سؤال عن الصوم؟ اختلاف طول اليوم هنا و هناك

Quote: Sunrise: 3:44 AM Sunset: 11:36 PM Day length: 19h 51m 48s Solar noon: 1:40 PM

ما في الاقتباس هو طول اليوم في مدينة يلونايف بالمقاطعة الشمالية في كندا ( North Territory)
سأل أحد السودانيين من المهاجرين لكندا شيخاً مصرياً عن كيف يصوم في مكان عمله في اقصي شمال المقاطعة الشمالية بشمال غربي كندا حيث كان طول اليوم أكثر من عشرين ساعة
فرد عليه الشيخ المصري قائلاً هو انت رحت هناك ليه؟ شوفلك مكان تاني يا سيدي.
دعونا من ذلك. السؤال مطروح للجميع ماذا نفعل اذا كنا ببلاد في شمال اوربا مثلاً و كان طول اليوم اكثر من عشرين ساعة
في الرابط ادناه تجدون موقعا تستيطعون فيه حساب طول اليوم


http://dateandtime.info/city.php?id=6185377


و هنالك سؤال عن مواقيت الصلاة ايضاً
طول اليوم في تورنتو اليوم

Quote: Sunrise: 5:38 AM Sunset: 9:03 PM Day length: 15h 24m 52s

و الله المستعان

طه جعفر

لاحظوا أن الإمساك يكون من الفجر و هو اكثر من ساعة قبل شروق الشمس
يعني في تورنتو الموضوع اكثر من 16 ساعة

Quote: Date Day Fajr Sunrise Dhuhr Asr Maghrib Isha 24 Tue 3:47 5:37 1:21 5:28 9:04 10:55 25 Wed 3:48 5:37 1:21 5:28 9:04 10:55 26 Thu 3:48 5:37 1:21 5:28 9:04 10:55 27 Fri 3:49 5:38 1:22 5:28 9:04 10:55 28 Sat 3:49 5:38 1:22 5:28 9:04 10:54 29 Sun 3:50 5:39 1:22 5:28 9:04 10:54 30 Mon 3:51 5:39 1:22 5:28 9:04 10:54 Monthly/Annual Schedule

الاقتباس من هذا الرابط
http://www.islamicfinder.org/prayerDetail.php?country=canada...toandstate=ONandlang

الفجر اليوم الثالثة و تسعة اربعين دقيقة صباحاً
بذلك يكون طول اليوم 17-18 ساعة
أها الفهم شنو؟

طه جعفر

العزيز جعفر
قبل ما يجونا الفقهاء الكبار كبار خلينا ندلو بدلونا وما يشجعنا على ذلك
انو صاحب البوست ذاتو دينو حيه ذينا كدا لكن مجنهد فلنا فلنا اجر الاجتهاد

طبعا يا جعفر اغلب الناس البفتوا فى الدين دا شايلين كممم مكيال
لازم دايما وابدا مكيالنا يكون واحد كيف ؟
مثلا اذا انا مشيت ابحث عن حكمة مشروعية الصوم لازم اقيس اى حكم بالاشياء
التى تحقق حكمة مشروعيته وسبب تشريعه
او الخيار التانى انى التزم النصوص دون تصرف ...
ديل خيارين لا ثالث لهما
اها لو جينا للسفر مثلا والمرض مفروض طوالى وحسب النص اى مرض واى سفر
رخصه .. وقيل فى الاثر ان الله يحب ان تؤتى رخصه كما يحب ان تؤتى عزائمه
لكن طوالى بنلقى الفقهاء ميالين للتشديد والقياس وانو السفر لو مافيه مشقه ما تفطر ووووووالخ
اها فى احكام تانية ممكن القياس والتفسير بعمل تسهيل تلقاهم طوااااالى رفضوا التسهيل ومالوا للتشديد
بالتمسك بالنص .... وانا شايفه انو الموضوع دا فيه خلل والله اعلم
فما راى الشيخ تبارك الذى ليس بيده شى ايضا الله اعلم










ـــــــــــــــــــــــــــــــ
هذا البوست متروك للاراء العادية يا هداكم الله
ورمضان كريم ... ربنا بصووم ناس ساعات طويلة لحكمة وتاديب يعلمه
بكونوا بستاهلوا ....

Quote: هذا البوست متروك للاراء العادية يا هداكم الله ورمضان كريم ... ربنا بصووم ناس ساعات طويلة لحكمة وتاديب يعلمه بكونوا بستاهلوا ....

انا يبدو لي يا دينا المقصود من الشغلة دي بالذات هو انا و ياسر طيفور و حيدر بدوي و طلعت الطيب و كدا
و اخونا خليفة خوجلي بادمنتون في البرتا (هناك الصوم عشرين ساعة يعني تونتي في الهارت و كدا في حنانك طبعاً ) و عزت الماهري
اصلاً يحي فضل الله ربنا خارجو بالسكري

و الله المستعان

و كمان تجريح الصيام او اغتياله كما قال احد الاصدقاء
لأنو بنات تورنتو و الحمد لله حايمات من غير هدوم لأن الدنيا حر و كدا
و هذا الايام هواسبوع ال gay pride و الجماعة الطيبين يسوقوا العجلات أم فكو كدا علي اللحمية و الله
...................................
واحد صاحبنا قال الشغلة ما صوم و بس لأنو فيها حظر تجول كمان!!
..............................
أها نمشي ال shopping و الواحد بكون overwhelmed بالجمال المقلع هدومو دا

و الله المستعان


طه جعفر

يا طه الله ما أمر بالهلاك...

Quote: مثلا اذا انا مشيت ابحث عن حكمة مشروعية الصوم لازم اقيس اى حكم بالاشياء التى تحقق حكمة مشروعيته وسبب تشريعه او الخيار التانى انى التزم النصوص دون تصرف ...

شكرا يا دينا خالد
و شكرا يا بلة محمد الفاضل

Quote: يا طه الله ما أمر بالهلاك...

المشكلة ما نحنا الكبار يستطيع الواحد أن يتحمل
لكن المشكلة أنو اليافعين في سن 13،14 ، 15 من اولادنا عاوزين يصوموا كمان
و لا تسطيع منعهم لا من اللعب و لا الصوم عادي جداً أن يصاب الواحد منهم بديهايدرايشن
غايتو جنس غربة و امتحانات
....................................
هنا تذكرت حكاية حدثت لبنت صديقي و صديقتي البنت بتمشي دروس في الجامع المجاور و الواعظ كلّم الصغار عن عذاب القبر و يوم القيامة بطريقة فيلم رعب
البنت اصيبت بحمي و حالة اضطراب جسمي شامل نتيجة للرهاب و الخوف ( جفاف، تسارع انفاس، زيادة في معدل ضربات القلب و غيره)
المهم اتصلوا بلاسعاف و جاهم طبعاً
و اخدوا البنت و تم فحصها و تم عرضها علي طبيب نفسي وحكت لهم ما حدث في الجامع . تكلمت السلطات المختصة مع آباء الطفلة و قالوا لهم إذا تعرضت الطفلة لمثل الخوف
مرةً أخري سوف يكون لا بد من أخذها منهم و تسليمها للحكومة
يعني شوفو زي المحن دي.
..................................................
الجوامع هنا تدار عن طريق أخوانا الآسيويين ديل و عليهم جنس حالة من الجهل و التزمت ، انصار السنة بتاعننا بالنسبة ليهم تقدميين خالص

طه جعفر

فى بلاد الصوم فيها 5 ساعات و6 ساعات
ديل ح يحسوا الجوع والعطش والحرمان كيف ؟
وح يتعلموا الصبر وعدم الجرسة من وين ؟

اها وفى بلدان المعانى دى بتتحقق بالزيادة
لما يصوموا 20 ساعة ...
ياسر طيفور دا خلى بكون هو ذاتو المقصود ...
لكن الشباب الصغار ديل لا بد لهم من فتوى ...








ــــــــــــــــــــــــــ
المصريين بجيبو المقرىء فى الماتم عشان يقرا ايات
طول ايام الفراش ... فى واحد ذى الشافعة دى بخاف من سور القيامة
لما ابوهو مات وجابو المقرى لافى العمة الكبيرة ديك وداخل على الفراش
جرى جرى كابسوا وغمت ليه رزمة قروش فى يدو وهمس لى فى اضانو
والنبى يا شيخ تستنضف لينا ايتين ....
ابو الشافعه كان يوصيهم ... ههههههه غايتو يا جعفر محنك ما بتكمل
قلت لى الجماعه ماخدين راحنهم صيام وحظر تجول هههههههه
الترابى دا كان قاطع الحوار بلحقكم وبنجدكم بى فتوى كااااااربة ... بس قولوا يا لطيف ..

Quote: الله ما أمر بالهلاك...

هكذا كتب لي صديقي المزارع، وهويصف العمل في الزراعة مع الصوم،
فهم يعملون منذ قبيل طلوع الشمس، حتى قبل غروبها بقليل، وهو عمل مضني ....
واضاف : يا نصوم ونموت من الجوع، ولَّ كمان نشتغل وناكل بالكاد ....
والفطور بتاع رمضان ذاتو اخير عدمو، العصيدة ديك البتعرفا، وملاحا الماحلو...
وبليلة ... كل الصواني كدة...
وختم : ان شاء الله نعوض السنة الجاية،
بالمناسبة الدهابة رش تقيل.... وبي فتوتن وكدة؛
بلة سلامات، ولطه سلام....

Quote: واضاف : يا نصوم ونموت من الجوع، ولَّ كمان نشتغل وناكل بالكاد .... والفطور بتاع رمضان ذاتو اخير عدمو، العصيدة ديك البتعرفا، وملاحا الماحلو... وبليلة ... كل الصواني كدة...

و الله يا عبد المنعم
دا فطور احسن منو صيام الوصال

شكرا يا عزيزي

سلام يا طه كل عام وأنت بخير

رمضان بساوي بين المسلمين موش؟

خلاس تشوفو ناس مكة (كمرجعية) بصوموا كم ساعة وتصومو قدرها بس الحساب بعد كم يوم بتلخبط عليكم نحن هنا نكون في خامس يوم إنتو تكونو في رابع يوم

20 ساعة كتيرة صراحة يعني الواحد يأكل وجبة واحدة قبل ما تنهضم يصوم بيها دا غير حاجة الجسم للموية ياخ

Quote: خلاس تشوفو ناس مكة (كمرجعية) بصوموا كم ساعة وتصومو قدرها

لا بالله !!
والسخانة دي نموت بيها برانا !!!

Quote: و كمان تجريح الصيام او اغتياله كما قال احد الاصدقاء لأنو بنات تورنتو و الحمد لله حايمات من غير هدوم لأن الدنيا حر و كدا و هذا الايام هواسبوع ال gay pride و الجماعة الطيبين يسوقوا العجلات أم فكو كدا علي اللحمية و الله ................................... واحد صاحبنا قال الشغلة ما صوم و بس لأنو فيها حظر تجول كمان!! .............................. أها نمشي ال shopping و الواحد بكون overwhelmed بالجمال المقلع هدومو دا و الله المستعان طه جعفر

سأعود للرد علي كل الجملين الذين مروا من هنا
لكن الرد علي ود الشرف ايرجنت شديد

Quote: لا بالله !! والسخانة دي نموت بيها برانا !!!

هسع يالمشرف المشرف الحر داك و لا السخانة بتاعتنا دي
الموصوفة في الاقتباس الأعلي
أيهما أحر علي الصايم
والله المستعان
عديل كدا

طه جعفر

بلاش لف ودوران !

قال الله تعالى في كتابه العزيز: ((... فَالآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ وَكُلُوا وَاشْرَبُوا حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ مِنَ الْفَجْرِ ثُمَّ أَتِمُّوا الصِّيَامَ إِلَى اللَّيْلِ... ))[البقرة:187]


وناس السويد نهارهم 22 ساعة ، حسب هذه الاية المحكمة يفطروا بس ويشرعوا في الصيام من جديد !!

طبعا المشكلة انو الاسلام فاكر العالم كلوا هو الجزيرة العربية ......

السؤال الثاني متي يظهر الشهر لهم ؟!

العزيز طه جعفر وضيوفه تحياتي
من امبارح الناس مدورة في الحكاية دي وحصل نقاش عنيف داخل الجالية اولا في تحديد هل السبت رمضان ول لا ؟
(فالشيخ الاول )في الدولة النحن فيها مصر انو ثبتت رؤية الهلال والناس لازم تصوم السبت،فنط واحد سوداني قال ليهو ياخ نحن الشمس دي بنشوفا بتلتلة خليك من الهلال !!
الصيام عندنا 20 ساعة،
يعني الواحد يكون صائم اليوم كلو'المغرب الساعة 10 مساء و تتعشي 12 وتنمو طوالي وتستعد لي الديوتي 8 ص .
انا غايتو مع اقتراح صاحبي حمد عبد الغفار .
تحياتي.

Quote: فنط واحد سوداني قال ليهو ياخ نحن الشمس دي بنشوفا بتلتلة خليك من الهلال !! الصيام عندنا 20 ساعة،

أها يا مرتضي هسا الكلام الغلط فيهو شنو
انحنا عارفين حاجة للشمسعشان كمان نفتش الهلال

شكرا يا مرتض و ليكم وحشة

Quote: وناس السويد نهارهم 22 ساعة ، حسب هذه الاية المحكمة يفطروا بس ويشرعوا في الصيام من جديد !! طبعا المشكلة انو الاسلام فاكر العالم كلوا هو الجزيرة العربية ......

يا عبد اللطيف يا اخوي
عاد الاسلام دا ما نزل هناك بقرآانه الكريم و النبي (ص) من أهل الحجاز كمان

شكرا يا عبد اللطيف بزيارتك بيتنا نوّر

طه جعفر

Quote: 20 ساعة كتيرة صراحة يعني الواحد يأكل وجبة واحدة قبل ما تنهضم يصوم بيها دا غير حاجة الجسم للموية ياخ

تعرف يا حمد
واحد صاحبي هنا من الناس المتصوفين
زرته في رمضان الفات بعد الفطور و كان متعبا و قال لي والله اليوم الطويل عمل لينا نفسيات

شكرا جزيلا عزيزي حمد عبد الغفار

Quote: والنبى يا شيخ تستنضف لينا ايتين ....

غالي و الطلب رخيص
يا مصري يا ظريف
شكرا دينا

رمضان كريم يا طه

ياخي انت صمت في البركس

بتاع كندا حا تاكلو علي اللباد

شايف في اعلان ظريف في الواتس اب للمصريين

نصوم عنك نظير 4000 الف جنيه


هههههههههههههههههههههههه

Quote: رمضان كريم يا طه ياخي انت صمت في البركس بتاع كندا حا تاكلو علي اللباد شايف في اعلان ظريف في الواتس اب للمصريين نصوم عنك نظير 4000 الف جنيه هههههههههههههههههههههههه

شكرا يا خليل يا خي
صيام البركس أحلي صيام
و اقتراح المصري عملي جدا و سينظر و يفاد
و الله أعلم

طه جعفر

تقبل الله الاعمال

صوموا صومكم واحمدو ربكم
ما شفت لي صوم اطول من الصيام في خرطوم الفيل دي ,
هنا الساعة سنة عديل ,,

الشمس , الغبار , الجري , قلة ذات اليد ,,,, والعجب الكهرباء تقطع

قولوا الحمد لله علي جوكم ,,

http://www.dar-alifta.org/ViewFatwa.aspx?ID=4777andLangID=1

في الرابط اعلاه تجدون فتوي من دار الإفتاء المصري علي زمن الشيخ محمد عبده
تجوّز للصائمين في البلاد التي يطول فيها الليل او النهار القياس علي اليوم بمكة في الصوم و مواقيت الصلاة

و شكرا لزميل الفيسبوك علي الإفادة .
Ahmed A M Sidahmed
..............................
شكرا جزيلاً استاذ عمار عبد الله عبد الرحمن
نحن معكم و نحس بكم
يا عمار ربنا يسهل علي السودانيين
فالجو حار و الطعام شحيح و الكدح مرهق


طه جعفر

يا جماعة الخير
الشغلانة مرتبطة بالشمس طلوها وغروبها وما ليها دخل في الساعات
يعني الزول ده غير ياكل ناره
ما ليه حل
والله اعلم

في البلاد الفيها الشمس تشرق و تغرب ما بين 24 ساعة
يجب صوم النهار كله لو كان 20 ساعة او 6 ساعات
أما في البلاد التي فيها الليل و النهار اكثر من 24 ساعة فيقال انه يقاس على اقرب بلد فيها الليل و النهار يتمايزان في 24 ساعة
والله تعالى اعلم

الاعزاء فرح الطاهر
خالد المبارك
ارجو منكما أن تراجعا الفتوي التي قل بها الامام محمد عبده
و هي في الرابط الموجود ادناه

http://www.dar-alifta.org/ViewFatwa.aspx?ID=4777andLangID=1

لأن الصوم لأكثر من 12 ساعة مهلك جداً للجسم و متعب
و نحن نتكلم عن 17-19 ساعة و هنالك 22 ساعة
فهذا غير مقبول عقلاً
و لا يحتمله الجسم

طه جعفر

Quote: الاعزاء فرح الطاهر خالد المبارك ارجو منكما أن تراجعا الفتوي التي قل بها الامام محمد عبده و هي في الرابط الموجود ادناه

لك التحية طه جعفر من تاني
موضوع توقيت الصوم اتى مفصلاً تفصيلاً دقيقاً
ولما تقول لي يا طه بكلام محمد عبده انا برضه بتقفز لذهني اسئلة
الامام محمد عبده لماذا اتى بعدد الساعات ولم ياتي ذكرها اطلاقاً يعني يا طه جعفر ربنا ما كان عارف انو في ناس عندها فترة النهار ممتدة ؟؟
طيب لماذا لم يجتهد الشيخ
محمد عبده في اسقاط الصوم من هؤلاء باعتبار بان الصوم لديهم فيه عنت ومشقة ولربما يهدد حياة الصائم نفسها ؟؟
وفي نفس الوقت حث القادرين من اهل تلك الديار السفر لبلاد اخرى الصوم فيها اكثر ملائمة قضاء شهر رمضان ثم العودة
يا طه جعفر
الفتوى التي قال بها الرجل للسائل انت ليه مشيت البلاد دي من اساسه في تقديري لم تبتدع ولم تحاول الدخول في محنة اضافة او تعديل لما
هو موضح توضيحاً دقيقاً فيما يخص ميقات الصوم
ولك تحية واحترام

Quote: الامام محمد عبده لماذا اتى بعدد الساعات ولم ياتي ذكرها اطلاقاً يعني يا طه جعفر ربنا ما كان عارف انو في ناس عندها فترة النهار ممتدة ؟؟ طيب لماذا لم يجتهد الشيخ

الغالي فرح الطاهر
ربنا عليم بلاشك و هذه سبب قولنا سبحانه و تعالي فهو منزه عن النقص كالجهل مثلاً
الفقه و فهم الاحكام ليس بابا متيسراً للكثيرين هنالك علم كامل اسمه علم الأصول و مناط هذا العلم استنتاج القواعد المنطقية التي تنبي عليها الاحكام
. مقدمة الفتوي من دار الافتاء المصري مقدمة مكربة جداً و كتبها فقيه عالم باصول الاحكام.
في علم الأصول

Quote: موضوع علم أصول الفقه هو ذلك الشيء الذي يبحث فيه هذا العلم وهذا العلم يبحث في أدلة التشريع الكلية وأحوالها الموصلة إلى الأحكام كما يبحث هذا العلم في أقسام هذه الأدلة وإقامة الحجة على مصدر للأحكام الشرعية كما يبحث في ترتيب هذه الأدلة وجعلها على مراتب مختلفة وفي كيفية استنباط الأحكام منها على وجه كلي فالأصول لاينظر في الأدلة التفصيلية ولا فيما تدل عليه من الأحكام الجزئية وإنما ينظر في الأدلة على الأحكام وهذه القواعد يطبقها الفقيه على الأدلة التفصيلية فيحصل بذلك على الأحكام الجزئية والمراد بالدليل الكلي هو النوع العام من الأدلة الذي تندرج تحته عدة جزئيات كالأمر مثلا فهوكلي تندرج تحته جميع الأوامر التي جاءت بها الشريعة الإسلامية على اختلاف أساليبها أو المراد بالحكم الكلي فهو النوع العام من الأحكام الذي تندرج تحته عدة جزئيات كالإيجاب مثلا فهو يشمل إيجاب الصلاة والزكاة والصدق ووفاء العهد ونحو ذلك مماطلب الشارع الإتيان به على وجه الجزم والإلزام . الفرق بين علم أصول الفقه وعلم الفقه[2][عدل] علم الفقه: هو العلم بالأحكام الشرعية الفرعية المتعلقة بأفعال العباد في عباداتهم, ومعاملاتهم وعلاقتهم الأسرية, وجناياتهم, والعلاقات بين المسلمين بعضهم وبعض, وبينهم وبين غيرهم, في السلم والحرب, وغير ذلك. والحكم عل تلك الأفعال بأنها واجبة, أو محرمة, أو مندوبة, أو مكروهة, أو مباحة, وأنها صحيحية أو فاسدة, أو غير ذلك؛ بناء على الأدلة التفصيلية الواردة في الكتاب والسنة وسائر الأدلة المعتبرة. أما أصول الفقه: فهو مجموعة القواعد التي يبنى عليها الفقه. فهو الذي يبين لنا ما هي طبيعة الأحكام الشرعية بصفتها الإجمالية, وما خصائص كل نوع من الأحكام, وكيفية ارتباط أنواعها ببعض. علم الفقه: هو أيضاً العلم بالدليل الشرعي التفصيلي, من الكتاب أو السنة أو غيرهما, لكل مسألة من المسائل. أما أصول الفقه: فهوعلم يبين لنا كيف نستنبط الحكم من دليله, كاستنباطه من صراحة نص الآية القرآنية, أو الحديث النبوي, أو من مفهومهما، أو من القياس عليهما, أو بغير ذلك. وأما الفقيه: فهو المجتهد القادر على الإفتاء بشروطه. أما أصول الفقه: فهو الذي يبين لنا من الشخص الذي يستطيع الاستنباط, وما هي مؤهلاته.

بالنظر للحالة المطروحة و كما ذكر بعض المياهمين هنالك مناق يستمر الليل فيها لستة اشهر و بذلك تكون مناطق يستمر فيها النهار لستة أشهر و هذه المناطق في الدائرتين القطبيتين
فكيف يكون التصرف هناك هل يصوم الناس لستة أشهر منظرين الشمس لتشرق او لتغيب.
وجود هذه الحالة يجب ان يستفز الفقهاء و العلماء لبناء الاحكام الفقهية علي منطق اكثر ذكاء و اكثر ادراكا لحاجات الناس و احوالهم
مشكلة الفقهاء الحاليين انهم بالاساس ساسة يستخدمون الدين لمصالح سياسية و لا تعنيهم إلا مصالح من يخدمون
و اذا توفر عالم خارج عن مؤسسة السلطة يقتلوه كما فعلوا مع الاستاذ الشهيد محمود محمد طه
و الدين الاسلامي يحتاج للكثير من التطوير قبل ان نطلق عليه صفة أنه صالح لأي زمان و أي مكان
لأنه مثلا في دوائر الحقوق و الحريات قد ذهبت الانسانية إلي الأمام بخطوات كبيرة متقدمة علي المسلمين
و لن يضيع الناس المحترمين حقوقا اكتسبوها بنضالهم السياسي من أجل مجموعة نصوص يطلق عليها البعض أنها مقدسة
و الأمر المهم الثاني أن الإسلاميين حولوا الاسلام إلي دوغما سياسية و فكرية و إلي أداة قهر فضاع جوهر الدين و هو العقل و الحكمة و المنطق و الرحمة و العدالة و لم يتبقي من الدين
غير مجموعات طلقات او قنابل سيقتل بها ابرياء جدد إلي إلي الذين قتلوا فعلاً نتيجة للهوس الديني ( الاسلامي)
الشغلة تخينة جداً
و تحتاج لمزيد من التفكير و الجرأة و إلا سيكون أن يترك الناس الدين و يذهبوا لإدارة حياتهم بعيدا عنه

طه جعفر

بوست عميق
أسئلة حرة
أسلوب ساخر مهذب و بعضه فيه شيء من الخبث المعتدل ايضاً
و الحيرة حاصلة
شكرًا لكم

كل عام و الجميع بخير

Quote: أما في البلاد التي فيها الليل و النهار اكثر من 24 ساعة

و البلاد دي وين؟ في كوكبنا دا؟

سلامات طه جعفر و الاخوة المتداخلين ...

Quote: كل عام و الجميع بخير Quote: أما في البلاد التي فيها الليل و النهار اكثر من 24 ساعة و البلاد دي وين؟ في كوكبنا دا؟

طيب يا ود البشري لما يجيك زول ( جديد ) في الحريق

و يسألك كم ( دبُل ) الزول يدُكْ ؟؟

و تقول ليهو ( سبعة دبُلْ و جوكرين ) ...

مش ياها زاتها؟

Quote: كل عام و الجميع بخير Quote: أما في البلاد التي فيها الليل و النهار اكثر من 24 ساعة و البلاد دي وين؟ في كوكبنا دا؟

الاخوة بشرى و قباني

في مناطق في نواحي القطبين فيها النهار 6 شهور و الليل 6 شهور
و اقل من ذلك حتى نجد الزمن القياسي لليل و النهار في اواسط الكرة الارضية

مشيتو وجيتو لكلامي

ياخ ناس الأزهر ديل أطيب ناس
دول عالم طيبين أوي زي بتوع الطرق الصوفية عندنا الدين دا عندهم ميسر جدا

هل تصدق الليلة طلعوا فتوى للفريق الجزائري إنو ممكن يفطر في كاس العالم ؟


بعدين يا جماعة الدين الاسلامي غير الإيمان بالله ورسوله والشهادة بهما ما فيهو شيء إجباري معظم العبادات دي تكاليف لمن استطاع اليها سبيلا بدون تحايل عليها

يعني باختصار الصوم لو بقود لهلاكك لو صمت بتكون مخالف للشرع وبسجل إثم عليك وما تنتظر حد يقدر ليك المسألة تقدر بنفسك

Quote: مشيتو وجيتو لكلامي ياخ ناس الأزهر ديل أطيب ناس دول عالم طيبين أوي زي بتوع الطرق الصوفية عندنا الدين دا عندهم ميسر جدا هل تصدق الليلة طلعوا فتوى للفريق الجزائري إنو ممكن يفطر في كاس العالم ؟ بعدين يا جماعة الدين الاسلامي غير الإيمان بالله ورسوله والشهادة بهما ما فيهو شيء إجباري معظم العبادات دي تكاليف لمن استطاع اليها سبيلا بدون تحايل عليها يعني باختصار الصوم لو بقود لهلاكك لو صمت بتكون مخالف للشرع وبسجل إثم عليك وما تنتظر حد يقدر ليك المسألة تقدر بنفسك

مصداقاً لكلامك يا حمد
لقد ورد في الأثر " استفتِ قلبك و لو افتاك الناس و افتوك ، البر ما أطمأنت إليه النفس، الأثم ما حاك في النفس و كرهت أن يطلع عليه الناس"

إحكام العقل و التفكير يوجبهما الإيمان نفسه

Quote: طيب يا ود البشري لما يجيك زول ( جديد ) في الحريق و يسألك كم ( دبُل ) الزول يدُكْ ؟؟ و تقول ليهو ( سبعة دبُلْ و جوكرين ) ... مش ياها زاته

الاخ الحبيب قباني
في الاسكا هنا تمر ايام من الليل المستمر و ايام من النهار المستمر أها الدك يكون كيف
و كل و انت و الاولاد بالف خير

طه جعفر

Quote: و البلاد دي وين؟ في كوكبنا دا؟

الاخ الحبيب محمد بشري الخضر
هي المناطق في الدائرتين القطبيتين
و كلل عام و انتم بالف خير

طه جعفر

Quote: بوست عميق أسئلة حرة أسلوب ساخر مهذب و بعضه فيه شيء من الخبث المعتدل ايضاً و الحيرة حاصلة شكرًا لكم

الاخ احمد ابكر شكرا
من جانبي هو تحريض علي التفكير
و لقد بذل زملاء المنبر جهداً نشكرهم عليه
و الباب مفتوح لكل صاحب فكرة

طه جعفر

وعلى الذين يطيقونه

يعني الما بيتحمل يفطر، الكلام دا لو كنت في السودان ولا كنت في كندا


طبعا النص دا واضح

يعني يومك مدته ساعة او ستة شهور ما بيفرق، البيفرق قدرتك على الصوم، يعنيما بتقدر افطر واطعمليك مسكين قصاد فطورك


القصة محلولة

سلام أستاذ طه جعفر ..ورمضان كريم

لحدي ما تلقوا مخارجة للموضوع المهم ده ..

داير اعرف ناس يحيى قباني غيّروا (توزيع الورق ) في الحريق ..؟

Quote: و تقول ليهو ( سبعة دبُلْ و جوكرين ) ...

رمضان كريم يا يحيى .

Quote: داير اعرف ناس يحيى قباني غيّروا (توزيع الورق ) في الحريق ..؟ Quote: و تقول ليهو ( سبعة دبُلْ و جوكرين ) ... رمضان كريم يا يحيى .

مشتاقين يابو حميد ...

كل سنة و انت طيب يا حبيب ...

يعني اخونا خالد خلي ال 999 مليون مسلم البصومو في كل العالم و زنقنا في حتة القطب دي ...

فما غيرنا توزيع الورق

بس بنقول ليهو مافي دك ... :)

Quote: وعلى الذين يطيقونه يعني الما بيتحمل يفطر، الكلام دا لو كنت في السودان ولا كنت في كندا طبعا النص دا واضح يعني يومك مدته ساعة او ستة شهور ما بيفرق، البيفرق قدرتك على الصوم، يعنيما بتقدر افطر واطعمليك مسكين قصاد فطورك

يا الصادق يا اخوي كل سنة و انت طيب
قال الفقهاء و المفسرون أن هذه الآية منسوخة الحكم بالآية "كتب عليكم الصيام"
أها الدبارة شنو؟ ديلك ناس و نحنا ناس و ما عاوزنها منسوخة عاوزنها ثابتة الحكم و الدلالة

طه جعفر

سلآم للجميع،
ونسأل الله أن يتقبل منا ونكم الصيام والقيام.

يا طه جعفر أنا كنت في يلونايف، وعشت فيها فترة. كنت شغال
ليل يا طه، في الشتاء النهار بيكون حوالي 5/7 ساعات، يعني
دوب ما صحيت من النوم بتكون صلآة العشاء زاتا فاتت، يعني
الصيام تكلة في رمضان. وآحد زمن الحرب قالوا صام في لبنان.
سألوهو الصيام في لبنان كيف؟، قال والله اليوم كلوا كل مرّة
المدفع يضرب نقوم نفطر.
يا طه لآمن يجينا صيام الشتاء كيف الشورة ؟.

يا ابو روضة أنا برضو عشت سنين عددا في (إنوفيك) مع الأسكيمو.
في الشتاء عندنا تلآتة شهور ضلآم اصبعك ما تشوفوا، وفي الصيف
عندنا تلآتة شهور الشمس متوهطة في قلب السماء. يعني في الصيف
خيتنا أبيض، وفي الشتاء خيتنا أسود. الليام ديل الشمس اليوم كلو في
كبد السماء، عندك لينا فتوة اللآ مباصر ؟؟؟.

يا ود البشرى الحكاية تلآتة شهور حسب قولك 6 شهور مافي.

كنا في التقدير نصوم ونفطر علي توقيت إدمنتون. أقرب مدينة
وواقعة في نفس الخط، يعني زمنها وآحد مع إنوفِك.

حمد عبد الغفار كمان بقى يفتي !!!،
علي اليمين رمضان السنة دي زي كأس العالم ...

Quote: سلآم للجميع، ونسأل الله أن يتقبل منا ونكم الصيام والقيام. يا طه جعفر أنا كنت في يلونايف، وعشت فيها فترة. كنت شغال ليل يا طه، في الشتاء النهار بيكون حوالي 5/7 ساعات، يعني دوب ما صحيت من النوم بتكون صلآة العشاء زاتا فاتت، يعني الصيام تكلة في رمضان. وآحد زمن الحرب قالوا صام في لبنان. سألوهو الصيام في لبنان كيف؟، قال والله اليوم كلوا كل مرّة المدفع يضرب نقوم نفطر. يا طه لآمن يجينا صيام الشتاء كيف الشورة ؟. يا ابو روضة أنا برضو عشت سنين عددا في (إنوفيك) مع الأسكيمو. في الشتاء عندنا تلآتة شهور ضلآم اصبعك ما تشوفوا، وفي الصيف عندنا تلآتة شهور الشمس متوهطة في قلب السماء. يعني في الصيف خيتنا أبيض، وفي الشتاء خيتنا أسود. الليام ديل الشمس اليوم كلو في كبد السماء، عندك لينا فتوة اللآ مباصر ؟؟؟. يا ود البشرى الحكاية تلآتة شهور حسب قولك 6 شهور مافي. كنا في التقدير نصوم ونفطر علي توقيت إدمنتون. أقرب مدينة وواقعة في نفس الخط، يعني زمنها وآحد مع إنوفِك. حمد عبد الغفار كمان بقى يفتي !!!، علي اليمين رمضان السنة دي زي كأس العالم

المدير
معاوية المدير
بزيارتك بيتنا نور
كلامك كلو سمح
لكن الايام في تورنتو نهارنا لحدي الساعة تسعة بالليل
تنوم و تصحي و النهار في محلو قاعد راجيك عطشو جوع لمن تنسي بطنك
و كمان في حر شديد
سخانة في البيت و الشارع مسخن زيادة البنات الحمد لله نسن هدومن في البيت و مرقن يقابلن معانا الشهر ميطي يحمدن ربهن
غايتو جنس صوم
الله يعظم الأجر

طه جعفر

طه جعفر سلام

الفطور قرب بنيجكم لاحقا نفتي في الفيلم الهندي ده.

تختلف ساعات صيام المسلمين خلال رمضان طبقا لموقعهم الجغرافي .. من الأقصر إلى الأطول
اولا :
1.الأرجنتين 9 ساعات و30 دقيقة الأقصر عالميا لوقوعها في النقطة الجنوبية من قارة أمريكا الجنوبية

2.أستراليا 10 ساعات فقط لوقوعها جنوب الكرة الأرضية

3.جنوب إفريقيا 10 ساعات و30 دقيقة

4.البرازيل 11 ساعة

5.كينيا 12 ساعة

6.المكسيك 13 ساعة و20 دقيقة

7.المغرب 14 ساعة

8.الصين 14 ساعة

9.اليونان 14 ساعة و30 دقيقة

10.اليابان 14 ساعة و30 دقيقة

11.الولايات المتحدة 15 ساعة

12.فرنسا 16 ساعة

13.السعودية 16 ساعة

14.إنجلترا 16 ساعة و30 دقيقة

15.مصر 16 ساعة و30 دقيقة

16.ألمانيا 16 ساعة و30 دقيقة

17.كندا 18 ساعة

18.هولندا 18 ساعة و30 دقيقة

19.أيسلندا 20 ساعة و20 دقيقة

20.الدنمارك 21 ساعة أطول ساعات صيام في العالم

--------------------------------
من موقع في الانترنت
وسلام للاخ طه جعفر والاسرة

شكرا جزيلا اعزائي
الاخت تراجي و الاخ خالد العبيد
و كل عام و انتم بالف خير

كيف يعني يا الصادق، الذين يطقونه تعني الذين لا يتحملون صومه؟!
طيب ماذا تعني لديك جملة الذين لا يطيقونه؟

لو فعلا كلامك دا صاح؛ كيف الله يقول لهم في نهاية الآية "وأن تصوموا خير لكم إن كنت تعملون!!
معقولة يديهم رخصة باليمين ويجي ياخدها بالشمال!!

يطيقونه يا ابوبكر بمعنى يصومونه بمشقة..

وربنا ما سحب الرخصة لانه بدأ الاية بــ (وأن) وهي للتخيير..

اذا صح القياس للذين يعيشون في مناطق الليالي السود والليالي البيض ( ولا بد انه صحيح)

فمن الطبيعي ان ينطبق على البلاد الفيها ساعات الصوم طويلة

اما تخريج الـــ24 ساعة فهو غير منطقي وغير معقول فكيف لاحد ان يصوم

22 او 23 ساعة في اليوم يعني ساعات فطره في الشهر كله قد تكون اقل من ثلاتة ايام!!

الصادق اسماعيل هو شيخي المعتمد في هذا البوست ويليه مولانا حمد عبد الغفار:)

Quote: الصادق اسماعيل هو شيخي المعتمد في هذا البوست ويليه مولانا حمد عبد الغفار:)

يعني يا نوباتيا ما عندك في عقيدة ؟.
سمح كان ما سختك.

رمضان كريم وربنا يتقبل منا ومنكم...

Quote: Quote: الصادق اسماعيل هو شيخي المعتمد في هذا البوست :)

اثني
غايتو بالنسبة لي انفكت الحيرة
(يطيقونه) دي مرنة خلاص ، و بيعرفها و بيحددها صاحبها و الخلق صاحبها بس
و يوم القيامة بيحلوها بينهم ، تاني في شنو ؟

شكرًا يا الصادق على الحل
و شكرًا يا طه مرة اخري على السياحة الذهنية دي

Quote: مولانا حمد عبد الغفار:)

الحبيب نوباتيا كل عام وانت بخير

كدا ما ريحتني في حناني كية لود المدير بس

شاحد الله يا ود المدير يجيكم شيخي الكبير قصي ويرمد سفتكم باقي النهار دا

سلام يا نوباتيا،
ما ظنيت الصادق ح يوافق على ردك لي، صحيح هو في البداية قال نفس كلامك دا، لكن عندي إحساس قوي انو ح يتراجع عنو بعد مداخلتي.

الأعزاء الغالين
حسين نوباتيا
ابوبكر عباس
احمد ابكر
حمد عبد الغفار
معاوية المدير
لكم الشكر
بحضوركم نوّرتوا البوست

فتوي في وجود نص صريح !

كمان رجال الدين يستمعوا الي علماء الفيزياء ، بان الشمس التي

يراها الناس في شمال اوروبا ، ليست هي الشمس الحقيقية !

إنما هي صورة لها ناتجة عن عملية انكسار الضوء بسبب الغيوم الكثيفة !

الغريب ان الاية لم تتحدث عن الشمس وانما ذكرت الخيط الابيض والاسود

وهما نتاج الضوء وليس الشمس !!


أُحِلَّ لَكُمْ لَيْلَةَ الصِّيَامِ الرَّفَثُ إِلَىand#1648; نِسَائِكُمْ and#1754; هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ and#1751; عَلِمَ اللَّهُ أَنَّكُمْ كُنتُمْ تَخْتَانُونَ أَنفُسَكُمْ فَتَابَ عَلَيْكُمْ وَعَفَا عَنكُمْ and#1750; فَالْآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ and#1754; وَكُلُوا وَاشْرَبُوا حَتَّىand#1648; يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ and#1750; ثُمَّ أَتِمُّوا الصِّيَامَ إِلَى اللَّيْلِ and#1754; وَلَا تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ and#1751; تِلْكَ حُدُودُ اللَّهِ فَلَا تَقْرَبُوهَا and#1751; كَذَand#1648;لِكَ يُبَيِّنُ اللَّهُ آيَاتِهِ لِلنَّاسِ لَعَلَّهُمْ يَتَّقُونَ (187)

لامجال اطلاقا الي الالتفاف علي هذه الاية والواضحة والاحاديث المفسرة لها !

كلمة الفجر في الاية لم تنزل في البداية ، انما نزلت فيما بعد ، لازالة الشك

حول الجدل فيما اذا كان الخيطان الابيض والاسود يعنيان الصبح والليل ام لا !

راجع التفسير في المصحف الالكتروني يا طه وبقية المشاركين ....

http://quran.ksu.edu.sa/tafseer/katheer/sura2-aya187.html

سلام
ربنا يتقبل الصوم وقوة الاراده

Quote: السؤال مطروح للجميع ماذا نفعل اذا كنا ببلاد في شمال اوربا مثلاً و كان طول اليوم اكثر من عشرين ساعة

قبل الرد علي السؤال اذكر انه ربنا ما امر بالتهلكه. ولكن اذكر ان قوة الاراده اكبر من كل تحدى. قبل ما احكي تجربتي للسنه الخامسه
او اكثر مع الصوم والعمل الشاق والرياضه وتمارينها خاصه الجري لمسافات قصيره وطويله وصلت اقصاها لمسافة 21 كم.
اذكر قصة سيدنا موسى كليم الله فقد واعده الله في البدء 30 ليله اي انه صامها بتواصل وعند الميعاد ساله الحق عز وجل ماذا فعل
فقال لم احبب ان اتيك برائحة فم الصائم فمضغت بعض الاعشاب العطريه فاجابه الله ان رائحة فم الصائم احب اليه من الدنيا ومافيها.
فامره ان يرجع ويصوم 10 ليالي اخر اي اتمها 40 ليله. السؤال المطرح هل موسى بشر ام له قوه واراده اكبر منا؟
وقصه المسيح عندما صام 40 يوم وليله رجع اليهم وقال: ليس بالخبز وحده يحيا الانسان بل بكل كلمات الله التامات.
ولعل قصص المتصوفه مع الخلوه التي اقلها 40 يوم وليله من الصوم وليس له معين سوى النالوبه وكلمات الله التامات.
وقد سمعت من الشيخ طارق احمد البشير قصة خلوة شيخه الشيخ حسن حسين حوار الشيخ عبد الله ود العجوز حوار الشيخ المكاشفي
انه دخل خلوه منقطعا لمدة 18 شهر وعندما خرج قال لهم اشم رائحة ذنوبكم.
ارجع لقصتي مع الصوم وغالبا ما امسك الساعه 3 صباحا وافطر بعد 10 ليلا وبرنامجي اليومي يبداء الساعه الرابعه
صباحا حيث اذهب الي العمل بالعجله لمسافة 8 كم ومثلها عند الرجوع. اما العمل اقل ما يقال عنه انه شاق لمدة 8 ساعات. ارجع بعدها لاخرج مع الاطفال
ليلعبوا لمده لا تقل عن ساعتان. ارجع بعدها لانام ساعه او كثر ثم استعد للركض اليومي واقله 10 كم. واذكر في احد الايام كان عندي سباق
10 اميال( 16 كم) وكان من اجمل السباقات رغم الاحساس بجهد مضاعف وانهيار القوه عند رجوعي الي البيت. بس في السباق لاول امره احس باني خفيف
واكاد لا احس بالجاذبيه. لك الحق ان تصدق او لا . انها الاراده مع الايمان. الم يقول المسيح لها ( اذهبي فقد شفاك ايمانك)