انشأ موقع عالمي علي الانترنت(انقذو مريم يحي)…..(www.rescuemeriam.com) ولسه التقيل و راء !!

التظاهراتين الناجحتين التي امها جمع مؤثر جدا في القرار السياسي يعني ما بيهمنا العدد بقدر ما بتهمنا النوعيه التي حضرت.

وخاصه امام البيت الابيض التي خاطبها عضوان من الكونجرس الامريكي و اكدوا عملهم ليل نهار علي اخراج مريم يحي و اطفالها من سلطة البطش تلك احياء باذن الله.

وزع عنوان هذا الموقع الذي يبدو انه لن يكون موقعا سهلا علي الحضور المشاركين هنالك.


شكرا لكل القائمين علي امر الموقع

وكل العاملين باخلاص من اجل القديسه مريم.





ويا ناس السودان

نحن ذاتنا بنطالب بتحليل بتاع DNA للسيده الطلعت بلا خجله في التلفزيونات و ادعت انها و الدتها!!

لانه و الدتها (اثيوبيه) و ان انكر اخوتها ابناء ابيها ام فبركوا.


ومعا حتي نري الجميع بخير .

يا سلام عليك يا عبدو مصطفي يا فنان.

تسلم و يسلم كل المخلصين للانسانيه

ومعا لانقاذ مريم و كل مريم مثلها…تواجه سلطات متخلفه متجبره فاسده مثل سلطاتنا.

السودان أسوأ بلد في العالم...
بلد ينتهك حقوق مواطنيه الاساسية في كل شيئ..

مجموعة مجرمين في الحكم تترصد المرأة لتقتل صوتها وتنتهك حرياتها، إغتصاب، تعذيب، جلد، إعتقال، قتل، تشهير،،،

شكرا يا تراجي علي هذا الموقع...

Quote: لسودان أسوأ بلد في العالم... بلد ينتهك حقوق مواطنيه الاساسية في كل شيئ..

يا سيف اليزل السودان ده لو ما عجبك اتخارج منو و شوف ليك جنسية من اولاد العم سام اصلها لامة الناس من كل حدب و صوب

صفحات الانترنت امتلات بعبارات على شاكلة السودان اسوأ و السودان ما عارف شنو
الا تستحون ؟؟؟؟
حقوق مواطنيه زي شنو يعني ادينا مثال ما تطلق هذه الالفاظ على عواهنها
مريم دي بي اهلها و اخوانها انت مالك و مالها بي سببها تشوه في سمعتنا للغاشي و الماشي


فترنا ياخ
حقوق انسان و ما عارف شنو

لك التحية د/خالد المبارك

Quote: صفحات الانترنت امتلات بعبارات على شاكلة السودان اسوأ و السودان ما عارف شنو

هذا حال المعارضة الغير راشدة لايميزون بين معارضة النظام اوالأساة للوطن

اقرفونا بالشعارات الفارقة

نحن لاندين بقوانين مايسمى حقوق الأنسان

كتب الحسين احمد

Quote: نحن لاندين بقوانين مايسمى حقوق الأنسان

جدا يا استاذ عنك لم تدين بحقوق الانسان

الا ما قلت لينا انت منو؟!

ومن وين صار لكلامك المتخلف ده حق انه يمشي علينا؟!

هل تتوهم انك غالبيه كذاب و منافق و مزور في سجلات شعبنا لو ادعيت بغباءك وتشنجك ده انك غالبيه.

انتو فئه معزوله داخل شعبنا

شوهتوا دينا المتسامح وفضحتونا امام العالم.

كفوا غباءكم و ضيق افقكم عنا.

Quote: جدا يا استاذ عنك لم تدين بحقوق الانسان الا ما قلت لينا انت منو؟!

اللهم أمين يا سيدة

انا مواطن سودانى حر لا أمثل اى جهة إعتبارية أرى إن الدفاع عن المرتدين تشجيع على الكفر
ولاأحتفل كثيرا بمايسمى حقوق الإنسان والخاصة الى تتعارض تماما مع مبادى الشريعة الإسلامية
والإختلاف فى الراى غير مبررالإساءات

السيد خالد المبارك

يعني شنو باهلها و باخوانها يعني شنو الكلام الغبي ده…..فاكرنها ممتلكه لهم:

Quote: مريم دي بي اهلها و اخوانها انت مالك و مالها بي سببها تشوه في سمعتنا للغاشي و الماشي

يا زول اسمع يفترض الدوله تنقذك من اهلك و اخوانك نفسهم لو تجبروا و طغوا!

وحقوق الانسان دي ولا علي كيفيك….وثائق ووقعتوا عليها تنطوا وين منها ثاني؟!

قال اخوانها قال يا سلام؟!

هو ربنا يوم القيامه بيحاسبك براك……ليه ما قال اخوانك يتحاسبوا عنك…..منطق غريب و يدل علي التخلف الذي تفشي في بلادنا.

الفاضل سيف اليزل

تحياتي و تقديري و شكرا علي مرورك وكلماتك و هم فعلا من اسوء انواع المجرمين.

الا يا اخوي ما تراجي الانشأت الموقع ده ….هههههههههه……..ديل يا اخوي اهل الشيء ذاته

Quote: شكرا يا تراجي علي هذا الموقع...

ديل ناس الجلد و الراس في امريكا…ونحن ناس بننشر بس البيصلنا عنهم.

التحايا لك وربنا ينصر هذه المسكينه من هؤلاء الاوباش.

Quote: وربنا ينصر هذه المسكينه من هؤلاء الاوباش.

!!!

نسأل الله لها الهداية والنصر على الشيطان الرجيم وأعوانه من الأنس والحن


دمتم بخير

لالا لا للتشجيع على الكفر

لك التحية اخي الحسين

Quote: لك التحية د/خالد المبارك

شكرا على الدال الزياده دي
فقط اردت ان اوضح بأنني لست الدكتور خالد المبارك المعني منعا للالتباس

لك التحية مجددا
و فعلا نحن لا ندين بدين اسمه حقوق الانسان

Quote: يعني شنو الكلام الغبي ده

والله يا من تسمي نفسك تراجي انا لم ار شخص اكثر منك غباء
انت انسان مريض - ذكر كنت ام انثى - و تحتاج الى علاج نفسي مستعجل

و كمان ليك عين تصف كلام الناس بالغبي ؟؟؟

Quote: .فاكرنها ممتلكه لهم

لمن تعرف علاقة الفرد بالمجتمع و الاسرة و الدين ابقى تعال اتفلسف في مواضيع اكبر منك

بعدين انا ما رديت ليك من الاول و خاطبت شخص اخر عشان غباءك ده

Quote: والله يا من تسمي نفسك تراجي انا لم ار شخص اكثر منك غباء انت انسان مريض - ذكر كنت ام انثى - و تحتاج الى علاج نفسي مستعجل

هى من الكنداكات المناضلات

مؤسسة للجمعية الصداقة السودانية الإسرائيلية

الفاضلة تراجي
لك التحية
من العيب ان يوجد بيننا من يساند الذين يستخدمون الدين لابتزاز العالم من خلال امرأة مسكينة.
لم تكن مريم مسلمة في يوم من الأيام ، فكيف لها ان ترتد او ( تنعكس) ؟؟

أنتم تقتلون المسلمين في اقليم دارفور و جبال النوبة و أنفسنا ليل نهار ، بس غيرتكم على الاسلام ما ظهرت الا على البنت المسيحية ؟؟

دينق عبد الله
لك التحية

Quote: من العيب ان يوجد بيننا من يساند الذين يستخدمون الدين لابتزاز العالم من خلال امرأة مسكينة.

بل العيب ان نعجز على حل قضايا داخليا ونسوقها دوليا

الاخ Elhussein Ahmed
لك التحية
صدقت !
و خاصة ان يكون رئيس الدولة هارب من العدالة الدولية نتيجة قتله لمواطنيه من نفس الديانة ، مع ذلك يتشدق هو و اتباعه بالغيرة على ذلك الدين.




-----------------
You know how does it sound ?i

Quote: و خاصة ان يكون رئيس الدولة هارب من العدالة الدولية نتيجة قتله لمواطنيه من نفس الديانة ، مع ذلك يتشدق هو و اتباعه بالغيرة على ذلك الدين.

البوست يتحدث عن قضية معينة (انقذو مريم يحي)

مادخل الحرب الاهلية بهذا الموضوع

الاخ Elhussein Ahmed
لك التحية
القاسم المشترك في الامر هو الفشل في الادارة داخليا و خارجيا ، سياسيا و اجتماعيا

انه الفشل و لا شيء غير الفشل

Quote: القاسم المشترك في الامر هو الفشل في الادارة داخليا و خارجيا ، سياسيا و اجتماعيا انه الفشل و لا شيء غير الفشل

نعم

الاخ خالد المبارك
اتمنى ان اجد مساحة من الزمن للرجوع اليك في مطلع الاسبوع القادم..
مع خالص التحايا للجميع..

الأخت الحبيب تراجى ..

كم أنا مقدر شجاعتك .. ووقوفك مع الحق ..

بل وأننى أشكرك شكراً جزيلاً لسعة صدرك ..

الرب يبارك حياتك ..

أخوك وعمك العجوز ..
ارنست
+++

يا مامون

الفاحشه ان تتزوج امراه ولا الفاحشه ما يحدث في شوارع الخرطوم؟!

Quote: إِنَّ الَّـذِيـنَ يُـحِـبُّـونَ أن تَشِيعَ الْـفَـاحِـشَـةُ

الدين ده ما عملتوا ترزيه بس كل يوم تقصوا و تلصقوا فيه زي ما عايزين.

يا الحسين احمد

Quote: هى من الكنداكات المناضلات مؤسسة للجمعية الصداقة السودانية الإسرائيلية

وبس!!

يا تراجى بت مصطفى

Quote: وبس!!

دى إجابة لــــ د/ خالد
كنداكة مناضلة دى ماكفت ههههههههههه

المتخلف المشتنج خالد المبارك

واستغرب ممن خاطبك بالدكتور

اولا لعلمك لا احتاج اذنك لارد عليك….في اي مكان بهذا المنبر ناهيك عن بوست انا افترعته

انت من الاساس داخله ليه؟! ما تفتح بوستك لوحدك و تناقش فيه كل هبابك الفكري و العقائدي ده و تشوف البهبب لك منو؟!

لكن ان تطفحوا كالطحالب في بوستاتنا وتتوهموا ان تسوقوا قرفكم هذا باسم العقيده فلا و الف لا.


ولا تحتاج ان تعرفني امراة او رجل يكفي اني قلم و يكتب هنا.


نجيء لادعاءاتك الفاضيه:

Quote: لمن تعرف علاقة الفرد بالمجتمع و الاسرة و الدين ابقى تعال اتفلسف في مواضيع اكبر منك

شوف اسمع نوع القرف ده العايزين توهموا الناس انه منطق ما بيمر علينا.

علاقة الفرد شنو العايزين اعرفها و انت تتجاهل حقوق الفرد نفسه في ان يحي و هي اول مقومات الحقوق.

زول انت بتصادر حقه في الحياه عايزينا نهتم بمناقشة علاقته ب اي حاجه ثانيه؟!


يا زول تدين بحقوق الانسان او لا تدين هذا ما قضيتنا

قضيتنا….انه معتقداتك المتنشجه دي تتلزم بيها انت في روحك و حتي و ليداتك وبنياتك لو هبشتهم بتشنج الدوله تتدخل لحمايتهم منك فاهم.

هذه هي حقوق الانسان.

ولو عايز تغالط

افرض شابه يتحرش بيها جنسيا ابوها…ايه رايك نتركها له؟! لانها ابوها ولا بنمنعه و كمان بنعاقبه؟!

افرض والد عايز يقتل اطفاله كلهم…ايه رايك حسب فهمك ده نسيبه ماهو ولي الدم و حر فيهم.


اعرف اها المتحجر انه اي فرد حقوقه تنتهي عند حقوق الاخرين

وكلمة الاخرين دي تشمل اهل بيتك.


قال غباء قال

هو في اغبي منكم.

الحبيبة \تراجي..

تحياتي وشوقي ,,

ومشكورة جدآ علي الاهتمام بهذه القضية الحقوقية . بس رجاءآ الناس البجوا مخصوص
عشان يسمموا البوستات ما تردي عليهم ولو هم فعلآ عندهم كل هذه النخوة والشهامة الاسلامية
الامشوا يرجعوا بلدهم يساعدوا في اعادة تأهيلها التربوي المفقود من مجي هذه الحكوة المفسدة
ويا ريت يسبوا ( القديسة مريم ) وشأنها لانها فرد ويمشوا يحاربوا الفساد العم القري والمدن .
ويا حبيبة اطمئني ( القديسة ) وراءها البهابوها وبخافوها اكتر من الله !!! كيزان شنو البتهمهم
الردة ؟ ولا شغالين بالتشريعات الاسلامية دي قبال موضوع ريم دا الاحاكموا الشيوخ الاغتبصوا
الاطفال والبنات وفساد الوالي والقائمة مدفقة !!

بت عمسيب

لك التحية
تب للكيزان الذين أضاعوا السودان حتى اجتاحته موجة التنصير والإلحاد
إن الدين عند الله الإسلام و حكم الردة لاعلاقة له بالكيزان لذلك لا ينبغى الدفاع عن الباطل وأهل الكفر معارضة للإنقاذ
وإن الاخت أبرار او مريم نسأل الله لها الهداية والعودة للإسلام فى اصح الروايات عن القضية التى مازالت فى طور الغموض هى مسلمة ارتدت عند دينها وليست نصرانية غالبا وراءردتها أمر دينوى
وتحتاج لمن يعينها على العودة على الإسلام ولكن للأسف هناك من ساندها وشجعها على الإصرار على الكفر

Quote: ( القديسة ) وراءها البهابوها وبخافوها اكتر من الله !!!

تب لهم وتب لمن خافهم أكثر من الله تعالى

Quote: مامون المعتصم أحمد

أتق الله

قال تعالى ( ياأيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم ( 12 ) ) الحجرات
وقال (مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ)( ق)
هذا من ديننا الذى نكره ان يرتد منه احد

الأخ الحسين أبن احمد \ لك التحايا .

Quote: وإن الاخت أبرار او مريم نسأل الله لها الهداية والعودة للإسلام

كدي اول اطلب الهداية للمفسدين تجار الدين سفهاء القوم واكليين اموال الغلابة
وبعد داك اطلبها لي مريم !! وبعدين انت اسه رأيك شنو في الفساد والانحطاط
الاخلاقي الحاصل من ناس الانقاذ ؟ وهل يجب محاكمتهم ام لا ؟ ممكن اسمع منك
رد لهذه الاسئلة عشان نتكلم في موضوع مريم برضو ؟

Quote: يـا ولـية إنـتى ... أظـبـطى كــلامـك .... الـبـتــتـكـلمى عـنهـا دى إشـــتـكوهـا أهـلـهـا و قـالـوا إنـها مـسـلـمة لأنـهم خـايـفين مـن حـسـاب الله

اولآ يا مامون الشئ المؤسف امثالك البتكلم عن الاسلام !!!!
قمة الجلافة وعدم التحضر وعدم التهذيب .. كدي قبال ما نتناقش في
موضوع ( القديسة ) اول اضبط نفسك وخليك الرجل الجدير بالاحترام
والبفرض علينا الرد عليه. ولو دا اسلامك البدافع عنه ثق انه مشوه زيك

تنويه :-
انا اسمي ( مني عمسيب ) وليست يا ولية انتي !!!!

منى حبابك

Quote: كدي اول اطلب الهداية للمفسدين تجار الدين سفهاء القوم واكليين اموال الغلابة وبعد داك اطلبها لي مريم !! وبعدين انت اسه رأيك شنو في الفساد والانحطاط الاخلاقي الحاصل من ناس الانقاذ ؟ وهل يجب محاكمتهم ام لا ؟ ممكن اسمع منك رد لهذه الاسئلة عشان نتكلم في موضوع مريم برضو ؟

البوست خاص بـــ أبرار المرتدة نسأل الله لها الهداية

اطمئنى قضايا الفساد لن تسقط بالتقادم ؟؟!

وبعد تنقذوا مريم ..

بالله شوفوا موضوع معتقلي غوانتامو المعتقلين بالهوية الدينية...

Quote: Quote: لسودان أسوأ بلد في العالم... بلد ينتهك حقوق مواطنيه الاساسية في كل شيئ.. يا سيف اليزل السودان ده لو ما عجبك اتخارج منو و شوف ليك جنسية من اولاد العم سام اصلها لامة الناس من كل حدب و صوب صفحات الانترنت امتلات بعبارات على شاكلة السودان اسوأ و السودان ما عارف شنو الا تستحون ؟؟؟؟ حقوق مواطنيه زي شنو يعني ادينا مثال ما تطلق هذه الالفاظ على عواهنها مريم دي بي اهلها و اخوانها انت مالك و مالها بي سببها تشوه في سمعتنا للغاشي و الماشي فترنا ياخ حقوق انسان و ما عارف شنو

يا خالد المبارك

الخروج من السودان او الحصول علي جنسية دولة تانى لا تنهي سودانيتنا أو إنتمائنا.
كلامك الفوق ده هو محاولة دفن الرأس في الرملة..
نعم السودان أسوأ بلد في العالم بكل المقاييس..
لكننا عازمين علي إعادة بناء الدولة ومحاكمة كل من أجرم في دمار السودان وتشريد أبنائه وبناته...

انا عليك علي قررت فقط مقارنة السودان فقط بما حوله من دول: تشاد، افريقيا الوسطي، الكونغو، يوغندا، كينيا، أثيوبيا، إريتريا، الصومال وجيبوتي.
الدول الذكرتها ليك دي هي المقياس تانى. ولو انت ما شايف أتلفت وشوف حولك عشان تعرف السودان بلد سيئ وما شي لأسوأ..
وتابع معاي حتى سقوط الانقاذ...

لعنة الله علي الانقاذ...24 سنة دمار وحروب وتشريد وفساد

ليبقي عاليا لحسن عوده.

الاخ الحبيب ارنست

نستمد الكثير من كلماتكم الطيبه

ربنا يقيونا كلنا يا غالي ان نحتمل المزيد علنا نحافظ علي ما تبقي من وطن

Quote: الأخت الحبيب تراجى .. كم أنا مقدر شجاعتك .. ووقوفك مع الحق .. بل وأننى أشكرك شكراً جزيلاً لسعة صدرك .. الرب يبارك حياتك .. أخوك وعمك العجوز .. ارنست +++

امين يا غالي و يبارك بلادنا الرب.

ويبعد عنا شواطين الانسن و الجن.