Post: #1
Title: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-16-2014, 06:53 AM
Parent: #0
في استاذ بحكي
قال اثناء ما كنا بنصحح امتحانات الشهاده كان في طالب كاتب موضوع إنشائي جميييييل عن الأطفال وقربت اديه درجه عاليه .. لما جيت في نهاية الموضوع لقيته كاتب : وكما قال الله تعالي ربي ما تحرم بيت من الأطفال
يكون ده جمال الوالي لمن كان طالب
|
Post: #2
Title: Re: هههه نكتة جمال الوالي ,, وقعتك سودة
Author: الزبير بشير
Date: 06-16-2014, 07:32 AM
Parent: #1
ود اب سن حبابك
بنتنا كيف .
في الابتدائي جا سؤال في امتحان في الادب :
السؤال : كل الثياب تبلي و تفني الا ثوب ؟
الاجابه : ثوب الشفون
الزبير
|
Post: #3
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-16-2014, 09:10 AM
Parent: #2
مرحبا بشير
وكتر خيرك للسؤال
كويسة والله ,,, كويسة بإعتبار ان حالتها لم تسؤ اكثر ومستقرة ,, افضل كتير جدا
هههههههه
غايتو الشعب السوداني بقا نكتنجي باقي ليهو ثورة يناير!
|
Post: #4
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-16-2014, 10:29 AM
Parent: #3
هل تعلم :
اوعك تقطع صفقة شجرة عشان ما يجينا جفاف وتصحر .
دي اغنية وليست اية او حديث .
|
Post: #5
Title: Re: هههه نكتة جمال الوالي ,, وقعتك سودة
Author: د.محمد حسن
Date: 06-16-2014, 01:00 PM
Parent: #4
بت خالتنا
والان تعمل في منظمة دولية
في الابتدائي سالوه اين ولد سيدنا محمد
قالت ليهم في الدايات
|
Post: #38
Title: Re: هههه نكتة جمال الوالي ,, وقعتك سودة
Author: cantona_1
Date: 06-26-2014, 03:10 PM
Parent: #2
الأخ ود أب سن بعد السلام
طلب منا مدرس اللغة الإنجليزية كتابة موضوع Composition ونحن تلاميذ في السنة الرابعة وسطى، زمن وزارة المعارف، وكان عنوان الموضوع Washing Day. والمعروف أن Washing Day معناها رحلة ترفيهية أي Picnic. فهم أحد الزملاء العنوان على أنه يوم غسيل. وكتب أخذ كل منا طستاً جردلاً وصابوناً وهكذا معدداً كل المعدات التي يحتاجها من يريد غسل ملابس.. ووصف كيف قضوا اليوم في اللهو واللعب بعد أن نشروا ملابسهم المغسولة..
ألم يقولوا أن فهم السؤال نصف الإجابة؟
تحياتي.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
|
Post: #6
Title: Re: هههه نكتة جمال الوالي ,, وقعتك سودة
Author: محمد مجيدو
Date: 06-16-2014, 01:14 PM
Parent: #1
حفيظ .. يا دفعه ... سلام ...
وكفارة للبنيه ...
ودائما الاطفال لديهم طرائف لا تنسى ..
بتذكر اختى الصغيره لما كانت في الابتدائي
كانت بتسمي سورة الماعون .. سورة الـعِـده ...
ولما تجي في التشهد بتقول ازيك ايها النبي ...
|
Post: #7
Title: Re: هههه نكتة جمال الوالي ,, وقعتك سودة
Author: haroon diyab
Date: 06-16-2014, 02:34 PM
Parent: #6
| Quote: كانت بتسمي سورة المعاون .. سورة الـعِـده ... |
مجيدو الحق قبال مايلحقوك جمال الوالي 
|
Post: #8
Title: Re: هههه نكتة جمال الوالي ,, وقعتك سودة
Author: بدرالدين بابكر مصطفى
Date: 06-17-2014, 10:46 AM
Parent: #7
أب سن يا ظريف
قالوا زمان ابن مليكة يؤذن في الحرم المكي
وسامع من بعيييد جاييهو نغم جميل واحد معلم (الأخضر الجدي) بيغني بالعود :
تعلقت ليلى وهي غر صغيرة ولم يبد للأتراب من ثديها حجم
صغيرين نرعى البهم، يا ليت إننا لم نكبر ولم تكبر البهم
أها عمك دا داير يقول حي على الصلاة
قال: حي على البهم
غايتو أخف من دقسة جمال الوالي
|
Post: #9
Title: Re: هههه نكتة جمال الوالي ,, وقعتك سودة
Author: بدرالدين بابكر مصطفى
Date: 06-17-2014, 11:14 AM
Parent: #8
سلامات للبنية
إن شاء الله بقت تمام
|
Post: #10
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-17-2014, 11:21 AM
Parent: #8
ههههه
مرة بنفطر في الشارع ,,, الامام اصر نصلي حتي ناكل ,,, قولت الله اكبر ,, يجن غنمايتين يلمن في الصواني
ونحن الصلاة مرقنا منها ,, بقينا شغالين مع الغنم
الامام داير يكبر للركوع ,, وبي صوت عالي قال
تك
عليك امان الله زول تم الصلاة فينا مافي وقعنا ضحك وسك للغنم
هسه يا شيخنا لو اكلنا المغرب ده كان بتختفو غنمايه
|
Post: #11
Title: Re: هههه نكتة جمال الوالي ,, وقعتك سودة
Author: محمد مجيدو
Date: 06-17-2014, 11:27 AM
Parent: #7
Quote:
مجيدو الحق قبال مايلحقوك جمال الوالي |
هاارون ....
انا ووين .. وجمال الوالي وين ؟؟؟
دا انا غلبااان ....
عااالم بطاالــــــــــــه ....
|
Post: #12
Title: Re: هههه نكتة جمال الوالي ,, وقعتك سودة
Author: عبداللطيف حسن علي
Date: 06-17-2014, 11:38 AM
Parent: #11
جمال الوالي خط احمر
ايه يعني اخطأ من دون قصد ، اذا كان النبي نفسه اخطأ عندما ذكر ايات الغرانيق العلي ،التي شفاعتهن
ترتجي ....وهو نبي معصوم ومصطفي من بين النا س ، فما بال بشر ، ليس نبي ؟!
جلافيط وهم !
|
Post: #13
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-17-2014, 11:43 AM
Parent: #11
حكيتها ل ود عمي عثمان عمر ابوسن
قال لي امامنا شفق , قرأ التكاثر ولامن جا في ألهاكم التكاثر ,, قسم التكاثر وفال
ال تك اثر
وركز علي تك بصوت جهوري ناهر
وبرضو قطعو الصلاة
|
Post: #14
Title: Re: هههه نكتة جمال الوالي ,, وقعتك سودة
Author: عبداللطيف حسن علي
Date: 06-17-2014, 12:31 PM
Parent: #13
انتظر ردك ، ول الحكاية مجرد تهكم !
|
Post: #15
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-17-2014, 01:38 PM
Parent: #14
مرحبا عبداللطيف
وحبابك
رغما عن تعاطفي معه في عنوان البوست المرح
لم أكن من اكثر ناقل لطرفة ,, والطرفة لا تقدح في صاحبها ,, ولم اتعرض له او انقل حديث الناس عنه في الفساد او انه مؤتمر وطني او ما يتناقله الناس حول شراكاته الاقتصادية مع النافذين ,, او استغلاله لمنصبه كرئيس للمريخ وما تتيحه من محاسن ابسطها الاعفاءات
لا احد خط احمر ما دام انبري للعمل العام ,
ولا أظن ان جمال الوالي صار المريخ ,, فالمريخ ابقي وله قبل جمال الوالي رؤساء لهم مادحون وقادحون
لم اتجرأ بإساءتك ولن اتجرأ لا انت ولا غيرك , فما هكذا تعودت ,
وانت لا تعرفني
اما حديث الرسول الكريم صلي الله عليه وسلم ,, فهذا قول قتل بحثا وكتابة وخير من رد عليه دكتور محمد حسين هيكل في كتابه حياة محمد
لا اريد ان اناقش في الدين , فالدين قناعة موغلة في الشخصية
إن اصابك حديثي المنقول بقصد الطرفة في الوالي بضر ,, فقد اصابني حديثك حول الرسول ص بضر اكبر ,, وما تدافع عنه يحسب نفسه خليفه له
لم ارد لاني ادخل النت لماما وسؤ شبكة
|
Post: #16
Title: Re: هههه نكتة جمال الوالي ,, وقعتك سودة
Author: عبداللطيف حسن علي
Date: 06-17-2014, 02:04 PM
Parent: #15
شكرا علي الرد عبدالحفيظ
Quote: مرحبا عبداللطيف
وحبابك
رغما عن تعاطفي معه في عنوان البوست المرح
لم أكن من اكثر ناقل لطرفة |
هذا هو نفسه الترويج الذي يحدث الان عن هذه الحادثة ، سواء سميتها طرفة او غيره ، لم تخرج عن إطار التهكم !
Quote:
لا احد خط احمر ما دام انبري للعمل العام ,
ولا أظن ان جمال الوالي صار المريخ ,, فالمريخ ابقي وله قبل جمال الوالي رؤساء لهم مادحون وقادحون
|
قبل دي حاجة تانية ! الان لا احد يريد ان يتقدم لشغر هذا المقعد الناري الا في وجوده هو !
Quote:
لم اتجرأ بإساءتك ولن اتجرأ لا انت ولا غيرك , فما هكذا تعودت ,
وانت لا تعرفني
|
لفظة جلافيط مقابل للفظة دلاقين ، ليست جديدة في المنتديات !
وهذه الهجمة المغرضة ، يقودها هلالاب ، ان لم تكن منهم فانت تخدم اغراضهم !
Quote:
اما حديث الرسول الكريم صلي الله عليه وسلم ,, فهذا قول قتل بحثا وكتابة وخير من رد عليه دكتور محمد حسين هيكل في كتابه حياة محمد
لا اريد ان اناقش في الدين , فالدين قناعة موغلة في الشخصية
إن اصابك حديثي المنقول بقصد الطرفة في الوالي بضر ,, فقد اصابني حديثك حول الرسول ص بضر اكبر ,, وما تدافع عنه يحسب نفسه خليفه له
لم ارد لاني ادخل النت لماما وسؤ شبكة |
هذه المسالة ، ليست من عندي ، ويمكنك ان تدخل علي تفسير البغوي مثلا لتعرف المسالة ، لايهمني ترقيع هيكل فالمسالة واقعة تاريخية!
اما ان جمال الوالي يعتبر نفسه خليفة فهذه لاتعدو دعابة سياسية ، نحن لانري فيه غير رئيس لنادي المريخ !
واعتذر لاصابة مشاعرك الدينية بواقعة مدونة في كتب الاحاديث والسير ....
|
Post: #17
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-17-2014, 02:15 PM
Parent: #16
مرحبا عبداللطيف
وحبابك
للأسف لا اشجع كرة القدم ولا علاقة لدي بالرياضة لا صغيرا ولا كبيرا ,, ولا اقرأ للرياضة ,, بل انا هدفا لمعارفي سخرية بجهلي في الرياضة
اما عن حديث اللات والعزي و مناة الثالثة الكبري تلك الغرانيق الاولي وان شفاعتهن لترتجي فهو خارج اطار البوست
كامل الود
|
Post: #18
Title: Re: هههه نكتة جمال الوالي ,, وقعتك سودة
Author: كمال عباس
Date: 06-17-2014, 02:32 PM
Parent: #17
تحياتي أستاذ عبد الحفيظ أبوسن
كتب في بوست آخر
.Quote: مال الوالي ذكر وبالحرف الواحد
ربنا سبحانه وتعالي قال "العارف عزو مستريح"
جمال الوالي- خريج جامعي يعني متعلم ومنتمي- لأحدي جماعات الإسلام
السياسي- يعني ما شخص أمي أو عامي- فلذا من المستغرب أن يختلق كلاما
وينسبه لله تعالي ! أو يستشهد بمثل عامي ويزعم أن الله تعالي قال به !
من يبرر لهذا الكلام الفج يفتح المجال واسعا لأي شخص أن يستشهد
ببيت شعر أو مقطع من أغنية وينسبها لله تعالي !
* لم يتبقي بعد هذا الإ يردد بعضهم بعد عبارة "العارف عزو مستريح"
صدق الله العظيم .. أحسنت ياشيخ الوالي ! ولانستبعد بعد هذا أن ينسب
الوالي شعار بالطول بالعرض مريخنايهز الأرض' للرسول الكريم !
* الكلام واضح والسقطة جلية ولايمكن تبريرها ! |
من المؤسف أن يقوم البعض بمناقشة ( أراء جمال الوالي السياسية والفكرية والشخصية) إنطلاقا من العصبية الرياضية والولاء الـكروي وعقلية هلال مريخ في أفق بعض البسطاء- أنا مثلا هلالابي ولكني لم أجد نفسي مدافعا صلاح إدريس في أرائه أو مواقفه السياسية ناهيك عن أشكل من نفسي درعا في مواجهة من ! وطبعا تجدني أقف ضد تسبس نادي الهلال بلون الإنقاذ وأقف ضد عناصر المؤتمر التي زرعت في قمة النادي لتحقيق أجند سياسية!
** لست مشجعا ساذجا أو مهوسا بحيث تعميني العصبية الرياضية عن تغول الإنقاذ علي الأهلية الرياضة وصبغ الأندية بصبغة الإنقاذ وتمرير أجندتها البائسة عبر المؤسسات الرياضية والإجتماعية ! .رحم الله الطيب عبد الله وأبو العائلة ورحم الله أنديتنا من إدارات زمن الغفلة وأصحاب الاجندة السياسية المعادية لشعبنا .....
|
Post: #19
Title: Re: هههه نكتة جمال الوالي ,, وقعتك سودة
Author: Abureesh
Date: 06-17-2014, 02:40 PM
Parent: #18
Quote:
كانت بتسمي سورة المعاون .. سورة الـعِـده ...
|
محمد مجيدو
"سورة المعاون" دى صلحها قبل الجماعة يجو هابرين
|
Post: #21
Title: Re: هههه نكتة جمال الوالي ,, وقعتك سودة
Author: عبداللطيف حسن علي
Date: 06-17-2014, 03:02 PM
Parent: #19
Quote: من المؤسف أن يقوم البعض بمناقشة ( أراء جمال الوالي السياسية والفكرية والشخصية) إنطلاقا من العصبية الرياضية والولاء الـكروي وعقلية هلال مريخ في أفق بعض البسطاء- أنا مثلا هلالابي ولكني لم أجد نفسي مدافعا
صلاح إدريس في أرائه أو مواقفه السياسية ناهيك عن أشكل من نفسي درعا في مواجهة من ! وطبعا تجدني أقف ضد تسبس نادي الهلال بلون الإنقاذ وأقف ضد عناصر المؤتمر التي زرعت في قمة النادي لتحقيق أجند سياسية!
** لست مشجعا ساذجا أو مهوسا بحيث تعميني العصبية الرياضية عن تغول الإنقاذ علي الأهلية الرياضة وصبغ الأندية بصبغة الإنقاذ وتمرير أجندتها البائسة عبر المؤسسات الرياضية والإجتماعية !
.رحم الله الطيب عبد الله وأبو العائلة ورحم الله أنديتنا من إدارات زمن الغفلة وأصحاب الاجندة السياسية المعادية لشعبنا .....
|
بتعرف حاجة اسمها مرضان كورة !
ماممكن تحاكم مرضان كورة بمقاييسك التي تناقش بها في البوستات السياسية والفكرية !
هذه مسالة مختلفة لايعلمها الا (مرضان الكورة زي كدا )!
جمال الوالي هذا في دنيا الواقع (بعيدا عن السياسة ) لايوجد غيره ، يستطيع قيادة نادي المريخ
اي ( حواء عقمت في هذا المقام ) ! وهذه القاعدة المريخية العريضة تدعم جمال الوالي وتختلف
او تتفق معه سياسيا ، هذه مسالة اخري ، وفي هذا المجال لايهم المشجع سوي قدرة الرئيس
علي جلبه للعيبة كرة قدم علي مستوي عال ، يفرح المشجع الذي يدخل الاستاد وهو (فقير) وكل عزاؤه
هو هذه اللعبة في حياة كلها نفاق وفساد وكذب ومداورة الخ .....
فإن كنت لاتنطلي عليك الاعيب الانقاذ في مجال الرياضة ، فهناك المشجع الذي يفرق بين
جمال الوالي الكوز وجمال الوالي رئيس النادي الذي يفرحه او يغضبه حسب مجريات الاحداث
لكن الوقائع اثبتت ان الاخرين لايقوون علي منافسته !
فالسذاجة اذا لها عدة اوجه !!
|
Post: #23
Title: Re: هههه نكتة جمال الوالي ,, وقعتك سودة
Author: كمال عباس
Date: 06-17-2014, 03:29 PM
Parent: #21
تحياتي أستاذ عبد اللطيف حسن علي
Quote: فإن كنت لاتنطلي عليك الاعيب الانقاذ في مجال الرياضة ، فهناك المشجع الذي يفرق بين
جمال الوالي الكوز وجمال الوالي رئيس النادي الذي يفرحه او يغضبه حسب مجريات الاحداث
لكن الوقائع اثبتت ان الاخرين لايقوون علي منافسته !
فالسذاجة اذا لها عدة اوجه !! |
للسذاجة وجه واحد ! ومنطق واحد في رأي ! لايهمنا هنا دفاع مشجع مريخي عن مجال الوالي في القضايا التي تهم المريخ ! مايهمنا هنا هو الاتكون
العصبية الرياضية مدخلا للدفاع عن عن جمال الوالي في الحقل الإقتصادي أو الجانب السياسي - أو المذهبي أو خندق الإسلام السياسي الخ
بقاء الوالي في قيادة المريخ أو ذهابه لاعلاقة له بنقده والتصدي له في جوانب أخري لذا قلت ( أنا مثلا هلالابي ولكني لم أجد نفسي مدافعا صلاح إدريس في أرائه أو مواقفه السياسية ناهيك عن أشكل من نفسي درعا في مواجهة من ! وطبعا تجدني أقف ضد تسبس نادي الهلال بلون الإنقاذ وأقف ضد عناصر المؤتمر التي زرعت في قمة النادي لتحقيق أجند سياسية! ) أتفهم ( وإن أختلفت) مع محمد المشرف المريخابي المتعصب مثلا إذا ما دافع عن جمال الوالي في الشئون الرياضية وفي مواجهة الهلال والاتحاد العام والإعلام الرياضي ولكني لن أتفهم بل ساأستغرب إن دافع عن إنطلاقا من عصبية الرياضةفي الحقل الإقتصادي والسياسي والرأي الديني والإستشهاد القراني! *
** ولك وافر الإحترام والتقدير
|
Post: #20
Title: Re: هههه نكتة جمال الوالي ,, وقعتك سودة
Author: عباس الدسيس
Date: 06-17-2014, 02:50 PM
Parent: #18
ود ابوسن اخبارك يا حبيبنا
علي منوال نكتة جمال الوالي.
دخلنا صلاة الظهر ولقينا الامام فايتنا بي ركعه
بعد الصلاة انتهت قمت عشان اجيب الركعه الفاتنا بيها الامام
كان في واحد سعودي جاري في الصلاة دخل معاي في نفس المواعيد وكانت فايتاهو ركعه
برضو قام معاي عشان اتم صلاتو لاحظت ليهو بدل ركعه واحده عمل اثنين بعد انتهي حاولت انبهو دار الحوار التالي:
أنا : يا شيخنا صلاتك غلط
هو : الغلط فيها شنو يا زول ناقصة و ل ايه ؟؟
أنا : عملت ركعه زايده مفروض تصلي ركعه واحده
هو : مافي مشكله ما دام زياده كويسه مع الله
شيخنا جمال الوالي قاصد اعمل اضافة
|
Post: #22
Title: Re: هههه نكتة جمال الوالي ,, وقعتك سودة
Author: كمال عباس
Date: 06-17-2014, 03:09 PM
Parent: #18
وكتبت في بوست آخر
....Quote: واعي لحقيقة أن البعض ووظف الدين كأداة في هذا الصراع وكسلاح يخدم أجندته الدينيوية بحيث أضفي علي ممارساته طابعا مقدسا - لذا يصبح من الضروري إماطة هذا اللثام وكشف الوجه الحقييقي للمتاجريين بالدين والمتستريين خلف شعاراته وفضح تناقضهم مع قيم الدين بل تشويههم لرسالته! * جمال الوالي أحد أركان مشروع الإنقاذ الإسلاموي وأحد المقربيين - لأسرة البشير والحلقة الضيقة المحيطة به! لذالا أجد غضاضة إطلاقا في توظيف جهله الفاضح
بالدين الذي يتستر حزبه به ! وكشف تناقض الممارسة والسلوك والمعرفة مع شعار الدين المرفوع علي أسنة الرماح!
والشاهد في هذا أنه من الطبيعي والواقعي أن يتم تناول - ظاهرة تناقض الإسلام السياسي -وشخوصه مع منبع الدين وحقيقة متاجرتهم بالدين وتوظيف المعتقدات لصالح مشروع سياسي
.... |
|
Post: #24
Title: Re: هههه نكتة جمال الوالي ,, وقعتك سودة
Author: عبداللطيف حسن علي
Date: 06-17-2014, 04:09 PM
Parent: #22
شكرا علي الرد كمال عباس:
Quote: مايهمنا هنا هو الاتكون
العصبية الرياضية مدخلا للدفاع عن عن جمال الوالي في الحقل الإقتصادي أو الجانب السياسي - أو المذهبي أو خندق الإسلام السياسي الخ
بقاء الوالي في قيادة المريخ أو ذهابه لاعلاقة له بنقده والتصدي له في جوانب أخري |
في خيط لي قبل قليل ، قلت لايهمني ان يكون الوالي كوز او شيوعي او شيطان !
يهمني ان الهجمة في كل وسائط الاعلام يقودها افراد لغرض معلوم ، سلاح في غير مكانه ، والمقصود ساحة
اللعب الرياضي التنافسي ....
جمال الوالي مجرب لدي المريخاب ، لم تلد حواء -بعد- غيره ! وهنا يهمني وجوده في نادي المريخ وحسب
ولايهمني في هذا المجال شيئا اخر ، مؤسساته وافكاره وغيره ....اي ندافع عنه لمصلحة المريخ في المجال الرياضي
ضد الحملات الموجهة له بقصد تعويق مسيرة النادي حاليا !
اما الدفاع عنه فيما يخص الفيديو فهو امر لانسيسه في غير مكانه ، فخطأ كهذا عادي ويقع فيه حتي الانبياء !
الغريب ان البوستات تحكي عن الاسلام الشعبي الملئ بالنكات عن الناس وهو امر عادي لاناس عاديون ، لكن
خطا جمال كان تحت الضغوط وكلنا يعرف ان الانسان يخطئ في هذه الحالات فلاداعي لتحميل الامر ابعادا
اخري بغرض كسب سياسي مؤقت ، ورياضي خبيث !
مودتي
|
Post: #25
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-17-2014, 04:12 PM
Parent: #22
هذا البوست لم يكن يحمل غرضا سوي الطرفة التي ابدعها السودانيون ,, ######ر الناس من الزعماء وغيرهم في الدول الديمقراطية علنا حتي مرحلة تقليدهم وتجسيد شخصياتهم ,, قلدوا طريقة كلامهم ومشيتهم ولم يكن الامر اكثر من ذلك
لكننا نخلق آلهتنا بأيدينا وينتفي ذلك الخيط الواضح بين شخصياتهم ومهتهم التي عرفناهم بها ,,,
اضمحل الوطن وصار الرئيس ,, فضاع الوطن ,, ندافع عن الرئيس اكثر من دفاعنا عن الوطن
وهنا تماهي الوالي مع المريخ حتي صار هو المريخ , وما الوالي الا رئيسا لفريق ضخم اذا نجح بقي وإلا ذهب ,, ولكننا حين ننظر نحوه كانه المريخ فسيظل فوق النقد والاصلاح ,, والنتيجة سينهار المريخ ,, فلا احد يمتلك وحده مفاتيح الحل ,,
|
Post: #26
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-17-2014, 04:18 PM
Parent: #25
اووووو عبس
حاربتنا
واحدن من اهلنا ,, سألوهو
كم عدد السور
قال ميتين
قالو ليهو
114
قال ليهم
انا بدور ازيد لي الله وانتو بتدورو تنقيصو ليهو
|
Post: #27
Title: Re: هههه نكتة جمال الوالي ,, وقعتك سودة
Author: بدر الدين الأمير
Date: 06-17-2014, 04:37 PM
Parent: #26
غايتو يا ابوسن
لوقاربنا لكمة زولنا معاوية البرير للحكم الجزائرى مع آية جمال الوالى
يبقى المريخ فات العالمية ووصل السماء
والمرخابى صديق الموج بعد ماعرف عزو من حقو يمدد كريعاتو ويدعى النبوة
|
Post: #28
Title: Re: هههه نكتة جمال الوالي ,, وقعتك سودة
Author: MOHAMMED ELSHEIKH
Date: 06-18-2014, 06:27 AM
Parent: #13
السر ود خالتي في تالتة ابتدائي سأل الأستاذ الطلاب من هو الخليفة التالت؟
السر : فندي فندي فندي فندي فنديييييييييييييييييييي
الأستاذ : ايو يا السر
السر: محمد الأمين ودموسى
ودا الوالد رحمه الله كان خليفة الختمية في المنطقة
|
Post: #29
Title: Re: هههه نكتة جمال الوالي ,, وقعتك سودة
Author: إدريس البدري
Date: 06-18-2014, 06:55 AM
Parent: #28
أخوي سألوهو
من هي مرضعة الرسول صلى الله عليه وسلم؟
بعد تفكير قال:
حليمة الحلبية
|
Post: #30
Title: Re: هههه نكتة جمال الوالي ,, وقعتك سودة
Author: ياسر منصور عثمان
Date: 06-18-2014, 09:24 AM
Parent: #1
مش في قصة بتحكي عن الاب السأل ولدو قدام الناس (نظام شو وكده) وقال ليهو الليلة حفظت شنو من القرأن؟
الولد قال لابوهو حفظت سورة البلد ..
الابو مبسوط قال ليهو اقرا لينا ..
الولد بدا يقرا::
لا اقسم بهذا البلد وانت حل بهذا البلد ووالدي بلا ولد
الابو لطشو كف رماهو في الواطة وقال ليهو (صحي الوالد الانت ولدو بلا ولد)..
---بتصرف وكده_
|
Post: #31
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-19-2014, 06:25 AM
Parent: #30
ههههه
كتر خيركم
قيل
الانسان بأصغريه قلبه ولسانه
|
Post: #32
Title: Re: هههه نكتة جمال الوالي ,, وقعتك سودة
Author: محمد مجيدو
Date: 06-19-2014, 10:33 AM
Parent: #1
ابو الريش .. سلام
وشكرا على تنبيهي بالغلطه المطبعيه
ولقد حاول ايضا اخونا هارون دياب تنبيهي
الا انني لم اتدارك ذلك الا اخيرا ...
فشكرا لكما ..
ابو سن ياااخ ... ادينا نظره ولو بالعين البايظه ...
هاكم القصه دي .. وهي حقيقيه ..
كان في سوداني .. وبعض مرات يأم المصلين .. وبقراء سور طويلة ...
المصلين نبهوه .. بان يقصر في الصلاة .. يعني ما يقراء سور طويلة
لانو في ناس كبار .. وما بتحملوا الوقوف ..
في يوم صلى بالناس العشاء .. وبداء يقراء ايات من سورة البقره ..
وصاحبنا طول شوية في القراءة .. وبداء يردد الايه اكثر من مره
ومنتظر واحد من المصلين يصلحوو لانو نسى الايه البعدها .
المهم .. واحد من المصلين وكان يمني .. زهجان من الامام دا شديد ..
وبصوت عالى قال .. ما حد يعلموو ( يعني مافي زول يصلحو ) .
غايتو ناس قطعوا الصلاه من الضحك ....
عالم بطاالــــــــــه
|
Post: #33
Title: Re: هههه نكتة جمال الوالي ,, وقعتك سودة
Author: عمر السلمة
Date: 06-19-2014, 11:06 AM
Parent: #1
واحدة قريبتنا، زماااااان كانت مع اختها في قرية قريبة مننا ..اها دخلوها المدرسة هناك ..في الامتحان الاستاذة سألتها : أبونا آدم مرتو منو ؟؟ قال ليها : هووي أنا ما من الحلة دي !!!!
|
Post: #34
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-19-2014, 01:17 PM
Parent: #33
ههههههه
خطيرة لكن والله
يا دفعة
شبكة زين شينة
والله اكتر من رد راحن سان
قبيل كتبت ليك رد وراح
ف
عذرا للجميع
الله لا تاجر زين
|
Post: #35
Title: Re: هههه نكتة جمال الوالي ,, وقعتك سودة
Author: Dr. Ahmed Amin
Date: 06-19-2014, 01:44 PM
Parent: #34
ههههههههههههههههههههه
والله غيرتو لي ال mood ،،،،،
بت أختي لمن كانت صغيرة في المدرسة دروسهم سورة القارعة
لمن رجعت البيت سألوها إها أدو كم شنو في المدرسة
قالت ليهم ادونا سورة الفستان المنفوش ،،،،
|
Post: #36
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-19-2014, 11:58 PM
Parent: #35
كتر خيركم كلكم
ثقافة جديدة بقت
غايتو الختاها الوالي قعدت
|
Post: #37
Title: Re: هههه نكتة جمال الوالي ,, وقعتك سودة
Author: عبدالحفيظ ابوسن
Date: 06-26-2014, 02:44 PM
Parent: #36
وبعد مريم
تقول المقولة
إن التاريخ لا يعيد نفسه
فإن عاده
ففي الاولي مأساة
وفي الثانية ملهاة
محاولات لإستتابة الوالي او اتهامه بالردة
|
Post: #40
Title: Re: هههه نكتة جمال الوالي ,, وقعتك سودة
Author: cantona_1
Date: 06-26-2014, 03:28 PM
Parent: #37
الأخ ود اب سن بعد السلام
تصوم وتفطر على خير. بالله عليك رسل لي ايميلك في الخاص لو ما فوقا حاجة. والسنة الجاية بجيب كرتونة منقة خاصة من ابو جبيهة مش منقة السوق البتشوفها في اللواري دي لناس الخرتوم بس نحن في ابو جبيهة ما بناكلها
تحياتي.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
|
Post: #39
Title: Re: هههه نكتة جمال الوالي ,, وقعتك سودة
Author: cantona_1
Date: 06-26-2014, 03:24 PM
Parent: #33
الأخ عمر السلمة بعد السلام
الله يبارك فيك وتصوم وتفطر على خير. قرأت البوست حتى وصلت مداخلتك وضحكت حتى دمعت عيناي.
البت دي صادقة ولو تابعت مسيرتها الآن لعرفت عنها هذه الحقيقة. الله يديكم العافية.
تحياتي.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
|
|