Post: #1
Title: تذمر 250 راكب داخل طائرة لبورتسودان.. أنظر السبب!
Author: المعز ادريس
Date: 06-26-2014, 01:36 PM
و ادي ربك العجب!
تذكرت قصيدة حميد: ميتين عامل فد مرة .. يبقو "هوامل" يبقو...
"احتجز 250 راكباً لأكثر من ساعة داخل إحدى طائرات شركة بدر للطيران المتجهة من العاصمة السودانية ” الخرطوم ” إلى مدينة بورتسودان السودانية
مساء ” الاربعاء ” ، بسبب تأخر وزير الصحة الولائي الصادق المليك ،
وكانت الطائرة على أهبة الاستعداد للإقلاع حسب الموعد المحدد لها وبعد أن صعد الركاب داخل الطائرة ليفاجأوا بإحتجازهم لأكثر من ساعة في انتظار المسؤول
الولائي المسافر بالرحلة ، مما ادى إلى تذمر وسط الركاب وإحتجاج على تأخير موعد الطائرة بسبب مسافر واحد من المفترض أن يكون ” قدوة ” في الإنضباط .
محمد عمر ـ سوداناس "
لاحظ: (250 راكب)، و (لأكثر من ساعة)!
|
Post: #2
Title: Re: تذمر 250 راكب داخل طائرة لبورتسودان.. أنظر السبب!
Author: المعز ادريس
Date: 06-26-2014, 01:50 PM
Parent: #1
هل خافت بدر للطيران و قررت الإنتظار، على حساب ال250 راكب؟
و كان حا يحصل إيه لو احترمت الركاب و ظروفهم الما معروفة و ..أقلعت؟!
|
Post: #3
Title: Re: تذمر 250 راكب داخل طائرة لبورتسودان.. أنظر السبب!
Author: cantona_1
Date: 06-26-2014, 01:58 PM
Parent: #2
الأخ معز إدريس بعد السلام
على رأي البصيرة أم حمد .. الوزير ما غلطان يتأخر على كيفه.. مش الجماعة قالوا نقعد نقوم على كيفنا؟
الطيارة ما غلطانة عشان السواق ما دورها وساقها.
وشركة بدر ما غلطانة .. عشان الخوف من الجايات..
اها توا الغلطان ياتو؟ بشوفك مش غلطانين الركاب الركبوا طيارة بدر؟ مش كان يقعدوا في بيوتهم وما يسافروا ..
الله يكون في عون وطن وزيره بلا مواعيد...
تحياتي.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
|
Post: #5
Title: Re: تذمر 250 راكب داخل طائرة لبورتسودان.. أنظر السبب!
Author: المعز ادريس
Date: 06-26-2014, 02:05 PM
Parent: #3
عشان تعرف عدم قيمة الإنسان في السودان يا كانتونا
و أننا أمة داقشة ساي وسط العالمين
هسة لو في راكب مريض و ما بيحتمل الكلام دا، أطفال، مسنين، حوامل إلخ.
تحياتي لك،
|
Post: #4
Title: Re: تذمر 250 راكب داخل طائرة لبورتسودان.. أنظر السبب!
Author: ismeil abbas
Date: 06-26-2014, 02:04 PM
Parent: #2
أخى المعز....السلام عليكم....ده إسمه تبادل مصالح.......وده المؤخر البلد.
|
Post: #6
Title: Re: تذمر 250 راكب داخل طائرة لبورتسودان.. أنظر السبب!
Author: المعز ادريس
Date: 06-26-2014, 02:11 PM
Parent: #4
و عليكم السلام أخي اسماعيل
نعم، تبادل مصالح و تبادل مخاوف
حزنت و تألمت شديد بعد اطلاعي على الخبر
رغم علمي بأنه دا الحاصل مع كل المرافق العامة في السودان!
تحياتي لك،
|
|