Post: #1
Title: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 04:53 AM
تعذيب واعتقال الفنان التشكيلي محمد ممادو خريج كلية التربية
|
Post: #2
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 04:57 AM
Parent: #1
محمد ممادو فنان تشكيلي, خريج كلية التربية قسم الفنون -----تعرض للتعذيب والاعتقال من قبل رباطة الكيزان بجامعة السودان
|
Post: #3
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 05:03 AM
Parent: #2
منشور------- -حركة قرفنا
اطبع و انشر
جهاز الامن – يحمي السلطة لا يحمي الشعب
في حاجة اسمها قانون الامن الوطني لسنة 2010 وهو قانون مخالف لدستور دولة السودان و اي مواثيق دولية عن حقوق الانسان.
وفق هذا القانون , جهاز الامن بكون عندو سلطات كتيرة شديد ذي الاعتقال والتحقيق، طلب معلومات أو وثائق، ومصادرة الاموال.
يمكن ان يعتقل اي زول لمدة شهر لو مدير الجهاز قال كدا وبدون أمر قضائى.
القانون دا بيقول انو الاعتقال ممكن يكون اي مدة زمنية بدون اي محاكمة او اي شيء عادل , يعني اتخيل ولدك يقبضوهو الزمن دا كلو عشان قال في اي منبر عام انو ضد النظام....وما يتقدم لاي محاكمة
الكلام دا ضد كل المعايير بتاعت حقوق الانسان البتحمي الناس من الاعتقال التعسفي لكن في جهاز الامن , القانون الوحيد هو حماية نظام الانقاذ قبل كل شيء!
غير انو الناس الشغالين في جهاز الامن عندهم حصانة , يعني من الاخر , ممكن يعملوا فيك اي شيء و ما يتحاكموا الا لو المدير رفع الحصانة و حتى محاكمتهم بتكون في محكمة خاصة …
ّ
معظم الكانوا ضحايا الاعتقال التعسفى لجهاز الامن القومى كانوا من الشعب
جريمتهم الوحيده أنهم فقط عبروا عن رأيهم بالكلمه المكتوبه او المسموعه، فيهم من خاطب طلاب عن قضايا الحروب في السودان أو من طالب بحقوق الطلاب
او من وزع بيان يوضح فيه وجهة نظر فى قضيه معينه، او من كتب مقال فى احد الصحف او على المنابر الالكترونيه تعبر عن وجهة نظر مخالفه للرؤية السياسيه
او زول وقف ضد الحرب او طلع مظاهرة ضد الفساد و ضد القمع الحاصل في البلد.
من الاخر , البيحصل انو جهاز الامن بيعتقل زول او زولة و بتعرضوا للضرب و التعذيب و الاذلال و دا ما سلوك جهاز دولة , دا سلوك جهة دايرة تحمي مصالحها.
و اي زول يتم اعتقاله , ما بيوجهو ليه تهم و بيكون معتقل لحدي ما يجي قرار انو يتفكه. و بعد داك مافي اي عدالة ومافي جهة ممكن الزول يشتكي ليها عشان جهاز امن نظام الكيزان فوق كل الجهات العدلية.
حركة قرفنا
|
Post: #4
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 05:06 AM
Parent: #3
http://www.moj.gov.sd/content/lawsv4/12b/10.htm
|
Post: #5
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: خالد العبيد
Date: 06-19-2014, 05:20 AM
Parent: #4
التعذيب اداة من ادوات دولة القهر والظلم التي يقودها الاخوان المسلمين في السودان
تبا لهم اولاد الحــرام
والمجد للتشكيلي محمد ممادو
|
Post: #6
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 05:34 AM
Parent: #5
مشكور علي المرور صديقي خالد ود العبيد
تحياتي لصديقتي الجميلة بت العبيد
|
Post: #7
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: مرتضي عبد الجليل
Date: 06-19-2014, 12:34 PM
Parent: #6
لا السياط بتهز يقين
لا سجون العتمه بتودر طريق الكادحين
لا وردة الدم في قلوبنا
يوم بتطفيها الرياح
والسلاح ياهو السلاح
قلنا ليهم البنادق لما تسكت
مابترتاح في سكونا
ليلا مليان بالهواجس
ونوما اوهاما وظنونا
كلما اصواتنا تعلي
تصحي تتحسس دقونا
ليلم الخوف والكوابيس والخيانه
ونحنا قدامنا الصباح...
-----------------------
مشتاقين يازولة وتحياتي الاكيدة لصديقنا والبنيات.
|
Post: #8
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: منتصر عبد الباسط
Date: 06-19-2014, 12:53 PM
Parent: #7
الحاجات دي في بدايات التسعينيات كانت بتحصل في دار الإتحاد
هسع بقت تحصل جوة الجامعة وداخل حجر الدراسة !
أمور مؤسفة
ولو كان المشكلة في رأي هؤلاء الهمج في الكتاب هذا أو ذاك
فكان عليهم أن يناقشوه بالتي هي أحسن ويعقدوا نداوات لهذا الشأن
لكن هم أصلهم راسهم فاضي ....والأن القنوات التي تحسب لهم
تنشر العجائب مما يخالف ثوابت في الدين واللغة.
أم حتى الإلحاد عايزين يحتكروه.
|
Post: #9
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: nour tawir
Date: 06-19-2014, 07:37 PM
Parent: #8
نظام ج..ب..ا..ن وفاقد تربوى..
ولكنهم حينما ادخلونا الاشباح ولم نقابلهم بما يستحقون..
تمادوا..
وحينما قادوا الجيوش الجرارة لهوامش السودان...
وتحديدا جنوبه وغربه..
وسحقوا الشعب سحقا سحقا..
ولم نقابلهم بما يستحقون...
تمادوا..
وحكومة سرقت قوت الشعب وحولت ثرواته الطبيعية الى نجوع وأرصدة فى بنوك العالم..
وحينما لم نقابلهم بما يستحقون..
تمادوا...
الشاهد أن هذه قائمة لا اول لها ولا آخر...
ولكن فقط قصدت أن ابدأ هذه المداخلة..
بهذا العنف الذى اصبح السمه العلنية لنظام الانقاذ..
وبتحدى سافر...
وحينما نقف بيد واحدة وقلب مفتوح..
نستطيع أن نطردهم...
اما الان..
وكما قيل للفرعون...
من الذى فرعنك...
كان جوابه..
ما لقيتش اللى يلّمنى..
فرعوننا لم يجد من يردعه بما يناسبه..
وهذه هى كل الحكاية..
حلاقة شعر..
وفقء عيون..
واعتداءات جنسية..
وأخصاء رجال..
وضرب بالبوت..
وسب لاخر سلسفيل أهل المعتقل..
وجلد للنساء..
وحبس للحوامل..
ومطاردة لبائعات الاطعمة..
وكل ما من شأنه اذلال المرء...
وتدميرة الى يوم الدين..
كيف يأكل السودانيون الطعام ؟
ويتناسلون؟
وينامون؟
ويفرحون؟
وهذا هو حال البلد؟
نحن لم نقابل هذا النظام بما يتناسب وحجم جرائمه..
وهذه هى كل الحكاية..
|
Post: #12
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 09:04 PM
Parent: #9
nour tawi شكرا علي المرور دا التلخيص السليم للواقع
rQuote: وهذا هو حال البلد؟
نحن لم نقابل هذا النظام بما يتناسب وحجم جرائمه..
وهذه هى كل الحكاية.. |
|
Post: #11
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 08:53 PM
Parent: #8
Quote: منتصر عبد الباسط
الحاجات دي في بدايات التسعينيات كانت بتحصل في دار الإتحاد
هسع بقت تحصل جوة الجامعة وداخل حجر الدراسة !
أمور مؤسفة
ولو كان المشكلة في رأي هؤلاء الهمج في الكتاب هذا أو ذاك
فكان عليهم أن يناقشوه بالتي هي أحسن ويعقدوا نداوات لهذا الشأن
لكن هم أصلهم راسهم فاضي ....والأن القنوات التي تحسب لهم
تنشر العجائب مما يخالف ثوابت في الدين واللغة.
أم حتى الإلحاد عايزين يحتكروه. |
مشكور استاذ منتصر عبد الباسط علي المرور كلامك صحيح
|
Post: #10
Title: Re: تعذيب واعتقال الفنان التشكيلي محمد ممادو وحلق شعر الرأس كنوع من الإهانة !!!( فيديو )
Author: نجلاء سيد أحمد
Date: 06-19-2014, 08:48 PM
Parent: #7
Quote: ليلم الخوف والكوابيس والخيانه
ونحنا قدامنا الصباح...
-----------------------
مشتاقين يازولة وتحياتي الاكيدة لصديقنا والبنيات. |
الشوق بحر يادكتورنا العزيز تحياتك وصلت ولك من التحايا انباها
|
|