بالله اسمعوا لي من الدقيقة 1:57 وورونى " مجدي العاقب " ده إنس ولا جِنْ

Post: #1
Title: بالله اسمعوا لي من الدقيقة 1:57 وورونى " مجدي العاقب " ده إنس ولا جِنْ
Author: يحي قباني
Date: 07-07-2014, 04:55 AM

عندما سمعت هذا التسجيل الذي كان محرماً حتي وقت قريب ...

كان لي شرف المتعة فى معرفة قصص و حكايات تلكم التسجيلات العالمية

و التي حدثني عنها كثيراً الصديق الحبيب يوسف الموصلي ...

و التي سجلها العملاق وردى ... و لم ينشرها في حياته ...

الان اصبحت متاحة في كل مكان ... ولكنها لم تاخذ كفايتها من الشرح و التشريح ...

كان من ضمن جوقة الموسيقيين ... عازف الكمنجة المهول مجدي العاقب ...

فقط اسمعوا من الدقية 1:57 و حتي الدقيقة 2:51 ... و انصتوا لتلك الكمنجة ...

اهذه الانامل ... حرام ام حلال ان تكون بعيده من السودان !!!!

Post: #2
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: قصي محمد عبدالله
Date: 07-07-2014, 05:12 AM
Parent: #1

رحم الله محمد وردي وغفر له وأسكنه فسيح جناته مع النبيين والصديقين والشهداء والصالحين، وحسن أولئك رفيقا،
ساقية جحا!
http://www.sudaneseonline.com/board/470/msg/1404704408.html
رمضان كريم

Post: #3
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-07-2014, 05:19 AM
Parent: #2

لا بالجد يا مولانا ...

سؤالك من جدوى ( الصخب ) و الضجيج .... اللي هو المزيكا ....

شنو ؟

اجابتوا واضحة و صريحة هنا ...

كدى عليك الله اتمعن في الطير المهاجر دي ...!!!

زمان لما كان عمك صلاح احمد ابراهيم الله يرحمو علي خلاف مع الحزب الشيوعي و عمك عبد الخالق بالتحديد ...

تصادف ان اعطي وردي ( وكان وردي ما زال صغيراً نسبياً و من شباب الحزب ...)

اعطاه الطير المهاجر فلحنها و غناها ...

فاراد البعض ان يوقع الفتنة ... فذهبوا الي عبد الخالق و قالو له انظر ماذا فعل ( صلاح ) ...

فسمع الطير المهاجر و قال لهم ( وهم في انتظار غضبه من الاتنين ) ...

قال لهم ... هذا هو الغناء كما يجب ان يكون ...

اسمع المزيكا يا مولانا و شنف اذنيك ...

Post: #4
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Haytham Ghaly
Date: 07-07-2014, 09:04 AM
Parent: #1

Quote: اهذه الانامل ... حرام ام حلال ان تكون بعيده من السودان !!!!

يحي سلامات وعوافي

طبعاً صولة الكمان دي يايحي انا ما قاعد اسمعا بي اذاني ابداً

دي بسمعا بي قلبي عديييل كدا لانها مليئة بالاحاسيس والشجن والشوق

وانا في الحقيقة كنت بسمع الناس بيعلقوا علي فنان او عازف ويقولوا

احساسو عالي.

وما كنت بصراحة فاهم قصة احساسو دي كيف الا بعد سمعت الجزئية دي

وسمعت طه سليمان يغني اغنية المرحوم نادر خضر بعد وفاته (اشتقت ليك)

فقد اداها باحساس فعلاً .

ومجدي العاقب في هذه الصولة ترجم كل مرارات غربته واشواقه وحنينه للبلد

ربنا يهون عليو وعلينا

والله يجازي اللي كان السبب

تحياتي لك والتحيات عبرك للاخ الفنان الموصلي والفنان مجدي العاقب

تعديل اسم مجدي فقد سقط سهوا اسم انس العاقب بدلاً من مجدي العاقب

Post: #5
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Elmosley
Date: 07-07-2014, 10:00 AM
Parent: #4

مجدي يا يحي من انجب عازفي الكمان التي انجبتهم بلادنا

عيزي هيثم
Quote:
وانس العاقب في هذه الصولة ترجم كل مرارات غربته واشواقه وحنينه للبلد

اعلم ان تقصد مجدي العاقب
تحياتي

Post: #6
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Haytham Ghaly
Date: 07-07-2014, 10:08 AM
Parent: #5

Quote: اعلم ان تقصد مجدي العاقب
تحياتي

شكراً يا موصلي وتسلم

فقد تشابه علي ابناء العاقب

بالمناسبة هل مجدي العاقب عندو علاقة بانس العاقب

ام تشابه في الاسماء فقط

Post: #7
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Elmosley
Date: 07-07-2014, 10:11 AM
Parent: #6

لا شكر علي واجب عزيزي هيثم

كما ان لا علاقة بايولوجيه بينهما
ولكن
امهما الموسيقى وابوهما الوتر

عزيزي يحي اسنع مجدي يتبادل صولو الكمان مع احمد باص في اغنيتي سفر العيون الدقيقه 4:29 الى الدقيقه 5:1
كما استمع الى نقرشة عوده بعذهل مباشرة

Post: #8
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: معاوية الزبير
Date: 07-07-2014, 10:28 AM
Parent: #7

يمين شغل جن عديييل يا قباني
بقت لي زي الموية الباااردة في نص يوم الصيام الحار دا
الغنية زاتها كبيرة و.. وردي وصلاح
فعلا زي ما قال صاحبنا بهاء توفيق: السودانيين ديل ما نجحوا في حاجة مثل نجاحهم في الغناء

والثناء موصول ليك يا موصلي يا فنان

Post: #9
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: محمد المرتضى حامد
Date: 07-07-2014, 11:09 AM
Parent: #8

نعم يا يحيى صولو الكمنجات عُزف على الشريان التاجي وليس على أوتار الكمنجة، لكن
ما زلت في حالة سغربة كيف تحركت أنامل عازف الكيبورد على مفاتيح ال street organ
في الدقيقة 9:43 وما بعدها.

لعلك تذكر أول يوم أسمعتني فيه المقدمة الموسيقية لهذه النسخة في كندا منذ
أعوام وما مارسته علي يومها من (حَندَكه) ترقى لمستوى ال tantalization حتى جاء بها
الأخ عادل نجيلة في بوست بهذا المنبر قبل عامين تقريبا..

التحية لكل من شارك في هذا الإنجاز الوطني ، فأغنية بهذا التكامل النادر تعادل في
قيمتها الإحتياطي الغذائي الإستراتيجي للدولة وكل مخزون الإمدادات الطبية.

Post: #10
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Elmosley
Date: 07-07-2014, 03:01 PM
Parent: #8

Quote: يمين شغل جن عديييل يا قباني
بقت لي زي الموية الباااردة في نص يوم الصيام الحار دا
الغنية زاتها كبيرة و.. وردي وصلاح
فعلا زي ما قال صاحبنا بهاء توفيق: السودانيين ديل ما نجحوا في حاجة مثل نجاحهم في الغناء

والثناء موصول ليك يا موصلي يا فنان

لك الشكر والود يامعاويه

Post: #11
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: cantona_1
Date: 07-07-2014, 03:12 PM
Parent: #10

يا قباني والموصلي بعد السلام وتصوموا وتفطروا علي خير وتقبل الله صيامكم وقيامكم
كدي في الأول افتونا الغنى في نهار رمضان حلال ولا كو؟ ويا شيخ قصي ادلي بدلوك من فضلك. عشان ما عاوزين نقع في المحظور
وهل مشاهدة برنامج أغاني وأغاني قبل الفطور فوقا حاجة؟

رمضان كريم. زر قناتي في اليوتيوب من فضلك واشترك معنا
https://www.youtube.com/user/KabbashiSudan
تحياتي.

كبـّاشي الصافي

(العوج راي والعديل راي)

Post: #12
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 00:31 AM
Parent: #11

Quote: يحي سلامات وعوافي

طبعاً صولة الكمان دي يايحي انا ما قاعد اسمعا بي اذاني ابداً

دي بسمعا بي قلبي عديييل كدا لانها مليئة بالاحاسيس والشجن والشوق

وانا في الحقيقة كنت بسمع الناس بيعلقوا علي فنان او عازف ويقولوا

احساسو عالي.

يا هيثم يا حبيبنا ...

الزول لو ما سمع باحساسوا و شاف بي قلبوا ...

يبقي فايده مافي ...

Post: #13
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 00:34 AM
Parent: #12

Quote: مجدي يا يحي من انجب عازفي الكمان التي انجبتهم بلادنا

يا موسيقار وكت الشرك قبض ...

حلفتك بالذي خلقك ... تقعد بي رواق و ( تحجينا ) عن الايام الكاليفورنية ديك ...

انا متأكد يا يوسف و انت اكثر العارفين ...

لو وردي كان بيناتنا و كان نشر الغنا ده في حياته ...

كان قعّد الكلام و حكي عنو حكاوي لا تنتهي ...

بالله عليك ( تتحفنا ) ...

Post: #14
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 00:37 AM
Parent: #13

Quote: عزيزي يحي اسنع مجدي يتبادل صولو الكمان مع احمد باص في اغنيتي سفر العيون الدقيقه 4:29 الى الدقيقه 5:1
كما استمع الى نقرشة عوده بعذهل مباشرة

الشغل ده يا يوسف زى ما كان بقول صاحبي زمان ...

( دى صعلكة عديل ) و (قلة ادب موسيقية ) ....

احمد باص و مجدي العاقب ... و بلاد العم سام !!!

الله يجازى الكان السبب ...

Post: #15
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 00:39 AM
Parent: #8

Quote: يمين شغل جن عديييل يا قباني
بقت لي زي الموية الباااردة في نص يوم الصيام الحار دا
الغنية زاتها كبيرة و.. وردي وصلاح
فعلا زي ما قال صاحبنا بهاء توفيق: السودانيين ديل ما نجحوا في حاجة مثل نجاحهم في الغناء

بالله العظيم يا ود الزبير .... كمنجتو بتنضم نضِم ...

زى البكلمها و بتسمع الكلام !!!

Post: #16
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 00:48 AM
Parent: #15

Quote: نعم يا يحيى صولو الكمنجات عُزف على الشريان التاجي وليس على أوتار الكمنجة، لكن
ما زلت في حالة سغربة كيف تحركت أنامل عازف الكيبورد على مفاتيح ال street organ
في الدقيقة 9:43 وما بعدها.

لعلك تذكر أول يوم أسمعتني فيه المقدمة الموسيقية لهذه النسخة في كندا منذ
أعوام وما مارسته علي يومها من (حَندَكه) ترقى لمستوى ال tantalization حتى جاء بها
الأخ عادل نجيلة في بوست بهذا المنبر قبل عامين تقريبا..

التحية لكل من شارك في هذا الإنجاز الوطني ، فأغنية بهذا التكامل النادر تعادل في
قيمتها الإحتياطي الغذائي الإستراتيجي للدولة وكل مخزون الإمدادات الطبية.

و الله مشتاقين سعادتك ... و لو عارفين بتظول الغيبات كده ما كان ( حندكناك )

ياخ انحنا لاقنك وين ...

بالفعل انجاز وطني ... بداية من المعلم صلاح احمد ابراهيم ...

و اللحن الخرافي الاسطوري للامبراطور وردي ...

للتوزيع البديع الحيونسنا بيهو الموصلي بعد شوية :) ...

Post: #17
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 00:52 AM
Parent: #16

Quote: يا قباني والموصلي بعد السلام وتصوموا وتفطروا علي خير وتقبل الله صيامكم وقيامكم
كدي في الأول افتونا الغنى في نهار رمضان حلال ولا كو؟ ويا شيخ قصي ادلي بدلوك من فضلك. عشان ما عاوزين نقع في المحظور

نعم يا كباشي ...

جنس العملوهو وردي و صللاح احمد ابراهيم ...

بدون شك يبطل الصيام ... فهو ( يغذي ) الروح و (يروي ) الفؤاد ...

و يعتبر سماعه فطور عمد ... لا ينفع فيهو لا قضا و لا كفارة ... و لا صيام الدهر كله ...

Post: #18
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 01:05 AM
Parent: #17

كلو كوم ... و الكورس من الدقيقة 11:47 و لغاية الدقيقة 13:10

وردي طالع بي

وكان تعب منك جناح ... وصل بيها السما ...

و الكورس كاسر كسرة تجنن الما بنجن ... دخل بينا بحار و محيطات ...

لكن ما كورس حبيبك ...

مرة يجيني صوت الموصلي ... ومرة السقيد ... و هادية طلسم و ما ادراك ما هادية ... و بت الجنيد ...

يوسف يا موصلي ... حلفتك بالله تحكي لينا قصة الكورس و بالتحديد الكسرة الما اعتيادية دي ...

Post: #19
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-08-2014, 01:10 AM
Parent: #18

Quote: Salma Salama · الأكثر تعليقا · Cedar Crest College
احد المتداخلين اسمه ربما ترجمته هيثم قال ان اغنية اشتقت ليك للفنان الراحل نادر خضر ...؟ وقبل مدة سمعت فى اذاعة امدرمان واحد بقول انه حيغنى اغنية عصام محمد نور وغنى اغنية الكاشف فتنه ، هسى يا يحى اشتكى الخلق دى لمنو ؟ شكرا على الامتاع والمؤانسة فى اللحن العبقرى والاداء الذى لا تنتهى متعته لوردى ومجدى والفرقة الموسيقية المصاحبة بكاملها فلقد غنى وردى كما لم لم اسمعه من قبل ، ويومها كان قد تجاوز ال70 من عمره لكنه استطاع ان يشهق بالغناء وكانى به ابن عشرين
رد · · منذ ‏2‏ ساعتين

سلمي يا سلامة ... رحنا و جينا بالسلامة ...

ما تدققي كتير ... هيثم امكن ما قاصد :)

مرة واحد نزل اغنية في المكتبة عندنا و كتب :

معتز صباحي في رائعة مصطفي سيد احمد ( في الضواحي ) ...

قلت ليهو معليش ما حصل شئ ... بس فطيت عثمان الشفيع و من قبلو واحد اسمو خليل فرح ...

Post: #20
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-09-2014, 02:34 AM
Parent: #19

بس الموصلي يرفع فراش ( البرازيل )

انشاء الله يجينا بيجاي ...

Post: #21
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: نادر الفضلى
Date: 07-09-2014, 03:01 AM
Parent: #20

يا يحى مالك عيلنا فى رمضان دا لقد دممعت عيناى وأن أستمع لهذا المقطع
وأنا أستمتع بموهبة وردى التلحينية والتطريبية ومجدى العاقب ياخ دا أبداً ما فنان عادى
دا زول مجنون عديل كده والجن هنا جن العبقرية والإبداع .. أنامله الماسية تتلاعب باوتار الكمان
فإذا به يعزف فى أو,تار الإحساس فتبعث طرباً لا يوصف

دمعت عيناى وأنا أستمع للصولو وترجع بى الذكرة لعام 2000 حينما لأول مرة تعرفت على
مجدى العاقب عن قرب .. كانت عند زيارة الفنان هاشم ميرغنى لأمريكا ودعوته لإقامة حفل
بأوهايو .. وكان الإتفاق أن يأتى هاشم وعازف الأورغن المبدع سعيد العاقب شقيق مجدى
كنت أتصل به تلفنياً أحياناً وأستمع للبروفات التى يشارك فيها مجدى بكمنجته .. وقبل الحفل
ب 48 ساعه قال لى هاشم رحمة الله عليه لا بد من مشاركة مجدى فلم أتردد وبعثت له
بتذكرة السفر .. فكان إضافة عظيمة وكانت حفلة لا تنسى ..

سأعود لأحكى كيف بهرنا .. وبهر الأمريكان .. هذا المجدى العاقب

Post: #22
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-09-2014, 06:32 AM
Parent: #21

Quote: سأعود لأحكى كيف بهرنا .. وبهر الأمريكان .. هذا المجدى العاقب

بالله انك تعود ... وتدي ود العاقب حقو ...

بلدنا العجيب ما بنصف الموسيقيين ابداً !!!

Post: #23
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Haytham Ghaly
Date: 07-09-2014, 10:09 AM
Parent: #19

Quote: سلمي يا سلامة ... رحنا و جينا بالسلامة ...

ما تدققي كتير ... هيثم امكن ما قاصد :)

يحي ازيك ياخ وتحياتي للاخت سلمى ايضاً

في الحقيقة يا يحي انا قاصد والله

والمعلومة العندي والذكروها في برنامج

اغاني واغاني انو اغنية اشتقت ليك حقة المرحوم نادر خضر

وما بقدر اجزم بذلك فكلامي حسبما سمعت

لو عندكم معلومة تانية افيدونا

وجوزيتم خيراً

هذا رابط للاغنية حتى لا تتشابه عليناالاغاني

http://www.youtube.com/watch?v=ypCgfYt_0Yg

ويا ريت لو واحد جابا لينا هنا

انا ما قاعد اعرف ادخل فيديو يوتيوب هنا

Post: #24
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: saif basheer
Date: 07-09-2014, 11:35 AM
Parent: #23

أيام الجامعة في ثمانينات القرن الماضي، ما كنت بحب أمشي أحضر
الحفلات البتكون برة السنتر، لكن في مرة كانت في حفلة في شمبات
بمحمد الأمين. فقررت أمشي وكنت بتمنى أنو محمد الأمين يغني
ما ممكن تسافر،، بس عشان أسمع وأشاهد مجدي العاقب وهو يؤدي
صولة الكمنجة الفي ما ممكن تسافر،، وقد كان، ويبدو انو العملاق
محمد الأمين نفسه طرب للصولة وخلا مجدي العاقب يكررها 4 مرات تقريباً..

اتفق معك يا قباني أن مجدي يتمتع بإحساس وتكنيك عاليين جداً
فهو وعاصم قرشي من أمهر عازفي الكمان اللذين استمتعت
بعزفهما.

Post: #28
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-09-2014, 03:19 PM
Parent: #24

Quote: اتفق معك يا قباني أن مجدي يتمتع بإحساس وتكنيك عاليين جداً
فهو وعاصم قرشي من أمهر عازفي الكمان اللذين استمتعت
بعزفهما.

دون شك يا سيف ...

و الله كانوا بناغم في الكمنجة و هي بتقول ليهو سمعاً و طاعة ...

Quote: أيام الجامعة في ثمانينات القرن الماضي، ما كنت بحب أمشي أحضر
الحفلات البتكون برة السنتر،

انحنا بقي يا سيف في نهاية السبعينات ة بداية التمانينات ايام الجامعة

لو وردي ابو اللمين ماشين يغنو في واق الواق و الله كنا نترجل مسافات لا تحصي و لا تعد ...

بي ورا الطرب الاصيل ... ياما رجعنا كداري من شمبات ... ومن التربية ...

و ياما خلينا زميلاتنا يكسروا مواعيد قفل داخليات البنات

كنا نحضر جميع و نعسكر امام البوابة حتي يسمح لهن الحرس بالدخول ...

ايام يا سيف ... لن ننساها ...

Post: #25
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: طارق زروق
Date: 07-09-2014, 11:35 AM
Parent: #23

شكرا استاذ يحي قباني على هذا الجمال الغنائي الموسيقي
اعتقد ان هذا افضل عمل في تاريخ الغناء السوداني على الاطلاق
كل التحايا للراحل العملاق وردي والموسيقار الموصلي وعازف الكمنجة المجنونة مجدي العاقب وكل من ساهم في هذا العمل من الموسيقيين

Post: #26
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Elmosley
Date: 07-09-2014, 11:57 AM
Parent: #25

الحبيب يحي وضيوفه الكرام بعد رفع فراش البرازيل بجيكم برواقه واحكي
تسلم

Post: #29
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-09-2014, 03:52 PM
Parent: #25

Quote: شكرا استاذ يحي قباني على هذا الجمال الغنائي الموسيقي
اعتقد ان هذا افضل عمل في تاريخ الغناء السوداني على الاطلاق
كل التحايا للراحل العملاق وردي والموسيقار الموصلي وعازف الكمنجة المجنونة مجدي العاقب وكل من ساهم في هذا العمل من الموسيقيين

تحياتي استاذنا طارق زروق ...

حقيقة عمل تاريخي ... ووجه مشرق جداً للأغنية السودانية كلمة و لحناً و موسيقي ...

بقية الاغنيات كذلك لا تقل ابداعا من الطير المهاجر ...

تحياتي يا ملك ...

Post: #27
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: يحي قباني
Date: 07-09-2014, 03:12 PM
Parent: #23

Quote: يحي ازيك ياخ وتحياتي للاخت سلمى ايضاً

في الحقيقة يا يحي انا قاصد والله

والمعلومة العندي والذكروها في برنامج

اغاني واغاني انو اغنية اشتقت ليك حقة المرحوم نادر خضر

وما بقدر اجزم بذلك فكلامي حسبما سمعت

لو عندكم معلومة تانية افيدونا

وجوزيتم خيراً

هذا رابط للاغنية حتى لا تتشابه عليناالاغاني

يا هيثم غالي يا عزيزنا ...

إشتقت ليك الغناها عمر جعفر في أغاني و أغاني

و البتقول اشتقت ليك ساعة المسا فرد الجناح لملم مصابيح النهار ...

من كلمات اسماعيل حسن و لحنها عمنا حسن بابكر و غناها منذ سنوات بعيدة جداً الاستاذ محمد ميرغني

هناك ( إشتقت ليك ) اخري يغنيها نادر خضر كتبها الفاتح حمدتو و كلماتها بتقول

اشتقت ليك بـالـلَّـهـفـة جـاي الـلَّـوعــة تـحــرق فــى حـشـــاي أشــواقـي بـتـســابـق خُـطــاي

و ما اعتقد انها اتغنت في اغاني و اغاني ...

تحياتي ...

Post: #30
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: نادر الفضلى
Date: 07-10-2014, 02:52 AM
Parent: #27

عنجما قدم مجدى العاقب لمدينة كولمبوس بأوهايو عام 2000 بصحبة هاشم ميرغنى سعيد العاقب
أذكر ذهبت مع مجدى لمحل متخصص فى الموسيقى لشراءء بعض إحتياجاتهم للحفلة من وصلات
وخلافه .. فى المحل الضخم والذى يعج بكل أنواع الألات الموسيقيية توقف مجدى العاقب عند
كمنجة كهربائية .. وحملها وبدأ فى تجربتها .. كانت موصلة بمكبر صوت .. وبدا يدندن بها ..
تلفت حولى فلاحظت كل من بالمحل إنتبه لتلك الأنامل الماسية تداعب الكمنجة الكهربائية ..
والمحل زبائنة لهم إربتاط مباشر بالفن والموسيقى .. وكعادة الأمريكان يحاولون إخفاء
فضولهم ويسترقون النظرات، ويتظاهرون بإنشغالهم بما فى أيديهم من آلات ..
ولكن براعة مجدى جعلتهم متسمرين يصيخون السمع إعجاباً وإستمتاعاً .. كنن فخوراً
فى تلك اللحظات وكدت أن أقول بملئ فيه هذا الفنان المبدع من السودان !

كانت هذه مقدمات لما سيبدعه مجدى بحفل هاشم ميرغنى فى اليوم التالى

Post: #31
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Haytham Ghaly
Date: 07-13-2014, 08:47 AM
Parent: #27

Quote: اشتقت ليك بـالـلَّـهـفـة جـاي الـلَّـوعــة تـحــرق فــى حـشـــاي أشــواقـي بـتـســابـق خُـطــاي

و ما اعتقد انها اتغنت في اغاني و اغاني ...

يحي ازيك وسلامات

يا يحي الاغنية اتغنت في اول حلقات البرنامج في اول رمضان

بعد وفاة الفنان نادر خضر

بعد نادر اتوفى رمضان جا وفي اولى حلقات البرنامج تغنى طه سليمان

باغنية نادر خضر اشتقت ليك .

ودا الرابط : http://www.youtube.com/watch?v=ypCgfYt_0Yg

شوفو واتاكد وتعال اقنع لي سلمى دي انو انا لا مسطح لا سطحي لا ظلنطحي

وانا المحتاج اشكي الناس اللفاحين ساااااكت وعايزين يشكونا ديل

اسم الاغنية صحيح انو متطابق مع اغنية محمد ميرغني بس كان من المفروض

على سلمى ان تتأكد وبعد داك تجي تختنا في سلة السطحيين والسذج ما شاء لها

ولك ولسلمى كل التحايا

Post: #32
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: Haytham Ghaly
Date: 07-16-2014, 09:30 AM
Parent: #31

اهداء لي يحي وسلمى سلامة

الغنية دي يا سلمى اسمها اشتقت ليك

استمتعو وما تغالطو ساااااكت

Post: #33
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: سليمان القرشي
Date: 07-16-2014, 11:10 AM
Parent: #32

هيثم قيلي يالفاح هههههه
ياخ اختنا بت سلامة من اجمل الاخوات في
سودانيز قبل ان تغادر المنبر ونتمني عودتها
فما تزعل منها
وانت كلامك صاح بس اللخبطة حصلت في
تشابه اسماء الاغنيات
تسلم ياحبيب

Post: #34
Title: Re: بالله اسمعوا لي من الدقيقة 1:57 وورونى andquot; مجدي العاقب andquot; ده إنس ولا جِنْ
Author: نادر الفضلى
Date: 07-16-2014, 11:55 PM
Parent: #33

ورحل الفنان محمد عبد الله محمدية عازف الكمان الأشهر بالسودان

يجمع ما بين محمدي ومجدى العاقب كلاهما عازفان ماهران على آلة الكمان
وكلاهما إتسم بإبتسامة عريضة مميزة أثناء العزف

نسأل الله الرحمة والمغفرة لمحمد عبد الله محمدية

ونتمنى أن يواصل مشوار الإبداع مجدى العاقب