الخارجية السودانية والأزرق قالوا وااااااااااااااي...

واااااااي؟

دستور قال ومحاكم قال؟؟

عالم تخاف من الخواجات ما تخاف من قوانينها!

لعنة الله عليكم..


ياسر الشريف ياخي إسمح لي أفتح البوست ده

الفديو الموجود في بوست ياسر الشريف

http://www.sudaneseonline.com/board/470/msg/1403976224.html

الزول الأسمو عبدالله الأزرق، وكيل وزارة الخارجية..في لقاء مع البي بي سي:

قال واااي بالإنجليزي

الزوول ده قال وااااي عديل كده.

قال الخلاف ما بين مريم والمحكمة ، الخلاف بين مريم وأسرتها. بالله؟؟!
لو ما الأمريكان والإنجليز أدوكم قرصة كان كتلتوها زي ما كتلتو غيرها بعد ما تجلودوها زي ما جلدتوا غيرها.

قال الحكومة قاعدة تحمى مريم لأنو أسرتها هددتها بالقتل..
وين الكلام طلعوا لينا ومحاضر المحكمة قاعدة..
إنتو الحمكتوا عليها بالقتل. إعدام عديل كده. لو ما الناس وقفوا ليكم ألف أحمر كان رجمتوها بالحجار.
إنتو ديل والزيك هم الذين مرمطوا سمعة السودان في كل دول العالم..

موضوع الوثيقة:
قال دراما من السفارة الأمريكية!

أنت ما فاهم كلمة دراما دي معناها شنو؟؟
موضوع الوثيقة يوضح إنك وحكومتك وقضاتك وأمنك مجموعة عصابة لاتحتكم لقوانين أو أعراف.


وااااي
- كمان سوف نصدر ليها جواز سفر سودانى..ومافي زوول سيعارض هذا القرار

تمام.

يلا طلعوا ليها جواز سفر سودانى. مسدس الكاوبوي مصوب تحت زراير بنطلونك..
قال وِوي دونط نو وااااااي قدمت لوثيقة سفر من دولة جنوب السودان!!؟؟؟

قال ختيناها في غرفة مكيفة..يعنى شنو ختيتها في غرفة مكيفة؟؟
شنو يعنى ما ختيتها في زنزانة في المطار؟ شنو يعنى؟؟
ما ولدت طفلها في السجن بقوانينك وهوسك..وبعداك فتحت ليها باب السجن لمن الأمريكان وروك العين الحمرة..ما من البداية تحترم حقها في أن تعتقد من تشاء..عالم طير..

وبعداك كبيت الجرسة.. واااااي..

- صدقنى تسعة وتسعين في المية المدعي العام سوف يخلي طرفها..
طيب ما كان تقول علي الطلاق بالإنجليزي... مش مريم دي حنفكها ليكم.
بعدين منو البوظ سمعت البلد يا بتاع الخارجية؟؟ مريم ولا حكومتك؟
عالم تخاف من الويسترن ميديا وما تخاف من الله وتحترم حق مريم أن تعتقد فيما تشاء..

قلت لي قرار المحمكة الأبتدائية ده كان أي كلام!!؟؟؟

ياها دي محاكمك؟؟
..تحكم علي الناس من غير ما ترجع للدستور والقانون؟؟

هو بالله إنت عندك قانون ولا دستور؟؟

بعدين أقول ليك قولة:
أمش أخد ليك كورس بتاع إنجليزي، لأنو إنجليزيك ده براهو فضيحة ليك ولي حكومتك..للأسف بأسم السودان

لعنة الله علي الإنقاذ

العزيز سيف... مساك الله بالخير ورمضان كريم

هذا الوكيل، ضعيف الحجة أو الدبلوماسية أو اللغة الإنجليزية، كاذب ونظامه كاذب!
بدأ كلامه بكذبة توقعه للـ BBC قبل إسبوعين بإطلاق سراح مريم... وطبعاً وزارته قالت
إنو ده ماحصل. وأنهى كلامه بأن محكمة الإستئناف بتنظر للدستور... وده كذب صريح
فالمحكمة الدستورية هي التي تنظر في القضايا الدستورية.

هو قال تم إعتقالها مرة أخرى ووزارته قالت للقائم بالأعمال الأمريكي إنه لم يتم إعتقالها.

وأنا أول أمس كنت في مكتب السودان في الخارجية الأمريكية وإستمعت لتنوير رسمي
في القضية دي أتى لهم من السفارة في الخرطوم وأنا ناقشت معاهم بيان خارجية المؤتمر
اللاوطني المغاير لتقرير السفارة وطلبت إيضاح أكثر من السفارة في الخرطوم. وكذلك
ناقشت معهم محاولتهم للمتاجرة بهذة القضية وإشغال الرأي العام السوداني الملتهب بها
وطلبت تأمين 7/24 لهذة الأسرة المعرضة حياتها للخطر من قبل مهوسي النظام. الخارجية
الأمريكية قالت أنها مهتمة بهذة القضية والتي أصبحت قضية رأي عام أمريكي وستسعى
لحماية مريم وأسرتها وكذلك ستؤمن خروجهم من السودان.

ويعلم الله مشيت بعد إجتماعنا ده في الخارجية مشيت لإجتماع آخر مع لجنة حقوق الإنسان
في الكونغرس الأمريكي ولقيتهم بيناقشوا في قضية مريم وزوجها الأمريكي وطفليهما وهم
على إتصال بوزير الخارجية الأمريكي ومكتب المبعوث على مدار الساعة.

أجمل ما في كلام هذا الوكيل إنو القضية دي سودت وجه النظام أمام المجتمع الدولي، وكذلك
إعترافه بأنهم أخطأوا التقدير. ولكننا نعلم أنهم حاولوا إستخدام هذة القضية لتجارة فاسدة
لشغل الرآي العام عن قضية الجنجويد والأزمة الإقتصادية وتقهقرهم في العمليات العسكرية
ومرض المجرم البشير وتململ بقية ما يعرف بالجيش السوداني.

ولكن خاب ظنهم في تحقيق أغراضهم الدنيئة عبر هذة المريم!

وقبل أن أنسى... عليهم أن يعلموا أن فعلتهم هذة حركت الكونغرس الذي يناقش مشروع قانون
السودان الجديد والذي سيفرض على الإدارة الأمريكية تشديد العقوبات المفروضة على نظام
المؤتمر اللاوطني ويعسى كذلك على فرض عقوبات أكثر صرامة عليهم في أشياء ستكون مفاجعة
لهم لن يتوقعوها. وسنسمع قريباً عنها جزاء ما إرتكبته أيديهم في الشعب السوداني الذي أبادوا
بعضه ويسعون لإبادة بقيته، وأرضه التي إستباحو حرمتها دنسوها ومزقوها.

لعنة الله عليهم وعلى جبنهم أمام الدول وعنتريتهم أمام شعبنا الأعزل...!

التحيه لك الأخ سيف ورمضان كريم .
ما ألاحظه من حيث وجهة النظر العامه
أن الرأى العام الأمريكى فى هذه الأيام يتابع وبإهتمام حدثين :-
1- يتابع أحداث مباريات فريقه لكرة الفدم بالبرازيل
علماً بان الأمريكان لا تستهويهم كرة القدم .
2- ينابع وبإهتمام أشد- خاصةً الإعلام- ومنظمات المرأه يقضية مريم وأطفالها.

Quote: العزيز سيف... مساك الله بالخير ورمضان كريم هذا الوكيل، ضعيف الحجة أو الدبلوماسية أو اللغة الإنجليزية، كاذب ونظامه كاذب! بدأ كلامه بكذبة توقعه للـ BBC قبل إسبوعين بإطلاق سراح مريم... وطبعاً وزارته قالت إنو ده ماحصل. وأنهى كلامه بأن محكمة الإستئناف بتنظر للدستور... وده كذب صريح فالمحكمة الدستورية هي التي تنظر في القضايا الدستورية. هو قال تم إعتقالها مرة أخرى ووزارته قالت للقائم بالأعمال الأمريكي إنه لم يتم إعتقالها. وأنا أول أمس كنت في مكتب السودان في الخارجية الأمريكية وإستمعت لتنوير رسمي في القضية دي أتى لهم من السفارة في الخرطوم وأنا ناقشت معاهم بيان خارجية المؤتمر اللاوطني المغاير لتقرير السفارة وطلبت إيضاح أكثر من السفارة في الخرطوم. وكذلك ناقشت معهم محاولتهم للمتاجرة بهذة القضية وإشغال الرأي العام السوداني الملتهب بها وطلبت تأمين 7/24 لهذة الأسرة المعرضة حياتها للخطر من قبل مهوسي النظام. الخارجية الأمريكية قالت أنها مهتمة بهذة القضية والتي أصبحت قضية رأي عام أمريكي وستسعى لحماية مريم وأسرتها وكذلك ستؤمن خروجهم من السودان. ويعلم الله مشيت بعد إجتماعنا ده في الخارجية مشيت لإجتماع آخر مع لجنة حقوق الإنسان في الكونغرس الأمريكي ولقيتهم بيناقشوا في قضية مريم وزوجها الأمريكي وطفليهما وهم على إتصال بوزير الخارجية الأمريكي ومكتب المبعوث على مدار الساعة. أجمل ما في كلام هذا الوكيل إنو القضية دي سودت وجه النظام أمام المجتمع الدولي، وكذلك إعترافه بأنهم أخطأوا التقدير. ولكننا نعلم أنهم حاولوا إستخدام هذة القضية لتجارة فاسدة لشغل الرآي العام عن قضية الجنجويد والأزمة الإقتصادية وتقهقرهم في العمليات العسكرية ومرض المجرم البشير وتململ بقية ما يعرف بالجيش السوداني. ولكن خاب ظنهم في تحقيق أغراضهم الدنيئة عبر هذة المريم! وقبل أن أنسى... عليهم أن يعلموا أن فعلتهم هذة حركت الكونغرس الذي يناقش مشروع قانون السودان الجديد والذي سيفرض على الإدارة الأمريكية تشديد العقوبات المفروضة على نظام المؤتمر اللاوطني ويعسى كذلك على فرض عقوبات أكثر صرامة عليهم في أشياء ستكون مفاجعة لهم لن يتوقعوها. وسنسمع قريباً عنها جزاء ما إرتكبته أيديهم في الشعب السوداني الذي أبادوا بعضه ويسعون لإبادة بقيته، وأرضه التي إستباحو حرمتها دنسوها ومزقوها. لعنة الله عليهم وعلى جبنهم أمام الدول وعنتريتهم أمام شعبنا الأعزل...!

محمد يس خليفة
كل سنة وانت طيب ورمضان كريم

هذا هو حصاد الإنقاذ. الازرق وخارجيته هم الذين مرمطوا سمعة السودان في الوحل وجلبوا له الدمار والخراب والقتل والتعصب والعنصرية والتشرزم.

Quote: التحيه لك الأخ سيف ورمضان كريم . ما ألاحظه من حيث وجهة النظر العامه أن الرأى العام الأمريكى فى هذه الأيام يتابع وبإهتمام حدثين :- 1- يتابع أحداث مباريات فريقه لكرة الفدم بالبرازيل علماً بان الأمريكان لا تستهويهم كرة القدم . 2- ينابع وبإهتمام أشد- خاصةً الإعلام- ومنظمات المرأه يقضية مريم وأطفالها.

الأخ عبد الله
مرحب ورمضان كريم

نشكر أمريكا وكل المجتمع السودانى في الولايات المتحدة الذين وقفوا دعما لمريم وأطفالها وزوجها.

والحرية للوطن بأكمله...

سلام يا عزيزي سيف اليزل


لكن بالجد فلفلت الكلام فلفلة تمام.

شكرا لك

ياسر

Quote: لكن بالجد فلفلت الكلام فلفلة تمام.

يا دكتور لقيتو كلامو ملان قراد ومارقووت..

كلام الخارجية طلع صاح..