Post: #1
Title: اسال نفسك (الفنان زكي عبدالكريم)
Author: محمد هاشم ابوزيد
Date: 06-17-2014, 09:54 AM
من اجمل الكلمات في الصدق مع المحبوب
انت نسيت ايام ما كنا نعيش الحب في عهدو الاول
ياما كتير وكتير فكرنا وكنا بنحلم بالمستقبل
لكن فجأة بديت تتنكر وعن ريدتنا بقيت ما بتسال
وقلبك رغم الطيبة الفيهو انا بستغرب كيف اتبدل
اسال نفسك بينك وبينا
عن اخلاصي كيف تتجاهل شوقنا البينا؟
فاكر الكلمة القلتها ليا وانت في لحظة هنية سعيدة
اتعهدنا على الحنية نقضي عمرنا محبة شديدة
وقلت بريدك ذي عينيا وانا صدقت كلام الريدة
عارفو قلبك وافي ومخلص وكونك تقسى دي حاجة بعيدة
راجع نفسك ما تكون جائر خلي حياتنا تعود لى هناها
ما تحطم بى ايدك نفسي والامال القلبي بناها
ومهما قسيت انا برضي بحبك ساعة عطفك بستناها
ومهما تزيد المي وهجراني برضي سعادتك بتمناها
احاول اجيب تسجيل الاغنيه فديو
|
Post: #2
Title: Re: اسال نفسك (الفنان زكي عبدالكريم)
Author: عبد الوهاب المليك
Date: 06-17-2014, 11:15 AM
Parent: #1
كلمات الاستاذ الرائع / محمد علي أبو قطاطي
قطب من اقطاب الزمن الجميل
|
Post: #3
Title: Re: اسال نفسك (الفنان زكي عبدالكريم)
Author: محمد هاشم ابوزيد
Date: 06-17-2014, 11:54 AM
Parent: #2
| Quote: قطب من اقطاب الزمن الجميل |
مافي شك اخونا المليك شكرا لمرورك
مادام جيبت اسم الشاعر القامه، اخرجتنا من حيز الاغتنيه الجميله الي رحابه الشاعر المبدع مصدر الجمال
هاكم من ابداعه
شن بتقولو
في الفرح المعذب سيدو
في الريد المضيع زولو
شن بتقولو
شن بتقولو في السال
دمعو يبكي قديلو
في الشايل هموم الناس
همو العندو غالبو يشيلو
في الما راضي بالحرمان
ولا راضي الحنان يمشيلو
شن بتقولو
ياما قالو
نية الزول دليل أعمالو
والعايز يفوز بحبيبو
مرات مابتتم آمالو
والبتفاءل يلقى الريد
مالو الريد بعاكس حالو
شن بتقولو
في دنيانا
نحن نعيش ما همانا
ولم تفوتنا لحظة جميلة
أجمل لحظة تستنانا
الحباب نشيل نديهم
أجمل ريدة ماهمانا
شن بتقولو
|
Post: #4
Title: Re: اسال نفسك (الفنان زكي عبدالكريم)
Author: علاء سيداحمد
Date: 06-17-2014, 03:22 PM
Parent: #3
تحياتى اخى / محمد هاشم
ياخ الزول دا اغانيه كلها حلوه و الحلقة التى كانت خاصة باغانيه فى برنامج اغانى واغانى تعتبر واحدة من اروع حلقات البرنامج
" وفيها ايضا اغنية : أسأل نفسك " :
|
Post: #5
Title: Re: اسال نفسك (الفنان زكي عبدالكريم)
Author: محمد هاشم ابوزيد
Date: 06-18-2014, 09:53 AM
Parent: #4
شكرا علاء سيد احمد علي المرور
فعلا كما وضحت الفانان زكي عبدالكريم صاحب صوت دافئ حنين استطاع في هذه الاغنيه اضافه احساس دافئ وموسيقي عزبه لكلمات جميله من الشاعر ابوقطاطي.
كما اشكرك علي رفع الفديو.
|
|