بلطجية ورباطة قنصلية السودان بجـدة يوم 16-6-2014

اجيكم ماني زائر اريت رزقا يغرب سيدو طاير

ساقتني الاقدار غصبا عني لزيارة القنصلية السودانية بجدة رغم كل ما سمعته عنها من اخبار لا تسر الخاطر ولا تشجع على الذهاب ولكن المجبور يركب الصعاب
المهم ذهبت مبكرا لمعلومة ان القنصيلة عنوانها غير واضح وبما انني من خارج مدينة جدة فقد استعنت بالاصدقاء والاخوان لمعرفة وتحديد مكانها في احد احياء جدة السكنية ولانها في وسط الحي وليست على شارع رئيسي حتى يجد المغترب السوداني كل العناء والتعب للوصول
ولاننا يجب ان نتميز في تلتلة باقي الشعب الفضل حتى في الغربة

المهم بعد وصولي لشمال جدة استعنت بسيارة تكسي ليذهب امامي وانا من خلفه حتى اصل... ووصلت لله الحمد لاجد لاشئ يشير الي وجود سفارة او قتصلية غير وجود حرس السفارات السعودي
الموقع عبارة عن فيلا سكنية متواضعة جدا لا تصلح لان تكون اوتشــــــــرف ان يكون فيها سكن لسفير يمثل دولة ذات سيادة وشعب يتجاوز الثلاثون مليون دعك من ان تكون قنصلية تخدم مناطق بحجم جدة ومكة والطائف ومحافظات الغربية تقريبا مساحتها الاجمالية في حدود ال1000 متر مربع وعرفت من بعض الناس ان نصفها يخصص كسن والباقي مكاتب ذكرت ذلك حتى اصل للمساحة المستخدمة لاستقبال الجمهور من نسبة المساحة الكلية وذلك لان الاذدحام سمة مرافقة لنا .
مجرد دخولك للموقع تعرف تماما انك داخل موقع سوداني مخصص فقط للتحصيل منك دون النظر لما يقدم لك صالة مساحتها لا تتجاوز صالون ضيافة في اي بيت مساحته في حدود 6 متر في 5 متر تقريبا
لا تصلح لان تكون غرفة استقبال لاي وكالة سفر في الخرطوم ناهيك عن استقبال جمهور رصت فيها بعض الكراسي للرجال وجزء مخصص للنساء وهي مصنوعة من الهنقر ومغطية بالسقف المستعار واسلاك الكهرباء تتدلى من السقف بوضوح يتكتظ فيها المراجعين من الجمهور حالتها من ناحية نظافة اعتقد انها اوســـــــــــخ مكان في مدينة جدة تتوزع فيها بعض سلات القمامة وتوجد داخل هذه الصالة الصغيرة كافتريا لا تتعجب الكل يشارك في هذه الصالة وجدت سلة فضلات الطعام الخاصة بالكافتريا عبارة عن برميل كبير يوجد في وسط صالة الجمهور كما يشارك في هذه المساحة الضيقة عدد اتنين موظف بوظيفة ( عرضحالجي ) يقوموا بتعبئة الاوراق والتوجيه . بمقابل مادي يتم تحصيله من غير اي سندات مالية واحدهم بطلجي يتوسط الصالة سوف تاتي قصته لاحقا كما ايضا يوجد داخل هذه الصالة المكتظة بالجماهير ماكنة للتصوير تشارك الجماهير نفس الموقع لم ارى أي حمام او مصلى للنساء .
حضرت للقنصيلة بغرض عمل توكيل قانوني لا انكر ان التعامل كان جيد من الموظفين داخل قسم الاحوال الشخصية بعد تسليمهم المستندات ودفع المقابل .
.. البلطجي موظف السفارة عبد الحي
لم اجد مكان للجلوس وقفت في ركن فجاءة ظهر البلطجي المدعو عبد الحي كما افادني باسمه بعض الحاضرين ومن دون مقدمات وبلهجة الامنجية والازرقجية المعروفة ( انت يا زول هي.. قاعد تصور مالك .. قلت له هسه انا قعد اصور اهي الجوالين معاك شوف فيهم صور وباسلوب بوليس الانقاذ وجهلة امثاله حاول يلف يدي وطبعا الراجل في عمر الوالد ومستحيل امد يدي عليه لم يحترم الناس وبقى يشتم ويقول لي اطلع بره ليه تصور هنا وبقية الالفاظ المعروفه لامثاله والذين لايعرفون معنى ان تشتغل في الخارجية او السلك الدبلوماسي .
انتهى الاشتباك بعد تدخل الاجاويد قلت له سوف ا تصل بالسفارة وابلغ السفير تخيل ماذا كان رد هذا البلطجي وبالحرف الواحد
انه لا سائل في سفير ولا حتى عمر البشير ذاتوووووووووو
كل الحصل ده في صالة السفارة وامام كل المراجعين من الجمهور وباعلى صوته هذا ما حدث الحمد لله انه الواحد اتمالك نفسه لكن هذه هي الصورة داخل ما يسمى بقنصلية السودان .
هذا ما حدث معي فقط لم اتطرق لحالة القنصلية من الداخل ولا الجانب الخلفي منها الذي يختلف 180 درجة لانه ببساطة
يحوى سكن ومكاتب البعثة الدبلوماسية وطبعا هم غيرنا لازم سكنهم ومكاتبهم تكون غير
ولم اتطرق لحالة الصالة من الداخل ومراوحها التني تنفس امراضا بدل الهواء
والداخل اليها يلاحظ الاسلاك المتدلية ويخجل عندما يرى احد من الجنسيات الاخرى قاصدا لامر يخصه
حتى المدعو عبدالحي تلفظ بالفاظ بذيئة اما حرس السفار السعودي والذي استغرب ان يشتم السفير ورئيس البلاد
وللقصة بقية

بقى ان ان يعرف هذا البلطجي ان العمل في السلك الدبلوماسي اصلا المفروض يكون عبر الاخلاق وروح التعامل
وان الرد والتصرف عندما يكون جيدا نطلق عليه رد دبلوماسي ولكن للاسف في عهد الانقاذ اصبحت السفارات تستقبل مثل هؤلاء
اللذين لا يملكون لا اخلاق ولا ادب للتعامل مع الجماهير وللاسف هذا المدوعو لديه (طربيزة) في منتصف صالة الجمهور يتحصل فيها
اموال من كل المراجعين مقابل توجيههم ومعروف ان الاستعلامات المفروض تكون جزء من الخدمة التي تقدم للمراجع
وقد نسى البلطجي ان راتبه وراتب كل من مع من عرق وجيب هؤلاء المغتربين

سوف اواصل سرد حكايات القنصلية بجدة

الأخ خالد العطا
سلام عليكم
هذا التصرف غير مقبول ولو صحت الرواية ما كان يجب عليك السكوت وكان يجب تصعيد هذا الأمر لأعلى مرحلة


وأمامك الفرصة الأن لتصعيد هذا الأمر للجهات المسؤولة في القنصلية وفي السفارة بالرياض وفي وزارة الخارجية


ووصلها حتى للبشير .. ولو البشير ما شغال بأهانة الزول دا أمسكوا أعفصوا براكـ







للأسف نحن كسودانيين ما عارفين حقنا القانوني شنو ؟؟ وكيف نصعد المسائل بقانونية عشان تكون في صالحنا ؟؟؟ ... أنت كانت الفرصة في صالحك ورفضت تصعيدها داخل السفارة من خلال حكي القصة


حتى لو أنت قمت بالتصوير فعلاً وليس توهماً فليس من حق هذا الشخص لوي يدك وإستخدام القوة لأخذ الموبايل من يدكـ وهناك جهات منوط بها التفاهم معك في مثل هذه الحالة بعد تبليغهم رسمياً


للأسف كل هذا يحدث وفي مكان يفترض فيه حمايتك وليس تجريمكـ

قلت لى ده كلو حصل فى مكتب جباية الاتاوات المسمى مجازاً قنصليه
اها وين العناتر القنصل والمستشار الامنى و و و و و من بقية موظفى
المؤتمر الوطنى ورئيسهم يسب امامهم، السفير ما فاضى ليكم غايتو
مشغول بالبزنس حقو،،،

سلامات يا خالد العطا
الحراس او بتاعين الأمن في ما يعرف بقنصلية السودان في جدة
ليس لهم من الطيب و حسن التعامل اي نصيب، و حسنا فعلت بوصفك
عبد الحي ده بالبلطجي و يا يريتك لو كنت كتبت اسمه كاملا.
شوف القصة دي :
في مرة مشيت القنصلية و للا الطبلية دي ايام كانت في الثعالبة
و لقيت اخ سعودي اعرفه يسأل عن إجراءات التأشيرة السياحية للسودان
و زول لابس سفاري - يمكن عمك البلطجي ده ذاتو- شغال ليك فيهو تريقة
و نهير يعني مثلا لما قال انو قيمة التأشيرة اكتر من حقت فرنسا
صاحبك ده قال ليهو سمح أمشي فرنسا، و لما تسآل عن ضرورة إحضار
كفيلين و هو مجرد سائح قال ليهو يا زول ده نظامنا كده، هسه انتو بلدكم
دي مش بتشترطوا فيها كفيل قبل ما تدوا الزول التأشيرة ، السعودي قال
ليهو انا ماشي عمل.. المهم انا لتدخلات و قلت ليهو انا بكفلوا قام جاط
فيني و قال دي مسؤولية و شنو ما عارف، قلت ليهو انت شايفني طفل قدامك؟
جيب الفورم ده هنا و قمت مليت محل الكفيل و كمان كتبت اخوي في المحل
التاني، و قلت لصاحبنا السعودي ياخ انت أساسا الموديك هناك شنو؟
شوف ليك بلد تانية ياخ.

د/ سيف النصر تحياتي

Quote: سلامات يا خالد العطا الحراس او بتاعين الأمن في ما يعرف بقنصلية السودان في جدة ليس لهم من الطيب و حسن التعامل اي نصيب، و حسنا فعلت بوصفك عبد الحي ده بالبلطجي و يا يريتك لو كنت كتبت اسمه كاملا. شوف القصة دي : في مرة مشيت القنصلية و للا الطبلية دي ايام كانت في الثعالبة و لقيت اخ سعودي اعرفه يسأل عن إجراءات التأشيرة السياحية للسودان و زول لابس سفاري - يمكن عمك البلطجي ده ذاتو- شغال ليك فيهو تريقة و نهير يعني مثلا لما قال انو قيمة التأشيرة اكتر من حقت فرنسا صاحبك ده قال ليهو سمح أمشي فرنسا، و لما تسآل عن ضرورة إحضار كفيلين و هو مجرد سائح قال ليهو يا زول ده نظامنا كده، هسه انتو بلدكم دي مش بتشترطوا فيها كفيل قبل ما تدوا الزول التأشيرة ، السعودي قال ليهو انا ماشي عمل.. المهم انا لتدخلات و قلت ليهو انا بكفلوا قام جاط فيني و قال دي مسؤولية و شنو ما عارف، قلت ليهو انت شايفني طفل قدامك؟ جيب الفورم ده هنا و قمت مليت محل الكفيل و كمان كتبت اخوي في المحل التاني، و قلت لصاحبنا السعودي ياخ انت أساسا الموديك هناك شنو؟ شوف ليك بلد تانية ياخ.

قصة رائعة للاسف زي ماذكر لي الاحد الاخوان اتصل علي وقال عن الكثير من المستثمرين
يرفضون الذهاب للسودان بعد ان يجدوا مثل هذه المعاملة وهذا الجهل

الحبيب صديق الموج

Quote: قلت لى ده كلو حصل فى مكتب جباية الاتاوات المسمى مجازاً قنصليه اها وين العناتر القنصل والمستشار الامنى و و و و و من بقية موظفى المؤتمر الوطنى ورئيسهم يسب امامهم، السفير ما فاضى ليكم غايتو مشغول بالبزنس حقو،،،

الحبيب صديق الموج

نعم حصل وماخفى اعظم نحنا نستاهل لان الواحد
ذي البلطجية ديل بستقطع من مال عياله عشان يدوهم رواتبهم
تخيل وتامل زول انت تشتغل وتكدح عشان هو يلقاها باردة
وبعد شحادين وقليلين .............. الباقي تمه خيال

الحبيب صديق رحمة
سلام

Quote: سلام عليكم هذا التصرف غير مقبول ولو صحت الرواية ما كان يجب عليك السكوت وكان يجب تصعيد هذا الأمر لأعلى مرحلة

الرواية صحيحة وفي شهود واحتفظ باسمائهم وارقام جوالاتهم وللعلم نائب القنصل كان متواجد في كاونتر الاحوال الشخصية لحظة الحدث

Quote: وأمامك الفرصة الأن لتصعيد هذا الأمر للجهات المسؤولة في القنصلية وفي السفارة بالرياض وفي وزارة الخارجية ووصلها حتى للبشير .. ولو البشير ما شغال بأهانة الزول دا أمسكوا أعفصوا براكـ

يا صديق السفير شفت حل مشكلة لمغترب قبل كده عشان اشكي ليهو يا حبيب الناس ديل نحنا شاكنهم لي الله بس يعجل بي رحيلهم

Quote: الزول دا أمسكوا أعفصوا براكـ

الزول ده عمره فوق ال60 عاما ومشلخ من زمن الشلوخ ياريت لو كان شاب كان عفصتوا ليك وطقطقتوا ههههههههه

من الفيس

Quote: · Manama, Bahrain لك الله ي أخي هَؤلاء من أمثال عبدالحي المفروض أن لايتم توظيفهم في مثل هذه الجهات بالخارج بل يتم إلحاقهم بإخوانهم في الخرطوم نظراً لتشابه التعامل بينه وبين بعض من موظفين السلك الدبلوماسي في الخرطوم لأنه تقاس الشعوب بأخلاقها (ودي نهاية الواسطة)لا أنكر وجود بعض من الموظفين في غاية الرقي ولكنهم للأسف يحسبو بأصابع الإيد رد · أعجبني · متابعة المنشور · منذ حوالي ساعة المكوّن الإضافي الاجتماعي لفيس بوك

من الفيس
Abud Adam Saleh · متابعة · Manama, Bahrain
لك الله ي أخي هَؤلاء من أمثال عبدالحي المفروض أن لايتم توظيفهم في مثل هذه الجهات بالخارج بل يتم إلحاقهم بإخوانهم في الخرطوم نظراً لتشابه التعامل بينه وبين بعض من موظفين السلك الدبلوماسي في الخرطوم لأنه تقاس الشعوب بأخلاقها (ودي نهاية الواسطة)لا أنكر وجود بعض من الموظفين في غاية الرقي ولكنهم للأسف يحسبو بأصابع الإيد
رد · أعجبني · متابعة المنشور · منذ ‏17‏ ساعة

قرحطب فور برنقا · متابعة · طب الفاشر
خالد العطا ''اجيكم ماني زائر اريت رزقا يغرب سيدو طاير'';
عزيز قوم تغرب ،تعذب فصبرا

للعلم شهود الحادثة احتفظ

بارقام جولاتهم وهم جاهزين للافادة

*

استغرب من عدم مشاركة
الاخوة المدافعين دائما عن القنصلية
واللذين يكتبون دائما مواضيع تخص القنصلية في هذا المنبر

طلب خاص ومن دون ذكر اسماء عاوز رايكم في الحصل

ناأسف البلطجي اسمه

الماحي وليس عبدالحي

وردني اتصال من شخص قال انه من القنصلية ومكلف بمعرفة الحقيقة

بعد اكتر من 10 ايام

اخي خالد

بالتاكيد التصرف مرفوض ومدان

وصدقني يوجد بالقنصلية من ياخذ لك حقك ويقتص من هذا الرجل

ومن تصرفه الارعن الذي يتنافى مع ابسط قيمنا السودانية

Quote: استغرب من عدم مشاركة الاخوة المدافعين دائما عن القنصلية واللذين يكتبون دائما مواضيع تخص القنصلية في هذا المنبر طلب خاص ومن دون ذكر اسماء عاوز رايكم في الحصل

اخي خالد

لم اشاهد البوست الا قبل دقائق من الان ....

مع التقدير

الاخ ود الباوقة

شكرا لمرورك

هذا الارعن لا يعرف ابجديات العمل الدوبلوماسي ولا كيفية التصرف
ولا اظنه يعرف انه ياخد راتبه من عرق الكادحين في لهيب الغربة
وهو يمثل اشانة سمعة للقنصلية ولكل زوارها

0

*

*

معقول الماحي يعمل كدة...
مندهش انا
واكاد لا اصدق؟!!
يا خالد العطا... احتمال ادوك الاسم خطاً
الماحي ليس هذا طبعه..
لذا يجب التحقيق وعليك التوجه للسفارة الأم وان تقدم شكوى وفتح تحقيق في ذلك..