خم رماد السواد

الود محمد شابكني ليك وديني البلاج وديني البلاج..
قلت ليه ارحكاكا ياخ ورمتني.. ومنها نخم الرماد..
شلت لي كيس فيه سندوتشات عشان انا بهوي سريع مع الموية دي
وشلت لي باغة موية وبسكويت..
ولبست لي شورت كحلي (والله شورت يا عماد عبد الله) وتي شيرت لبني ونزلت منتظر الود الفقر دة ينزل
جاء شايل ليهو شنيطة صغوووووويري وواحدة كبيرة شوية
قلت ليه دة شنو يا محمد.. قال لي: الصغيرة دي يا بابا فيها كريم ضد الشمس
وواحد ضد موية الملح و«بان دوش» (دة مافي زول يسألني منه لأنه لونه اصفر كدة أنا كنت قايله اسكريم)
ماما قالت لي اديها بابا... اجي
اها والكبيرة دي.. دي يا بابا فيها بشكيرين وبشكير كبير عشان نقعد فيهم وسفنجات بحر ومظلة..
ما لقيت لي طوبة افلقه بيها.. يا ود الكـــلب انا كنت بقع في النيل بي سروال بي تكة..
ولمن البحر يكون قايم وعكران بالصباح بلقى لي «كركجي»* واقع من اضاني وناشف..
ولمن اجي داخل البيت بكون اغباااااااااااااااااااش بمشي اشيل لي سكين وعلي علبة صابون العدة
وكررررررررررررررررررررج بقطع لي سِرحِي من الصابون واخت الصفيحة في البلاعة
وادخل اتمشك زيييييييين بالليفي أم بزر ديك وبجي مارق لوني بيكون كوبيا عديييييييييل..
ختينا مظلتنا وفرشنا البشكير الكبير ومحمد طلع حاجات البلاستيك البيلعبوا بيها في الرملة ديك
وعاملة زي قوالب كعك العيد ديك..
اها شلت الشنيطة الصغووويري ديك ختيتها تحت راسي وانبطحت وخلفت رجلي
اها قمت اديتها كشيفة علي اليمين لقيت لي رِجِل نااااااعمة وبيضااااااااااء ومدبلغة زي طفاية القاعة ديك
قمت عاينت لي رجلي لقيتها مكلوجة زي البسطونة لمن يتنيها استاذ الدين وهو زعلان لمن يلقى ليهو تلميذ ما حافظ
برااااحة شلت واحد من البشكيرين غتيت رجلي وبقت مرفوعة زي عود الطلح التحت الشملة وماهو موقدنو شي
اتقلبت علي جنبي الشمال إن كان عيني تقعلها في «فنانيس» بيييييييييُض علي اللُقمة البيسووها بالزبادي ديك
وفيها زيق من الملاح ماشي ملولو ملولو كدي في نصها...
اصلو عيوني ديل بقن سهتانات علي لحمة السليقة البيغزوها في نص الرز ديك..
هي سووووووووووووووووووووووود عليك يا ود جبيرين..
شويتين قلت اللاخدلي عومة واتشتش النيران الانطلقت فيني دي
اها اتقولعت وبقيت اكلوج في رجليني في الرملة علي مفرمة الخدرة.. ككك كككك ككك..
دخلت علي الموييي ان كان القالكم المغاربة يبلبطوا والتقول ماهن لابسلهم شي ضومة ضومة..
شوف عيني البياكلن الدود ديل شوفتلي «مُعلاق» احمر مطفح من غير ستو
لا عرفتها غرقت لا عرفتها غاتسالا مع حبيبا ليها تحت الموييي

إنتو البشير لليلي حاكمنا...
الباقي ان حكيتو مفروض اطعم الصين الشعبية
الله يكتلكم
هههههههههههههههه
ــــــــــــــــــــــــــــــــــــ
* كركجي لي ناس الشهادة العربية هو طين البحر البينشف داك ولمن تجي ماشي فيهو يعمل كوروم كوروم

لكن ما خميت رماد خمسين سنه لي قدام يا ود جبريل .
لازم تتحلل من الخم ده وتقيم الليل مضاعف .
كل عام وإنت بخير .

هههههه
غايتو ياودجبرين البوست دا لازم
يلحق ست المعلاق لانو من مبطلات
الصوم .
تسلم ياحبيب وكل عام وانت بخير

Quote: لا عرفتها غرقت لا عرفتها غاتسالا مع حبيبا ليها تحت الموييي

ههههههههههههههههههه،
بتكون بيتالآ فوق راي.

الرماد اليملأ خشمك،
جيت من وين قاطع حبلك يا الكُعوبية ؟.

رمضان كريمـ...

Quote: ههههههههههههههههههه، بتكون بيتالآ فوق راي. الرماد اليملأ خشمك، جيت من وين قاطع حبلك يا الكُعوبية ؟. رمضان كريمـ...

مقطوع الطاري ههههههههههههه
رمضان كريم ياخ

Quote: هههههه غايتو ياودجبرين البوست دا لازم يلحق ست المعلاق لانو من مبطلات الصوم . تسلم ياحبيب وكل عام وانت بخير

عاد ام معلاق مطفح دي لتجيبلنا الكلام هههههههه

Quote: لكن ما خميت رماد خمسين سنه لي قدام يا ود جبريل . لازم تتحلل من الخم ده وتقيم الليل مضاعف . كل عام وإنت بخير .

ههههههههههه
تصوم وتفطر علي خير يا حبيب

يا ود جبريل انت خميت نار وجمر ولهب
وهييييييع في البلاج دي كان قدل فيها ود شيقوق كان بدع
يملا طرف جلابيتو عنكوليب ويقدل يخيط البلاج جيئة وذهابا
كيف الحريرة ؟

Quote: ... .....اتقلبت علي جنبي الشمال إن كان عيني تقعلها في «فنانيس» بيييييييييُض علي اللُقمة البيسووها بالزبادي ديك وفيها زيق من الملاح ماشي ملولو ملولو كدي في نصها... ...

..
..[bid] ..
..
..الصور ...
.
.
.
.
.
.
.
.
.
.
.
.
.
.
.
.
.
.
.
.
.مقض ...ابصلعه ما بيقدر يسنسر الصور الزي دي ..
..
..

Quote: ادي بلادي · جامعة القاهرة العجب اكان فيه شدرة مكوعة على القيف وتطلع فيها وتاخدلك تبليج وتسمع طش وسروالك يتنفخ هواء ههههههههه الله يودينا بلدك بزاف توحشناهم تعريف وحاشية للشهادة العربية والحناكيش : كلمة تبليج تعني الدايفن والقفز من مكان عالي الى الماء ههههههههههه

يا اخي معقول !!!.
يا زول لك كامل محبتي ورمضان كريم.
اخخخخخ، صرعتني الغربة، وهيجت اشجاني يا رجل.
التِبِلِيّج !!!، يا زول إنت من وين في البلد ؟.
حقو الواحد يقعد يكتب من هنا لباكر. ااااااااه يا زمن،
يا ناس أرحمونا...

Quote: ..الصور ... . . . . . . . . . . . . . . . . . . . . .مقض ...ابصلعه ما بيقدر يسنسر الصور الزي دي .. ..

انا عوير قالوا ليك

Quote: يا ود جبريل انت خميت نار وجمر ولهب وهييييييع في البلاج دي كان قدل فيها ود شيقوق كان بدع يملا طرف جلابيتو عنكوليب ويقدل يخيط البلاج جيئة وذهابا كيف الحريرة ؟

اووووووه حبيبنا ود المنسي
رمضان كريم ياخ
شقي الحال داك هسي يكون غرقان في البليلة هههههههه

يقول علماء الأمة أنك بهذه الكيفية يا ود جبريل قد فسد صومك على المذاهب الأربعة وسمبهار أو in advance لا فرق فكيف يتسنى لنا مخالطة حمام الوادي وأنت كما وصفت نفسك حمام شقوق ، إن كفارة خم رمادك هذا كبيرة فعليك فك رقبة – التفك ركبتك إن شاء الله – وتطعم كمية بتاعت مساكين في السودان بشرط أن يكون الطعام صحن فول مدنكل لكل مسكين ولأن الدين يسر يمكنك أن تطعم ثلاثين أثيوبياً وجبة زقني مع الأنجيرا بشرط أن يكون الجداد جداد بلدي من النوع البكاكي.
مالك ومال البلاجات والسن سكرين والسن بلوك ، إنت الشمش زمان تضرب فيك وترجع مترتره يعني نظام صاده ، فسبحان الذي خلاك حنكوشاً ترتدي شورت بلو وتي شيرت وتنتعل سليبر.
==
أما ما جاء في وصف المسبح والحاجات المطفحة فهذا موضوع لو خضت فيه لإنتقض الوضؤ ولفسد الصوم ولغرقت بالرغم من إجادتي للعوم

وبدون ما تقول كلامك دا

اطعم البحرين بس ..!!!!

وبدون ما تقول كلامك دا

اطعم البحرين بس ..!!!!