اليوم اطفئ الشمعه الاولى بسودانيزاونلاين ... يوجد قنقليز .. ..

سنة حلوووه .. يا مجيدووو ..

الواحد بقى زي شُفع الروضه ( كيه جي ون ) لما ينتقل من سنة اولى لتانيه ..
اهلو يعملوا ليه حفلة في صالة ...
ويعزموا الناس عشاء ..
ويجيبوا عوضية عذاب تغنى ...
وشغلانيه طويله...

اها ... بما انو رمضان بداء يدخل العضم ...
ممكن نحتفل قليلا ونربّها على خفيف ...
وعازمكم .... قنقليز معتق ... في الفطور ..

دي تصبيره .... بالنظر لبعدين .....

الرجل المشرق \ مجيدو ..

سلالالالالالالالام وتهاني بطعم الابري .




والخروف علي في الفطر .. وكل سنة وانت بالاف الخيرات .. ودمت .

ولي قدم ...

Quote: الرجل المشرق \ مجيدو .. سلالالالالالالالام وتهاني بطعم الابري . والخروف علي في الفطر .. وكل سنة وانت بالاف الخيرات .. ودمت . ولي قدم ...

العزيزه .. بت عمسيب ..
يا بت المدن يا الواعية يا الدارسة الكتاب ..

شكرا جزيلا .. على افتتاحك بالتهنئه ..
ودائما انتي رقيقه ... وسباقه للخير ..

وان شاء الله خروفك دا ما يطلع حنكوش
وبدل ما نضبحو .. نحميه .. ونسرحو .. ونتصور جنبو ...

كل سنة وانتي بالف خير .. وربنا يديك الفي مرادك
( حتى لو شنو زاتووو ... اتحملي النتيجه عااد )

تحياتي ,,,

شوف بيلاي الايام دي بتجري بسرعه كيف ؟؟؟
وكلو محسوب من عمرنا .. واخرها كوم ترااب ...
عشان هيك .. الواحد لازم يمشي سيداااا ... ( بدون لولوه )
ويترك ذكرى حسنه.... والناس تطراهو بالخير ...

ودي دعوة للجماعة النفسهم حار ..
وبوستاتهم كلها مناكفات .. وسب .. ولعن ..
بان يروقوا المنقه .. ويصفوا النيه ..
والحكاية ما مستاهله ...

حبابك يامجيدو ياحبيب
رمضان كريم عليك وتصوم وتفطر
علي خير وكل عام وانت بخير
وسنة حلوة عليك ونتمني ان
نحتفل معك بمرور سنوات
وسنوات يلا كتر القنقليز
بس مايكون مخمر اصلو الايام
دي ايام طيبة ماعايزين نخرب
هههههههههه

عليك الله يامجيدو شوف اختي بت عمسيب
دي قالت الخروف في الفطر
انتي يامني جيبي الخروف وماعندك
معانا شغلة بنضربو هسي وبنعزم
معانا 60 مسكين ونكون حبايب
هههههههه

كل سنة وأنت بخير يا محمد وأنت بصراحة من الناس القلائل هنا. فى عام قدرت ترسخ فى أذهان الناس لأن خطك واضح وسمح...وأيقنت بأن ألأقدمية ليس لها أثر فى فعالية العضو.....وأنت خير مثال أستطعت أن تةصل رسالتك بهدوء وأفضل بكثير من ورجغة ناس كثيرين أقدم منك. هطا من وجهة نظرى الشخصية..واصل بنفس الخطا يا صاحب.

Quote: حبابك يامجيدو ياحبيب رمضان كريم عليك وتصوم وتفطر علي خير وكل عام وانت بخير وسنة حلوة عليك ونتمني ان نحتفل معك بمرور سنوات وسنوات يلا كتر القنقليز بس مايكون مخمر اصلو الايام دي ايام طيبة ماعايزين نخرب هههههههههه

الحبيب .. سولومن ود القرشي ...

شكرا وكتر خيرك كتيير ....
وكل سنة وانت بخير وعافيه ..
وان شاء الله دائما لامين وتامين
وليك علي .. قنقليز محلي .. منتهي الصلاحية .. وارد كردفان
تشرب منو جقمه ... تضرب .. ترمي .. تجلي .. تقع ....

لك ودي يا برنس ....

الحبيب محمد مجيدو
ربنا يديك خير مشاركاتك خلال السنه. المشاركات الخفيفه التي رسمت بها البسمه علي الوجوه ربنا يفرج بها همك ويدخل السرور علي قلبك. المشاركات التي بها معلومات مفيده، ربنا يجازيك عليها و يزيدك من علمه.
القنقليز مالقيت ليهو مكان اضايرو فيه، عليك بزكاه الفطر عسي ولعل

مبارك عليك الشهر الكريم وعلي كل ضيوف البوست

Quote: كل سنة وأنت بخير يا محمد وأنت بصراحة من الناس القلائل هنا. فى عام قدرت ترسخ فى أذهان الناس لأن خطك واضح وسمح...وأيقنت بأن ألأقدمية ليس لها أثر فى فعالية العضو.....وأنت خير مثال أستطعت أن تةصل رسالتك بهدوء وأفضل بكثير من ورجغة ناس كثيرين أقدم منك. هطا من وجهة نظرى الشخصية..واصل بنفس الخطا يا صاحب.

اخي العزيز ... سمعه ...

السلام عليكم ... وكل سنة وانت طيب ..

وشكرا جزيلا على ثقتك في شخصي الضعيف ..
وهذا من اصلك وطيب معشرك ..
وحقيقة انت من الناس الافاضل الذين تشرفت بمعرفتهم وصداقتهم ...
واتمنى من الله ان تديم هذه الصداقه .. ويديم المعروف بيننا
ويعطيك الله الف عافيه ...

ولك ودي واحترامي ,,,

مجيدو يا دفعة ياخي كل سنة وانت طيب ورمضان كريم
وعقبال كم سنة كدي في سودانيز اونلايين

لقد سعدت جدا بانضمامي لهذه الكوكبه النيره ...
( وأكيد توجد قله ... مش ...كوكبه نيره .. ولا حاجتين )
وقد استفدت من بعض تجارب الاخوان الاسفيريه ... ( سوى كانت سالبه اوموجبه )
كما تشرفت بمعرفة اخوة / واخوات واصدقاء جدد .. اعتز بهم ..
والحمد لله الواحد اصبح له رصيد جيد من محبه ومعزة معظم الزملاء ...
واتمنى من كل قلبي ان يديم الله هذه المحبه الى ما لا نهايه ..
ويكفينا شر اؤلئك الذين .. شاميني ومكجنني... لله فـا لله ...
والحمد لله ...ايضا هم قله ..
ونسال الله ان يهدينا سواء السبيل ..

الاخ محمد مجيدو انت هنا اضافة حقيقية لنا
ومن العائدين وعساكم من عواده

انتهز هذه السانحه واتقدم بالتهنئة لكل الاعضاء دفعة 2013 بدون فرز ....
كما اشكر جميع الزملاء الذين تداخلوا معي بالكلمة الطيبه ...
وشكرا ايضا لربان هذه السفينه ( الباشمهندس بكري )
الذي ما بخل في جمع هذا الشمل الجميل ...



واتمنى للجميع ولسوداننا الحبيب كل تقدم وازدهار ورفعه ...

وعاش كفاح الشعب السوداني الفضل ...

وكل عام وأنتم بخير وعافيه ..

ولكم تحياتي ,,,

Quote: الحبيب محمد مجيدو ربنا يديك خير مشاركاتك خلال السنه. المشاركات الخفيفه التي رسمت بها البسمه علي الوجوه ربنا يفرج بها همك ويدخل السرور علي قلبك. المشاركات التي بها معلومات مفيده، ربنا يجازيك عليها و يزيدك من علمه. القنقليز مالقيت ليهو مكان اضايرو فيه، عليك بزكاه الفطر عسي ولعل مبارك عليك الشهر الكريم وعلي كل ضيوف البوست

محمد هاشم .. يا هندســــه ..

بعد التحية .. ورمضان كريم عليك ..
وتصوم وتفطر على خير ,,,
وجزاك الله خير على الكلمات الرقيقه في حقنا
ونحن لسه في كي جي ون ... وربنا كريم ..
ومنكم نستفيد ...
ولقد تشرفت بمعرفتك قبل انضمامي للاون لاين
وكنت نعم الاخ والصديق ...

تحياتي لك وللاسرة الجميله ..

عقبال 101 شمعة و101 شجرة تبلدي

Quote: مجيدو يا دفعة ياخي كل سنة وانت طيب ورمضان كريم وعقبال كم سنة كدي في سودانيز اونلايين

العزيز عبدالله ... يا دفعه ...

السلام عليكم ... ورمضان كريم
وربنا يتقبل منك صالح الاعمال ..
وشكرا جزيلا على المداخله ..
ولقد تشرفنا بمعرفتك ...
وكل سنه وانت والاسره بخير وصحه وعافيه ...

وتقبل تحياتي ,,,

Quote: الاخ محمد مجيدو انت هنا اضافة حقيقية لنا ومن العائدين وعساكم من عواده

الشيخ/ محمد المسلمي ...

السلام عليكم ... ورمضان كريم

شكرا جزيلا على مداخلتك وشعورك النبيل
وربنا يقدرنا على ما فيه الصواب
وكل سنة وانت والاسرة الكريمه بخير وصحه ..

وتقبل تحياتي ..

يا سلام .. مجيدو .. وووو أشري ..
الف تحية .. وسنة طيبة ياجميل ..
طوال سنة مداخلاتك رائعة وجميلة ..
ودائماً ما كنت تحفزني على الكتابة التراثية ..
أنت زول جميل .. ومداخلاتك مقبوله وهادفه وتعرف تبلغ الرسالة من خلال طرفة ..
أنا لو كنت عارف انزل صور .. كنت نزلت ليك حاجة جميلة ..
يعني صورة خروف مشوى كده وعليه شمعة ..
مع أنني وللعلم لا أكل اللحم ولا أتناوله ( يعني نباتي .. ودجاج وسمك )
لك التحية في هذا الشهر الكريم ..
وتصوم وفطر على خير ..
وووو ... ميمد .. أوووني .. نور إكا سلما .. إن شاء الله ..

وووو ... أأألييي ... ابونينقاااا
سيكرفي ...

لقد تشرفت جدا بمعرفتك التي تزيدني القاً
ومعجب جداً بكتاباتك الرقيقه البسيطه المعبره ..
واسال الله لك دوام التوفيق والسداد ..
وان يوفقك ربي كمان .. وكمان .. قادر يا كريم ..
ونور إكا سلما .. يا رب ...

وكل سنة انت والاسرة الكريمه
بخير وصحه جيده ..

ميمد .. أشري ..
اهديك هذا الشريط الرائع لوردي ( رحمه الله ) ..
عشان عمك علي ده ما يقدر ينزل الحاجات دي ..
برجع بهديك ليها لأنه ما في حاجة اجمل من كده
إيكا اي جيلا إكا مشكا ..
مع التحية ..

Quote: وليك علي .. قنقليز محلي .. منتهي الصلاحية .. وارد كردفان تشرب منو جقمه ... تضرب .. ترمي .. تجلي .. تقع ....

ما ده الخايفين منو ذاتو أصلو إنت قنقليزك و عرديبك ما مضمون
غايتو الدنيا رمضان أحسن الواحد يحاول يحافظ على باقي صيامو لأنو أحياناً المداخلة مع حبيب الكل مجيدو بتجرح الصيام دي كان ما فطرت الزول عديل غايتو الله يهون
كل سنة و إنت طيب يا زول يا رائع يا جميل فأنت كما قال الأحباب قبلي أحد القلائل الذين يزرعون البهجة و الفكرة النيّرة في هذ المكان فدمت أبداً في حفظ الله و رعايته
يا راقي يا فنان لك كل الود و التقدير

يا دفعة
خلاس بقيت من اهل الدار الذين يؤخذ برأيهم
الله لينا نحن
بشتنه ورقاد واطه
مبروك وعقبالنا

سلامات
يا مجيدو
رمضان كريم وتصوم وتفطر علي خير
وكل سنة وإنت وأسرتك بألف خير

يا أخوي عزومتك دي نا قصة أبري
التحية لك ولأسرة سودانيزأونلاين .إدارة .وكتاب. وقرأء

أأأأأألي .. ابونينقااا .. سلام

شكرا على الهديه ...
وارجع ليك الهديه بهديه اخرى
وكل سنة وانتا بخير ...
يا وش الخير ,,,

كل سنه و ان طيب يا مجيدو
ورمضان كريم
اخوتكم جميله هنا ربنا يخليكم كلكم.

مجيدو ياحبوب
كل سنة وأنت طيب وعقبال ما تطفيء الشمعة المائة
حقيقة أنت من القلائل الذين أقراء بوستاتهم ومداخلاتهم بكل تركيز
يديك الف عافية .

قنقا
كل عام وانت احلى البشر
وكل سنة وانت منور الدنيا ومليان صحة وعافية
يا ريت كل الناس تحمل قلب زى قلبك كانت الدنيا بقت غير

Quote: قنقا كل عام وانت احلى البشر وكل سنة وانت منور الدنيا ومليان صحة وعافية يا ريت كل الناس تحمل قلب زى قلبك كانت الدنيا بقت غير

وضاحه يا فجر المشارق
غابه الابنوس عيونك
يابنية من خبز الفنادق
شيدتي في جواي
صوامع للفرح
وفتحتي في دنياي
مسارح للمرح
وبقيتي لي سكه وعيون
...

يا دكترره .... سلام ومحبه ..
وكل سنة وانتي طيبه ..
وشكرا على الزهور الجميله
وان شاء الله نجاملك وانتي راجعه من الحجاز ... .
خلاص عشان ما تزعلي وتحنبكي ...نجاملك وانتي عروس ...
اخخخخ منكن يا بنات .... تموتن في حاجه اسمها العرس ....

كوني طيبه .. ولك ودي ...يا اميره ..

الأخ محمد مجيدو رمضان كريم

نتمنى أن تزداد أواصر الأخوة والصداقة

بين الأعضاء وحتى فى الإختلاف فاليدعوا الأفكار

تتصارع على الا يفسد ذلك للود قضية .

Quote: الأخ محمد مجيدو رمضان كريم نتمنى أن تزداد أواصر الأخوة والصداقة بين الأعضاء وحتى فى الإختلاف فاليدعوا الأفكار تتصارع على الا يفسد ذلك للود قضية .

العزيز .. جمال خضر ..

تحية .. ومحبه .. لشخصك الكريم
وكل سنة وانت طيب ..
وشكرا كتير ليك على مرورك الكريم
وشكرا على الزهور والوردِ الشتلوها جوه قلبي عشان حبيبي .. تذكار
وربنا يديم المعروف بيننا ..

وتقبل تحياتي ...

مبروك أستاذ مجيدو
عشان أكرمتنا بالكيك و القنقليز أهديك من منتجات السودان الحبيب .
و عقبال مية سنة .

Quote: دي تصبيره .... بالنظر لبعدين .....

قريبي مجيدو و في رواية اخرى محمد سارلستون

فطور بالنظر على وزن الدفاع بالنظر
انتو يا برابرة حكايتكم شنو
واحد الدفاع بالنظر و التاني فطور بالنظر
مالكم .... هو في ايه !!!!

نوقد شمعاتك يا زينة

عقبال تطفئ الشمعة الـ100 يا مجيدو
كان قلمك عفيفا طوال السنة التي كتبت فيها هنا وقرأنا لك
وتبدو ودودا في محياك وفي كتابتك، نتمنى أن نلتقيك طالما نحن جيران
مودتي

Quote: مبروك أستاذ مجيدو عشان أكرمتنا بالكيك و القنقليز أهديك من منتجات السودان الحبيب . و عقبال مية سنة .

الاخت العزيز .. نعماد
السلام عليكم .. ورمضان كريم
وربنا يتقبل منكم الصيام والقيام
وكل سنة وانتي والاسرة الكريمه بخير وصحه جيده ..
وشكرا كتيرا .. على الفواكه الجميله ..وانا قربت افطر ...
وربنا يديم المعروف ..

تحياتي ... يا ملكه ..

الاعزاء جداً الى قلبي
والذين مروا من هنا ..

الاخوة والاخوات /

- علي عبد الوهاب
- الوليد الشيخ
- عبد الحفيظ ابو سن
- محمد نور عودو
- ام حازم
- عادل الباهي
- وضاحه
- جمال خضر
- نعملت عماد
- فيسل
معاوية الزبير ..

اشكركم شكراً جزيلا ..
واتمنى ان يديم المعروف بيننا
فانتم اهل الجود والكرم ..
وسوف اقوم بالرد على كل واحد ان شاء الله

وكل سنة وانتو طيبين ... يا ناس يا تمااام

تحياتي ,,

مريح الشخص الودود الذي لا يعترك في غير معترك .

جميل الشخص المهذب الذي يكتب ما قل ودل وما يفيد .

رائع الشخص الذي لا يثير العداءات .

الزول بكون ( أشريا) حينما يكون مجيدو .

رمضان كريم وكل سنة أنت طيب وأعوام مديدة في بلدنا أونلاين .

Quote: قرحطب فور برنقا · متابعة · طب الفاشر ''يا بت المدن يا الواعية يا الدارسة الكتاب '';شكارتا دلاكتا ''كل سنة وأنت طيب وعقبال ما تطفيء الشمعة المائة''

يا قرحطب فور برنقا ... ( يااخ مصعب اسمك كده ليه ؟؟؟ )
السلام عليكم .. ورمضان كريم
وشكرا جزيلا على التهنئه ...
وان شاء الله نشوفك دكتور كبير .. وتعالجنا من الزهايمر ...

تقبل تحياتي يا .. دوووك ..

نقول نكتة .. قبل ما نرد على الحبان ...
عشان الجماعه الصايمين .. وكل واحد مادي بوزوو .. يبتسموا شويه ..

عمك منتظر فى الدايات
مرتو فى حالة وضوع
وصايم رمضان وعطشان
وبيفكر فى السماية
ورسوم المدارس
ومصاريف العيد
وملابس العيد

جات واحدة مارة بجنبو سألتو ~
ياعمو عنبر الولادة بي وين ؟؟

قال ليها : نسوان ولا رجال ؟؟

Quote: كل سنه و ان طيب يا مجيدو ورمضان كريم اخوتكم جميله هنا ربنا يخليكم كلكم.

العزيزه ... ام حازم ( امنا الغوله ) .. او ( خالتي قماشه ) .. كما كنا نسميك في منبرك الراقي
بعد التحية .. ورمضان كريم ...
وتصومي وتفطري على خير مع حازم واخوه ..( نسيت اسمو .. بشار ولا شادي ؟؟ )
وان انسى لا انسى .. استضافتك لنا في منبرك الجميل ( نيو سودان ) حيث قضينا فيه امتع الاوقات ..
وكانت لنا قفشات .. وطرائف .. حتى الان عالقه في الذاكره ...
وتعرفنا على اخوه كرام .. واصدقاء عزيزين الى نفسي ..
وحتى هذه اللحظه نحن نتواصل مع بعضنا البعض والود مستمر ...
امثال .. البشاري .. ابنعوف .. السيالي .. اباذر .. ود المناقل .. الطاهر .. كوكو .. الفنجريه .. وغيرهم ..
فشكرا لك .. على كرمك الفياض .. واخلاقك العاليه ...
واتمنى من الله ان تحققي ما تريدين .. وتشوفي اولادك وهم عرسان حلوين ..
وتبقي حبوبه .. جميله ....قادر يا كريم ...

تقبلي تحياتي ,,

Quote: ما ده الخايفين منو ذاتو أصلو إنت قنقليزك و عرديبك ما مضمون غايتو الدنيا رمضان أحسن الواحد يحاول يحافظ على باقي صيامو لأنو أحياناً المداخلة مع حبيب الكل مجيدو بتجرح الصيام دي كان ما فطرت الزول عديل غايتو الله يهون كل سنة و إنت طيب يا زول يا رائع يا جميل فأنت كما قال الأحباب قبلي أحد القلائل الذين يزرعون البهجة و الفكرة النيّرة في هذ المكان فدمت أبداً في حفظ الله و رعايته يا راقي يا فنان لك كل الود و التقدير

الوليد .. يا قلب ...
سلام ومحبه ...
ورمضان كريم ..
وكل سنة وانت طيب ..
شكرا على كلامك الرقيق
الذي ينبع من انسان رقيق ود ناس ..
وان شاء الله نكون دائما عند حسن الظن ..

تقبل مودتي ...

كل عام وانت بخير مجيدو

ورمضان كريم وتصوم وتفطر علي خير

الحبيب مجيدو
البورد يحتفي بك
واليوم البورد يطفي شمعته الاولى بحضورك
وليس انت ..


يا أنيق المحيأ والحرف و " القنقليز "
نزلت أهلا وحللت بحرفك الانيق والجميل سهلا

Quote: يا دفعة خلاس بقيت من اهل الدار الذين يؤخذ برأيهم الله لينا نحن بشتنه ورقاد واطه مبروك وعقبالنا

حفيظ .. يا ألفتنا ...
قالوا اليومين ديل عندكم اجواء خريفيه رائعه .. وضاربين القنقليز ..
ونحنا هنا في الشرقيه .. الله لا وراك .. سخانه ورطوبه .. وحاجه بطاااله خلاث...
ربنا يتقبل صيامكم وقيامكم وصالح اعمالكم .. وما تنسوا تدعوا لينا .. انتوا ناس بركه ..

تحياتي ,,

Quote: سلامات يا مجيدو رمضان كريم وتصوم وتفطر علي خير وكل سنة وإنت وأسرتك بألف خير يا أخوي عزومتك دي نا قصة أبري التحية لك ولأسرة سودانيزأونلاين .إدارة .وكتاب. وقرأء

العزيز .. محمد نور .. يا دفعه ..
السلام عليكم .. ورمضان كريم
وتصوم وتفطر على خير ...
اها .. رايك شنووو ..عازمك .. عصيده مع ملاح امتكشو
وبعدين نحبس بالقنقليز ...
وعشان ما تزعل نجيب ليك الابري حسب طلبك - مع انو ما بحبو ..

شكرا ليك .. ويديك العافيه ..

وتقبل تحياتي ,,

Quote: مجيدو ياحبوب كل سنة وأنت طيب وعقبال ما تطفيء الشمعة المائة حقيقة أنت من القلائل الذين أقراء بوستاتهم ومداخلاتهم بكل تركيز يديك الف عافية .

العزيز عادل ود الباهي ... سلام ومحبه ..

وكل سنة وانتا طيب ....

ولقد تشرفت بمعرفتك وصداقتك ..
واتمنى من الله ان يديم المعروف بيننا ..
ونخدمك وانتا عريس .. بعدما تطلق العزوبيه الهلكتك هلاك ...

تقبل ودي واحترامي ...

Quote: قريبي مجيدو و في رواية اخرى محمد سارلستون فطور بالنظر على وزن الدفاع بالنظر انتو يا برابرة حكايتكم شنو واحد الدفاع بالنظر و التاني فطور بالنظر مالكم .... هو في ايه !!!! نوقد شمعاتك يا زينة

فايسسل ... سكرفي ..
كوريه انجا نلا ..
وتقبل الله صيامكم .. ده اذا بتصوموا اصلن .... هههههه
اها ...ماافي زواج بالنظر ....؟؟؟
والعين تعشق قبل القلب احيانا ..

سلامي للاسرة الكريمه ...
وربنا يوفقكم .. وتشوف فاطنه عروس ..
قادر يا كريم ...

تحياتي ....

Quote: عقبال تطفئ الشمعة الـ100 يا مجيدو كان قلمك عفيفا طوال السنة التي كتبت فيها هنا وقرأنا لك وتبدو ودودا في محياك وفي كتابتك، نتمنى أن نلتقيك طالما نحن جيران مودتي

الاخ معاوية الزبير ..
السلام عليكم .. ورمضان كريم
وتقبل الله صيامكم وقيامكم وطاعتكم ..
واشكرك جدا .. على مرورك الكريم
وشعورك النبيل تجاه شخصنا الضعيف
وهذا من كرمكم .. وانتم اساتذه لنا .. نتعلم منكم ..
واتمنى ان التقي بك لمزيد من التعارف والذي هو شرف لنا ..

تقبل تحياتي لك والاسرة الكريمه ...

Quote: مريح الشخص الودود الذي لا يعترك في غير معترك . جميل الشخص المهذب الذي يكتب ما قل ودل وما يفيد . رائع الشخص الذي لا يثير العداءات . الزول بكون ( أشريا) حينما يكون مجيدو . رمضان كريم وكل سنة أنت طيب وأعوام مديدة في بلدنا أونلاين .

ولياب .. يا قريبنا ... سكرفي ...
وتصوم وتفطر على خير ...
وشكرا على زيارتكم لنا وتهنئتكم الرقيقه ..
وانا سعيد جدا بمعرفه قامات شامخه مثلكم ( اوع الراس )
ومنكم نتعلم .. ونقتفي الاثر ...
ربنا يخليكم لينا .. ونسمع عنكم كل خير ..
والى الامام سر .. معتدل ماارش ....

تقبل تحياتي ,,,

Quote: كل عام وانت بخير مجيدو ورمضان كريم وتصوم وتفطر علي خير

الاخ عمر عثمان ..

السلام عليكم ... وكل سنه وانت طيب

وشاكر لك مرورك الانيق ..
وربنا يديم المعروف بيننا ..

وتقبل عاطر تحياتي ,,,

مجيدو يا حبيبي يا عسل
اها مجيدو ده دفعتي ولدونا مع بعض درسنا الابتدائي بسبورة صفر سوه شمينا رائحة الطمي
مشينا وبدينا من صفر بارد عيونا كانت مليانه فرح وضحك علي تساقط حبات التبلدي مخمرة ومعطره وتقطر فرح
من الضحك اتنطط طار وقع في ألآت كنا بمختلس الوقت نشوف كيفن القونقليز بفرهد في حوشه فرح
حقيقة مجيدو كلمته نسيم رشيقة وظريفة تدخلك وتملاك فرح
ما أنت أوقدت كم من شموع في قلوب الكثيرين وعمر شموعك ما تنطفئ تجذب حولك المزيد
دائماً في الذكرى لما ينتح الخافق
مسرورين بينك يا أصيل

العزيز عادل ود البراري .. يا دفعه ..

بعد التحية والسلام ... ورمضان كريم
وكل سنة وانت والاسرة الكريمه بخير وعافيه ..

واشكرك جدا لزيارتك لنا .. الذي اثلج صدورنا
ولقد تشرفت بمعرفتك .. واعتز بصداقتك ...
فانت انسان جميل .. ونفسك أبيّه .. وروحك خفيفه .. وليك جاذبيه ...
فسّر ... وعين الله ترعاك ...
واتمنى ان اشوفك دائما ناجح .. فذاكر كويس ...

تحياتي ,,,

فاتني مع الزحمه .. ان اشكر الصديق ...( كفيلي المنجضني ) فايز ود القاضي ..
الذي كان له الفضل المعلى بعد الله .. وقام بتذكيتي للاخ بكري..
وبالامس شايفو زعلان ومادي بوزو شبرين ..
لانني نسيت ان اشكره في هذا الخصوص ...
وهو من ما هاجر لبريطانيا رافع مننا القزاز .. وقايل نفسو خلاث بقى خواجه
عاالم بطاالــــــــــــــــــــــه ....

قالو ...
واحده كانت تقرأ خبر في جريدة
(امرأة..نيوزيلندية ... تطبخ زوجها بعد وفاته وتتناوله في وجباتها لمدة اسبوع ..
وعندما سئلت عللت ذلك بالحب.. وانها تحبه حباً جما ... واخير تاكلو هي من ياكلو الدود)
المره جدعت الجريدة فوق سدرها
وعاينت لي راجلا النايم بالعراقي وكريعاتو بي عضيماتو مارقات في السهلة طنطنت:
غايتو يا دفع الله..داير لك تلااااااتة أنابيب غاز ..

كل سنة وإنت طيب يا مجيدو.

وشكرا علي القنقليز..

تعيش انت ويدوم خيرك
ياخ في العيد ما تقطع الكبري وتجينا في البحرين
عشان يبقي احتفال دولي ( انت قايل نفسك هين).

كل سنة وإنت طيب ياسعادتو ...

كل سنة وانت طيب


وحاضر هنا

وممتع



بكامل امنياتى لك يالسعادة والتدفق النبيل

Quote: كل سنة وانت طيب وحاضر هنا وممتع بكامل امنياتى لك يالسعادة والتدفق النبيل

الاخ محمد عبد الله حرسم ..

السلام عليكم ... وتقبل الله صيامكم وقيامكم ..

واشكرك جزيلا على تشريفكم للبوست .. وكلماتك الرقيقه ..
واسال الله ان يمتعكم بالصحه والعافيه ..

وكل سنة وانت والاسرة الكريمه بخير وصحه ..

تحياتي ,,

Quote: كل سنة وإنت طيب ياسعادتو ...

عزيزي . مزمل خيري .. الرجل الطيب

كل سنة وانت بالف خير .. وربنا يحقق امانيكم العراض
واشكرك على زيارتك لنا ... ونجيكم في الافراح ان شاء الله ..

تقبل تحياتي ,,,

Quote: تعيش انت ويدوم خيرك ياخ في العيد ما تقطع الكبري وتجينا في البحرين عشان يبقي احتفال دولي ( انت قايل نفسك هين).

العزيز حاتم ... سلام وتحيه مباركه ..

بجي البحرين كتير .. وان شاء الله اول زياره بجيكم ..
عندي قريبي .. سعيد شيخ ادريس بهناك لو تعرفو ...

كل سنة انت والاسرة الكريمه بخير وعافيه ,,

وتقبل تحياتي ,,,

Quote: كل سنة وإنت طيب يا مجيدو. وشكرا علي القنقليز..

العزيز سيف اليزل .. سلام

وانت بالصحه والسلامه ..
وينعاد عليك بالخير ..
وشكرا على المرور ..

تحياتي ...