Post: #1
Title: شكر / اتهام من تراجى مصطفى فى موضوع معتقلى النهود
Author: بدر الدين اسحاق احمد
Date: 06-14-2014, 10:12 AM
تتفق / تختلف مع تراجى مصطفى شى طبيعى لكنها حريصة اشد الحرص على تمرير جملة من المفاهيم مثل هذا المقال
Quote: الاهتمام بابراهيم الشيخ و اهمال بقية معتقلي المؤتمر السوداني(الدارفورين) اهو(طبقيه) ام(عرقيه)مستتره
والكلام لبقية الناشطين من غير عضوية المؤتمر السوداني هنا
لانهم الي حد ما تابعت و رصدت انهم يكتبون بحياد او سمها دقه
السؤل:
للبقيه البلفحوا من الفيس بوك……
الا تعلموا انه في احد السوابق القضائيه الخطيره انه هذه العضويه قد تم (الحكم) عليها
وحكموا بالسجن 6 اشهر ؟!
اي صار لهم سجل قضائي !!
في العالم الاول اسمه صارت لهم ( سابقه ) ….ولو تكررت يصيروا من اصحاب السوابق او مترددي السجون!!
وهذا يفترض اعتقال سياسي
يعني حتي بقية معتقلي الاحزاب افضل منهم حالا لانه سيطلق سراحهم(اعني الشباب و الطلاب) بلا سوابق !!
اما عضوية المؤتمر السوداني الذين تم اعتقالهم في النهود من ابناء دارفور …ولاحظوا كل هذه التفاصيل
اتعمد ذكرها…المدينه هي (النهود) يفترض عضوية المؤتمر السوداني تكون من ابناء المنطقه…لكن في سلوك غريب
نجد انه المؤتمر السوداني عنده عدد من اولاد دارفور قاطرنهم كانهم كمبارس….او عمال ندوات يلقطوا الكراسي و يجيدون الهتاف و……و…..الخ.
والا فلماذا ليس المعتقلين من الحمر او الجوامعه او ناس دار حامد من اهالي شمال كردفان؟!
الترصد العرقي….اياكم ان تقنعونا انه سيتم علاجه بالتجاهل و الادعاء بانه مصيده انقاذيه لا تسقطوا فيها !!
يجب علي الجميع قولها
ويجب علي الجميع تجنب السقوط فيها
اي ناشط بيتحدث عن ابراهيم الشيخ و يهمل بقية العضويه هو عنصري مثله مثل المؤتمر الوطني.
او تكون فعلا طبيقه ومعنها صرنا ندافع عن الناس حسب قدراتهم الماليه.
وبرضو اذا كده نتمني تكون عندكم الشجاعه تكتبوا الكلام ده …عشان نوثق ليه….وعشان الحساب و لد لقدام.
نفس الناس العاملين فيها قاموا وقعدوا من اجل ( رضوان دواؤو) الان لا يحفظوننا حتي اسماء هؤلاء البواسل
فهل الدارفوري الا يتزوج خواجيه ويبقي عنده اقامه بامريكا حتي يستحق تضامنكم؟!
وين ناس قرفنا وطشرنا اؤلئك؟!
مع ادانة اعتقال ابراهيم الشيخ
وادانة الاعتداء علي مقر حزب المؤتمر السوداني بالنهود
وادانة حكم شباب المؤتمر السوداني ب 6 اشهر سجن! |
|
Post: #2
Title: Re: شكر / اتهام من تراجى مصطفى فى موضوع معتقلى النهود
Author: بدر الدين اسحاق احمد
Date: 06-14-2014, 10:18 AM
Parent: #1
الاهتمام بابراهيم الشيخ و اهمال بقية معتقلي المؤتمر السوداني(الدارفورين) اهو(طبقيه) ام(عرقيه)مستتره
ن!
دا سؤال يصعب الاجابة عليه لجملة من الاسباب :
* هل عضوية حزب المؤتمر السودانى يمثل ابناء دارفور اغلبية فيه .
* دائما بيكون الاهتمام حال الاعتقال برئيس الحزب لرمزيته وتعبيره عن كل الحزب بقياداته وبرامجه .
* كيف تم تصنيف هولاء الشباب بأنهم ينتمون الى دارفور .
* ثم المهم كيف يتم النظر الى عضوية حزب وتصنيفهم بما يمتلكون من مال .
ــــــــــــــــ
مع شكرها لعضوية المؤتمر السودانى ومنحهم صك براءة انهم يكتبون بحياد تام ولا يتلوثون بشبهات عرقية او طبقية
|
Post: #3
Title: Re: شكر / اتهام من تراجى مصطفى فى موضوع معتقلى النهود
Author: بدر الدين اسحاق احمد
Date: 06-14-2014, 10:44 AM
Parent: #2
نجد انه المؤتمر السوداني عنده عدد من اولاد دارفور قاطرنهم كانهم كمبارس….او عمال ندوات يلقطوا الكراسي و يجيدون الهتاف و……و…..الخ.
ما دا واجب شباب كل حزب يا تراجى ...
لقطنا الكراسى
وتعاقدنا مع الساوند
ولصقنا الملصقات
وشكلنا مجموعة الهتافات
وحرسنا ندواتنا
وشبابنا بيسافروا فى كل انحاء السودان منذ زمن الجبهة الاسلامية
وفلقونا / دقونا / فرتقوا لينا ندواتنا
|
Post: #4
Title: Re: شكر / اتهام من تراجى مصطفى فى موضوع معتقلى النهود
Author: بدر الدين اسحاق احمد
Date: 06-14-2014, 10:57 AM
Parent: #3
اي ناشط بيتحدث عن ابراهيم الشيخ و يهمل بقية العضويه هو عنصري مثله مثل المؤتمر الوطني.
دا حكم قاسى كيف توصلتى اليه ...
ــــــــــــــــ
مع انى شايف انو حزب الامة هو من اكبر الاحزاب السودانية ذات العضوية من دارفور .. وكل الناشطين بتاعين الحزب مشغولين بى بنات الامام اعتقلوهن / بنات الامام فكوهن
|
Post: #5
Title: Re: شكر / اتهام من تراجى مصطفى فى موضوع معتقلى النهود
Author: بدر الدين اسحاق احمد
Date: 06-14-2014, 11:08 AM
Parent: #4
Quote: نفس الناس العاملين فيها قاموا وقعدوا من اجل ( رضوان دواؤو) الان لا يحفظوننا حتي اسماء هؤلاء البواسل
فهل الدارفوري الا يتزوج خواجيه ويبقي عنده اقامه بامريكا حتي يستحق تضامنكم؟! |
رش رش رش
ـــــــــــــــ
شديد وبالجمكسين
|
Post: #6
Title: Re: شكر / اتهام من تراجى مصطفى فى موضوع معتقلى النهود
Author: الصادق اسماعيل
Date: 06-15-2014, 05:31 AM
Parent: #5
بدر الدين
طبعا تراجي دايرة تقول انه حزب الموتمر السوداني حزب جلابة، وكلامها دا هسع اولاد حزب الموتمر السوداني بيضحكوا فيه، وفي واحد قلت ليه ما تردوا على كلامها قال تراجي مسكينة قاعدة برة السودان وما عندها اي معلومة عن حزب الموتمر السوداني، وشباب الموتمر السوداني اكتر ناس في السودان بيتكلموا عن التهميش والاستعلاء العرقي ، وهم اول من دخل كلمة تهميش في القاموس السياسي السوداني كمفهوم سياسي وفكري يرتكز عليه الحزب في تعريفه للمشكلة السودانية
وزمان لمن كنا بنتكلم عن الهامش والمركز في اركان النقاش كان الناس بيضحكوا فينا، وجزء من الناس ديل لمن لاقيتم هسع قالوا لي والله ظلمناكم زمان ساكت ######رنا من خطابكم
تراجي بتحب تفتعل المشاكل والمصيبة انها جاهلة بالموتمر السوداني عشان كدا كتبت شتارتها الفوق دي، وفي نفس الوقت حاولت تحييد ناس الموتمر لانها عندها حسابات مع ناس دايرة تصفيها، لكن لجبنها ما قدرت تواجههم وجات باللفة، وسنبلعها هذا البوست
اما بال نسبة لاصطيادك في الماء العكر، فيكيفينا ان الموتمر السوداني قدر يقيف في وجه الحكومة دي بكل قوة لحدي ما اصبح بعبع لكم ولامنجيتكم، وسياسة اعتقال العضوية لن تزيد التنظيم الا قوة والتفاف اكثر من العضوية ودعاية مجانية للتنظيم
وتنظيم الموتمر انتو بتعرفره زي جوع بطنكم وعارفين انه ريسه بكون اول زول في المظاهرات واقف زي وزي اي عضو عادي، لانه قصة منو البيشتغل شنو في الحزب دي في راس تراجي بس
|
Post: #7
Title: Re: شكر / اتهام من تراجى مصطفى فى موضوع معتقلى النهود
Author: بدر الدين اسحاق احمد
Date: 06-15-2014, 10:07 PM
Parent: #6
| Quote: اما بال نسبة لاصطيادك في الماء العكر، |
وين ؟
كيف ؟
|
|