الألمان يعصفون بأسطورة البرازيل..........................

الألمان يعصفون بأسطورة البرازيل


شعب يمتلك العزيمة والإراده يعشق ذاته ويعتز بتفوقه ولا يحلم إلا أن يحقق المستحيل قدره
عاليه فى التحكم ودقه فى التمرير سرعه فى الإنتشاره مهاره خارقه على الإختراق وملكات
تسديد وكأنهم خريجى مدرسة وليم تيل تعشقهم الكره ويعشقونها ويتبادلونها كرجال السيرك
والأُكروبات سحره يمتلكون اللياقه ويمتلكون اللباقه ويمتلكون الأناقه عماليق كما العنج
تخيفك هيبتهم وترعبك إستطاعوا اليوم أن يعصفو بأسطورة البرازيل ويذروها كما العهن
بعاصفة بذلهم الجبار رغم فنيات البرازيل إلا أنهم أنهم دون درجة تدريب الألمان دوما كنت
عاشقا لسحر أبطال السامبا ولكن سحرنى اليوم الألمان وعرفت قدر الجزائر التى وقفت معهم
كتفا بكتف بل كادت أن تكتفهم إلى الأبد بعقال نوقها برافو المانيا ونتمنى نهائى
أكثر من رائع وكفايه على البرازيل أن صنعت أساطير الكره من بيلى حتى نيمار!!

الألمان يعصفون بأسطورة البرازيل

دكوا عروش مجدها دكاً حتى صارت مفعولاً مطلقاً!!

المنصور شوف ود مسيخ شن قال في الهزيمة التاريخية للبرازيل
وكتين قشت الدمع الملا النضارة
حسيت قعدتى وسندة قفايا خسارة
الما شالت الدوكة وبروها صغارة
ما تستاهل الدمعة البقت قطارة
=====
الألمان يالمنصور أخوي شكيتهم على قيلي وحبر ديري

يا المله إنت ودمسيخ من أم كتى قولو يا المله فتش حماد الرجاله فى الدشيناب
وأعمل معاه حلقه جيب خالد ود أحمد ود مساعد من أحامدة
السروراب دا بتاع الدقَ منو وكذلك النيسانه الفات القبانه وأيضا بابور
العمده الحمتنى الغمده ياخ أصبر لهم يوم الأحد الأرجنتين بتقطع أنفاسهم
كما فعلت بأبناء عمومتهم ياخ الألمان بضهلو الزول يا الناى الله
ألف سلام وتحيه وكلامى الفوق دا وصيه ووريهو الرد على كلام
نزار قبقبه

سلام يا المفتاح
ومبروك لالمانيا….تستاهل فعلا
والنهائي غالبا…..لصالح المانيا.

ربك يهون علي الارجنتين.

تعرف المغسة الكبيرة مش الهزيمة المذلة من ألمانيا ، المغسه وحات قطاعتك تقطعني حته حته هو أن تلعب الأرجنتين في النهائي وفي الماراكانا إنت ما شفت كل البرازيل بتشجع في روبن ورفاقتو أمس لكن أهو بتاعين التانجو الحظ خدمهم وبقوا في النهائي والله يهون عليهم من ناس توني كروس ومولر وسبستيان شفايشتايجر ولا سامي خضيرة يا زول هوي قول معاي

ألمانيا ما بتنقدر سيل الوادي المنحدر
====
تراجي من هسي قولي لي شايتا وين معانا ولا مع التانيين النهائي يوم الأحد 13 تموز ، وفي تموز بتغلي المويه في الكوز

طروجه ما شاء الله عليك كمان فيك روح رياضيه
وإلمام بالكره ياخ والله ما عندك عوجه كدى تابعى
الأرجنتين وعرضها المتين

المله أنا دا بكتف ألمانيا خليك من بله الغايب وقل معى اللهم أجعل
كيدهم فى نحرهم ومكن الإرجنتين منهم بوجه جائز وشوف يوم
الأحد زى ما طقطقوا أبناء عمومتهم القراصنه سيطقطقون أبو
أهلين روميل ولا يبقون فيهم من ثعلبه!!
سلام شديد يا مله وأدعُ لنا أكرمك الله وأغناك وعافاك