لماذا الهجوم على العلامة الدومة حنضل؟؟؟!!!

ناسف للتعديل وخلافه

ثم لماذا ياهولاء الهجوم الغير مبرر على رسول (رمضان ) اية الله الدومة بن حنضل ؟
المكلف من جهات عليا لمسالة الكفرة والملاحدة وال علمان ومن لف لفهم .......؟؟؟؟؟

العلامة طال عمرو حيا وميتا شيخ الدومة بن حنضل سعل سعال واضح وضوح لا لبس فيها
كما وضوح نقاء نظامه من اشاعات الفساد وقتل العباد ...قال ليكم ..هل تصؤمون رمضان
وللا ...الدعمسة شنو ليكم ...الصائم يقول صائم شان شيخ الدومة يذكر الملائكة ينزلوا ليهو
الحسنات حقتو ...فاطر يقول فاطر لانى عييييييان ويرفق تقرير طبى موقع عليهو النزيه
مامون حميدة وموثوق من اى محكمة نظام عام وللا كشك امن بسط شامل ...وللا من اى سفارة
فاطر ساى بلا عذر شرعى تجى هنا وتطلب السماح من رسول رمضان الدومة بن حنضل
عسا ولعلا يكون ليك شفيع شيخى الدومة ......انتوا قائلييين وكت الشيخ ده ساااى ام فكووللا شنو؟
اى فوضى وللا محاولة لحرف بوستات سيدى الدومة ستقابل بحسم ..ويد من سيخ ..

بعدين قصة انو الدومة كان كادر عنف وسيخ ومطاوى وجنازير ..وعندو موتر سوزكى لزوم
مطاردة الطلبة فى الجامعات وكان بسلم على الترابى فى راسو ...وكان كادر حماية ليهو دى
اشاعات لا اساس لها من الصحة وكمان لا اساس لها من التعليم .لانو شيخ الدومة يكتب العربى
اسحن من ابو العلا المعرئ ..ومن عميد عمداء اللغة العربية............

بطلوا دغمسة واركزوا للاجابة ...وسارعوا ب الاجابة لانو الحسنات محـــــــــــــــــــدودة

ههههها
لا والمصيبة الكبرى ان كل واحد دخل بوست العلامة الدومة لنقاشه طلع بصفة جديدة اما ضال او كافر او زنديق او ملحد
الراجل شكلو كدا صدق فعلا وقولا انه رسول من الله
اتوقع لو تكرم ومر على البوست بتاعك دا ان تكون صفتك الجديدة الزنديق الملحد الضال الشيوعى الكافر الهالك معاوية بن عبيد


بعد اذن العلامة الدومة خلينا نقول للزنديق دا : رمضان كريم

صوموا كما رايتموه يصوم علىه رضوان الله والملائكة والناس اجمعين