Post: #1
Title: ابرار والوثائق المزورة للخروج - صورة
Author: عصام دقداق
Date: 06-24-2014, 09:34 PM
|
Post: #2
Title: Re: ابرار والوثائق المزورة للخروج - صورة
Author: Tragie Mustafa
Date: 06-24-2014, 09:57 PM
Parent: #1
خلاص اليوم فكوا لينا الكيزان كلهم؟!
هلا عصام دقداق
الا ما قلت لينا المزور فيها شنو؟!
البنيه اتزوجت ولدهم (اي سفارة دولة الجنوب) من حقها ان تحمل و ثائق سفر جنوبيه
التزوير وين ممكن نفهم؟!
|
Post: #3
Title: Re: ابرار والوثائق المزورة للخروج - صورة
Author: أيمن محمود
Date: 06-24-2014, 10:10 PM
Parent: #2
| Quote: ما قلت لينا المزور فيها شنو؟! |
|
Post: #4
Title: Re: ابرار والوثائق المزورة للخروج - صورة
Author: د.محمد بابكر
Date: 06-25-2014, 00:01 AM
Parent: #3
الغريبه الاسم صاااااح والصوره ياها وصادره من سفارة جمهورية جنوبالسودان..الدرويش القبضا ده ما بكون سمع باذدواجية الجنسيه وبكده يا ام حازم تمشى بجوازك الكندى ده اى دلاهه ممكن يتسلبط فيك ويقول جوازك مضروب لكن طبعا شغل زى ده ما بسووهو مع الخواجات حقارتم فى ناس سلفا ديل..على كلٍ يبدو ان مرافق الدوله مليئه بالجهله وذوى العاهات ممن لا يستوعبون (المخَارجه) من الازمات فممكن (يدقروا) لاى مسعى زى ده ولحدى ما يفهموهم يكونوا اتسببوا فى ازمه دبلوماسيه!!
لكن مسعولين من الخير شيخ حسن وين ..الرجل على خلافنا معه فهو حريف والله موضوع مريم دى لو كان عنده كان صبحت فى واشنطون وما كان فى زول فهم حاجه لا نحن لا البشير ولا مريم ذاتا...
|
Post: #5
Title: Re: ابرار والوثائق المزورة للخروج - صورة
Author: مبارك عبدالرحمن احمد
Date: 06-25-2014, 00:18 AM
Parent: #4
صاحب البوست
ما فيها حاجة الوثيقة صحيحة وقانونية 100 ال100
ففي قانون جنوب السودان للجنسية
- يحق لكل شخص الحصول على الجنسية
اذا كان احد والديه من جنوب السودان او متزوج / متزوجة من جنوب السودان .
او مولود في جنوب السودان ففي هذه الحالة يأخذها بالميلاد.
وبعدين الوثيقة فيها تاشير امريكا والجنوبيين ادوها وراضيييين بيها يعني الواجع السودان (حاااااااااااااار) كدا شنو؟
تحياتي
أردول
|
Post: #6
Title: Re: ابرار والوثائق المزورة للخروج - صورة
Author: مرتضي عبد الجليل
Date: 06-25-2014, 00:54 AM
Parent: #5
شفت يا عصام دقداق ركوب العجلة اصلا ما بتنسي!
طوالي جبت عدتك وجيت نازل!
إسمها مريم يادقداق ,والوثيقة الجبتها دي ما فيها إسم ابرار نهائي !
ابرار في خيال المهاوييس وبس .
وين التزوير هنا؟
هل دولة جنوب السودان قدمت شكوي وطالبت بإعتقال مواطنتها المذكورة ؟؟ هل سفارة دولة جنوب السودان إحتجت وقالت في واحدة شايلة أوارق مزورة تخصها؟
المرة دي إعتقلتوا مواطنة تتبع لدولة أجنبية ذات سيادة !
دي فضيحة جديدة تضاف الي فضائح النظام الذي فقد البوصلة تماما ..
ستطلقون سراحها يا كيزان ,لان الجزمة الدولية القديمة قاعدة ومسلطة علي قفاكم .
|
Post: #7
Title: Re: ابرار والوثائق المزورة للخروج - صورة
Author: Mohamed Yassin Khalifa
Date: 06-25-2014, 04:59 AM
Parent: #6
تحياتي للجميع...
أولاً، دي وثيقة سفر إضطرارية، وحسب القانون الدولي فإن من حق أي دولة منح
مواطنيها أو مواطني أي دولة أخرى وثيقة سفر إضطرارية لأي ظروف تقتنع بها!
ثانياً من حق دولتي الجنوب أو الولايات المتحدة منحها جنسية أياً منهما أو كلاهما
طالما كان هذا في مصلحتها أو مصلحة أسرتها التي تحمل جنسيتها وخاصة في
هذة الظروف والتي تشير إلى أنها معرضة للخطر شبه الأكيد من مهاويسهم!
ثالثاً، دأبت هذة الحكومة الراعية للإرهاب على منح كثير من إرهابيي العالم جوازات
سفر عادية أو دبلوماسية بأسماء أصحابها أو بأسماء مزورة. وقد ضبطت أعداد من
هذة الجوازات بحوزة إرهابيين أو حتى بحوزة أسرهم.... فعلام الإستغراب؟
هم إعتبروا أن خروجها فيه إهانة شخصية بالغة لهم وكان عليهم محاولة إثبات الذات
على الرغم من أن الموضوع بكامله متعلق بأسرة بها أطفال وأم وأب أبرياء.
لعنة الله عليهم وعلى دجلهم وتجارتهم الخائبة!
|
Post: #9
Title: Re: ابرار والوثائق المزورة للخروج - صورة
Author: Tragie Mustafa
Date: 06-25-2014, 05:26 AM
Parent: #4
صاحب البوست هرب تركه لنا؟!
ههههههههههههه
والله صحيح كلامك يا د.محمد بابكر
مع هؤلاء المعاتيه كله و ارد
Quote:
وبكده يا ام حازم تمشى بجوازك الكندى ده اى دلاهه ممكن يتسلبط فيك ويقول جوازك مضروب
لكن طبعا شغل زى ده ما بسووهو مع الخواجات حقارتم فى ناس سلفا ديل |
الله يعينا و يعين ناس سلفا ديل علي جيرانهم هؤلاء المعاتيه.ههههههههه و يفرج كرب مريم وداينال.
|
Post: #8
Title: Re: ابرار والوثائق المزورة للخروج - صورة
Author: عبدالله محمد أحمد
Date: 06-25-2014, 05:14 AM
Parent: #1
Simply, it is just a way out
|
|