مكوار وينو اكلوا الدودو مكوار وين راح خطفوا التمساح .. رمضان فى سنار

باى حال عاد الشهر الفضيل هنا فى ديار المانجلك

هل ما زال رمضان يمر فى تلك النواحى كعادته فى كل حول
ام انه هذه المرة تخطاهم عطفا و رحمة
فالحال هناك يغنى عن السؤال

الرمق فى سنار مفتوح على مصرعيه
خرج البنجوز مكوار بحثا عن سداده < بكسر السين >
و لم يعد حتى الان

خرج بسنارته ناحية ميعة الخزان
طمعا فى مكرمة بلطية و حتى صيرا صغيرا
يبدو ان التماسيح قد فتكت بالسمك فغادر معظمها فى اتجاه جبل موية
لم يظفر مكوار حتى بقعونجة قرر مكوار التقدم نحو العمق
هذه اخر اخبار مكوار

مسكين مكوار. ابتلعه. الخزان وعليكم بانتظار الجثة بالضفة الشمالية الغربية. عند مدخل ترعة قرية الشمباتة. فمنها زحف مانجلك. سنار الجديد صوب الولاية بلؤمه. و قبحه. متطلبات آلة الجحيم و الدمار
عاش أحمد عباس. الفقري عنوانا. للفقر

يا ودعبد الله الخزان برئ من دم مكوار براءة الذئب من دم ود يعقوب
الخزان مخنوق فى رقبتو الطمى سادى نفسو كلما يجيبو بابور الدودو يسف الجاز
اخبار المدينة المتواترة تقول ان التمساح خطف البنجوز شهيد شهيد يا مكوار
الاهالى مغبونين و اناطين مايرنو حالفين ان لا ينهضم البنجوز للدودو
جارين السبح عشان الدودو يقضف مكوار و ناس ودالعباس جهزوا اليقطين
الناس من كل فج عميق فى خشم البحر منتظرين مكوار بسر ما بين الكاف و النون
الدودو اخر اناقة جلابية بيضة و مكوية وسط الجوطة
فعلا الاتخشوا ماتوا تكتل البنجوز و تمشى فى جنازته

كتابة عميقة شكرا مواهب كل سنة والبلد بالف خير
كتابة بعبق الازمان البعيدة وهيبة سلااطين السلطنة الزرقاء

Quote: البنجوز مكوار

ونحن فى كردفان نقولها: المنجوز مكوار ..

شكراً مواهب
رمضان كريم ..

بريمة

باسط الدودو خالف رجل على رجل وسط اللمه يقرقر و المدينة تهمس و الناس خايفه خوف الموت من زلنطجية الدودو
نودى للصلاة الزلنطجية قدموا الدودو و الناس تطنطن الدودو كلفت المغرب ركعتين سرا و السلام عليكم و رحمة الله
و قف الدودو ايها الناس ان مالك بن انس و الشافعى رجال و نحن رجال عشان المطرة شايله و الناس تقدر تصل بيوتها
قصرنا ليكم الصلاة كل واحد يشيل نعيلاتوا و يتخارج بسرعة و اسمعوا و عوا تانى ما دايرين اى لمة فى خشم البحر
البنجوز بنجوز جنة و باكر عصر جهزوا الدلاليك لى عرس الشهيد ابشرى يا التاية وليدك وسط الحور العين يعزل زى ما داير


بريمة : فى السنجكاية منجوز لامن وصل كبرى كوستى بتاع القبانة قال يا يدفعوا طرادة او يشلخ المنجوز بنجوز
ادوه شلن ابى و حلف بالتقطعوا ما بشيل اقل من ريالين عشان فى ناس فى الخرتوم بتقسم معاهو
و شلخ المنجوز بنجوز فوصل عندنا فى سنار بنجوزا مشلخا

Quote: اسط الدودو خالف رجل على رجل وسط اللمه يقرقر و المدينة تهمس و الناس خايفه خوف الموت من زلنطجية الدودو نودى للصلاة الزلنطجية قدموا الدودو و الناس تطنطن الدودو كلفت المغرب ركعتين سرا و السلام عليكم و رحمة الله و قف الدودو ايها الناس ان مالك بن انس و الشافعى رجال و نحن رجال عشان المطرة شايله و الناس تقدر تصل بيوتها قصرنا ليكم الصلاة كل واحد يشيل نعيلاتوا و يتخارج بسرعة و اسمعوا و عوا تانى ما دايرين اى لمة فى خشم البحر البنجوز بنجوز جنة و باكر عصر جهزوا الدلاليك لى عرس الشهيد ابشرى يا التاية وليدك وسط الحور العين يعزل زى ما داير

ياسلام عليك يامواهب تداعي رهيب احب التواريخ
وحكاوي اسلافنااا في كتاب كاتب الشوونة وكتااب طبقات ودد ضيف الله
احب الحكاوي القديمة احب قصص المك ود عدلان وحكم ودكتكتوك
انشاء الله اكون اصبت واماحرفت البوست ومزيد من الجمال