الفضائية السودانية . يا تلفزيون يا..

تلفزيون السودان يعلن قوميته من جديد ويدخل مرحلة جديدة تتسم بكثير من الموضوعية.. وهي إنطلاقة نحو الاتجاه الصحيح
بعد ان تعثر خطاه وجاء فى مؤخرة الركب دولياَ وعالمياً وإقليمياً مع الاحتفاظ ببغض الشي محلياً ..
ومنذ توليه إدارته . الدكتور ياسين إبراهيم ينفض الغبار عن اهداب هذا الصرح الشامخ وبرسم له طريقاً يبساً للمضىء قدماً الى
افاق اكثر اتساعاً مما كان عليه ..
ومن البشريات التى تهفو قلوبنا اليها قام التلفزيون بقياد مديره الجديد فى الاسابيع الماضيه بجولات مكوكيه زار خلالها
بعض المنشات الاعلامية وزيارة بعض المبدعين وتكريم بعض الرموز الذين افنو زهرة شبابهم داخل مبنى التلفزيون .
وهذا فى حد ذاته خطوة كريمة وإيجابية تضاف لما تبقى من رصيد لهذا الكيان الوطنى ..
وياسين إبراهيم هذا الرجل الخلوق والانسان النبيل وكفى لااريد ان اقصم ظهره مما يستحق من كلمات الثناء
هذا الرجل كان يسعى دوماً لتحقيق ماهو افضل ومستحب من خلال موقعه فى إدارة المنوعات
والان جاء دوره كمدير وبصلاحيات اكثر. وما يحمله اخونا ياسين من طموحات وتطلعات تجعل توقعاتنا فى مكانها
بأن الرجل المناسب فى المكان المناسب .. وهتشوفو

انا الذى نظر الاعمى الى ادبى
واسمعت كلماتى من به صممُ
انام ملء جفونى عن شواردها
ويسهر الخلق جراها ويختصمُ
**
المتنبى بيك يرحمك الله
اللهم بلقنا رمضان ووفقنا لصيامه وقيامة وكل عام وحضراتكم بالف خير

hancof

ما بثنينا قرار زي ده
وما بنهتم وفيه نفاصل
سيف العز البيه نبشر
بينا وبينك ياهو الفاصل
***
ليك كم سنة تتربص بينا
عاقد الشينة تصر وتحاول
خبت وعبت وجيت بى شيتا
لاموجود فينا ولاحاصل
والموضوع ما موضوع دار فور
لو دار فور كان هين وساهل
بس ده مخطط صهيونى مستهدفنا
وحتما ذايل **
***
ماك نصيح يالما بتنسما
ماك نصيح يا اوكامبو
ولا ده كلام زولا عاقل
يا مجنون الريح كان عصفت
نحن السيل والبرق الشايل
والقانون مالاك بنعرفو
وعندنا ناسا فيه فطاحل
يرتبو ترتيب من تانى
ويوضعو ليه مواد ومداخل
قرارك بلو واشرب مويتو
ظنك اننا بنخاف قايل
الحس كوعك وعاين حاجبك
وامسك طرف الهوى لو طايل
يا صهيونى مزاعمك باطلة
وحكمك يا مستهتر باطل
كل العالم يشهد انك
اكبر مجرم ومدعى فاشل
***
وبى ياسين وخواتم البقرة
والايات الليها منازل
وبى ط س وح م ع
المنشار الطالع ونازل
وباللالوب سبح الالفية
والتهليل المفزع وقاتل
وبالصلاح والمداح
والساجدين عرقن نتاح
يشيلك ريح ويختك ريح
وترميك موجة على الساحل
يتهد الليل كدى فوق راسك
ويمطر فيك رصاص وقنابل
فيك تتلمى كبار المرده
وكل عفاريت الجن فى بابل
يا موهوم بتقبل وين
من غضب الله الجاييك نازل
هاك من مرنا كب واشرب
نحن عدونا بنسقى حناضل
والسودان بى طولو وعرضو
ارسل ليك بالجملة رسايل
اكد ليك بالصوت والصورة
حقيقة شعب عريق ومناضل
***
اتجاوزت وفت حدودك
اطاولت كمان يا جاهل
على ريسنا وتاج عزتنا
ورمز سيادتنا الباسل
ورمز الامة بتفدى عيونا
كل الناس شعوب وقبايل
نحن فدا الوطن الممتد
والماعون الواسع وشايل
نحن فدا الوطن الشامخ
والتاريخ الناصع وحافل
نحن فدا الوطن المتوحد
بى راي شعبو ومتكامل
نحن فدا الوطن المعروف
بسماتو الطيبة وناسو افاضل
ونحن فدا العلم البيرفرف فى الافاق
وسلامنا الشامل
ونحن ونحن الشرف البازخ
وعلشان عزة نموت ونقاتل
***

يوسف الحداد

الاخ ابوروضة
والله مشكور كتير
تصوم وتفطر على خير ويعود علينا وعليك باليمن والبركات
وةمبروك عليك الشهر الفضيل.
كويس انك طارينى يا صاحبى خليها بالنية
لك التحية والامنيات قوافل..

Quote: الاخ ابوروضة والله مشكور كتير تصوم وتفطر على خير ويعود علينا وعليك باليمن والبركات وةمبروك عليك الشهر الفضيل. كويس انك طارينى يا صاحبى خليها بالنية لك التحية والامنيات قوافل..

تصوم وتفطر على خير
وابشرك
مافي حاجة بتخلي الناس تنسى كل ما ينفتح جرح جديد
الجراحات القديمة بتاور

عدم النسيان ليس بشرى يبشر به وهو واحد من نعم الله لعباده الا من ابى
ومن ياتينا رئيسا ايا كان لونه السياسى هو رمز سياده حتى لوكان محمد ابراهيم نقد
مادام التدخل اجنبى
عموما كل يبكى على ليلاه ولا يضير احدنا شى
وهذا النص الذى يثير غضيك ساهتم به ربما يإتينى بفائده

شكرا

تسلمو

الشقيق يوسف الحداد .. كم نحن سعداء عندما يخط يراعك كلمات .. عندها نشعر بان البلد بخير وكتابها وشعرائها ...
لك التحية وكل عام وانت بخير..

اخوي العامرى
لك التحية
مرورك يحمل رائحة القرنفل وذاك العطر الذى نشتهيه
لك الامنيات قوافل
تصوم وتفطر على خير .

يا عامرى
لك التحية

الحداد

قصيدة بمناسبتها وهكذا هم الشهر الهام موقف حتي لو لم نتفق معهم


،،،،أبوقصي،،،،

الاخ ابو قصي
لك التحية
واشكر مرورك
واشكر تعليقك على هذا النص الذى احدث اوجاعا مؤلمة للبعض
وانت تواكد اختلاف الراي لايفسد للود قضية ....
تسلم كتير ورمضانك مقبول يارب..

الحداد

قصيدة بمناسبتها وهكذا هم الشهر الهام موقف حتي لو لم نتفق معهم


،،،،أبوقصي،،،،

سلام أخي ودالحداد،
عنوانك عن التلفزيون وحديثك عن ياسن ابراهيم!
هذا الإقتباس يخص التلفزيون:

Quote: تلفزيون السودان يعلن قوميته من جديد ويدخل مرحلة جديدة تتسم بكثير من الموضوعية.. وهي إنطلاقة نحو الاتجاه الصحيح بعد ان تعثر خطاه وجاء فى مؤخرة الركب دولياَ وعالمياً وإقليمياً مع الاحتفاظ ببغض الشي محلياً ..

و الباقي سيرة ذاتية وزيادة تلميع للدكتور أبو ابراهيم:

Quote: ومنذ توليه إدارته . الدكتور ياسين إبراهيم ينفض الغبار عن اهداب هذا الصرح الشامخ وبرسم له طريقاً يبساً للمضىء قدماً الى افاق اكثر اتساعاً مما كان عليه .. ومن البشريات التى تهفو قلوبنا اليها قام التلفزيون بقياد مديره الجديد فى الاسابيع الماضيه بجولات مكوكيه زار خلالها بعض المنشات الاعلامية وزيارة بعض المبدعين وتكريم بعض الرموز الذين افنو زهرة شبابهم داخل مبنى التلفزيون . وهذا فى حد ذاته خطوة كريمة وإيجابية تضاف لما تبقى من رصيد لهذا الكيان الوطنى .. وياسين إبراهيم هذا الرجل الخلوق والانسان النبيل وكفى لااريد ان اقصم ظهره مما يستحق من كلمات الثناء هذا الرجل كان يسعى دوماً لتحقيق ماهو افضل ومستحب من خلال موقعه فى إدارة المنوعات والان جاء دوره كمدير وبصلاحيات اكثر. وما يحمله اخونا ياسين من طموحات وتطلعات تجعل توقعاتنا فى مكانها بأن الرجل المناسب فى المكان المناسب .. وهتشوفو انا الذى نظر الاعمى الى ادبى واسمعت كلماتى من به صممُ انام ملء جفونى عن شواردها ويسهر الخلق جراها ويختصمُ

المهم:
المستقبل ارتجالي بدون جدول برامج مسبق ويصب (في الإتجاه الصحيح)،
ولا أدري مرماك من عبارة "الإتجاه الصحيح"
تحياتي وتقديري

مرحبا قصي
الرجل يحمل الكثير والكثير من البرامج
والخطط التى سيتم تنفيذها
وهو قادم برؤية جديدة وتطلعات مشرقة
اذا الدوله اعطت جزء يسير من الاهتمام لهذا الكيان
كما اهتمت باشياء لاقيمة لها

اخى ابو قصي
تحياتى وامنياتى
القصيده كانت لها مناسبتها ودفاعاً على سيادة الوطن وحرمته بقض النظر من يكون رمز سيادته
الا ان القاسية قلوبهم فهم دائماً فى مهمهن غرقت فى تيهه الضفتان البدو والحضرو...
لك الامنيات قوافل ورمضان كريم..

يا مرمى تحت الشمس للقيلة ضلية
يا سحنة نوبية يا كلمة عربية
يا وشمة زنجيه ..

ما بثنينا قرار زي دا

Quote: الرجل يحمل الكثير والكثير من البرامج والخطط التى سيتم تنفيذها وهو قادم برؤية جديدة وتطلعات مشرقة

شاعرنا الجميل صاحب ديوان ( شتيلة الساب )
التوصية لهذا الرجل .. ان ينوع في التلفزيون من كل السودان ..
ما ينسى غنانا السمح داك وخاصة ( ليالي التراث النوبي ) ..

لك التحية ..

الباحث النوبى استاذ على عبد الوهاب
لك التحية والامنيات قوافل
ارمدان كريم تصوم ةتفطر على خير
اشكر مرورك ..
عزيزى الهم واحد فى ارثنا النوبى الجميل بالضرورة
لابد ان يكون هناك توصية بهذ القبيل .
تحياتى

الفضائية القومية يا تلفزيون يا يثوب جديد
قولوا ان شاء الله

hkjki