سياحة في شعر المناضلة منى عمسيب "مهيرة" في حلقات الحلقة "1"

سياحة في شعر المناضلة منى عمسيب "مهيرة"
----------------------------
عنما سافرت للسودان كتبت منى:

يوم 30

يوم 30 خلاس عاقــده السفر لبـــلادي

لي وطني الحبيب الفيهــو يوم ميلادي

ما ناسياهو يوت رغم الظروف وابعادي

وكيف انسي الديار الفيها كان اسعادي

******

فـرحااااااااان القليب الليلـــه تـــم مـــرادي

وبهتف بالجميـــع ويــــــوم التـــلاقي الاتـــي

ويا الهمباته هووووي قاصده الجميع لصلاتي

ويا جيلاني ات معروووووف وطـن لي ذاتـي

******

بحسب في الثوان وفوق الليالي المـــره

لي شوفت البلد وشوفت الحبيب اب غرة

همبـــاته السرور شايلين سيـــوف الكره

ويوم يقـــع الدواس خالين عدوهـــم فـره

قــــــــــــــــــــــــــال جــــــــيـــــــــلانـــــــــي
يـوم 30 اكـيـد راجـيـاك اســود بــي قــادي
وفي وطن النجـوم يـا مهيـره يـوم ميعـادي
مهـمـا جــار زمــن قـسـم جـنـوب الـــوادي
ســودان عــزه بــي حيشـانـه لـيـك مــدادي
*****

مـرادك تمـه تــب يــا مهـيـره فــي اوقـاتـي
وقـدامــك يـتــم ضـــرب الـســلاح الـعـاتـي
عندي حساب قديـم يـا الدهمشـي الهمباتـي
ومــا يـنــدس ورك هـبـانـي مـــن كلـمـاتـي
****

وكـت العيـن تشـوف جـمـر النـهـار الـحـره
يـا المهـره ام حجـل تـاريـخ وصـولـك تــره
فـزعـك بــي اب ســدر ذي القـطـار الـمــره
وياسواح واب حجل..! ارجوني واقفين بره
==============
فردت مننى بهذه الابيات
------------
عارفاك ياالعشم فارسآ بتضوي سيوفك

يا ســيد الكرم قبلــة بــراح لضيوفـــــك

حوشك ها الكبير حاضن الجميع بكفوفك

حاشاك مو بتصد مهما الزمان وظروفــك

******
اشكــر للكــريم التمـــه لــــي مـــــرادي

وفي امدر الامان القي الجميع اسعادي

همبــــاته الكـــرم الليها قلبـــي بنـــادي

بالشوق والحنـــان الفيها نكــهة بــلادي

*****

يا جيلاني خوي سيب اب حجل في حالو

طيلة مو شرد وخشمـــو الرمـــاد الكالـــو

مـــو ظنيتــــو جــــاك بعـد جـــزاك النالــــو

وسـواح داك معاهــو اخر خـــبر لي قالــو
توقيع مهيره
================
عندما سافر جيلاني للصين كتبت مهيره له هذه المربعات:
---------------

قايلالك زمان اظهر تـعـــال لـــي بين
بتقولي الظروف مو رافــعه للقدمـين
يا رب يا كريم اشكي المحن لي مين؟
خلاهــو القروب طقاها فوق الصيــن
وضارب لي كمان بقولي انتوا الوين؟

***********
جاب لي الشمــار بلدأ جمـيله وزينــه
سابقين الجميع فوق النــجاح زايدينه
بالبنا والعمــــار والتكنلوجيه الصينــه
يا رب ليك ازور لازمن اشوف بالعينه

************
كمان فيها الحسان البرتكان الصافـي
والذوق والادب حــلو الكلام لا جافــي
جيلاني السكن عامل قليبـو مرافـــــئ
وفي بلد الجمال ظنيتو اصــبح حافـــي

حباب ودالاسد الهمباتي الجميل
واكيد سنجد منك كل الجمال
واهو الجواب باين من عنوانو
والتحية عبرك للاخت بنت
عمسيب نحن قايلنها مناضلة
بس وماشاء الله معاها
شعر وهمبتة كمان هههه
تسلم

حباب الكلس \ ود القرشي .

مشكور يا الحبيب علي الكلمات الكريمات والحضور المشرق .

ويا ود الاسد ود القرشي فارسآ اصيل وصديق وصاحبآ لينا ونعم الخوة

المشرفة والله .. ودمتم جميعآ ,,

ولي قدام .

والله كلام

Quote: والتحية عبرك للاخت بنت عمسيب نحن قايلنها مناضلة بس وماشاء الله معاها شعر وهمبتة كمان هههه

انا زاتي كنت قايل كدا والله

سلام ليك سيد البوست وضيوفه الكرام