اقاشى بدون اسفنج

فقوموا الى اقاشيكم يرحمكم الله
ورمضان كريم

الخبر عار من الصحة
كل القصة
مكنة تواجدت فى المكان الخطأ وفى الزمان الخطا
فاستغل الموقف من اساء الى وظيفته
مدمرا سمعة صاحب الكافتريا بالتصوير
والنشر والتشهير
دون ان يتثبت ويفحص كما تقتضى وظيفته
وانطلق يصرح كمن يبحث عن سبق صحغى

الكافتريا المقصودة والتى احترقت يوم
الاحد الماضى تقع قبالة بوابة مستشفى
امدرمان التعليمى
ومن صرح ذاك التصريح ذكر انها مقابل
مستشفى البقعة
وللعلم مستشفى البقعة هو الجناح
الخاص لمستشفى امدرمان وتقع بوابته
شمال البوابة الرئسية للمستشفى على بعد
اقل من 50 مترا

صاحب الكافتريا شاب خلوق ومهذب ومشهود
له بالصدق والامانة
وما اعلمه من اخلاقه وامكانياته المادية
ينفى عنه هذا الاتهام جملة وتفصيل
فهو الى جانب الكافتريا يمتلك سوبر ماركت كبير
على بعد امتار من الكافتريا( الحنونة)
كما يمتلك معرضا للاثاثات وبنفس الاسم
فى اركويت شرق عفراء مول وقبل تقاطع
القسم الشرقى
والمعرض مقام فى منزله

السلام عليكم مجددا
انقطاع خدمة النت طوال اليوم
منعنى من المواصلة
ساعود

سلام عليكم
رمضان كريم تصوم وتفطر على خير
الاقاشي دى شنو لو سمحت ؟

رمضان كريم
نعم الموضوع كله عبارة عن اشاعة وفبركة
و الان الملاحقات القانونية تطال الصحف و كل من تناول الامر
=

تحياتى وضاحة ورمضان كريم
الاقاشى يصنع من لحوم الابقار ويتم تتبيلها
وطهيها بالسيخ

تحياتى د عبد المجيد
ورمضان كريم
غريب امر الصحف التى لا تكلف نفسها
عناء البحث عن الحقيقة
فالرجل لا يمانع مقابلة الاعلام وقد قمت
شخصيا بالاتصال بمجموعة من الصحف
ولازال الرجل فى انتظارهم

الاسفنج المقطع يستخدم فى تصنيع المخدات
والجداعات والمكنة الواضحة فى الفيديو تقوم
بتقطيع الاسفنج كما هو واضح فى الفيديو المتداول
ولا يمكن باى حال من الاحوال طحن الاسفنج
ليبدو كما بدأ فى نهاية الفيديو فى الصحن بهذه
المكنة او بغيرها
والذى كان فى الصحن لم يكن الا بدرة تتبيل
الاقاشى العادية

صاحب المحل اشترى المكنة وتعذر عليه تجربتها
فى معرض الاثاث الخاص به بسبب عدم وجود تيار
ثرى فيس وقام بنقل المكنة للكافتريا يوم الجمعة
السابقة ليوم الحريق
وقام بتجربتها فى صالة علوية بالمحل
وهى صالة مفصولة تماما عن الكافتريا وتركها فى
نفس الصالة واغلقها بالطبلة ولم يتم فتحها
الا فى لحظات الحريق وبواسطة عماله

احترقت الكافتريا صباح الاحد الماضى
صاحب الكافتريا لم يكن متواجدا لحظتها
وبعد اطفاء الحريق صعد رجال الدفاع
المدنى ورجال الشرطة الى الصالة العلوية والى
المطبخ فى الطابق الاعلى وتاكدوا من عدم وصول النيران
لها
بعدها اتى د نزار من ادارة الصحة بالمحلية وصعد ومن معه
للصالة والمطبخ
وفى تصرف غريب ومشين قاموا بتصوير المكنة والاسفنج
ومنتجة الفيديو المتداول حيث ان الصحن الظاهر
فى نهاية الفيديو والذى كان يحوى فى حقيقة الامر البدرة
الحقيقية الخاصة بتتبيل الاقاشى
ذلك الصحن لم يكن موجودا فى الصالة وصاحب المحل يجزم
بان الصحن تم تصويره بالمطبخ بالطابق الاعلى

لم يتم اخذ اى عينات من الطعام ولا البدرة ولا الاسفنج
ولم يتم فتح بلاغ بالواقعة ولم يتم التحقيق او القبض على
صاحب الكافتريا او اى احد من عماله كما ورد فى خبر اخبار اليوم
كذلك لم يتم مصادرة المكنة
بعد انتشار الفيديو والتناول الصحفى المكثف وبعد ملاحقة من
صاحب الكافتريا لادارة الصحة وبعد مرور اكثر من 24 ساعة
على الحريق تم اخذ عينات من بواقى الطعام
ومن تحت انقاض الحريق وتحداهم بقبول نتيجة فحصهم
وايضا بعد ملاحقة منه لفحص المكنة وهل بامكانها طحن
الاسفنج قام بتسليمهم المكنة والاسفنج لادارة مكافحة
الملاريا كما طلبو
اي والله ادارة مكافحة الملاريا

ما تم مصادرته فى الحقيقة وبدعوى انه فاسد
كان عدد 18 فرخة انتاج مايو 2014 وسيطول
انتظاره لنتيجة فحصها

ليس هناك ما يمنع صاحب الكافتريا من مواصلة
عمله الا وضعه النفسى جراء هذا البهتان والافتراء
حيث لم يصدر اى قرار من اى جهة كانت صحية
اوشرطية باغلاق الكافتريا

أخونا خالد سلام
طبعاً بي بوستك دا حرمت المعارضين للحكومة من خبر خصب جداً لتدويره عدة مرات و الخروج منه بي بوستات
و بوستات متفرعة عنها و بوستات كثيرة متفرعة عن المتفرعة عنها .....
و توقع قريباً الإنضمام لي مجموعة كيزان غصباً عنهم ....
فهذا الخبر كان فرصة لردم الحكومة و الشعب السوداني ممثلاً في صاحب الكافتيريا و قريباً كان سيكون صاحب الكافتيريا كوز كبير و برضو غصباً عنه
و الشئ المضحك المبكي في تداعيات هذه الكذبة أن الجميع صدق حكاية الأسفنج في الأقاشي
كل الناس غيبوا عقلهم و صدقوا الخبر
ما هي الفائدة من إضافة الإسفنج للأقاشي.....؟؟؟

هل الأسفنج يمكن أن يكون بديلاً لأي من المكونات و يكون أرخص منها حتى يستفيد منها صاحب الكافتيريا ...؟؟؟؟
هل الأسفنج يضيف شيئاً للأقاشي ...في الطعم أو في النكهة أو حتى في الشكل ....؟؟؟؟؟؟

الناس دي غيبت عقلها و صدقت شئ لا يصدق .....

و الناس صدقت لأنها دي فرصة علشان تردم حكومة السجم
الغريبة إنو مفروض يحصل العكس لو الخبر صحيح .....


خالد رمضان كريم ياخ و تصوم و تفطر على خير .....


تحياتي و إحترامي

السلام عليكم
السؤال يا خالد ما الذى جعل تفكير هذا الرجل ينصرف الى ان الاسفنج له ارتباط بالطعام ؟ فى حاجة ما مفهومة .

up

اب في رمضان
؟؟؟؟؟؟؟؟؟

فوتا لينا يا ابوحسين
ياخى هم قالو اقاشى بالاسفنج
انتا حارمنا الاب فى رمصان

Quote: ياخى هم قالو اقاشى بالاسفنج

هي لكن دي كمان تتصدق كيف يا خالد ....؟؟؟؟
دي إلا تشرب بعدها كوز ليمون بااااااااااااااااااااااااااااااااارد حتى تتبلع ....

Quote: أخونا خالد سلام طبعاً بي بوستك دا حرمت المعارضين للحكومة من خبر خصب جداً لتدويره عدة مرات و الخروج منه بي بوستات و بوستات متفرعة عنها و بوستات كثيرة متفرعة عن المتفرعة عنها ..... و توقع قريباً الإنضمام لي مجموعة كيزان غصباً عنهم .... فهذا الخبر كان فرصة لردم الحكومة و الشعب السوداني ممثلاً في صاحب الكافتيريا و قريباً كان سيكون صاحب الكافتيريا كوز كبير و برضو غصباً عنه و الشئ المضحك المبكي في تداعيات هذه الكذبة أن الجميع صدق حكاية الأسفنج في الأقاشي كل الناس غيبوا عقلهم و صدقوا الخبر ما هي الفائدة من إضافة الإسفنج للأقاشي.....؟؟؟ هل الأسفنج يمكن أن يكون بديلاً لأي من المكونات و يكون أرخص منها حتى يستفيد منها صاحب الكافتيريا ...؟؟؟؟ هل الأسفنج يضيف شيئاً للأقاشي ...في الطعم أو في النكهة أو حتى في الشكل ....؟؟؟؟؟؟ الناس دي غيبت عقلها و صدقت شئ لا يصدق ..... و الناس صدقت لأنها دي فرصة علشان تردم حكومة السجم الغريبة إنو مفروض يحصل العكس لو الخبر صحيح .....

ابو الحسين
رمضانك كريم

يا خي الخبر دا ما عندو علاقة بالمعارضين من اساسه، وكلامك دا فيه تعميم مخل ومتحيز ومتحامل، أي زول عارف إنه الأخبار الزي دي منو البيروج ليها ومنو البستفيد منها مالياً، والكلام دا ما خافي على زول متابع الشأن السوداني، والصحافة بتاعة (التابلويد) في الخرطوم معروفة ومعروف ملاكها، وهم السبب ورا الترويج للأخبار الزي دي.

المعارضين للحكومة ما محتاجين لخبر (اسفنج في أقاشي)ن وأحسب أنك أيضاً من المعارضين للحكومة ولو مؤيد للحكومة دي كمان قول لينا عديل عشان نشوف مؤيدها ليه يمكن نقتنع بي وجهة نظرك.

المه على قول اخونا تبارك

كون عندك مشكلة مع (زيد وعبيد من الناس) البيعارضوا الحكومة، دا ما معناهو تصل لي خلاصة تعميمية زي دي، ولو إنت مؤيد للحكومة (لأنك قلت المعارضين حيستغلوا الخبر دا، فبالتالي أنت ما معارض لأنك ما استغليت الخبر)، فما دا الإسلوب الصحيح للنيل من معارضي النظام.


ورمضان كريم ليك وللأسرة
وتصوم وتفطر على خير.

Quote: يا خي الخبر دا ما عندو علاقة بالمعارضين من اساسه، وكلامك دا فيه تعميم مخل ومتحيز ومتحامل، أي زول عارف إنه الأخبار الزي دي منو البيروج ليها ومنو البستفيد منها مالياً، والكلام دا ما خافي على زول متابع الشأن السوداني، والصحافة بتاعة (التابلويد) في الخرطوم معروفة ومعروف ملاكها، وهم السبب ورا الترويج للأخبار الزي دي. المعارضين للحكومة ما محتاجين لخبر (اسفنج في أقاشي)ن وأحسب أنك أيضاً من المعارضين للحكومة ولو مؤيد للحكومة دي كمان قول لينا عديل عشان نشوف مؤيدها ليه يمكن نقتنع بي وجهة نظرك. المه على قول اخونا تبارك كون عندك مشكلة مع (زيد وعبيد من الناس) البيعارضوا الحكومة، دا ما معناهو تصل لي خلاصة تعميمية زي دي

تحياتى ابو حسين ويوسف والصادق اسماعيل
لازال د نزار العشا مدير الصحة لمحلية امدرمان
يصر على اجبار الناس على تصديق ما لا يصدق
صرح بالامس 1 يوليو بتأكيد نتيجة العينة لوجود
اسفنج بالاقاشى وارسل نتيجة الفحص للصحف
عينة اخذت بعد اكثر من24 ساعة من الحريق
ومن تحت الانقاض وبعد ملاحقة من صاحب
الكافتريا
ولم يراعى فى اخذ العينة الاسس الصحيحة
بدون حضور الشرطة ولا بحضور اى شاهد
ولم يقم بتسليم صاحب الكافتريا نتيجة الفحص


وحتى الان لا يوجد بلاغ مفتوح بالواقعة


التعديل لاضافة كلمة

Quote: الخبر مصدره المسؤول الصحي بمحلية ام درمان وادلى فيه بتفاصيل تؤكد ان هناك اشخاصا ضبطوا ومعهم لحوم مخلوطة بالاسفنج.. وبعدين المسالة لا ينطبق عليها مصطلح "فاسق" والآية الكريمة التي تحذرنا من الانجرار وراء اقوال الفسقة لها سبب نزول معلوم ولا تنطبق يا حال على نشر اخبار حتى ولو كاذبة اذا تعلق الامر بالصالح العام.. وبعدين ما الغريب في امر تتبيل اللحم بالاسفنج وقد تم قبلها ضبط من يبيعون لحوم الكلاب شاورما

Quote: اولا ..ماف سبب يخلي زول راجل صناعه يجيب مكنه اسفنج مطعم ..ويرفعا الطابق التاني ..ليه ما وداها ارض العملياات مصنع الاثاث ..ثانيا شئ طبيعي ينكر ..اكيد ماحيعترف انه كان بيأكل الناس سفنجات ..ثالثا القصه اكتشفوها بالصدفه بعد حريق المطعم يعني ماترصد ..رابعا الفيديو بيوضح انه البودره كانت مجمعه للاستخدام ..خامسا الاسفنج لما يتحرق مابتحول بلاستيك ولا شئ بيتحول كربون ..ولما يختلط بالتوابل خصوصا.. سادسا الزول ده في طريقه للتحلل والبراءه زيه و زي الاف المجرمين في البلد دي ..وبكره يطلع تقرير انه الغلطان المواطن والدوله تدفع ليهو تعويض ويمسك اداره التغذيه كمان ..احاااااا يا بلد

Quote: ماهي علاقة الاسفنج المسحوق بصناعة الاثاث

تحياتى سيف اليزل
معليش يا اخوانا وامل ان تجدوا
لنا العذر فى تاخير الرد
والله الواحد يدخل المنبر بعد معاناة
وتكتب الرد وما يترسل

اغلب الاسئلة الذكرتها فوق دى لو
اعدت قراءة البوست ستجد اجابات عليها

بس سؤال
ما اوردته بالاعلى ياريت تورينى
وردت وين وعلى لسان منو

الأخ/ خالد
وجميع المتداخلين والقراء

السلام عليكم ورحمه الله وتعالى وبركاته

رمضان كريم وتصوموا وتفطروا على خير

أريد فقط إضافة معلومة والتي أعرفها عن صناعة الأسفنج كثيرة وذلك لإمتلاك أحد أصدقائي لمصنع إسفنج .

الأسفنج نوعان (اسفنج طبيعي) يستخرج من البحار ويستخدم في الأغلب كفوط تنظيف للأطفال والبعض للمطابخ.

النوع الثاني والذي يستخدم في المراتب والأثاث هو (الصناعي) وأعذروني لأني أصفه بالخطير (أثناء تصنيعه) لماذا ؟؟ لأنه يتم تصنيعه من مواد كيمائية وأبحثوا
عنها في النت ومنها مادة (TDI) والأسفنج (سريع الإشتعال جداً) وأغلب البيوت أو الشقق التي تحترق في اغلب البلدان يكون زيادة الإشتعال بسبب مراتب الإسفنج
(والحمدلله بالسودان أغلب المراتب ما زالت تصنع بالقطن) لذا إستمرار الحرائق يكون قليل جداً وسهل إطفائها.

أعذروني يشهد الله أن تلك المعلومة لم أقصد بها إدانة (صاحب المطعم) وإنما للإفادة وحتى لصاحب المطعم بإبعاد تلك الماكينات عن مناطق (الإشتعال).

طبعاً الخليج ككل يستخدم الإسفنج في صناعة الأثاث (كالجلسات العربية) أو كراسي الجلوس ..... إلخ

وأيضاً هنالك مكائن ومعدات معينة تقوم بصقل الإسفنج المقطع بعد ان يستخرج من عملية التصنيع (لعمل بعض الأثاث) كالترابيز أو الكراسي) والتي نراها في بعض المحال
وهي خفيفة جداً ورخيصة (مثال : بعض المحلات تستخدم نشار الخشب ووضعه في مادة لاصقة وعمل كراسي وترابيز .... إلخ) بنفس الطريقة يمكن عمل ذلك من مخلفات الأسفنج.

ولكم التحية

شكرا استاذ فتحى على الاضافة
المكنة كانت فى صالة مغلقة ومفصولة
باعلى الكافتريا وما احضرت الا للتاكد من
كفأتها
ولو وصل الحريق الى ذلك الطابق
لكفى الله المؤمنين شر القتال

Quote: ابو الحسين رمضانك كريم يا خي الخبر دا ما عندو علاقة بالمعارضين من اساسه، وكلامك دا فيه تعميم مخل ومتحيز ومتحامل، أي زول عارف إنه الأخبار الزي دي منو البيروج ليها ومنو البستفيد منها مالياً، والكلام دا ما خافي على زول متابع الشأن السوداني، والصحافة بتاعة (التابلويد) في الخرطوم معروفة ومعروف ملاكها، وهم السبب ورا الترويج للأخبار الزي دي. المعارضين للحكومة ما محتاجين لخبر (اسفنج في أقاشي)ن وأحسب أنك أيضاً من المعارضين للحكومة ولو مؤيد للحكومة دي كمان قول لينا عديل عشان نشوف مؤيدها ليه يمكن نقتنع بي وجهة نظرك. المه على قول اخونا تبارك كون عندك مشكلة مع (زيد وعبيد من الناس) البيعارضوا الحكومة، دا ما معناهو تصل لي خلاصة تعميمية زي دي، ولو إنت مؤيد للحكومة (لأنك قلت المعارضين حيستغلوا الخبر دا، فبالتالي أنت ما معارض لأنك ما استغليت الخبر)، فما دا الإسلوب الصحيح للنيل من معارضي النظام. ورمضان كريم ليك وللأسرة وتصوم وتفطر على خير.

أهلا الصادق
يا الصادق المعارضين عندهم مقدرة على تحويل مثل هذه المواضيع لي نضال و نضال فريد في نوعو كمان ...
خالد زين العابدين شفقان بس ... مشى ليهم في بوستاتهم و رمى ليهم نفي الخبر ... لو ما زول شفقان كان يخليهم لم يسترسلوا في التنظيرات
و يكتبوا ليهم كم إدانة و تتفرع البوستات و بعدين يجيهم بالنفي ...
يا الصادق ياخ النضال البتكلم عنو أنا .. أنا بقول عليه النضال العشوائي و المناضل مناضل عشوائي


و تصوم و تفطر على خير ..... طبعاً دا ليك إنت و للأسرة


تحياتي و إحترامي