن سجن غرامه غرامه ...
ووكت جابت ليها موت ... النكملو كلو قبل ما نفوت ...
إنا لله يا كابلي ياخي ...
|
Post: #4
Title: Re: ياقلبي مالك في دروب دلالك ... تحكم علي بعيون سعيدة .. ( ما ننوم يعني ؟ )
Author: عاطف عمر
Date: 07-10-2014, 05:02 AM
Parent: #2
تحياتي وسلامات حبيبنا يحيى
| Quote: تحكم علي بعيون سعيدة |
وأنت ملك التوثيق أقول لك أن أن هذه البيت - في ظني - كان سوف يكون ( أصدق ) تعبيراً لو كان
| Quote: تحكم علي بعيون سهيدة |
سهيدة مكان سعيدة
سهيدة هى صيغة مبالغة على وزن ( فعيلة ) من كلمة السهاد أى قلة النوم
والسهاد وسهر الليل واشتهاء الغمدة والنومة العميقة واشتهائه للنوم هى من جملة من الأسباب التي دعت الشاعر يلوم قلبه على هذه ( الريدة الجديدة ) واللوم ظاهر في استهلال القصيدة ( يا قلبي مالك في دروب دلالك )
أنظر لقوله
| Quote: للغمدة والنومة العميقة |
| Quote: سهران عشان نعمل قصيدة |
|
Post: #5
Title: Re: ياقلبي مالك في دروب دلالك ... تحكم علي بعيون سعيدة .. ( ما ننوم يعني ؟ )
Author: يحي قباني
Date: 07-10-2014, 07:46 AM
Parent: #4
Quote: وأنت ملك التوثيق أقول لك أن أن هذه البيت - في ظني - كان سوف يكون ( أصدق ) تعبيراً لو كان
Quote: تحكم علي بعيون سهيدة
سهيدة مكان سعيدة |
يتم احالة الرأي ( الجميل )
الي سعادة السفير للإجابة ...
|
|