الخطوط الجوية السودانية خلاص بح ولا طيارة !!1!من المسؤل تدميرها

سالت عنها في مكاتب الحجز ولم اجد اجابة
خنقتني العبرة كل ادول في العالم لها ناقل وطني الا نحن
اي مصيبة حلت بنا مامعقول حتي سودانيرالناقل الوطني اختفت

واسفي عليك واله يجازي الكانو السبب

سلام ورمضان كريم
بالطريقة دي البلد زاتها
في يوم حتختفي
ياخي الخطوط الجوية السودانية
في عهد الكيزان اصبحت مهزلة بجد
ولا يسافر بيها الا الذي تقطعت به سبل الحياة
ما لقيت لي طيارة ممكن تتاخر ثلاثة ساعات بدون اي سبب
بالجد شيء معيب في حق الحكومة ان لا تهتم بهذه المسألة

مودتي

تحياتي يا حبيب
ده السؤال الممنوع حتى الآن منو المسؤول عن ضياع سودانير ؟ الشغلانة فيها فطاحلة وعمالقة هندسة الفساد الكيزاني ، مشروع الجزيرة بعد اصبح خرابة أعلنوا موته بموجب قانون 2005م ، لكن سودانير ما في واحد بقدر بقول (بغم) أنتهى العزاء بمراسم الدفن والميت مجهول الهوية ؟
شكرا شركة عارف الكويت ، شكرا شركة الفيحاء السودان ، شكرا لجان وشيوخ خصصة القطاع العام (الخاسر) كما يحلوا لهم ؟؟
الشفيع

Quote: تحياتي يا حبيب ده السؤال الممنوع حتى الآن منو المسؤول عن ضياع سودانير ؟ الشغلانة فيها فطاحلة وعمالقة هندسة الفساد الكيزاني ، مشروع الجزيرة بعد اصبح خرابة أعلنوا موته بموجب قانون 2005م ، لكن سودانير ما في واحد بقدر بقول (بغم) أنتهى العزاء بمراسم الدفن والميت مجهول الهوية ؟ شكرا شركة عارف الكويت ، شكرا شركة الفيحاء السودان ، شكرا لجان وشيوخ خصصة القطاع العام (الخاسر) كما يحلوا لهم ؟؟ الشفيع

الشفيع ابراهيم كل عام وانت بخير
الحكاية جد محزنة اتخيل بلد حداي مدادي مافيو ناقل وطني
وانت في غربة وتسال عن الناقل الوطني حق بلدك ووسط كمية من
الجنسيات ولا تجد اجابة الا الخطوط السودانية ماشئ مرة بلهجة تقطع القلب
مرار مابعده مرار

عالي

Quote: عالي

شكرا ابوروضة
جد شئ مؤسف ومحزن بلد مافيها خطوط طيران

Quote: سلام ورمضان كريم بالطريقة دي البلد زاتها في يوم حتختفي ياخي الخطوط الجوية السودانية في عهد الكيزان اصبحت مهزلة بجد ولا يسافر بيها الا الذي تقطعت به سبل الحياة ما لقيت لي طيارة ممكن تتاخر ثلاثة ساعات بدون اي سبب بالجد شيء معيب في حق الحكومة ان لا تهتم بهذه المسألة

محمد الطيب سلامات
فعلا البلد بداءت تتلاشي شوية شوية
وفقدنا كل ما يملكه الشعب السوداني من مؤسسات
تماما ولاحد يجيب طناش ممميت والحكاية لسة ياسيدي
كن بخير

مؤسف جداً بعد كل هذا الدمار لمؤسسات الوطن أن تجد من لا يزال يؤيد الانقاذ

سودانير حتى مكاتب ما عندها

Quote: سالت عنها في مكاتب الحجز ولم اجد اجابة خنقتني العبرة كل ادول في العالم لها ناقل وطني الا نحن اي مصيبة حلت بنا مامعقول حتي سودانيرالناقل الوطني اختفت

كان البلد ماشة بالصورة مطار الخرطوم زاااااتو كان سالت عليهو بعد شوية كده ما بتلقاهو. بعد شوية حتسمع خبر بقول أوقفت الشركة الفلانية للطيران سفرياتها الي مطار الخرطوم حفاظا علي طائراتها وسلامة الركاب..

يا باسط رمضان كريم...

وا حسرتاه

الشمس تشرق من جديد

صفحة جديدة من تاريخنا

والكثير من الشعارات و لاجدوى .....مع التدمير الممنهج

Quote: وا حسرتاه الشمس تشرق من جديد صفحة جديدة من تاريخنا والكثير من الشعارات و لاجدوى .....مع التدمير الممنهج

كل عام وانت بخير يارطارق ابراهيم
ماف مبرر للبحصل دة والمصيبة ماف اجاابة

الإخوة الكرام باسط مكي، محمد الطيب محمد، الشفيع إبراهيم، فرح أبو روضة، أحمد الشايقي، يوسف أبو صالح، سيف اليزل سعد عمر، طارف إبراهيم أبو الفضل. وكل السودانيين الحادبين على مصلحة الوطن بدون فرز..
بعد السلام رمضان كريم تصوم وتفطر على خير وتقبل الله صيامكم وقيامكم

قال المثل: (ال4 شالوا الجمل والجمل ما شالهم). والمثل الصيني يقول: (أن توقد شمعة خير الف مرة من ان تلعن الظلام).
سودانير الناقل الوطني انتهت نهاية بطل وهي جزء من كل تمّ تدميره تدميراً كاملاً بفعل فاعل وعن قصد مع سبق الإصرار والترصد وذلك لمصلحة أطراف أُخرى. وعليه ماذا نحن فاعلون؟ أن نندب حظنا العاثر وحظ سودانير وشقيقاتها من سودانلاين والنقل الميكانيكي والنقل النهري والمخازن والمهمات والسكة الحديك وهلم جرا.. لن يأت لنا هذا الندب والمناحة بنتيجة! فماذا نحن فاعلون؟

لماذا لا نكون شركة طيران المغتربين كشركة مشاهمة عامة يمتلك المغتربون كل اسهمها ومن يريد المساهمة من داخل السودان. شركة تعمل بداية في الخطوط المعروفة لديكم في منطقة الشرق الاوسط وأفريقيا.. تحديداً: جدة والرياض وبقية مدن المملكة. دبي أبو ظبي الشارقة. الدوحة البحرين.عمَّان كانو أديس ابابا مسقط.

تكلفة الطائرات في حدود نصف المليار دولار. قمت بطريقتي تجهيز الجهة الممولة بهذا المبلغ بطريقة تتجاوز المقاطعة المفروضة على السودان. المطلوب لقيام الشركة وتسجيلها وتحضير مقرها وهلم جرا مبلغ يتراوح بين 150-200 ألف دولار أميركي. وكلما زاد المبلغ المتوفر سهل علينا الكثير..
فهل من الممكن العمل على قيام هذه الشركة والتي لن تكون للحكومة يد فيها عدا منحنا التراخيص والتصاديق اللازمة حسب القوانين المعمول بها في السودان.
فما هو رأيكم دام فضلك ورأي قراء المنبر مما جميعه. لكن يا أخواني الكرام أن نجلس نخت ال5 في ال2 ونندب حظنا العاثر فلن نقطع فرقة ونكون كالمنبت حاشاكم ..
فلنستمع لأراء القراء مع التحيات.

رمضان كريم. زر قناتي في اليوتيوب من فضلك واشترك معنا
https://www.youtube.com/user/KabbashiSudan
تحياتي.

كبـّاشي الصافي

(العوج راي والعديل راي)

باسط ....والمرور
رمضان كريم وكل سنة وانتم طيبين

((كان البلد ماشة بصورة مطار الخرطوم زاااااتو كان سالت عليهو بعد شوية كده ما بتلقاهو))

وانت الصادق يا سيف اليزل

ود المكي .. مليووووووون سلام ولضيوفك الكرام .


وماذا نحن فاعلون !!!!!!!!؟